2002 Herbstausgabe

Dr Breesibricht
Liebi Bassivmitgliider, Genner und
Frinde vo de Fuege-Faeger, liebi
Fuege-Fäger
Wie immer wart y aagspannt bis dr
Mischa, unsere Redaggter mit dr
Bitt, dr Breesibricht z schryybe uff
mi zuekunnt. Und immer stuun y,
wie schnäll die Zyt vergoot. Denn
beraits in wenige Wuchen derfe mr
wiider im Familienkrais Wiehnachte
fyyre. Aber ganz sowyt isch es doch
noonig. Im letschte Joor hän mr
doch ainiges kenne uff d Bai stelle.
Speziell z Erwääne isch doch sicher
dr Uffdritt bi dr Tupperware gsi,
doch doo dribe isch sicher no ebbis
im Heftli z lääse. Au dr Herrebummel, wo n y sälber laider nid ha
kenne dail nää, sig schyyns dr Hammer gsi! Villicht hän mr das Joor
fascht e bitz z viel Uffdritt gha, aber
unseri Verainskasse het s danggend
aagnoo. Ganz toll han y das Joor
unser Muusigweekend uff em Stoos
gfunde, obwool y eerlig gsait am
Aafang e bitz skeptisch gsii bi, will
sich nur grad d Helfti aagmolde het.
Es isch wirgglig absolut spitze gsi,
was uns unsere Musigmaischter, dr
Boschtj, do kulinarisch, kulturell und
nadiirlig musikalisch botte het. Fir s
näggschte Joor isch scho wiider alles
reserviert und y bi iberzygt, ass es
denn wiider mindeschtens genau so
toll wird! Aber die greschti Uffgoob, wo mr das Joor gmaischteret
hän, isch dr Umbau vo unserem
Käller gsi. Im Vorus sig scho mol z
erwääne, ass es einigi wenigi gsi
sin, wo s Szepter in dr Hand gha
hän und mit grosser Euphorie dr
ganz Verain aagschtiftet hän, mit z
hälft. S Resultat ka sich see loo.
Unsere Käller isch e richtigs Bijou
worde, wo beraits jetzt scho
vrmeert fir Aaläss gnutzt wird.
Wär dr Käller wott miete, soll sich
bim Andy Grienefälder mälde:
076 560 75 00.
E riisegrosses Danggschen mecht y
an alli Fuege-Fäger richte, wo sich
durch s Joor duure mit Fraid und
Elan fir dr Verain yygsetzt hän. Es
het sich in jedem Punggt gloont!
Natiirlig het am 20. Septämber
unseri Sujetsitzig stattgfunde, wo
alli blau eh rot/blau gsi sin oder
doch nid, ych waiss es nümm so genau, will ych bi jo ain vo de blaue
gsi, oder villicht doch scho fascht e
bitz grien. Aber das isch jo e Thema
fir näggscht Joor. So, jetzt hoff y, mr
seen uns in sällem Joor no mol im
Käller, und sunsch winsch y Eych
scheeni Feschtdääg und e guete
Rutsch ins neye Joor.
Eure Breesi, Stefi
1
Dr Inhalt
S Impressum
Dr Breesibricht
1
Tupperware
3
Dr Herrebummel
5
Dr Källerumbau
7
Liverpool Odyssee
12
D Källereffnigszyte
17
FF uff em Mars
17
S Muusigweekend
19
Dr Schnippelbooge
23
E Zaichnig von eme FCB-Fan
24
Das isch die dritti vo drey
Ussgoobe im Joor 2002
mit ere Ufflaag vo 400 Stigg
Uusegää vo dr
Fuege-Fäger Gugge-Muusig Basel
Boschtfach 242, 4010 Basel
[email protected]
[email protected]
Im Redaggtionsteam sitze dr
Mischa Blattner, Baslerstrooss 355
4123 Allschwil, Tel. 061 30 30 211
[email protected]
und dr Erwin Imholz,
Spaalering 1, 4055 Basel
S Titelbild het gmacht:
s Ateliee Harlekin, Basel
Dr Inserate-Aquisitöör isch dr
Pit Friedli, Fiechtenweg 40
4147 Aesch, Tel. 061 751 53 58
Inserate-Bryyse fir ai Joor
e ganzi Syte
240.–
e halbi Syte
180.–
e viertel Syte
120.–
Farbzueschlaag (Umschlag) 40%
S Layout het d SaRea Satz gmacht
Dr Speedy Print Basel het s druggt
Dr Redaggtions-Schluss fir die
näggscht Nummere isch am
20. Hornig 2003
www.fuegefaeger.ch
2
Tupperw
are
upperware
Nit ganz ussgschloofe und au nonig
ganz begaischteret hän mir uns am e
Samschtig Morge punkt viertel ab
Achti ( 08.15! ) bim Stadtcasino z Basel troffe. Agseit isch e Aaloss vo dr
Firma Tupperware gsi. Die erscht
Miedigkeit überstande hän sich denn
emol e paar umzoge und sin mit em
Waggis oder dr Alte Tante ufftaucht.
Sicherlich hets do au zu verwächslige
mit em Goschdym könne cho, dr
Asterix het jo e unwarschynligi Ähnlichkeit mit de verlangte zwei
Goschdym. Jedefalls hän mir uns
emol langsam uf e Wäg zu unserer
Bühni gmacht und sind denn au bereit gsi um die us dr ganze Schwiz
agreiste Dame und Herre musikalisch
begriesse z derfe. Ziemlich erstuunt
über das zahlrich erschiene und vor
allem au sehr begeischterete Publikum
hän mir denn s Beschti gäh wo so
frieh am Morge überhaupt möglich
isch. Ändlich bim erschte Kaffi an
däm Daag aglangt hän mir uff unsere
nägschte Yysatz gwartet. Immer wie
besser in Form hän mir denn dr zweit
Uffdritt absolviert und die awäsende
Lüt no meh in Begeischterig versetzt.
Unter Jubel und Standing-Ovation
sin mir denn wieder in unseri Garderobe marschiert. S Trinke het sich
langsam, aber sicher, vo Kaffi uff Bier
umgstellt. Während em nägschte
Uffdritt hän sich no d Männer us em
Publikum zu uns gsellt, usgrüschtet
mit Instrumänt à la Tupperware.
Wiider binere Pause aaglangt het e
Teil vo uns mit em Källermaischter e
glaini Besichtigung durch dr, no im
Umbau steggendi, Käller unternoo.
Dr Räscht het binere wytere Kischte
Bier d Pause anderswitig verwylt. Um
d Mittagszyt umme hän mir denn dr
letscht Uffdritt aaträtte. Während dr
Hymne wo mir denn vor ca. 350 stehende und Fürzüg schwänkende
Persone gspielt hän muess es au im
grösche Anti-Fasnächtler kalt dr
Rugge abegloffe si. Kalt dr Rugge
isch es aim denn au e paar Minute
spöter, wo mir d Ambulanz vorfahre
gsehn. Es het sich denn uusegstellt,
dass sich em Peter sini Zoggeli und d
Steistäge vom Casino nid guet
verstande hän, was zum ene brochene Arm gfiehrt het. Trotz däm unerfreuliche Zwüschefall sin mir denn
uf em Balkon mit schöner Ussicht uf
dr Barfi mit eme Z Mittag bewirtet
worde. E Paar hän allerdings scho
wider Angscht bicho bim Aablick vo
Cordon-Bleu, was sich denn aber als
völlig unbegründet uusegstellt het.
Für mi persönlich isch e sehr
ydrügglige Morge gsi, wo sich s friehe
Uffstoh sicherlig glohnt het!
Moritz
3
Dr Herrebummel
Es hän sich wieder ainigi berait erklärt, dr Herrebummel am
Samschtig, 23.Septämber z organisiere. Säll Joor isch es dr Marcel
und dr Mimo gsi.
Am Noomidaag hän mr uns in Basel
uff
em
Minschterblatz
bisammlet und sin grad au mit
Gedrängg aller Art empfange
worde. Wo mr alli gstärggt gsii sin,
sin mr em Marcel hindenoo
däbbelet, bis aabe ans Rhyy-Uufer,
wo uns die neyi Fääri erwartet het.
Vo dert us isch es denn nimme wyt
gsi bis zu sällem Museum vom (y
waiss nimm wienr haisst, sisch dä
wo uss Schrott so Maschine
härgschtellt het, wo sich alles bewegt). Für mi isch dr Bsuech sehr
interessant gsi, bi jo schliesslig no
nie dert gsi. Wo d Besichtigung
vrbyy gsi isch, sin mr wiider zem
Rhyy aabegloffe, wo dr Mimo scho
wiider e Gedränggestand
uffbaut het. Mr sin grad
gräftig am Tringge gsi, wo
sone Boot vrbyy cho isch,
und uns alli yyglaade het.
Mir sin sofort alli uff sälle
Kaan uffgstiige (schnäll no e
baar Karton Bier mitnää!)
und los ischs gange. Mr hän
jetzt ebbe e aistindigi Fahrt
uff em Rhyy gha, wo allne
sehr gfalle het.
Aber alles scheene goot jo mol
vrbyy, und so hän mr wiider am
Uufer miesse aaleege und z Fuess
zu soneme Käller marschiere... Dr
Käller vo de... hm... bi glaub scho z
bsoffe gsi.
Mr sin dert sehr härzlig empfange
und bewirtet worde. Es het drey
Sorte Daigware mit Sosse und sogar
einere mit Knoblauch gä. Ych sag
Euch, in däm Käller isch e
Gschmäggli gsi, ohje ohje... Und dr
Pit het am näggschte Daag no e
Match miesse pfyffe - die arme
Spiiler! Ych bi leider ein vo de
Erschte gsi, wo dr Heimwäg het
miesse aadrädde, will y no e
Vrabreedig gha ha, aber ych ka nur
sage, dass au säll mol dr Bummel
Spitze gsi isch! Ych freu mi scho uff
s näggscht mol.
Dr Posunne - Rudi
5
Dr Källerumbau
D Planigsphase
Wo mr vo dr GV beuffdrait worde
sin, dr Käller z renoviere, hän mr e
Bauteam zämmegstellt und uns an d
Planig gmacht.
D Oberuffsicht het dr Andy gha.
Zämme mit em Sven isch är
Allrounder gsi, dr Sven isch
zuesätzlig fir Transpert und d
Liftig vrantwortlig gsi. Dr
Domenic fir s Eleggtrisch, dr
Stärnli fir s Moole und
Gibbse, dr Tobi fir
s Muure. Noo
viile Sitzige
mit Steerige
(dr Pit het s
Umbaue
kuum kenne erwarte
u
n
d
ammigs
s c h o
wäärend
de Sitzige
zuepaggt)
hän
mr
denn aber
doch
e
passabels
Konzäbbt
uff d Bai
gstellt.
Dr Umbau
Genau am 30. Mai 2002 hän mr
gstartet. S Mobiliar isch vrpaggt
und fir e Abtransport berait gstellt
worde. Bi dere Ziigelaggtion hän 14
Naase gholfe, ass mr dr
ganzi Käller in drey
Stund
leer
gruumt hän. Wo
mr drnoo im leere
Käller gschtande
sin, hän mr noonig
gwisst,
wieviel
Arbet no vor uns
stoot. In dr Hitz vom Gfächt hän mr ganz vrgässe,
dr Tiefkiehler z ruume, was
zunere rächt unaagnääm
schmeggende Panne gfiert
het:
die ganzi Hitte
het derart
gschtungge,
ass
d
Bewooner
luttschtargg
reklamiert hän. Y ha s
denn aber elegant kenne
leese...
Noodäm mr d Deggi
aabegwäsche hän, het se
dr
Domenic
denn
aabegrisse
und
dr
neggschti Abtransport isch
7
Dr Källerumbau
D Furtsetzig
organisiert worde.
Jetzt
isch
em
Domenic sini Zyt
ko: Är het fir sini
eleggtrische Arbete
extra Ferie gnoo!
Noo
zwaiehalb
Wuche sin die 250
Meter
Kabel
vrleggt gsi.
Am druff folgende
Samschtig hän dr
Andy, dr Sven und e baar Hälfer
107m² Gibbskartonblatte in Käller
aabe ziiglet, damit si in de kommende Wuche kenne an d Deggi
gschrubt wärde. Drnoo het dr Andy
e Znüüni offeriert.
In dr Wuche druff het dr Stärnli mit
sine
Hälfer
e
DobbellatteKonstruggtion baut, damit denn
dert druff d Gibbskartonblatte kenne befeschtigt wärde. Dr Zieri het
sich bsunders ins Zyyg gleggt und e
schneedruggsicheri
Superkonstruggtion baut. Mr sin alli iberzigt:
Au wenn s ganze Huus zämmebricht - dr Käller blybt stoo!
In dr Summerpause het dr Tobi
zämme mit em Sanitärer Ronny
(Jordy und Zurfluh) dr WC-Umbau
gmacht. Si hän innerhalb vo zwai
Wuche alles so vorbereitet, dass es
fir die wytere Arbete berait gsi isch.
Au dr Beat und dr Phillipe hän alli
Händ voll z due gha. Ainersyts hän
d Wänd und dr Boode vom WC
miesse
fir
dr
Blättlileeger
vorberaitet wärde, anderersyts sig
schyyns e Dame wo im Huus
woont uff em Wääg zer
Wöschkuchi im Né|gli|gé duuregloffe, was die baide vo dr Arbet e
bitz abghalte haig.
Dr Beat und dr Blättlileeger hän
denn zämme die Blättli vrlegt und
ussgfuegt. Die räschtlige WCArbete wie Trennwänd setze, s
Eleggtrisch aaschliesse und Moole
sin denn vom Sven, Stärnli, Dominik
und Andy im Septämber- Oggtober
installiert worde.
Dr Källerumbau
D Furtsetzig
Mr hän noo dr Summerpause
feschtgschtellt, ass es nid so vorwärts goot, wie mir uns das
vorgschtellt hän. Drumm hän denn
dr Sven und dr Andy die
komplizierti Gibbskonstruktion in d
Händ gnoo und si innerhalb vo ca. 2
Wuche fertiggschtellt, damit dr
Stärnli ändlig ka aafoo moole. Das
isch wohl die strängschti Zyt gsi,
das het me au an de bitter nötige
Erholigs-Drüngg im Stainlemer kenne see. Aafangs Septämber, wo d
Deggi doobe und alles gmoolt gsi
isch, hän mr d Liftig in Aagriff
gnoo, damit s ändlig emol Blatz git.
Dr Domeinic und dr Andy hän fir
die Arbete 2-3 Daag bruucht, au säll
mol
sin
wiider
Freydääg
druffgange. Es isch e extrem
staubigi Aagläägeheit worde, bis
die Liftigsaggregat und -Kanäl an
iirem Blatz gsi sin. Jetzt hän mr
zämme mit e baar Hälfer nur no
miesse die räschtlige Moolerarbete
fertig mache. Es isch s Gaudi gsii,
mit unsere Hälfer und Hälferinne
so z Schaffe.
So langsam het dr Käller Forme
aagnoo und me het aigentlig erscht
denn so richtig gseh, was eso
glaischtet worde isch. Noo de
Moolerarbete het dr Domenic
nomol s Zepter in d Hand gnoo und
s Eleggtrisch fertig inschtalliert.
D Fyynarbete hän denn doch no
rächt viel Zyt in Aaspruch gnoo,
schliesslig het jo au alles no miesse
grindlig butzt wärde!
Aber iber all die Strapaze kenne mr
wäggluege und stolz sii uff uns und
unseri Hälfer und Hälferinne.
Und ooni glaini und grossi, stilli und
offeni Sponsore wär dä Käller sicher au nid so toll worde!
Dr Bauchef,
Andy Grienefälder
Liverpool Odyssee
Bier und Burger statt Bildung und Beatles
BASEL/LIVERPOOL - Bereits beim
Eintreffen am Flughafen BaselMulhouse wurde allen klar - dies
hat nichts mit Kultur zu tun! Was
ursprünglich als kulturelle Weiterbildungsreise in die Beatles-Stadt
geplant war, endete für eine Gruppe
Basler, darunter zwei Fuege-Fäger,
in einem Sumpf aus Promille und
Fussballverrückten. Leider kein Einzelfall! Die Chronologie der tragischen Ereignisse:
Mittwoch, 25.9.02, 10.00 Uhr
Bei Fabian B. aus B. (24) klingelt der
Wecker. Lange hatte er auf diesen
Tag gewartet. Der begeisterte
Fasnächtler, seineszeichen FuegeFäger, hatte schon vor Wochen für
sich und vier weitere Begleiter die
Reise nach Liverpool gebucht. Als
Städtereise mit anschliessendem
Fussballspiel wurde der Trip angepriesen.
10.45 Uhr
Sämtliche Teilnehmer treffen bei
Fabian B. ein. Nach 10-maligem
überprüfen verlassen sie mit der
Gewissheit die Wohnung, sämtliche
Reisedokumente definitiv eingepackt zu haben. Gemeinsam fahren
sie gut gelaunt und nichts ahnend
Richtung Flughafen. Augenzeugen12
Berichten zufolge soll die Stimmung
unter den 5 äusserst ausgelassen
und fröhlich gewesen sein.
11.30 Uhr
Nach einem kurzen Kaffee im Flughafenrestaurant, in welchem bereits
-Zig
rot-blau
bekleidete
Fussballfans ihre wohl letzte nichtalkoholische Nahrung zu sich nehmen, checken die 5 unbekümmert
am Schalter ein und begeben sich
Richtung Gates. Was zu diesem
Zeitpunkt keiner ahnte - unmittelbar nach der Sicherheitskontrolle
warten bereits über 500 Schlachtenbummler, welche - stetig verpflegt
durch die zwei Bars - zum Teil bereits einen besorgniserregenden Niveau-Stand erreicht hatten.
12.00 Uhr
Beeinflusst durch die allgegenwärtige Erwartungshaltung, Alkohol zu
konsumieren, kombiniert mit dem
allgemeinen Gruppendruck, begab
sich Tobi S. (24) - im Freundeskreis
sonst eher als zurückhaltend und
etwas schüchtern bekannt - zu der
Bar um Bier zu erwerben. Wie es zu
dieser Kurzschlusshandlung kommen konnte, lässt sich im Nachhinein selbst für erfahrene Psychologen
nur schwer nachvollziehen. Umge-
Liverpool Odyssee
D Furtsetzig
ben von lauter Freunden und Bekannten, vorwiegend aus der Basler
Fussball- und Fasnachtszene,
stossen die 5 im festen Glauben daran, das Richtige zu tun, auf Ihre
Reise an. …es war das letzte Mal,
dass Fabian B., Tobi S. und deren
Begleiter nüchtern gesehen wurden…
14.00 Uhr
Obwohl vom Reiseveranstalter
schriftlich kommuniziert, keine alkoholisierten Personen zu transportieren, gibt es mehrere offizielle
Zeugenaussagen, welche behaupten, Personen im Flugzeug gesehen
zu haben, bei welchen der Verdacht
des Alkoholkonsums zumindest
nicht vollständig von der Hand zu
weisen ist. Diesem Vorwurf können
sich auch Fabian B., Tobi S. und Begleitung nicht mehr entziehen. Dem
Vorbildlichen Verhalten der Flugbegleiterinnen, während des Fluges
keinen Alkohol auszuschenken, ist
es zu verdanken, dass Schlimmeres
verhindert werden kann.
16.00 Uhr (Ortszeit Liverpool)
Dass die 5 Kulturreisenden zu keiner Zeit eine Chance haben, sich
dem Teufelskreis zu entziehen, beweist die Tatsache, dass die Teilneh-
mer nicht wie erwartet in das Museum für Gegenwartskunst und Literatur gefahren werden, sondern an
die Docks von Liverpool, wo es
nichts gibt ausser dem Car-Parkplatz - und Pubs! In letzteres folgen
Tobi S. & Co., Mittlerweilen ohnehin schon in leicht labilem Zustand,
der inzwischen auf 1500 angewachsenen rot-blauen Schar.
18.00 Uhr
Ein Korso bestehend aus über 50
Cars und Polizeieskorte fährt die
über 2500 Fans zum Stadion. Was
sich auf dem Papier als seriös durchdachte Organisation anhört, entpuppt sich in Tat und Wahrheit als
grober Verstoss gegen die Menschlichkeit. So ist es den Insassen nicht
möglich, während der über
20minütgen Carfahrt auszutreten,
was in Anbetracht des vorgängigen
Pub-Besuchs dem aussenstehenden
Betrachter nur ein ungläubiges
Kopfschütteln entlockt. Insbesondere Fabian B. leidet unter den unmenschlichen Restriktionen und
durchlebt die Hölle. Man muss kein
Mediziner sein um nachvollziehen
zu können, was passiert, wenn man
in einen 3-Liter Ballon das Doppelte
an Füllmenge einfliessen lässt.
13
Liverpool Odyssee
D Furtsetzig
18.30 Uhr
Beim Stadion angekommen, stürmt
Fabian B. mit Verdacht auf BlasenInnenwand-Riss aus dem Car und
kann in allerletzter Sekunde hinter
einem Busch schlimmeres verhindern. Statt sich nun auf direktem
Weg in das rettende Station - bekanntlich gilt für Europacup-Spiele
im Stadion Alkoholverbot - zu
flüchten, gehen die 5, Mittlerweilen
völlig in den Rausch des betrunkenen Mobs integriert, in das nahe
gelegene Pub. Nur wage lässt sich
erahnen, was sich hinter dem harmlos anmutenden Pubeingang abspielen muss. Augenzeugen werden später berichten, dass rund 75 % der
Personen im Pub aus dem Raum Basel stammten.
20.30 Uhr
Schliesslich, allerdings etwa 7 Pints
zu spät, erreichen sie das langersehnte Stadion, was den Fünfen in
diesem Augenblick wie eine Oase
der Enthaltsamkeit vorkommen
muss. In der verzweifelten Hoffnung, nun endlich der sich immer
schneller drehenden Alkoholspirale
entkommen zu sein, reihen sie sich
zu den übrigen FCB-Fans ein. Gezeichnet von der extremen körperlichen Belastung und der psychischen
Torturen, unterstützen sie die
Mannschaft des FC Basels - so gut
es der Zustand noch zulässt.
01.00 Uhr (26.9.02)
Schwer angeschlagen erreichen die
beiden Fuege-Fäger Vertreter den
"John Lennon"-Flughafen. Sie wollen nur noch nach Hause. Raus aus
diesem Sumpf! Weg! Doch die Veranstalter dieser Odyssee haben andere Pläne. Unter dem billigen Vorwand des Nachtflugverbotes in Basel, lassen Sie die Gruppe bis um 4
Uhr in der Wartehalle schmoren. Pikant: statt O-Saft und Croissons
gibts nur Bier und Hamburger.…und
die Alkohol-Spirale dreht sich wieder von vorn…
Wie kann ein Unternehmen unbehelligt solch menschenverachtende
Geschäftspraktiken vollziehen? Das
so etwas im heutigen Europa noch
möglich ist scheint unfassbar. Die
Staatsanwaltschaft hat dem Reiseunternehmen die Betriebsbewilligung bis auf weiteres entzogen. Tobias S., Fabian B. und deren 3 Begleiter befinden sich seither in Therapie, welche ihnen helfen soll, das
Trauma zu überwinden. Ob sie aber
jemals wieder so lachen können wie
vor dem 25.9. wird sich erst in Zukunft weisen!
15
Dr Käller isch ney renoviert
Am 20. Dezämber gits e Wiehnachtsapéro fir alli Aggdive und Passive in unserem Käller
Käller..
Kemmet, und nämmed ain mit uns!
An folgende Frytige isch unsere
Käller jeewyyle ney ab de achte offe:
10. Jänner
24. Jänner
7. Februar
21. Februar
28. Februar
... und nadirlig vom Morgestraich
bis Fasnachtsändi fascht durchgehend!
Ab em neggschte Joor, hän mr vor,
aimol im Monet e Ässe fir
Passivmitgliider z organisiere. Mr
mälde ys denn, wenn s so wyt isch.
D Fuege-Fäger uff em Mars
D Fuege-Fäger sin uff em Wäg zem Mars! Duur irgend welchi grumme
Gschäftli isch unsere Name jetzt uff eme Datedrääger unterwägs in Richtig Mars. Mr leen vo dert denn griesse!
17
S Muusigweek
end
Muusigweekend
Uff em Stoos am 16. / 17. Novämber
Gestatten, mein Name ist Magen
und ich kann Euch sagen, ich weiss
Bescheid!
Nei ohni Säich, das Wucheänd isch
mir immer nonig ganz uss mine Fasere verschwunde! Nei, die eindi oder
anderi Schwellig isch nonig ganz
abklunge, ich bi jedoch langsam uff
em Wäg zur Genesig! Doch jetzt zum
wahre Uffenanderträffe vo de
Gegäbeheite, vön mir ä Mol a:
Es isch jo chum zum glaube, ich bi
nonig lang am aalaufe, scho sötti
mini Leischdige vo Regenerierig uff
Top speed umschalte chönne! Do
wird ich doch tatsächlich scho mit e
rä malzig-schümendä Flüssigkeit
vollgschwämmt! Hindedri chunnt
no so ä schwer verdaulichs Blätterteig-Schinggeli! Ich glaub, mä
nennt das Schinggegipfel!! Jä nu,
mindeschdens chann ich denn mit
derä grauevolle Flüssigkeit ä satti
Pampe bilde! Doch was isch das?
Ich glaub, mir schwangts do ä bitsli
z fescht hi und här und dr Suurstoff
zum schaffe wird au als wie weniger! Ich glaub, ich befind mi jetzt in
e rä geographisch veränderete
Körperwält! Jä so isch es, mir sin
uff em sogenannte Stoss acho! Das
han ich ämel uss einere vo däne komische Öffnige um mi umme erfah-
re! Ich cha Euch sage, in Sache
schaffe, do isch es mir eländ
ergange! Do wird mir doch, noch
däm ich mi langsam an d
Gegäbeheite vo dr dünne Luft
gwöhnt ha, scho so ä rise Brogge an
Arbet uffzwängt. So gegä d
Mittagszyt schöpft mi Arbetgäber
doch tatsächlich ä 3 Gänger! Ich
glaub, em Hirni im Dachstogg han
ich nümi all zue vill Läbenselexier
zum schaffe gloh!! Die nögschte
paar Stunde han ich denn wider
drmit verbrocht, die obe erwähnti
komischi Flüssigkeits z verwärte,
um si denn spöter wider in Abwasserkanal frey z gä! Während
därä ganze Arbet han ich aber
miesse feschstelle, dass ich nit die
einzig schaffendi Funktion in därä
Körperwält ygnoh ha, nei, do
keucht doch so e Flügel vor mir
nach Luft und prässt sich stöhnend
die ganzi Zyt zämme! Also do gohts
mir jo no ganz guet mit minere
Funktion als Entwärter!! Allerdings
han ich denn au scho bald wider
miesse merge, was es heisst, ä
Kampfsau z si und trotz em Schaffe
bis zur absolute Erschöpfig doch no
s Letschde z gäh!
Apropos s Letschde gäh:
Do bin ich doch scho randvoll gsi
mit däre gährende Flüssigkeit, do
19
S Muusigweek
end
Muusigweekend
D FUR
TSETZIG
FURTSETZIG
chunnt doch blötzlich so ne warmi
bruhni Sauce mit so me ne Touch vo
ätzendem, scharfem Schnaps, dass
es mr fascht d Wänd verjättet!
Lang isch es nit gange, do han ich
mi doch ä Mol miesse wehrä und ha
ändlich chönne ä riese Stoss Arbet
anderswytig verteile! Schlussändlich isch es jo würklich glich,
wär die Arbet vom Entwärte übernimmt, odr? Oh ändlich gang ich in
die Horizontale! Doch no ä paar
Stündli Erholig, bevor s mit däm
ganze Stress wider wyter goht!
Noch so ä paar Stündli find ich s
doch scho langsam komisch, dass
ich no immer kei Musgelchrampf
bechumm, respektive ich so lang
ohni Arbet gloh wird!
Eigentlich bin ich jo froh, irgendwie
isch es mir nämlich gar nit drumm,
öbbis z Entwärte! Ich glaub, das het
mi Arbetgäber irgendwie verstande,
s isch uff jede Fall sehr lang gange
bis är denn doch no checkt het, dass
es mi no git!
Allerdings isch dr grossi Aasturm
ussblibe und ich ha mi doch au no ä
bitsli chönne regenerie!
Also im Grosse und Ganze han ich
das Wucheänd jo au gnosse! Ich bi
jo schliesslich zum schaffe gebore!
Allderdings bin ich froh, nit erkennt
z wärde, sunnscht miesst ich jo no
die Sprüch vo mine Arbetskollege
im nöchere Umfäld aalose!!!
21
Dr Schnippelbooge
FF-Tatoo™
(Usschniide und
Uffklääbe)
Narrekappe
(Kai offiziells FF-Produggt)
FF-Larve™
(bi Bedarf s kennzaichnede Loch
usschniide)
FF-3-Daage-Bart™
(Fir die mit Stiil)
FF-Uffdrittsbeglaidig™
(Zivil, wisses Hemli,
schwarzi Hose)
FF-UffdrittshooseHäll™
(Fir die mit de
Extrawinsch)
Uffdrittshändsche™
FF-Intimschmugg™
(Jenachdäm, wo s eim
gfallt aaneklääbe)
Standard Fuege-Fäger™
FF-Trumpete™
(Fir pralli Libbe)
FF-Nachthemmli™
(Je nachdäm blau oder
ebe rosa aamoole.)
FF-Drumsticks™
(Fir die wo scho
diggi Libbe hän...)
FF-Sunnebrille
"Ray Charles"™
(Fir am näggschte Morge)
FF-Waggis™
(Goschdym Fasnacht 01)
FF-Alternative™
zu de FF-Zoggeli™
FF-Zoggeli™
(Fir d Aggselhoorfööner
(Fir die richtige Fasnächtler) und Beggerandschwimmer)
23