Concept da menaschi canorta Lumpazi MIDI

Concept da menaschi canorta Lumpazi MIDI

Concept da menaschi
canorta
Lumpazi MIDI
(per affons denter 5-12 onns)
1. Organisaziun
1.1.gruppa en mira
La survigilonza ella canorta LUMPAZI MIDI ei per affons da scoletta e scolarAs
entochen la fin dalla 6 classa primara. La purschida vala en emprema lingia per
scolarAs da Mustér.
Affons ord autras vischnauncas san vegnir recepi sut suandontas cundiziuns.
- els ein sco affons pigns vegni tgirai ella canorta LUMPAZI MINI, ni
- lur fargliuns vegnan tgirai ella canorta LUMPAZI MINI.
1.2.Purschida
La viseta ella canorta ei facultativa, ha denton liug regularmein duront singuls ni mezs
dis duront l'jamna e quei sin basa dall'annunzia. Ina survigilonza a cuorta vesta ei
pusseivla, basegna denton in sclariment cun il tgamun dalla canorta.
1.3.Temps da tgira
La canorta LUMPAZI MIDI porscha ina tgira accumpignonta alla scola dil gliendisdis gievgia e quei duront las jamnas da scola, denton era ina tgira da sustegn per famiglias
duront las vacanzas da scola .
Denter Nadal e Daniev sco era da fiastas e firaus resta la canorta serrada.
La purschida accumpignonta alla scola ha liug allas 11.15 – 18.00 uras.
La purschida da sustegn per famiglias ha liug allas 6.30 – 18.00 uras.
La purschida sa vegnir elegida individualmein tenor la gliesta sut.
Unitads da tgira duront il temps da scola
11.15 – 13.30
sur miezdi cun gentar
12.15 – 13.30
sur miedzi senza gentar
13.30 – 15.00
suentermiezdi
15.00 – 16.00
suentermiezdi
16.00 – 17.00
suentermiezdi
17.00 – 18.00
suentermiezdi
Unitards da tgira duront las vacanzas da scola
06.30 – 11.15
avonmiezdi
11.15 – 14.00
sur miezdi
14.00 – 18.00
suentermiezdi
2. Administraziun
2.1.Annunzia
L'annunzia ha liug directamein alla canorta cun il formular corrispundent e suttascret.
L'annunzia digl affon entras ils geniturs per l'entschatta digl onn da scola ei
ligionta. En cass ch'ei ha avunda plazs san novs affons vegnir recepi duront igl
onn ora.
Ils geniturs han la pusseivladad d'adattar las unitads da tgira ni da visar la tgira
mintgamai per la fin d'in semester da scola.
L'annunzia per la tgira da sustegn per famiglias ha liug tochen la fin dil semester
precedent ed ei medemamein ligionta.
2.2.Segirada
Ils geniturs ein obligai d'haver ina segirada d'accident e da malsogna per lur affons sco
era ina segirada da responsabladad.
2.3.Absenzas
Absenzas en connex cun activitads da scola (p.ex. vacanzas, excursiuns e.a.v.)
vegnan annunziadas al tgamun dalla canorta entras la direcziun da scola.
Ulteriuras absenzas sco era tuttas absenzas duront las vacanzas da scola ston
vegnir annunziadas al persunal da tgira dalla canorta entras ils geniturs sezs.
2.4.Malsogna
Ei igl affon malsauns viseta el buca la canorta. Affons ch'ein malsauns vegnan termess a
casa suenter haver per telefon sclariu la situaziun cun ils geniturs.
2.5.Exclusiun
In'exclusiun digl affon ei pusseivla sch'igl ei egl interess digl affon pertuccau ni
en cass urgents, risguardond il beinsesentir dils ulteriurs affons. In'exclusiun
succeda suenter il discuors culs geniturs entras il tgamun dalla canorta.
3. Tariffas
Questa purschida vegn finanziada entras:
- il Cantun Grischun
- la vischnaunca
- ils geniturs
3.1. Contribuziun dils geniturs
La contribuziun dils geniturs secumpona aschia:
Unitads da tgira duront il temps da scola
cuosts CHF
11.15 – 13.30
sur miezdi cun gentar
15.-
12.15 – 13.30
sur miezdi senza gentar
5.-
13.30 – 15.00
suentermiezdi
5.-
15.00 – 16.00
suentermiezdi
5.-
16.00 – 17.00
suentermiezdi
5.-
17.00 – 18.00
suentermiezdi
5.-
Unitads da tgira duront las vacanzas da scola
cuosts CHF
06.30 – 11.15
avonmiezdi
20.-
11.15 – 14.00
sur miezdi
15.-
14.00 – 18.00
suentermiezdi
20.-
3.2.Termin da pagament
Il quen vegn tschentaus entras la canorta mintgamai per semester precedent.
Quintadas vegnan mo las jamnas effectivas da scola e per semester. La tgira duront las
vacanzas vegn messa a quen separat duas jamnas avon l'entschatta dallas vacanzas.
Termin da pagament ei 30 dis.
3.3.Midadas da tariffa
La canorta LUMPAZI fixescha las tariffas ensemen cun la vischnaunca da Mustér.
La canorta ei autorisada d'adattar las tariffas vertentas. Eventualas midadas da
tariffa succedan mintgamai sin l'entschatta digl onn da scola e vegnan communicadas sil pli tard 2 meins avon a scret.
4. Purschida
4.1.Fuormas da tgira
Affons che gentan sur miezdi, vegnan tgirai ensemen cun ils affons dalla canorta MINI.
Igl ulteriur temps stat in'atga stanza a lur disposiziun.
Tochen tschun affons san vegnir tgirai duront singulas uras ni duront singuls dis
entras ina persuna senza scolaziun pedagogica.
Affons da scoletta san vegnir tgirai ella canorta LUMPAZI MINI, denton astga il
diember buca survargar 18 affons. Perencunter san affons da 3-4 onns formar
ensemen cun scolarets in'atgna gruppa. Els duein saver termagliar senza
disturbar ils scolars in tec pli gronds. Cheu valan las directivas digl uffeci social
dil Cantun Grischun. Visetas d'affons pli gronds ella canorta dils pigns ein
pusseivlas mo sch'ellas disturban buca il decuors dil di dalla gruppa dils pigns.
4.2.Activitads
Ella canorta LUMPAZI MIDI san ils affons esser activs tenor lur basegns. Ei dat
purschidas aviartas e menadas. La pusseivladad da far ils pensums da scola ella canorta
ei dada, in sustegn special da far ils pensum dat ei buc.
Dependent dalla grondezia dalla gruppa san ils affons far diever dil plaz da
termagliar dalla canorta ni ch'els san far cun la persuna responsabla
spassegiadas ed excursiuns.
4.3.Via da scola
Ils geniturs vegnan supplicai da mussar a lur affons la via denter la scola e la canorta,
pertgei il persunal dalla canorta LUMPAZI MIDI va buca per els. Mess il cass ch'ils affons
arrivan buca enteifer 30 minutas suenter l'instrucziun, vegnan geniturs e menaschi da
scola informai.
Ei il temps tenor contract a fin, vegnan ils affons tarmess a casa entras la
persuna responsabla. Giavischan ils geniturs da vegnir sez per lur affons, ein els
obligai dad informar la canorta a scret.
5. Reclamaziuns e giavischs
L'instanza da reclamaziun sco era la persuna da conact per tuttas damondas e tuts
giavischs ei il tgamun dalla canorta.
6. Ulteriuras informaziuns
Il concept da menaschi ei part dil contract da tgira denter geniturs e la canorta
LUMPAZI. Puncts che vegnan buca reglai enteifer quei concept, vegnan reglai el
concept da menaschi dalla canorta LUMPAZI e valan medemamein per la tgira dils
affons pli gronds (LUMPAZI MIDI).