mulimuli ma le fa`amaoni, tautala ma le lototele, ola ma le

MULIMULI MA LE
FA’AMAONI, TAUTALA
MA LE LOTOTELE, OLA
MA LE OLIOLI
POLOKALAME MO MANATUNATUGA LOLOTO O LE
FAGAFULU 2013 A LE CARITAS
POLOKALAME MO
MANATUNATUGA
LOLOTO O LE FAGAFULU
2013 A LE CARITAS
PO Box 12193
Wellington 6144, New Zealand
www.caritas.org.nz
ISSN 2253-3397 (Print)
ISSN 2253-3400 (Online)
Samoan version:
English version:
Tongan version:
Tokelauan version:
ISBN 978-0-908631-52-0 (Print)
ISBN 978-0-908631-53-7 (Online)
Savelina Kasiano
Lisa Beech
Langi Paasi
Eneliko Tovio, Niko Tuia
Pasifika programmes coordinator: David Nonu
Additional advice and input: Mary Betz, Catherine Gibbs,
Elizabeth Wootton
Illustrations:
Tamāriki Ferguson
Design:
Rose Miller
Photographs: Philip Gibbs, Catherine Gibbs,
Emily Benefield, Ryan Worms,
Nick Borthwick
The Caritas Aotearoa New Zealand Lenten reflection programme is available
in English, Tongan, Tokelauan and Samoan language versions.
This programme is a contribution to the
New Zealand Diversity Action Programme
POLOKALAME MO MANATUNATUGA LOLOTO
O LE FAGAFULU 2013 A LE CARITAS
MULIMULI MA LE FA’AMAONI,
TAUTALA MA LE LOTOTELE,
OLA MA LE OLIOLI
Le Tama’ita’i e o le Filemu, o lē e to’afilemū ai matagi uma
Aioi atu mo le Ekalesia i Oseania ina ia maua le malosi
E mulimuli ai ma le loto atoa i le ala o Iesu Keriso
Kia pono te whai atu i te huarahi o Hehu Karaiti,
Ia fa’ailoa atu ma le loto tele le moni o Iesu Keriso
Kia māia te whakapuaki i te pono o Hehu Karaiti,
Ia ola fiafia i le soifuaga o Iesu Keriso
Kia harikoa te manawa i te oranga o Hehu Karaiti.
Ekalesia i Oseania
O se Ta’iala i le fa’aaogaga o le Polokalame a le Caritas o
Manatunatuga mo le Fagafulu
I le Tausaga o le Fa’atuatua, ua vala’auina ai i tatou ina ia ola ma fa’asoa atu lo
tatou fa’atuatua ia i tatou lava fa’apea ma le fa’apotopotoga atoa. E tu’uina
mai e le Fagafulu se avanoa e toe fa’aloloto atili ai lo tatou malamalamaga i lo
tatou fa’atuatua e ala i le manatunatu i Evagelia o le Fagafulu. I le Vaitausaga
o le Fagafulu, tatou te maua ai le avanoa e toe fo’i atu ai i le Atua, e toe
va’ava’ai ai i le fa’atinoga o lō tatou fa’atuatua ma toe tō manatu i mea tatou te
manana’o e suia i ō tatou olaga.
Tataloina o Evagelia o le Fagafulu – Lectio Divina
O le vaega tupito ma le ogatotonugālēmū o le polokalame a le Caritas o
manatunatuga mo le Fagafulu, o fefa’asoaa’iga o finagalo e uiga i Evagelia,
mo Aso Sa e ono o le Fagafulu, i le auala o lo’o fa’atino ai le lectio divina, o se
fa’aliliuga fa’a-Latina, o lona uiga, o le ‘faitau ma le Atua’. O le fa’atinoga o lea
itua’iga o tatalo, e mulimuli i le faitauga muamua o le Evagelia, e toe faitau ai
ma saga faitau e tagata o le fa’apotopotoga, ni upu po’o ni fuaiupu ua tāua iā i
latou. E toe faitau le Evagelia, ma maua ai le avanoa e fetufaa’i ai.
1
Manatunatuga i le Evagelia
A mae’a lenei fefa’asoa’iga o manatunatuga i le Evagelia, e toe ofoina atu e
le Evagelia nisi vaega fa’aopoopo e atili fa’alautele ai fefa’asoa’iga. O le itū e
ave iai le fa’atāua, o le fesoasoani lea ia i tatou ina ia tatou olaina Evagelia – e
fa’asoa ai lo tatou fa’atuatua ma le alofa na foa’i mai e le Atua ia i tatou mo o
tatou tuaoi. Ua mafai ona atina’e lenei vaega ona o finagalo fa’aalia e fa’apea o
kulupu o lo’o va’ava’ai i ni avanoa e fa’alolotoina atili ai lo latou malamalamaga
o le uiga o folafolaga o Evagelia, fa’apea ai ma a’oa’oga o aga feso’ota’i a le
Katoliko fa’apea ai ma le fa’atusatusaga i le galuega a le Caritas ma o latou
soifuaga fa’aleaso.
O nisi vaega fa’aopoopo o lo’o fa’aaogaina mo le tapenaga o lea
polokalame
I le tapenaga o le polokalame o lenei tausaga, na tusia ai e le Caritas Aotearoa
Niu Sila ni mataupu e aofia ai:
• Porta Fidei: O le feau a Pope Penitito o le 2011 o fa’alauiloa ai le Tausaga o
le Fa’atuatua mai iā Oketopa 2012 e o’o atu iā Novema 2012;
• Ekalesia i Oseania: O ni manatunatuga muamua e fa’atatau i le
fa’atalaleleiga fou, ma lona uiga mo le Ekalesia o Oseania, na tusiaina e
Pope Ioane Paulo II i le 2001, ina ua mae’a le Sinoti a Epikopo o Oseania
• O manatunatuga ma a’oa’oga i Evagelia mo le Fagafulu, mai lauga a Pope
Penitito ma manatunatuga i tatalo o le Agelu i tausaga ua mavae atu;
• O polōketi ma polokalame a le Caritas
• O le malamalamaga o tagata faigaluega a le Caritas mai galuega fa’atino
ma ā matou pa’aga, a’o tatou manatunatu ma fefa’asoaa’i i mataupu
po’o feau mai Egavelia mo le Fagafulu 2013 mo a tatou galuega mo le
faimeatonu ma le filemu.
Tatalo
E ofoina mai e le polokalame ni fautuaga mo tatalo, e aofia ai Tatalo Amata lea
e aofia ai ni vaega mai le pese fa’ai’u o le Ekalesia i Oseania, o ta’uta’u atu iā
Maria, o ia o le Sulufaga o le Ekalesia o Oseania. O lo’o fa’avae tatalo fa’ai’u mo
fa’atasiga ta’itasi, mai Salamo mo Aso Sa e ono o le Fagafulu. Afai e iai se auala
e manana’o iai lau kulupu mo le fa’atinoga o tatalo, fa’amolemole, e iā te outou
le sa’olotoga e sui ai nei tatalo, mo se fa’ata’ita’iga, e fa’aaoga ai tatalo aloa’ia
masani a le Ekalesia, po’o tatalo e pei o talosaga lautele. O le mea pito sili ona
tāua, o le maua o le taimi e tatalo fa’atasi ai.
2
Fa’aliliuga o le Tusi Paia
O folafolaga o Tusi o Evagelia e maua mai le Tusi Paia Ierusalema, o se tasi o
fa’aliliuga ua talia aloa’ia mo le fa’aaogaga i sauniga lotu. Fa’amolemole, pule
outou pe faitau Evagelia o lo’o i le Tusi Paia mai se isi fa’aliliuga.
Kulupu mo fefa’asoaa’iga o manatunatuga o le Fagafulu
O fa’alapotopotoga o lo’o fa’aaogaina lenei polokalame, o lo’o aofia ai palisi
Katoliko, fa’alapotopotoga ekiumene, aiga, fa’alapotopotoga o tagatānu’u
eseese, fa’alapotopotoga fa’alelotu, o ē e nonofo i fale o tagata matutua,
ma kulupu i totonu o falepuipui. E iai ni palisi ua fa’atulaga aloaia ni taimi i
le ao po’o le afiafi mo ni mafutaga tatalo a latou lava fa’alapotopotoga. Ua
fa’aopoopoina le fa’aaogaga o le polokalame i ni auala fou eseese; mo le
fa’ata’ita’iga, e iai aiga ua filifili e manatunatu ma tatalo fa’atasi mo vaiaso e
ono o le Fagafulu. E mafai ona fesuia’i le polokalame e fa’afetaui i mana’oga o
lā outou kulupu po’o le fa’alapotopotoga.
O le matāfaioi a le ta’ita’i, o le fesoasoani i le kulupu po’o le fa’alapotopotoga,
e ala i le fa’atepa taula’i i le polokalame ma tu’uina atu iai se fa’atulagaga
fa’ata’atia o le fa’atasiga, fa’apea ai ma le fa’alototelega o sui o le kulupu e
fa’asoa ma fa’alogo i isi. O lea matafaioi, e mafai ona fa’aaogaina e se tagata e
to’atasi ua filifilia mo fa’atasiga uma, ae e mafai fo’i ona fa’asolo i tagata uma o
le kulupu.
E tofu uma sui ta’itasi o kulupu mo le Fagafulu, ma o latou lagona ma
malamalamaga iō latou soifuaga, o ā latou faigamalaga o le fa’atuatua, o
meaalofa eseese ma silafia eseese. E tofusia fo’i tagata ta’itasi ma lona sao
telē e folasia atu i manatunatuga fa’alevaiaso. O se tapenaga e tepa taula’i iai
le tatalo – ia tutu se moli sela, ia iai se Tusi Paia, fugala’u, nisi fa’ailoga va’aia
– ma se musika talafeagai, e tātā malie a’o fa’agasolo manatunatuga, ona e
fesoasoani tele lea faiga.
Tali
O se fa’amoemoega tāua o lā tatou fa’atinoga o tatalo mo le Fagafulu,
fa’amatelaina ma le lima foa’i, o le suia lea o ā tatou amioga ma ia tali atu
ma le alofa i ō tatou tuā’oi. E fa’amae’a fa’atasiga ta’itasi i se vala’aulia ma se
avanoa e mafai ona faia ai se taumauga a le ta’ito’atasi lava ia, ina ia fa’atino ai
lo tatou fa’atuatua.
3
Auivi o le Fa’atasiga
E mafai ona i le va o le 60 ma le 90 minute le umi o se fa’atasiga. E mafai ona
mulimuli i se taimi fa’atulagaina fa’apenei:
• Fa’afeiloa’iga, tatalo amata ma fefa’asoaa’iga 10-15 minute
• Uiga po’o le si’osi’omaga o le Upu a le Atua, Folafolaga o le Evagelia ma le
Tali 15-25 minute
• O manatunatuga i le Evagelia ma fetufaa’iga 30-40 minute
• Tali ma taumauuga a tagata ta’itasi 5-10 minute
• Tatalo Fa’ai’u 5-10 minute
4
Fa’atalosaga a Epikopo o Niu Sila mo le Fagafulu: Vaiaso 1
O se tasi o polōketi o lo’o lagolagoina ona o foa’i mo le Fagafulu i le
Caritas Aotearoa New Zealand
Inspection of cocoa tree, Kapo community,
Papua New Guinea. Photo: Philip Gibbs
…ua tofotofoina…
Na va’aia e aiga i Kapo, o se nu’u i Kimbe, Papua Niu Kini, le fāoa ese atu
o eleele o ō latou nu’u tuāoi ma ua leai fo’i se agaga fa’alemafutaga, a’o
fa’alautele ma fa’atetelē fa’atoaga a le malō mo la’au o le pama e maua ai le
suau’u. O le tosina i auala faigofie ma le pupu’u e maua ai tupe, ua fatufatu
ai ma ni tulaga ogaoga ma le mata’utia. E le’o le lumana’i lea na finagalo iai
tagata o Kapo, o le ala lea na o latou talosagaina ai se fesoasoani.
O le tali atu lā i lea talosaga, na mafua ai ona fa’atulaga se polokalame e
maua ai tupe i totonu o Kapo, ae lagolagoina e le Caritas Papua Niu Kini ma le
Caritas Aotearoa New Zealand. E mafai e tagata o Kapo ona fa’aputuputu ia
lava ni tupe maua e soifua ma ola ai, mai se polokalame amata, o le totōga o
ni la’au o koko ma fatu o niu fa’apea ma tara, cassava, pateta ma fuala’au aina
mata, e tusa ma le 20,000.
Ua mafai nei e tagata ona taofi lo latou tosina atu i polokalame ia e maua ai
ni tupe mo se taimi pu’upu’u, mai le fa’atauga o fanua ona ua o latou maua le
avanoa e filifili ai mo se auala e pito sili ona lelei mo i latou lava ma o latou aiga.
5
FA’ATASIGA MUAMUA
Aso Sa Muamua o le Fagafulu : Filifili le ala sa’o
E tatau ona tatou toe maua se lagona o le fafagaga o i tatou i le upu a
le Atua, na tu’uina mai ma le fa’atuatua e le Ekalesia, fa’atasi ai ma le
falaoa o le ola, na ofoina mai o se fa’amalie loto tumau mo ona so’o.
Pope Penitito XVI: Porta Fidei, 2011
Tatalo Amata
Ta’ita’i: : Le Ali’i e Iesu, ua e fa’ailoa mai ia i matou le ala moni ma le
malamalama. Fa’amalosi i matou e ala i lou Agaga ina ia matou filifili
i le ala tonu.
Fa’atasi: A’o matou folau atu i vasa o lenei lalolagi,
Ma nofoaga tu’ufua o ō matou vaitaimi
Faailoa mai ia i matou, Maria e, le fua o lou alo,
Auā a aunoa ma lou Alo, ua matou leiloloa
Tatalo ina ia matou lē solomuli i le faigamalaga o lenei olaga
E lē gata i o matou loto ma mafaufau, i upu ma amioga, i aso o le
leaga ma aso to’afīmalie
Matou te va’ai tumau ai pea iā Keriso ma fa’apea atu,
“O ai ea lenei, e o’o i le matagi ma le sami e usiusita’i ia te Ia?”
Ekalesia i Oseania
Fetufa’iga i kulupu
Ta’ita’i: O le a se mea o ‘ē faamoemoe e fai i lenei Fagafulu?
FOLAFOLAGA O LE EVAGELIA
Faitau e se tasi o le mafutaga. Fa’aaoga le Tusi Paia po’o le Faitauga o i lalo.
FAITAUGA MAI LE EVAGELIA LUKA 4:1-13
Ua fo’i ae Iesu mai Ioritana, ua tumu o ia i le Agaga Paia, ona Ta’ita’iina lea o ia
e le Agaga i le mea tuufua, ua faaosoosoina e le tiapolo i aso e fagafulu. O aso
lava ia e le’i taumafa ai e ia sina mea e tasi; ua mavae ia aso, mulimuli ane ona fia
taumafa ai lea o ia.
6
Ona aveina a’e lea o ia e le tiapolo
ma fa’aali ia te ia malō uma o le
lalolagi, ua se emo lava. Ona fai
mai lea o le tiapolo ia te ia, ‘Ou te
avatu ia te oe lenei pule uma, ma lo
latou mamalu; auā ua tuuina mai ia
te a’u, ou te avatu ai fo’i i lē ou te
mana’o iai. O lenei, afai e te ifo mai
ia te a’u, e fai ma a’u nei mea uma.’
Ona tali atu lea o Iesu ia te ia, “Ua tusia, E te ifo i le Alii lou Atua, ua na o ia lava
e te auauna iai.”
Ona ave ai lea o ia ia te ia i Ierusalema, ua fa’atū ia te ia i le tumutumu o le
malumalu, ona fai mai lea o ia ia te ia, ‘Afai o oe o le Alo o le Atua, i na oso ia oe
i lalo i le mea nei; auā ua tusia, E poloa’i o ia i ana agelu ia te oe, e tausi ia te oe;
ma o lenei fo’i, latou te ave ia te oe i o latou lima, ne’i tu’ia lou vae i se maa.’
Ona tali atu lea o Iesu, “Ua fai mai le upu, ‘Aua e te tofotofo i le Alii lou Atua.”
Ua faauma e le tiapolo le faaosoosoga uma, ona alu ese ai lea ia te ia seia o’o i
se aso.
Fa’alologo mo nai sekone. A uma ona tuu lea o le avanoa i le mafutaga e faasoa
mai ai se upu, se laina poo se fuaiupu foi mai le faitauga ua ia faatāuaina.
Tuu le avanoa i nisi o le mafutaga e toe faitau maia le Evagelia. Faalologo mo
se taimi puupuu
FETUFA’AIGA A LE KULUPU
Ta’ita’i: O le ā se upu po’o se fuaiupua ua e faatauaina i lenei taimi? Aisea ua
taua ai lea upu po’o lea fuaiupu ia te oe? E fa’apefea ona fesoota’i ma lou lava
olaga masani?
O le a se ‘ai mai lenei Tusi Evagelia e fai ma taiala a’o agai atu la tatou
faigamalaga o lenei Fagafulu?
7
Illustration: Tamāriki Ferguson
Ona fai mai lea o le tiapolo ia te
ia, “Afai o oe o le Alo o le Atua, i
nā fetalai ane ia i lenei ma’a ia liu
areto.” Ona tali atu lea o Iesu ia te
ia, “Ua tusia, E lē na’o mea e ‘ai e
ola ai le tagata.”
MANATUNATUGA I LE EVAGELIA
I vaitausaga ta’itasi o le Fagafulu, tatou te amata ai i molimau eseese o Tusi o
Evagelia, i le taimi o Keriso i le nofoaga tu’ufua, ina ua mae’a ona papatisoina
e Ioane le Papatiso. O le 40 aso na iai o Ia i le nofoaga tu’ufua, ua toe
fa’atepa ai i le 40 tausaga na nonofo ai tagata Isaraelu i le nofoaga tu’ufua,
ina ua fa’asaoloto mai le pologa i Aikupito. I totonu o na tausaga, sa tele
fa’aosoosoga na feagai ma tagata o Isaraelu fa’atasi ai ma tulaga faigata o lo
latou ola fa’aleagaga; peita’i, o le vao tu’ufua, o se nofoaga na o latou feiloa’i ai
ma le Atua. O fa’aosoosoga na o’o iā Iesu, e fa’avae lea i mana’oga e fa’ananau
iai le tagata, lea tatou te masani ai: o le gālala ma le mana’o i mea o le olaga,
paoa ma le pule, o le fa’aalialia vale i luma o tagata ma fia vi’ia.
O le soifuaga o Iesu i le nofoaga tu’ufua, ua a’oa’o mai ai ia i tatou, e lē fa’apea
o le faigata o feāsua’iga ma le agasala fa’apea le lē faimeatonu, e tatau ona
amata mai i le manuō mai i luga o taualuga o fale, peita’i, e masani ona
fa’ailoa, i le tete’e atu i ō tatou lava fa’anaunauga mo mea fa’aletino, paoa
ma vi’iga. ‘E fa’aleleia le lalolagi, e ala i le amata atu lava ia i tatou ta’ito’atasi
ona suia o mea uma i le soifuaga o le tagata o lo’o fa’aletonu, mai i kalasia a
le Atua, (Pope Penitito XVI, Aso Sa Muamua o le Fagafulu 2010). Atonu o le
salamō, o le auala muamua lava lea, ma e lē o se mea telē le liliu ese mai i le
agasala ae fa’asaga atu i le Atua.
Tatou te feagai pea i tatou ta’ito’atasi ma fa’aosoosoga, peita’i e fa’apena fo’i
i fa’alapotopotoga, kulupu, aiga ma sosaiete. E feagai pea fa’alapotopotoga
i Papua Niu Kini, ma fa’aosoosoga, i ofo e fa’atauina ai o latou fanua ma
eleele mo ni faiga fa’apisinisi e pei o la’au mo laupapa ma fa’atoaga, o la’au
e maua ai le suāu’u. O nei ofo, e maua ai fa’amanuiaga mo na’o sina taimi
pu’upu’u, peita’i, e umi taimi e feagai ai ma fa’afitauli. Ua fesili tagata o ia
fa’alapotopotoga: ‘E fa’apefea ona tatou tali atu iai leai? O a nisi filifiliga tatou
te mauaina? E mo’omia le lagolago tele ina ia fa’amautinoaina, e mafai e tagata
ona o latou filifili i le auala sa’o ma le tonu mo i latou fa’apea ai augatupulaga
fāi mai.
E fa’amanatu mai fo’i e le Ekalesia i Oseania ia i tatou nei lu’itau:
Talu ai ona o lenei tulaga i Oseania, e faigofie ai ona lē lagonaina
le vala’au a le Atua, ona o suiga tetele o le lalolagi, o lo’o a’afia ai
le tamali’iaga fa’aleaganu’u o nu’u ta’itasi ma fa’alapotopotoga
fa’atulagaina mo aga feso’ota’i. Ua popole nisi, ona e ono va’ai
8
maualalo ai nei suiga i le fa’avae o le fa’atuatua, ma lima ta’ita’iina
atu ai le agaga i le fa’avaivai ma le lē mautonu. O taimi fa’apenei, e
mo’omia ai lava lo tatou toe fa’amanatu ia i tatou lava, e auina mai e le
Alii le malosi e fa’ato’ilalo ai nei fa’aosoosoga (#18).
TALANOAGA I KULUPU
Ta’ita’i: O a nisi o fa’aosoosoga o lo’o tatou fetaia’i, e le gata o i tatou
ta’ito’atasi ae fa’apea i fa’alapotopotoga, i mataupu e pei o le fa’alagolago i
mea o le olaga, paoa, vi’iga ma le fia iloa i luma o tagata? E fa’apefea ona toso
tatou i le loloto o lo tatou fa’atuatua, ae fa’apefea fo’i ona tatou lagolagoina i
tatou e tete’e atu ai i fa’aosoosoga ma filifili i le auala tonu?
TATALO FA’AI’U: Salamo 91
Faatasi: Ia e fa’amalumalu mai le Alii e, i taimi ou te puapuagatia ai.
Ta’ita’i : O le nofo i le mea lilo o i ai le Silisili ese, e mau o ia i le paolo o Le e
ona le malosi uma lava, ou te faapea atu i le Alii, “O lo’u malu o ia ma
lo’u ‘olo; o lo’u Atua ou te fa’atuatua ia te ia!”
Faatasi: Ia e faamalumalu mai le Alii e, i taimi ou te puapuagatia ai.
Ta’ita’i : Auā o ia na te laveaiina oe i le mailei a lē fai manu, ma le faama’i e
oti ai.
Auā e poloa’i atu ia i ana agelu ia te oe, e tausi ia te oe i ou ala uma.
Faatasi: Ia e faamalumalu mai le Alii e, i taimi ou te puapuagatia ai.
Ta’ita’i: Iesu ē, lo matou ala, lo matou moni ma lo matou ola, ua e
fa’ailoa mai ia i matou le lototele ma le malosi e ala i lau tali atu
i fa’aosoosoga i le vao tu’ufua. Ua e fa’ailoa mai ia i matou pe
fa’apefea ona matou ola i le mea moni ma le fa’atuatua. Ia e
fa’amalumalu mai le Ali’i e, i taimi matou te puapuagatia ai.
Fa’atasi: Amene
9
Fa’atalosaga a Epikopo Niu Sila mo le Fagafulu: Vaiaso 2
O se tasi o polōketi e lagolagoina e tupe fa’ameaalofa mo le Fagafulu e tu’uina
atu i le Caritas Aotearoa Niu Sila.
Students of McAuley High School, Auckland during a
Caritas visit, Lent 2012. Photo: Catherine Gibbs
…na latou te’i ane, ma va’aia lona mamalu…
O le polokalame o a’oa’oga a le Caritas, e amanaiaina le malosiaga ma
le fa’anaunauga o tupulaga talavou. E lagolagoina i latou a’o latou
feagai ai ma ni talutalu fou fa’apea ni fa’atulagaga o aga feso’ota’i ma
taimi e foliga fa’aesea ai i latou.
A’o liliuina le au so’o e ala i lo latou molimauina o le moni o Keriso pei
ona fa’aalia i lona mamalu i luga o le mauga, e fa’apena fo’i tupulaga
talavou i aso nei, e suia i latou e ala i lo latou a’oa’oina o le moni o le
auaunaga a le Ekalesia i le agalelei atu i isi.
Ua fa’amoemoe le Caritas e lagolagoina faia’oga e ala atu i puna’oa, o
ni aso fa’apitoa mo ta’ita’i i le faimeatonu ma asiasiga i a’oga, a’o latou
fa’alauiloaina le ola amio lelei mo a latou tamaiti a’oga, ina ia tuputupu
a’e i ni mataaga matagofie fa’aKerisiano, ma ia latou fa’auiga ma le sa’o
mea o le lalolagi, i le avea ai o i latou ma sui o se aiga e tasi.
10
FA’ATASIGA LUA
ASO SA LUA O LE FAGAFULU: Fa’ailoaga o le Moni
O le fa’atuatua ua mafai ai ona tatou iloa Keriso ma o lona
alofa fo’i ua una’iina ai i tatou e fesoasoani atu iā te ia i so’o se
taimi e avea ai o ia ma ō tatou tuāoi i la tatou faigamalaga o
le olaga.
Pope Penitito XVI: Porta Fidei, 2011
Tatalo Amata
Ta’ita’i: Le Atua lo matou Tamā, ua fa’ailoa mai ia i matou lou moni i taimi
to’afīmālie o talosaga ma manatunatuga. A’oa’o i matou, ina ia matou
fa’aavanoa ni taimi paganoa i o matou olaga, e iloa ai le paia o lou
fa’atasi ai ma i matou.
Fa’atasi: Maria e, le fesoasoani o le au Kerisiano
Matou te va’ava’ai atu ia te oe, ina ia matou iloa
atu lou Alo, lo matou Ali’i
E sisi’i a’e o matou lima
Ina ia matou maua le Falaoa o le Ola
E matuā tatala atu o matou loto
Matou te talia ai le Pelenise o le Filemu
Ekalesia i Oseania
Fetufa’a’iga i Kulupu
Ta’ita’i: Na ā mai lenei vaiaso? Na mafai ona e fa’atinoina se taumauga na e
faia i le vaiaso talu ai? O iai ni faaupuga mai le fetufa’aiga o le vaiaso talu ai o
lo’o tumau pea ia te oe? Na mafai e le manatunatuga o le vaiaso talu ai ona
suia au amioga i so’o se auala?
Evagelia o le Aso Sa lua o le Fagafulu
Faitau e se tasi o le mafutaga. Fa’aaoga le Tusi Paia po’o le Faitauga o i lalo.
11
FAITAUGA MAI LE
EVAGELIA LUKA 9:28-36
Illustration: Tamāriki Ferguson
Ua mavae nei upu, po ua po valu,
ona ave lea e ia o Peteru, ma Ioane
ma Iakopo, ua maliu a’e i le mauga
e tatalo. O loo tatalo ia, a ua liua
ona fofoga, ua pa’epa’e ma pupula
tele mai ona ofu.
Faauta foi, ua tautala ma ia o tagata
e toalua, o Mose ma Elia i laua, o e
na faaali mai ma le pupula; ua latou
fetautalatala’i i lona maliu o le a
faataunuuina i Ierusalema.
Ua o’o ina la o ese ia te ia, ona fai mai lea o Peteru ia Iesu, “Le Alii e, e lelei ona
ua tatou iinei; se’i matou faia foi ni fale apitaga se tolu; mo oe le tasi, mo Mose
le tasi, mo Elia foi le tasi”, ua le iloa e ia le mea ua ia fai atu ai.
O lo’o fai mai ia mea a e o’o mai le ao, ma faamalumalu ifo ia i latou; ua latou
matata’u ina ua ulu i le ao. Ona o’o mai lea o le siufofoga mai le ao, ua faapea
mai, “O lo’u Atalii lena, o lē ua Filifilia; ia outou faalogo ia te ia.”
Ua mavae atu le si’ufofoga, ona iloa mai lea na o Iesu. Latou te lei gagana lava,
e lei ta’u atu foi i se tasi i ia ona aso se mea e tasi o mea ua latou vaai i ai.
Faalologo mo ni nai sekone. A uma ona tu’u lea o le avanoa i le mafutaga
e faasoa mai ai se upu, se laina poo se fuaiupu foi mai le faitauga ua ia
faatauaina.
Tu’u le avanoa i nisi o le mafutaga e toe faitau maia le Evagelia. Fa’alologo mo
se taimi pu’upu’u.
FETUFA’AIGA A LE KULUPU
Ta’ita’i: O le ā se upu po’o se faaupuga ua e faatauaina i lenei taimi? Aisea ua
taua ai lea upu po’o lea faaupuga ia te oe? O fa’afefea ona fesootai ma lou lava
olaga masani?
O ā ni mea aogā ua mafai ona tatou maua mai le faitauga o lenei Evagelia a’o
tatou aga’i atu i le Fagafulu?
12
MANATUNATUGA I LE EVAGELIA
Ua vala’auina i tatou e le Evagelia mo le Aso Sa Muamua o le Fagafulu, e auai
fa’atasi ma Iesu ina ia tatou malamalama i fa’aosoosoga i le vao tu’ufua, ua
fa’apenā fo’i ona vala’auina i tatou i le Evagelia o lenei vaiaso, ina ia tatou auai
fa’atasi ma ia a’o aga atu i le mauga mo se taimi e tatalo, ma toe fa’asoa le
lagona o le au so’o, i le taimi na o latou va’aia ai le fa’ailoaga o lona mamalu, i
taimi o talanoaga ma tua’ā o tagata Iutaia.
E lē malamalama ato’atoa Peteru, Ioane ma Iakopo i le mea na latou va’aia, sa
amata ona latou manino iai, mai lea taimi i lea taimi. O le tulaga e sili atu, o
le avanoa na o latou mauaina, e mātau ai po’o ai moni Iesu, a’o vavala mai ia i
latou suiga i ona foliga va’aia. O le fa’ailoaga o le mea moni, e mafai ona liliu ai
tagata na o latou molimauina lea moni.
Na fa’amatalaina e Pope Penitito, o le maua o le taimi paganoa mo tatalo, e
le’o tu’ua ai e Iesu lana talaiga ma le finagalo o lona Tamā ina ia mafai ona
taunu’u. ‘Mo se kerisiano, o le tatalo, e lē’o taumamao ese mai ai ma le mea
moni fa’apea ma tiute tau’ave o lo’o ia aumaia, peita’i e ao ona talisapaia
ato’atoa’. (Pope Penitito XVI, Angelus, Aso Sa Lua o le Fagafulu, 2007).
I totonu o a’oa’oga, e suia tupulaga talavou, pe ‘ā o latou mauaina le avanoa e
fa’aloga ai i le moni na tupu i soifuaga o isi tagata, pe a fa’ailoa e se tagata ua
naunau e fa’asoa atu lenā moni o le olaga, i se isi mafutaga e matuā ese mai iā
i latou lava. E mafai e tupulaga talavou ona liliu i latou lava ma ō atu e liliu isi
tagata, e ala i le lagolago mo i latou i taimi paganoa ma tatalo lēlēoa, fa’apea
fo’i ma se lagolago i le fa’atulagaga lelei o fa’atinoga.
E fa’amanatu mai fo’i e le Ekalesia i Oseania ia i tatou le fa’ata’ita’iga a Keriso i
le tatalo:
O le gaioiga fa’apopoleina ai tagata o lenei talutalu fou fa’atasi ma
ona avega mamafa uma, ua tāua ai i le au Kerisiano ona saili i le
tatalo lēlēoa ma fa’alologo, ona o nei vaega uma o se fa’amalosi’au i
le fa’atuatua ola….o le tatalo a Iesu o se fa’ata’ita’iga lea mo i tatou,
aemaise lava pe a maua i tatou i tulaga faigata ma tiute tau’ave o aso
faiso’o (#37)
13
TATALO FA’AI’U: Salamo 26
Fa’atasi: O le Alii, o lo’u malamalama ia, ma lo’u olataga.
Ta’ita’i: O le Alii, o lo’u malamalama ia, ma lo’u olataga; o ai ea se ou te fefe
ai?
O le Alii, o le malosi ia o lo’u ola; oute mata’u ea ia te ai?
Fa’atasi: O le Alii, o lo’u malamalama ia, ma lo’u olataga.
Ta’ita’i: Le Alii e, ia e faafofoga mai i lo’u leo, oute valaau; ia e alofa mai, ma
ia e tali mai ia te a’u.
Na fai atu lo’u loto ia te oe i lau na e fetalai mai: Ia outou sailiili mai ia
te a’u.
Fa’atasi: O le Alii, o lo’u malamalama ia, ma lo’u olataga.
Ta’ita’i: Iesu e, lo matou ala, lo matou moni ma lo matou ola, fa’amanuia i
matou i ni taimi to’afīlēmu ma taimi paganoa. Liliu i matou ina ia
matou mulimuli i lou ala, fa’ailoa atu lou moni ma ola fiafia i lou
soifuaga. O oe o lo matou malamalama ma lo matou fa’aolataga.
Fa’atasi: Amene
14
Fa’atalosaga a Epikopo o Niu Sila mo le Fagafulu: Vaiaso 3
O se tasi o polōketi e lagolagoina e tupe faameaalofa o le Fagafulu e tu’uina
atu mo le Caritas Aotearoa New Zealand:
Representatives of Caritas and the Australian Catholic Migrant
and Refugee Office lobby Parliament on changes to the
Immigration Act. Photo: Emily Benefield
…ta’atia ia mo se isi tausaga se tasi ma tu’u
mai se isi taimi mo a’u…
O galuega lagolago, e aofia ai le tautala atu i le moni e uiga i le
mativa ma le leai o se faimeatonu e lē gata i totonu o Aotearoa Niu
Sila ae fa’apea ai ma le lalolagi atoa.
E pei o le fai togala’au e augani ina ia maua le ola o le la’au o le
mati, ma o le galuega lagolago lenei, ua mafai ai e le Caritas ma isi
lālā a le Ekalesia ona talanoa atu i ai latou e faia fa’aiuga, e pei o
komiti fa’apalemene ma isi galuega fa’asolo a le Malō.
E talanoa mai le Ekalesia Katoliko i fa’avae ma lona silafia i le tulaga
moni o feagai ma le olaga, pe a fesiligia ta’ita’i, ina ia toe iloilo nisi
tulaga e tula’i mai i soifuaga o ē matitiva ma lē tagolima o lo’o i
lō tatou sosaiete ma le ‘auāiga o le Atua i le lalolagi, ona o a latou
fa’ai’uga.
15
FEILOA’IGA TOLU
ASO SA TOLU O LE FAGAFULU: Finau mo isi tagata
E lē taitai ona manatu se Kerisiano e faapea o le talitonuga, o
se fa’atinoga o le ta’ito’atasi lava ia….
Fa’atuatua, e matua moni lava, ona o se fa’atinoga sa’oloto,
e fa’atauanauina fo’i tiute fa’a-aga feso’ota’i e fa’atatau i le
talitonuga o le ta’ito’atasi.
Pope Penitito XVI: Porta Fidei, 2011
Tatalo Amata
Ta’ita’i: Agaga Paia e, e te fa’atoga atu mo i matou, e te fa’aosofiaina fo’i i
matou e tautala atu. Fa’apupula o matou mata ma fa’aaoga i matou
e fa’amalosia ma lagolago ai ou tagata – i le fa’amoemoe, lototele ma
le lotomau.
Fa’atasi: Le Tina e o le Ekalesia
E si’i atu le fa’afetai a lau fanau
I lau upu fa’amaoni o lo’o ta’alili pea
Mai augatupulaga uma
Ua masi’i a’e mai se agaga na gaogao i’ī ae ua fa’atumuina i kalasia
Ua saunia e le Atua e fa’afeilo’aia
Le Upu i le lalolagi
Ia te Oe, ua vavala mai ai le paleali’i o le Atua
O le paleali’i o kalasia ma le filemu, alofa ma le faimea tonu
Na fanau mai i le loloto o le Upu ua liutino tagata.
Ekalesia i Oseania
Fetufaiga i kulupu
Ta’ita’i: Na fa’apefea mai lenei vaiaso? Ua sui sau tali atu i tagata o lo’o outou
mafuta talu ona amataina le Fagafulu? Sa mafai ona fa’asoa atu se mea ua e
mauaina mai fa’atalatalanoaga i le vaiaso talu ai i sau uō, tuaoi po’o se tasi lua
te faigaluega?
16
Folafolaga o le Evagelia
Faitau e se tasi o le mafutaga.
Faaaoga le Tusi Paia poo le
faitau mai le Faitauga o i lalo
O ia ona aso ua o mai ai isi tagata,
ua tala mai ia te ia i tagata Kalilaia,
ina ua fefiloi e Pilato lo latou toto
ma le toto o a latou taulaga.
Ona tali atu lea o Iesu, ua faapea
atu ia te i latou, “Fa te outou ea, ua
sili ona agasala ia Kalilaia i tagata
Kalilaia uma, ina ua tigaina i latou i mea faapena? Ou te fai atu ia te outou, e
leai; a e afai tou te lē salamo, e faapena lava ona fano outou uma.
I le ma le toasefulu ma le toavalu sa pa’u i o latou luga le ‘olo i Seloa, ua
latou oti ai; fa te outou ea; ua sili a latou agasala i tagata uma e na nonofo i
Ierusalema? E leai; a e afai tou te le salamo, e faapena lava ona fano outou
uma.”
Ua fetalai atu o ia le faataoto nei, “Sa i le tasi tagata le mati, na toto i lana
tovine; ua alu ia e saili ai ni fua, a e le’i maua. Ona fai atu lea o ia i le galue
vine, Faauta, ua ou sau i nei tausaga e tolu e saili ni fua i lenei mati, a ou te lei
maua lava; ina tuu ia i lalo; se a fo’i le mea e faaleaoga ai le fanua?
Ua tali mai o ia ia te ia, “Le alii e, tuu pea ia i lenei tausaga, seia ou eli
faataliolio i ai, ma avane i ai otaota. A fai fo’i e fua mai i lea tausaga, e lelei; pe
afai e leai, ona tuu ai lea i lalo.”
Faalologo mo ni nai sekone. A uma ona tuu lea o le avanoa i le mafutaga
e faasoa mai ai se upu, se laina poo se faaupuga foi mai le faitauga ua ia
faatauaina.
Tu’u le avanoa i nisi o le mafutaga e toe faitau maia le
Evagelia. Faalologo mo se taimi puupuu
17
Illustration: Tamāriki Ferguson
FAITAUGA MAI LE
EVAGELIA LUKA 13:1-9
FEFA’ASOA’IGA I KULUPU
Ta’ita’i: O le ā se upu po’o se faaupuga ua e fa’atāuaina i lenei taimi? Aisea ua
taua ai lea upu poo lea faaupuga ia te oe? O faapefea ona fesootai ma lou lava
olaga masani?
MANATUNATUGA I LE EVAGELIA
O le talitonuga o le au Iutaia i le seneturi muamua, afai e afatia tagata i se
fa’alavelave mata’utia, e mafua mai, ona ua latou agasala. E o’o mai lava i le
taimi nei, o lo’o fa’alogoina lava si’uleo o lea talitonuga; e mafai ona lagonaina
pea ni siufofoga i taimi o ni fa’afitauli tetele e fa’apea o ni fa’asalaga mai le
Atua.
E eseese malamalamaga o Iesu i fa’alavelave tetele, e lē gata i tagata na afatia
i le taimi o pulega a Pilato i fouvalega i Kalilaia, ma le sōlōfa fa’afuase’i o le
olo. Na fetalai Iesu, o i latou na pagatia ai i ia mea na tutupu, e lē sili atu lo
latou agasala nai lō isi tagata. O fa’alavelave tetele na a’afia ai i latou, o se
fa’amanatu ina ia suia ai o tatou olaga i le taimi nei, ona tatou te lē mailoa po’o
ā mea e tutupu e ono lamatia ai i tatou. O se vala’au e tatou te va’ava’ai ai,
po’o a mea e mo’omia e suia ai o tatou olaga, nai lō le su’esu’e i mafuaaga e
tu’ua’ia i i latou na aafia i ni fa’alavelave ogaoga. ‘Ua vala’auina i tatou e Keriso
e tali atu i le tiapolo, o le tulaga muamua lava, ia matua Iloilo ma le toto’a lo
tatou talitonuga ma lo tatou taumauga e fa’amamā ai o tatou olaga’. (Pope
Penitito XVI: Agelu, Aso Sa Tolu o le Fagafulu, 2007)
I le vaega lua o le Evagelia, na augani atu ai le galue vine ma le alofa ma le
lagolago i lē e ana le fanua, mo le ola o le la’au ua va’aia ua lē aoga ma ua le
fua. Na ia talosagaina se isi taimi fa’aopoopo e toe inivesi, fa’afailele ma tausia
ai le la’au a’o le’i lafoa’iina. O se ata lea o le itua’iga lagolago ua vala’auina i
tatou e fai ai ma sui o ē pito sili ona matitiva ma ē ua sili ona mafatia i lo tatou
sosaiete, ma o le tulaga masani, o nai tagata ia ua manatu nisi, ua lē toe aoga.
E fa’amanatu mai fo’i e le Ecclesia in Oceania ia i tatou, le vala’au ina ia tatou
gagana atu:
Ua lu’itauina le Ekalesia e fa’aliliu le Tala Lelei mo tagata o Oseania
e tusa ai ma o latou manaoga ma le tulaga o lo’o iai i latou i le taimi
nei. E tatau ona tatou fa’ailoa atu Keriso i lo tatou lalolagi, i se auala e
aumaia ai le fa’amoemoe i le toatele o ē ua mafatia ona o le fa’anoanoa,
o le lē faimeatonu po’o le mativa…Ua mafai foi e le Agaga Paia i le asō
18
ona fa’agaganaina Epikopo e talanoa manino atu ma le lototele, pe a o
latou fesaga’i ma se sosaiete e mo’omia le fa’alogo i le upu o le moni o le
Fa’akerisiano (#14,19)
TATALO FA’AI’U: Salamo 102
Fa’atasi: O le Alii e agalelei ma agaalofa.
Ta’ita’i: Lo’u agaga e, ia e faamanu atu i le Alii, o mea uma fo’i o i totonu ia
te au ia faamanu i lona suafa paia. Lo’u agaga e, ia e faamanū atu ile
Alii, aua fo’i ne’i galo se mea e tasi o ana meaalofa.
Fa’atasi: O le Alii e agalelei ma agaalofa.
Ta’ita’i: E faia e le Alii mea tonu, ma faamasinoga mo e ua sauāina uma lava.
Na ia faailoa ona ala ia Mose, o ana galuega i le fanauga a Isaraelu.
Fa’atasi: O le Alii e agalelei ma agaalofa.
Ta’ita’i: E alofa mutimutivale ma alofa fua mai le Alii; e telegese lona toasa,
a e telē lona alofa. Auā e pei ona maualuga o le lagi i le lalolagi, e
faapea ona telē o lona alofa i e o matata’u ia te ia.
Fa’atasi: O le Alii e agalelei ma agaalofa.
Ta’ita’i: Iesu e, lo matou ala, lo matou moni ma lo matou ola, ua e a’oa’oina
i matou ina ia matou alolofa ma agalelei atu. Aumaia ia i matou le
malosi, e tula’i ai e tautala atu e fa’ailoa le mea moni. O oe o lē alofa
fua ma alofa mutimutivale.
Fa’atasi: Amene
19
Faatalosaga a Epikopo a Niu Sila mo le Fagafulu: Vaiaso 4
O se poloketi e lagolagoina e tupe fa’ameaaloa o le Fagafulu i le Caritas
Aotearoa Niu Sila:
Women and child from Luga, Niger receiving
emergency food from Caritas Niger (CADEV), June
2012. Photo: Ryan Worms/Caritas Internationalis
…a’o mamao ese atu o ia, na iloa atu o
ia e lona tama, ma lagona lona alofa
mutimutivale…
I le tausaga e 2012, na a’afia ai le a’ai o Sahel i Aferika i Sisifo, i se
tulaga ogaoga o le le lava o taumafa, ma fa’amata’uina ai le soifua o
le lata i le 20 miliona o tagata. E ui i mafatiaga ogaoga ona o le oge,
ae na tatala atu e Niger ona tuaoi mo tagata sulufa’i na sosola ese
mai ma le mugalā ma le oge fa’atasi ai ma fetaua’iga i lo latou nu’u
tuaoi o Mali. Na atili fa’avaivaiina fa’alapotopotoga na talia tagata
sulufa’i, i le le lava o taumafa talu ai timuga ma le lē lelei o fua o
fa’atoaga, ma o latou mo’omiaina ai le fesoasoani.
E seāseā ona avea Aotearoa Niu Sila ma tuaoi vavalalata o ni
fesoasoani fa’anatinati mo le lalolagi. E ui i lea, ua mafai e tagata
Niu Sila ona saofagā i ni tulaga na tula’i mai muamua, e ala i le
galulue ma le fa’alapotopotoga faavaomalō a le Caritas, i taimi o
mo’omiaga fa’anatinati.
20
FEILOA’IGA FA
ASO SA FA O LE FAGAFULU: Alofa lē fa’atuā’oia
E tupu le fa’atuatua, pe a olaina i se malamalamaga o le alofa na
mauaina, ae ua fa’afeso’ota’i fo’i o se iloaga o le kalasia ma le olioli.
Pope Penitito XVI: Porta Fidei 2011
TATALO AMATA
Ta’ita’i: Le Tama e i le Lagi
Ua e afio mai ia i matou ma lou finagalo tatala. Ia matou opoopo fo’i
i lou alofa tele i latou ua latou saili se sulufa’iga mai le oge.
Fa’atasi: Le Malamalama e o vasa uma
Le tama’ita’i e o le loloto
Ta’ita’i tagata o Oseania
I ogasami uma pogisa ma matagia
Ina ia o latou taunu’u i le mapusaga o le filemu ma le malamalama
Ua saunia ia te ia o lē na fa’ato’afilemuina le sami
Ia e puipui i lau fanau uma mai tulaga lamatia
Ona e maualuluga peau ma ua o matou taumamao mai ma ō matou
aiga
Ekalesia i Oseania
Fetufa’a’iga i Kulupu
Ta’ita’i: O fa’apefea mai lenei vaiaso mo oe? Na e maua le avanoa e te finau
ai mo se isi tagata i lenei vaiaso? Na iai se suiga i le auala o lo’o e tali atu ai i
atugaluga ma ni mataupu talu ona amata le Fagafulu?
Folafolaga o le Evalgelia
Tu’u le avanoa i se sui o le kulupu e faitau leotele ai le faitauga mai le Tusi Paia,
po’o le tusi fo’i lenei.
21
Ua faalatalata ia te ia tagata
ao lafoga uma ma e agasala, e
faalogologo ia te ia. Ona muimui
ai lea o le au faresaio ma le au
tusiupu, ua faapea ane, “Ua talia
e lenei tagata o e agasala, ua aai
faatasi fo’i ia ma i latou.”
Ona fetalai atu fo’i o ia, ‘O le tasi
tagata e toalua ona atalii. Ua fai
atu le uii i lona tamā, “Sena e, ia
e aumai ia te a’u lo’u tofi o le oa.”
Ona vaelua lea e ia o ana mea ia te’i la’ua.
Ua mavae na i aso, ona faapotopoto ai lea e le uii mea uma, ua alu malaga i le
nuu mamao, ua faataapeape ai ana mea i lea nuu, ua soona ulavale. Ua uma
atu ana mea, ona oge tele ai lea o lea nuu; ona faatoa mativa ai lea o ia.
Ua alu ia ua nofo i le tasi tagata o lea nuu, ua ia auina foi o ia i ona fanua ua
fafaga ai puaa. Ua tupu lona mana’o i atigi mea e ‘aina e puaa ia maona ai o ia;
e leai lava se tasi ua avane sina mea ia te ia. Ona atamai ai lea o ia, ua faapea
ane, E le toatele ea o auauna a lo’u tamā ua faula’i a latou areto ua totoe; a
o a’u, oute matelaina. O le a a’u tula’i ma alu i lo’u tamā, ou te fai atu ia te ia,
“Lo’u tamā e, ua o’u agasala i le o i le lagi, atoa ma ou luma. Ua ou le toe aoga
ona ta’ua o lou atalii; ia e avea a’u ia pei o se tasi o au auauna.”
Ona tula’i lea o ia, ua alu i lona tamā. Ua iloa mamao atu foi o ia e lona tamā,
ona mutimutivale lea o lona alofa, ua momo’e atu o ia, ua fusi ia te ia, ma sogi
atu ia te ia. A ua fai mai le atalii ia te ia, “Lo’u tamā e, ua ou agasala i le o i le
lagi, atoa ma ou luma, ua ou le toe aoga ona ta’ua o lou atalii, ia e avea a’u ia
pei o se tasi o au auauna.”
A ua fai atu le tamā i ana auauna, “Aumai ia loa le ofu tatapuvae e aupito lelei,
ma faaofu ia te ia; ma ia tuu se mama i lona lima, ma faasee i ona vae; au mai
ia fo’i le tamai povi peti, ma fasi; tatou te aai ma olioli; auā o lo’u atalii lenei,
na oti, ua toe ola mai; na leiloa foi o ia, a ua maua.” Ona latou olioli ai lea.
22
Illustration: Tamāriki Ferguson
O LE FAITAUGA MAI LE
EVAGELIA LUKA 15:1-2, 11
32
Sa i le vao lona atalii ulumatua; ua sau o ia, ua latalata mai i le fale, ona faalogo
ai lea o ia i le laaupese ua ta, ma le siva. Ua valaau atu o ia i le tasi auauna, ua
fesili atu, poo le a le uiga o nei mea. Ua fai mai o ia ia te ia, “Ua sau lou uso; ua
fasi ai foi e lou tamā o le tama’i povi peti, ina ua toe oo mai o ia o ola.”
Ona ita ai lea o ia, ua le mafaia ona ulufale iai; ona alu atu ai lea o lona tama
i fafo, ua faaoleole ia te ia. A ua tali mai o ia i lona tamā, “Faauta, o tausaga e
tele, ua ou auauna ai ia te oe, ua leai lava sau poloaiga ua ou solia; a e te le’i
aumai lava se tamai ‘oti ma a’u, matou olioli ai ma a’u uo. Peitai o lou atalii
lena, sa na faaumatia au mea faatasi ma fafine talitane, ua sau o ia, ona e fasi
lea o le tama’i povi peti ma ana.”
Ua fai atu lona tamā, “Lo’u atalii e, ta te nonofo pea ma oe, o a’u mea uma fo’i,
o au ia. Ua tatau fo’i ona tatou fiafia ma olioli, auā o lou uso lena na oti, a ua
ola mai; na le iloa fo’i, a ua maua.”
Faalologo mo ni nai sekone. A uma ona tu’u lea o le avanoa i le mafutaga
e faasoa mai ai se upu, se laina poo se faaupuga foi mai le faitauga ua ia
faatauaina.
Tuu le avanoa i nisi o le mafutaga e toe faitau maia le Evagelia. Faalologo mo
se taimi puupuu.
FEFA’ASOA’IGA I KULUPU
Ta’ita’i: O le a se upu po’o se faaupuga ua e faatauaina i lenei taimi? Aisea ua
taua ai lea upu poo lea faaupuga ia te oe?
Manatunatuga i le Evagelia
E ono mafai ona faigofie le faitauga o lenei Evagelia, e tepa taula’i ai i amioga a
atali’i e to’alua – o le isi e fa’ataute’e, ma le isi e usita’i, ae tumu i le loto ita.
Ae ui i lea, o le tagata autu i lenei tala, o le Tamā alofa, na matua mafatia ina
ua mafatia fo’i lana fanau, ma toe olioli ina ua toe fo’i mai i la’ua. O le faitauga
lenei o le Evagelia, e iai lona malosiaga ua talanoa mai ai ia i tatou e uiga i le
Atua, ua mafai ai e i tatou ona iloa ona fofoga ma le isi mea e sili atu, o lona
loto. Ina ua māē’a ona fa’ailoa mai e Iesu ia i tatou lona Tamā alofa, ua lē toe
tutusa ai le tulaga pei ona iai muamua. (Pope Penitito XVI, Angelus, Aso Sa Fa o
le Fagafulu, 2010)
23
O lo’o fa’amatalaina fo’i le fa’ataoto e fa’asaga i le si’osi’omaga o se pitonu’u
o lo’o fa’atuputeleina ai pea e le lagona o le oge ma le matelaina le ō ese mai
o tagata, e lē o le toe fo’i mai i a’ao o le TamaāAlofa, peita’i, masalo o tua atu
o tuaoi ma aga’i atu i tagata ese. O le mae’a ai o le fa’amata’u tele o le oge i
le Horn of Africa i le 2011 fa’apea ai ma le pitonu’u o Sahel i le 2012, o lenei
fa’ataoto o le alofa fa’atuā’oia, o lo’o vala’auliaina ai i tatou e lē gata e toe
fa’alelei ai ma tagata o ō tatou aiga, peita’i, o le fa’ailoa atu ai fo’i lea o le agaga
talimalō mo i latou uma o lo’o puapuagatia.
O lo’o fa’amanatu mai e le Ecclesia in Oceania iā i tatou, le tali atu ma le alofa
iā i latou o lo’o mo’omiaina le fesoasoani:
I tulāgā a’ao o le Ali’i, e mafai ona o’o atu ai le galuega a le Ekalesia o
le alofa iā i latou o lo’o pito sili ona mo’omiaina le fesoasoani; i latou
ua leai ni matua, o ē matitiva, o ē ua leai ni aiga, tu’ulafoa’ina ma i
latou ua fa’aesea….Mo i latou ua filifiliina le tauavega o le alofa e tumu
i mea fa’atigā i la latou savaliga o le olaga, e leai se fa’afetai po’o se
taui fa’aletagata e mafai ona sa’ilia, po’o se isi lava mea. O lō latou
atugaluga tele, o le faia lea o la latou matafaioi i le galuega tala’i a le
Ekalesia, e fa’ailoa atu le moni o Iesu Keriso, ina ia savalia lona Ala, ma
olaina lona Soifuaga. O nei tagata, e tāua mo so’o se tapenaga auā se
fa’atalaleleiga fou o tagata o Oseania (#35)
Fa’atalatalanoaga i Kulupu
Ta’ita’i: O le ā le a’oa’oga mo i tatou e uiga i le alofa o le Atua mai le fa’ataoto i
le Tamā Alofa? O iai ni tagata i ō tatou aiga po’o fa’alapotopotoga e mo’omia lo
tatou fa’alelei iai? Po’o iai ni tagata o lo’o mo’omiaina le fesoasoani e mafai ona
tali iai e ala i le alofa ma le agalelei o le Atua?
24
TATALO FA’AI’U: Salamo 34
Fa’atasi: I nā tofotofo ia outou, ma ia outou iloa e lelei le Alii.
Ta’ita’i: Oute faafetai ile Alii i aso uma lava; e le aunoa ona viiga i lo’u gutu.
E mitamita lo’u agaga ile Alii, e faalogologo iai e ua puapuagaina, ona
latou fiafia ai lea.
Fa’atasi: I nā tofotofo ia outou, ma ia outou iloa e lelei le Alii.
Ta’ita’i : Na latou vaavaai atu ia te ia, ona faaolioliina lea o i latou; e le mā fo’i
o latou mata. Na valaau atu lenei tagata ua tigaina, ona faafofoga
mai ai lea o le Alii, ma na faaola ia te ia i ona puapuaga uma lava.
Fa’atasi: I na tofotofo ia outou, ma ia outou iloa e lelei le Alii.
Ta’ita’i: Iesu ē lo matou Ala, lo matou Moni ma lō matou Ola, ua e a’oa’o i
le alofa lē fa’atuā’oia mo i matou o le Tamā, ua e foa’i ia i matou se
ata fa’atino o le alofa, ma le talia o isi tagata. Ia e fa’aloloto lo matou
gagala e tofo ai i le lelei o le Ali’i.
Fa’atasi: Amene
25
olafolaga o le Evagelia
Fa’atalosaga a Epikopō o Niu Sila mo le Fagafulu: Vaiaso 5
O se polōketi o lo’o lagolagoina e ala atu i foa’i mo le Fagafulu i le
Caritas Aotearoa Niu Sila:
Community based education in Afghanistan
supported by Caritas Aotearoa New Zealand and
Catholic Relief Services. Photo: Nick Borthwick
“…Na tu’ua na’o Iesu ma le fafine…”
I nu’u tū mamao ese i Bamyan, Afakanisitana, e lē faigofie ona maua ai avanoa
mo a’oa’oga. E masani ona feagai tamaiti laiti ma le ūia o auala e lamatia ai
lo latou ola e ui atu i atumauga. O le mafuaaga lea e matuā maualalo ai le
fuainumera o tamaiti, aemaise lava i teneiti, latou te mauaina ni a’oa’oga aloa’ia.
O polokalame o a’oa’oga ia o lo’o fa’avae i fa’alapotopotoga, e tāua mo
le atina’ega faifaipea o le fa’alapotopotoga po’o le mafutaga o tagata. E
galulue fa’apa’aga le Caritas Aotearoa New Zealand ma le Catholic Relief
Services, ina ia faigofie ona maua a’oa’oga, e ala i a’oga ia o lo’o i totonu o
fa’alapotopotoga e pulea e pulegānu’u.
Ua mafai nei e tamaiti ona ō i a’oga i nu’u o lo’o nonofo ai, ma ua telē le suiga
i le aofa’iga o ē ao’oga, ma e 75 pasene le toatele o teine i nei a’oga. O le
tu’uina atu o ni a’oa’oga saogalemū ma le talafeagai, o lo’o fa’amausalīina ai
le amanaiaga o le tamāli’iaga o nei fanau laiti.
26
FEILOA’IGA LIMA
ASO SA LIMA O LE FAGAFULU: Amanaiaga o le
tamāli’i’aga o le tagata
E to’atele le au Kerisiano e ofoina atu lo latou soifua ma le alofa i ē ua
nofo to’atasi, agaleagaina ma fa’aesea, ma ē e muamua ona tu’uina atu
se talosaga ia ave iai la matou fa’amuamua ma e pito sili ona tāua mo i
matou le lagolagoina o i latou, ona o i latou, e atagia ma va’aia ai foliga
va’aia o Keriso.
Pope Penitito XVI: Porta Fidei, 2011
Tatalo Amata
Ta’ita’i: Iesu Keriso e, ua faia tagata uma e foliga iā te oe. Ia avea le
tamāli’i’aga ua e fa’aeaea ai i tagata uma, e mafai ona suia ai i matou
matou te tūtūla’i ma olaina le soifuaga ua e foa’iina mai ia i matou.
Fa’atasi: Lo matou Tama’ita’i e o le Filemu, e filemū ai matagi uma
Tatalo i le vavala mai o ata o lenei mileniuma fou
Ina ia ‘aua ne’i gase le fa’ailoaga e le
Ekalesia i Oseania
O fofoga lalelei o lou Alo
Ua tumu i le kalasia ma le moni
Ina ia malō tumau le Atua
I loto o tagata Pasefika.
Ekalesia i Oseania
Fetufaiga i Kulupu
Ta’ita’i: Na ā mai lenei vaiaso? Na mafai ona e fa’atinoina le taumaūuga na
e faia i le vaiaso talu ai? Na e fa’asoaina atu i se isi tagata ni lagona tāua na e
maua mai le vaiaso talu ai?
Tatala le avanoa mo se taimi umi mo fefa’asoaa’iga.
Folafolaga o le Evagelia
Faitau leotele e se tasi o le mafutaga. Faaaoga le Tusi Paia poo le Faitauga o i
lalo.
27
FAITAUGA MAI LE
EVAGELIA IOANE 8:1-11
Ua ta’ita’iina mai e le au tusiupu
ma le au farasaio le fafine na
mauaina o mulilua, ua faapea mai
i latou ia te ia, “Le A’oa’o e, ua
maua lenei fafine ina o mulilua ua
mautinoa lava. Ua poloai Mose ia
te’i tatou i le tulafono ia fetogi i
maa o e faapea, a o oe, pe se a se mea e te fetalai mai ai?” Ua latou faapea
mai e tofotofo ia te ia, ina ia maua e i latou se mea e molia ai o ia.
A ua punou Iesu, ma tusi i lona tamaitamai lima i le eleele. A ua latou fesili atu
pea lava ia te ia, ona toe nofo lea o ia i luga, ma faapea atu ia te’i latou, “O so
outou e leai sana agasala, ia lua’i togi se maa ia te ia.” Ona toe punou lea o ia
ma tusi i le eleele.
Ua latou faalogo i ai, ona taitoatasi lea o i latou ma alu i fafo, e afua mai i
toeaina. Ua tuua ua na o Iesu lava ma le fafine o loo tu i totonu.
Ua toe nofo i luga Iesu, ua silafia ua leai se tagata, ua na o le fafine lava, ona
fetalai atu lea o Iesu ia te ia, “Funa e, o i fea ea i latou? Ua le faasala mai ea se
tasi ia te oe?” Ua fai mai o ia, “Le Alii e, e leai ai lava se tasi.”Ona fetalai atu lea
o Iesu ia te ia, “Ou te le faasala fo’i ia te oe, alu ia oe, ‘aua e te toe agasala.”
Mālōlō mo se manatunatuga lēlēoa. Ona tu’u lea o le avanoa i tagata e fa’asoa
ai i se upu po’o se fuaiupu ua tāua i ai latou.
Tu’u le avanoa i se isi sui o le kulupu e faitau leotele ai le faitauga mai le
evagelia. Malōlō mo sina manatunatuga.
Fetufaiga i Kulupu
Ta’ita’i: O le ā se vaega ua pito sili ona ē fa’atauaina i lenei taimi? Aisea ua pito
sili ai ona tāua lenā upu po’o lenā fo’i fuaiupu iā te oe?
28
Illustration: Tamāriki Ferguson
Ona maliu atu lea o Iesu i le mauga
o Olive. O le segisegi o le taeao na
toe maliu ane ai Iesu i le malumalu.
Ua o mai fo’i le nuu uma ia te ia,
ona nofo lea o ia i lalo, ma a’oa’o
atu ia te i latou.
MANATUNATUGA I LE EVAGELIA
I lenei Evagelia, o lo’o taumafai ai le au tusiupu ma le au Faresaio e mailei iā
Iesu. A le’o le manana’o e fa’amalosi Iesu e fa’atuatuana’i i le tulafono a Mose,
po’o le fa’alataina o ia, e ala i ana lava tulafono o le alofa mutimutivale. E
foliga e lē tāua tele le fafine i ō latou atugaluga; ua nā ona latou fa’aaogaina le
fafine e maua ai Iesu.
Na liliu e Iesu le uiga o le talanoaga, e ala i lona fa’atepa muamua i ē na
tu’ua’iina o ia, ma fa’ailoa ai lo latou fa’alata ma fa’amalosia ai i latou e
toe va’ava’ai i ō latou lava manatu. Peita’i, na ia toe tata’i fo’i le va’ai i le
tamāli’iaga o le fafine, e ala i lona tali atu iai ma le alofa mutimutivale. ‘Mai
le fa’asa’olotoga e Iesu o le fafine mai ana agasala, ua fa’aulufale atu ai o ia i
se olaga fou ua suia’ (Pope Penitito XVI, Angelus, Aso Sa Lima o le Fagafulu,
2010).
E ono faigata ona fa’afeso’ota’i i tatou ma lenei tala, ona e lē mafai ona tatou
fa’aataina le tau’aiga o se fafine i ma’a ina ia oti. E ono fa’aosoosoina i tatou
ina ia tatou tutū mamao ese mai le va’aiga o lo’o i lenei Evagelia. Peita’i, e
toatele ua pagatia i lo latou sosaiete i le taimi nei, ona o le lē amanaiaina o le
tamāli’iaga o le tagata. Ua fa’amatalaina e le Ecclesia in Oceania nisi tulaga o
lo’o tutupu i ō tatou pitonu’u:
O le lē fa’aaloalogiaina o le tamāli’iaga po’o aiā tatau a le isi tagata, ua
lē ō gatusa ai ma le Tala lelei ma le fa’atafunaga o le sosaiete o tagata
soifua….O lo’o aofia i nei vaega, le aiā tatau e galulue ai fa’apea ma
le maua o galuega, ina ia mafai e tagata ona tausia i latou lava ma
tausi ma a’oa’o o latou aiga. O se popolega tele le leai o ni galuega mo
tupulaga talavou, ua mafua ai le tele o le pule o le ola o tupulaga i nisi
o atunu’u….Talu ai ona ua tele le ola fa’asalemausau ma le tamaoaiga
o sosaiete o Oseania, ua pito sili ai fo’i ona fa’amata’uina le aiā tatau
i le ola. E loloto le eseesega, ona o nei sosaiete e masani ona talanoa
tumau e uiga i aiā tatau a tagata, ae o le taimi fo’i lea e tasi, o lo’o
fa’atuatuana’i ai i le aiā tatau pito sili ona tāua. I le fefina’ua’iga i aso
nei i le va o le ‘aganu’u o le ola’ ma le ‘aganu’u o le oti’, ua alagatatau ai
i le Ekalesia ona puipuia le aiā tatau i le ola, mai le taimi na soifua mai ai
e o’o atu lava i le oti, i vaega ta’itasi uma o lona atina’ega (#27, 30)
29
TALANOAGA I KULUPU
Ta’ita’i: O ā vaega o ō tatou olaga e pito sili ona o tatou vaivai ai ma tauaso
ai ona o ō tatou lava fa’aletonu, ma naunau e fa’amasino ai isi tagata, ae lē
va’ava’ai toto’a muamua ai iā i tatou lava? O ā ni mea o tatou faia ae o ā fo’i
nisi mea e mafai ona tatou faia, e amanaia ai le tamāli’iaga o isi tagata, i ō
latou olaga atoa?
Tatalo Fa’ai’u: Salamo 126
Fa’atasi: Ua faia e le Alii mea tetele mo i tatou; ua tatou fiafia ai.
Ta’ita’i: Na faafoisia mai e le Alii o Siona nai le tafeaga, ona tusa ai lea o i
tatou ma tagata ua fai a latou miti.
Ona tumu ai lea o tatou gutu i le featani, ma o tatou laulaufaiva i le
leo fiafia.
Fa’atasi: Ua faia e le Alii mea tetele mo i tatou; ua tatou fiafia ai
Ta’ita’i: L e Alii e, ia e faafoisia mai la matou tafeaga, faapei o vaitafe i le itu i
toga. O e lulu saito ma loimata, latou te seleseleina ma le alaga fiafia.
Fa’atasi: Ua faia e le Alii mea tetele mo i tatou; ua tatou fiafia ai
Ta’ita’i: O le ua alu atu ma tagi fano, o loo ave le saito e lulu, e fo’i mai lava ia
ma le agaga fiafia, o loo aumai ana fusi saito.
Fa’atasi: Ua faia e le Alii mea tetele mo i tatou; ua tatou fiafia ai
Ta’ita’i: Iesu ē, lo matou ala, lo matou moni ma lō matou ola, ua e fa’ailoa
mai iā i matou pe fa’apefea ona fa’aaloalo ma amanaiaina le
tamāli’iaga o i latou matou te feiloa’i atu iai. Ia matou tali tumau ma
le moni ma le fa’apalepale. Ua faia e le Ali’i mea tetele mo i tatou, ua
tatou fiafia ai.
Fa’atasi: Amene
30
Ia mulimuli ma le loto atoa…ta’u atu ma le lototele…
ia ola ma le olioli…
Photo: Philip Gibbs
…ia faia lou finagalo, ae le’o lo’u loto…
31
FEILOA’IGA ONO
ASO SA O LE PASIO: O puapuagā o Iesu Keriso
O le ‘ā tatou mo’omiaina le tepa taula’i o la tatou va’ai iā Iesu Keriso,
“…o lē na te ta’ita’iina ma lē na te fa’aato’atoaina le fa’atuatua” (Eperu
12:2): mai iā te ia, e maua ai e le loto o le tagata le atoaga mai ona
mafatiaga ma fa’anaunauga sa feagai ai.
Pope Penitito XVI: Porta Fidei, 2011
Tatalo Amata
Ta’ita’i: Le Atua silisili ese, ia matou mulimuli iā Keriso ma le loto atoa, pe ‘ā
fa’amalosi’auina i matou e lou Agaga Paia, ma matou loto tetele e ala
iā matou upu ma taāga ma olioli i le atoaga ma le tumu ato’atoa o le
ola ua e foa’iina mai ia i matou.
Fa’atasi: Lo matou Tama’ita’i o le Filemu, e to’afimalie ai matagi uma
Augani atu mo le Ekalesia i Oseania
Ina ia ona maua pea le malosi
E mulimuli ai ma le loto atoa i le ala o Iesu Keriso
Ia fa’ailoa atu ma le loto tele le moni o Iesu Keriso
Ia ola fiafia i le soifuaga o Iesu Keriso
Ekalesia i Oseania
FETUFA’A’IGA I KULUPU
Ta’ita’i: O a ni suiga ua faia e nei manatunatuga mo oe i le Vaitausaga o le
Fagafulu? O ā ni taumaūga ua e faia mo oe lava i le gasologa o le polokalame
ua faigofie ona e fa’atinoina? O ā ni vaega sa faigata ona e fa’atinoina? O ā ni
suiga i au amioga i lenei Vaitausaga o le Fagafulu?
FOLAFOLAGA O LE EVAGELIA
O le atoaga o le tala i Puapuagā o Keriso, lea e folafolaina i le Aso Sa o le
Palema, e mafai ona mauaina i le Luka 22:14-23:56. Ua filifilia se folafolaga
pu’upu’u mo lenei polokalame, peita’i, e mafai ona e filifilia se isi faitauga ese,
mai le Pasio, po’o le faitau o le Evagelia atoa o le Tala i Puapuaga o le Ali’i, o
lo’o i le Tusi Paia.
32
Ua maliu atu o ia i fafo, ‘ua savali
atu i le mauga o Olive, ‘ua fa’apea
lana masani; ‘ua mulimuli atu fo’i
ona so’o iā te ia. ‘Ua o’o atu o ia i
lea mea, ‘ona fetalai atu lea o ia ia
te i latou, “Ia outou tatalo ne’i o’o
mai le fa’aosoosoga iā te ‘outou.”
Ona maliu ese lea o ia iā te i
latou, e pei o le togi o le ma’a lona
mamao, ona to’otuli ai lea o ia ua
tatalo, ua fa’apea atu, “Lo’u Tamā
e, a e finagalo iai, ia e ave ese lenei
ipu iā te a’u, ae aua le faia lo’u
loto, a’o lou finagalo.” Ona fa’aali mai ai lea iā te ia o le agelu mai le lagi, ua
fa’amalosi iā te ia. Ua puapuaga o ia, ua atili ai lana tatalo; o lona afu fo’i ua
pei o ‘alu’alu toto ua pa’ū ifo i le eleele.”
Ua tula’i o ia sa tatalo, ona maliu atu lea i ona so’o, ua maua i latou ua momoe,
ina ua tigā i le alofa. Ona fetalai atu lea o ia iā te i latou, “Se ā le mea tou te
momoe ai? Inā tula’i ia, inā tatalo, ne’i o’o mai le fa’aosoosoga iā te outou.”
Faalologo mo ni nai sekone. A uma ona tuu lea o le avanoa i le mafutaga
e faasoa mai ai se upu, se laina poo se faaupuga foi mai le faitauga ua ia
faatauaina.
Tuu le avanoa i nisi o le mafutaga e toe faitau maia le Evagelia. Faalologo mo
se taimi puupuu.
Fetufaiga i Kulupu
Ta’ita’i: O le a se upu poo se faaupuga ua e faatauaina i lenei taimi? Aisea?
Manatunatuga i le Evagelia
Na saunoa Pope Penitito, o puapuaga o tatalo a Keriso a’o le’i pu’eina o ia, o le
manatu lea na fa’amausaliina ai le Liliuga mamana o Iesu lea tatou te faitauina
i le Vaiaso 2 o le Fagafulu. O le taimi lea, na talanoa atu ai Mose ma Elia iā te ia
i lona maliu, lea na taunu’u i Ierusalema.
33
Illustration: Tamāriki Ferguson
O le folafolaga mai le
Evagelia a Luka 22:39-46
E ui o le liliuga o Iesu o se taimi o le malamalama ma le fa’aeaeaga, ae e pogisa
ma lagona le tu’ua to’atasi, pei ona lē ō gatasi ai lona tigā i ana tatalo a’o ia
fa’atalitali i le taimi e pu’eina ai o ia. O lona tamāli’iaga na fa’aalia e lē gata
e ala atu i lona fa’anaunauga, pe mafai ona ‘alo ese mai le mea o le ‘ā tupu
i le taimi o muamua, peita’i, na ala atu fo’i i molimau i Evagelia eseese i ona
loifofoga ma lona afutoto – o fa’ailoga ia o le vaivai o le tino ma le mafaufau.
A’o lumana’i ai ona Puapuaga, sa lagona e Iesu le matuitui ma le tigā ma tu’u
atu o ia i le finagalo mamana o le Atua; o lana tatalo i lenā taimi, o le ā avea
ma molimau o le fa’aolataga mo i tatou uma.’(Pope Penitito XVI, Angelus, Aso
Sa Lua o le Fagafulu,2007)
Mai iō tatou manatunatuga i puapuaga o Keriso a’o ia tapena e fetaia’i ma
mea o fa’aolioli mai i le taimi o i luma, ua vala’auina ai i tatou ina ia fa’atino
ni galuega e galulue fa’atasi ai, e tali atu ai ia i latou i lo tatou lalolagi o aso
nei, o ē o fa’aalia fofoga o Keriso, a’o latou fa’atalitali fo’i i tiga o le taimi o
lumana’i. O i latou o lo’o nonofo i nofoaga o tutupu ai taua; o i latou o lo’o
nonofo i nofoaga tonu o lo’o moni ai faiga tau fa’amata’u i fa’asalaga mai faiga
fa’apolikiki, lotu ma ituaiga tagatanu’u eseese; o i latou o lo’o soifua ma ni
gasegase tumau po’o ni tigā o feagai ma le tino; fa’apea ai ma i latou e feagai
ma fa’alavelave ogaoga o le si’osi’omaga, o i latou ia, o lo’o aofia fa’atasi ma ē
i le lalolagi e ono mo’omiaina le tutū fa’atasi o tagata o lo’o moe alaala fa’atasi
ma i latou, a’o latou tatalo ina ia taumamao i latou mai fa’aosoosoga.
O le Vaitausaga o le Fagafulu e taualuga i le maliu o Keriso, a’o le Vaitausaga o
le Eseta e amata i le Toetu. O le feau o le Eseta, o se feau amata o le ola fou
ma le fa’amoemoe. O le avea ai o i tatou ma Kerisiano, ua avea ai fo’i i tatou
ma tagata o le Toetu, ma ua tatou talitonu ma fa’atino la tatou pitola’au ma le
iloa, o tiga ma le Koluse, e le’o upu mulimuli ia.
O le fa’amatalaga e le Ecclesia in Oceania o la tatou talaiga:
A’o aga’i mai tagata o le Oseania e talia le atoaga o le fa’aolataga ia
Keriso, na latou mauaina ai se fa’ailoga uiga ese i le lagi i le po, lea sa tū
ai le Koluse i sasa’e, o se fa’ailo pupula o le kalasia ma le fa’amanuiaga
taualoa a le Atua. Ua vala’auina le augatupulaga o le au Kerisiano o
lenei vaitau ma auina atu ina ia taunu’u le fa’atalaleleiga fou mo tagata
o Oseania, o se folafolaga fou o le moni e lē mavae na toe fa’afotu mai e
le fa’ailoga o le Koluse i Sasa’e.
34
O se fa’alapotopotoga o tagata Kerisiano, e lē fa’apea ua na’o se
nofoaga e fa’afifīlēmu ai ona sui auai. E finagalo Tamā o le Sinoti,
ina ia fa’alototeleina le fa’alapotopotoga, ina ia va’ai i tua atu o ō
latou popolega o le taimi nei, ma a’apa atu i isi tagata. E lē mafai
e le palisi, o se fa’alapotopotoga, ona fa’aesea o ia lava mai le mea
moni o lo’o tutupu i le lalolagi o lo’o si’osi’omia ai i latou. E tatau i le
fa’alapotopotoga Kerisiano ona mata’alia ma ua’i atu i mataupu o le
faimeatonu ma le galala o le agaga o lo’o a’afia ai le sosaiete. E tatau
ona fa’asoa le mea ua ofoina mai e Iesu i ona so’o, i tagata uma o
Oseania, tusa lava po’o le ā le tulaga o feagai ai. Auā ua na’o ia lava o
le atoaga o le ola (#13).
Fetufa’iga i kulupu
Ta’ita’i: O fa’apefea ona tatou va’ava’ai i tua atu o ō tatou lava atugaluga o le
taimi nei ma a’apa atu i isi tagata? E iai se isi mea e mafai ona tatou faia?
TATALO FA’AI’U
Ta’ita’i: Iesu e, lo matou Ala, lo matou Moni ma lo matou Ola, fa’afetai mo le
taimi o lo’o matou mafuta fa’atasi ai, e manatunatu ai i evagelia o le
Fagafulu, e toe tāpena ai lo matou mulimuli atu i lou Ala ma le loto
atoa, tautala atu ma le lototele e uiga i lou Moni ma Ola fiafia i lou
soifuaga. Ia matou tauave lenei taimi o tapenaga o le Fagafulu se’ia
o’o atu i le patipatiga o le olioli o le Eseta. O la matou olega lea e ala
atu ia Keriso lo matou Alii, Amene.
35
NOTES
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
36
NOTES
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
37
NOTES
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
_______________________________________________________________
38
Pepa Fa’atumu mo ni Manatu e uiga i lenei polokalame
Fa’amolemole toe fa’afo’i atu i le:
Caritas Aotearoa New Zealand, PO Box 12-193, Wellington 6144
Fax: 04-499-2519 [email protected]
Polokalame o Manatunatuga o le Fagafulu a le
Caritas 2013
E talia fiafia e le Caritas ni finagalo fa’aalia o sui auai o lenei polokalame e
fa’atatau i le auala na fa’aaogaina ai le polokalame, o ā ni mea na e fiafia iai
a’o ā fo’i ni vaega e te finagalo e tatau ona suia pe fa’aleleia. O lou finagalo
o le ‘ā fesoasoani ia i matou, po’o fa’apefea ona lautele le fa’aaogaga o le
polokalame, ma toe fa’aleleia auā le 2014.
Suafa: _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ Matagaluega/kulupu/fa’alapotopotoga:_ _ _ _ _ _ _ _ _ _ _ _ _ _ _ _ _ _ _ _ _ _ Taimi ma le aso na feiloa’i ai lau kulupu: _ _ _ _ _ _ _ _ _ _ _ _ _ _ _ _ _ _ _ _ _ O le ā le vaega aogā o le polokalame?
____________________________________________
____________________________________________
____________________________________________
O ā ni mea e ao ona fa’aleleia?
____________________________________________
____________________________________________
____________________________________________
O fa’apefea ona a’afia lau kulupu po’o au lava ia amioga i le Taimi o le Fagafulu
mai le auai ai i le polokalame?
____________________________________________
____________________________________________
O ni vaega tāua o le polokalame:
Very helpful
Helpful
Adequate
Unhelpful
No help
Taiala i le fa’aaogaga o
lenei polokalame
Lectio divina o se faiga
mo manatunatuga ma
fefa’asoa’iga
Tatalo
Fesili mo Talanoaga
Manatunatuga i Evagelia
Fa’ataitaiga o polōketi a le
Caritas ma ana polokalame
O la’u tali ma fautuaga mo
galuega fa’atino
Nisi finagalo fa’aopoopo:
____________________________________________
____________________________________________
> Addressing the causes of poverty
____________________________________________
> Advocating against injustice
____________________________________________
> Responding to disaster
____________________________________________
Faith invites us to look towards the future
with the virtue of hope, in the confident
expectation that the victory of Christ’s love
will come to its fullness.
Pope Benedict XVI: Lenten message, 2013
The Catholic Agency for
Justice Peace and Development
• Addressing the causes of poverty
• Advocating against injustice
• Responding to disaster