L`nui-npisunn

L’nui-npisunn
Mi'kmaq nenmi’tipnn L’nui-npisunn aqq ta’n tett etlikutikl. Amujpa menaqaj
ekinu’tmasultipnik ta’n teli-npitekekl. Etekl l’nui-npisunn ta’n kwejaqma’tumkl aqq
essam'qwatmumk npisun wejikmiaq aqq eykl pilue’l ta’n musi’kwatmumkl aqq elpilmumkl ta’n
kesnukwaq. Etekl npisunn nepitekekl aqq etekl wesua’tumkl kulaman ma’ ksnukwaq wen
kisna ma’ psekuat ksnukwaqn. Etekl npisunn ewe’wmumkl nepitmumk ksnukwaqnn nkutey
Samsn, Sismoqnitpnen kisna kesnukwaj wen waqanteml kisna ko’lewit wen. Aqq elp etekl
ksnukwa’luetal kisna ne’pateketal mu tetpaqi-ksua’tasinuk. Miamuj menaqaj wen ekina’masit
telitumk npisunn aqq ta’n tett wette’mumkl. Etekl npisunn etlikutikl nipuktuk kisna
memke’k, kattuk, mqo’qtuk kisna skipaqamiktl .
Welima’qewe’l
Msiku’l (Sweet
Grass) - Kaqapija’tasik wen wikuaq
kulaman ma’ ksnukwaq wen kisna ma’
psekuat ksnukwaqn. Aqq elp ewe’wmumk
wjit alasutmamk kisna wi’kipaltimk.
Kawatkw (White
Spruce)- Psetkunn aqq
pqwa’w wejitumk npisunn.
Kwejaqama’tumkl, tujiw
essam’qwatmumk ta’pu
na’kwek wjit samsn,
ko’lewimk kisna kepa’sit wen wsitun.
Puku’kewij weji-mnikwasik lame’k
pqwa’w kelu’k wjit wen wtun sewiska’sik.
Kwejaqama’tumk tujiw kesispa’tumk
wtun ewe’wmumk. Wjit mijua’ji’jk,
ekwija’tumk misekn tujiw ewe’wmumk
waqama’tuj wtun.
Maskwe’smnaqsi
(Cherry Tree) - Kelu’k
wjit Ko’lewit wen
kisna epaqasimkewey
ksnukwaqn.
Kwejaqama’tumk pqwa’w tujiw
essam’qwatmumk ta’pu na’kwek. Kaqitewitkniatmumk epaqasimkewey.
Aqq elp kelu’k wessua’tu’n wiaqa’tasik
mijipjamuejapu wjit ta’n tujiw ketu’
naqa’tu’n tel-no’qomn.
Kinikwejitewaqsi
(Ground Juniper)Kelu’k wjit
wen kesnukwaj
pukuluwank kisna
wisqan. Nipisoqnn
temasqasasikl tujiw
kwejaqama’tumkl
tujiw
essam’qwatmumk wejikmiaq. Aqq elp
to’q kelu’k wjit nisa’tumk sismoqon
wmal’temk, na’sik amujpa keknue’k telksua’tumk. Tupsi (Alder)- Kelu’k wjit
wen kesnukwaj waqanteml,
wmusti kisna pukuluwank
aqq elp wjit epaqasimk.
Kwejaqama’tumk pqwa’w
weji- pelkoqo’tasik tupsiiktuk, tujiw essam’qwatmumk.
Wjit wen kesnukwat wun’ji,
meni’kwasik lame’k pqwa’w tujiw
sam’qwan-iktuk ekwija’tumkl, kijka
pse’skw ika’tumk tujiw elpilasikl wen
wun’jek. Sa’se’wa’tumk te’sikiskik, na
ila’sitew wen wun’ji.
Ki’kwesu’skl (Flagroot) Kelu’k kulaman ma’ ksnukwaq
wen. Ewe’wmumkl jipiskl
nepisimk.
Kelu’k kwejaqama’tumk tujiw
essam’qwatmumk wejikimiaq
wjit Ko’lewit wen kisna ala’toq
epaqasimkewey ksnukwaqn kisna
kesnukwaq wen wmusti kisna mijua’ji’j
sewtia’t. Aqq elp kelu’k wiaqa’tasik
wapapaqikl wjit wen no’qik.
L’nui-npisunn
Wisawtaqji’jkl (GoldenThreads)-
Ula npisun kwejaqama’tumk.
Kelu’k wjit
waqama’tumk
kmal’tem kisna
wmusti wen
kesnukwaj,
saputa’mk,
ko’lewimk, epaqasimkewey ksnukwaqn
aqq sismoqon epsitkwetek wen
wmal’temk. Aqq elp kisi-amjaqusimk
wjit wen niwa’sik wsi’l kisna pessusit
kisna pelkoqto’kek tami. Kalolin
Gould, We’koqoma’q ewe’wk wjit tami
metu’nijkik. Toqi-kma’toql wisawtaqji’jkl
aqq jijklue’wjuey wikew mi’soqo
tupkwanamukwa’sik mimey. Ne’wt tekiaq
a’maqnk ta’n wen etli-ksnukwaj.
Wso’qomanl
(Bunchberry)
- Kelu’k wjit
wen kesnukwaj
pukuluwank.
Aqq elp iknmup
mijua’ji’jk
essam’qwatmnew
kulaman ma pi’salsik ke’s nepaj. Nipi’jk
elpilusnik la’qnk naqa’tun mal’tewiaq aqq
kulaman aji-nqasi-nijkitew wen jile’k
tami.
Ma’so’s - (Fern) Wikk
pitewey wejitumk
Kwejaqama’lujik nipi’jk
tujiw essamq’watmumk
wejikmiaq.
Kelu’k elp kesispa’tumk
ta’n tett wen kisisamteskik kjimsiku.
Nipi’jk kwejaqama’lujik
tujiw kesispapatumk wa’qi ta’pu kisna
si’st na’kwek.
Ka’qaweju’mann
(Teaberry)
-Ula npisun
kwejaqama’tumk
tujiw
essam’qwatmumk
wejikmiaq.
Pitkmalt pu’tay jel mu qatayik tujiw elkuta’tu’n kwejaqamiaq sam’qwan tujiw
assite’tmn kisiknan npisun.
Kelu’k kulaman ma’ kamlamunipnek
wen aqq kelu’k elp wjit wen kisikamlamunipnet. Aqq elp kelu’k kulaman
ma’ wa’tukwaq ika’qik wen wmal’temk
kisna wesua’tumk ta’n tujiw wa’tukewil
elielij wen wun'jek.
Kelu’k elp amjaqusimk wjit wen
kitaqasit kisna kesnukwaj waqanteml.
Nimnoqon (Yellow
Birch) - Kelu’k wjit
wen kisi-o’platalk kisna
kesnukwaq wmusti.
Pqwa’w soqte’mumk
kisna kwejaqama’tumk
tujiw essam’qwatmumk
wejikmiaq.
Pqwa’w elp na welapetmumk
malqutmumk, kisi-soqta’sik ta’n tujiw
kispnemk na apaji-waqasitisk.
Malsuliewipku’j
(Plantain) - Kelu’sit
nipi’j naspilut tami wen
jile’k mita wesueletk
aqq ejikla’toq winjik
koqoey kulaman aji-naqsinijkimk. Amjaqmumk
tipu’lewey nipi’jiktuk
tujiw elpilmn ta’n jileyumk kisna kaqsimk.
Aqq elp kwejaqama’lujik nipi’jk tujiw
essam’qwatmumk ta’n wejikmiaq wjit wen
wmusti kesnukwaj.
Mikwite’te’n: Keknue’kl L’nui-npisunn. Mu kisi-mili-ksua’tummitl. Pipanimatesk na’tuen ta’n nenkl npisunn teli-npitekekl ke’sk mna’q wesua’tu’n.