ESIA Executive Summary (Pijin)

Savo Island Geothermal Power Project
Envaeroment an Sousol Impak Asesment
February 2014
Exseketiv Samari
Exseketiv samari
Introduction
Geodynamics (Savo Island) Pty Ltd (Geodynamics) wetem Join Vencha patna blong hem Kentor Energy Pty Ltd
(Kentor Energy) I wanfala tingting fo statim wanfala paoa haus (the Project) wea bae yusim niu kaen wei fo
mekem paoa long Savo Aelan.
Wanfala stadi olketa kolem Envaeroment an Sousol Impak Asesment Ripot (ESIA) bae I lukluk lo hao disfala
projek bae afektim envaeroment an pipol taem olketa duim eksploresin, konstrakson an olketa nara samting
blong projek.
Disfala ESIA bae inkludim wanfala gud asesmen lo envaeroment an sousol impak lo saed blong driling plasim
tu lukluk raonim olketa narafala samting wea I rileit lo taem blong konstrakson, oparesin plasim tu endim
samfala waka blong bifo, olsem olketa ples fo wakem olketa samting, olketa wel, stim eria, den chekim tu paoa
haus an olketa paoa laen.
Sapos evriting I luk oraet lo taem blong driling nara lukluk moa bae hapen fo chekem gud moa lo wanem na
hapen lo saed blong envaeroment an laef blo olketa pipol.
Disfala ESIA ia, olketa duim waka falom olketa lo blong Solomon Aelan wetem samfala impotant intanasonal rul
standad blo waka lo saed blo envaeroment, olketa Equator Principles, IFC Perfomance Standards wetem
Environmental Health and Safety (EHS).
Projek diskripson
Disfala Savo Aelan “Geothermal Power Project” I tingting fo prodiusim paoa fitim 20 o 30 megawat (MW) lo
disfala niu wei fo wakem paoa. Olsem iu save finis, disfala projek I bitwin tufala kabani, Kento Energy hu holem
30% sea an Geodynamics hu holem 70%. Geodynamics na bae oparetim projek ia.
Lo distaem evri disel paoa, Honiara no moa I kai-kaim. Lo hae taem fitim 14 MW na Honiara nidim bata lo
nomol taem fitim 8.5 MW no moa Honiara nidim, bata wetem Gold Ridge Mine, wanfala kabani staka paoa
kasim 12 o 18 MW na olketa iusim. Lo disfala taem Gold Ridge iusim on disel paoa blong hem wea no konekt lo
mein paoa laen blo Honiara.
Lo wanem iumi lukim ia, disfala Savo project bae save kavam saplae fo Gold Ridge an Honiara tugeda.
Iumi save projek ia I bae stap lo Savo wea hemi abaot 14 kilomita from kos lo wes Guale an fitim 35 kilomita
from Honiara (lukim map Figure ES-1).
Kabani, Geodynamics I bin karem aot wanfala savei lo Savo lo 2012 fo lukluk raonim disfala niu wei fo wakem
paoa lo Savo an hem luk interesting lo saot–ist pat lo aelan ia.
Kabani, Geodynamics I nao redi fo muv go lo neks steij fo eksploresin wea driling bae hapen lo fofala ples.
Eksploresin waka bae involvim kaen samting olsem:
Transpotim olketa masin, ikwipmen an pipol.
Wakem foafala pad, fitim 50 mita bae 50 mita wea bae I save kavam olketa narafala waka wea I nid fo
hapen.
Wakem ‘helipad’, storej, kamp, bus rot, wata pam plasim samfala nara samting.
Drilim foafala smol wel.
Lukim Figure ES-2 fo hao na oketa lemaot eria ia.
PAGE ES-1
Figure ES-1 Location of Savo Island
Figure ES-2 Study area
PAGE ES-2
Sapos projekt I go het, wanem bae olketa nidim fo oparesin blo paoa haus na olsem:
Fitim 5 fala prodakson wel.
3 fala ri-injekson wel.
Eria fitim 100 mita x 100 mita fo wan fala prodakson wel.
Eria fitim 50 mita x 160 mita fo paoa haus.
Stim eria an paeplaen plasim akses rot an bus rot.
Samfala bilding moa an paoa laen wea bae go andanit solwata from Savo go long White River.
Samfala nara samting olsem paoa haus, smol wof, fres wata saplae fo dring plasim solwata fo drilling plasim
moa landing pond bae nidim tu land eria.
Faenol plan blo olketa samting ia bae weitim resalt blo oketa dril.
Projek jastifikeson an oltanetivs
Solomon Aelan hemi rilae tumas lo disol for wakem paoa for nid blo pipol an olketa kabani lo kandere. Praes blo
lektrik long Solomon Aelan tu hem barava hae tumas winim blong wol (US $0.85/KWh). Den kaen paoa mas
flou gud, inaf fo mitim wanem pipol an bisnis nidim distaem an fiucha, wetem disfala hae praes na mekem iumi
no save divelopem bisnis gudfala lo Solomon Aelan.
Iumi save Honiara distaem ia nidim araon 8.5MW (hem incris 5% evri ia) an 14MW lo hae taem. Plasim go moa
Gold Ridge wea hem stap abaot 20 kilomita from Lungga paoa haus bata no konek lo Honiara paoa laen, I
nidim 12-18MW. Gold Ridge distaem hem usim disol genareta wea olketa rentim.
Tingting fo usim samfala narawei fo wakem paoa lo Solomon Aelan wea kabani I tingim finis na olsem:
Disol paoa
Usim ‘faya’ (koul o gas)
Usim win an sola
Haedro (olsem Tina Riva Projek)
Baeo enaji (oil pam an kokonat)
Gud samting wea ba kamaot lo dis fala Savo projek na olsem:
Sensim bik fala pat lo disol from ovasi mekem iumi no rilae tumas lo hem, dea tu mekem wei fo iumi save
iusim fo long long taem lo fiucha.
No moa paoa kat bata an chip lelebet winim disol paoa.
Apum tu chans fo pipol garem waka an seleni, saed lo terening plasim tu akses fi.
Apum tu olketa evri kaen bisnis lo capitol Honiara plasim moa evri kaen nid fo olketa sevis wea exploresin
tu insaed.
Envaeroment an sousol diskripson
Olketa stating point lo impotant fisikol, baelojikol, an sousol an ekonomikol kondison lo Savo na bae namba wan
topik blo disfala ESIA. Rerem an kipim wanfala gud save raonim olketa samting lo disfala ESIA na bae mekem
strong wanfala gud stat fo statim eni waka.
PAGE ES-3
Fisikol envaeroment
Savo hem garem barasep blo volkeno wea olketa saed hil I garem lou angol (andanit 15 digri) lo olketa saed si
eria. Lo melewan aelan, wanfala maus blo volkeno bik fitim 1.5 kilomita, hae blo hem kasim 80 mita (ripot blo
Smith 2008). Lo saot an saot wes, samfala smol hil I stap. Olketa smol hil ia I lelebet hae (winim 30 digri). Kae
tropikol claemet blo savo wea save ren tumas I mekem staka dip dren an vali.
Savo iumi save, hem wanfala volkeno aelan wea hem bosta trifala taem finis lo wanem iumi save (ripot blo
Petterson 2003). Bosta ia hemi mekem enikaen samting fo hapen. Samfala lo olketa samting ia I folom nao sep
blo olketa hil an vali wea I stap kam bifo. Lokesin blo aelan ia tu hem barava sidaon lo rot blo etkwik. No long
taem go no moa Solomon Aelan I lukim samfala bik etkwik, wanfala kasim 8.0 (Febwari 2013) lo skel blo makim
paoa blo etkwik. Lo Eprol 2007 – 8.1, den Januari 2010 – 7.1. Disfala etkwik eria save statim sunami. Iumi save
na lo olketa stori blo sunami lo Pasifik an raon lo wol wea sunami an hae wata I spoelem olketa saedsi.
Lan ius lo savo hem hevi raonim gaden fo kaikai no moa wea stap olobat lo jungol. Gaden an olketa tri olobat lo
olketa saedsi eria santaem I mekem ples ia luk narawe lelebet sapos iu luk from saedsi. Iu save luk tru olketa tri
ia no moa lo ples gaden an plateson I stap. Taem iu mumuv go insaed ba jungol hem stat fo tik an staka vaen I
klae falom olketa tri.
Olketa vilij I stap lo olketa flat eria lo saedsi an stap bitwin olketa tri. Olketa haus I wan stori taep no moa wea
olketa wakem from lokol timba an olketa bus samting, samfala levol wetem graon, samfala garem post. No eni
big rot stap lo aelan.
Claemet blo iumi Solomon Aelan hem hot an tropikol witim dry sison bitwin Mei an Oktoba den wet sison bitwin
Novemba kasim Eprol. Sison blo Solomon Aelan I falom no moa hao flou blo olketa nara pat lo pasifik.
Temprecha lo Honiara I stap raonim 27 digri wetem no mas bik sens diurin olketa ia.
Mesament blo renfol lo Honiara I save kasim 1,800 milimita lo wet sison den kam daon kasim 600 lo drae sison.
No mata olsem hem save cheinj falom samfal nara rison.
No mata wanfala barava gud kondison lo sao-ist Savo man maet lukim, olketa wata system ia I no mas gud
bikos lo effect blo volkeno wea mekem wata hot daonim na kwaliti blo wata. Olketa bik ren ia tu I no help fo
kamapim oketa falawa an animal lo eria ia.
Olketa graon insaed fres wata ia I som hae levol lo kemikol (pH 7-9) wetem samfala moa plasim go moa olketa
hevi metol.
No mata olsem, solwata bitwin Savo an Honiara luk oraet no moa, samfala smol samting olsem nitrojen, kappa
an olketa hevi metol no moa might spoelem. Staka nara samting tu I maet bagarapim eria ia. Dis wan hem from
lan ius an distebim soel, olketa ravis from olketa toelet, olketa kemikol ius fo agrikalsa an bisnis.
Savo hem lake bikos hem no garem enikaen bik samting fo spoelem envaeroment blo hem. Olketa smol
samting olsem bus faya, aotbot moto, kopra draya an wan fala smol genareta lo risot no moa I stap lo aelan.
Bikos Savo hem wanfala volkeno aelan, olketa ea an smok blok olketa hot strim no moa save aotim samfala
smel.
Lo saed lo meke nois, solwata no moa I bik lo Sesepi an Kaogele wetem taem win blom olketa tri, olketa
animal, olketa pikinini, bik man an wuman, lotu taem an samfala konstrakson.
Baelojikol envaeroment
Olketa ol mesament fo freswata I som enikae laef no moa insaet wata. Olketa ura, fis, fangas olsem I som dat
wata kwaliti ino mas gut no mata eria raonim I barava luk gud. Dis wan maet bi bikos wata ia hem hot lelebet for
samfala fis…olsem, plasim go moa staka flading lo ren sison.
Savo garem samfala ples wea taem lo taed pipol save lukim olketa samting olsem korol, sigras, ref plas samfala
samting moa.
PAGE ES-4
Lo saed lo olketa rif, Savo I garem staka coral iven kasim 7 mita dip bat samfala ples I kasem 9-10 mita; olketa
dip ples ia Iino luk gud olsem oketa wea i salo lelebet. Ovam 10 mita go kasim 20 mita sanbis na staka. Lo saed
lo rif u bae faendim strong an soft korol, krefis an krab plas samfala moa.
Enikaen samting no moa wetem kaikai blo totele I stap raonim Savo. Lo samfala ples olketa samting ia I staka
tu mas winim olketa nara ples raonim Savo.
No eni bik kabani operasin I stap lo solwata raonim Savo.
Olketa bik animal stap lo solwata raonim Savo I inkludim dolphin, weil, diugong an totele, wanfala taep dolphin
olketa kolem spina dolphin he staka raonim Savo. Savei lo Savo no faendim o lukim eni solwata krokodael.
Saed lo saki tu, hem stap baka pipol no lukim tumas.
Olketa forest lo saot-ist Savo I bin disteb finis so no mas orijinol forest na stap. Olketa niu tri olsem no moa
plasim olketa gaden no moa ful lo ples ia. Distaem lo Solomon Aelan diskaen niu forest no moa hem staka
(ripot blo Mueller-Dombois en Fosberg 1998). Iumi save divaedim olketa samting ia lo foafala part: vilij, gaden,
kokonat plantesin & niu forest (lukim Figure ES-3).
Figure ES-3 Habitat types in the study area
Kasim 130 smol taep lo flawa an tri aot from 50 bikfala taep plasim go moa 80 niu wan na savei I faendim lo
Savo, lo oketa ia 35 hem kam from aotsaed , staka hen ravis gras plasim samfala frut …olsem. No eni orijinal,
rea of treten samting savei ia faendim lo projek eria. Tufala samting keta rekodim olsem kam fro aotsaed I
guava wete wanfala ravis gras – wan mael fo wan minit.
18 fala taep lo bed na savei faendim wea 12 fala I stap lo olketa niu forest eria sem sem olsem olketa nara ples
lo Solomon Aelan. Disfala maena bed en parot I stap lo evri taep ples no moa. Taem no eni rea o treten bed I
stap, disfala megapod olketa faendim raon lo Kolika strim wea pipol save lukaotim eg fo kaikaim. Disfala
PAGE ES-5
megapod lo Savo hem stap lo IUCN 2013 red list wea I minim olketa wea stap lo savo na olketa lalas wan.
Disfala maena bed i no mas garem gud nem lo Savo bikos hem save spoilem okets fru lo dea.
Lo sae lo sineke, lizad olsem.. 7 fala taep na savei faendim. Olketa 7 fala ia iumi save faendim olobaot no moa
lo pasifik. Olketa sineke, lizad en olketa sem taep animaol ia I no bik wari lo wol bikos olketa staka olobaot no
moa. Disfala braon sineke stap lo tri maet wanfala wea kam from aotsaed Savo.
3 fala taep frok no moa savei ia faendim lo eria raonim Kolika an Ngapangapa riva lo Kaogele. Olketa frok ia
iumi save faendim no moa lo PNG en Solomon Aelan. IUCN listim olketa lo list blo olketa for lukaotim gud.
3 fala taep lo bat (flaeng fox) na savei I lukim, wanfala taep I smol tumas wetem 2 fala bik lelebet den 2 fala
taep flaeng fox. No eni ples blo olketa animol ia slip o bonem pikinini savei ia lukim, olketa maet stap lo barava
melewan lo olketa gud orijinol forest lo aelan. No eniwan lo olketa animol ia hem kosim eni wari lo saed lo laef
blo olketa.
Lo saed lo insect, 12 fala taep na save faendim from anis, grashopa, bataflae an samfala moa. Olketa insect ia I
save stap olobaot no moa.
Sousol an ekonomik envaeroment
Staka pipol lo Solomon Aelan I folom no moa wei fo stap fitim vilij laef wetem smol seksin no moa trae waka fo
an raonim seleni (ripot blo IRENA 2013). Wanem pipol I salem go aotsaed from Savo hem kam from olketa
nachorol resos no moa. Lo saed lo Solomon Aelan ekonomi hem grou lelebet falom no moa saed blo gol
mining, oil pam, loking an fis.
Mein samting wea staka pipol lo Savo karem seleni lo hem na kopra, fitim 80% lo Kaogele an 95% lo Sesepi.
Narawei fo karem seleni na fo go selem olketa gaden kaikai lo Honiara. Tuarisim hem stat bata ino bik tumas.
Olketa samting olketa tuaris laek lukim na wanem iumi kokolem eko-tuarisim lo Savo… olketa volkeno spring,
megapod, dolphin an samfala moa.
Lan an olketa samting wea lan I givim tu save helpim pipol. Kolsap evri lan lo Savo hem kastom lan wea folom
saed blo olketa mere go daon lo olketa pikinini. Lo kastom lan hem gogo kasim olketa rif an solwata tu.
Staka lan ona lo Savo I nao namba 2 afta tu tri fala samting I sanis kakam falom kalcha from bifo. Tingting blo
staka pipol blo Sesepi an Kaogele I folom tingting iumi komiuniti na onam lan bata wea samfala stori hem difren
den ba hem olsem na (Kastomari Lan Aedentifikeson 2013). Tufala bik samting wea savei I lukluk lo hem na I
olketa lan dispiut an stati wei fo solvim olketa dispiut ia lo Savo Haus blo oketa chif. Olketa lan kolsap projek tu
mas insaed.
Savo I garem haus blo oketa chif blo hem wea kavam 6 fala bik traeb lo Savo an 12 mein lan blok. Disfala Lokol
kot (amenmen) Act blo 1985 I givim paoa fo olketa chif I save lukluk o herem olketa kastomari lan dispiut.
Aotsaed tu lo disfala Savo Haus of Chifs, Kaogele en Sesepi Lan Ona Tras I kamap wetem disfala tras wea I
garem 21 member fo lukluk lo projek wetem Geodynamics lo saed blo lan akses.
Komiuniti sevis an bilding I barava no moa nao lo Savo, wanem hem stap no moa distaem hem I olsem:
Eid post lo Koela en Kaogele wea nes hem stap lo Kaogele. Eid post hem givim no moa olketa besic sevis
an stap olsem fes point lo contact sapos problem kamap.
No staka edukason ples olsem skul na stap lo Savo, wane hem stap no olsem, 2 fala ECE senta, 3 fala
praemari skul an 2 fala sekondari skul. Wanfala RT, St.Alban’s I stap lo Kalaka.
Kolsap evri vilij lo Savo karem sios, fo lukaotim saed lo lotu, komiuniti miting an woksop, helt an edukason
tu.
Komiuniti laef lo Savo hem folo nomo olketa nomol wei blo iumi lo Solomon Aelan. Kaen stap an waka tugeda,
searem olketa samting bikos lo strong family konekson olsem. Sios tu iumi save hem help bik tumas lo olketa
komiuniti blo iumi.
Staka pipol save go lotu evri Sande an olketa wikdei tu.
PAGE ES-6
Kolsap evriwan lo Savo I spikim on langwis blo olketa – Savo Savo, wanfala langwis olketa tingim I kam from
samfala nara ples long taem bifo. Taem inglis I ofisol langwis fiti 2% no moa olketa save spikim. Pidgin na staka
pipol save iusim for stori.
Samfala smol bata impotant pat lo kalcha I kamap lo savei blo ESIA, wetem olketa kastom an tambu ples
raonim projek eria. Olketa samting olsem ol sios bilding, bele graon, tambu ples, fest ples blos olketa pipol bifo,
sakrifaes, wosip an samfala moa na I stap. Olketa lan ona I tok strong lo saed blo lukaotim gud olketa samting
ia.
Lo saed lo helt, Savo hem semsem olsem olketa nara pat lo Solomon Aelans wea saed lo tek win, malaria an
beleran na bik tumas (ripot blo helt 2011-2015”). Hausing tu ino mas gudfala, wetem ples fo kolosis, wata
saplae, klinik, meresin wetem no moa kwalifai nes o dokta. Olketa samting ia na mekem helt no kamap gud ino
Savo no moa bata ful Solomon Aelan.
Save I faendem dat olketa komiuniti lo eria I laef lo olketa samting wea kamap lo envaeroment, samting fo haus,
fo kaikai, fo dring an lokol meresin. Olketa impotant are wea savei I notim na I olketa eria olsem:
Hot spring bihaen Kaogele, wea pipol iusi fo kuki
Olketa strim fo dring, kuki an waswas
Komiuniti planteson insaet olketa forest
Olketa fising graon lo saedsi
Olketa forest tu I impotant lo saed lo tri, lokol meresin, bildim haus, carving en samfala samting moa.
Envaeroment impak lo taem blo driling
Lo taem blo exploresin, samfala gud samting bae happen wetem tu samfala no mas gud samting bae kamap lo
saed lo envaeroment en sousol saed. Bata kabani I biliv olketa no mas gud samting ia ino bik tumas o staka.
Olketa key samting lo assessment from envaeroment impak:
Eni tingting lo etkwik taem drilling happen ino bik wari tumas.
Oketa nara waka raonim pad bae ino afektim tumas lukluk blo lan, graon o soil erouson.
Fres wata kwaliti distaem ino mas gut so eni waka wea bae hapen maet no mas kosim o mekem bik impak.
Wetem good praktis olketa ravis blo man o masin I bae anda strik control.
Lo saed blo olketa riva en strim, kabani I se no eni ravis kemikol o poisin na bae eniwan iusim, so no mas
problem bae kamap fo spoilem olketa wata ia wea save stopem waka tu sapos eniting go rong.
Ea kwaliti – bae samfala ea blo volkeno maet rilis bata no fitim eniwan wari tumas bikos hem smol no moa
olsem smel no moa bae man les lo hem. Disfala projek, wans tekof bae aotim na olketa ravi ea wea disol
genareta save aotim lo envaeroment.
Nois – lo saed lo nois bae olketa waka no kosim o mekem olketa bik nois fo spoelem ia blo pipol. Sapos
paep hem lik den hem save distebim eni ma hem slip kolsap lo wea paep hem lik.
Graon – bikos waka bae folom olketa gud intanasonal praktis, no tumas distebans bae happen fo distroim
staka samting. Ontop tu olketa exploresin waka bae ifo sot taem no moa.
Freswata – bae smol impak happen bata hem sud insaed lo levol wea no eniwan o eniting bae kamap o
bagarap no gud. Gud wei fo katem olketa problem na bae kabana I iusim.
Solwata – bae samfala impak maet kamap bata gud manejment an control bae stap fo katem daon olketa
no mas gud samtiing.
Sousol en ekonomik – projek bae kostim en bringim in bik seleni plus samfala gud benefit lo Solomon
Aelans. Bae pipol garem lelebet seleni o help winim distaem, waka an treining I bae kamap, smol an bik
bisnis bae kamap. Samfala samting maet kamap bata olketa ino winim tingting fo eniwan save stretim.
PAGE ES-7
Lo luk save lo olketa problem wea I maet kamap an iusim olketa gud wei fo stopem na I bara mein samting lo
hia, so lo lukluk distaem lo olketa waka ia, Kabani ino ting hem sud mekem bik wari.
Manejment an monitoring
Lo saed lo luk aftam projek ia, Geodynamics bae iusim wanfala wei blow aka, Envaeroment Manejment Sistim
(EMS) wea I talem aot hao fo duim olketa waka blo projek.
Disfala system ia kabani I iusim kam lo Cooper Basin lo Australia an hem tu bae hem iusim lo Savo plasim
samfala moa intanasonal rul. Bae waka ia tu I falom olketa steijes.
Falom wanfala intanasonal rul oketa kolem, Equator Principal blo IFC, kabani I mas mek sua evriting I kamap
stret.
Lo disfal prepareson blo ESIA, olketa samting wea I save kosim envaeroment en sousol impak lo projek stat
kam lo exploresin,konstracson, oparesin an outim samfala samting hem bae tingim finis. Sapos evriting luk gud
afta exploresin kabani bae mekem disison fo go het wetim projek, enikaen lukluk moa bae mas kontiniu fo
happen lo taem for konstrakson. Kaen samting olsem disaen an planning.
Lukaot lo saed blo waka an hao hem afektim envaeroment bae I no stop bata mas kontiniu go fo laeftaem blo
projek. Diswan bae helpem olketa man wea bae oparetim projek. Disfala ESMS na bae talem kabana hao fo
duim oketa waka blo hem.
Samari
Olsem iumi save finis Solomon Aelan I rilae tumas lo disol en praes blo paoa I hae tumas. Staka paoa kat en
paoa no fitim wanem diman I laekem. Olketa samting ia na mekem bisnis no save kamap gud.
Lo distaem evri disel paoa , Honiara no moa kai-kaim. Lo hae taem fitim 14 MW na Honiara nidim bata lo nomol
taem fitim 8.5 MW no moa Honiara nidim, bata wetem Gold Ridge Mine, wanfala kabani staka paoa kasim 12 o
18 MW na olketa iusim. Lo disfala taem Gold Ridge iusim on disel pao blo hem wea no konekt lo mein paoa
laen blo Honiara.
Disfala niu wei fo wakem paoa I saplaem fitim 11,765MW raonim wol insaed lo 23 kantri olsem Merika (80),
Filipaen (8), Indonisia (10), Meksiko (7), Itali (37), Niusilan (11), Aislan (6) an Japan (15)
Disfala ESIA bae inkludim wanfala gud asesmen lo envaeroment and sousol impak lo saed blo driling plasim tu
lukluk raonim olketa narafala samting wea I rileit lo taem blo konstrakson, oparesin plasim tu endim samfala
waka blo bifo, olsem olketa ples fo wakem olketa samting, olketa wel, stim eria, den chekim tu paoa haus en
olketa paoa laen. Evriting ia mas go falom gud intanasonal praktis.
Agen wans evriting hem luk gud barava detail lukluk bae mas happen fo faenol disison.
Sensim bik fala pat lo disol from ovasi mekem iumi no rilae tumas lo hem, dea tu I mekem wei fo iumi save
iusim fo long long taem lo fiucha.
No moa paoa kat bata en chip lelebet winim disol paoa.
Apum tu chans fo pipol garem waka en seleni, saed lo terening plasim tu akses fi.
Apum tu olketa evri kaen bisnis lo capitol Honiara plasim moa evri kaen nid fo olketa sevis wea pipol nidim.
PAGE ES-8