Aatam Ilurii

Aatam Ilurii
Kaagyugaam ilurii, Atrilnguq, qemirtuq
uksumi neqsuquni atu’urkaminek. Tua-i
nanilan tamaa kuvyaq taqaa. Taqngamiu
yuurqeryarturtuq taluyarkiurpailegmi.
10
1
2
3
Unarciaq1 aqvallni qupuraa aitarutnek2
aturluni, piqertuutamek3 kaugtuucirluni.
Qupurirraarluni nutaan mellgarmek aturluni
taluyarkiurtuq. Mulngakluni caliaqai
munarcaarluni.
1
2
3
murak
qup’issuutnek
qalqapak
11
12
Kaagyugaankuk Paayaq-llu
kipusvigmek uterrnginanermegni
Atrilnguq ullagaak
tangrramegnegu. Qanengssautaa,
piyaramegtun mallgutaqamek.
Kaagyugaam ilangciarluku pia,
“Aling ikiuvagcit!” Iluriin
ciugarrluni, tangvaggaarluku
kiugaa teggiggluni, “Elpet
taugaam arcaqanruten!”
Tua-i qanengssautenguk.
Kaagyugaam-llu ikayungaa
nemiarkiullrani. Kipukengami
ut’rutlerkai umyuaqenrirai. Tua-i
yugnikucamek waten
tangrrutaqamek callerkatek
nalluyagulluki pilartuk.
13
Atrilnguq caliinanermini neq’aqariuq
apa’urlumi icivaq akacakallranek4.
Atrilnguq ngelaq’eraqluni nallunrilamiu
qanemcikani. Kaagyugaam niicuamiu
murilkartaa.
14
4
picurlakallranek
Atrilnguq qanemciuq, “Ap’aka
picurlacuaqerqami tangvagtengqerrsuumiitelartuq.
Entem nalliini takuillruuq kuvyaminek
qayamikun, kanaken kellirnermek ayagnirluni
kelutmun. Pitaqami ek’artaqluki qayami iluanun.
15
Nangneq neqa
tekicamiu ilarqainganaqaa.
Aug’aryunrilan eqengluni5
pileryaganguq. Pileryagainanermini
kitnguuq. Pugngami nang’ertuq ciisqukaarluni.
Qayani tegurraarluku teggiksugtellrianek niicami
keluni kiarquagaa. Tangrrai Aparuunkut
quuyurmeng. Umyuani assiircan qatpautai,
‘Irr’ivkenaci uterci!’ Aparuunkut-llu ayagarrluteng.”
16
5
cumilngungluni
Kaagyugaankuk ilurani-llu cakneq ngel’artuk.
Maaten Kaagyugaq ngelainanermini murilkartuq,
nulirra Qalutaq caniani nangengqalria.
Quuyurmi pillinia uini,
“Kipusviggnertuvagcit...am kipukengaten
utruski.” Kaagyugaam Paayaq pia,
“Kipukengaput utruski, atataarqu wii
uterciiqua.”
17
Qalutankuk Paayaq-llu utercagnek
Kaagyugaankuk ilurani-llu ataam
caliaqakek taluyarkiuratek. Maaten
sass’aq murilkartaak nernarillinilria.
Atakutarnarian taluyarkat
nekegqaarluki utertuk.
18