RSE Get Ready Booklet - Bislama Language Version

RSE Get Ready Booklet - Bislama Language Version

BUK BLONG MEKEM RERE
INFOMESEN BLONG OL WOKMAN BLONG RSE
Ol samting we i stap insaed
WELKAM............................................................................. 3
FAS SAMTING MO FASTOK....................................... 4
MANI..................................................................................... 5
FASIN BLONG DIL
WETEM BOS MO GAT OL FREN............................... 12
WOK.................................................................................... 16
FASIN BLONG LAEF..................................................... 19
NID BLONG GAT OL WOKMAN................................22
FASIN BLONG PANISIM WOKMAN........................24
GO bak HOM................................................................... 27
BIFO YU GO – OL SAMTING WE YU
MAS SAVE LONG SAED BLONG PLEN.................28
KIA ORA WELKAM
ISBN 978-0-478-36049-3
1
Welkam!
WELKAM LONG RSE NIU SILAN. OLI BIN JUSUM
YU BLONG KAM WOK OLSEM WAN WOKMAN
BLONG RSE! GUD LAK!
RSE i minim Recogneas Sisonal Employa (hemia ol
kampani we oli save karem ol wokman blong kam wok
smol taem long Niu Silan). Wan RSE hemi wan bos o
kampani we Kafman blong Niu Silan hemi agri blong
hemi save karem ol wokman blong ovasi blong kam wok
long hem.
Niu Silan hotikalja (we oli planem frut mo ol kaen vegtebel).
mo Vitikalja (ol growem grep blong mekem wine)
indastri, oli nidim moa wokman long samfala manis long
yia blong helpem olgeta blong mekem karen mo karem
frut blong hem.
Infomesen we istap insaed long smol buk ia hemi blong
helpem yu blong enjoyem taem blong yu mo wok blong
yu long Niu Silan. Plis mekem sua se yu karem wetem
yu taem yu go long Niu Silan mo kipim wetem yu taem
yu stap longwe. Mbae yu faenem se yu nidim long taem.
we yu stap long we.
Plis yu mas go long toktok we oli givim bifo yu lego
kantri blong yu. Toktok ia hemi talemaot plante
samting long fasin blong wok mo laef long Niu Silan.
Mbae yu gat janis tu blong askem kwestin mo kasem
ansa long eni samting we yu no klia long hem.
Taem yu kasem Niu Silan bos blong yu mo Dipatmen blong
Leba bambae oli gat moa samting blong talemaot long
yu blong helpem yu blong statem niufala wok blong yu mo
enjoyem taem blong yu long Niu Silan.
Hemia wan gudfala janis we yu gat mo i stap long yu
nao blong mekyus long hem. Mifala i wisim yu gud lak.
Tim blong RSE blong Niu Silan
2
3
Fas samting mo fastok
Mani
Bifo yu aot blong go long Niu Silan, i gud blong yu go
long wan toktok olsem trening we sam man blong
kavman blong yu oli ranem. Bambae i helpem yu blong
gat moa save long laef long Niu Silan. Mo tu mbae oli
talemaot wanem taem nao bae yu flae i go long Niu Silan.
Yu mas mekem sua se yu gat inaf mani taem yu kam
long Niu Silan blong pem ol samting we yu nidim kasem
taem yu karem fes mani blong yu.
Taem yu kasem Niu Silan bambae yu go long wan toktok.
wetem bos blong yu. Ol fastok ia oli kavremap ol
samting olsem:
Mani blong yu bambae i go long wan akaon long bank we
bos blong yu hemi stretem blong yu. Bambae yu risivim
wan pepa blong Pei we i soem hamas oli pem yu, olsem
wanem oli pem yu (minim i go long bank akaon blong yu),
mo wanem nao oli katem long Pei blong yu.
• Transpot blong yu long Niu Silan
• Weta mo wanem kaen klos bambae yu nidim
• Wanem yu mas kakae blong stap helti oltaem mo
hapi long niufala hom blong yu
• Fasen blong lukaut gud mani blong yu – hao blong
yusum gud mani blong yu mo manejem gud mani we
yu spenem taem yu stap long Niu Silan
• Takis we bae yu pem long mani blong yu taem yu
stap long Niu Silan
• Wanem bae i hapen sipos yu gat aksiden long wok
mo yu nomo save wok
• Wanem bae i hapen sipos yu sik
• Blokem pikinini, sef seks mo STD (hemia ol sik we yu
save kasem tru long seks)
• Wanem yu save mekem taem yu no stap long wok
mo hao blong enjoyem taem blong you long Niu Silan.
Pay blong yu
Olsem wan RSE wokman, bambae oli pem yu folem wan
long ol fasin ia:
1. Praes long wan wan haoa
Sipos kontrak blong yu i talem se oli pem yu long wan
haoa, i minim se bambae oli pem yu long wan praes
stret long evri haoa we yu wok.
Blong givim eksampol: Sipos yu wok 30 haoa mo praes
blong yu long wan haoa hemi $NZ15.00, bambae oli pem.
yu $NZ450.00 BIFO oli katemaot takis mo ol nara
samting. Takis mo ol nara samting we oli katem long
mane blong yu i mekem se Pei blong yu i go daon.
Oli no save pem yu smol bitim minimom lape.
2. Praes long wan pis wok
Praes long wan pis wok i minim se bambae oli pem yu
wan amaon evri taem yu finisim wan spesel wok. Blong
givim eksampol, long indastri blong apol, oli save pem
wan stret praes blong wan wan basket o bokis we yu
fulumap wetem apol. Hemia i minim se moa yu wok
kwik, moa oli pem yu.
Blong givim eksampol: sipos oli pem yu $NZ30 long wan
kes blong apol we yu fulumap, mo yu bin fulumap 15 kes
long en blong wik, bambae oli pem yu $NZ450 bifo oli
katemaut takis mo ol narafala samting.
4
5
Sipos oli pem yu long praes blong wan pis wok, oli no save
pem yu smol bitim minimum pay. Be from we fasin blong
wok olsem hemi blong ol wokman we oli gat ekspiriens finis,.
i minim se yu save winim moa bitim hemia.
3. Praes we i stap muvmuv
Ol praes we i stap muvmuv oli pat blong wan pis wok
o praes blong kontrak. Hemia i hapen taem oli pem yu
long wan stret amaon blong mane (wan valiu praes)
long wan pis blong wok we yu finisim. Oli save pem
olsem long wan kes, long wan basket, long wan tri, long
wan pis blong fil (pat blong wan laen - bitwin ol post,
long saed blong apol mo grep), long kilogram, etc. Hemi
dipen long kaen wok mo fasin we oli pem. Tingting
blong putum praes we i stap muv hemi blong mekem
se amaon we oli pem yu blong wan wok (wan praes) i no
semak oltaem, hemi save jenis dipen long wanem istap
hapen long taem ia.
Blong givim eksampol, sipos yu stap pikimap apol mo
oli pem yu folem namba blong basket o bokis we yu
fulumap, praes blong wan basket o bokis bambae
i dipen long ol defren kaen samting olsem bigfala
amaon blong frut (skel), olfala blong tri (hamas yia),
wanem kaen apol yu stap pikimap, taem blong yia blong
pikimap, sipos frut hemi klin (no gat samting we oli
ademap long hem) o nogat mo sipos hemi blong ekspot
o blong lokol maket long Niu Silan, o blong yusum blong
mekem jus. Hemia i minim se oli save pem yu NZ$15.00
long wan basket o kes blong apol we yu pikimap blong
jus mo maet hemi NZ$45.00 long wan basket o kes
blong ol apol we i klin mo blong ekspot.
Long eksampol ia bos i mas putum i klia long agrimen
blong wok blong yu se praes blong wan basket o kes hemi
stat long NZ$15.00 (i no save smol bitim hemia) go kasem
NZ$45.00 (i no save hae bitim hemia) mo eksplenem from
wanem praes i save jenis. Bos i save pem antap long hae
praes be i no save pem smol bitim minimum. 6
Inomata sipos oli pem yu long wan praes we i stap muv,
oli no save pem yu smol bitim minimum pay blong yu. Be
from we fasin blong wok olsem hemi blong ol wokman
we oli gat ekspiriens finis, i minim se yu save winim moa
bitim hemia.
4. Praes we i miks
Maet praes blong yu i save jenis. Hemia i save hapen
taem kaen wok we yu stap mekem i jenis. Blong givim
eksampol, taem yu niu long wan wok maet yu stat
wetem wan praes long wan haoa afta i jenis igo long
praes blong wan pis wok taem yu gat moa save mo yu
wok moa kwik.
Maet Pei blong yu hemi difren long Pei blong narafala
wokman, i dipen long kaen wok we yu mekem mo wei we
oli pem yu.
Pei long taem blong spel
Yu gat raet blong kasem pei blong spel long wan yia we
hemi 8% blong totel pay blong yu bifo oli katem takis
long hem. Blong givim eksampol, sipos yu stap kasem
$500 long wan wik bambae yu kasem antap long hemia
wan amaon blong $40.00 long wan wik we oli putum long
saed olsem pei long taem blong spel. Bambae yu mas
pem takis tu long pei long taem blong spel. Sam bos oli
inkludim pei long taem blong spel long pei blong yu blong
evri wik mo sam oli pem taem yu finis long wok blong
yu. Sipos oli pem long yu evri wik, bambae oli katem
takis long sem taem tu olsem pat blong pei blong yu, be
sipos oli pem spel blong yu long en blong wok blong yu,
bambae oli katem takis long taem ia.
Sipos yu gat kwestin long saed blong pepa blong
Pay blong yu, go lukim tim lida o bos blong yu.
7
Wanem oli save
katemaut long pay blong yu
Amaon we yu winim mbae i no amaon we yu kasem long
han blong yu from i gat ol samting we oli katem stret
long mani blong yu.
Takis
Takis o PAYE hemi wan samting we oli mas katemaot
long pei blong yu - yu mas pem samting ia. Takis hemi
mani we oli katemaot long pay blong yu we igo long
Kafman blong Niu Silan blong pem ol impoten seves
olsem ol pablik rod mo sefti (polis, kot etc). Evri man
we i wok long Niu Silan i mas pem takis. Ol wokman
blong RSE oli gat wan spesel kod blong takis (NSW)
long wan stret level blong 10.5%. Bambae yu save lukim
long pepa blong Pay blong yu.
Nara samting we oli save katemaut long pay
8
Pem pasis
Bos blong yu mo yu, yutufala i serem praes blong pasis
blong yu long plen aot long ples blong yu igo long Niu Silan, .
haf haf (sipos yu blong Kiribati o Tuvalu, hemi haf blong
praes blong tikit blong kam mo go bak long Fiji). Sipos
bos blong yu hemi pem fulwan pasis blong yu bambae
yu mas pem bak haf mani blong hem mo hemia nao
from wanem bos blong yu hemi save katem amaon ia
aot long Pay blong yu. Maet yu mas pem pasis blong
yu taem we yu stap long Niu Silan tu. Hemia i save
inkludim ol samting olsem tikit blong plen, bas mo tren.
Pem haos
Bos blong yu hemi mas faenem wan sef mo stret ples
blong slip blong yu long wan praes we i fea long Niu Silan .
mo we Dipatmen blong Leba hemi bin jekem. Hemi save
katem mani blong rent haos long Pay blong yu sipos yu
agri long hem o yu save pem yu wan.
I gat sam samting we oli save katem long Pay, be wetem .
agrimen blong yu long raeting. Wanem oli katem i
kavremap ol samting olsem transpot blong go mo
kam bak long wok mo ples blong slip. Sipos yu alawem
bos blong yu blong katem praes blong ol samting ia
aot long Pay blong yu, i mekem i moa isi long yu blong
manejem mani blong yu. Bos blong yu i mas eksplenem
long yu wanem nao oli pem yu from, wanem i stap long
pepa blong pay blong yu, wanem nao bambae hemi
wantem katemaot long pay blong yu mo askem yu
sipos yu agri long hem. Yu save stopem ol samting ia
long eni taem. Sipos yu mekem olsem yu nao yu mas
pem wanem i nid blong yu pem bak mo yu mas pem eni
seves we yu gohed blong yusum wetem kas mani o tru
long bank akaon blong yu.
Ol samting blong Tingbaot
Blong protektem yu, evri samting we oli katem aot
long mani blong yu oli mas soem long ol inspekta long
Dipatmen blong Leba blong oli jekem se evri samting i
folem loa mo i stret.
Pay mo wanem oli katem: Praes blong yu long wan haoa
maet yu luk se i bigwan be igat ol samting we oli katemaot.
long Pay i blong yu, mo sipos yu no lukaotem gud mo sevem.
mani blong yu, bambae taem yu go bak hom, maet yu no.
gat plante mani olsem we yu bin ting se yu gat.
Laet mo ol narafala cost blong living
Yu nao yu shud pem laet mo ol narafala cost blong living
we i stap tugeta wetem rent haos. Mo tu maet yu mas
pem pasis blong yu blong go mo kam bak long ples blong
wok. Yu save mekem se oli karemaot long Pay blong yu
o yu save pem yu wan. Sam bos oli inkludim laet long
praes blong rent haos. Askem bos blong yu wanem hemi
inkludim mo wanem we yu nao yu mas pem.
Afta ol samting ia i kam aot long Pay blong yu bambae
yu gat mani istap long akaon blong yu long bank. Wanem .
yu mekem wetem mani ia hemi impoten!
9
Ekspiriens: Ol wokman we hemi fastaem blong olgeta
blong wok long Niu Silan maet oli no winim plante mani
olsem ol wokman we oli stap kam bak we oli kam gud
long wanem we oli stap mekem.
Blong sevem mani mo sanem mani long
wan ples igo long narafala ples
Sevem mani
Blong sevem mani yu mas strong. I gat plante samting
blong switim yu blong spenem mani long Niu Silan!
Bos blong yu i save helpem yu blong sevem mani taem
hemi putum sam mani aot long Pay blong yu i go long .
wan narafala akaon long bank mo mekem se yu gat inaf .
mani blong spenem evri wik long ol samting blong laef.
Yu mas agri long hem long raeting sipos yu wantem .
mekem olsem.
Sanem mani i go bak long hom
Yu save sanem mani i go bak long hom blong yu be
yu mas pem wan fi. Bank we i holem akaon blong yu
bambae i save helpem yu. Be yu save yusum ol narafala
bank o bisnes o kampani blong sanem mani. Evriwan
i gat fi blong hem we hemi difren. Hemi dipen long
amaon we yu sanem, kantri we yu sanem igo long
hem mo taem we hemi tekem blong sanem mani. Ol
man long bank blong yu bambae oli save eksplenem
ol samting ia long yu mo helpem yu blong mekem wan
gudfala joes.
Yu save faenem aot wanem nao ol fi blong ol defren
kampani long website www.sendmoneypacific.org.
Blong mekem hemia bambae yu nidim wan kompiuta
blong gat akses long intenet. Askem bos blong yu
olsem wanem blong mekem.
I sas moa sipos yu sanem mani i go bak long hom oltaem.
from igat wan fi blong pem evritaem yu mekem. Toktok
wetem bos blong yu blong faenem aot wanem nao
gudfala wei blong sanem mani i go bak long hom blong yu.
10
11
Fasin blong dil wetem
bos mo gat ol fren
Wanem yu mekem blong bos blong yu
Bambae yu mas mekem ol wok we yu bin agri blong
mekem long kontrak we yu bin saenem wetem bos
blong yu mo mekem long fasin we bos blong yu hemi
stap ekspektem. Hemia hemi inkludim:
• kam long wok long stret taem
Wanem Bos blong yu hemi mekem blong yu
Bos i pem yu from wok blong yu, be antap long hem
bos blong yu hemi mas lukluk long plante samting blong
lukaotem yu, olsem:
• lukaotem gud ples we yu stap laef long hem
• faenem wan gudfala ples blong slip blong yu
• soem gudfala fasin oltaem long ples blong wok .
mo afta long wok.
• givim ol samting blong kuk mo laef long yu
Yu mas wok taem i nid blong yu wok; maet hemi
inkludim wok long Sabat o long narafala holidei.
Bambae oli putum ol haoa blong wok blong yu long
agrimen blong wok blong yu.
Hemi impoten blong save wok tugeta olsem wan tim.
Toktok wetem tim lida o bos blong yu blong faenemaot
wanem i nid blong mekem. Hemi gud blong luk wanem
ol naraman oli mekem mo harem wanem oli talem long
ol fasfala wik, bambae i helpem yu blong faenemaot
wanem nao yu mas mekem. Bambae hemi tekem sam
wik blong andastanem evri samting mo harem save.
Afta wok
Wanem yu mekem afta wok mbae i pleiem wan bigfala
pat blong mekem se yu enjoyem taem blong yu long Niu
Silan. Toktok wetem bos blong yu long saed blong wanem
yu save mekem taem yu no wok. Igat ol lokol jios mo spot
grup we yu save joenem olgeta mo ol narafala aktiviti
blong komuniti we yu save tek pat long hem. Maet yu
gat janis blong mitim ol narafala RSE wokman blong ol
narafala kantri, mo ol man Niu Silan. Bambae i mekem se
yu enjoyem taem blong yu long Niu Silan mo givim janis
long yu blong mekem mo lanem ol niufala samting.
12
Mo tu yu mas folem ol loa blong Niu Silan. Sipos yu
brekem loa, maet se polis blong Niu Silan hemi kam luk
yu. Sipos oli sakemaot yu long wok blong yu, bambae yu
nomo gat raet blong stap long Niu Silan, minim se yu
mas go bak long hom kantri blong yu.
• pem praes long wan haoa long yu we i no save smol
bitim minimum pei long Niu Silan
• meksua se yu gat inaf wok blong mekem (namba
blong haoa)
• meksua se yu gat transpot blong go mo kam bak
long ples blong wok blong yu.
Bos i mas helpem yu long saed blong laef blong yu
taem yu stap long Niu Silan blong meksua se yu oraet.
Ol bos oli mas helpem yu blong faenem ol seves mo
komuniti grup blong helpem yu long saed blong helt,
pem ol samting long stoa, sport mo jios.
Kavman blong Niu Silan i mas givim agrimen blong
hem long evri bos blong RSE blong mekem sua se oli
ol gudfala bos mo oli save ofarem wok olsem we i nid
mo ol gudfala kondisen blong wok. Bos blong yu i mas
folem ol rul long saed blong laef mo sefti we oli mekem
blong protektem ol wokman blong RSE.
Ol bos oli WANTEM se yu go lukim olgeta sipos yu
gat wan problem. Yu no fraet blong go lukim olgeta!
13
Blong solvem problem long wok
Sipos yu gat wan problem o i gat wan samting we yu
no andastanem o yu ting se hemi denja o i no stret, fas
samting we yu shud mekem hemi blong tok wetem tim
lida o bos blong yu. Yu save mekem yu wan o askem tim
lida blong yu blong mekem. Plante taem hemia nao wan
gudfala wei blong tokbaot ol samting, mekem sua se i
nomo gat raorao mo stretem problem. Sipos yu no hapi wetem ansa blong bos blong yu, bambae.
yu shud lukim wan man blong Dipatmen blong Leba.
Ol man ia blong Leba oli wok long kavman mo oli stap
blong mekem sua se ol bos oli onarem stret fasin
blong givim wok long wokman.
Mo tu yu save go lukim wan union. Ol union oli stap
blong lukaotem ol raet blong ol wokman long Niu Silan
mo maet bambae oli gat wan lokol ripresentetif o wan
memba we i save helpem yu.
I gat ol difren wei blong meksua se ol bos oli harem
voes blong yu mo luksave eni problem we yu gat; taswe
yu mas toktok wetem wan long ol man ia kwiktaem.
Sipos igat problem yu save lukim:
• Tim lida o bos blong yu
• Ripresentetif blong Kafman blong yu
• Leba Inspekta blong yu long namba 0800 20 90 20
• Union blong yu sipos yu wan memba
Yu save kontaktem tu ol ofis ia blong ples we yu stap
long hem long Niu Silan:
• Citizen’s Advice Bureau (Sitisen’s Advaes Bureau)
• Community Group (Komuniti grup)
• Free Law Service (Fri Loa seves)
• Settlement Support Service (Setelmen Sapot Seves)
Igat lis blong ol namba we yu save ring long hem i stap
long lasfala pej blong infomesen buk ia.
14
15
Wok
Agrimen
Bambae yu shud risivim wan agrimen blong wok olsem
pat blong ofa blong givim wok long yu. Bos blong yu
o ripresentetif blong hem i shud bin eksplenem finis
agrimen ia long yu.
Evri wokman long Niu Silan i mas gat wan agrimen
blong wok long raeting. Hemi wan impoten pepa we i
mekem i klia wanem yu mas mekem blong bos blong yu
mo wanem bos blong yu hemi mas mekem blong yu.
Agrimen blong yu bambae hemi setemaot rul blong
wok olsem we loa long Niu Silan i talem. Hemia hemi
inkludim spel, pei long taem blong spel, wok long pablik
holide mo dei blong sik.
Yu no shud saenem agrimen blong wok sipos yu no
andastanem evri samting long hem mo yu no hapi
wetem ol kondisen blong hem. Sipos igat wan samting
we yu no andastanem o yu no sua long hem, askem
ofisol blong kavman, bos blong yu o ripresentetif blong
hem blong eskplenem.
Kil long taem blong wok
Sipos yu gat wan aksiden, yu save askem help tru long
dokta blong yu blong kasem sapot blong Accident
Compensation Corporation (ACC), wan kampani we i
lukaotem ol wokman taem oli kasem kil long wok. Yu
pem fi blong ACC sem taem yu pem takis blong yu. ACC
hemi stap anda long kafman blong Niu Silan mo hemi
wan insurens we i kavremap kil long bodi. Dipen long
olsem wanem yu kasem kil, ACC i shud help blong pem
dokta mo meresin afta wan aksiden.
Hemia hemi inkludim meresin, dokta we i katem yu
sipos i nid mo ol narafala spesel kea be ino inkludim sik
olsem flu.
16
Siknes we ino long saed blong wok
ACC hemi no kavremap sik. Evri wokman blong RSE
hemi mas gat insurens long saed blong sik. Hemia
blong kavremap praes blong dokta mo meresin sipos
yu sik taem yu stap long Niu Silan.
Insurens blong Helt i save kavremap ol samting olsem
visit igo long dokta, praes blong meresin we dokta i givim
long yu (preskripsen), tritmen blong tut we i nid blong
mekem kwiktaem, mo praes blong hospital inkludim
praes blong katem yu. Sipos yu gat wan bigfala sik o
handikap mo i nid blong yu go hom from sik blong yu,
insurens bambae maet i save kavremap ol praes blong
hemia tu. Sipos oli stap tritim yu finis from wan sik o oli
faenem se yu gat wan sik bifo yu kam long Niu Silan, maet
Insurens blong Helt i no kavremap praes blong tritmen.
Ol sik ia oli save olgeta olsem ol kondisen we oli stap bifo
o wan sik we i stap gohed mo i nid blong yu tokbaot ol
samting ia wetem bos blong yu taem yu pem Insurens
blong Helt blong yu.
Bos blong yu bambae hemi stretem Insurens blong
Helt olsem pat blong proses blong ol pepa blong
alawem yu blong wok long Niu Silan mo bambae oli
katem aot praes blong hem long Pei blong yu taem yu
statem wok.
Yu mas pem Insurens blong yu inomata sipos yu no
mekem eni klem.
Bos blong yu hemi save givim ol infomesen long saed
blong Insurens blong Helt mo wanem hemi inkludim.
Meksua se yu ridim ol infomesen o askem bos blong
yu blong eksplenem wanem nao insurens hemi stap
kavremap mo wanem yu save klem long hem.
Pepa blong alawem yu blong wok long
Niu Silan (Visa)
Bambae yu go long Niu Silan wetem wan pepa we
i alawem yu blong wok smol taem anda long RSE
17
prokram. Yu no save askem blong karem wan narafala
kaen pepa blong imigresen taem yu stap long Niu Silan.
Sipos yu disaed blong lego bos blong yu, bambae oli no
alawem yu blong stap long Niu Silan. Maet yu save muv
blong go wok long wan defren RSE bos, be Dipatmen
blong Leba hemi mas agri long hem fastaem.
Yu mas kam bak long hom blong yu long en blong kontrak.
blong yu. Sipos yu no rispektem pepa ia we i alawem
yu blong wok long Niu Silan bambae oli save stopem yu
blong go bak long Niu Silan.
Sipos yu rispektem ol rul blong pepa ia we i alawem yu
blong wok long Niu Silan mo wan RSE i wantem yu blong
yu wok long hem, bambae maet yu save go bak long Niu
Silan long ol defren taem blong yia we i stap kam. Yu
mas aplae bakegen blong karem pepa we i alawem yu
blong wok long Niu Silan sipos yu wantem go bak.
Joen Apruvol blong Rikrut (ATR)
Joen Apruvol blong Rikrut (Approval To Recruit o ATR)
hemi alawem ol bos blong gat akses long ol wokman
long taem blong plante wok tru long fasin blong serem
ol wokman wetem narafala bos. Wan joen ATR bambae
hemi save mekem se yu wok blong tu (2) o plante bos
mo bambae yu save stap longfala taem long Niu Silan
blong winim moa mane. Tufala bos we oli lukaotem yu
bambae oli lukluk blong stretem ol agrimen blong wok
blong yu, inkludim pasis mo ples blong silip blong yu. No
fogetem blong saenem tufala agrimen blong wok.
Union
Ol union oli stap blong ripresentem ol wokman. Yu
save joenem wan union long Niu Silan sipos yu pem fi.
Wetem union, ol wokman oli save mekem se oli harem
vois blong olgeta long saed blong ol problem long ples
blong wok o karem sapot taem igat wan rao long wok.
Sam long ol union oli gat ripresentetif blong olgeta
long Pasifik we oli save lanwis blong yu.
18

Fasin blong laef
Weta
Priperem yu wan from weta we hemi difren long hemia
long ples blong yu. Long Niu Silan ples i kolkol bitim ples
blong yu mo maet yu mas wok autsaed taem i kolkol
tumas. Ol manis we oli kolkol tumas hemi Julae, Okis mo
Septemba, hemia long taem blong kolkol long Niu Silan.
Bambae yu nidim ol strong sus mo gudfala klos blong
kipim yu yu hot mo drae taem yu stap long wok. Bos
blong yu bambae i givim blanket mo samting blong kipim
yu hot long bed blong yu. Mo tu bos blong yu bambae
hemi givim ol advaes long saed blong wanem mo
weaples blong pem sam moa klos mo blanket sipos yu
nidim. Bambae i gat ol masin blong hotem ples mo bos
blong yu i save talem olsem wanem blong yusum gud
masin ia. Swim long hot wota bifo mo afta long wok, i
save helpem yu blong kipim yu yu hot mo helti oltaem.
Haos o ples blong slip
Yu save jekem wetem bos blong yu o ripresentetif
blong RSE wanem haos bambae oli givim, mo wanem
oli givim wetem haos ia. Ol bos oli andastanen se yu no
save karem ol bigfala samting wetem yu, mekem se
igat ol sitbed mo ol nara samting we yu shud yusum.
Be maet igat sam samting we yu save karem i kam long
ples blong yu blong mekem se yu harem gud moa.
I gat ol tul blong kuk, masin blong was mo swim long
hot wota oli stap blong yu save yusum. Yusum wanem
we oli putum blong yu yusum mo lanem hao blong
yusum olgeta long stret fasin bambae oli sevem taem
mo hadwok blong yu.
I stap long yu nao blong lukaotem gud haos blong yu
mo kipim i klin. Sipos yu spolem wan samting, bambae
maet se yu mas pem mo samting ia maet i sas.
19
Kakae
Yu mas pem kakae blong yu. Ol man Niu Silan oli gat
plante gudfala kakae we yu save pem long stoa.
Traem blong kakae ol gudfala samting, mo kakae
plante. Tri (3) gud kakae long wan dei i shud givim yu
pawa we yu nidim blong wok. Maet i nid blong yu kakae
ol hevi kakae from weta mo wok we yu mekem oli
mekem se yu nidim pawa. Meksua se yu no kakae smol
tumas mo no mestem dina. Dring plante wota.
blong yu mo yu mestem ples blong yu bitim wanem we
maet yu ting. Sanem leta igo long olgeta o telefon long
olgeta mo sanem mani hemi wan wei blong gat nius.
Maet bos blong yu i save talem ol fasin we oli no sas
tumas blong givim mo risivim nius long ples blong yu mo
olsem wanem blong yusum imel mo kad blong telefon.
Yu mas strong mo tingbaot se taem i pas kwiktaem.
Tingting gud long wanem we yu kam blong mekem mo
wok had.
Sipos yu no kakae gud mo dring plante wota, bambae
yu no save wok gud mekem se yu no winim plante mane.
Mo tu bambae yu save kasem sik mo no save wok mo
mas go bak hom. Rimemba, nogat wok nogat mani.
Sipos yu harem nogud mo stap wori, i nid blong yu.
toktok wetem tim lida o bos blong yu, o wan ripresentetif .
blong kafman blong yu from oli stap blong helpem yu
wetem ol problem olsem.
Bos blong yu nao hemi shud stretem evri samting long
saed blong kakae taem yu stap wok. Ol difren ples
blong wok oli gat ol difren wei blong oganaesem kakae
blong ol wokman. Sipos yu no hapi long saed ia yu go
toktok wetem bos blong yu.
Helt
Gud helt
Weta mo envaeromen blong wok long Niu Silan oli had
long helt blong yu mekem se yu mas kipim yu yu hot,
wasem klos blong yu oltaem mo werem ol klin klos evri
dei, bambae hemi helpem yu blong gat gud helt.
Yu shud save se ol sik tru long seks [Sexually Transmitted.
Infections (STI)] inkludim HIV/AIDS oli stap long Niu Silan. .
Blong protektem helt blong yu i moa gud sipos yu no
gat seks we ino sef mo yu mas yusum kondom oltaem. I
gat ol toktok long saed blong Famli planing long ol lokol
dokta o ol spesel klinik.
Hemi impoten tumas blong yu wasem bodi blong yu mo
klos blong yu blong karemaot doti oltaem from doti i
save go insaed long wan soa mo mekem yu sik. Hemi
gud blong yusum ol sop we i save kilim bebet, kipim skin
i klin oltaem blong mekem se yu no kasem sik olsem
boela. Askem bos blong yu blong helpem yu blong
faenem sop olsem.
Lukaotem gud helt blong yu bambae i helpem yu blong
yu no kasem sik.
Igat wan narafala kaen helt we hemi impoten — hemia
tingting mo maen blong yu. Bambae yu sori long famle
20
21
Nid blong gat ol wokman
Wanem kaen
SMOL
MEDIOM
HAE
HAE TUMAS
Spring
Summer
Autumn
Winter
(taem blong yia we i kam biaen kolkol)
(Taem blong hotsan)
(Taem blong yia we ol lif i folfoldaon)
(Taem blong kolkol)
Septemba kasem Novemba
Disemba kasem Februari
Maj kasem Mei
Jun kasem Okis
Septemba
Oktoba
Novemba
Disemba
Janueri
Februari
Maj
Eprel
Mei
Jun
Julae
Ogis
Northland .
(Aelan blong Not)
Auckland (Oklan)
Waikato
Bay of Plenty
East Coast
Hawke’s Bay
Wairarapa
Nelson
Marlborough
Canterbury
Central Otago
SMOL
22
22
MEDIOM
HAE
HAE TUMAS
23
23
! Fasin blong
panism wokman
Hemia hemi save kamaot folem wan raorao long ples
blong wok o from man i brekem loa. I gat ol kes long
saed blong wok mo ol kriminol kes taem yu brekem loa
blong Niu Silan.
Taem yu finis long wok
Sipos oli sakemaot yu long wok blong yu, yu no save stap
long Niu Silan. Sipos yu no rispektem loa blong Niu Silan, yu
save lusum wok blong yu, mo yu mas lego Niu Silan.
Fasin blong dipotem man
Oli save dipotem yu sipos yu brekem loa (olsem stilman)
o yu no rispektem ol kondisen blong visa blong yu (pepa
we i alawem yu blong wok) (olsem lego wok blong yu o
stap long Niu Silan bitim taem we oli alawem long visa
blong yu). Long taem olsem, Imigresen blong Niu Silan
bambae hemi sanem wan leta i kam long yu long saed
blong dipotem yu mo wan oda blong dipotem yu.
Sipos oli givim wan oda blong dipotem yu long yu,
bambae yu mas aot long Niu Silan long taem ia nao.
Sipos yu no aot kwiktaem, Imigresen blong Niu Silan
i save holem taet yu mo dipotem yu. Sipos mifala i
dipotem yu, bambae yu no save go bak long Niu Silan
long faef yia mo hemi save spolem janis blong yu blong
aplae anda long RSE prokram long fiuja. Mo tu yu mas
pem bak ol mani we oli spendem blong dipotem yu.
Sipos oli dipotem yu long Niu Silan bambae hemi save
spolem janis blong yu blong visitim o go wok long ol
narafala kantri.
Plis yu mas save gud se yu mas aot long Niu Silan bifo
visa blong yu hemi finis sipos no oli save dipotem yu.
24
Rabis drug mo alkol
Folem loa long Niu Silan yu mas gat 18 yia o bitim 18 yia .
blong save dring alkol. Sam taon oli gat rul we i no
alawem blong dring alkol long ol pablik ples olsem ol
pak, garen mo pablik ples blong putum trak. I tabu
blong smok long ol pablik ples. Hemia hemi inkludim
ol bigfala ples we i gat plante stoa, pub, bar mo
restorong mo plen, bas mo tren. I tabu blong yusum
drag mo dring alkol long plante ples blong wok.
Yu shud neva gat wetem yu ol rabis drug, sabstens o
samting olsem. Kaen fasin olsem bambae bos blong yu
hemi dil wetem folem fasin blong panis mo maet hemi
sakem aot yu mo no givim woning.
Draevem trak long Niu Silan
Yu no save draevem trak long Niu Silan sipos yu no
gat wan laesens. Sipos yu gat wan laesens mo yu save
draevem trak long Niu Silan, tingbaot oltaem blong
draev long lefsaed blong rod. Long plante ol bigfala
rod long Niu Silan igat limit blong spid we hemi 100 km/h .
sipos ino gat wan saen we i talem blong daonem spid.
Long taon, spid limit hemi stap oltaem long 50 km/h
sipos ino igat wan saen we i talem defren.
Wanem blong mekem long taem blong
bigfala trabol we oli mas dil wetem
naoia nomo
Hemi impoten blong save wanem blong mekem long
taem blong bigfala trabol. Bos blong yu hemi shud
gat plan blong dil wetem ol defren kaen trabol. Trabol
hemi save minim wan akseden wetem kil, wan strong
sik, wan faea, etkwek, wota i kam antap o ren wetem
strong win mo tanda, wan faet o wan bigfala akseden.
Askem bos blong yu long taem blong fastok wanem
nao ol fasin blong mekrere long taem blong wan
bigfala trabol mo askem infomesen long wanem blong
mekem long taem blong wan samting olsem.
25
Go bak hom
Bambae yu lego Niu Silan long en blong kontrak blong
wok blong yu wetem RSE bos blong yu. Sipos yu bin
pem sam samting blong tekem igo hom wetem yu long
plen, tingbaot se sipos wanem yu tekem i hevi bitim
wanem we oli alawem bambae i sas.
Yu mas traem blong sanem ol samting blong yu i kam .
hom fastaem. Toktok wetem bos blong yu long saed
blong transpot blong helpem yu blong sanem ol samting.
blong yu i kam hom long wan gud praes. Mani we yu
sevem long praes blong transpot mekem se yu gat
moa mani long poket blong yu.
Tingbaot blong kipim IRD takis namba blong yu mo
akaon namba blong yu long bank long Niu Silan. Bambae
yu nidim ol samting ia sipos yu go bak long Niu Silan
anda long RSE long fiuja. Sipos yu wantem kipim bank
akaon bIong yu long Niu Silan, i nid blong yu livim inaf
mani blong kavremap ol fi blong bank. Mo tu kipim ol klos
blong kolkol we yu bin pem taem yu stap long Niu Silan.
Blong kasem moa infomesen long saed blong laef
blong yu long RSE, maet yu shud toktok wetem
ripresentetif blong kafman blong yu abaot Faenansol
Save o ol narafala kaen trening we maet i gat. 26
27
Bifo yu go – ol samting
we yu mas save long
saed blong plen
Bambae oli givim ol pepa we yu nidim blong go long .
Niu Silan mo wok long we. Yu mas lukaotem gud ol pepa
ia mo karem i kam wetem yu.
Jeklis
Paspot wetem Visa blong Niu Silan
Tikit blong plen
Agrimen blong wok
Pepa blong insurens long saed blong sik
Laesens blong draevem trak (sipos yu gat)
Mani blong yusum bifo yu kasem fes Pei blong yu
Lis blong namba blong telefon long hom
IRD namba blong takis long Niu Silan (sipos yu gat)
Namba blong bank akaon long Niu Silan mo ATM
kad (sipos yu gat)
Plis mekem sua se yu raetem gud nem blong yu long
tikit blong plen mo long pepa blong insurens long saed
blong sik mo hemi semak long paspot blong yu.
28
Ol Namba blong kolem
Inspekta blong Leba.
0800 20 90 20
Ofis blong RSE long Dipatmen blong Leba .
(Immigresen blong Niu Silan).
0508 55 88 55
Namba long saed blong helt.
0800 611 116
Ofis blong helpem laef long Niu Silan.
0800 776 948
Ofis blong advaesem ol manples mo sitisen.
0800 367 222
Kaonsel blong Tred Union blong Niu Silan.
0800 698 646
Emejensi (bigfala trabol): Polis, Faea, Ambulens.
DOL10343.1 JUN 11
111
NEW ZEALAND