22_WieRigJouAfXhosa

Imicimbi yezoshishino
Uqeqesho
lwabaphathi
Uqeqesho asilelo lungelo
elilodwa lamaqela emidlalo
anjengamaBhokobhoko,
iProteas okanye iBafana
Bafana. Iinkampani ezininzi
zisebenzisa abancedisi
ukunceda abaphathi
nabasebenzi ukuba bafumane
iziphumo ezingcono. UClayton
Swart uphonononga ubuninzi
balomkhwa.
Uphenyo olukhawulezileyo ufunisa
ngesisigama esithi management coaching
kwinetweki yabasebenzi bobuchule
iLinkedIn luveza abantu abangaphezulu
ku-399 000 ababhale sona nje ngesakhono
abanaso. EMzantsi Afrika iinkampani
ezininzi kwiJSE, eziquke iibhanki, amashishini athengisa i-inshurensi yethutyana,
amashishini athengisa i-inshurensi yobomi,
abathengisi botywala namaqumrhu alawulwa ngurhulumente sele iyiminyaka
esebenzisa abaqeqeshi baphathi.
Ugqirha uSalomé van Coller-Peter, umphathi-nkqubo weUSB MPhil in Management Coaching, okwanguye nomqeqeshi
baphathi onamava eMzantsi Afrika
naseYurophu, uthi uqeqesho lwezabaphaAGENDA NO 1 | 2012 | www.usb.ac.za
thi akukabililo icandelo elibalulekileyo
kwezophuhliso kwezabasebenzi. Ulwazi
oluninzi ngenzuzo kubasebenzi nemibutho
luyangokungena, kodwa, kusekhona ukubhideka ngomahluko phakathi
kwengcebiso noqeqesho lwabaphathi.
“Ingcebiso kukunikela umsebenzi osemtsha phantsi kwephiko lwelungu labasebenzi
elidala nelinamava amaninzi kwinkampani
okanye kwimveliso. Kubakhona ukudluliswa kwezakhono ngokulingana namava
omcebisi, kwaye umcebisi uyalela lomsebenzi
osemtsha. Uqeqesho lwabaphathi lunika
umahlulelane okuncedisa ukucinga, ophakamisa isipili ancedise ukukhula nophuhliso
kuwe neqela lakho,” uyacacisa uVan CollerPeter.
Kungekudala uqeqesho lwalugcinelwe
ukuphuhliswa kwabaphathi abaphezulu.
Ngokuya kokubonakaliswa kwenzuzo iliso
liphoselwe ekuvuleleni onke amanqanaba
abaphathi nabasebenzi ababonakalisa
isakhono.
Uqeqesho lwabaphathi asingo zifo-zonke, uyalumkisa uVan Coller-Peter. Kodwa,
kufuneka lusetyenziswe njengexenye yecebo
elipheleleyo lokuphuhlisa abasebenzi
benkampani.
Amatyeli amaninzi abaphathi baxelela
abasebenzi ababuya kwiseshoni yoqeqesho bezele amacebo amatsha: “Libala,
siqhubekeka njengesiqhelo.” Elilithuba
eliphosiweyo lokudibanisa olulwazi lutsha
noqeqesho lwabaphathi, elinokuveza
AFR
ENG
UQEQESHO
www.usb.ac.za/agenda
Salomé van CollerPeter
Harry Welby-Cook
Nathier Kasu
Lebogang Tshithlo
KUMASHISHINI
Nombeka Mbava
‘Uqeqesho lwabaphathi lunika umahlulelane
okuncedisa ukucinga, ophakamisa isipili
ancedise ukukhula nophuhliso kuwe neqela
lakho.’
iziphumo ezingcono, utsho uVan CollerPeter.
UHarry Welby-Cook, usihlalo wesizwe wombutho walemveliso iComensa
(Coaches and Mentors of South Africa),
uyavuma. Uthi uphenyo olutsha ngobume
boqeqesho lwabaphathi eMzantsi Afrika
lubonisa ukuba ama-75% enkampani
azi-hlanganisi uqeqesho lwabaphathi
nenkqubo yokulawula iziphumo, ekubeni
ezi-95% iinkampani ziyisebenzisa jikelele
ekuphuculeni iziphumo.
“Uqeqesho lwabaphathi lujoliswe
kwiziphumo nophuhliso lwabasebenzi.
Ngokunjalo ke kufuneka luhlanganiswe
neenkqubo ezikhoyo zenkampani.”
UNathier Kasu, umphathi jikelele
weMWeb Digital, uthi inkampani yakhe
yacinga ukuba kungaba negalelelo ukuba
isebenzise iinkonzo zomqeqeshi baphathi
njengokuba yena wayengoyena umcinci kwiqela labaphathi. “Yabanegalelo
kakhulu ekucaluleni imiba ephathekayo
nokukhawulela amava endinawo ekuphatheni iqela elikhulu. Kwabaluncedo nokuba
nomntu osuka ngaphandle onokundimamela kwimiba yasemsebenzini
neyasekhaya,” utsho uKasu.
“Andilazi ikamva lokusetyenziswa
loqeqesho lwabaphathi kwaMWeb emva
kwelilinge lam, kodwa sanelisekile ukuba
yenye yeendlela ezinegalelo ekulungiseleleni abantu abanezakhono baphuhliselwe
ikamva emsebenzini kumbutho wethu,”
utsho uKasu.
UWelby-Cook uqikelela ukuba iinkampani zaseMzantsi Afrika zichithe ngaphezu
kwe-R100 yezigidi kuqeqesho lwabaphathi
kwiminyakana edlulileyo. “Awekho ama-
nani aqinisikisiweyo, kodwa xa kukhangelwa indlela mna nabanye abaqeqeshi
baphathi abaxakeke ngayo elizweni, eli linani endiliqikelelayo. Libonisa ukuba uqeqesho lwabaphathi luthathelwa ingqalelo.
Sikhona isidingo, nabantu babonisa umdla
ngokulungiselela izakhono zabo nokuvuna
iziqhamo ngokunika iinkonzo ezinje.
Akunyanzelekanga kube yinto embi.”
UJacques Myburg, umphathi weIT nomqeqeshi baphathi eKapa, uthi
amaxabiso abizwa ngabaqeqeshi baphathi
ayashiyana ngokuxhomekeke kwimfundo
namava abo. Ngoko phenyo lweComensa
amaxabiso kwimveliso yoqeqesho baphathi emzantsi Afrika aphakathi kwe-R150
ukuya ngaphezulu kwe-R3 000 ngeyure.
Uphenyo lwabo alubonisanga budlelwane
phakathi kwemfundo namaxabiso eyure.
Uphenyo olutsha lubonisa ukunqaba
kwabaqeqeshi baphathi abantsundu
elizweni lungumceli-mngeni omkhulu.
ULebogang Tshithlo, umqeqeshi baphathi eRhawutini, uthi asilulo ucalucalulo
olu yaye abaqeqeshi baphathi abantsundu
abajongelwa phantsi. “Baninzi abaqeqeshi
baphathi abantsundu abanamava aphathekayo kumashishini nemibutho, kodwa
abanayo imfundo efanelekileyo. Ingxaki
kukufuna ababaqeqeshi baphathi
abantsundu nokubazisa ngamaziko
afundisayo kwelicandelo.
“Umceli-mngeni wam endihlangana
nawo njengomqeqeshi baphathi ontsundu kukuba amadoda amadala antsundu
ayakuthandabuza endinokuwafundisa
kona ngenxa yokuba ndimcinci kunawo.
Kwesinye isihlo indoda emhlophe zange
indifune njengomqeqeshi wayo. Andinangxaki nayo nenye yezimeko, ngoba ku-
nyanzelekile ukuba umqeqeshwa akhululeke.
Eli linyathelo lokuqala,” uyacacisa uTshithlo.
UWelby-Cook uyangqina ukuba baninzi
abaqeqeshi baphathi abantsundu. Ikwalilo neqela elinamalungu akhula kakhulu
kwiComensa. “Ukungafani kubalulekile yaye >
Ukukhetha
umqeqeshi
baphathi
Buza ngezizinto:
•
•
•
•
•
•
•
amava kwezoshishino
amava njengomcebisi
iziphumo
isiqinisekiso njengomqeqeshi
baphathi
ukuqinisekiswa
imfundo ephakemeyo yasedyunivesithi
amava ekucebiseni okanye
ekunyangeni.
Buzisa nakwindawo ezithembekileyo ukuba ngabaphi abaqeqeshi
baphathi ezinokuwa phakamisa yaye
wenze udliwano-ndlebe nomqeqeshi
phambi kokuba wenze isigqibo
esipheleleyo.
Intsusa: AMA Coaching: A Global Study of Successful Practices (2008)
www.usb.ac.za | AGENDA NO 1 | 2012
UQEQESHO
KUMASHISHINI
‘Sanelisekile ukuba yenye yeendlela
ezinegalelo ekulungiseleleni abantu
abanezakhono baphuhliselwe ikamva
emsebenzini kumbutho wethu. ’
kufuneka sikhuthaze osomashishini abantsundu
ukuba bathathe inxaxheba njengabaqeqeshi
baphathi, ngakumbi xa kudala benikisa
ngezi-nkonzo.”
UVan Coller-Peter ucinga ukuba kufuneka
kuhoywe ukuqeqeshwa kwabaqeqeshi baphathi
abangafaniyo ngokwenkcubeko nangelwimi. “Abathengi abaninzi bangathanda uqeqesho ngelwimi
labo ukuba kungenzeka. Abasebenzi bethu eMzantsi Afrika bohluka-hlukene kakhulu yaye kungalulutho ukuba nabaqeqeshi abangafaniyo kulemveliso.
UNombeka Mbava, umphathi kwezokuyila
nezeziphumo kwiSouth African National Space
Agency, uthi umqashi wakhe wangaphambili, uSasol, yayinesiqendu kwimithetho yakhe omvumelayo
ukuba asebenzise iinkonzo zomqeqeshi baphathi.
“Umqeqeshi wam wayengumphathi ophezulu
owandincedayo ngokukhula emsebenzini. Isiqhamo
saba kukuba ndibhalise yaye ndigqibe iMBA
eUSB, into eyayingumceli-mngeni omkhulu kum
ngeloxesha. Ndiyacinga ukuba uqeqesho lwabaphathi kufanele lubeyinxelenye yento enikwa abasebenzi. Imali asiyiyo yonke into, yaye abasebenzi
kufuneka bayazi ukuba inkampani ingabanika
amanye amathuba okukhula nophuhliso ngoqeqesho lwabaphathi.
“Kungekudalanga ndaye ndacelwa ukuba ndibe
ngumcebisi nomqeqeshi kumlingane emsebenzini. Into endinokuyithanda ukuyibona, kukuba
kubekho amabanga abekiweyo kubaqeqeshi
baphathi. Wonke umntu angazibiza ukuba ungumqeqeshi mphathi. Kufuneka kubekhona isigqeba
esilawulayo okanye imimiselo yokubhaliswa ukuze
umthengi aqinisekiswe ukuba uthenga iinkonzo
ezikwinqanaba elivunyiweyo,” utsho uMbava.
Le yinto eyiliweyo kwikamva loqeqesho
baphathi, uyacacisa uVan Coller-Peter. “Iinkampani nabantu bazakunyanzelisa ukuba abaqeqeshi
baphathi bavunywe sisigqeba esiselizweni okanye
ngaphesheya, ukuba basebenza ngokwendlela
elungileyo yokuziphatha, yaye banamava aphathekayo nezifundo kwezoqeqesho baphathi
ezifunye-nwe kwiziko elihlonitshiweyo.”
UWelby-Cook ubona ukuba uqeqesho lwabaphathi luzakuba sesikweni kwiminyaka emithathu elandelayo yaye luzakuba yinkonzo enesidima
elandela amabanga angqongqo. “Kuzakutsho ukubhalisa kurhulumente nokumisa uludwe lwamagama
abaqeqeshi baphathi, ukugcinwa kweendlela
ezilungileyo zokuziphatha ukuze iinkampani zazi
ukuba zifumana zinkonzo zini yaye ziqinisekiswe
ukuba zihlawulela into ekwinqanaba eliphezulu.”
Ucingela ukuba kuzakubakhona nokukhula
kuqeqesho baphathi kwisiqingatha seAfrika.
AGENDA NO 1 | 2012 | www.usb.ac.za
Iimpawu
Zempumelelo
• Ubuqu bomqeqeshi nomqeqeshwa
kufuneka kuhambelane.
• Khetha umqeqeshi wakho ngokwezakhona ezibonakalisiweyo
zokusombulula ingxaki.
• Cela umqeqeshi wakho aveze amava njengomcebisi kwezoshishino.
• Sebenzisa umqeqeshi wangaphandle ngaphandle kokuba ujongene
nabasebenzi abayingxaki.
• Manya uqeqesho nenkqubo epheleleyo yenkampani yokulawula
iziphumo.
• Bala ingeniso ngokwe
mveliso negalelo lomntu
igalelo kwingeniso elinikwe luqeqesho
imveliso kubasebenzi abamkele
uqeqesho.
Intsusa: AMA Coaching: A Global
Study of Successful Practices
(2008)
IUSB MPhil in Management Coaching inceda
ukuphuhlisa izakhono zasekhaya
Ekupheleni konyaka u-2011 iqela lokuqala labasebenzi bobuchule lwabaqeqeshi
baphathi abasixhenxe lwanikwa isidanga seMPhil in Management Coaching esivela
Kwisikolo Shoshishino seDyunivesithi yaseStellenbosch (USB) emva kweminyaka
emibini yezifundo. Abanye ababeqalile bazakugqibezela esisidanga kulonyaka.
Ngokutsho kuka Gr Salomé van Coller-Peter, intloko yenkqubo yoqeqesho lwabaphathi eUSB, leklasi yokuqala nezalandelayo zatsala iqela labafundi abanamava.
“Liqela elinobuchule nokhuphiswano elimele iinkampani ezahlukeneyo ezinkulu
eMzantsi Afrika. Babenomdla wokufumana isidanga semastazi kuqeqesho lwabaphathi. Ababanezizidanga ngoku bazakudlala indima kwinguquko kwinkampani zabo
nasekuveliseni uluhlu olutsha lweenkokeli. Bangasebenza njengabaqeqeshi baphathi
basekhaya, bencedisa abantu nakweliphi inqanaba lwezokuphatha,” utsho ezingca
uVan Coller-Peter.
Abafundi abalandela lenkgubo kufuneka banike iyure ezi-40 beqeqesha yaye bafumane iyure ezi-20 beqeqeshwa. Yinkqubo ekusetyenzwayo ngezandla kuyo eyakha
izakhono ezisebenzisekayo, uyacacisa uVan Coller-Peter.
Iprojekti ezenziwe ngabafundi zisuka ekomelezeni abafazi abantsundu abazirhwebelayo, ukudlulisa kwezakhono kubaphathi beNGO emva kokuqeqeshwa eUSB, ukuya
kwinqununu yesikolo isomeleza otishala bayo ngoqeqesho lwabaphathi.
IUSB Executive Development nayo yothula izifundo ezifutshane kuqeqesho lwabaphathi ezinika izakhono ezifikelelekayo.
Ukufumana ulwazi ngoqeqesho lwabaphathi ndwendwela
www.usb.ac.za/coaching en www.usb-ed.com.
Ulwazi lungafunyanwa kuLibby Kok ku
021 918 4246 of [email protected].