Ojibwe - Minnesota State Colleges and Universities

Ojibwe - Minnesota State Colleges and Universities

MINNESOTA STATE COLLEGES MIINAWAA UNIVERSITIES
Ojibwe
Dagwagindan chigabe-gikendaasowin
u imaa giniigaaniiming
Mii-go ge-izhigashkitooyamban!
Giga-gashkitoon da-gikendaman
iniw oshki-wawiingeziwinan, nawaj
niibowa zhooniyaa da-ondanokiiyan
miinawaa da-izhichigeyan i’iw
anokiiwin menwendaman.
Gidaa-izhi’aag gidinawemaaganag
da-apiitenimikwaa miinawaa
gaye giin da-apiitenimoyan. Mii
onow ge-gashki’ewiziyan giishpin
dagwagindaman i’iw chi-gabegikendaasowin imaa giniigaaniiming.
Niibowa awiiya ozhiitaawag
miinawaa aabajichiganan
ayaamagadoon ge-wiidookaagoyan
“Ozhitamaadizon gakina gegoo maagizhaa
waaji-diba’aman gigikinoo’amaagoowin
wiikwajitooyan
biinish igo da-wiidookaagoyan
mii dash izhiji-gwayakwendaman aaniin i’iw
oditamaadizon.”
chi-gabe-gikendaasoowigamig
-Afifa
waa-onaabandaman.
Gagwedwen chi-gabe-gikendaasowin
noongom. Mii-go ge-izhigashkitooyamban.
y
2
4
Aaniin dash waa-onji-gabegikendaasoyan?
Aaniish ezhi-ayaamagak i’iw
chi-gabe-gikendaasowin?
7
Indaa-gashkitoon ina?
8
Nigashkitoon da-dediba’amaan?
11
Aaniin keyaa ge-onjimaajitaayaan?
12
Aaniin i’iw chi-gabegikendaasoowigamig
ge-nisidawendamaambaan?
yesyoucan.mnscu.edu
Aaniin dash waa-onjigabe-gikendaasoyan?
Ishkwaa-gikinoo’amaagooyan eshkam giga-ani-mino-bimaadiz.
Ginitaa-bami’idiz aabajitooyan i’iw gaa-pi-gikinoo’amaagooyan
ji-mino-diba’amaagooyan enanokiiyan. Ayaaman chi-gabegikendaasowin, giga-ayaanan awashime ge-onaabandamanin
miinawaa giga-miinigoowiz ge-aabajitooyan waaizhichigewanen.
Eshkam igo ani-gikendaasoyan, mii-go nawaj
ge-ni-izhi-gashkichigeyan.
Eniwek ingo-biboon
wendanokiimagakin*
Ashi-niizho-biboon gabe-gikendaasomazina’igan
$38,900
$47,500
$67,900
Niizho-biboon gikendaaso-mazina’igan
Niiwo-biboon gikendaaso-mazina’igan
Ge-diba’amaagooyan minik da-onjise
ezhi-misawendaman waa-inanokiiyan,
endaayan miinawaa anooj gegoo
bebakaan, chi-gabe-gikendaasomazina’igan idash giga-ani-onjiishpi-diba’amaagoo minik zhooniyaa
ge-gashki’adiban ani-bimaadiziyan.
Gegiikimik endazhi-gikinoo’amaagoziyan
giga-wiidookaag ji-mikaman minik
ge-gashkichigeyamban inanokiiwinan
mikwendaman.
*Source: U.S. Census Bureau, Current Population Survey, 2007 Annual Social and Economic Supplement.
Onow asigibii’iganan giwaabanda’igomin mii minik gaa-kashkichigewaad ingiw awashime niishtana ashinaanan endaso-biboonagizijig.
Nawaj ondinigen bimaadiziwining.
Ingiw gaa-onji-zaagijibii’igejig imaa chi-gabe-gikendaasoowigamigong apane nawaj niibowa ogashki’aawaan zhooniyaan,
nawaj ogashkitoonaawaa da-naadiwaad mino-ayaawin, nawaj wiidookaazowag imaa okwiinogamigwewining,
ominwendaanaawaa nawaj anweshino-izhichigewin miinawaa nawaj ogashkitoonaawaa da-mino-bami’aawaad iniw
oniijaanisiwaan nawaj weweni da-izhi-ayaanid.
2
“Nimaamaa apane gaa-ikidod
amanj igo ge-inakamigadogwen,
‘Gimisawenimin ji-izhaayan chigabe-gikendaasoowigamigong,
ji-chi-gabe-gikendasogikinoo’amaagooyan, miinawaa
giin igo ji-gashkitamaazoyan’, mii
dash gaa-onji-izhichigeyaan.”
- Cheng
Cheng niishtana endaso-biboonagizid
gikinoo’amaagan ingoding waa-aawid iniw
mashkikii-adaawewinini. Odinawemaaganan
gii-pi-izhi-goziwan omaa Gichi-mookomaan
Akiing gii-ashi-niso-biboonagadinig.
Memiikwenimaad iniw odinawemaaganan
miinawaa oniigaaniim, Cheng gii-onendam
ji-chi-gabe-gikendaaso-gikinoo’amaagozid.
Wiin nitam gaa-onji-izhaad chigabe-gikendaasoowigamigong iniw
odinawemaaganan neshwaachinid eyaanid.
3
Aaniish ezhi-ayaamagak i’iw
chi-gabe-gikendaasowin?
Chi-gabe-gikendaasowin da-aanjisemagad gibimaadiziwin.
Mii yo’ow ge-wiidookaagoyan da-bami’idizoyan. Gigagikendaan weweni da-nishwanaajitoosiwan i’iw diba’igan,
ji-dibinawewiziyan ge-gashki’ewiziyan miinawaa damaaminonendaman gegoo menwendaman izhichigeyan.
Gakina awiiya oshki-ayaawi
miinawaa bakaan ayaawi.
Maajitaang i’iw chi-gabe-gikinoo’amaagoozing, booch oga-nagajitoonaawaa
gakina awiiya. Mii imaa ge-nagishkawadwaa oshki-wiiji’aaganag ganabaj
ge-naabimanji’owaad gidinamanji’owinan. Minnesota State Colleges
miinawaa Universities obiindigebii’aawaan gikinoo’amaaganan wenjiinid anooj
mayagi-bimaadiziwinan miinawaa mayagi-izhitwaang, miinawaa gaye biinish
igo ishwaasimidana bebakaan inwewinan ayaamagadoon omaa chi-gabegikindaaso-gikinoo’amaading. Imaa niibowa bebakaan endazhi-gikendaasogikino’aamaading, ayaamagadoon chi-gabe-gikendaaso-gikinoo’amaading
maawanji’idiwinan miinawaa ezhitwaang maawanji’idiwinan miinawaa dash
izhichigewinan da-wiidookaagoyanin da-nagadendaman chi-gabe-gikendaasogikinoo’amaagooyan miinawaa da-nagishkawadwaa bekaanizijig.
4
Enendaman izhi-odaapinigen.
Chi-gabe-gikendaasoowigamigong, giin igo gidoonaakwanamaadiz waa-izhichigeyan miinawaa apii waa-izhichigeyan.
Giin giga-gagiiginaanan wegodogwen waa-izhi-gikinoo’amaagoziyan, ezhi-misawendaman igo miinawaa waa-kikendaman.
Booch ji-gii-ayaaman nandowendamaadizowinan, gizhazhawiziwin miinawaa dadiibaabandamaazowin, wenjida-go giishpin
booch ji-gii-anokiiyan gaye. Apiitendaagwad dash i’iw gikinoo’amaagoziwin.
Gimiinigoowiz ji-gagwe-nanda-gikenindizoyan.
Chi-gabe-gikendaasowin gimiinigon ge-onji-gikendaman miziwe aki miinawaa ge-onji-gikenindizoyan. Giga-mikaanan
onzaam niibowa inakamigiziwinan eyaamagakin. Miziwekamig izhi-gikinoo’amaagoowinan biinish waa-inanokiimaawanji’iding, bebakaanizing ezhitwaang maawanji’iding miinawaa bebakaan odaminowinan, giga-mikaan gegoo
waa-oshki-wiikwajitooyan, da-gagwejitooyanin giniigaaniwizhiwewinan miinawaa gegoo mashi gekendaziwan
wawiingeziwinan eyaaman. Mii imaa niigaan ge-onji-gikendaman wegodogwen dinowa menwendaman izhichigeyan
miinawaa da-ozhiitaa’idizoyan waa-inanokiiyan ani-bimaadiziyan.
5
“Zanagadoon geget aapiji
gagwe-naanaagajichigaadegin
gikinoo’amaagoziwin,
gidinawemaaganag miinawaa
anokiiwin. Inga-wiidookaagon
dash ji-ozhitamaazoyaan nawaj
mino-bimaadiziwin.”
-Tasheena
6
Tasheena niishtana ashi-niswi
endaso-biboonagizid gikinoo’amaagan
ayaangwaamitood i’iw gikinoo’amaageng.
Apegish ingoding da-gikinoo’aamaaged
imaa gichi-oodenaang miinawaa gaye
da-wiidookaaged imaa Anishinaabeokwiinogamigwewining. Naazhobiboonagizinid odaanisan miinawaa gechiapiitenimigod onoshenyan ogii-wiidookaagoon
ji-gwayakwendang ji-izhaad chi-gabegikendaasoowigamigong nawaj weweni
ji-mino-bimaadizid.
Indaagashkitoon ina?
Giishpin gashkitoosiwaan indibaabii’iganan? Ayaamagadoon
na waa-izhi-gikinoo’amaagoziyaan enweyaan? Niibowa
gagwedwewinan gimikwendaanan naanaagadawendaman
chi-gabe-gikinoo’amaagoziyan. Gegoo wii-kikendaman
weweni gidaa-gagwedwe. Gezhewaadizijig ayaawag miinawaa
aabajichiganan epiitendaagwakin ayaamagadoon gewiidookaagoyan ji-ani-chi-gabe-gikendaasoyan giniigaaniiming.
Giishpin gashkitoosiwaan indibaabii’iganan?
Gaawiin mashi onzaam wiikaa da-gwayakosidamaazoyan gegoo. Gego maaminaaj bagidinangen maanzhi-dibaabii’igan
bezhig maagizhaa gemaa gaye niizh da-maazhendami’igoyan. Enigok anokaadan naanaagajitooyan mazina’iganan,
ozhitamaazon wenizhishing ji-naanaagajitooyan gimazina’iganan miinawaa gagwejim gekinoo’amook maagizhaa gaye
gegiikimik endazhi-gikinoo’amaagoziyan ji-naadamookwaa. Community miinawaa technical colleges
eta-go onandawendaanaawaan ashi-niizho-biboon gikendaaso-mazina’igan maagizhaa gaye GED. Gaawiin memwech
gidaa-gagwejii’igosiin jibwaa-biindigebii’ogooyan, miinawaa gaye gaawiin memwech ezhibii’igaadegin gidashiniizho-biboon gikendaaso-mazina’igan dibaabii’iganan miinawaa ezhi-apiitendaagoobii’igaadegin gidibaabii’iganan
nandawenjigaadesinoon aanind izhi-gikinoo’amaagoowinan.
Giishpin dash gaawiin awiiya indinawemaaganag
wiikaa gii-izhaasigwaa chi-gabegikendaasoowigamigong?
Gidaa-maajitoon oshki-izhitwaawin miinawaa gidaa-niigaanishkaan ji-chi-gabe-gikendaaso-gikinoo’amaagooyeg.
Gidaa-naabinaagoog gaye weshiimewimaawijig gidinawemaaganag miinawaa gidaa-gichi-apiitendamo’aag gigitiziiimag.
Giishpin oniijaanisiyaan?
Niibowa chi-gabe-gikendaaso-gikinoo’amaaganag oniijaanisiwag gaye wiinawaa. Aanind Colleges miinawaa universities
odayaanaawaan ge-dazhi-ganawendaawasowaad maagizhaa gaye gidaa-wiidookaagoog ji-mikaman jiigayi’ii eyaag
ganawendaawasoowigamig. Miinawaa ezhi-gashkitamaazoyan, maagizhaa gidaa-inendaagoz naadamaagooyan ji-diba’aman
ganawendaawasowin enangindeg. Gagwejim eyaajig biindigebii’ige-gegiikimiwed maagizhaa gaye zhooniyaa-gegiikimiwed
nawaj gikendamowinan.
Giishpin zhaaganaashiimosiwaan?
Imaa gikinoo’amaading mii eta-go zhaaganaashiimong. Colleges miinawaa universities gidaa-naadamaagoog ji-mikaman
ge-izhi-gikendaman gwayak zhaaganaashiimowin.
Aandi ge-daayaambaan?
Aanind colleges miinawaa universities odayaanaawaa ge-daayan. Maagizhaa gaye gidaa-naadamaagoo ji-mikaman
ge-daayan besho. Maagizhaa gaye gidaa-maanaadinamaadiz zhooniyaa megwaa endaayan gigitiziimag endaawaad.
7
Nigashkitoon da-dediba’amaan?
Gegaa-go awashime mooshkine-chi-gabe-gikinoo’amaaganag ezhaawaad
Minnesota State Colleges miinawaa Universities naadamawaawag
ji-diba’amowaad chi-gabe-gikendaaso-gikinoo’amaagoziwin. Minik
deba’amawindwaa (geshkichigewaad) gidinawemaaganag miinawaa ezhibimaadiziwaad, gidaa-onji-gikenimigoo minik ge-ondiziyamban zhooniyaa
ge-onji-diba’amamban niibowa – maagizhaa go gakina – gigichi-gabegikendaasowin enangindeg.
Zhooniyaa-naadamaagewin: Wegonen dinowa ge-ondiziyamban?
Da-mikaman aaniin minik zhooniyaa naadamaagewin ge-ondiziyan, mooshkinebii’an Free Application for Federal Student Aid,
maagizhaa FAFSA, mooshkinebii’igan ishkwaa-maadaginzod Gichi-manidoo-giizis azhigwa ani-giizhiikaman gidashi-niizhogikinoonowin imaa gabe-gikendaasoowigamigong. Gigashkitoon da-mooshkinebii’aman mazina’igan imaa waasamoowasabiing
www.fafsa.ed.gov maagizhaa naadin i’iw mazina’igan miinawaa nandowenim da-naadamook da-mooshkinebii’aman gegiikimik
endazhi-gikinoo’amaagoziyan. Indago naa niibowa anokiiwin da-inendaagwad, gaawiin dash gidaa-gikendanziin minik zhooniyaa
ge-ondiziyan baanimaa-go ishkwaa-mooshkinebii’igeyan.
*
Eniwek ingo-gikinoonowin enagindegin
Minnesota State Colleges miinawaa Universities
Niizho-biboon gikendaasomazina’igan
Niiwo-biboon gikendaasomazina’igan
$4,565
$6,083
Nawaj onow wendadoon wapii dash aanind public miinawaa private
colleges miinawaa universities, aanind apiitagindewan $9,900 biinish igo
$36,000 ingo-gikinoonowin.
Enagindegin Minnesota State Colleges
miinawaa Universities nawaj wendadoon
wapii idash aanind colleges, universities
miinawaa trade schools onzaam
Minnesota odiba’amowaan aanind
enagindenig Minnesota endaajig. Nashke
endaso-diba’igeyan bezhigwaabik,
State of Minnesota diba’ige $1.05 danaadamook nanda-gikinoo’amaagoziyan.
*Onow enagindegin asigibii’iganan wiinawaa eta-go Minnesota endaajig, giishpin mamoowaad 15 credits endaso-oshkimaajiseg gikinoo’amaadiwin, mii yo’ow apane izhaang epiitendaagwak. Giishpin apane izhaasiwan bangii nawaj gidaadiba’ige. Enagindegin igo naa eniwek izhi-ayaamagadoon miinawaa daa-aanjisewan ingoding.
Ayaamagadoon niiwin dinowa zhooniyaa-naadamaagewinan.
Niibowa gikinoo’amaaganag odapenimonaawaa bebakaan da-ondinigewaad zhooniyaa-naadamaagewin da-diba’amowaad chi-gabegikendaasowin. Giishpin misawendaman da-izhaayan chi-gabe-gikendasoowigamigong, ayaamagad i’iw keyaa ge-onji-gashkitooyan.
Scholarships
Grants
Work-Study
Scholarships gichi-onizhishin
ondinigeng da-zhooniyaa-naadamaagooyan, miinawaa gaawiin
memwech gidaa-azhe-diba’igesiin.
Gaawiin memwech gidaa-gagweniigaaniisiin gikinoo’amaagoziyan
da-naadamagooyan, miinawaa
niibowa ayaamagadoon da-miinindwaa ingiw wenjibaajig anooj
ezhitwaang miinawaa mayagibimaadizing. Gaganoozh gegiikimik
endazhi-gikinoo’amaagoziyan dinowa zhooniyaa-naadamaagoowin
ge-kashitooyamban.
Maagizhaa gaye gidaa-odaapinaan
federal miinawaa state grants
$400 biinish $6,500 endasogikinoonowin, memwech ge-azhe-
Work-Study programs ginaadamaagonan da-anokiiyan
endazhi-gikinoo’amaagoziyan
maagizhaa gaye ji-mikawadwaa
awiiyag ge-anokii’ikwaa idash
ji-onji-gashkitamaazoyan zhooniyaa
da-diba’amanin chi-gabe-gikendaasowin enangindegin. Work-Study
moozhag anokiiwinan anooj
apii ayaamagadoon, mii imaa
wenji-gashkitooyan waa-izhigikinoo’amaagoziyan miinawaa
waa-inakamigiziyan.
8
diba’anziwan.
Gikinoo’amaaganmazina’igewin
Ingoding gidaa-aginz dadebinaman gikinoo’amaaganmazina’igewin, booch idash
ji-gii-azhe-diba’igaadegin.
Gikinoo’amaagan-mazina’igewinan
ingoding bangii gidiba’ige igo
da-mazina’igeyan zhooniyaa.
Jade niishtana endaso-biboonagizid
gikinoo’amaagan ayaagwaamitood
i’iw wiindamaageng adaaweng. Giikikendam ogitiziiman da-gaskitoosigwaa
da-diba’anzigwaa chi-gabe-gikendaasogikinoo’amawind. Ogii-nandawaabamaan
awiiya da-wiidookaagod da-mooshkinebii’ang
i’iw FAFSA mazinabii’igan miinawaa dagagwe-biindigebii’ang scholarships miinawaa
gikinoo’aamaagan-mazina’igewinan. jade ogiikashkitoon da-debinang Pell Grant miinawaa
Minnesota Grant miinawaa gii-inaginzo
da-debinang gikinoo’amaagan-mazina’igewin.
9
“Gego zhaagwenimoken.
Giminwamanji’ ayaaman i’iw
chi-gabe-gikendaasowin.”
-Roman
10
Roman niishtana ashi-naano-dasobiboonagizi ozhichige-gikinoo’amaagan.
Wenjibaad agaamakiing (Ukraine), Roman
gii-pi-izhaa Gichi-mookomaan Akiing gii-2005gikinoonowinagak miinawaa gii-ikido apane
gii-naanaagadawendang ji-ondinang chi-gabegikendaaso-mazina’igan Gichi-mookomaan
chi-gabe-gikendaaso-gikinoo’amaadiwining.
Gii-onji-nitaa-zhaaganaashiimo
agindaasod miinawaa naanaagajichiged
gikinoo’amaadiwining.
Aaniin keyaa ge-onjimaajitaayaan?
Awegonen dinowa ge-ayaamaan da-biindigeyaan
chi-gabe-gikendaasoowigamigong?
Apane ingodinong, gidaa-mamoonan niso-biboon asigigindaasowin, naagajichigewin, miinawaa onji-gikendamaawiziwin,
miinawaa dash niiwo-biboon Zhaaganaashiimowin apii megwaa gabe-gikendaaso-gikinoo’amaagoziyan. Technical miinawaa
community colleges idash wiin, meta-go ge-ayaaman ashi-niizho-biboono-mazina’igan maagizhaa gaye GED. Ayaamagadoon
debi-gashkichiganan ACT maagizhaa SAT goji’igoowinan enaabadakin ji-izhaang state universities. Gagwejim university
biindigebii’igewigamig onow miinawaa aanind bebakaan bagidiniwe-nandawenjiganan. Gaawiin ingodanoo gashkitoosiwan
nandawenjiganan, booch maawiin gidaa-nandawenimigoo da-biindigeyan bakaan gegoo izhiwebiziwin. Misawendaagwad
enakamigizing wayiiba da-gagwe-biindigebii’igeng miinawaa da-nanda-gikenjigaadeg zhooniyaa-naadamaagewin.
Maajitaan. Wenipanad.
1. O-waabam gegiikimik endazhi-gikinoo’amaagoziyan da-naadamook.
2. Ondinamaazon naasaabichiganiigin ezhinikaadeg Go Places, anishaa mazina’igaans
ge-onji-gikendaman nawaj anooj inanokiiwinan miinawaa gikinoo’amaagan ezhi-bimaadizid imaa Minnesota
State Colleges miinawaa Universities. Gigashkitoon da-ondinaman naasaabichiganiigin iwidi endazhi-ashi-niizhogikinoo’amaagoziyan inanokiiwigamigong maagizhaa gaye gigagiikimigoo-wigamigong, maagizhaa gaye nandodan
bezhig waasamoomaajiibii’igeyan [email protected]. Dagobii’an ezhi-odisigoyan mazina’iganan endaayan.
3. O-mawadishiwen endazhi-gikinoo’amaading. Maanoo ganoozh bezhig Minnesota State
Colleges miinawaa Universities ge-izhi-gagwedweyan da-waabanda’igooyan chi-gabe-gikendaasoowigamig.
4. Gagwe-biindigebii’igen college maagizhaa colleges enendaman ge-minwedamamban.
O-naadin biindigebii-mazina’igan ge-mooshkinebii’aman gegiikimik endazhi-gikinoo’amaagoziyan, waasamoowasabiing
www.mnscu.edu/students/application.html, maagizhaa gaye anishaa go giigidon 1-888-345-2537.
5. Gagwe-gashkitoon zhooniyaa-naadamaagewin ishkwaa-maadaginzod Gichi-manidoogiizis azhigwa ani-giizhiikaman gidashi-niizho-gikinoonowin imaa gabe-gikendaasoowigamigong, mii yo’ow geizhichigeyamban mooshkinebii’aman FAFSA mazina’igan, wendinaman gegiikimik endazhi-gikinoo’amaagoziyan
maagizhaa imaa waasa’amoowasabiing www.fafsa.ed.gov.
Maajitaan noongom.
Giigidon: 1-888-345-2537
Waasamoowasabiing: [email protected]
Mawadishiwen: yesyoucan.mnscu.edu
O’ow mazina’igan izhibii’igaade English, Spanish, Somali, Hmong, French, Russian, Vietnamese, Ojibwe miinawaa Dakota.
Da-nandodaman i’iw bezhig waasamoomaajiibii’an [email protected]. Dagobii’an ezhi-odisigoyan mazina’iganan endaayan.
This brochure is available in English, Spanish, Somali, Hmong, French, Russian, Vietnamese, Ojibwe and Dakota.
To request a copy, e-mail [email protected]. Include your mailing address.
Ozhibii’iganens: Zhaaganaashiimowin gikinoo’amaagem imaa gikinoo’amaading.
11
Aaniin i’iw chi-gabe-gikendaasoowigamig
ge-nisidawendamaambaan?
Niibowa ayaamagad bebakaan chi-gabegikendaaso-gikinoo’amaading, miinawaa
niibowa gegoo bebakaan ge-izhichigeyamban.
Minnesota State Colleges miinawaa
Universities miigiwewag wenizhishing,
wendadinig chi-gabe-gikendaasowin
imaa okwiinogamigwewining
miziwekamig omaa Minnesota. Besho
gidaa-ayaa endaayan maagizhaa
gidaa-nanda-gikendaan oshki-ayi’ii
ingoji Minnesota da-onji-ayaaman
gikendaasowin miinawaa oshkiwawiingeziwinan mesawendaman.
Aanind agaasaawan, aanind midaaswaak awashime ayaawag gikinoo’amaaganag,
gakina dash wiin Minnesota State Colleges miinawaa Universities odayaawaawaan
gechi-apiitendaagoziwaad gekino’amaagejig.
• Niizhwaaswi universities miigiwewag ingodwaak awashime chi-gabe-gikendaasomazina’igan-gikinoo’amaagewinan.
• Niizhtana ashi-naanan technical colleges, community colleges miinawaa
maamawichigaadegin colleges miigiwewag baataniinakin ingo-biboonomazina’iganan miinawaa niizho-biboono-mazina’iganan gikinoo’amaagewin.
Mooshkine-gikinoo’amaagoziyan, gigashkitoon da-zaagijibii’igeyan niizhobiboonagak i’iw mazina’igaans mii gii-kashkitooyan ezhi-misawendaman ge-izhigikinoo’amagooyan. Maagizhaa gaye gigashkitoon da-gashkitooyan i’iw associate
degree miinawaa da-izhi-meshkwaji-izhaayan university da-giizhiikaman giniiwobiboono-mazina’igan.
NE-Rainy River
Community College
International Fall
allss
Northland Community
& Technical College
Thief River Falls
Northland Community
& Technical College
NE-Hibbing
Community College
Northwest
Technical College
Moorhead
Minnesota
State
Community
& Technical
College
Ely
Virginia
Bemidji
Minnesota State
University
Moorhead
NE-Vermilion
Community College
NE-Mesabi Range
Community & Technical College
Bemidji State
University
East Grand Forks
NE-Mesabi Range
Community &
Technical College
Hibbing
Bemidji
Eveleth
NE-Itasca
Community College
Minnesota State
Community &
Technical College
Grand Rapids
Lake Superior
College
Detroit Lakes
Fond du Lac Tribal &
Community College
Minnesota State
Community &
Technical College
Niizho-biboon gikendaaso-mazina’igan
Duluth
Niiwo-biboon gikendaaso-mazina’igan
Cloquet
Wadena
Moorhead
Minnesota
State Community
& Technical College
Central
Lakes
College
Central Lakes College
METRO AREA
Brainerd
Staples
Pine Technical College
Fergus Falls
Anoka
Technical
College
Pine City
Alexandria Technical
College
St. Cloud
Technical College
Alexandria
St. Cloud
St. Cloud State University
Anoka-Ramsey
Community
College
St. Cloud
Ridgewater
College
Willmar
Minnesota West
Community
& Technical
Minnesota West
College
Community &
Canby
Technical College
Anoka
Hennepin
Technical
College
Cambridge
Anoka-Ramsey
Community College
Coon Rapids
North Hennepin
Community College
Metropolitan
State University
Minneapolis
Metropolitan
State University
Minneapolis
Community &
Technical College
Hutchinson
Minneapolis St. Paul
Hennepin
Technical
College
Eden Prairie
Granite Falls
St. Paul
Minneapolis
Normandale
Community
College
Saint Paul
College
Inver Hills
St. Paul
Community
College
Bloomington
Southwest Minnesota
Minnesota State
State University
College–Southeast
South
Dakota County
Marshall
Technical
Central College
Technical College
Red Wing
North Mankato
Rosemount
Minnesota West
Minnesota
Community &
Minnesota State
South
State
College–
Technical College
University, Mankato
Central College
Southeast Technical
Pipestone
Mankato
Faribault
Winona
Minnesota West
Winona
Rochester Community &
Community
&
State
Minnesota West
Technical College
Technical College
University
Community &
Rochester
Riverland
Jackson
Winona
Technical
Community
Riverland
College
College
Community College
Worthington
12
Albert Lea
Austin
White Bear Lake
Brooklyn Park
Brooklyn Park
Ridgewater
College
Century
College
6/08
Inver Grove
Heights
Gikendamowin Nandwewendaming
Mii onow bebakaan chi-gabe-gikendaaso-gikinoo’amaadiiwigamigoon endagog, giigidowinan miinawaa waasamoowasab
ayaanikesijiganan iniw Minnesota State Colleges miinawaa Universities. Gegoo da-gagwedweyan, giigidon 1-888-345-2537,
maagizhaa mawadishiwen www.mnscu.edu.
Niizho-biboon
gikendaaso-mazina’igan
Alexandria Technical College
Alexandria
www.alextech.edu
1-888-234-1222
Anoka-Ramsey Community College
Cambridge, Coon Rapids
www.anokaramsey.edu
763-433-1100
Anoka Technical College
Anoka
www.anokatech.edu
763-576-4850
Minnesota West Community & Technical
College
Canby, Granite Falls, Jackson, Pipestone,
Worthington
www.mnwest.edu
1-800-658-2330
Normandale Community College
Bloomington
www.normandale.edu
1-866-880-8740
North Hennepin Community College
Brooklyn Park
www.nhcc.edu
1-800-818-0395
Northeast Higher Education District
Central Lakes College
Brainerd, Staples
www.clcmn.edu
1-800-933-0346
Hibbing Community College
Hibbing
www.hibbing.edu
1-800-224-4422
Century College
White Bear Lake
www.century.edu
1-800-228-1978
Itasca Community College
Grand Rapids
www.itascacc.edu
1-800-996-6422
Dakota County Technical College
Rosemount
www.dctc.edu
1-877-937-3282
Mesabi Range Community
& Technical College
Eveleth, Virginia
www.mesabirange.edu
1-800-657-3860
Rainy River Community College
International Falls
www.rrcc.mnscu.edu
1-800-456-3996
Vermilion Community College
Ely
www.vcc.edu
1-800-657-3608
Fond du Lac Tribal & Community College
Cloquet
www.fdltcc.edu
1-800-657-3712
Hennepin Technical College
Brooklyn Park, Eden Prairie
www.hennepintech.edu
1-800-345-4655
Inver Hills Community College
Inver Grove Heights
www.inverhills.edu
651-450-8500
Lake Superior College
Duluth
www.lsc.edu
1-800-432-2884
Minneapolis Community &
Technical College
Minneapolis
www.minneapolis.edu
1-800-247-0911
Minnesota State College - Southeast
Technical
Red Wing, Winona
www.southeastmn.edu
1-877-853-8324
Minnesota State Community & Technical
College
Detroit Lakes, Fergus Falls, Moorhead, Wadena
www.minnesota.edu
1-888-696-7282
Northland Community & Technical College
East Grand Forks, Thief River Falls
www.northlandcollege.edu
1-800-959-6282
Northwest Technical College*
Bemidji
www.ntcmn.edu
1-800-942-8324
Pine Technical College
Pine City
www.pinetech.edu
1-800-521-7463
Ridgewater College
Hutchinson, Willmar
www.ridgewater.edu
1-800-722-1151
Rochester Community & Technical College
Rochester
www.rctc.edu
1-800-247-1296
St. Cloud Technical College
St. Cloud
www.sctc.edu
1-800-222-1009
Saint Paul College
St. Paul
www.saintpaul.edu
1-800-227-6029
South Central College
Faribault, North Mankato
www.southcentral.edu
1-800-722-9359
*Northwest Technical College is aligned
with Bemidji State University.
Niiwo-biboon
gikendaaso-mazina’igan
Bemidji State University
Bemidji
www.bemidjistate.edu
1-877-236-4354
Metropolitan State University
St. Paul, Minneapolis
www.metrostate.edu
651-793-1300
Minnesota State University, Mankato
Mankato
www.mnsu.edu
1-800-722-0544
Minnesota State University Moorhead
Moorhead
www.mnstate.edu
1-800-593-7246
St. Cloud State University
St. Cloud
www.stcloudstate.edu
1-877-654-7278
Southwest Minnesota State University
Marshall
www.southwestmsu.edu
1-800-642-0684
Winona State University
Winona
www.winona.edu
1-800-342-5978
Riverland Community College
Albert Lea, Austin
www.riverland.edu
1-800-247-5039
Gakina awiiya ogashkitoonaawaa da-gagwe-biindigebii’igewaad da-gagwe-anokiiwaad maagizhaa gaye da-gagwe-anoonigowaad
imaa MINNESOTA STATE COLLEGES miinawaa UNIVERSITIES. Gaawiin ingodanoo gaa-onjibaad, enwed, maagizhaa gaye
ezhinaagozid. Meta-go iw wapii gegwedweyan, mii iw wapii bijiinag ge-izhinizha’amaagooyan imaa bebakaan wezhibii’igaadegin.
Giigidon 651-296-8012 maagizhaa 1-888-MNSCU-4-U (1-888-667-2848). TTY: 651-282-2660.
13
9 /2008
yesyoucan.mnscu.edu