docahatari matsiko goona - Disciple Nations Alliance
download 
Report Transcription
ahatari matsiko goona - Disciple Nations Alliance
AHATARI MATSIKO GOONA: AMATSIKO G’AFRICA Kikahandiikwa Darrow I. Miller na Scott Allen Against All Hope: Hope for Africa Runyankore translation 1 Copyright © 2013 by Scott Allen and Darrow Miller. Originally published by Disciple Nations Alliance under the title “Against all Hope, Hope for Africa”. All rights reserved. Permissions: You are permitted and encouraged to reproduce and distribute this material in any format provided you do not alter the wording in any way, you do not charge a fee beyond the cost of reproducing, and you do not make more than 1,000 physical copies. For web posting, a link to this document on our website (www.disciplenations.org) is preferred. The Disciple Nations Alliance, Inc. must explicitly approve exceptions to the above permissions. Permission to Reproduce: Third parties (such as individuals, churches or other organizations) may freely reproduced DNA self-published resources in any format (using their own logotype and style guide) on condition that they abide by the terms of the DNA Permission Statement and that all copies clearly display the DNA copyright and Permission Statement on the title page or another prominent location. 2 AHATARI MATSIKO GOONA: AMATSIKO G’AFRICA Kikahandiikwa Darrow I. Miller na Scott Allen hamwe na African Working Group ab’obusamaria oburungi ahabwa Africa 3 ORUSA:Noikirizibwa kandi n’obaasa kwihamu omu katabo aka obundi butabo okabuheereza abandi waaba otahindwire aha bigambo by’akatabo kandi otarikukaguza aha sente ezirengire aha zokoreitse omukukashohoza. Otakaashohoza obutabo obundi oburikurenga ahari 1000. Orusa orurikurenga ahari oru, n’orutunga kuruga omu Disciple Nations Alliance. Buri katabo akorashohoze otemu ebi:Kikahandiikwa Darrow L. Miller na Scott Allen. Kyashohozibwa Disciple Nations Alliance Website: www.disciplenations.org E-Mail: [email protected]. 4 EBIRIMU Okuhamya kwa Dennis Tongoi…………………………….………………………………6 Okutandika…………………………………………………………………………..……….7 Afirika ekaheebwa omugisha…………………..…………..……………………………10 Afirika ehendekire……………………………..……………………..………..…………..24 Eby’okwekwatsa……………………………………..……………………….……………31 Obukomooko bw’ekizibu………………………………………………….…………….…38 Ahatari matsiko okuraganisa kwa Ruhanga ……………………………………….......45 Okugarurwa butsya kuriyo nikwiija……………….…..………...………………….…….49 5 OKUHAMYA Amaani meingi gateirwe aha nkurakurana ya Afirika. African Union, NEPAD, ekigombe ky’amahanga ahabw’enkurakurana kandi obwahati akakiiko k’Afirika k’entuura akari kwebemberwa gavumenti ya Bungyereza byona nibikora aha nkurakurana y’Afirika. Ebi byona nibibaasa kutorooga kureka emitwarize y’ensi ahari abairaguju yaamanywa, ekahamibwa kandi ekateebwa omunkora. Ebitabo bingi ebihandikirwe bigyerizeho kwehanangiriza Ekanisa okukora omurimo gwayo. Ninyijuka ekitabo kya Kakensa Kinoti: “AMATSIKO G’AFRICA: HAMWE N’OMURIMO GW’OMUKRISTAAYO” Ekindi nekya Dr. Adeyemo “AFIRIKA EKYENIRWE?” Hariho obwetagi bwingi kuruga aha kukyebera tukaza aha kujanjaba. Emitwarize y’ensi kuhinduka nihateekwa kubyarwa omusingye gw’eby’obushubuzi n’entunguuka eby’entuura. Ensi nekira kuhurira amakuru mabi agari kuruga omuri Afirika. Abamwe beehweire amatsiko ahabw’ Afirika. Akatabo aka nikoreka oku empindahinduka neija omuri Afirika mporampora. Okugarurwa butsya kuriyo nikuhama, kandi nikujanjara omuri Afirika. Empindahinduka egi netandikira omunda eshohora kandi erikutandikira ahansi erikuza ahaiguru. N’obu kirabe kiri ngu obutegyeki bw’abajungu, obuhuuku hamwe n’eby’obutare bw’ensi yoona bikagaruza Afirika enyima, ebigireteire yaguma enyiman’eby’omunda. Obutumwa obunatungire omurundi gw’okubanza, bukambera nk’obw’obunaku obu. Emyaka 20 ndi omu kigombe eky’okukuza abantu omuby’omwoyo nkaikiriza ngu okuba omukristaayo ategyereize kuza omwiguru kyonka tikiri kumara. Amakuru marungi g’engiri nigateekwa kutandika n’okugarurwa butsya okw’omuntu obwo arikwakiira Yesu Kristo nk’omujuni w’amagara ge. Kwonka Yesu Kristo nakira ahari ekyo, Tari Mukama w’amagara geitu kyonka, kureka ni Mukama w’ensi yoona. Nahabw’ekyo kishemereire buri mukurasi wa Kristo weena kuba nka We – arikwombeka obukama bwa Ruhanga. Eki nikyo kiragiro kye hamwe n’obushoborozi omu magara g’omuntu n’omunsi. Aga n’amakuru marungi g’Afirika. Omu myaka mingi y’ekanisa omuri Afirika eby’okweyendeza bitweire omwanya gw’okukorera baingi. Okukuza abantu omu by’omwoyo hamwe n’enkurakurana nibikira kutanisibwa obundi nihebembera kimwe nari ekindi, eby’enkurakurana tibikukira kureebwa biine akakwate n’eby’Omwoyo. Ekigyendererwa ky’okurangirira Omungiri ya Matayo eshura ya 28 omushororongo gwa 19, n’okukuza amahanga goona omuby’omwoyo. Ekyo kyaza kuhikirira n’abantu abarikworobera Ruhanga – Entumwa z’amazima. Ekigyendererwa kiri aha mahanga n’abantu abarikworeka ekitinisa kya Ruhanga omu magara gaabo. Abakristaayo bashemereire kuba omwonyo n’omushana gw’ensi babe ab’omugisha aha mahanga. Abamwe omuriitwe tuherize kwetegyereza ngu omuntu omwe tarikubaasa kujanjaza obutumwa obu obw’omuhendo omuri Afirika, kwonka twena hamwe nikibasika. “Afirika Working Group” kikahangwaho nk’ekibiina ky’abarikutendeka ab’eby’obutegyeki, eby’enshubura hamwe n’abebembezi b’amakanisa. Obwahati amakanisa garikukira ahari 300 omu mahanga 15 hamwe n’abakuru b’amakanisa 3000 barebire okugarurwa butsya kw’abantu baabo. Nitubugana abantu abandi baingi omu makanisa matsya ahiturikuza omu omu mahanga agandi. Ahatari matsiko goona; hariho amatsiko g’Afirika. Ninkwakiira okutwegaitaho aha murimo murungi ogu Ruhanga ariyo nakora omu bantu be. Dennis Tongoi Coordinator/Mukuru wa, Africa Working group/ Samaritan Strategy 6 OKUTANDIKA Afirika: Ensi nungi munonga ahabw’endagaano: Teekateeka aha ndagaano y’Afirika. Giramu ekishani ky’abantu b’owanyu, orurembo, eihanga kuri ekanisa yabeire; eri haihi naburi muntu ahaarikumara akanya kakye kutambura okahikaho. Neehweera abantu omu byafaayo eby’omwoyo, n’eby’amagara gahati. Neehikiriza ebya Baibuli omunsi: Erikwebembeza amazima omu bantu, omumaka, omuby’obushubuzi, eby’obutegyeki, eby’amateeka, eby’obwegyese, ebya sayansi, eby’obuhangwa, ebya technologiya, eby’obuhangwa bw’ensi, hamwe n’okurisa n’okuhinga. Tera ekishani ky’omwanya ahi abakristaayo bakuzire omuby’omwoyo abeikiriize engiri ya Kristo nk’oku yaragirwe. Reeba omwanya ogu ahi Kristo arikurabira omu kanisa ye; arikutamba obuhuta obw’omunda omubantu. arikugaruza butsya eby’obuhangwa byabo. arikubagaruriza ekitinisa kyabo ekyabahairwe Ruhanga kandi, arikubaheereza amatsiko n’obugwagye. Oroote omwanya ahi Kristo ari Mukama w’amagara ahari; Okuhikirira kwa buri muntu Entunguuka y’abantu boona Obusingye oburi kutuuraho Oburinganiza omu booro kandi abakyene. Guma n’ekishani ekyo omu biteekateeko byawe ahakuba nikyoreka obukama bwa Ruhanga oburi kwija, nikwo kuhiigwa aha mutima gw’Omujuni weitu. Okuhikiriza nikyo Kristo yaabeire aruho, akakifeera kandi nikyo aruho nahati. Aga nigo Matsiko maingi g’Afirika. AFIRIKA EKYEENIRWE ? Afirika ekyeenirwe? Baingi nibabuza ekibuuzo eki. Abairaguju baingi beehweire amatsiko baahwerakimwe amaani. Ninka omwirima omu bantu kandi n’omumahanga g’Afirika. Nikirebekyera omu bwooro burikununka, oburyarya, okushesha eshagama, ekweyahura omunganda, amaka agashenyukire hamwe n’oburweire bwa munywengye (Sirimu). Okwehwa amatsiko oku omububonero obu, nikworeka ebiri omu kwehwa amatsiko okwomubiteekateeko by’abantu. Obutumwa obw’omunda obukurabarabamu n’obu; turi abooro kandi titwine ky’okukora. Ebintu nikwo bituura. Nikwo biriguma. Abandi bantu b’aheeru kaingi nabo nibahamisiriza enteekateeka egi. Abajungu bakeeta Afirika, “Ensi y’omwirima” Ebiro ebi, abamwe nibagyeta Ensi y’ekihengyere ekirikwiragura, washukamu obuyambi bw’empiiha nizogamu zibura. Afirika ekyeenirwe? Eky’oragarukyemu nikiza kurugirira ahanteekateeka yaawe aha nsi. 7 Abo abaine enteekateeka ya Baibuli ahansi nibaza kureeba amahanga g’Afirika gahairwe omugisha nari gakyeenirwe nk’amahanga agandi goona ag’omunsi. Embabazi za Ruhanga zihairwe abantu boona. “Naretera omushana gwayaka ahari abarungi n’ababi, kandi aheereza enjura abahikirire n’abatahikirire” (Matayo 5:45). Buzimazima nitureeba embabazi za Ruhanga ah’abantu boona omuri Afirika, obumwe okwehwa amatsiko nikukingirwa esheko, amazina/n’ebitaguriro, erangi, emyenda hamwe n’okweshongora eby’obugaiga bwingi biri eby’omutaano munonga kandi by’ekiraguju. Ruhanga akahanga Ensin’obuteeka bwayo, yataho ebiragiro by’okugitegyeka. Hariho ebiragiro ebindi eby’obutuura omuns’egi,by’obwa Ruhanga hamwe n’oburinganiza bwa boona. Ebiragiro by’eby’obuhangwa bw’ensi nibyo bitegyeka okubaho kw’ensi, obwo amahanga garikukuratira ebya Ruhanga, emigisha nesheneneka hatariho kubanganisa. Amahanga kugarikuhenda ebiragiro bya Ruhanga omubutamanya nari omukumanya, abantu b’ago mahanga nibakyeenwa. Eki nitukishanga omu byahandikirwe; “Reeba erizooba naata omu maisho gaawe amagara n’ebirungi, kandi okufa n’ebibi. Ku oryorobera ebiragiro ebi ndikukuragiira eri izooba, okukunda MUKAMA Ruhanga waawe, okugyendera omu mihanda ye, n’okukwata ebiragiro bye n’ebi yaateireho n’ebi yaaragiire, obwo oryagumaho, okanye, kandi MUKAMA Ruhanga waawe aryakuheera omugisha omu nsi ei orikuza kukubuura. Kwonka omutima gwawe kuguriteishuka, waayanga kuhurira, wabeihwabeihwa,waaramya baaruhanga abandi, waabaheerezanimbagambirira kimwe erizooba , muryahwerekyerera, timurikuza kwambuka Yorudani kuza kukubuura. Eri izooba niinyeta eiguru n’ensi kubanshinja, ku naata omu maisho gaanyu amagara n’okufa, omugisha n’omukyeeno; n’ahabw’ekyo mutoorane amagara, mubone kugumaho, imwe n’oruzaaro ryanyu.” (Eky’ebiragiro 30:15-19). Ekyo ekyagambwaho tikirikukwata ahari Israeli eyakare yonka kureka n’amahanga goona og’omunsi omubunaku bwona. Ebiragiro bye nibiretaho emisingi y’amagara, obugabe, oburinganiza hamwe n’obusingye omu bantu. Ku biri kukuratirirwa emigisha nebeshukaho yonka kandi byababitakuratiirwe abantu nibareeba ebibi ebirikurugamu. Omukyeeno ogu nigubaasa guta kukwihwaho? Obwo abantu ba Ruhanga (ahatari eihanga hamwe) bakworooba kandi bakashaba; Abantu bangye abarikwetererwa eiziina ryangye, ku baryecureeza, baashaba, baansherura, bareeka emitwarize yaabo emibi obwo ndyahurira niinyema omu iguru nsaasire ekibi kyabo, kandi ntambire ensi yaabo. (2 Obusingye 7: 14) Ekanisa niyo kishumuruzo kya Ruhanga omu kugarurwa butsya bw’abantu hamwe n’eby’obuhangwa. Eine obujunanizibwa bw’okureberera eihanga ryayo omukutonzya ahabw’ekibi kyabo. Kubarikukora eki, Ruhanga naaraganisa kubahurira kandi atambire ensi yaabo. Obwahati Ruhanga ariyo natambura omu mitima y’abakurasi be omuri Afirika, okurira kw’amaani kuriyo nikutemba ahaiguru aha’kitebe kya Ruhanga ekyembabazi. Okukizibwa kwizire ahagati y’okwehwa amatsiko n’okutuntura, hariyo amatsiko agarikwija. Ahatari matsiko goona, hariyo amatsiko g’Afirika – Amatsiko agarikushangwa omu byahandikirwe kandi n’omundeeba ya Baibuli ahansi ekirikuruga omubyahandikirwe. Buzima kuri amahanga g’Afirika nigagyendera 8 omunkora ya Baibuli omuby’amagara g’abantu, Afirika ekabeire neeyesiima omu nsi yoona. Omubirikukurataho nituza kucoondoza oku Ruhanga aheire emigisha Afirika. Bwanyima tureebe ekirikubuzabuza; ahabw’enki yaaba Afirika niyo erikukirayo obugaiga omu nsi yoona omu by’obutungi bw’eby’obuhangwa, kandi niyo ekyeenirwe munonga? Nenki ekyaretsire ekyo kyabaho? Ahamuheru nituza kureeba ebi Ruhanga yaraganiise ebirikushangwa omu kyahandikirwe. Ebi nukwo kukira kandi n’okugarurwa butsya kwa Afirika okukwemereire. Katushabe ngu omukushoma akatabo aka noija kugira obwengye butsya hamwe n’amatsiko. 9 AFIRIKA EKAHEEBWA OMUGISHA Ahagati y’obworo n’okwehwa amatsiko omuri Afirika, obutungi bwayo n’obw’okutangaaza. Okukira ebicweka ebindi omunsi yoona, Afirika eine omugisha gw’omutaano. Omukicweka eki nituza kureeba emigisha ya Africa omumiringo ena (1) Eby’obutungi bwayo, (2) Ebyafaayo byayo omu nteekateeka ya Ruhanga omukucungurwa (3) Obutungi bw’abantu bayo (4) okutunguuka unonga kw’ekanisa omu Afirika omu kyaasha ekihingwire. Eby’obutungi; Eki n’ekyokutaangaza! Otakashomire ebirikukurataho banza oteekateekye ahari eki; Nikimanyisaki ahabikwatirine n’obutungi bwa Afirika? Handiika ebiteekateeko byawe ahaifo. Handiika aha 10 Afirika niyo yaakabiri omubuhango omunsi yoona nekurata Asia. Obuhango bwaayo ni kilometers 30.212.000 square, ebicweka 22.3 ahari igana by’ensi yoona. Sahara Desert yonka neekwata omu mahanga mushanju ga Afirikaneemaraho nk’ebicweka 6 ahari igana by’ensi yoona. Omugisha gwa Afirika n’obuhango bwayo neekira amahanga nka India, China, Western Europe, Argentina, New Zealand hamwe n’America, goona gegeitsire hamwe. Omuri Afirika harimu abantu barikurenga obukakuru 874 nibyo bicweka nka 14 ahari igana by’abantu b’omunsi yoona. Teekateeka ahari eki. Ebicweka 14 ahari igana by’abantu b’omusi yoona nibatuura omu kicweka kirikukira ebikweka 22 ahari igana by’ensi yoona. Abantu boona hamwe omuri China, India, Europe, Argentina, New Zealand hamwe n’Amerika bo nibeingana nka billion 3.3 nari ebicweka 54 ahari igana by’abantu b’omunsi yoona kubaraabe nibatuura omumwanya ogurikwingana n’ogwa Afirika, eki nikikworeka ki ahari Afirika? Handiika ebiteekateeko byawe ahaifo. Handiika aha Africa niyo erikukirayo omubutungi bw’eby’obuhangwa omunsi yoona. Chika Onyeani akahandiika omurupapura rwa Sun Times ati:- “Africa neegumizamu kumanywa nk’erikukirayo omubworo omunsi yoona, beitu niyo erikukizayo obutungi omu by’obuhangwa” Nikyo kimwe na Dr. Walter Williams, Profesa wa Economics omuri George Mason university, akahandiika at:- “Omuby’omubutungi bw’eby’obuhangwa Africa niyo erikukizayo omunsi yoona.” Eby’obuhingi Nikigambwa ngu Zambia, Zimbabwe, hamwe na Democratic Republic ya Congo nizibaasa kuriisa Africa yoona. Okuhinga, okuriisa, n’eby’okurya by’okuguza nibyingi munonga. Afirika nebaasa kuriisa abantu baayo boona kandi ekaguza abindi by’okurya amumahanga agandi. Nebaasa kuriisa amahanga maingi ag’ensi yoona. Kwonka obwo obutungi tibubasize kujumburwa. Amataka mahango munonga agatahingirwe nigoreka obutungi bwa Afirika obutakozesiibwe. Amaizi Afirika niyo butaaho bw’emigyera y’amaizi erikukirayo obuhango – Emigyera nka Nile, Congo, Niger,Zambezi hamwe n’endiijo. Omugyera Nile ogurikukirayo oburaingwa omunsi yoona, nigwinganisa ebicweka 10 ahari igana by’itaka rya Afirika. Abamwe nibagweta orurera rwa Afirika. N’obu amahanga gamwe ga Afirika gakiingirwe tigakuhika aha Nyanja empango, amahanga maingi ga Afirika nigataana n’enyanja empango ez’omunsi okurugirira ahari Dr. Adeyemo Tokunboh, Afirika kuyakukora omikingo gw’amaizi aha migyera emihango hakabaho amaizi garikumara abantu bakagakoseza omu kuhingaeby’okurya omumyanya erikukirayo kugira ekyanda. 11 Emigyera Hamwe N’enyanja Empango Za Afirika Ebirikutimbwa Omwitaka Ebirombe by’eby’obutungi bw’omwitaka ebirikumanywa omunsi yoona nibishangwa omuri Afirika, kandi omubwingi. Amahanga ga Afirika amaingi nigaguza ebirikutimbwa omwitaka omu katare k’ensi yoona. Democratic Republic ya Congo eine ebicweka 90 ahari igana bya Cobalt y’ensi yoona hamwe n’ebicweka 85 ahari igana bya Platinum. Sierra Leone neekizayo Titanium omunsi yoona, ekicweka kimwe kyakabiri eky’efeeza hamwe n’ekicweka kimwe kya katano (1/5) ekya copper y’ensi yoona. Ekirombe ekirikukirayo obuhango ekya Columbite Tantalite erikukorwamu obubati (obubafu) bw’ebya kalimagyezi nka pagers, obusimu bw’omungaro, laptop computers nikishangwa omu Democratic Republic ya Congo. Nikyo kimwe Congo eineyo Radium erikukirayo omubwingi erikukozesibwa kutamba Ekokoro (Cancer). Eby’amajuta Hamwe N’amashanyarazi Obutungi bw’amashanyarazi hamwe namajuta, eby’okukora amashanyarazi g’amaizi bya Afirika tibyiine bugarukiro. Eine ebicweka 40 ahari igana kandi eine ebicweka 7 ahari igana eby’amajuta agajumbwirwe omunsi yoona – neekiza America , Europe, Russia, n’ebicweka bya Asia eby’omunyanja empango eya Pacific byona hamwe. Libya, Angola , hamwe na Nigeria nizimwe ahari 10 ezirikubanza omunsi yoona omukutimba amajuta. Africa erimu ebicweka 7 ahari igana bya gas hamwe n’ebicweka 6 ahari igana bya Coal omunsi yoona. Aha bikwatireine 12 n’amashanyarazi g’eizooba omu Afirika, Dr. Adeyemo akahandiika ati: Eirungu rya Sahara ryonka nirihitsya omwanya gurimu amashanyarazi g’eizooba gwa kilometres 9.065.000 agarikukira hare agu Afirika erikwetenga kukoresa omumaka. Ebiragiro By’obuhangwa Ebi n’ebi Ruhanga yaahangire omunsi ngu bitegyekye. Nk’ebiragiro by’amaani g’ensi. Nitubireeba omu Baibuli omukutandika 1;14-18. Ruhanga yaagira ati; habeho ebirikwaka omumwanya omu iguru, bitaanise ny’omushana na ny’ekiro kandi bibe eby’okumanyisa obunaku n’ebiro n’emyaka, bigume byakye omu mwanya omu iguru, bibone kwakira ensi. Kyaba nikwo kyaba. Ruhanga yakora ebirikwaka bihango bibiri. Ekirikwaka ekihango okutegyeka ny’omushana kandi ekikye okutegyeka nyekiro; kandi yaakora n’enyonyoozi . Ruhana yaabita omu mwanya omwiguru, kandi n’okutaanisa omushana n’omwirima. Ruhanga yareeba kiri kirungi. Ruhanga akaheereza abashaija n’abakazi omugisha n’obujunanizibwa okuheereza omu mwanya gwe kandi n’okugutegyeka. (Okutandiika) 1:28-28). Ebiragiro by’obuhangwa ebi nibihwera omuntu omukutunguura eby’obuhangwa. Ku turikujumbura amateeka aga kurabira omuri Sayansi nitubaasa kutunga oburyo bwaago omukukora eby’okweyambisa n’ebindi bikwato turikutegyeka ebihangirwe. Amateeka aga gashemereire kuteekateekwaho nk’eky’omuhendo eky’abairaguju bashemereire kwehwezesa omukutungura amahanga gaabo. Oburungi Bwa Africa Okurugira kimwe omumarungu g’omumatemba, okashuuma omu mahamba g’omu mashuuma n’omubimera n’enyamaishwa, n’omwaaro nyamurungi, Afirika n’omwanya gwijwire oburungi. Teera ekishani ky’okufurukafuruka kw’enyamaishwa nari okwengyengyeta kw’obubaare bw’omumaizi g’omuri Indian Ocean. Oburungi bw’eby’obuhangwa bya Afirika n’obujurizi oburikworeka oburungi, n’ekitinisa ky’omuhangi hamwe n’emigisha mingi eyi ahereize Afirika, kuri Afirika eine obusingye kukiraho kandi batari booro, enkumi n’enkumi z’abarambuzi kuruga omunsi yoona bakaabaire nibaija ahamyatano yaayo kushemerererwa omuburungi bwayo obw’omutaano. Obutungi bw’eby’obuhangwa. Afirika na Middle East nizo zakozire nk’omwanya ahu enyikiriza y’ekiyudaaya ey’ekikristaayo yaazariirwe, kandi oku enyikiriza egi yaahamiire hatari Amerika nari Bulaaya (Europe). Ka tushwijume ebikuru ebirikukwata ahari Afirika ebirikushangwa omu byahandikirwe. Omusiri gwa Eden nigushoboororwa emigyera ena. Kandi omugyera gukaba gusheneneka niguruga omuri Eden, kufukiriza ekyo kibanja, kandi gukihika aho, gwebaganisamu emigyera ena. Ogw’okubanza gukaba nigwetwa Pishoni, ogwo nugwo gwaziguurukire ensi yoona eya Havila erimu ezaabu; kandi ezaabu eyomu nsi egyo ni nungi; na bedolaki n’amaabare agarikwetwa nshohamu niho biba. Eiziina ry’omugyera gwa kabiri ni Gihoni; ogwo nigwo gweziguurukire ensi yoona ya Kuushi. Eiziina ry’ogwa kashatu ni Hidekeeli; ogwo nigwo guraba omumaisho g’ensi ya Asiria. Kandi omugyera ogwa kana ni Furaati.(Okutandika2:10-14) 13 Ebiri aha migyera erikugambwaho omukicweka eki, ogwa Pishoni na Gihoni neteekwateekwaho kuba omu Africa (endiijo ebiri eri omuri Iraq ya hati), Gihoni yo abashomi ba Baibuli nibateekateeka ngu n’omugyera Nile ogurikuraba omumatemba ga Africa (namunonga kurabira omuri Misri ya hati na Sudan). Ogu obukoomoko bwaago buri omu Uganda ahagati ya Africa, ahu Pishoni erikukomooka tiharikwikirizanwaho gye kwonka nihabaasa kuba haihi n’amatemba ga Nile. Emigyera ya Eden Amahanga agarikushobororwaho omu kutandika 10:1 na 1 Eky’obusingye 1:4-23, nigoreka kubatabaani ba Noa bakajanjara omumihanda eshatu ahanyima y’omwegyemure. Aba Sheemu bakatuura omuri Iraq y’obwire obu ahanyambukiro y’omugyera gwa tigris na Furaati omumpanga zaharikumanywa omubyafaayo nka Arabia. Aba yafeesi baatora ogw’omumatemba okwetoororaenyanja erikwiragura niyo Turkey yahati, n’omumashuuma ga Russia, n’omu Western Europe okuhikira kimwe Spain. Aba Haamu baaza omu mashuuma ga Asia Minor (niyo Armenia obwahati), ahamyatano ya Syria na Bufilisitia n’aha mwaaro gw’enyanja erikutukura eya Arabia n’omuri Afirika. 14 Batabani ba Noa Omwe omu baakomokire omuri Haamu ni Nimrodi mutabani wa Kuushi, “Omuhiigi rugambwa omu maisho ga Mukama” (Okutandika 10:8-9). Ensi eya ira eyaaba kuushi ekaba nerugira kimwe omu rurembo ahari Nile eya Aswan omu matemba kubugabugana na White hamwe na Blue Niles omu mashuuma, hariho orurembo rwa Sudan ey’obwahati nirwo Khartoum. Okutandikira omu Isaaya 10, nabi Isaaya najumirira eihanga rya Israel, naburiine akakwate naryo, ahabw’okuhenda ebiragiro bye. Obutumwa obu obw’okucwerwa orubanja n’okujunwa nibugyendera kimwe omu butegyeki bw’omumatemba ga Yuda nka Assyria(13-14) na Tuuro (23) okushumira kimwe omu Afirika, n’omu mahanga agamaani aga Kuushi (abeizire kwetwa abanuubi na Misiri (18-20) ekicweka kyakyo nikishomwa kiti:(Isaaya 18:1-7). Ai bambe, iwe nsi erikuhooreza amapapa’we, Eya seeri y’omugyera gwa Esiopia, Etuma entumwa, zikaraba omu Nyanja Nizigyendera aha maizi omu bwato bw’ebifunjo! Mwirooko, imwe ntumwa z’amaguru ’mwe, Muze omu ihanga ry’abantu baraingwa, ab’omubiri gurikuterera, Eritiinwa aba haihi n’abahare, Eihanga ery’amaani eriribatiirira agandi, Eri ensi yaaryo etaanisiibwe emigyera. Imwe batuuzi b’omu nsi ‘mwe mwena, Abatuura omunsi yoona, Orurango ku ruriimukibwa aha bibungo, mureebe! Kandi n’enzamba ku eriteerwa, muhurire! Ahakuba oku nikwo MUKAMA angambiire naagira ati: 15 Ndyayegumira omu mwanya gwangye nindeeba, Nk’akashana kaamara embeho ahansi, Nk’orume rw’omu bunaku bw’omushana gw’eishaaruura n’ahabw’ekyo eisharuura ritakahikire, orurabyo rwaragaire Emizaabibu etakahiisize, Amataagi mato aryagashariza oruhabyo, N’amataagi gataagwize agatemeho. Goona garyasigarira amahungu g’omu nshozi N’enyamaishwa z’omu nsi. Amahungu garyagaraaramu omu kyanda, N’enyamaishwa z’omu nsi zoona zigaturemu omu itumba. Omuri obwo bunaku, baryareetera MUKAMA ow’amahe emitoijo erikutoijwa abantu baraingwa, kandi ab’emibiri erikuterera, eihanga eririkutinwa aba haihi n’aba hare, ery’amaani eririkurubatirira, eri ensi yaaryo etaanisiibwe emigyera, bagireete aharushozi Saayuni omwanya gwieziina rya MUKAMA Ow’amahe. Omukitabo kya Ezekiel 29:9, nitereeba Ruhanga arikwesimiisa omugyera Nile ogu yahangire, obutaaho bw’abanyamisiri n’abakuusi; “kandi ensi ya Misri yoona eryaba amatongo. Obwo nibwo barimanya ku ndi MUKAMA. Ahabw’okigira oti; Omugyera Nile n’ogwangye, niinye naaguhangire, n’ahabw’ekyo reeba naaba omuzigu waawe, kandi ow’emigyera yaawe, n’ensi ya Misri ndyagihindurira kimwe amatongo, ngigire eihamba, okuruga ahari Migidooli okuhika seeri, n’okuhika aha mwatano gwa Esiopia. Okuruga Omukutandika, Eriisho Rya Ruhanga Rikaba Rituura Ahari Afirika. Middle East ku eraabe niyo yaazaarirwemu enyikiriza y’ekikristo, Africa niyo nda. Abayudaaya n’obu baraabe bakomookire omuri Sheemu, omu Afirika, nimwo bahungiire. Yaamugira ati: “Ndi Ruhanga, Ruhanga owa Sho, otatiina kushuuma Misri ahakuba okwo niyo ndikuhindurira eihanga rihango; ndyashuuma naiwe Misri; kandi buzima ndyagaruka nkwiheyo; na Yosefu niwe arikushweekaahamaisho nookaba (Okutandika 46:3-4). Ruhanga akaragiira Yakobo kuza Afirika. Ahabw’enki? Ahakuba Ruhanga akaba nayenda kukora abantu babaheburaayo eihanga rihango, kandi okutandika kw’ekyo kukakorerwa omunda ya Afirika. 16 OBUKOMOOKO BW’ENYIKIRIZA Y’EKIYUDAAYA Nitureeba ngu omuntu ou Ruhanga yatooraine kwebembera abantu be kubeiha omu buhuuku akaba ari Musa. Musa ogu akakurira omu Kikaari ky’omugabe Faraho owa Misri. Okwo, Ruhanga niyo yaamutendekyeire okwebembera abantu kuruga omuri Afirika kubatwara omu mwanya ogwa baraganisiibwe. Musa owahaire ebiragiro, akakoresibwa Ruhanga kuheereza ensi kimwe aha migisha y’amaani - Ebiragiro ikumi. Ebiragiro ikumi nibihwera amahanga g’ensi yoona okutaho omusingi gw’obuteeka hamwe narukundo y’okuhwerana. Werner Anderson hamwe na Wheeler, omukitabo kyabo, omu byafaayo by’ekanisa ya Sudan, yetegyereze okutandikaho kw’ekigambo Aithiopia omuruguriika omundagaano eya’ira. Nibahandiika: “Endagano eyaira kubagihindwire kugiiha omuruguriika , omurundi gw’okubanza omumwaka gwa 300, Yesu atakazairwe omuri Alexandira, abavunuuzi bakagyeragyeranisa ekigambo eky’oruheburaayo ekya Kuushi hamwe n’eky’orukuguriika ekya Aithiopia, eihanga eriri omumashuuma ag’ensi eyi barikumanya. Aithiopia erikuruga omukigambo aithiops kirikumanyisa aha masiho aharikwiragura, kikaba kiri ekigambo ekyayejunisiibwe munonga barikugamba ahari Afirika okuyabaire nemanwya omu bunaku obwo” n’ahabw’ekyo Baibuli eyoruguriika ekakoresa ekigambo Esiopia ekyabaire nikimanywa omu ruheeburaayo nka Kuushi. Kuushi rikaba riri eihanga ery’omumashuuma ga Misri aha Mugyera Nailo. Namaziima ngu omuri Baibuli Kuushi ahandi nikimanyisa ebicweka byona eby’amashuuma ga misri obwo abariremu na Sudan hamwe n’amahanga aga gyetoreire.” Hariho ebintu bibiri eby’okwetegyereza aha; Eky’okubanza ekigambo Kuushi nikimanyisa obugabe oburi aharubaju rw’amaizi g’omugyera gwa Nailo obwahati erikumanywa nka omumashuuma ga Misri hamwe n’omumatemba ga Sudan. Kandi nikimanyisa ekicweka kihango kuhikira kimwe ahagati ya Afirika. Ekyakabiri kandi kikuri munonga, Ruhanga akakunda kuta ebyafaayo by’abairaguju omuri Baibuli. Obugabe bw’aba Kuushi hakakoomokamu obugabe bw’amaani oburikumanywa nk’obwa Merotika ahagati y’emyaka 700 Yesu atakazairwe na 300 byanyima y’okufa kwa Yesu. 17 Afirika ekayamba kihango munonga omu magara ga Yesu. Obwire bukye munonga amazire kuzaarwa, Omugabe Herode kuyayenzire kuyenzire kumwita, Ruhanga akabonekyera Yozefu omukirooto yamuragiira kuhungiza omwana yesu omuri Afirika. Nahabw’ekyo Ruhanga akahungiza omwana we Yesu omuri Afirika obu herode yabaire naahiganiisa abaana bato b’aboojo kubaita. “Kubabaire baamara kugyenda, Maraika wa Ruhanga yaabonekyera Yozefu omu kirooto, yaamugira ati: Imuka otware omwana na nyina, ohungire Misri, ogumeyo oluhitsya obu ndikugambira; ahakuba Heroode naasherura omwana kumwita. Atyo yaimuka, yaahunzya omwana na nyina nyekiro, yaaza Misri, yaagumayo okuhitsya obu Heroode yaafiire. Ekyo kikabaho okuhikiiriza ebi Mukama yaagambire naaraba omuri nabi ati: Nkeeta omwana wangye kuruga Misri. ( Matayo 2:13-15). YESU ARI OMURI MISRI Nabi Hosea akaba yaaragwire ahari eki omumagara g’omujuni. Israeli kuyabaire ari omwana, nkamukunda, namwiha omuri Misri (Hoseya 11:10). Bwanyima omujuni ari haihi kutwarwa, Ruhanga akagaruka yaakoresa omwiraguju ondiijo, Simoni owa Kureeni (obwahati aharikumanywa nka Libya) kuyamba Yesu ahakubonabona kwe. “Omushaija omwe owabaire naruga Kureeni, Simoni ishe wa Alegizanda hamwe na Rufo akaba narabaho bamugyema kwekorera omusharaba (Mako 15:21). Bwanyima y’okufa n’okuzooka kwa Kristo, nitushoma oku engiri yaahikire Afirika kuruga kare kurabira omuri mukuru w’eihanga rya Kandake omugabe’kazi wa Aithopia.” “Maraika wa MUKAMA yagambira Filipo ati;Imuka ogyende otoore omuhanda ogweihamba ogw’obukiizi-bwa-buryo ogurikushuuma okuruga Yerusalemu okuhika Gaaza. Yaimuka yagyenda. Kandi hakaba hariho omushaija omukonwa owa Ethiopiaow’obushoboorozi bwingi obuyahairwe kutegyeka Kandake omugabe’kazi wa Ethiopia, owabaire ari omubiiki w’empiiha za Kandake. Ogwo akaba agiire Yelusalemu kuramya. Kuyabaire nagaruka owaabo, ashutami omu kigaari kye, naashoma ekitabo kya nabi isaaya, Omwoyo yagambira Filipo ati; Hika ekigaari kiriya ogyende nakyo. (Ebyakozirwe 8:26-29).” 18 Werner nayoreka ngu hakaba hariho obukwatwa ahakirwa kya Elephantine ahashungaine na tauni ya Aswani. Nibagira ngu abayudaaya bakaija na Ruhanga omwe wenka wagyeragyeranisa na’baruhanga baingi aba Misri eyaira hamwe na Merui. Eki nikyo kirikubaasa kuba kyarugireho omukonwa w’omuri Esiopia kuza Yelusalemu kuramya Ruhanga omwe ohuriire ow’abayudaaya. N’amashemererwa maingi nitushoma oku amakuru marungi ga Yesu Kristo gaizire omu bantu b’abairaguju. Werner akahendera nagira ati; “N’ahabw’ekyo nikirebeka ngu akaba ari omukugu w’omukikari ky’omugabe ‘kazi owahuriire engiri ya Yasu kuruga aha mudiikoni Filipo, akareeta amakuru gw’okwikiriza kwe omururembo Napata. “Ogu Mushaija w’omu Sudan niwe muntu w’okubanza otari muyudaaya kwikiriza Yesu Kristo n’omukuru w’abaserukare omurooma atakaikirize (Ebyakozirwe 10), nangwa n’engiri etakahikire Bulaaya. N’ahabw’ekyo nikibaasa kugambwa ngu embibo y’obutumwa bwa Yesu ekabibwa omwitaka rya Sudan ahanyima y’emyaka mikye y’okubambwa n’okuzooka kwa Yesu Kristo omwaka gwa 40 gutakahikire” Nikitangaaza munonga kushoma ngu engiri ekabanza kurabira Aithiopia omunkundi ya Afirika etakagiire omu banyamahanga ba Bulaaya kutwarwayo omuyudaaya Paulo omu myaka eyabwanyima eya makumi ana na makumi ataano ey’okubanza. Okwongyera ahakutaaha kw’engiri omuri Afirika baingi omu bakuru b’ekanisa nibeeta Afirika owaabo, barimu Augustine owa Hippo (niyo Algeria 354-430) bwanyima y’okufa kwa Yesu). Tertullian owa Carthage (niyo Tunisia obwahati, 162225 byanyima y’okufa kwa Yesu) na Cypriano owa Alekizanda (Misri 210 -258 bwanyima y’okufa kwa Yesu). Bashatu omuri Paapa omukanisa y’ekiratini (Enkatolika) bakaruga omuri Afirika. Bakaba barimu Victor (183-203) bwanyima y’okufa kwa Yesu na Mechiades/Militiades (311 – 314 bwanyima y’okufa kwa Yesu). Abairaguju aba bakakora kihango omukuteekateekyera ebyafaayo by’okutandika kw’ekanisa. BAKURU B’EKANISA ABAIRAGUJU 19 Omuri Zaaburin’omukushukururwa, nitworekwaho ebintu bikye ebirikworeka emperu kandi Afirika nayo neyorekwa. Ahakweterana kw’amahanga, abantu kuruga omu mahanga goona garyayeteerana hamwe kuramiza ahantebe. Omukweterana kw’ekitinisa okwo naba Afirika baryaaba barimu. Zaaburi 68:31- nehandika eti: Abanyiginya baryaruga Misri na Ethiopia eryarahuka kutega Ruhanga emikono. Nikyo kimwe Afirika neyorekwa omurubaro rw’amahanga goona orurikushangwa omu zaaburi 87. Omubaro ogu ogw’amahanga aga garyaramya Ruhanga ahamuheru gw’ensi yoona. Omukihandiiko eki harimu amaziina g’amahanga goona aga’ ira ag’omuri Afirika. “Iwe orurembo rwa Ruhanga ogambwaho eby’ekitinisa. Ahari abo abari kumanya ndyagamba ahari Rahabu (Misri) na Babulooni. Reeba Filistia na Tuuro hamwe na Kuushi (Sudan) okwo niyo yaazariirwe.” Zaaburi 87:3-4 Aga n’amahanga gabanyamahanga abaiija ahari Kristo bakahinduka abaana b’orurembo rwa Ruhanga. Ebi n’eby’okureeberaho bya Afirika omubyahandikirwe. Omwegyesa Kakensa omu itendekyero rya Howard University, Cain Felder nahandiika ngu; hariho ebirikugamba ahari Afirika ebirikuhika emirundi 1,500 omu ndagaano enkuru yonka. Afirika erimu ebyafaayo by’omu Baibuli bingi kandi negumizamu okukora omurimo mukuru omukushuuruura ebyafaayo by’ekanisa. Omugisha Gw’Abantu Ahatari kubanganisa, obukomooko bw’obutungi omu Afirika nibushangwa omubantu baayo. Buri mwana wa Afirika akozirwe omu kishani kya Ruhanga kandi boona hamwe nibakoraho omuringo nk’ogwabantu abandi boona ab’omunsi. Omuntu, Ekishani Kya Ruhanga Ruhanga kuyahangire omuntu, akamwetoranira ngu amushushe omu muringo ogu, omuntu n’ow’omutaano omubihangirwe byona. Tituhangirwe nk’embwa nari empundu, ahabw’empindahinduka omukuhangwa nk’oku ab’ensi barikutugambira. Kandi tituri mizimu nk’oku abatarikumanya Ruhanga barikugamba. Tikwo kiri , Ruhanga omukuhanga omuntu akamuhanga ari eky’okureeberaho. Omuntu akahangwa omu kishani kye, bombi Omushaija n’omukazi (Okutandika 1:27) “Ruhanga yaahanga omuntu orikumushusha, omukishani kya Ruhanga yaaba nimwo yaamuhangira; yaahanga omushaija n’omukazi” Yetegyereze ngu timushaija wenka owahangirwe omu kishani kya Ruhanga, kureka ni bombi we n’omukazi. Omushaija n’omukazi bombi Ruhanga akabata omu Musiri gwa Eden aine ekigyendererwa. Bombi bakahangwa okuba ab’okureeberera omusiri Eden, n’okukora nk’abahweezi ba Ruhanga. Abamwe eki nibakyeeta entunguuka omubujunanizibwa. Ruhanga akata omushaija n’omukazi omukibanja ngu bakikore, Okutandika 1:28, nihagira hati; “Ruhanga yabaha omugisha kandi yabagira ati; Muzaare mukanye, mwijure ensi ebe eyanyu. Mutegyeke eby’omunyanja, n’ebirikuguruka omu mwanya, na byoona ebiine amagara ebirikugyendera ahansi.” Harimu ebicweka bibiri omu bujunanizibwa obu. Eky’okubanza n’okukanya nari okuzaara abaana. Ekyakabiri n’okutegyeka okw’enkurakurana. Omwegyesa kandi owatandikireho Principia, Dr. Elizabeth Youmans naashoborora omukuhamiriza oku buri mwana arikuzaarwa omu nsi omu ari ow’okutangaaza. Buri omwe nazaarwa aine obujananizibwa “bw’okutegyeka omu nsi. 20 Nahandiika ati: “Buri mwana aine eiziina Buri mwana aine ekigyendererwa Buri mwana aine ekirikumugambwaho Buri mwana aine omwanya omubyafaayo Buri mwana n’ow’omutaano” Okwenda ngu tubaase kutegyeka Ruhanga akatuha bingi omumagara geitu eby’okutubasisa. Oburyo bw’amagara bwinwe buri omwe. Burimu ebi; Obwengye; nikwo kuteekateeka n’okushwijuma ebintu ; nikwo kubaasa “Kuteekateeka nka Ruhanga”. Omutima: okwehurira omu magara, okuteekateeka, okuroota ebintu bitsya hamwe n’okuhangahangaho. Obuntu: Buri muntu aine oku ahangirwe omu magara ge, omumuringo gwe ogw’obuhangwa.Buri muntu aine ekitinisa omukishani kya Ruhanga. Omuntu aine orurimi rw’okugamba ebigambo n’okugamba omu ndimi. Ebigambo biine amaani, Ruhanga akakoresa ebigambo kuhanga ensi. Omuntu akahangwa Ruhanga kuba omukozi w’ebigambo. Abantu nibakoresa ebigambo kuha omugisha n’okukyeena. Nk’oku Ruhanga yakoresize ekigambo omukuhanga ensi, n’omuntu nakoresa ebigambo kuhanga emitwarize erikukora ensi. Okwongyera ahakuba abakozi b’ebigambo abantu n’abakozi b’ebikwato. Nibabasa kukoresa amagezi kuhangirira ebikwato kwoorobya amagara n’okwihaho okwekurura omu mirimo. Buri muntu aine obwengye bw’okutanisa ekihikire n’ekigwire, n’okukunda kukora ebyafaayo. Buri muntu aine omutima gw’okusiima eby’omwoyo n’okubasikirwa omu bwengye (okuta amazima omunkora). Buri muntu nabaasa okwerinda okw’omunda. Obwengye bwaitu nibubasa kuturetera okutekateeka okurikutubasisa kushemeza ensi. Abantu baine obwengye bw’okukora (eky’okureberaho, omukuteekateeka eby’okurya, omukuhinga n’okuriisa, omukubaija nari okubaziira n’obukugu obundi (eky’okureberaho, omu kweshongora, emizaano, empurizana, endimi; eby’emikono), obuhingi n’okuriisa n’okuteeka eby’okurya. Abairaguju nk’abandi bantu boona ahubari nibazaarwa beine obu bwengyekandi e’eky’obutungi bwingi omu bantu nari omu ihanga. Nk’ebindi eby’obutungi ekirabo ekyo nikyetengwa kurindwa gye. Beingi tibarikubaasa kureeba obugaiga obu, nibareeba obutungi nk’ekintu ekirikuruga aheeru y’omuntu omuri egi nsi. Omuntu yaaba atakubaasa kureeba ebintu by’amaani ebi Ruhanga amuhaire nk’omuntu, nikimanyisa ngu naija kuremwa kubyakiira gye. Abantu nibateekwa kweega kureberera ebintu byaabo by’omunda batakabeire kutunga obukugu oburikwetengwa kureberera ebintu by’aheeru nari obutungi bw’obuhangwa. Abantu baaba batakegire okwereberera bonka, eihanga ryaabo nirigira okutunguuka kukye. Yesu nayegyesa aha butungi bw’omunda arikubagambira ngu bakorere obukama bw’eiguru. Ku baahurire ebyo, yaagaruka yaacwa enfumu, ahabw’okuba akaba ari haihi na Yerusalemu, kandi bakateekateeka ngu obukama bwa Ruhanga bwaza kureebwa omubunaku obwo. Nikyo yaagirire ati: omunyiginya omwe akagyenda omu nsi yaahare kuheebwa obugabe ngu bwanyima agarukye, Yaayeta abambari be ikumi, yaabaha mina ikumi, yabaaragira ati: Muzishubuze, okuhitsya obundigaruka. Ku yaagarukire, aheirwe obugabe, yaaragira kumwetera abambari abo abu yaahaire empiiha, ngu amanye enshaagi ezi baihire omukushubura kwabo. (Luka 19:11-13, 15). Yetegyereze ngu obugaiga bukaheebwa, kandi bwanyima Mukama waabo akaba 21 naayenda amanye okubabukoreise. Ruhanga naayenda ngu tukozese ebiconco ebiyatuhaire kworeka obukama bwe omunsi. Okupima obugaiga bw’amahanga, eibikiro rya sente erya amahanga goona niryejunisa emiringo eshatu yonka ey’obugaiga. Nibateekateeka ngu obucweka 59 ahari igana obw’eby’obugaiga omu mahanga agakurakuraine niburuga omu bantu 35 ahari igana niburuga omu makorero. “Nikimanyisa ngu omumahanga agarikukizayo obugaiga, nibwo burikutwaara bishatu bya kana eby’obugaiga oburikubaasa kukorwa.” Abany’Afirika nibeebaasa nk’abandi bantu ab’omunsi. Baine eby’obuhangwa hamwe n’ebiconco ebi Ruhanga yaabahaire kweyambisa omubizibu, n’okukoraho eby’okwihamu obugaiga. Afirika n’engaiga omuby’obuhangwa kwonka abantu baayo nibo ky’obugaiga ekirikukirayo obugaiga bw’abantu ogeitsireho n’eby’obuhangwa bingi byona nibyoreka ngu kuri Afirika necondooza obukomooko bw’obwooro bwaayo ekagira ekiyakora omukuburwanisa, nebaasa kwebembera ensi yoona. Obugaiga Bw’abantu Batari B’oruganda Rumwe Ruhanga eki nakikunda. Reeba okutangaaza kw’enganda namunonga omuri Afirika. Harimu enganda 3,500 ezirikugamba endimi nka 2,110. Eki nikingana obucweka 30 ahari igana obw’ensi yoona hamwe. Enganda ezo harimu obucweka 78 ahari igana, abany’Afirika; Abasudan na Bantu omu burugwa eizooba bwa Afirika. Abambuti ahagati y’ebibira by’Afirika hamwe naba Khoikhoi omu mashuuma g’Afirika, Na abahindi abarikuruga omuri India. Omukuterana kw’abantu aba nibarugamu eby’obuhangwa by’amaani. Ab’Afiirika nibamanywa omu nsi yoona ahabw’okweshongora, okujaguza, erangi hamwe n’ebye’mikono. Nibabaheereza ekitinisa ahabw’obufura bwaabo, okugumisiriza, okuha ekitinisa abantu bakuru hamwe n’amaka gahamire. Ebi nibyo aha by’obugaiga bikuru obwa Afirika. Ekanisa Omuzi gw’ekanisa omuri Afirika guri hare omubyafaayo byaayo. Nk’oku twaheza kureeba, oby’obuhunguzi obu nibweyongyerayo bugaruka omu kuhangwa kw’abaheburaayo omuri Misri. Bwanyima y’emyaka amagana, Afirika ekakora nk’obuhungiro bw’omwana Yesu, ou abazaire be baabeire nibahunga omugabe Herode. Ku orikugumizamu orikukuratira eby’okufa n’okuzooka kwa Kristo, engiri ekabuga juba omuri Ethiopia n’agandi mahanga maingi ag’omumatemba g’Afirika. Baataitwe omukanisa abarikumanywa abaingi nka Agustine bakaba bari abairaguju. Enyikirza y’ekikristaayo neegumizamu okuhikira kimwe omubutaka bw’Afirika. Omumyaka mikye ehingwire, tureebire Omwoyo Orikwera nakora omunsi y’Afirika. Omu mwaka gwa 1900 hakaba harimu abakristaayo obusirira 8 (haihi obucweka 10 ahari igana bw’abantu). Obwahati nibarenga obusirira 350 nari obucweka 48 ahari igana bw’abany’Afirika boona. Buri eizooba abantu nka 23,000 nibegeita aha Kanisa barikuzaarwa nari bari kujunwa. Okwo nokw’eyongyera omu bwingi kwa buri mwaka okurikwingana haihai obucweka 3 ahari igana. Nibakira nabasiraamu omuri Afirika. Philip Jenkins Kakensa omu byakare hamwe n’eby’okweega ediini ahari Penn State Univasite nashoborora eki okukurakurana okw’ekanisa yakozire. 22 “Nitutuura omu bwire obw’okugarurwa butsya omu byafaayo by’ediini omunsi yoona. Emyaka igana ehingwiire n’okukiraho obukristaayo bweyongyeire kujanjaazibwa omu mashuuma kuza Afirika, Asia, na America eyaba Latino. Abakristaayo abaingi obwahati nibashangwa omuri Afirika na Latin Amerika. Ahandi hankye emitwe ebiri nkuru ey’obukristaayo neza kuba eri omu Afirika hamwe na Latino America. Okukurakurana kw’ekanisa kwaburi eizooba omuri Afirika kuri kuti; ababurizi b’engiri 6000, aba Pentekooti 10,000 na abakristaayo 7,000. Ekanisa ey’ababurizi b’engiri omuri Ethiopia obwahati nekurakurana munonga okukira omumahanga agandi goona omunsi. Pasenta y’abakristaayo ahari abantu boona terikwingana omuri buri eihanga. Omuri Kenya na Uganda, obucweka 80 ahari igana obwo abantu nibeyeta abakristaayo. Omu mashuuma g’Afirika 73 ahari igana nibo barikweyeta abakristaayo. Omuri Namibia obucweka 84 ahari igana nibo bakristaayo (egi niyo pesenta erikukirayo omuri Afirika). Eki nikitangaaza buzima. Ogu buzima n’omurimo gw’omwoyo orikwera kandi obujurizi bw’okwehayo kwaabo abaaretsire engiri hamwe n’abakuru b’amakanisa omuri Afirika. Abamwe Afirika nibagyeta ensi erikukirayo omu kujunwa omunsi yoona ebiro ebi. Afirika neegumizamu kusindika ababurizi b’engiri. Obwahati hariho ababurizi abany’Afirika abarikurenga 12,000 barikukora n’ebitongore ebirikurenga 600 ebiri kuburira engiri. Kimwe kyakana n’okurenga nibaheereza omu banyamahanga. Ebigombe nka The Movement for African National Intiative (MANI) nibigyezaho kugambira ekanisa kwoheereza ababurizi omu bantu abatakahurirahoga engiri omu Afirika. Hati Afirika eriyo neyoheereza ababurizi ekiro, neyakiira abandi. Obwahati omu Afirika harimu ababurizi beingiri kuruga aheeru barikurenga omuri 17,000. Eky’okutangaaza Kigumire Eishoborora Afirika eheirwe emigisha mingi. Eby’obutungi bwa Afirika nibigihindura kuba engaiga kukirayo omunsi yoona. Eine obugaiga obw’entuura, ahakuba niyo bukomooko bw’enyikiriza y’ekikristaayo ey’abayudaaya. Abantu baayo n’abagaiga ahakuba bahangirwe omukishani kya Ruhanga nahabw’ekyo beine obwengye bwingi. Boona hamwe abany’Afirika beine eby’obuhangwa ebirikukirayo obwingi omunsi yoona. Ahaiguru y’ebi byona, hariho obushoborozi omuri Afirika kurabira omu kukurakurana kw’ekanisa okuruho ebiro ebi. Kwonka oyihireho ebi byona, Afirika egumire eri ensi y’enyoro omunsi yoona. Eki nikyo kigumire nikishaasha abairaguju. Omukucondooza obwooro omunsi, nitureeba amahanga agandi goona gariyo nigaba gye kureka Afirika yonka. Amahanga nka Malaysia, Indonesia, Taiwan, Thailand na Singapore gatwire gari enyima kwonka hati gariyo nigatunguuka. Nikibasika kita ngu Afirika negumizamu omu bwooro, n’okubonabona? Omu kicweka ekirikukurataho, nituza kureeba aha kugarukamu ekibuuzo eki. 23 AFIRIKA EHENDEKIRE. Oyihireho obugaiga bwa Afirika oburi omu bintu n’omukwebaasa kw’abantu, niyo nsi ekizireyo kuba enyoro ahansi y’eiguru. Abantu baamwo nibo bakizireyo kubonaabona. Emirundi mingi omwana ozairwe abairaguju omuri Afirika nabaasa kufa juba atakahikize myaka etaano ey’obukuru kukira ogu ozairwe ahandi omu nsi. Abaana abany’Afirika nibarya kubi, nabooro, kukira abandi, beine obwengye bukye, nibabaasa kukwatwa akakooko ka Sirimu juba kukira abandi baana omu nsi yoona. Eki omukugu Tokunboh Adayemo nakyeeta “Ekintu kigumire kushoborora ekya Afirika” Ekintu eki nikiba kigumire kwetegyereza n’okushoborora. Nikigambwa ngu Afirika eine obugaiga oburikukirayo omunsi yoona, kandi abantu baayo n’abooro kukirayo. Afirika n’ebaasa kuba numwo omuntu w’okubanza yabeire natuura, kwonka eri enyima omu by’entunguuka. Afirika n’abantu bamwo bahindwiire amahanga maingi n’abantu baago ab’omuhendo, kwonka bo baaguma enyima. Abantu ba Afirika batakagizire amatsiko g’eby’omumaisho bashemereire kubanza baamanya amazima gagumire g’ebiriho hati. Amazima aga ag’obusaasi nituza kugareebera omubintu bingi. Eky’okubanza n’obumanyiso bw’ebintu ebirikukoresibwa. Ekyakabiri ni obumanyiso bw’eby’obusingye n’obugabe. Omuri ebi nitushangamu obumanyiso bw’oburi bw’enguzi hamwe n’obugabe nari obusingye. Ekyakashatu nituza kureeba orukarara rw’amahanga g’etereine ahabwa obutabanguko omunsi. Obumanyiso Bw’ebintu Ebirikukoresibwa Hariho ebika bibiri by’obumanyiso obu; Eky’okubanza nikikoresa akabonero kamwe omukupima okuhama kw’obwooro omw’eihanga. Ekyakabiri nikikoresa obubonero obwa hamwe. Emiringo egi ebiri erikukoresibwa hamwe netuheereza ekishani ky’obugaiga nari obwooro bw’eihanga. Obutungi Bw’abantu Beihanga N’obutngi Bweihanga Afirika eine abantu obucweka 14 ahari igana ab’omunsi yoona, neshohoza ahansi y’obucweka bubiri ahari igana bw’eby’obugaiga bw’amahanga g’ensi yoona. Obucweka 20 ahari igana bw’abantu abari ahansi nibashohoza obucweka 0.1 bw’eby’obugaiga bw’amahanga g’ensi yoona. Amahanga ikumi na mushanju ahari 21 amooro omunsi yoona, gari omu Afirika wagyeragyeranisa n’obugaiga obwa buri muntu oburi ahansi ya sente za America $ 100 buri mwaka. Omu mwaka gwe 2000 amahanga agabeire geine obugaiga bwa buri muntu oburikuhereruka gakaba gari Sierra Leone (sente za America $126), Democratic Republica eya Congo (Sente za America $ 101), Burundi (sente za America $ 101 hamwe na Ethiopia (sente $ 99). 24 Orurengo Oru Abaana Bato Barikufeeraho Eki nikimanyisa omuhendo gw’abaana bato abarikufa ahabaana 1000 abazairwe batakahikize omwaka gumwe. Ahabw’okugira ngu abaana bato nibo barikukira kusingurwa ebihikirizi, omu bantu, orurengo oru niruhwera munonga kumanya oku ebya’magara omu eihanga oku byemereire. Omu Afirika orurengo oru nirumwe ahagandi makye orurikworeka oku ebintu biriyo nibibonera. Omuhendo gw’abaana abarikufa gukakyendeera kuruga ahari 103 kuza ahari 85 ahagati y’emyaka 1985 na 2000. Wagyeragyeranisa n’orurengo rw’ensi yoona orwa abaana abarikufa 50.3 ahari 1000, abarikuba bazairwa batakahikize myaka etaano omuri Afirika ni 148. Aba nibaitwa endwara nari okurya kubi. Omunsi yoona orurengo orwo ruri ahari 81. Emyaka Y’abantu Barikumara Omunsi Hamwe N’obwegyese Omumwaka gwa 1985 omuri Afirika, emyka ekasharuka kuruga ahari 51 yaaza ahari 50 omu mwaka 2000. Omu by’obwegyese amahanga 29 ahari 42 agu abyaago biri ahansi munonga gari omuri Afirika. Eby’akakooko Ka Sirimu Akakooko ka Sirimu kakatandikira omu Uganda omu mwaka gwa 1999 obucweka 71 ahari igana obw’abantu ababeire beine akakooko bakaba bari omuri Afirika. Obwo abantu 6000 bakaba bafa buri eizooba ahabwa akakooko ka Sirimu. Omu mwaka 2000 okutebereza nikworeka ngu aba Afirika ababaire barwaire baka bari 24,000,000 hamwe n’abaana 12,000,000 abu abazaire baabo bombi baisirwe sirimu. Hati abamwe nibateebereza abaine akakooko ka Sirimu omu Afirika ku barikwingana 28,500,000. 25 Amahanga Againe Amabanja Mahango Omu myaka mikye ehingwire ekigombe ky’ensi yoona kikateebwaho kiine ekigyendererwa ky’okuhwera amahanga againe amabanja mahango omunsi. Ahari amahanga 42 amahanga 30 omurigo gari omu Afirika (agarikwingana obucweka 81 ahari igana). Omungyeragyeranisa, America ey’aba Latino eine ana, Asia eine ashatu, namahanga g’abaharabu gaine rimwe. Obumanyiso Obwa Hamwe Okutebereza oku nikuta aha minzaani ebintu bingi omukumanya okw’eby’amagara g’abantu byemereire omu ihanga. Nahabwekyo nikuteekateekwaho kuba kuhikire kukira okutwaheza kugambaho aharuguru. Enkurakurana Y’abantu Okutebereza oku nikugyezaho kupima oku abantu barikutuura. Eki nikikorwa ekigombe ky’ensi yoona ekya United Nations Development Programme (UNDP), kandi aha bintu bina; Emyaka ey’abantu barikumara omunsi, eby’obwegyese, emyaka y’abantu barikumara barikwega hamwe n’entatsya y’abantu. Okucondooza oku kukakorwa omu mahanga 174, Amahanga 33 ahari 40 agarikuhererukayo omuby’entunguuka gari omu Afirika. EBY’ENTUNGUUKA Y’ABANTU Omwanya 1 2 3 4 5 6 7 8 9 10 11 12 13 14 15 Entunguuka omubantu Norway Sweden Australia Canada Netherlands Beligium Iceland United states Japan Ireland Switzerland United kingdom Finland Austria Luxembourg Obwooro omubantu 163 CoteD’Ivoire 164 Zambia 165 Malawi 166 Angola 167 Chad 168 Democratic Republic of Congo 169 Central Africal Republic 170 Ethiopia 171 Mozambique 172 Guinea-Bissau 173 Burundi 174 Mali 175 Burkina Faso 176 Niger 177 Sierra Leone Amahanga Agarikukirayo Omu Bwooro Okuteebereza oku kukakorwa ekitongore ky’amahanga getereine ekya united Nations Conference on Trade and Development (UNCTAD). Nibateebereza aha ntatsya y’abantu, entuura yaabo hamwe n’eby’obushubuzi okubihamire. Amahanga 34 ahari 50 amooro gakaba gari aga Afirika. 26 Kurugirira hari UNCTAD kimwe kyakabiri ninga n’okukiraho ky’amahanga amooro munonga ky’abantu nibasiibira sente ezitarikurenga doora emwe ($ 1). Eky’obusaasi bwingi munonga Democratic Republic ya Congo, eihanga eriri omuhanga amagaiga omu by’obuhangwa bw’omwitaka abantu baayo barikwingana obucweka 90 ahari igana nibatuura omubwooro bw’ekika kyahaiguru munonga. Obumanyiso Bw’abantu Abarikubonabona Okuteebereza oku kukakorwa akakiko akarikujunanizibwa eby’obutabanguko omubantu akashutamire omururembo rukuru orwa America, Washington D.C (population Crises Committee). Akakiiko ako kakakozesa engyenderwaho ikumi okumanya amahanga agarimu okubonabona kwingi munonga kw’abantu. Omuri ezo ikumi harimu, emyaka y’abantu barikumari omunsi, okurya eby’okurya ebirimu ekirisa, okutunga amaizi amayonjo, okugyema abaana bato, abeegi abari omu mashomero ga siniya, obugaiga bwa buri muntu omu bintu byeihanga byona, okutemba kw’emihendo y’ebintu ebirikukozesibwa buriijo, eby’empurizangana, n’obugabe bw’abantu. Okuteebereza oku kyakorwa omu mahanga 141, aha amahanga 30 agarikubarwa kuba nigo gari omu kubonabona kw’abantu okwamaani munonga, 24 gari omuri Afirika agandi 6 gari omu Asia. Obumanyiso obu bwoona nibworeka gye omumuringo gw’okutangaaza oku ensi engaiga omunsi yoona omu bugaiga obw’ebirikutimbwa omwitaka niyo nyoro kukira ezindi zoona, ekyeenirwe munonga, eki n’ekyakabi kahango omu Bantu. Obumanyiso Abutari Bw’ebintu Bya Buriijo Okwongyera aha bumanyiso bw’ebintu hariho ekirikwetwa obumanyiso bw’eby’obugabe obutari bw’ebintu oburi kwongyera aha bwooro bw’ebintu. Nibukorangana n’emitindo etarikureebwa ebindi nka obushomankuzi, eby’entatsya hamwe n’obugabe omu by’obutegyeki. Obumanyiso Oburikuretera Obushomankuzi Kumanywa Okubariira oku kukashohozibwa ekigombe ekirikutuura omuri Germany ekya Transparency International (TI), kirikugyezaho okupima ah’obushomankuzi 27 omu’ihanga omu bashubuzi, amashomero, n’abakugu, buhikire. Obumanyiso obu niburuga omu kucondooza kw’emirundi 14 okwakozirwe omu makampuni mwenda gatarikushushana. Bakacondooza ahamahanga 102 kandi bur’eihanga barikurita omu kiti kyaryo. Kuruga ahabataine bushumankuzi (10) kuhika ahababwiine (0). Amahanga 52 ahari 102 gashangirwe gaine obushumankuzi bw’amaani, kandi omuri ago gakaba gari aga Afirika. Obumanyiso Bw’obushumankuzi Omwanya 1 Eihanga Finland 2004 9.7 Omwanya 90 2 3 4 5 6 New Zealand Demark &Iceland Singapore Sweden Switzerland 9.6 9.5 9.3 9.2 9.1 97 102 108 112 114 7 8 Norway Australia 8.9 8.8 122 129 9 Netherlands 8.7 133 10 11 12 13 14 15 United Kingdom Canada Austria&Luxembourg Germany HongKong Belgium/irelan/United States 8.6 8.5 8.4 8.2 8.0 7.5 140 142 144 145 Eihanga Gambia/Malawi/ Mozambique Algeria /Lebanm Eritrea /Uganda/Zambia Abania/Libya, n’agandi Ecuadorf Yemen Congo/Ethiopia/ Sierra Leone /Zimbabwe Niger/Sudan, n’agandi Cameroom /Kenya n’agandi Angola/ Dem. Rep. ya Congo/CoteD’Ivoire ,n’agandi Azerbaijan&Paraguay Chad&Myanmar Nigeria Bengladeshi/haiti 2004 2.8 2.7 2.6 2.5 2.4 2.3 2.2 2.1 2.0 1.9 1.7 1.6 1.5 Nikishaasha kwonka n’eky’amazima oburi bw’enguzi nibwingi omuri Afirika, omumahanga nka Democratic Republic eya Congo hamwe na Nigeria. Esente ezirikwibwa abategyeki abari b’enguzi nizingana neezo ezirikubanjibwa eihanga ryoona; omu bagaiga abarikukirayo omu nsi yoona harimu abebembezi b’amahanga ga Afirika. Kurugirira omu kitongore ky'amahanga agetereine ekya United Nations Economic Commission, haihi doora za America obuhumbi 148 zibikirwe omu za banka omukihama ahabwa abategyeki ba Afirika. Ezi nizingana haihi kimwe kya kabiri kya sente za America obuhumbi $ 300, Eibanja rya Afirika eryeinwe omu bakuhoora abaheeru. Omu katabo ke; Out of America A Black Man confronts Africa. Omuhandiiki omwe ow’orupapura rwa America, Washingtom Post Keith Richburg nashoborora ebiyareebire bwanyima y’emyaka eshatu arikushaka amakuru omuri Afirika nahandiika; “Abashaija abahango nibaza kugumaho, barikwehurira, barikushishagura kandi barikushemerererwa omu buhwezi burikuruga aheeru. Nibaza kuguma beine ebikaari byaabo bihango, kandi bakiikiire zaabo nyamwingi omu mabikiro ga Switzerland n’ahandi. Amaka gaabo mahango omu mashuuma ga France hamwe n’amaju ahari Avenue Foch omu rurembo rukuru rwa parish. Nibaza kuba beine za Motoka mpango kandi nungi n’enyonyi zaabo bonka. Nibaza kwombeka amaramizo gaabo mahango omu muringo gwaabo ogubarikukunda, beigure amatendekyero g’eby’obwegyese bwahaiguru omumazina gaabo, kwonka abeegi babure emirimo baamara kushoma. Amahe gaabo bagajwekye enkaito ezirikwengyengyeta, kandi ab’eby’okwerinda baabo babaheereze eby’okurwanisa bitsya, obwo amarwariro gatarimu n’empitirizo n’a za bandage. 28 Richburg naahendera ati: oburi bw’enguzi n’edwaara ya Kaansa eriyo neekwata aha mutima gw’ensi y’Afirika.” Obumanyiso Bw’obugabe Omu By’entatsya. Kampuni ya Heritage Foundation hamwe n’orupapura rwa the Wall Street Journal nibyo byakozire aha nteebereza egi. Bikakoresa obubonero ikumi omu by’entatsya kandi bwacondooza amahanga 154. Omu mahanga againe entatsya y’omurembe 16, tiharimu narimwe erya Afirika. Omu mahanga agatarimu obugabe bw’eby’entatsya 71, makumi ashatu (30) nigaruga omuri Afirika. Obumanyiso Bw’obugabe. Okutaana n’obumanyiso bw’obugabe omu by’entatsya oburikworeka obugabe omu by’okushuubura, obumanyiso bw’obugabe nibushwijuma eby’obugabe omuby’obutegyeki n’obusingye omu mahanga 191. Ebyarugire omu kucondooza, nibyoreka amahanga 88 obwo obariremu 11 aga Afirika okuba gaine obugabe obwo. Amahanga 55 agarimu 21 kuruga omuri Afirika garimu obugabe, n’obusingye bukye. Amahanga 40 agarimu 20 kuruga omuri Afirika tigarimu busingye. Obumanyiso obu bw’emiringo eshatu nibworeka oku Afirika eijiwiire obushomankuzi kandi oku hatarimu obugabe omu by’obutegyeki hamwe n’omuby’obushubuzi . Byona ebi nibikuru omu kushoborora aha bwooro hamwe n’okubonabona omuri Afirika. Obutabanguko 21 Obw’omunsi Yoona Obwayebire Obutabanguko 21 obw’omunsi yoona bukoorekwa omukuru w’ekigombe ky’amahanga agetereine (UN). Omwami Kofi Annan akooreka oku obutabanguko obu burikuteganisa abantu nka obusirira 45. Eky’obusaasi 17 aha butabanguko 21 buri omuri Afirika. Kurugirira omu mwaka gwa 1960 abantu obusirira 245 omuri Afirika bateirwe enjara, Afirika ekeetwa ekirwa kyijwiremu okubonabona. ENSI NARI EKYANGA Angola Burundi Central African Republic Chechnya Congo,Democratic Republic Eritrea Great Lakes Region (Africa) GuineaBissau Liberia North korea Sierra Leone Somalia Southern Africa Sudan Tajikistan Kagikistan Tanzania Uganda West Bank & Gaza West Africa Zimbabwe AKATABANGUKO Obwooro, bwanyima y’orutaro, Empungi Entaro Obwooro, obwimukyeero omu by’obutegyeki Entaro Entaro Okuteerwa enjara n’ekyanda Empungi, Obwangane na Sirimu Empungi , Obwooro Obwooro bwanyima y’orutaro Enjara Obwooro bwanyima y’orutaro Eihanga erigwiire Sirimu n’obwooro Entaro Obwooro bwanyima y’orutaro Empungi Empungi , ekyanda obwangane Obwangane okuteganisibwa kw’ebe’empiiha Obwangane, Empungi Okuteganisibwa kw’eby’empiiha Bikaruga omu UN, 2004. 29 Entaro nka 30 zirwaaniirwe omuri Afirika okwiiha omu mwaka gwa 1970. Enyingi niziba nizikwata ahaby’obutegyeki zirikurwanirwa omunda y’eihanga. Eky’okureberaho Sudan ahi abantu barikuhika 2,000,000 baafereire omurutaro rw’emyaka 17. Orwa Angola rukamara emyaka 25 abantu haihi 500,000 nibo baafire. Omu kwitana kw’emyezi eshatu omuri Rwanda abantu 1,000,000 bakaitwa (haihi 1/9 ky’abantu b’eihanga eryo). Abandi nka obusirira bubiri nainga bushatu bakahunga. Ahamuheru gwa 2003, haihi obusirira buna bw’abantu bakaba bari empungi omuri Afirika. Obu okwetegyeka kwiija omu mahanga g’Afirika hakabaho okuhindura gavumenti nibazihamba okw’emirundi 56. Ebi byona nibyoreka hamwe ekishani kibi omumbeera za Afirika obwahati. Okwehw’amatsiko nikwingi munonga. Ngu Afirika eheirwe emigisha mingi y’obutungi kandi niyo nyoro munonga etarimu matsiko goona, nihetengwa kugira ekyakorwa. Eky’okukora tikigumire. Beingi beine okubakishoboreire kandi nibakigumizamu n’okushoboorora. Kwonka okushoborora ooku kwingi tikwiine buhame. Nituza kucondooza okushoborora okwahati omuri ekyo. Bwanyima tuheereze ekirikubaasa kuretera Afirika yatunguuka. Eki nikyo ky’amatsiko omu biro by’omumaisho. 30 EBY’OKWEKWATSA Kaingi abebembezi ba Afirika baremirwe kumanya ebizibu by’Afirika. Eki nikyoreka okuremwa obwebembezi. Omumwanya gw’okuramura ebizibu bingi ebiri omu Afirika, abategyeki ba Afirika batwaire omwanya gw’abarikubonabona. Rwekwaaso bagitiire aha mahanga agandi obwo barikuteekateeka ngu tibikubasikira abany’Afirika. Buzimazima hariho ebintu bingi omu nsi yoona ebireteire Afirika yaaba omukubonabona. Eki nakyo kishemereire kureebwa. Ekizibu ekiri omu kureebera obukomooko bw’ebizibu by’Afirika aheeru ni Abany’Afirika nibaburwa amaani g’okumaraho ebizibu byaabo. Ngu eky’okukora kiri okwe aheeru omu kigombe ky’amahanga agetereine (UN) nari omu ndembo z’amahanga g’abajungu. Aka naakagwe! Omu mwanya gw’okumaraho ebizibu byaabo abebembezi b’Afirika bahugiire omu kwekwakwasa. Bimwe aha bibahugiireho barikwekwasa nibyorekwa ahaifo. Okutegyekwa Amahanga G’abajungu Abebembezi ba Afirika baingi nibagira ngu ebizibu bya Afirika nibikomooka omukutegyekwa amahanga g’abajungu. Omubwiire obwo hakaba hariho enfumu erikugira ngu: “Enguuto zoona nizikuhitsya aha myatano” amahanga agategyekire Afirika gakanyaga eby’obugaiga garikubiiha omunda ya Afirika garikubitwara bungyereza. Hatariho kubanganisa obutegyeki bw’abajungu bukakoara kihango omu byafaayo by’obusaasi bwa Afirika. Omwo obariremu n’okunyaga eby’obugaiga, okutwara abashaija n’abakazi nk’ebikwaato kuza kukora nka abahuuku, hamwe n’okubaganisamu Afirika. Kwonka okuguma amaisho ogateire omu by’enyima, n’okuguma omu buhuuku n’enaku zaabwo. Okutaanaho n’enteekateeka yaaburiijo, okugira ngu ihanga rikategyekwa erindi tikirikumanyisa ngu rishemereire kuguma omu bwooro okuhitsya hati, gamwe aha mahanga amagaiga gakategyekwaho. Eky’okureberaho. Austria, Canada, New ZeaLand, United states of America, hamwe na Hong Kong. Obwo hariho amahanga agandi agatarategyekirwe , kwonka n’amooro; Nka Afghanistan, na Thailand. Gamwe aha mahanga nka Malasia, Singapore, Indonesia na Vietnam agariyo nigatunguuka juba gagira okwetegyeka hamwe naago aga Afirika. Obwahati Singapore nirimwe aha mahanga amagaiga omunsi yoona. Malasia, Indonesia, Vietnam goona gari aha rurengo rw’ahaiguru orw’okukurakurana. Omukugu wa America- Omwiraguju, akahandiika naagira ati: “Hatakabeireho okwetegyeka, bur’eihanga rya Afirika rikaba nirihinga eby’okurya birikumara, obwahati amahanga maingi aga Afirika nigagura eby’okurya aheeru agandi garimu enjara. Ombwiire bw’okwetegyeka, okukurakurana kw’amahanga ga Afirika kukaba kuri obucweka bushatu ahari igana. Omu mwaka 1990, kukashuuma kwagaruka enyima obucweka bubiri ahari igana (2.8%). Omubwiire bw’okwetegyeka amahanga gombi; Ghana na Uganda gakaba gari amagaiga okukira South Korea. Omubunaku obwo South Korea ekaba eri enyoro munonga. Abantu bakaba baguza eishokye ryonka aheeru. N’eky’omutaano munonga emyaka 40. Obwahati South Korea eine enkurakurana erikukirayo omu nsi yoona, kwonka Ghana na Uganda zikiri enyima. Ekyo nikyoreka ngu okutegyekwa tikirikuretera eihanga kuguma riri enyima nk’oku eby’okureberaho ebi birikworeka. 31 Entaro Z’okurwanisa Amahanga Agandi Entaro z’okurwanisa amahanga agandi; abeebembezi ba Afirika baingi nibeekwasa entaro ezi ahabw’ebizibu by’Afirika. N’ekyamazima kikaba kitahikire America na Russia kukoresa amahanga g’Afirika omu ntaro zaabo. Eego Abeebembezi b’amahanga ga Afirika obwiire obwo bakagyemeserezibwa amahanga ago aga Kirimaani abiri. Kwonka entaro nkeezo enyingi zikarwanirwa omuri Asia hatari Afirika. Teekateeka aha rutaro rwa Korea nari orwa Vietnam, amahanga ago abiri gakashishwa munonga kwonka hati goona gariyo nigakurakurana. Korea n’emwe ah’amahanga agakurakuraine munonga omu nsi yoona. Vietnam n’obweraabe nekibarirwa omu mahanga agatakurakuraine munonga, eriyo neteera entaambo ndaingwa omu by’obushuubuzi. Obukyene Bw’eby’obugaiga Nobu haraabe hahingwireho emyaka mingi bwanyima y’okutegyekwa amahanga agaheeru, Afirika egumire nekizayo obutungi omunsi yoona okurugirira omuby’obutungi byaayo obw’eby’obuhangwa. Nk’oku twaheza kureeba, obugaiga obu obw’eby’obuhangwas n’ebintu ebirikuruga omu bwengye bw’okuhangahanga. Eky’okureberaho amajuta g’omwitaka gakaba gatuurayo kwonka abantu bagahinduramu ekyomugasho. Eky’okureberaho ekindi n’omushenyi, tigwine kigurumu kyona kwonka ahabw’obwengye bw’abantu nibaihamu ebirahuri ebirikukora za karimagyezi n’ebindi. Obwengye hamwe n’okuhangahanga n’ebishumuruzo ebirikwigura enkurakurana. Eby’obugaiga tibirikuruga omw’itaka kureka omu kuhangaho kw’obwongo bw’omuntu. Okushoborora gye ekyo leka tureebe amahanga abiri agarikurebeka gateine bugaiga bw’omwitaka rimwe n’erigaiga erindi n’eryooro. Ekirikuretaho embaganisa niki? Japan na Somalia n’amahanga agataine bintu bingi eby’obutungi bw’omwitaka wagyeragyeranisa n’agandi. Japan yo eine ekizibu ekindi ky’abantu beingi munonga. Omumwanya mukye, Japan erimu abantu barikwingana emirundi 26 obarizemu aba Somalia omuri buri kanya kakye. Ku hakubaire hariho akakwate omuby’obutungi, n’omubwingi bw’abantu, n’omuby’entatsya, Japan ekabeire eri ensi y’obwooro bwingi. Kwonka Japan ekoreise gye eky’obugaiga ekyeine Abantu baayo. Hati eri omu mahanga amagaiga munonga omu nsi yoona. Hati katureebe amahanga abiri amagaiga omu by’obuhangwa- Democratic Republic eya Congo (egi neteekateekwa kuba niyo erikukirayo omubutungi bw’eby’obuhangwa), hamwe na Bubirigi (Holland). Yeetegyereze ngu Congo erimu abantu bakye emirundi 18 ahaba Holland. Kuri nogira ngu obugaiga nibugyendera aha butungi bw’eby’obuhangwa, congo ekabaire nekiza Holland kwonka eki tikwe kiri. 32 Afirika teri nsi y’enyoro ahabw’okuburwa eby’obutungi bw’eby’obuhangwa, kwonka n’enyoro. N’obu eraabe eine obutungi obw’omwitaka obw’obuhangwa oburi kukirayo omu nsi yoona. Obuhwezi Oburikuruga Aheeru Butarikumara Bamwe nibagira ngu Afirika eine ekizibu ky’okutatunga obuhwezi buri kugimara. Buzima Afirika niyo erikukizayo kutunga obuhwezi bwingi kuruga aheeru. Eki nikireebeka nka ekintu kirungi, kwonka obumwe endebeka y’ekintu nebeihabeiha. Ekigyendererwa ky’obuyambi obu n’okugira ngu burette entunguuka, kwonka eki tikwo kibaire. Omu mahanga maingi ga Afirika, obuyambi obu bwongyeire aha bwooro entunguuka tiyabaho. Esente n’obuyambi ezishukirwe omuri Afirika kuruga omu bajungu biretsire obugara omu bantu n’okuguma bategyereize obwo nibatega emikono kwonka. Omumyaka 1980 na 1988, Afirika y’amashuuma, ekatunga sente z’America obuhumbi U.S $ 83 omubuyambi. Kandi omu bwiire nibwo bumwe ekicweka ekyo ekya Afirika kikagaruka ahansi omuby’entunguuka. Banka y’ensi yoona neeyoreka obubonero bw’entunguuka y’Afirika erikuha emihendo y’obuhwezi obwahairwe Afirika omu myaka 1992 na 2001, ezo ziri omu sente za America US dolla omu busirira. Omwaaka Amatemba ga Amashuuma ga Afirika yoona afirika afirika 1992 5,127 17,902 23,029 1993 3,653 16,869 20,522 1994 3,592 18,018 21,610 1995 2,502 15,508 18,310 1996 2,846 13,977 16,823 1997 2,649 13,770 16,418 1998 2,837 13,564 16,401 1999 2,491 13,394 14,886 2000 2,168 13,397 15,585 2001 2,393 14,206 16,598 33 Kuri nogira ngu obuhwezi oburikuruga aheeru nibumaraho obwooro bukareta entunguuka, Afirika ekabaire ensi y’engaiga munogna. Ahakuba eki tikwe kiri nikiretera twabuuza ahabwenki Afirika egumire omu bwooro. Eky’obusaasi tihariho ori kubuuza eki. Obuhwezi kuruga aheeru nibuguma nibweshuka omu Afirika hatariho kibuuza. Abantu Barengire Enshonga ahabwenki Afirika egumire enyima omu bwooro n’ahabw’abantu barengire, abajungu nikwo barikugira. Ngu abantu Afirika bagirengire omu mahanga gamwe, eby’obutungi tibirikumara abo bantu kugira obugwagye. Kwonka n’oku twaheza kworeka emirundi mingi; Afirika eine eby’obugaiga byingi munonga kandi wagigyeragyeranisa n’amahanga agandi amatungi erimu abantu bakye. Ijuka ekishani ahakutandika kw’akatabo aka ekirikworeka Afirika n’amahanga agandi (Peegi 9 ), nikyoreeka obuhango bwa Afirika wagigyeragyeranisa n’amahanga agandi amagaiga. Kwonka harimu abantu baingi, obwo beine eby’obutungi bw’omwitaka bw’obuhangwa. Enteekateeka etahikire eyamahanga kugira abantu beingi barengire nikureeta obwooro neyorekyerwa omuri “China ishatu.” Taiwan eine abantu buri kanya kakye (km2) emirundi etaano kukira China erimu abantu baingi. Orurembo rwa Hong Kong rweine abantu buri km2 emirundi 45 kukira China. Waabuza abantu ahi bakubaire nibakunda kutuura, nibaza kutorana Taiwan nari Hong Kong eziine abantu beingi. Ahabwenki? Ahakukuba oyihireho abantu kuba beingi; n’obutagira eby’obutungi bw’eby’obuhangwa, omuri Taiwan na Hong Kong harimu obutuura gye. 34 Okweyahukanisa Omu Ngaanda Okweyahukanisa omu ngaanda omuri Afirika, kiretsire oburemeezi buhango hamwe n’obwooro. Kwonka orubaju orundi engaanda ezo n’eby’obuhangwa bwaazo n’ekyobutungi bwa Afirika. Engaanda tikizibu, ekizibu n’enteekateeka y’oruganda orkukira orundi niyo bukomooko bw’ekizibu. Obutetegyerezana omungaanda nikibaasa kuhwaho. Switzerland ey’engaanda nyingi ekaba eine obutetegyerezana omunganda ezo kare. Kwonka obwahati aba Gerimani, aba Faransa aba Italiano na aba Rooma baaba Swiss nibatuura hamwe omu busingye. Aba niboreka ekyokureberaho eky’eihanga ritebekeine, omu busingye bw’engaanda nyingi oku riri kushusha. Tihariho shonga yoona erikuzibira engaanda za Afirika kutuura hamwe omu busingye. Obushumankuzi Obushumankuzi nka okweyahukanisa omunganda n’ekizibu kihango omuri Afirika. Bamwe nibagira ngu obukomooko bw’obushumankuzi n’enteekateeka mbi erikuretera oburi bw’enguzi buri kugyenderera kuhweera oruganda rumwe rwonka. Eki yaba n’amazima, mbwenu obukomooko bw’obushumankuzi nibukorwaho gye abantu baba nibaramya nibaheereza Ruhanga Omwe Ohuriire tibarikubaasa kurya enguzi. Eky’ebiragiro 10:17 okujunwa nikuteekwa kukuratirirwa, okukura omuby’Omwoyo. Ebiteekateeko by’ekibi nibiteekwa kurugirira kimwe hazemu enteekateeka y’amazima ga Baibuli. Omukurwanisa obushumankuzi Afirika eine agandi mahanga, kwonka Afiarika niyo erikubi munonga. Kandi obushumankuzi tiburikwingana. Omukugu Richburg nahandiika arikutanisa obushumankuzi burimu okukora n’obwo obukwitira kimwe enkurakurana. Nahandiika aha bushumankuzi omu Nigeria na Indonesia. Omuri Indonesia muhara wa President, nabaasa kutwaara omurimo gw’okukora enguuto kwonka enguuto nizikorwa kandi zihweera abarikutambura. Omuri Afirika enguuto zo tizirikukorwa nakakye. Egi niyo ntaniso yahagati y’obushumankuzi obwo bwombi. Amahanga ageine oburinganiza gagizire enkurakurana yaamani kandi n’ekyamazima ngu ah’obushumankuzi buri noshangayo obwooro. Obushumankuzi nibugitira kimwe ninka kansa y’eby’obushubuzi omumagara g’eihanga. Obwooro Abantu baingi nibareeba Afirika nk’ensi ey’obwooro, omwo harimu n’abairaguju beingi. N’ekyamazima Afirika nerwaana n’obwooro, kwonka yo n’engaiga. Kaingi titirikweega omu byafaayo. Ensi yoona abantu bakaba bari abooro hatakabeireho okugarurwa butsya kwabajungu ekyaasha kya 16 kitakatandikire obariremu n’abajungu. Kakensa Andrew Bernstein omushomesa w’eby’enteekateeka y’omuntu omu itendekyeo rikuru erya Pace University, nahandiika agira ati: Abantu baingi nibeebwa ngu bulaaya ey’enyima, amakorero gatakabeireho ekaba eri omu bwooro oburikukira obwa Afirika eya hati. Abantu bakaba bafeera aha myaka yahansi munonga. Nangwa n’eihanga erigaiga nka Bufaransa, hakaterayo enjara emirundi mushanju omukyaasa kya 15, emirundi 16 omukyaasha kya 16, kandi emirundi 11 omukyaasha kya 17 na emirundi 16 omukyaasha kya 18. Endwaara zikaba ziri nyingi, ahabw’oburofa 35 hamwe n’endwaara ezindi nyamwingi omu kyaasha kya 18, abantu beingi bakafa obundi emitwaro n’emitwaaro omurundi gumwe. Eki kikaretera amagara g’abantu kuba mabi omubicweka bimwe bya bufaransa ahagati y’ekyaasha kya 17 abantu obucweka 58 ahari igana nibo bahikize emyaka 15 ey’obukuru – abandi bakaba nibagarukira aha myaka 20. Omuri Bungyereza omu mwaka gwa 1800 abantu bakaba bagarukira aha myaka 19 yonka. Omu kyaasha kya 18 omu rurembo London orwa Bungyereza abaana barikurenga obucweka 74 ahari igana bakafa batakahikize emyaka etaano. Bwanyima empinduka yaabaho omuri Bulaaya, Abantu ba Bungyereza bayeyongyera kabiri ahagati ya 1750 na 1820 obwo okufa kw’abaana kwagaruka ahansi obucweka 31.8 ahari igana omu gwa 1830. Heine ekyabeireho ekyareteire abantu kugumaho batari kufa. Ekyaretsire empinduka egyo kubaho omuri Bulaaya n’empinduka omunkora y’emirimo. Eki ku kirabe kyabasikire omuri Bulaaya, ebyafaayo nibigyezaho kutushomesa ngu n’omuri Afirika nikibasika empinduka n’egyo nebaasa kubaho. Obwebembezi Abantu baingi nibagira ngu ebizibu bya Afirika nibiruga omubwebembezi bwaayo bubi, obwebembezi bwa buri muringo bwona yaaba n’obwekyaanga nainga oruganda, obwekanisa nari obw’eihanga. Emirundi mingi obwebembezi niburuga ahaiguru burikushuuma. Obwo nitukira kubweta obwa ngambanyenka. Obushumankuzi hamwe n’oburi bw’enguzi nibihinduka ebya burijo kandi ababembezi nibakira kutaho omuhanda gw’ebibi ebyo omu eihanga. Okuta abenganda zaabo omu myanya etabashemereire, ey’obujunanizibwa niyo nkora ya gavumenti n’eby’obushubuzi. Ebi byoona nibireeta obworo omu ihanga hatariho n’oburinganiza, n’obugabe. Bwanyima y’okugamba ebi byona, okimanye ngu omutima gw’omwebembezi niguruga omu bantu abu arikwebembera. Abebembezi n’ekishani ky’enyikiriza, n’entwaaza y’abantu abo. Abebembezi niboreka obuhangwa bw’eihanga, kureka bamwe omu bantu barugayo bakahindurwa butsya obwebembezi bwaitu tiburikugarurwa butsya. Omutima gw’omutegyeki niguruga omu mitima y’abantu. Omuntu omwe akagira ngu buri omwe naayenda kuhindura ensi nari eihanga, kwonka tihariho n’omwe orikwenda kuhindura omutima gw’omuntu. Okuhindurwa oku nikubaasa kubaho abantu bamwe baayakiira omujuni okubajuna. Ahamusharaba niho honka ah’omutima gw’omuntu gurikuhindurirwa, kandi Ruhanga naayenda n’okuhindura ebiteekateeko. Habeireho abarikwetererwa eiziina ry’bukristaayo b’abategyeki bahaiguru baingi. Eky’okureberaho, president Moi owa Kenya, orikweyeta omukristaayo akabembera gavumenti eyabaire emwe ahari ezo eziarikukirayo omu bushumankuzi omunsi yoona. Hakabaho entaniso mpango ahagati y’ekiyabaire naikiririzamu n’entwaaza eyaayorekirwe omu butegyeki obwa ngambanyeka, obushumankuzi hamwe n’emitwarize omunganda. Emize y’oburibw’enguzi omu bebembezi baingi ba Afirika omunda n’aheeru y’ekanisa, neeyoreka obushumankuzi nk’entwaaza y’abantu. Entwaaza neekira kuruga omu kuramya kugwire. Emitwarize y’obushumankuzi neekomooka omu kuramya omu bintu ebirikubaasa kugurwa. Mbwenu Abantu batakahiindwirwe butsya, nibetenga Ruhanga otarya nguzi (Eky’ebiragiro 10:17). 36 OBUKOMOOKO BW’EBIZIBU Omuzi gw’ekizibu ky’obwooro omuri Afirika niki? Omuringo gw’okushobororamu ekizibu nikikuru munonga ahakuba nikyoreka oku oratwaaze omu kumaraho ekizibi ekyo. Abarikureeba Afirika nk’ensi y’enyoro tibakareebaga obutungi bwingi hamwe n’emigisha eheirwe ensi egi. Abarikureeba ekizibu ky’obutagira obutungi bw’eby’obuhangwa nibagyezaho kureeta eby’obugaiga kuruga omu bajungu ngu bakaamaraho ekizibu eki. Kwonka esente z’aheeru nari obukugu tiburikubaasa kwihaho ekizibu kya Afirika. Ebyafaayo nibyorekyera kimwe ngu eki n’amazima. Ahari abo abarikugira ngu ekizibu kiri omu bwebembezi. Obutegyeki bw’obushumankuzi, okuburwa ebikozeso, obutashoma bwingi nari eby’eshubura bibi; itwe nitubagira ngu: Eego ebyo byona n’ebizibu , kwonka tiwahika aha muzi gw’ekizibu. Omuzi gw’ekizibu eki tibiri bikozeso nari tikikwatireine n’ebintu by’aheeru, omuzi gw’ekizibu guri Omunda y’ebiteekateeko by’abantu ba Afirica. 37 OMUZI GW’EKIZIBU Emigisha yoona eri omu Afirika hamwe n’obuhwezi kuruga aheeru, nitwebuuza ahabwenki egumire etatungukire nayo ekagira ebintu by’okukoresa bingi? Eky’okugarukamu ekibuuzo eki kiine akatwaate kakye munonga n’ebintu by’okukozesa omuntunguuka. Ebirikuruga Omu Biteekateeko Tugire ngu ekijuma ky’obutakurakurana omu by’enkozesa kiine omuzi omu nteekateeka y’abantu? Eego, Ekizibu n’ebiteekateeko. Baibuli neetworeka ekintu ky’amaani. Enfuumu 23:7, oku omuntu ateekateeka omu mutima gwe nikwe aba ari. Eki nitukireebwa omu muntu nyabuntu kandi n’omunganda. Ekishumuruzo ky’okuhindurwa omu nteekateeka egyo kiri omukuhindura enteekateeka y’abantu nari y’ensi. Omugyenzi Omuburizi w’engiri Francis Schaeffer akagamba ati: Ninteekateeka abantu bari nk’oku barikuteekateeka. Ebiturikusharamu kukora nibiza kubumba hataru kugaruka enyima nk’oku entwaaza yeitu eri n’eyabaana beitu. Omukugu Dr. Tokunboh Adeyemo mukuru w’ekitongore kirikukora aha ntwaaza ya baibuli omuri Kenya naahandiika ati: Okwikirza nikuruga omu biteekateeko harugamu okukora ebirikurebeka bwanyima y’omutima kwikiriza. Hariho akakwate ahagati y’eby’Omwoyo, omubiri n’emitwarize. Omwoyo nigukora n’omubiri aha rurengo rw’emitwarize. Nainga nitweyombeka nka baruhanga abuturikuramya. Ebintu bibiri eby’obuhingi nibyoreka obuzaare bw’ebiteekateeko hamwe n’ebirikuruga omu ntwaaza. Eky’okubanza n’okubiba bwanyima y’okugyesha, ekirikushangwa omu Bagaratiya 6:7. “Mutabeihwabeihwa; Ruhanga tagaanizibwa; ahakuba ebi omuntu abiba nibyo agyesha. Embiibo (Ebiteekateeko, enyikiriza), eby’obiba nibyo birirugamu ekijuma ebyo ebirikuruga omuby’ensi) eby’ogyesha. Ekyakabiri nikishangwa omuri Matayo ahu Yesu yaagambire ati: “Muryabamanyira aha byana byabo. Hariho abarikushoroma emizabibu aha Munyinya nari shi emitiini aha Matojo? N’omuti gwona omurungi gwana ebyana birungi, kandi omuti omubi gwana ebyana bibi. Omuti murungi tigubaasa kwana byana bibi, kandi omuti mubi tigubaasa kwana byana birungi. Omuti gwona ogutaana byana birungi gutemwa, gunagwa omu muriro. N’ahabwekyo muryabamanyira aha byana byabo (Matayo 7:16-20). Nk’oku oburungi bweitaka n’emizi y’omuti birugwamu ebyana birungi, nukwe kiri n’omu biteekateeko byaitu. Enyikiriza yeitu yaba ehamiire ahakushururirwa kwamazima ag’omubyahandikirwe kandi tukabigyenderaho obwo nibwo ekijuma ky’amagara geitu kirikworeka obujurizi omu kuturaaho twine amagara marungi tushemereirwe omu busingye. Ensi Yo Neekigambaho Ki? Twagamba aha’ ky’ensi erikureeba, nituba nitumanyisa aha bitekyerezo ebimwe abantu baingi birikurugirira aha kiteekateeko 38 ky’omuntu nyabuntu. Omu bantu beingi ekiteekateeko ekirikuba kiri omu bantu abakukira obwingi abemitwarize egyo. Enteekkateeka ey’ensi yeitu neretera twagira oku twareeba ensi, kandi ekikuru munonga oku twakwombeka eihanga ryeitu. Baibuli netuheereza enteekateeka y’ensi erikwikirizangana n’enteekateeka y’ensi nk’okweri endagiriro ya Baibuli aha nteekateeka y’ensi n’enteekateeka ya Ruhanga aha nsi. Ahakuba Ruhanga niwe muhangi w’ebintu byona kandi orikureeberera enteeekateeka ye niyo nkuru. Afirika erimu amahanga maingi buri rimwe riine emitwarize yaryo. Emitwarize ya buri eihanga neerugirira oku abantu b’eryo eihanga barikuteekateeka aha nsi. Enteekateeka Yabairaguju Aha Nsi Enteekateeka ya Afirika ahari egi nsi eine akakwate n’eby’okuhonga ebirikukomooka omu nyikiriza y’abasiramu b’omumatemba hamwe n’okuramya emandwa n’okuterekyerera okuri omu Afirika. Ebi byombi eby’okuterekyerera n’okuramya emandwa nibyo birikuretera abairaguju bareeba ensi omu muringo gw’okuhonga. Nka enteekateeka ezindi ezigwire, egi nayo egwire. Nk’oku ezindi nk’ezi zigwiire okugira oku y’ataaha munonga omubiteekateeko by’abantu kandi bakagita omunkora nihabaho ebintu bingi ebirikusisikara. Nikyo twarebiire okwitana, omuri Rwanda, Obwangane omunganda omuri Somalia, okwitana omuri Sudan, Okushara abantu ebicweka omu ntaro, nari okuhamba abakazi hamwe n’obushambani obwaretsire sirimu yaakanya omubantu. Ebi tikugira ngu n’emicwe mibi , kwonka beitu nibiretwa entwaaza mbi y’okuterekyerera n’okubandwa ekirugiremu obwooro n’okusisikara kw’abantu. Twareeba amahanga agarimu obushumankuzi bwingi nigo gakukira kushangwamu eby’okuramya bitari by’amazima. Omu mahanga ahi baibuli eine obushoborozi byayo, obushumankuzi nibukye munonga. 39 Obumanyiso bw’enkurakurana y’abantu (peegi 26) nabwo nibworeka nikyo kimwe. Oihireho Japan, amahanga agarimu obukristaayo nigo mahanga garikukirayo kubonera kutuuramu omunsi yoona. Ago mahanga agarimu okuterekyerera n’okuramya emandwa gari omu kiti kyago agatarikushemeza kutuuramu. Amahanga Agatarikushemeza Kutuuramu 2004 1 2 3 4 5 6 7 8 9 10 11 12 13 14 15 Sierra Leone Niger Burkina Faso Mali Burundi Guinea- Bissau Mozambique Ethiopia C.A.R Congo Democratic Republic Chad Angola Malawi Zambia Cote D’Ivoire 16 17 18 19 20 21 22 23 24 25 26 27 28 29 30 Tanzania Benin Guinea Rwanda East Timor Senegal Aritrea Gambia Djibouti Haiti Mauritania Nigeria Madagascar Yemen Kenya Katweyongyere kureeba enteekateeka y’eky’Afirika hamwe neya Baibuli nainga ey’ekikristaayo. 40 Enteekateeka y’eky’Afirika Abakazi bari ahansi y’abashaija Enteekateeka y’ekikristaayo Abakazi bakahangwa omu kishani kya Ruhanga kandi nibaingana n’abashaija. Beine emigasho etarikushushana kwonka emigasho ey’abakazi n’abashaija yombi neingana omu maisho ga Ruhanga. Okukora n’ekitinisa kyeitu. Abantu boona: Buri ruganda nirwinana n’orundi , kwonka n’ezomutaano kandi ziboneire Obugabe: Buri muntu aine obugabe kukora kandi aine n’obujunanizibwa. Okukora n’omukyeno. Enganda : Okweyahuramu Oruganda rwangye nirukira orwawe. Okuhonga: Turi abooro kandi tihaine ekiturikubaasa kukora. Ebintu nitureeba nibibaho. Eki nikireeta obugara obwo abantu barikutegyereza obuhwezi kuruga aheeru nari ekintu ekindi kyona kuruga aheeru kumaraho ebizibu. Obwiire: Nibareeba ebihingwire, Obwire: nibashemerererwa bareeba eby’enyima. eby’enyima, beesimira omu byahati, bateekateekyera eby’omumaisho, nibareeba ebirakurateho. Obushumankuzi Oburinganiza: ruhanga ohuriire Baruhanga nibabaasa kuheebwa tahinduka omumitwarize. Eki ekituga kurabira omu kuhayo nikirungi kandi n’eky’obuteeka. ebitambo. Tarya nguzi. Amagara g’omuntu tigaine Amagara g’omuntu nikikuru mugasho. munonga. Byona nibusha: Nibirungi : obugaiga nibukorwa. Ebintu nibikye kandi tibiriho. Muriranwa yaatunga; biri ayibire ebyangye. Ensi erimu obutabanguko kandi Ensi erimu obuteeka kandi terikwetegyerezibwa. netegyekwa ebiragiro ebi Ruhanga yateireho. Orukarara oru tirwahwayo kandi tikugira ngu buri rugaanda rw’Afirika nirutwaza rutyo, nainga shi rwine enteekateeka nk’eyitwagambaho aharuguru. Afirika negumizamu kubonabona kureka ebyagambwaho aharuguru kubyakuhindurwa, Afirika tekwetengire mpiiha nari ebintu kuruga aheeru nari abukugu butsya. Ekirikwetengwa munonga n’okuronda oburyo bw’okumaraho ekizibu. Eby’okubandwa hamwe no’kuterekyerera nibiteekwa kwihwaho, hazeho 41 eby’obukistaayo oku Ruhanga yaategyekire. Amazima, okubonera hamwe n’oburinganiza ebishemereire abantu bibeho. Eki kukiraabe kityo, Afirika neija kuhinduka ebe nungi. Okuremwa Kw’ababurizi B’engiri Kuhindura Entuura Y’abairaguju Reka tute amaisho geitu ah’ababurizi b’engiri abaheeru, tureebe ebibakozire omunsi y’Afirika omu byasha bibiri, ebihingwiire. Nk’oku twamara kureeba aharuguru, ababurizi aba bakajanjaza engiri omu Afirika batarikuremuura. Amaani gaabo garugiremu abarokore beingi hamwe n’amakanisa matsya maingi. Eki kukirabe nikwo kiri, ahabwenki obukristaayo omuri Afirika butabugire egi nsi nk’oku turikuteekateeka? Okuramya emandwa n’okuhindura amazima ekintu ekindi. Twaheza kureeba enyimaho oku eby’okuramya bigwiire byine omutaano n’obukristaayo. Kwonka byombi nibikiriza ngu ensi ni nk’Eihuri. Ababurizi b’engiri kuruga aheeru abeizire omuri Afirika omu byasha bya 19 na 20, bakatanuura batarikukimanya, eby’Omwoyo n’eby’omubiri. Ebintu byona ebyabaire nibikorwa omu Mwoyo bikaba birikureebwa nk’ebyahaiguru kandi ebihikiriire. Kandi eby’omubiri biri ahansi kandi hatarimu kuhikirira. Kigumire munonga kutaanisa ebyo. Omu Afirika na munonga byombi nibikorera hamwe. Ababurizi b’engiri kuruga aheeru bakareeta ekintu kitsya. Bakareeta eky’okutanuura eby’omubiri n’eby’omwoyo omu mwanya gw’okubikoresa byombi hamwe n’enkora y’Afirika oku yabeire eri. Eki n’omu Baibuli tikwo kiri, nikikomoka omu nteekateeka y’ekiguriika. Omukugu Dr. Adeyemo Tokunboh naagira ati:“Hahinggwire emyaka amakumi, ababurizi b’engiri barikugyezaho (omu mwoyo) kwonka batarikufa aha nteekateeka yaabo. Omuri ekyo, nitureeba abakristaayo obucweka 50 ahari igana n’okukiraho abataine kikubarekaho. Nambwenu nikihurirwa nk’eky’okutangaaza omiritwe; okuraguza, oburogi, okuramya, abacwezi, okweyahura omunganda, n’ebindi nk’ebi abantu nibabitwara nke’ebyaburijo. Omukugu omu by’ediini eby’arikuhandiika ati: kandi omw’Afirika, Dr. Vander Poll naafunza “Ahabw’okugira ngu engiri teraizire mubantu nka ekitsya ekirikuhindurira kimwe byona eby’amagara g’abantu, ekyabaire kishemereire kuza omumwanya gwediini y’ekiraguju, tekakwatwahoga nakakye…….” Owabaire ajunwa omuri Afirika akaba atareeba ngiri nk’ekintu kirikumara amagara ge goona, okukira munonga ebikuru omu magara g’omuntu. N’ahabwekyo nitushanga omukristaayo omuri Afirika aine obukyene bw’ebintu ari omumbeera mbi (nka endwara, okufa) ariyo nagaruka omu mitwarize y’ekiraguju. 42 Ekintu ekirikusaasa n’okugira ngu ababurizi b’engiri barikuruga Bulaaya bakata omutima ahabwingi bw’abarikujunwa hamwe n’amakanisa matsya obwo barikupima obusinguzi. Omuri ekyo bakabura kutaho omutima kukura omu kigambo n’eby’omwoyo kw’abakristaayo n’entwaaza ya Baibuli. Aharurengo rw’eihanga ryoona, eky’okworekwa kuhindura entwaaza y’abantu omukwenda kwongyera aha bukama bwa Ruhanga-kikarema. Ekyarugiremu abakristaayo beingi omuri Afirika tibarikukora ekibarikugira ngu nibaikiriza. Kwonka nibatuura omu magara g’enteekateeka y’okuterekyerera hamwe n’ebyo ebirikurugamu. Eky’obusaasi bwingi munonga, abakristaayoo abeingi omuri Afirika tibakagarurwa ga butsya omu biteekateeko nk’oku entumwa Paulo arikwehanangiriza omu barooma 12;1-2, hamwe na 2Abakorinso 10:5. Dr. Adeyemo naakigamba ataine kwesherekyerera ati; Afirika eburiirwe engiri, kwonka Omutima gw’ekiraguju tigukakwatwahoga ahabwa Kristo. Ogaisireho emituma ejunirwe, Abakristaayo nibetenga ebiteekateeko bijunirwe. Omukushabira Billy Graham Center ah’Itendekyero rya Wheaton College, Charles Malik owabeireho president wa Security Council hamwe n’ekigambo ky’amahanga agetereine - (U.N) akagira. “Ekizibu tikujuna emyoyo yonka kwonka kujuna ebiteekateeka. Waasingura ensi yoona okaremwa ekiteekateeko ky’ensi noija kushanga otakasiingura ga ensi. Buzima noshanga oremirwe ensi” Okusingura ebiteekateeko nk’oku Omwami Malik arikutensa, abakristaayo omu Afirika hamwe n’ahandi hoona nibetenga kumanya Baibuli. Baibuli tikugira ngu n’ekitabo ky’ediini kwonka n’ekigambo kya Ruhanga, nekira ahabutumwa bw’okujunwa – n’obukiraabe obutumwa obwo buribukuru. Baibuli erimu amagara. Enyikiriza y’ekiraguju neeteekwa kuhindurwa Baibuli. Entwaaza ya Baibuli n’ebyafaayo bingi ebikubaasa buzima kugarura butsya amagara g’omuntu hamwe n’entwaaza y’abantu. Omu ntwaaza ya Baibuli niho honka ahiturikushanga omusingi gw’obugwagye obusingye hamwe n’okuhwerahwerana. Omubyahandikirwe nnimwo hari omusingye gw’okwombeka amahanga g’amagara marungi. Hariho obuhango n’oburaingwa omukwetegyereza entwaaza ya Baibuli. Obuhango nitubureeba omu byafaayo. Baibuli neeyoreka Ruhanga oku ariyo nakora okucungura ebiyahangire bitakahwerekyerera. Ebyafaayo by’okucungurwa nibibaasa kubaganisibwamu omubicweka bina. (1) Okuhanga (2) Okugwa (3) Omurimo gwa Ruhanga gw’okucungura omubyafaayo (4) Ekitambo ky’ahamuheru. Oburaingwa bw’entwaaza ya Baibuli nibworeka oku Baibuli erikureeba okubaho kw’omuhangi, okwarikutwaza, hamwe n’entwaaza y’omuntu erikurebekyera omuri baibuli n’ebihangirwe byona. 43 Ebyafaayo Byokujunwa Obwebembezi bw’amataka, obugabe bw’omuntu, obugabe bw’eby’enshubura, okwetegyeka wenka, okufayo kwa boona, okuta ekitinisa omu bugabe bw’omuntu, byona nibiruga omu ntwaaza ya Baibuli omu nsi. Ebi nibiretera abantu kugira obugwagye, okwebaasa oburinganiza n’enkurakurana y’eihanga. Ekizibu kya Afirika ni enteekateeka egwiire. Ruhanga Asiimwe, kurabira omu kigambo kye, n’omu Mwoyo orikwera hamwe n’ekyokureberaho ky’Omwana we, yesu Kristo akatuheereza enteekateeka nungi omu nsi okureeba amahanga geitu garikukurakurana. Hariho Amatsiko g’Afirika. Amatsiko aga titutikugashanga Bulaaya, nitugashanga omu Kigambo kya ruhanga. Tikugashanga omu by’obugaiga bw’aheeru, gari omu nteekateeka ya baibuli. Endagaano Z’amaani Kandi Ez’omuhendo. Entumwa Petero obu yabeire ari haihi naha muheru gw’amagara ge, akahandiika ebigambo ebi; Eby’okutangaaza: “Ahakuba turebire ngu amaani g’obwa Ruhanga bwe, gakatuha ebintu byona ebishemereire amagara n’okutiina Ruhanga ahabw’okumanya ogwo owatwetiire ekitinisa kye n’oburungi bwe, ekyamureteire kuturaganisa eby’obuguzi bwingi ebikuru munonga (2 Petero 3:4). Endagaano za Ruhanga n’okwari byona nibikora entandikiro yeitu y’okutunguuka nk’abakristaayo. Eki n’amazima aha bweitu n’amahanga geitu goona. Ruhanga akaraganisa Abraham Ishenkuru w’abaikiriza ngu kurabira omuriwe, amahanga goona agahansi yeiguru hamwe n’ekanisa nibeija kuheebwa omugisha. Egi endagaano y’amaani kandi y’omuhendo noogira ngu ekaba ey’omugasho aha mahanga g’Afirika? Ahabw’okugira ngu Ruhanga n’owamazima naarinda eki yaaraaganiise, nitubaasa kugarukamu ekibuuzo eki ngu “Eego buzima”Omubirakurateho, nituza kureeba endagaano ey ruhanga yaaraaganiise Abraham omubwijwiire, omuri eki nimwo turaije kushururwa amatsiko g’Afirika. 44 AHATARI MATSIKO GOONA –OKURAGANISA KWA RUHANGA Okutandika 12:2-3, nihagamba aha kuraganisibwa kwa Abram (bwanyima owayetsirwe Abrahamu). Okuraganisbwa okwakozirwe kare omu kitabo ky’okutandika ekya baibuli, Kwonka okuraije kutuma orugyendo rw’ebyafaayo by’omuntu byahikirizibwa. Mukama yaagambira Abram ati; Ruga omunsi n’omuruganda rwanyu n’omunju ya Sho, oze omunsi ei ndikworeka, Ndyakuhindura eihanga rihango, kandi ndyakuha omugisha, ndaganise eiziina ryawe, naiwe oryahaisa abandi Omugisha. Ndyaha omugisha abarikushabira omugisha n’orikukyeena ndyamukyeena. Kandi omuriiwe enganda zoona ez’omunsi nimwo ziriheerwa omugisha. (Okutandika 12:2-3) Endagaano egi egarukirwemu emirundi 6 Ruhanga naagambira Abram ati (1) ndyakuha omugisha (2) Ndyakuhindura oruganda Ruhango (3) Ndaganise eiziina rwaawe (4) Ndyaha omugisha abarikushabira (5) orikukyeena , ndyamukyeena (6) Omuriiwe engaanda zoona nimwo ziriheebwa omugisha. Yeetegyereze endagaano y’ahamuheeru (6)Amahanga! Neyoreka ngu amahanga gari aha mutima gwa Ruhanga kandi niho ateire amastiko ahabw’ekigyendererwa ky’okucungura ensi. Ruhanga naija kuha omugisha amahanga angahi? Amahanga goona obariiremu n’eryaawe. Ruhanga nakunda amahanga. Kuruga omukutandika okahika omu kushukururwa, ebyahandikirwe nibigamba aha mahanga emirundi erikurenga 2000. Ebyahandikirwe ebi nibikwata aha mahanga, enganda, n’ebibiina by’abantu b’omunsi obariiremu naabo ab’omuri Afirika ekiri eky’amaani. N’obu embeera y’ Afirika obwahati erikureebeka etarimu matsiko omundagaano ya Ruhanga tiharimu okwehwa amatsiko . Ahatari matsiko goona, hariho amatsiko g’Afirika. Ahatari Matsiko Goona Omu shuura ya kana omukitabo ky’abarooma, Entumwa Paulo nagamba aha ndagaano ei Ruhanga yaaraganiise Abram emirundi mingi. Nashoborora aha kwehwa amatsiko kwa Abrahamu obu Ruhanga yaamuraganisa eky’amaani. Okwehwa amatsiko okurikuruga aha Mukazi we sarai (bwanyima owayetsirwe Sarah) ngu akaba ari enguumba (Okutandika 11: 30) Sarah tikugira ngu akaba ataine baana, akaba atarikubaasa kubagira. Akaba ari enguumba. Akaba Atari nguumba kwonka akaba yaahikize emyaka 75 y’obukuru. Emyaka y’okuzaara ekaba ehweireyo. Embeera egi ey’okwehwa amatsiko ekaba erengeine. Kwonka eky’okutangaaza Ruhanga ku yaaraganiise “Abrahamu” okurugirira aha Ntumwa Paulo, akaikiriza Ruhanga kyamubarirwa kuba okuhikirira (Abarooma 4:3). “Ahatari Matsiko goona, Abrahamu ahabwa amatsiko akaikiriza atyo yaaba ishe wa mahanga maingi nk’oku kyamuragaanisibwe “Abaijukuru baawe nikwo bariba”. N’obu yaabaire akuzire munonga, yahikize n’emyaka y’okuruga omumagara g’ensi tararugire omu kwikiriza kwe, kandi obwo akaba aine emyaka nka kikumi- n’enda ya Sarah yaafiire. Nikyo kimwe tarabanganiise ahabw’okuteikiriza, ahabw’endagaano za Ruhanga, akongyera kugira amaani omukwikiriza kwe yaaheereza Mukama ekitinisa yaaheza kumanyira kimwe 45 ngu Ruhanga naabasa kukora eki yaaraganiise. nk’okuhikirira”(Abarooma 4;18-22). Nikyo kyamubeireho Twaza omubuntu bwenyine, Abrahamu akaba ataine matsiko, kwonka akaba aine okwikiriza. Akaba naamanya ngu Ruhanga naabaasa kukora buri kimwe kyona ekiyaaraganiise. Ahabw’okugira ngu Abrahamu akaikiriza ahatari matsiko goona, okwikiriza kwe kukabarwa nk’okuhikirira. Abrahamu Ari Omumuringo Gw’okwehwa Amatsiko. Endagaano ekakorwa kandi na Abramu yaikiririza omuri Ruhanga. Kwonka emyaka ekahingura hataine ekyabeireho. Tihariho mwana owabaire yaazairwe. Abrahamu yaatandika kuhwa amaani omu kwikiriza kwe. Yatandika n’okubanganisa. Abrahamu yaatandika kuronda okuhikiriza n’okuraganisa kwa Ruhanga omu magyezi ag’obuntu. Yaatekyerereza Ruhanga ati: Omuheereza we Elieza abe omuhunguzi we ow’endagano. Kwonka Ruhanga akanga enkora y’obuntu yaahamya endagano ye. Bwanyima y’ebyo, ekigambo kya MUKAMA kyamwizira, Mukama naamugira ati: Ogwo tiwe arihungura ebyawe, kureka omwana, ou oryezaarira, niwe aribihungura. Yaamushohoza aheeru, yaamugira at: Rarama oreebe ahaiguru, obare enyonyoozi, oreebe ku oraabe noobaasa kuzibara. Yaamugira ati; Na baijukuru baawe nikwo bariingana batyo Abramu yaikiriza Mukama, Mukama yaakimubarira kuba okuhikiirira.(Okutandika 15:4-6) Aha myaka 85 hakaba hahingwireho emyaka 10 ahanyima y’okuraganisibwa kandi ataine mwana. Ogundi murundi okwikiriza kwa Abrahamu kwakyendeera yaatandika kwenda kweshashurira oburyo bw’okumaraho ekizibu kye. Sarah nawe yeija n’ekiteekateeko, yaagambira Abrahamu yaikiriza kubyama n’omuzaana Haggai. Ismeali yaazaarwa (Okutandika 16:1-4). Emyaka 14 ekahingura hataine ekyabeireho. Abrahamu akaba yahikize emyaka 99, kandi omubiri gwe gukaba guri nk’ogufiire. Sarah we akaba ari omu myaka 90. Bakaba behweire amatsiko goona. Ruhanga yaagamba omurundi ogundi yabeijutsya endagano Ye. (Okutandika 17:15-9). Ruhanga yaagambira Abrahamu ati: Omukazi waawe Sarai eiziina rye niriija kuhinduka omwete Sarah. Ninyija kumuha omugisha abe nyina w’amahanga; abagabe b’amahanga niwe barikomokaho. Abrahamu yaagwa ahansi, yaajumara yaasheka, yaayebuza ati;“Beitu shi omwana aryazaarwa omugurusi w’emyaka igana? Kandi na Sarai ohikize emyaka makumi mwenda azaare? Abrahamu yaagambira Ruhanga ati: Ishimaeli ku yakugizire amagara omu maisho gaawe! Ruhanga yaagira ati; Ngaaha! Kwonka na Saara omukazi waawe aryakuzarira omwana w’omwojo omwete Isaaka, kandi ndyahamya endagaano yangye nawe n’oruzaaro rwe, bwanyima abe endagaano etarihwaho (Okutandika 17:15-19). Byanyima y’omwaka gumwe, hakaba hahingwireho emyaka 25 Ruhanga aherize kuraganisa Abrahamu kandi endagano ekahikirira. Okubanganisa kwahindukamu 46 amashemererwa kandi okwikiriza kwahindukamu okureeba. Saara akahindurwa kuruga omu bugumba yaaba orikwonsya. Isaaka akazaarwa kandi omuri we, Ruhanga yaimutsya eihanga Israeli. Omuri Israeli haakomookamu Omujuni w’ensi kuheereza omugisha amahanga goona okurabira omuri Abrahamu negumizamu kuhikirizibwa n’okuhika er izooba. Omumatsiko Abrahamu Akaikiriza. Omukwehwaho amatsiko nimwo amatsiko garuga “Ahatari Matsiko goona, Abrahamu akaikiriza omumatsiko yaaba Ishe w’amahanga, nkoku kyabeire kyamugaambirwe.“Nikwo abaijukuru baawe bariba” Abarooma 4:18. Omu mbeera y’okwehwa amatsiko, Abrahamu akagira amatsiko ekyabaire kitari ahabwe wenka, nainga omu biyabeire naareeba kwonka omuri ogwo owakozire endagaano. Ogwo owahangire Saara n’obu yaabeire ari engumba. Nk’oku Ruhanga yaijukize Abrahamu ati: “Hariho ekigumire ahari MUKAMA? (Okutandika 18:14); Paulo natugambira ahari Abrahamu at: Taragizire kubanganisa aha ndagaano ya Ruhanga, kwonka akabambwa omukwikirza kandi yaahimbisa Ruhanga (Abaroma 4:20) n’obu endagaano yabeire nerebeka nka etarikubasika. Akaba aine okwikiriza ngu buzimazima Ruhanga nabaasa kandi naija kukora nkoku yaabeire araganiise (Abarooma 4:21). Akaheisa Ruhanga ekitinisa ahabwa ebi yabeire nabaasa kandi ebiyabeire naija kukora. Ahatari matsiko goona, Abrahamu akaikiriza ngu Ruhanga akaba nabaasa nkoku yaabeire amuraganiise kumuheereza omwana w’omwojo. Imwe Batabani na Bahara baAfirika Mugire Amaani! Nikyo kimwe batabani na bahara ba Afirika bari omukwehwa amatsiko. Kwonka amatsiko gariho. Hariho eky’okwegyerah kihango munonga ahari Saara na Abrahamu. Amatsiko tigarikuruga omu kufuba kw’omuntu kureka nigaruga ahari Ruhanga- Rukira-boona. Niwe wenka owaraganiise ati; kurabira omuri Abrahamu, amahanga goona gaheirwe omugisha. Nkoku yahikirize endagaano ye na Abrahamu naija kuikiriza eki yaaraganiise kuhereza omugisha amahanga goona obariremu naago aga Afirika. Kandi nikikuru munonga kumanya ngu omugisha ogwaraganisiibwe tigurikwija kurabira omukitongore ky’amahanga agetereine ekya U.N nari omu Kanisa; Ruhanga akaraganisa kuha omugisha amahanga goona kurabira omu baijukuru ba Abrahamu. Paulo nakigmba gye ngu abaijukuru tikirikumanyiisa abo ab’obukomooko bw’eshagama n’omubiri. Abaijukuru be naabo abeine enyikiriza emwe omuri Ruhanga ei yabeire eine. Omu Kutandika 15:6, nitushoma ebigambo ebi bikuru, Abrahamu akaikiriza MUKAMA kandi eki kyamugambirwa kuba okuhikirira. Arikuhandikira abakristaayo b’abanyamahanga omu Kanisa ntsya bwanyima y’obwire bwingi, Paulo naashoborora ekishani eky’ebigambo ebi ebyakare birikushururwa hati: Ebigambo “bikamugambirwa” tibirahandikirwe, Abrahamu wenka kureka naitwe tweena abu Ruhanga araije kugambira okuhikira. Itwe abarikwikiriza omuri ogwo owazaire MUKAMA weitu kuruga omubafu (Abarooma 4:23-24). Kandi Nkoku kyahandikirwe “Nkuhindwiire Ishe w’amahanga maingi” Abrahamu ni Ishitwe omu maisho ga Ruhanga ou yaikiririzemu - Ruhanga ohereza amagara abafiire kandi akeeta ebitariho nk’ebiriho (Abarooma 4:17). 47 Ruhanga naahikiriza ekigambo kye. Naija kuha omugisha amahanga ga Afirika nkoku yaaraganiise kandi naija kukora ekyo kurabira omuri baijukuru ba Abrahamu kandi n’okurabira omuri abo abari omu kwikiriza kutarimu kubanganisa omuri Ruhanga oku Abrahamu yaabeire aine. Ekibuuzo nikigira ngu ; Ekanisa omuri Afrika neikiririza kimwe ngu Ruhanga aine amaani kukora ebi yaaraganiise? Ekanisa omuri Afirika buzima neikiriza ngu Ruhanga nabaasa kuha omugisha amahanga goona ga Afirika? Batabani na Bahara ba Afirika ku barabe batakaikiriize kimwe, nibetenga kushoma ebirikukiraho aha bujurizi bwa Ruhanga. Abaheburaayo 6:13-8, n’ekitabo kirungi kutandikiraho. Ahakuba Ruhanga, obu yaaraganisa Abrahamu, akeerahira, abhaw’okutagira w’okurahira orikumukira, naagira ati : Buzima okukuha ndyakuha omugisha, kandi n’okukukanyisa ndyakukanyisa Nikwo Abrahamu yaahirwe atyo eki yaaraganisiibwe, ku yaaherize kugumisiriza obutaruha Nimumanya ngu abantu barahira orikubakira, kandi omu mpaka zaabo zoona ekizimara n’okurahira N’agabw’ekyo Ruhanga ku yaayenzire kworekyera kimwe abahunguzi b’ebi yaaraganiise, kuenaama ye etahinduka, yaagihamya n’okurahira; ngu ebintu bibiri ebitabassa kuhinduka, ebi Ruhanga atabaasa kubeiheramu, bigumye emitima yaitu buzima, itwe abaamuhungiireho, tubone kuhamya eki twineho amatsiko ekyatairwe omu maisho gaitu. (Abaheburaayo 6:13-18). Omuhandiiki w’abaheburaayo naayoreka Ruhanga okuyakozire endagaano na Abrahamu, kandi akarahira n’endahiro (orwa 17). Ahabwenki Ruhanga yaarahiire kandi yabeire yaaherize kuraganisa kandi ekigambo kye kiri eky’amazima? (Orwa 16), nirworeka enshonga. Akaba naayenda kworeka oku atahindahinduka aha bahunguzi b’endagano ze. Naija buzima kukora ekyo eki yaaraganiise, kandi akaraganisa ku amahanga goona gareija kuheebwa omugisha kurabira omu bahunguzi b’endagaano niyo Kanisa. Ekigyendererwa ekindi akakikora atyo ngu tugarukwemu amaani (orwa 18). Ruhanga naayenda ngu amahanga g’Afirika gagire amaani; okugarurwa butsya kuriyo nikwija kurikuruga omu kwesigira kimwe okuraganisibwa oku. Afirika ! O O Afirika! Tokyenirwe, oheirwe omugisha. Omugisha kukira agandi mahanga omu nsi yoona. Oheirwe omugisha gw’eby’obuhangwa, n’omugisha gw’engiri y’amaani, waheebwa omugisha gw’abantu baboneire kandi b’obwengye abahangirwe omu kishani kya Ruhanga. Ekiri kukira ebi byona, ohairwe omugisha gw’endagaano ya Ruhanga ahari Abrahamu ngu kurabira omu Kanisa amahanga goona garyaheebwa omugisha. Beitu omugisha guryeija omubwiire omubunaku obu? Kuguraabe guteizire omubunaku obu guryeija obu abantu bareikiriza omu bunaku oburikwija. OKUGARURWA BUTSYA KURIYO NIKWIIJA 48 Omukugu Margaret Meade ow’ebyabantu akagira ngu ; Otaribanganisa abantu bakye beine enteekateeka yaabo abeheireyo nibabaasa kuhindura ensi. Eki nikyo kirabeireho kyonka buzima. Okugarurwa butsya nikwiija obu omuntu omwe, ekanisa emwe, abantu bamwe baheeza kwikiriza. Kandi okururwa butsya oku kuriyo nikutandika ! Ebi ahansi n’ebyafaayo ebirikworeka ebijuma by’okubanza byaabo abaikiriize. Ekanisa Ya Watoto Ekanisa ya Watoto omu Uganda n’ekyokureberaho ky’ekanisa omu buheereza bw’abantu eriyo neeteraho okugarurwa butsya. Obwahati ekanisa egyo eine abantu barikurenga omuri 12,000, hamwe n’obubiina 900. Omu mwaka gwa 2000 ekaba eine ekicweka ky’abantu abeine hati. Omubunaku obwo bakuru b’ekanisa egyo bakagyenda bayetaba omukwegyesibwa kw’okukuza omu by’Omwoyo kw’amahanga. Okwegyesa oku kukoreka ekirooto ky’obuheereza bwijwiire kandi buri mushomo gukegyesa aha mbibo y’ebitongore by’enkurakurana. Embibo y’ebitongore by’enkurakurana niyo obuheereza bukye oburikworeka rukundo ya Ruhanga omu bantu. Ebi nibikorwa sente n’abantu omumwnya ogu, bateireho okushaba obwo barikukuratira Omwoyo Orikwera. Obwo buheereza bw’embibo bukye, emirundi mingi niharugamu obuheereza buhango oburikugumizamu. Omwoyo Orikwera akabyaara ekyeteengo omu beebembezi b’ekanisa ya Watoto eri kushangwa omu rurembo Kampala, okujanjara omururembo barikworeka rukundo ya Ruhanga. Omwebembezi mukuru w’ekanisa egyo Gary Skinner, akagambira abantu, yaabaheereza ebikwato by’okukora ebigambo by’embibo. Akagambira buri kigombe kureeba ahu barikutuura ngu bareebe ebyetengo by’abantu babitware bibe ebyabo. Gary Skinner akagira ngu, “ebizibu tibiri by’abantu, n’ebyaitu ! Tibya gavumenti, tekayamba kumaraho ebizibu ebyo n’obu eraabe eine otusente teine rukundo. Esente tizirikumaraho bizibu, rukundo niyo erikubimaraho! Kandi gavumenti ku eri kukikora Ruhanga tarikuhimbisibwa. Kwonka Ekanisa ku eri kukikora omuri rukundo. Ruhanga nahimbisibwa. Ba memba b’obubiina bw’ekanisa nibaronda ekizibu bakyetwarira omuri rukundo baheereza abatuuze. Ebi abatuuze bakuba nibarabamu nibyo ebyo ebikureta twakora ebigombe by’embibo. Nituhunduuza amaziba gamaizi kugira ngu amaizi gabonere. Tukashakaara enju eyabeire eri eyabakyene ababeire baine embeho bari n’omumaizi. Efuuzi nituziha eby’okurya . Nitereberera amafuuzi 1200. ekicweka kyabo nibatuura omu maka agutwombekire. Kimwe aha bintu ebyashabirwe kukorwa obugombe bw’omukanisa ya Watoto ey’omuri Kampala n’okwegaruriza eka eine Sirimu, ekizibu kihango kya Uganda. Nibaza omu maka baganiira n’abarweire, babagwa omunda, bashutama aha bitanda byabo. Haihi buri muntu oine Sirimu naikiriza ajunwa. Omurwaire yaaba ari kubi munonga atarikubaasa kuruga omuka, akagombe k’ekanisa nikabugabuganira omuka ye.Bagyezaho kumutungira omubazi, kandi kwarikugumizamu akafa, omumwanya gw’okurira n’okusindaguza okurikukira kuba aha nfu, akagombe nikataho okuramya neeka egyo. Baingi omu maka bajunirwe ahabw’okureeba rukundo ya Kristo. Teekateeka ekirikukorwa omu mwaka, obugombe 900 omu buheereza bw’aheeru y’ekanisa burikuhika emirundi 1800 omu rurembo rwa Kampala. Abantu b’orurembo rwa Kampala bariyo nibareeba. Gavumenti nayo erebire omurimo ogwo 49 ogurikukrwa. Ijo ekarangirira Ekanisa ya Watoto nk’ekitongore kimwe aha bitongore 10 omu ihanga ebirarwaniise Sirimu. Obujurizi obwo bukaabeire nibuheebwa buri Kanisa omuri Afirika. Abantu ba buriijo baaba batarikureeba omugasho gw’Ekanisa zaabo omu magara gaabo, ekyo kigwire. Ruhanga nayenda kureeba Ekanisa Ye eine omugasho. Eishomero rya Kagishu Kagishu n’ekigambo ky’oruswahili ekirikumanyisa omutsyo. Kagishu n’omwanya ogurikuturwamu abakyene omuri Nairobi- Kenya, n’omwanya ogwayetsirwe eiziina Kagishu ahabw’okugira ngu gukaba guri kutinisa kuguzamu bwaba bwabeire eitumbi. Omu mwaka gwa 1998, Ekanisa y’abantu 20 ekoheereza omusigazi orikwetwa Meashack aha mushomo omuri Nairobi, kuyagarukire akagambira omuheereza we ngu Ekanisa ekaba etarikumanya Ruhanga omu buryo buhikire nkoku kiri omuri Isaaya 58. Abantu b’Ekanisa bakaba batarikworeka rukundo ya Ruhanga ahari abao abakyene. Yaagambira omuriisa okutaho obuheereza omu Bantu. Omuriisa akeebuuza oku ekanisa erikubaasa kureberera abaheeru obwo abaayo bari omu bwooro. Bwanyima y’okuteisa n’okushaba, abakuru b’Ekanisa basharamu kwegyesa abaana omu mashomero. Bakaba bateinemu basomesa omu nterane zaabo, kwonka omuriisa, Omukazi hamwe na Meashack bayehayo kwegyesa batarikushashurwa. Baiguraho akashomero omu kakanisa kaabo kakye akubabeire beine obwo baheza kucondooza aha bintu ebi abantu bakyenire. Abaana makumi ashatu bakaija ah’eishomero kuryatandikire omwaka kuza kuhwa, bakaba bari 313 n’abashomesa mukaaga. Omu bwiire obu abantu omukanisa bakabazamu kabiri ahabw’okureeba Ekanisa nefayo aha Bantu. Obwahati eishomero riine abaana haihi 450 abashomesa 20 abarikushashurwa. Ekanisa eine abantu barikurenga 200. Eine amakanisa agandi 4 omu myanya nkeegi. Amashomero agandi hamwe n’erya Siniya gatandikireho. Abamaduuka nabo batandikire kwija omu mwanya ogu ahabw’okurebayo amagoba. Okuhindurwa butsya kuriyo nikurebeka omu by’Omwoyo, eby’enyegyesa hamwe n’eby’obushubuzi. Pamba y Joe Omuriisa omwe owa Kenya kuyarugire omu mushomo yaamanya ku abantu beingi bari omu bwooro omukyanga kye ekyabeire kihinga pamba kare –barikwebeisaho. Akarekurira omurimo gwe yaarundana efakazi (beingi bakaba bafereirwe abashaija baabo ahabwa akakooko ka Sirimu) batandika kubyara Pamba. Bwanyima y’emyaka 4 efaakazi ezo zaatandika kuguza gavumenti obujuma bwa Pamba. Omuriisa Joe nashutama aha Boodi erikureberera okushohoza Pamba omu ihanga rya Kenya. Ekanisa ye ekataho eishomero ry’abeegi barikurenga omuri 300, okureberera enkoko, eiziba ry’amazi, n’ekyoma ky’okusa ebicooro. Ebi byona n’ahabw’okugira ngu omuriisa ogu akatunga okworekwa kutsya ahabw’ebintu ebi Ruhanga yateire omu mwanya ogu we n’abantu be babeire batwiremu kandi n’obwebembezi bw’ekanisa omukugarurwa butsya kwa amagara g’abantu. 50 Omukozi Wa Gavumenti Kuruga Benin. Omwishiki omukristaayo kandi omukozi wa gavumenti ya Benin akaza omu mushomo gw’okworekwa omu rurembo Cotonou. Omukushoma akeega ngu Ruhanga akaba naayenda amuramye omu magara gye goona. Eki kikatandika kuretaho empinduka y’omutaano omu nkora ye. Akatandika kukora arikurinda obwiire kandi ateireho omutima. Empinduka ekaba eri ey’omutaano. Abu yaabeire nakora nabo bakamuhakanisa hamwe naabo ababeire bari ahansi ye ahabw’okugira ngu bo bakaba bamanyirire kukora n’obugara. Kwonka okukora gye okuyabeire akora kukareebwa bakuru be, omu myeezi eshatu bakamukuza yaaba Minisita omuto oweihanga omu by’obushubuzi n’amakorero. Obwahati ari Minisita mukuru omu gavumenti. Minista omukazi w’okubanza. Naasiima Ruhanga munonga ahabw’ekyo. Eirwariro Ry’abantu Omuri Ghana. Ekanisa entsya eya Fadama eya Pentekooti omuri Accra, Ghana ekatunga okworekwa ahabw’obuheereza bwayo omu kugarurwa butsya kw’abantu yaasharamu kutandikiraho omu kworekwa okwo erikutwara ward y’abashaija yeirwariro rikuru ryabararu omuri Accra. Ekanisa ekashohoza sente za America zirikurenga $ 15,000 obwo erikuhunduuza, n’okusiiga erangi , kandi erikutamu za Television n’ebintu ebindi okworeka rukundo ya Ruhnga n’okufayo aha bantu abo ababeire beebirwe. Enshaho Ya Sente Omuri Ethiopia. Ensi ya Ethiopia eri ahansi ezirikukizayo obwooro omunsi yoona. Omugwa 1990, omushomo gw’okworeka gukatebwaho omu rurembo Addis Ababa, Ethiopia. Bwanyima y’omushomo abantu 250 abayetabire omumushomo ogwo bakeragansa kuta omunkora ebi bayegire. N’obu kiraabe ngu baingi omuribo bakaba bari abooro omu maka gaabo. Ababeire bari omu mushomo ogwo bakatandika kubagana ebyaabo n’abooro abaabire bari omukanisa zaabo. Aka akagombe Kensigo egi kakarugwamu ekigombe ky’okuguza sente ekyabeire nikirebererwa ekanisa . obwahati abantu barikwingana 60 ab’ekanisa n’abaheeru bakatunga sente z’okubahweera kwebeisaho n’abaabo. Omwe omuri abo Tadele owe myaka eri kurenga 50 omurema, akaba ashegire arikushabiriza. Obwahati aine biziness omumagoba agarikutunga naahweera eshaho egi ekireteire n’abandi bayeguza okwebeisaho. Waamubuza oku amagara ge gahindukire, nakugira ngu taine buzibu. Taine kwerarikirira kwa sente. Nagira ngu hati aine ekitimba kye kandi nayekorera sente. 51 Empuungi Kuruga Tanzania Bwanyima y’omushomo gw’okworekwa omuri Rwanda omu mwaka gwa 1998, omuriisa omwe akashaba abantu be kubahweera empuungi ezabaire niziruga Tanzania ahi bahungire omu gwa 1994, barikuhunga obwitane omu nsi yaabo. Ekanisa ekakiira abo bantu yabahweera kwombeka butsya amaka gaabo. Babaheereza eby’okurya n’amaizi n’okuhweera abaana baabo kugaruka omumashomero. Ababeire bari empungi bakatangarira rukundo egyo. Bamwe aha bantu b’ekanisa bakaba bafereirwe abaabo abeitsirwe omu kwiitana okwo. Bamwe aha mpuungi baaketaba omukwiita reero mbwenu kubakira kikaba eky’omutaano. Abakristaayo aba bakaijutsya empungi ezagarukire ngu okugarukana nikuretwaho okuhurira ekigambo kya Ruhanga n’okworeka rukundo ye kurabira n’omu kukunda abo abeitsire abanyabuzaare baabo. Kufa Aha “Bakyene Aba” Linda Pretorius kuruga Namibia akatuha aha bujurizi bw’eby’enyima y’okwetaba omu mushomo gwokworekwa omu rurembo Windhoek omu gwa 2003. “ Nkahebwa omugisha muhango. Gukahamya ekyahandikirwe omuri matayo 25; 31-46, ekyahandikirwe ekigumire omu mutima gwangye kumara emyaka mingi. Omu bunaku obwo nkaba nintunga omushaara buri kweezi kuruga omu faamu hamwe n’omu murimo ogunabeire nkora. Kurugirira omu binayegire, nkaruga aha murimo gwangye ogw’emyaka haihi 8 kugira ngu ntungye obwiire bw’okuheereza abantu abunabeire ninturamu. Ekijuma ky’okubanza naaheereza omwishiki we myaka 9 oburaaro – Kangambe; obunamubugana akaba akyeniirwe kandi banywani be n’abanyabuzaare bakaba bamurugireho. Obwahati omwishiki ogwe aine emyaka 11 kandi ari gye. Nkamutwaara owangye namureberera , hati ariyo nagyendera omu mihanda ya Ruhanga. Nabaasa kushoma n’okuhandiika, akore okubara kandi owabaire atarikushoma hati nashoma. Akiri omuka yangye ndiyo nimwegyesa emicwe mirungi, obundi nibingumira kwonka ahabw’Omwoyo Orikwera ningumizamu ndikumanya ngu ndyasharura omu nsigo egi. Aha bw’omushomo gw’okworekwa, ninkora n’ebindi. Ndi omubuheereza bw’abaana abateine buraaro. Nketaba omu kuriisa abantu hamwe na Mukama wa Supermarket. Obwahati naariisa abaana igana. Ndi aha kakiiko ka gavumenti y’ebicweka akarikureberera amafuuzi n’abandi baana abatarikwebaasa. Buri rw’okubanza nimburira engiri abantu abarikuba bari omuri kasasiro aheeru y’orurembo. Nkatandikaho n’okweega hamwe Baibuli hamwe n’abakazi bana omu rurembo. Mukama Asiimwe! Obuheereza Bw’omusamaria Omurungi Owa Windhoek. Kimwe aha bigyendererwa by’ekigombe eki n’okuhindura ekanisa omuri Namibia. Nk’oku ekitumbisa kirikukora aha mugaati nikwo enteekateeka egi erikuhindura abantu boona. Ekigombe nikikoragana n’ebindi 104 omu rurembo rwa Windhoek omukurundaana amakanisa, kushomesa n’okubaheereza ebikwato. Nibacondooza barikukora hamwe ahabw’enkurakurana hamwe n’okutebekanisa “wiiki y’obuhweezi.” 52 Buri mwaka, nka kimwe aha bikorwa by’okurundaana abantu b’omu kanisa ya Namibia kugira ngu eyetabe omu buheereza bw’ekyanga eki bari kuturamu. Omu wiiki y’obuhweezi abantu, za bizinesi, ebigombe kimwe kimwe nainga byona hamwe nibaheereza obuhweezi abooro. Obuhweezi oburimu, eby’okurya hamwe n’ebintu by’omunju n’eby’okuzanisa by’abaana nibiteekateekwa obuheereza bw’omusamaria ekya Windhoek. (Windhoek Samaritan Ministry). “Ku baababuriire, baakurura Yasooni n’abamwe aha b’eishe-emwe, baabatwara omu maisho g’abategyeki b’orurembo, nibagamba n’eiraka rihango bati: Abashaija aba abajuumikire ensi, mbwenu baisire n’aha…” (Ebyakozirwe 17:6) 53
Similar documents
OMUNAALA GW`OMUKUUMI
and Tract Society of South Africa NPC, 1 Robert Broom
Drive East, Rangeview, Krugersdorp, 1739. 5 2013
Watch Tower Bible and Tract Society of Pennsylvania.
All rights reserved. Printed in South Afr...