TUFATALA

Konei a Tala iloto?
Bazaar mo tino katoa laupepa 1
Aso Fakamanatu o Fafine ite Lalolagi laupepa 2
FafineTuvalu i fenua itua ko kau atu iloto Ikuga
Fai i Kaupule - laupepa.3 & 4
Avaka te iloa o tino Nukulaelae i Fakanofonofoga
ote Ofisa o Tenita – laupepa 5
Ofisa ote Tenita ne kau kite akoakoga ate GCCA
laupepa pg 5
TUFATALA
MATAGALUEGA O TENITA – OFISA OTE ULU OTE
MALO
MATI/APELILA/MEE 2016
Fafine galue fesoasoani ite Ofisa o Tenita
laupepa 6
Akoakoga Pulisimani aofia iei mataupu ote
Tenita – laupepa 6
Fakasalalauga kite Palamene Fakatautau a Fafine
- laupepa 7
Palani mo Masaki kite mafaufau – seai se tino e
se aofia- laupepa 7
Akoakoga ate EKT- Folau ki peau laupepa 8
Igoa o Fafine filifilia mote tausaga 2016 lau..9
Tala mote sua pepa
Avaka te iloa kite Feagaiga kite fakaseaiga o
fakakesekesega ki fafine ki fenua i tua
Tenita mo mea tau faika
Te Palamene Fakaakoako a Fafine
TUFATALA ko toe fakagalue nei! Matou konei ite Ofisa o
Tenita mai lalo ote Ofisa ote Ulu ote Malo e fiafia o fakaasi
atu a galuega fai ate Matagaluega. Te pepa tenei se
avanoaga foki e tasi e mafai iei ne isi fafine o fakaaoga o
fakaasi atu olotou tala ke iloa ne tino. Tela e kami fakaaloalo
atu pela foki a nisi Minisituli, Fakapotopotoga kola e tasi te
agaaga o tou galuega fai ke mafai o fakaoko mai lua tala ke
faulu ite sua pepa. Fakafetai lasi.
BAZAAR MO TINO
KATOA:
Te Ofisa o Tenita fakatasi mote Kaunisila a
Fafine ne fakatoka te togiga o mea valevale
Bazaar e mafai ei o fakamalosia Fafine i
mea tau Pisinisi.
Mafea? 12th – 13th of Mee 2016
Ifea? Ite Vaiaku Falekaupule
Te Bazaar ne fai ite Vaiaku Falekaupule mai ite
8 ite taeao kite 10 ite po ite Aso-Fa (12thMay)
toe fakasoko iei ite Aso-Lima(13th May) mai ite
6 ite taeao kite 12 po.
Laisene, togi ote
Falekaupule, mea fakatagitagi ne panaki katoa
mote Ofisa o Tenita. Latou kola e fakatau
olotou mea ki tua e sala mai loa taipola mo togi
olotou mea kae kati mai te 5% fua mai te tupe
maua a tino e fesoasoani iei kite fakatokaga o
mea katoa.
Te Bazaar se auala e tasi e mafai iei ne fafine o
fakaaoga te avanoaga o sela olotou mea mote
mafaufauga ke fakamalosia latou ke fai olotou
pisinisi. Ke mafai foki ne latou o fakaaoga te
avanoaga o sela olotou mea ii tafa o galuega
masani a latou ilotou fale o olo atu o fiafia kae
sautala mo nisi e atili avaka te finafinau ii mea
tau pisinisi. Tagata foki ne kami foki ke mafai
o fakatasi kite faigamea ke sela foki olotou mea
e fia togi ki tua
1|P a g e
 Talia fiafia sose tino ke aumai o togi
lua mea io me sose mea, mea fou io
mene mea ko oti ne fakaaoga. So se
mea e talia pela mo meakai, gatu, kope
a fale, mea taulima mo nisi…
Sela i tena pisinisi i Nukulaelae
[Cite your source here.]
Aumai tasi mo tou
kaiga mo taugasoa!
Funafuti, 29th Feb-4th March 2016
Tena Malu. Te Ulu ote Malo Enele Sosene
Sopoaga ne fakaasi ne ia i tena lauga ite Aso
Fakamanatu o Fafine ite Lalaolagi tela ne fai ite
Vaiaku Falekaupule ite Aso-Lima po 4 o Mati,
2016, te lago ote Malo ki polokalame a fafine
kola e fakamalosigina iei latou, pela foki te
mataupu kite pagatasi mo te fakaseaiga o
fakalavelave tupu ki fafine mo tamaliki fafine.
E talitonu aia ite Fakanofonofoga ote Ofisa o
Tenita io me kote Gender Policy ko oti ne
fakatokagina ke aofia iei a mataupu kola ite
Beijin Platform for Action mote Cedaw.
Te aso tena ne aofia foki iei te tukuga o pepa e
amanaia iei a tusaga fai o fafine filifilia kola ne
filigina loa ne fenua o latou. Taki toko 2 fafine
mai te fenua. Tena Malu te avaga ate Kovana
ne tuku ne ia setifiketi. Te faiga mea ne
molimaugina ne tena Malu te Kovana, Minisita
mo lotou avaga, Failautusi ote Malo, Sui o
fafine mo tino mai te lotu.
Iloto ite vaiaso ne isi a polokalame ne
fakatokagina e fakamanatu iei te Aso Fafine
ote Lalolagi e aofia iei: Akoakoga kite Mafulifuliga tau o Aso (Aso
muamua)
 Asiga ote ola lei o fafine- Vaiaku
Falekaupule (2 o aso)
 Avaka te iloa ite Tulafono kite fakaseaiga o
Fakalavelave iloto i kaiga (3 o aso)
 Bazaar/togi o mea ite Vaiaku Falekaupule
(4 o aso)
 Faigamea ote Aso Fakamanatu o Fafine ite
lalolagi ite Vaiaku Falekaupule
2|P a g e
Faigamea ote Aso Fakamanatu ote Lalolagi ne
fakatupegina nete Napa II, UN Women, mote
SPC
Igoa o Fafine Filifilia ote tausaga nei onoono
kite laupepa 9.
T
uvalu – Fafine i fenua
itua ko kamata o kau
atu Ikuga fai
Sautalaga mo Semolina, se Kaupule
fafine ko 43 ana tausaga mai te fenua
ko Nukulaelae
Tala Fakasolopito:
Ona ko tulafono kite avega te malosi
mo tino ke atafai a niisi tino io me kote
(Custody law), pena foki mo tou tuu mo
aganuu, ne mafai iei o pokotia tulaga a
falakaupule ke mafai o kau atu fafine ki ikuga
fai kae koi tumau lo ate faigata o kau atu. E
lavea atu te manakoga malosi ke mafai o
fakamafuli aka isi kiloga io meko tuu mo
aganuu kola e fakamasei kae fakatukaki kite
mafai o kau atu o fafine ki ikuga fai, maise loa
a fafine itua atu ote laumua.
Kae ui iei nisi faigataga, kae ne lavea atu ite
vaitaimi nei meko isi loa ne fafine ko nofo i
tofiga pulepule pela mo Kaupule, Pule
Kaupule ilotou Fenua.
Fakafesilisiliga:
Timu mai Tenita: Kaia ne mafaufau iei koe o
kau atu kite faigaa palota mo Kaupule 2015?
Semolina: Au e manako kii loa ke kau atu kite
kaupule ke mafai neau o avaka io me lago
atu ki mataupu kola e mafai o fesoasoani ki
fafine mo tamaliki. Kae maise loa tulaga te
ola lei mo akoakoga.
3|P a g e
Timu mai Tenita: E fia au palota ne maua?
Semolina: Au ne tulaga tolu ite faiga palota
telaa e tokoono ne fakataufai.
Timu mai Tenita: Ko fia nei fafine kooti ne
kau atu ki tulaga kaupule ite otou fenua?
Semolina: Au nei kote tokolua o fafine i
Nukulaelae ke kau atu kite kaupule.
Timu mai Tenita: Mata e isi ne faigataaga ite
avatu o tou igoa ke kau atu kite palota
Kaupule?
Semolina: Ao,au ne lagona neau te maa tela
ne fakatali loa au kite toe taimi kae fakatoo
atu toku igoa.
Timu mai Tenita: Mata e isi ne faigataa ne
fakafeagai mo koe ite galuega kae maise
pelaa ne tagata katoa ako koe fua te
kaupule fafine?
Semolina: E ui iei e fakatau atu au e mafai
eiloa neau o kau atu ki ikuga fai kae e tai
faigata eiloa te fakalagona oku mafaufauga i
fonotaga a Falekaupule. E iloa neau te taaua
o mafaufauga o fafine i loto i ikuga fai kae
lavea neau te faapito o faifaiga kite se kau
atu ki ikuga fai. Se gata iei ne lavea foki neau
te taua ki fafine ke taumafai eiloa o fakaoga
kae fakamalosi tulafono fou o kau atu ki
faifaiga i loto I Falekaupule.
mafaufauga kae maise ki niisi kaupule kolaa
ne tagata. Au foki nei ko mafaufau kii ke
mafai au o Pule Kaupule mo sua palota.
Ko lasi kii taku mea ne tauloto
I toku tofi pela mese Kaupule,
au foki ko mafaufau ke mafai
au o Pule Kaupule
Timu mai Tenita: Koe e fono sale mo fafine?
Semolina: Ao, i masina katoa,ko mafai iei ne
au o fakaoko atu foki olotou manakoga kite
kaupule.
Timu mai Tenita: E lei a faiga a niisi kaupule
kia koe?
Semolina: Ao, a niisi kaupule kolaa tagata e
atafai kae amanaia kii ne latou au. E iloa
neau mesee pau mo faiga a niisi Kaupule i
niisi fenua kae ko latou konei e galue moau e
lago kii ki aofaga mote lei o fafine.
Gender Team: E isi neau mea fou ne tauloto
kolaa e fakalei iei te mafai o koe o
fakataunuu ou tiute?
Semolina Ao, au koau loa ko matamaa kae
nei ko mafai kii neau o faipati kae fakaasi oku
4|P a g e
Au kote toko lua o
fafine i Nukulaelae ne
mafai o filigina ite
palota ke fai mo
Kaupule
Akoakoga i Nukulaelae kite Fakanofoga ote
Ofisa o Tenita (Gender Policy)
Te Ofisa ote RRRT ko Eseta Lauti fakatasi mote
Ofisa o Tenita Lanuola Faisai mote Fafine
galue fesoasoani ko Natalie Makhoul ne fai ne
latou se akoakoga i Nukulaelae ke mafai o iloa
ne tino te fakanofoga ote Ofisa ote Tenita tenei
e galue kiei. Iloto i faipatiga ne mafai o titi
manatu ki mataupu ote Tenita mote uiga tonu
mote fakagaluega iloto ite atufenua. E uke kii
a mataupu kesekese ne faipatigina e tauga
tonu mote Tenita e aofia iei ko te Tulafono kite
Puipuiga o Fakalavelave tupu iloto i kaiga
mote fakasaunoa.
SUI MAI TE OFISA O TENITA NE FAKATASI KITE
AKOAKOGA ATE GCCA
Te Ofisa tokotasi mai te Ofisa o Tenita ne fakatasi
atu kite akoakoga ne fakatoka nete GCCA (Global
Climate Change Alliance) polotieki tela ne fai mai
te po 4th – 14th of Apelila 2016 ite USP Centre. Te
akoakoga e atuu tonu mote fakamalosia te va
sokotaki iloto ii fakapotopotoga io me ko fenua
ona se tasi o auala e mafai o teke atu ki pokotiaga
o mafulifuliga o tau o aso. Sui kite akoakoga ka
mafai o fakalauefa te iloa o latou ki pokotiaga o
mafulifuliga o tau o aso kae ke mafai o fakamaua
ne tala kola e mafai ne latou o fakailoa atu olotou
manakoga mai te fakaaogaga o polokalame kola
ko oti ne fakatokagina.
Te akoakoga ne fakapitoa mote tuku tasi o tala
kite lasi o pokotiaga kite polokalame kola e mape
ne latou. E taua kii te akoakoga ona e aofia foki
iei te salaga o tala mai loto i fakai mo mea taua
ilotou olaga. Ka oti iei ko fakasi a tulaga o
pokotiaga kiluga i mape ke mafai o iloa gaofie a
kogaakoga kola e manakogina se fesoasoani, ko
ave iei ki tua mo se fesoasoani.
5|P a g e
Tenita mote ola mo
Mafulifuliga tau o aso
Te akoakoga e fakaaoga a fesili kola ko oti ne
fakatoka mo fakapotopotoga/fakai. Tela ka
mafai o iloa a kogaakoga e manakogina ke
fakalei. Te QGIS mapping polokalame ka mafai o
fakailoa te koga koga tonu tela e isi ne
fakalavelave iei.
Te kauatu ote Ofisa o Tenita kite akoakoaga ona
latou e galue tasi mo tino iloto fakapotopotoga
maise fafine ilotou taumafaiga o ola mo
mafulifuliga tau o aso.
I pati a Pasai Falasa ite akoakoga e taua kii loa
ona e fakalauefa iei tena iloa mote mafai o
fesoasoani maise fafine ke fakafaigofie te olaga
mai mafulifuliga o tau o aso.
NEW TECHNICAL ADVISER AT THE GENDER
AFFAIRS DEPARTMENT
AKOAKOGA A PULISIMANI
Ko isi nei se fafine fou e galue o fesoasoani ite
Matagaluega o Tenita ise leva e tasi tausaga.
Natalie Makhoul se fafine mai SiamaniLepanona. Aia se Loia kae ne galue fakapitoa i
mataupu tau Saolotoga o Tino, maise ki
saolotoga o Fafine
Natalie ne aofia malosi i galuega e tau atu ki
saolotoga o fafine mo latou kola e olo ki nisi
fenua iluga i Eulopa pela foki mo Fiti mai mua o
vau ki Tuvalu nei.
Te Matagaluega o Tenita fakatasi mote
fesoasoani o Natalie ka fakasaga kite
fakagaluega ote Fakanofoga ote Matagaluega o
Tenita tela ne fakatoka foki kiei te palani a Tuvalu
i mea tau Tenita tela ne fakatoka mai lalo ote
tupe fesoasoani a Ausitalia mo Fafine ote
Pasefika tela ka fakagalue iloto ite 3 tausaga. Te
Palani e agai tonu mo fakamalosia fafine mo
tamaliki fafine ke mafai o fai olotou tusaga ii mea
tau polotiki pela foki i fakapotopotoga a latou.
Kae maise ke talitonu kite mafai o latou o
fakatele atiakega.
Natalie e talitonu i fafine Tuvalu e lasi kii te mafai
o latou. Polokalame fakamalosia mote avaka te
iloa o latou ka fesoasoani malosi ke mafai o
fakaasi ki fafine te lasi te talitonu ote Malo kite
apo mote mafai o latou. Aia e fakamoemoe kite
galue fakatasi mo latou kola e tasi te agaaga
olotou galuega pela foki mo Minisituli ona kote
Tenita mo tino katoa.
”Se mataupu e aofia i sose matagaluega kae
taua kii koutou ke mafai o fakataunu a tapula ote
atufenua mo fafine, tagata, tamaliki fafine mo
tamaliki tagata ona kote fakatokaga o atiakega
ote ataeao o Tuvalu!”
6|P a g e
Te Matagaluega o Tenita se tasi o Matagaluega e
akoako atu kite fakaseaiga o fakakesekesega ki
fafine. Tino poto mai tua atu mo savea ne fai e
fakapatonu iei i fakalavelave tupu iloto kaiga se
tasi o fakalavelave masani tupu iloto i Tuvalu.
Tuvalu mailuga ia na taumafaiga o faulu a
tulafono i mea tau saolotoga o tino kiloto i
tulafono ote atufenua ko ala iei o isi se tulafono
kite Puipuiga o Kaiga mailuga i fakalavelave tupu
2014.
A Pulisimani ko latou kola ka fakagalue te
Tulafono kae ka lasi te galuega a latou kite puipui
a vaega fakalavelave kite fakasaunoa maise latou
kola e se lava te malosi.
Fakatasi mo Pulisimani mai Niusila, te
Matagaluega o Tenita ne aofia ite akoakoga a
Pulisimani ke mafai o fai olotou galuega mote
maina maise ki saolotoga o tino, pagatasi mai
tulaga o sukesukega mote puipuiga o latou kola
e pokotia mai fakalavelave tupu iloto i kaiga io
me fakasaunoagina.
PALAMENE AKOAKO A FAFINE
The Matagalue o Tenita fakatasi mote
Kaunisila a Fafine e manako o fili ne fafine
kola e manako o kau kite akoakoga tenei
mote fakamoemoega ke mafai o kau atu ki
Palamene i aso mai mua. Latou ka akoga ki
faifaiga o Palamene ke mafai o avaka te iloa
o latou pela foki ke fakamalosia latou ke kau
atu ki palamene. Te akoakoga ka fai iloto
ite 1 vaiaso mai te po 8th-12th o Aokuso
2016. E toko 17 e manakogina kite
akoakoga tenei kae kafai ite gana palagi
mote gana Tuvalu.
Tela e kami atu fakaaloalo fafine kola e fia
kau ite akoakoga tenei ke tusi mai otou tusi
fakatagi (application letter) mo
fakamatalaga te pogai e manako iei latou o
kau kite akoakoga tenei ite gana Tuvalu se
siliga mote 1 laupepa. Konei la mea e
manakogina ke mafai o filigina koe: Sitiseni Tuvalu
 Lei tau gana Palagi mote gana Tu-8
 Fiafia o kau kite palamene
 E isi ne tusaga fai o koe iloto i
fakapotopotoga a fenua mo galuega
volenitia
Tusi fakatagi e tau o fakatuatusi kite Pule
ote Matagaluega o Tenita. Kae tau o oko
mai kite Ofisa o Tenita mai mua ote itula e 4
ite afiafi po 17 o Iuni. Latou kola i fenua
itua, fafine galue ite Malo, fafine se
katoatoa e fakamalosi ke tusi mai kite
akoakoga tenei. Ko sokotaki io me fakapiki
mai tau tusi ki meli iti konei
[email protected] /[email protected]
(latou kola i fenua i tua o Tuvalu)
7|P a g e
 The Palamene akoako tenei e
fakatupe nete UNDP.
Palamene Akoako a Fafine
PALANI MO MASAKI KITE MAFAUFAU
– SEAI SE TINO E TIAKI
Te Matagaluega ote Ola Lei ne fakatoka ne latou
te fonotaga tenei. Nisi Ofisa e tau atu olotou
galuega ki feitu konei fakatasi mote Ofisa o
Tenita ne aofia ite fonotaga tenei ite po 20 o
Mee 2016. Te Pule ote Ola Lei ko Nese Conway
mote tagata poto tokotasi mai te WHO ne
fakafeagai mo faipatiga kite mataupu tenei.
Telala e fiafia ki o iloa atu me ko fai nei a palani
ke mafai ne tino masaki kite mafaufau o maua
ne fakatokaga lei mo latou i aso mai mua.
Fakapotopotoga kola ne kau atu kite faipatiga
tenei ne lago malosi ki taumafaiga konei mote
lei o tino masaki ki mafaufau tela ne fiafia foki
latou o kau kite fakalausaga ote fekau ki tino
katoa maise i aso fakamanatu oolotou
fakapotopotoga pela mo aso o Fafine ote
Lalolagi, Aso tino se katoatoa, Aso ote Lipine
Kena – Kite fakaseaiga o fakalavelave tupu ki
Fafine ke mafai o ulu foki a fekau kite Masaki
kite mafaufau.
Te motou matagalueaga fakatasi mote matagaluega
o Mafulitfuliga o tau aso ne kau atu kite akoakoga
tenei.
Te tusaga o matou kite mataupu-silisili ne
fakamalosia mote fakamasauaga ki Faifeau mo
Tiakono mote taua olotou tusaga fai kae masie loa
kite fesoasoani kia latou kola e pokotia.
Mata tou kiloga mo tou mainaga kite Atua se
fakalavelave?
Te mataupu-silisili maise loa kite tautua e taua ki loa;
e fakamasaua mai a tusaga o taua taki tokotasi o
fesoasoani kia latou kola e manakogina te
fesoasoani fakatasi mo latou kola e pokotia malosi.
Akoakoga kite Mataupu-silisili, tautua mo matupu kite
fakafolikiga o fakalavelave tupu, ko matupu taua ote akoakoga
mo Faifeau, tiakono mo sui mai fenua itua kola ne fakatasi mai
ki Funafuti nei.
Ona ko tulaga o pokotiaga mai mafulifuliga tau o aso tela e
pokotia iei Tuvalu ne mafai iei o fai se akoakoga tenei nete
Ekalesia Kelisiano o Tuvalu i mataupu konei
1. Faifaiga ke fakafoliki pokotiaga kola e fakamafua nete
Mafuliga o tau o aso.
2. Kote fesoasoani mai mua pela foki mai tua ote te
fakalavelave
3. Mataupu silisili kite tautua
Te akoakoga ne fai iloto ite 5 o aso.
Te Atua ne faite neia te Lalolagi mo tulafono. Tino Poto ite Mataupu-Silisli ne faigata o fakavasega te alofa
ote Atua mo Fakalavelave tupu; Ne fakaaoga ne latou auala kesekese mo nai fakamatalaga ke mafai ne
tatou o maina kiluga i fakalavelave tupu mote Atua
8|P a g e
Fafine Filifilia mote Tausaga 2016
Fenua
Nanumea
Nanumaga
Niutao
Nui
Vaitupu
Nukufetau
Funafuti
Nukulaelae
Igoa
Luta Esela
Annie Homasi
Upuese Faleasiu
Naina Penete
Peau Makaili
Silaumei Vave
Olive Taom
Meunima Mataio
Lei Honolulu
Salau Teatule
Finau Faleasiu
Tafitoka Filipi
Vaitupu Hosea
Vaiee Manase
Kausele Kaisami
Lagi Etoma
Ko toe taotao atu te fakafetai lasi mo tusaga o Fafine
konei ne fai mo fafine takutakua ona ko tusaga kesekese
ne fai ne latou mo lotou fenua. I tafa o setifiketi ne mafai
foki o maua ne latou te $100 mo tusaga lei o latou.
Mote tausaga fou e fakamolemole atu kiluga ia koulua
Takitaki o Fakapotopotoga a Fafine o Fenua takitasi ke
mafai o fakasolo lua fafine i tausaga taki tasi maise latou
kola e saga malosi ki faigamea a koulua.
Mai mua ote masina o Mati ko mafai ei o fakaoko mai a
igoa o lua fafine filifilia tela e tau o tokotasi mai iluga ite
Fenua tonu kae tokotasi mailuga i Fafine o lua fenua e
nofo i Funafuti. Mote Fenua ko Funafuti e toko 2 loa
fafine e mafai o filigina ne koulua.
Ite masina o Mati te po 8th i tausaga takitasi ka fakapula
iei a igoa o Fafine takutakua ite Aso o Fafine ote Lalolagi.
Fakafetai lasi.
Faigamea ote Aso Fafine ote Lalolagi 2016 aofia iei ko te Baazar/togiga o mea valevale, akoakoga kite
Tulafono ki Fakalavelave Tupu iloto i Kaiga, mai te Ofisa o Tulafono mote akoakoga mai te NAPA II
Project.
9|P a g e