Lyrics Vögu zum Geburtstag

Transcription

Lyrics Vögu zum Geburtstag

1. Maschine louft
Intro:
Mach d Ouge zue, i nimm di a d Hang,
fahre mit dir a dr Küschte entlang.
Siubrschtreife, Sunneschtrahle
bräche dür d Wuuche, begrüesse dr Tag.
Früsche Wind schtriicht mr dür d Haar,
blinzle i ds Liecht und i gniesse di Fahrt.
I nime e Zug, atme dä Duft:
Freiheit, Witi, u Sauz i dr Luft.
Möve kreise, schtäche i d See,
Rüefe üs zue, wesi lache u schreie.
Wünsche üs Glück, winke nomau,
vrschwinde ir Gischt, i de Wäue, im Blau.
Bridge Guillermo Sorya:
I made it too far u can not stopp me now.
1. Take:
I ga tschu tschu tschu, wine I – Isebahn.
Lug lug lug, Wini i – inefahr.
Gsesch wini rou, wini move, wini fahre?
Ghörsch wini rouch, wini schnuf, wini atme?
Ghörsch wenni sing, wenn i summ, wenni ruusche?
Ghörsch wenni zisch, wenn i hup, wenni hueschte?
Ghörsch mi vo witem, Ghörsch wini schtampfe,
Gsesch wini drück, wini schtoss, wini dampfe.
Gsesch wini renn, wini schpring, wini jufle
Gsesch wini Chole i dä Ofe ineschufle.
Ruess i mim Gsicht, Dräck a de Händ,
Ross i mim Gschpann, läck simer schnäu!
Härzlech wiukomme, Schön bisch drbi,
schön hesch drs zoge, schön losisch dri,
schön bisch igschtige, schön hesch drs gleischtet,
one way ticket für Seele und Geischt.
Chorus:
U di Maschine louft u louft u louft u louft
Wine Lawine rout u rout u rout u rout
Lug wi si louft, lug wi si läuft!
2. Take:
I move di Crowd und i rocke di Bühni,
vom Chessu ids Wasi, vor Haue zur Mühli.
Vo Bärn bis Berlin, Joburg, Züri
Geng ungerwäx i däm Showbizz-Zügli.
Maschine louft wines schwizer Uhrwärch,
Zahnradbahn, es geit itze ufwärts.
Louft u louft wi dr Ussain Bolt,
wi dr Forest Gump amne Marathon.
D Maschine louft, we dr Chef im Huus isch.
Louft u louft, des isch Steff 3000.
Louf wi Loufmasche, louf wi Loufwärch.
Low wi Low Budget, Slow wi Slow down.
Go wi Go-Gadget, No wi No Doubt.
Tou wi toupatschig, tod wi todärnscht.
motiviere mi, bi locker bim schribe,
locco wi niemer, Lokomotive.
Chorus:
Lug wi si louft, lug wi si louft
Bridge Guillermo Sorya:
I made it too far u can not stop me now.
I know I belong to the stars in the sky.
(2x)
Outro:
U mir gö deep, säge Let’s go – Let’s go!
Wi in Paris i dr Metro – Metro.
U mir gö wiit, wi di Transsibirischi,
Transchpiriere chli, transportiere Hits.
U mir gö schnäu wi Magnetschwäbebahn
mit Überschau, Jet näbedran.
Vrbinde die Wäute wi Interrail.
Dini Fründe u Finde di findes geil
(2x)
Lyrics: S. Peter, G. Sorya / Music: M. Bochicchio, D.
Jud, F. Reichle
Copyright: Bakara Music
Publishing Rights: Bakara Music Publishing
2. Meitschi vom Breitsch
1.Take:
Si isch des Chick vo dr Herzogstrass.
Gebore worde uf dr schöne Site:
Schpituacher, Viktoria,
Kursau, Beausite, schöni Ussicht.
Scho aus Toy, scho aus Hoseschiisser
het si wöue, wi di Grosse si.
Het au ihri Fanposter vrrisse,
het dänkt, i bi o ne Boss im Bizz.
Si isch ganz agfrässe gsi,
gflasht vo dene Bäss u Beats.
Si isch so vrsässe gsi,
het sech afah mässe mit
Jungs u Type - face to face.
Represente Breiterain!
Beatboxbattles, Open Mic
Rüümli-Sessions, Rapkonzärt.
Geng ungerwäx am Wuchenänd.
Geng Hunger wägem Wettbewärb.
Lang Ungerhung u hert im näh.
Itz ungerhauti jede z Bärn.
Chorus:
Ds Meitschi vom Breitsch, si isch ds Meitschi.
Meitschi vom Breitsch.
Si isch ds Meitschi vom Breitsch,
(2x)
2. Take:
Mängisch chunnt si grob und aube wird si lutt,
wöu si hout sech was si wott u si nimmt sech, was si
brucht.
Ja si macht, was si wott, so wi ds Wätter im Apriu.
Hesch ke Chance me se zstoppe, chasch nid bräche ihre
Wiue.
Nei, des Chick chasch nid handle. Gib dr nid Müeh,
wirsch nur Zyt vrschwände
Si isch, wi si isch, chasch nüt dranne ändre: Egge u
Kante u scharfi Ränder.
U si git Gas, gonna Kick-Ass, gonna get you, gonna get
that shit!
Gotta gotta go! Gotta gotta go girl! Go girl dini Zyt isch
itz!
Si geit hei, wesere vrleidet. Si geit straight, we si sech
entscheidet
Seit si nei, chame se nid leite. Geit si ellei, chame se
nid date.
Chorus:
Ds Meitschi vom Breitsch, si isch ds Meitschi.
Si isch ds Meitschi vom Breitsch,
(4x)
3.Take:
Wine Mond i dim Orbit, und si kreist um di Planet.
Zieht di a u schtosst di ab, aus wär si e Magnet.
Sie kam, sah und siegte mit dr Charme-Offensive.
Het no paar Bars zum schribe. Si isch da und wird
blibe.
U si blibt u si blibt, sowi ds Haue nachem Kick,
wine Glungge nachem Gwitter,wines Pardon nachem
Schtriit.
Und si blibt und si blibt, wine Narbe nachem Schnitt,
wine Kater nachem fiire, wi di Schpure nachem Schritt.
Und si blibt und si blibt, wine Rotwyfläcke
uf dim Wohnzimmerteppich. Si isch so hartnäckig.
Chorus final:
Ds Meitschi vom Breitsch, si isch ds Meitschi vom
Breitsch.
So oder so du chunnsch nid are vrbi.
Si isch ds Meitschi vom Breitsch, si isch ds
Chasch se liebe, chasch se hasse, aber nüme
ignoriere.
Ds Meitschi vom Breitsch, si isch ds Meitschi vom
Breitsch.
So oder so, lug egau was no passiert.
Si isch ds Meitschi vom Breitsch, si isch ds
Meitschi
U si het ihri Roots, ihri Gschicht i däm Quartier.
Outro:
O we si züglet und o wesi geit,
des Modi blibt immer es Meitschi vom Breitsch.
O wesi tot isch u d Wäut ungergeit,
des Modi blibt immer es Meitschi vom Breitsch.
(2x)
Lyrics: S. Peter, D. Jud / Music: D. Jud, S .Peter, F.
Reichle
3. Bye Bye
Chorus:
Bye Bye, i packe mini Sache und i gah.
Bye Bye, i mach mi ufe Wäg, i muess wäg.
Bye Bye, i säge dir no tschüss
chume zrügg, wenn dr Winter vrbii isch.
1. Take:
Sorry zäme, aber schiebe itz.
I muess wäg, es isch z’chaut ir Schwyz.
Ha ke Bock hie däm Winter z’trotze.
I bi eh nid uf Wintersport!
I bi meh so uf Strand, Bikini,
Sunnenungergang u Bierli.
Fiiret dir nume Après-Ski!
I muess eh no ga packe, Shit!
U mir flüge zäme abe uf des Afrika.
Schtige ine Zug muess die Schtadt vrlah.
Immer widr furt, dass i tanke cha.
Blibe geng im Fluss wi Gedankegang.
Gibe mi nid z’fride mitem Schpatz ir Hang.
I wott Tube, i wott Cats, i wott Ratte fah.
24/7 u des ds ganze Jahr.
Nime nech grad mit wi uf Klassefahrt.
Reise und irr bis a ds Ändi vom Nüt.
Weiss aube nid, was mi länkt oder schtüürt,
zieht, füehrt, tribt oder pusht.
Weiss mängisch nid, was i sueche dert uss.
Weiss aube nid was i würklech vrfouge.
Reise wi Schwaube i Süde wes chaut wird.
Reise zum wäg si, reise zum zrüggcho,
reise um d Perschpektive mau z knicke.
Chorus:
Bye Bye, i säge dir no tschüss .
Chume zrügg, wenn dr Winter vrbii isch.
2. Take:
Sorry zäme i muess witr gah.
I cha nid blibe, cha nid blibe schtah.
I bi widr am pickle, wirde nie satt.
I ha mi witrentwicklet, witr im Takt.
Lüt disse mi, vrrisse sech ds Mu.
Bi nid emau pissed, i bi nid so erschtuunt.
I ha mi exponiert und i nimes in Chouf.
D Ärde dräiht witr u d Maschine louft.
U macht si mau Pouse, dänki gärn zrügg
a au di Lüt, wo mi Wäg hei krüzt,
wo mit mir si ghanget, mit mir si gange,
mit mir uf dere Bühni si gschtange.
I freue mi geng di widr mau zgseh,
zghöre wis dir u dire Fam so geit.
Danke für aus i ha Liebi für euch.
Schetze nech würk, aber bruche o neus.
Und i meine nid Hype, i meine nid Fame,
meine nid Gäud und i meine nid Game,
meine nid Lüt, wo itz plötzlech nätt si,
Komplimänt gäbe, Reschpäkt u Gschänkli.
Wott nume frei si, wott nume läbe.
Wott immer widr neue Seele begägne.
Schlüpf us mim Kokon, schpreize di Flügu.
Schtreife di Hut ab, nimms mr nid übu.
Chorus:
Bye Bye, i säge dir no tschüss
chume zrügg, wenn di Show hie vrbii isch.
Bridge:
Witr und witr und witrcho.
Es muess witr und witr und witr gah.
I wott witr und witr und witr cho.
Immer witr und witr und witr gah.
Lyrics: Nongoma Ndlovu, S. Peter / Music: D. Jud, F.
Reichle
4. Ha ke Ahnig
Prechorus:
Savez-vous comment? – Was?
Savez-vous? – Frag mi nid!
Chrous:
Ha ke Ahnig
Ha ke Ahnig
Ha ke Ahnig
Ha ke Ahnig
–
–
–
–
Ha ke Ahnig –
Chume, chume nid drus.
Ha ke Ahnig –
Chume, chume nid drus.
1.Take:
Frag mi nid, wöu wenni mau loslege,
wirdi di voutexte, chasch dir nid vorschteue.
Liire dir d Bire vou, fiire di Egoshow.
Zieh dir di irri Frou, füehrt ihre Monolog.
Ha tuusig These u 99 Idee,
aber keni vo dene löst irgend es Problem.
Frag mi nid. Je comprends pas!
Bi o nume Tourist i däm Bordell, quoi!
Bi o nur e Tubu, wo chli nonsense lallt.
I ha o ke Plan, lug i tue nur so.
Würke souverän, wöu des ghört zu dr Show.
Bi scho intressiert u informiert,
aber bi nid so vom Fach, ha des nid schtudiert.
Und üsi Sicht, di isch eh so beschränkt.
Wär cha scho richte, was wahr isch u rächt?
Chorus:
Ha ke Ahnig
Ha ke Ahnig
Ha ke Ahnig
Ha ke Ahnig
(2X)
–
–
–
–
Ha ke Ahnig –
Chume chume nid drus
Ha ke Ahnig –
2. Take:
U si frage geng ds gliche hei schlächt recherchiert.
Lug i mire Bio wime Cheffe buchschtabiert!
U i vrzeue geng ds Gliiche bis langsam leid
u si plapperes nang nache sowi Papageie.
U i vrzeue no viu, we dr Tag läng isch.
Vrzeue nid immer, was agnähm isch.
I cha säge, was i wott, si presses glich so,
dass es Schlagzile macht u sechs besser vrchouft.
Si wei immer no wüsse, wi das sig aus Frou
i däm männerdominierte Hip Hop Zoo.
Cha min i beschwäre über fählende Erfoug,
abr i würd liebr rede über ds Läbe u dr Tod,
über Musig u Vögu u läse u choche,
Löffeli vrbiege, Vrschwöhrigstheorie.
Schteue mi dumm und I schaute uf Durchzug
Säge, säge nüt, säge: „Chume, chume nid drus“
Prechorus:
Savez-vous? – Frag mi nid!
Chorus:
Ha ke Ahnig
Ha ke Ahnig
Ha ke Ahnig
Ha ke Ahnig
(2X)
Bridge:
Frag mi nid
Frag mi nid
Frag mi nid
Frag mi nid
–
–
–
–
Chorus:
Ha ke Ahnig
Ha ke Ahnig
Ha ke Ahnig
Ha ke Ahnig
(2X)
–
–
–
–
Ha ke Ahnig –
Ha ke Ahnig –
Frag
Frag
Frag
Frag
–
–
–
–
mi
mi
mi
mi
nid
niiiid
nid
niiiid
Ha ke Ahnig –
Ha ke Ahnig –
Lyrics: S. Peter, D. Jud / Music: D. Jud, F. Reichle
5. Schäri, Schtei, Papier
1.Take:
Träne über d Backe Tropfe ufe Schtei.
Vorhär Hand in Hand, hüt gani ellei.
Länge Blick i d Seele, fasch so tief wie nie.
Gseh scho üsi Sehnsucht, gschpüri glich des Zieh.
Letschte Kuss am Egge. Abschied nä faut schwär.
Roti, gäubi Bletter lige ufem Wäg.
Erschte Kuss im Summer schon es Wiili här.
D Biuder si vrschwumme. Frag mi, was chunnt när?
Graui Näbuschwade hange über üs.
Luege über d Matte, d Aare, d Brügge, d Hüser.
Gsesch di zwöi am Fänschtr? Villech glich wi mir.
Luege zu üs übere u frage sech grad ds Gliche.
U frage sech wos häre füehrt, öbs zämepasst, wis wär
wenns nüm.
Ischs wahri Liebi, wahri Gfüeuh? häbts für immer,
ändets hüt?
O wes üs nid gfaut. Es isch so wis isch.
Gseh wi d Würfu faue, d Charte ufem Tisch.
Chorus:
Chum mir schpile zäme
Schäri Schtei Papier.
Chum chli zu mir häre.
Schwär vrliebt i di.
Immer chli am chäre.
Zu mir oder zu dir?
2.Take:
Schone Wuche schpeter simer widr zäme.
Schpile no ne Rundi UNO und Backgammon.
Wüsse wi di Games loufe. Geng di glichi ThemeSchloufe.
Mir chöi schono viu rede, schtrite über Schpiuregle.
Härz isch Trumpf, da simer üs scho einig,
aber d Frag blibt glich, wi wit mr das no teile.
Mir hei e Verbindig, wines Band zwüsche üs,
aber heis gloub überspannt, Seilizieh bis d Schtricke
riisse.
Weiss, dass es normau isch, weme Schtrit het u kracht.
Weiss, es isch ir Ornig und o Ischtelligsach.
Mir hei öpis ufbout. Söui das itz ufgäh?!
Söui itze usbräche?! Darf i das äch usschpräche?!
Bini blind u gsehs nur nid? Bini Chind u fürchti mi?
Bini feig und flüchti mi? Drücki mi vorem Schpiegubiud?
Blibe geduudig, aus würdi uf dr Luur lige:
Tee trinke, abwarte, luege wi sechs entwicklet.
Chorus:
Chum chli zu mir häre.
Schwär vrliebt i di.
Immer chli am chäre.
Zu mir oder zu dir?
Outro:
Schnidt wine Schäri.
Schwär wine Schtei.
Bringes uf Papier:
Liebe di so sehr.
Lyrics: S. Peter / Music: D. Jud, F. Reichle
6. Tiefer gah feat. Baze
1. Take Steff:
I wott wüsse was d Wäut zämehebt.
I wott wüsse was gäbs da no meh.
Uf dr Suechi nach Intensität.
I bi süchtig nach Intensität.
Es si dunkli Zyte, i sueche ds Liecht,
i finge dr Schauter nid.
Schtoupere witr, Schtoub i de Ouge,
vrwirrt vo däm Schatteschpiu.
I wott wüsse was tief i mir steckt
u du weisch rede nid vomne Dick.
Rede vo Visione. Rede vo Dämone.
Rede vo vrschüttete Tröim u vrlorne
Erinnerige a millione Äone vo Läbe,
woni villech scho bi hie gsi,
villech scho ha gschtritte, villech scho ha gliebt,
villech scho ha glitte, villech scho ha dient.
Chorus:
I hole Cherze u zünd se a.
Hüt Nacht gahni abe, i wott tiefer gah.
Tief i dä Schtoue, ine i di Mine,
abe i dä Hades, i di Pyramide.
Bis zum Magma Chärn,
bis zum Lava Härz,
i das schwarze Zäntrum
schtossi vor
und i lande im Lääre.
Ds Läbe paradox,
cha me nid erkläre.
2. Take Steff:
I schürfe ke Guud, i schürfe mi uf.
I schtürchle u schtürze u schtütze mi uf.
Bi ke Golddigger, Baby. I ha angers im Sinn.
Grabe mr e Gang dür Gedankelabyrinth.
Wott zu däm Ort, wo di grosse Frage wohne.
Wott zu däm Ort, wo d Antworte si.
Winde mi witr, wirfe mi dri,
u wirde nid gschidr drbi.
Di mönschlächi Psyche isch abgrundtief.
Mir füue se mit Schnaps u Bier.
U mir chöi dr Schtöpsu nid zieh.
Mir hei Angscht, vor däm, womer si.
Es isch leidr wahr, mir si geil uf Drama,
länge immr widr uf di heissi Platte.
Erfahre, erläbe,
Freude u Fähler, bis widr eis grännet.
Chorus:
bis zum Lava Härz,
schtossi vor
Ds Läbe paradox,
3. Take Baze:
Was erwartisch zfinde, wed no tiefer geisch,
usser es ändloses Wiiss, wo i ke Richtig zeigt?
Di no viu meh vrwirrt,di ratlos zrügglaht,
nume di u di Fium i dire raschtlose Psyche.
Zahnrad griifft ihnes Zahnrad.
E riise Maschine, wo niene ändet, niene afaht.
Mir hei es Monschter erschaffe,
es Monschter mit viu zgrossem Mage.
Zermalmet Gedanke. Dä muess gfüetteret wärde.
Für üs blibe d Räschte, wo zwüsche de Zähn chläbe.
Schtochere drin bis es blüetet, zerfuule,
wei sech nid zersetze u du bringsch se nid use, nid use.
Hartnäckigi Wixer.
Mit dr Zyt wird’s immer schwiriger aschtändig zblibe.
Auso sägi Stopp. Da grabi gar nid gross,
blib Asylant i mim Chopf. Was los?!
Chorus:
bis zum Lava Härz,
schtossi vor
Ds Läbe paradox,
(2x)
Lyrics: B. Anliker, S. Peter / Music: Pascal „Webba“
Weber
7. Make a move
1. Take:
Gump wine Gecko.
Rou wine Hund.
Pump des im Ghetto
oder im Club.
Schpring wine Angschthaas.
Schlich wine Fuchs.
Schtouz wine Adler,
schwing mi i d Luft.
Schwarz wine Panter
schtriche dür d Hood.
Schtarch wine Panzer
schiesse i d Luft.
Float like a butterfly Sting like a bee.
Flowe so fäderliecht.
Triffe präzis.
U si blibe geng schtah,
wärde rot bim tanze.
Si blibe geng schtah,
wi bi rot ar Ample,
wi i voue Tram,
Warteschlange,
Passkontroue,
Schtrasse-Schtou.
Bewege sech nid,
so wi paralysiert
u luege geng ume,
wi paranoid.
Bewege sech nid,
wi usgschtopfti Tier.
Chöi dr Stock ersch zieh,
we si chotze vom Bier.
Prechorus:
My Moves – My My – My Moves
Chorus:
La la la la la la la
Make a move better make a move.
Shike shike shake and then make a move.
Make a move better make a move.
(2x)
2. Take:
Lu dä Sound isch sick
u di Schprach isch hektisch.
B-Boy Dupstep,
Styles eklektisch.
Gib no eine druf.
I ha Breaking News:
Make a move,
Better make a move!
Wipp mitem Fuess u
nick mitem Chopf,
schnipp mit de Finger,
zuck mit de Ouge!
Schwing dini Hüfte,
zieh dini Kreise,
bieg di wi Bender,
bieg dini Bei!
Eis, zwöi, drü Eurhytmie.
Tanz mau di Name
für di Meute hie!
Exponier di doch,
shake im Bienischtock,
break wi Giele ir Bronx,
zeig mir wi du rocksch!
Wi di trousch, wi du rousch,
wi du abgeisch,
wi du flowsch, wi du touchsch,
wi du abdräisch,
wi de schteisch, wi de gheisch,
wi de schtürzisch.
Säg wi schteil, u wi geil
geisch de würklech?
Prechorus:
Chorus:
La la la la la la la
Make a move better make a move
Shike shike shake and then make a move
Make a move better make a move
(2x)
Bridge:
U i gseh genau du wettsch das o.
Aso wehr di nid beweg di doch.
Und i rüefe dür das Megafon:
„Chum mir schtürze bis üs d Rega hout.“
Outro:
B-Boy schtaht i mim B-Boy Stand
Lyrics: Nandi Ndloveu, S. Peter, D. Jud / Music: M.
Jeger, D. Jud, Nongoma Ndlovu, F. Reichle
8. Baggere
1. Take:
Är so Heimwärkerkönig mit dr Heissluftpischtole.
Seit är heig scho Erfahrig im meissle u bohre.
U für di herte Fäu, wo schwär sige z’knacke,
heiger es Brächise i sim Wärchzügchaschte.
Är heigi ghört, är söu es Rohr cho vrlege.
Des fänd är schön u chäm ihm so schono gläge.
Des sig ke Sach, är chönn das locker regle.
Wenns nöime tropft, müess mes trochelege.
Dä Fau sig klar, das brüch e schtarchi Zange.
Des sig zwar rar, doch heig är lang druf planget.
Är wöu mir zeige wo si Hammer hanget,
sini schtrammi Schtange, sini Partyschlange.
U si Bumsebrönner i sim Bouwage
u ne Bouplan für chli Soukram.
I so: Slow down, Aute! U hüet dini Zunge.
Dini Masche isch plump u dini Mission misslunge.
Prechorus:
I sig no scharf, i gseh di grad sabere.
Du sigsch in Fahrt i söu di mau grabe la.
S macht mi nid a, dis Bla Bla Bla Glaber da.
Chasch mi nid A Ba Ba Ba Ba Baggara!
Chorus:
Ba- Ba- Baggere - Ba- Ba- Baggere
Herter, herter! Ba- Ba- Baggere
Tiefer, tiefer! Ba- Ba- Baggere
(2x)
2. Take:
Abba Abaggara - Abra Kadabra – Hä?
Wo isch di Zouberschtab? Schpiu mau des Tabla da.
I bruch e Ma, i bruch e Magier.
De chasch mi ha, darfsch mi vrsage.
I bruch e Typ, wo sini Flöte cha schpile,
e Virtuos, wo o bim löte cha zile.
Und es geit villech o nes bitz um d Grössi vom ...
Doch im Grund gno geits um d Tön, wo de triffsch.
I möcht e Mindfreak mit Seele-Finesse.
I tröim vo Mind Sex mit Telekinese
mitme hübsche, nätte, vrrückte Profässer
für übernatürlech-beglückendi Chräft.
U bisch du mi Whodini, bini gärn dini Genie,
blibi gärn no chli bi dir, hou dr d Schtärne vom Himmu.
Aber Chasch mi nume nagle, wed e Fakir bisch
Aso Do it yourself, wed dis Handwärch liebsch.
Prechorus:
I sig no scharf, i gseh di grad sabere.
Du sigsch in Fahrt i söu di mau grabe la.
S macht mi nid a, dis Bla Bla Bla Glaber da.
Chasch mi nid A Ba Ba Ba Ba Baggara!
Chorus:
(2x)
Bridge:
Ine use, ufe abe, unge düre, hinge füre, obenabe,
ungenufe,
Ba Ba Baggere.
Schaffe schaffe, Muesch apacke, Muschle knacke,
Muskumasse, Muskukater, Mus u Chatze,
Ba Ba Baggere.
Chorus:
(2x)
Lyrics: S. Peter / Music: M. Bochicchio, D. Jud, F.
Reichle
9. Fly Away feat. Mapumba
1.Take:
Same shit, different day.
Bitches pisse dir a ds Bei.
Zicke si am zwitschere
u Wixer hei o geng e Meinig.
Aber easy, des isch Autag.
Mir si doch au irgendwie ire Zwangslag.
I ha früecher zviu a mi häreglah.
I ha aube zGfüuh gha schtah näbedran.
Und i gibe zue i ha Glück gha,
zfride mit mim Schicksau
u glich wett i mängisch flüchte.
Chüble vrschutet, i ha Chüssi vrhackt.
I ha so lang usegschroue, bis i müed bi zämegsackt.
I ha jede Abe grännet, wöu i d Wäut nid ha vrschtange.
I ha Mönsche afah hasse. Mittlerwile bini glassner.
Mittlerwile hani Mönsche gärn, abr bi no geng en
Einzugänger.
Hänge gärn ellei i mine eigene vier Wäng.
Trädele grüeni Tröim i Bluntpapier
u schtig mitem Rouch i mini Phantasie.
Chorus:
Fly away – fly away – fly away
Chum mir flüge wäg
Flüge wäg vo hie
2. Take
Same shit different day.
Fische imne riise Teich,
zieh im Schtiue ihri Kreise,
Haie biisse dir i Scheiche.
Aber easy, des isch Autag.
Mir si doch au irgendwie ire Zwangslag.
I cha ja nid chlage.
I bi ja gsung, Fuetter im Mage,
Es Bett u ne Tisch, es Zimmer, es Dach,
chli Cash uf dr Bank, d Matura im Sack.
Bi privilegiert, i wirde vrwöhnt.
I gibes ja zue, i ha mi dra gwöhnt.
Bechume no meh u gwinne a Wärt,
wöu di wo scho hei, ja dene wird gäh.
Du bisch am bügle, du bisch im Büro
Du bisch e Büetzer, du bisch e Pyro
u würdsch am liebschte scho lang
dini Bude abfackle.
Wöu di Chef isch e Arsch u di Lohn isch e Witz.
Mit de Ching hesch nur Schtress, mit de Aute nur
Chritz.
Schteisch am Abe ufem Gleis u du wartisch ufe Zug.
E Sekunde überleisch öb itz schtah blibsch odr
gumpsch.
D Glogge lüte i dim Chopf, vo witem ghörsch e
Schtimm,
si schmiegt sech a dis Inneohr u si faht afa singe.
Chorus:
Chum mir flüge wäg
Flüge wäg vo hie
(2x)
Bridge Mapumba:
Into this world we come alone.
The world can be ice, it can be cold.
I want to break out and feel the wind in my face.
High above in the sky.
I want to fly away – fly away – fly away – fly away
Lyrics: M. Cilombo, M. Marafana, S. Peter / Music: D.
Jud, F. Reichle
10. Chrieg i dim Chopf feat. Jeff
1. Take:
I gibes zue, es tuet mir leid, i ha mi früecher gschämt
I ha mi quäut, i ha mi gfragt, was villech d Lüt de
dänke.
Du bisch mir es Rätsu gsi wines Schloss mit sibe Sigle,
Du scho denn Kämpfer gsi, sehr vrschlosse, geng
vrschwige.
Glich hani glehrt Geduud z’ha, u glich hanis akzeptiert.
Glich hani di i Schutz gno U glich hani di doch gliebt.
I ha di Schtarchi gschpiut, so wine grossi Schwöschter.
Mir si erwachse worde und itz isch bisch du dr Gröscht.
Prechorus:
Chrieg i dim Chopf
u Schlachte i dim Zimmer.
Du regiersch i dim Troum
ir Nacht bisch du e King.
Es git e Zyt zum kämpfe.
Es git e Zyt zum liebe.
Es git e Grund wrum mir läbe
U mir aui hie si.
Chorus Jeff:
Di Wäut ghört nume mir und si ghört mi ou.
Mini Zyt isch do, da i mir Zyt ha gno.
Und kei Horizont begränzt mi Wäg.
Bi ändlos, bi zytlos und läbe miner Täg.
2. Take:
Blaskappäue, Marching Band, Pathos wi dr Michael
Jackson,
Epochau wi dr Emmerich, Drama, Leid u
Heudegschichte.
Du liebsch so Züg, du ziehsch drs ine bis am Morge
früeh.
Du hesch so Schüüb, du liidisch mit, du fiirsch di grosse
Gfüuh.
Und i gseh, wis di fasch vrjagt
Und i gseh, wis di fasch vrriisst
U i gseh wis di aube packt
U i gseh wi du di vrbiissisch.
Schlahsch dr ufe Bruschtchaschte, seisch du sigsch e
schtarche Mah
Mir söue üs ke Sorge mache, du chämsch scho elleini
klar.
Prechorus:
Chrieg i dim Chopf
u Schlachte i dim Zimmer
ir Nacht bisch du e King
Es git e Zyt zum kämpfe
Es git e Zyt zum liebe
U mir aui hie si.
Chorus Jeff:
3. Take:
Hüt bini schtouz uf üs, schtouz uf mi, schtouz uf di.
Mir heis gschafft, ja o mir hei üs Erfoug vrdient.
Du hesch mr glehrt, dass es gliich isch, was di angre
dänke.
La se luege, la se lache, la se au la läschtre.
Du hesch mr zeigt, dass es äbe o mau Krise git,
ds Läbe nid geng easy, s aber wägedäm ke miesi Bitch
isch.
Du hesch mr glehrt wime kämpft, wime zu däm
schteiht,
wär me isch, was me liebt u das o verteidigt.
Prechorus:
Chrieg i dim Chopf
u Schlachte i dim Zimmer
ir Nacht bisch du e King
Es git e Zyt zum kämpfe
Es git e Zyt zum liebe
U mir aui hie si.
Chorus Jeff:
Lyrics: D. Chansorn, S. Peter / Music: D. Jud, M. Jeger
11. Grächtigkeitsgass feat. Lo & Leduc
Chorus:
Wöu mir das Läbe liebe, wei mir das Läbe fiire.
U mir singe „Eeeeeeeeee“.
1. Take Lo:
Lug i weiss, d Lohnschäri geit langsam uf,
so aus wär des Land hie e Baschtukurs.
Und i weiss, üsi nächtlechi Partytour
Passt nid i di politischi Partitur.
U dir dänket des gäng hie nid anenang vrbi.
Säget mir nid des wär nid machbar,
wöu di Cash, dä zieht ke Gränze.
Z Bärn bisch du immer no mi Nachbar.
U gliich ke Erbarme,
de gits z Bärn scho gli ke Bar meh.
Doch mit jedem Club, wo hie vrarmet,
si i dr Nacht uf de Gasse es paar meh.
Pardon Herr Presidänt! Wär nid ineglah wird, muess
usegah.
De trinkeni mis Bier haut de vor dim Huusiigang.
Excusez-moi!
Prechorus Luc:
U dört singi so – so lut wini cha
dür di ganzi Grächtigkeitsgass.
D Liechter gö überau a.
Chorus:
U mir singe „Eeeeeeeeee“
2. Take Steff:
Mir si nid ufem Bauebärg,
aber bau si in Bärn aui Haue läär.
Und es hauet, we mir dür di Gasse schländre,
ghöre vo witem dr Schtadtbach plätschre.
Hei scho Vrständnis für die Arrivierte
u glich weimr hie ir Houptschtadt o nes Partyviertu.
Aso machet üs nid schiissig, sowi Amöberuehr.
Mir vrteidige u mir biisse, sowi e Löiemuetter.
Bitte höret uf mit Alibiüebige, wöu au di Bemühige
nur Öu si für des Füür, solang si nid zure Lösig füehre.
Prechorus Luc:
U drum loufi so
langsam wini cha
dür di ganzi erschti Klass.
D Täsche schlaht überau a.
Chorus:
(2x)
3. Take Luc:
U we me meh Macht het, ischs säute, wöu me meh
gmacht het.
Dir chöit nid aus ächte nach de achte. Heit des nid
pachtet.
Wenn es Telefon längt fürnes Änd vore Fete, wo jede in
Bärn umehängt,
heit dir nächher nid weniger Lärm. Kenne kene, wo när
gieng wäge däm.
Wöu Usgang, heisst nid wäge nüt Usgang.
Mir wärde usegah, o we ds letschte Liecht wird usgah.
Wär ir Autschtadt wohnt, dä het mit däm umzgah
u we me das nid cha, de geits drum zgah. C’est comme
ça!
Chrous:
Lyrics: L. Häberli, L. Oggier, S. Peter / Music: D. Jud
12. Zu Intelligänt feat. Greis
Intro Guillermo Sorya:
Irgendwänn göhn dr d Äuge uf.
Mir läbed alli imne Irrehuus.
Du chasch nöd flüchte nöd entrinne
vor de Verrückte und de Spinner.
Irgendwänn (Irgendwänn) göhn dr d Äuge uf.
Mir läbed all (läbed all) imne Irrehuus.
Schregi Vögel, e ganzi Vogelschar.
Und das hie isch e Gschicht vo zwäine Exemplar:
Greis Pickup:
Vrdammti Ignorante
Dir bringet mi no au ume Vrschtand!
Aui di Jahr woni ha krampfet.
U das isch itze dr Dank?!
1. Take Steff:
Nei, nid widr dä Dude vom 20i,
wo seit i söu füre Hunger schpände.
Stockbetrunke, schteit er im Gang
u sprayt mitem Deo es Härzli a d Wand.
Är heig Liebi für Jede, öb i ohno chli bruch?
Da chunnt ume Egge e Pfleger mitme Schluuch.
Är so „Chum nume bringet di Wasserwärfer!“
„Nume ruhig, chume grad vom Gartezäntr“
Är rennt i si Ruum hout ds Laserschwärt,
Sunnebrüue, Darth Vader Swag.
Gumpet überne Chleiderbärg,
dummerwiis isch Frou Meier im wäg.
„Schwöschter Gertrud, Gopfertelli,
gäbet däm Mä sofort sini Medis!
Dä Typ het e Meise, isch voubehämmert!
Wi söu bi däm Mais hie mis Wärch vouände?!“
Prechorus:
Dir säget mr, dass i spinne?!
Dir säget i ticke nid richtig?!
Dir heit ke blasse Schimmer!
di Sach isch no viu verstrickter!
Chorus:
Zu intelligänt – I bi eifach zu intelligänt.
Des isch so nid mini Wäut, drum bini wouh ir
Gummizäue.
2. Take Greis:
Ou, nid widr di Frou vom zwöi!
„Grüessech, geit guet, ha grausam Freud!“
Langsam hani sone Haus!
Ah mann, i wohne bau scho näb eire, wo aus aschpöit.
Lug se a, wi si schländeret,
am Herr Sägesser ihri neue Plän vrzeut.
Schtouziert dür d Gäng, wine Annabelle
U fürne Räpperin eifach zviu ane het.
Di junge Froue hüt si priiv!
Wüsse nüm, wiene Schürze benütze glii.
Lug se a wi si: Pts, Pfts (Beatbox)
I wott ihre a ds Bürzi griiffe.
Des isch e Frou, wone Maschine bout,
wo när aus niderrout. Des isch hie nid erloubt!
Wi söui bi däm Lärm überau,
chönne wärche a d Plän für di Wäutübernahm?!
Prechorus:
Dir säget mr, dass i spinne?!
Dir säget i ticke nid richtig?!
Dir heit ke blasse Schimmer!
di Sach isch no viu verstrickter!
Chorus:
Des isch so nid mini Wäut, drum bini wouh ir
Gummizäue.
Lyrics: D. Jud, G. Vuilleumier, S. Peter / Music: D. Jud
13. Vögu zum Geburtstag feat. Dodo
1. Take Steff:
So Cool, i ha ne Vogu becho,
e Dodo zum Geburi mit Schleife ume Chopf.
Hey! Des isch doch e super Party hie,
Wurscht u Gratisbier, ungerhaute mi.
Cool - lug emau di Haifischflosse
u des Tunasteak a dr feine Sosse.
Cool - lug emau di Prawns am Schpiessli:
Antibiotika, Gratisimpfig!
Cool – lug emau das Gentechpopchorn
geit o für mi Biodisu-Motor.
Danke, des wär doch itz wük nid nötig gsi.
Dir vrwöhnet mi, drum empör mi nid.
Prechorus:
Schono cool mir hei Brot u Schpiu.
Schono cool mau im Lotto z gwinne.
Und i cha min i bechlage, des wär ganz schön
fräch,
abr s schlaht mr ufe Mage. Mir wird langsam
schlächt.
Chorus:
Und i rege mi uf, ja i rege mi uf,
säge RRRRRRRRRRRege mi uf.
Ja, i rege mi, rege mi, rege mi uf,
säge RRRRRRRRRRRRege mi uf.
Mir gheit Tili uf de Chopf – Tili Tilli uf de Chopf –
Mir gheit Tili uf de Chopf - I bechume no Vögu!
Tili uf de Chopf – Tili Tilli uf de Chopf
Vögu zum Geburtstag- Vögu zu dr Wiehnacht
2. Take Dodo:
Dodo hie Dodo da – Dodo makussa
Poulet-vous couchez avec moi ce soir?
Würd mi fortpflanze, abr mach des mau,
wänn dr letschti Vogel bisch vo dinere Art.
Nöd cool, si händ mi zum Frässe gern,
so wi viles und drbi vrgässets gern,
es isch nid cool, will ich han äu es Herz
und trotzdem werdet all die Mässer gwetzt.
Will Dodo isch fäin, isch en Dodo mal gfesslet.
Dodo ufem Grill, ja e Delikatesse,
Dodo im Salat und Dodopaschtete,
Dodo jede Tag, sogar Dodo-Bolognaise!
Prechorus:
Nöd so cool wämr alls usrotte.
Nöd so cool wi vrdammti Trottle.
Und i cha mich nöd beherrsche,nei i mache da
Lärm.
Ja, i rege mi uf, will ich mache das gärn.
Chorus:
Und i rege mi uf, ja i rege mi uf,
säge RRRRRRRRRRRege mi uf
Ja, i rege mi, rege mi, rege mi uf
Säge RRRRRRRRRRRRege mi uf
Mir gheit Tili uf de Chopf – Tili Tilli uf de Chopf –
Mir gheit Tili uf de Chopf - I bechume no Vögu
Mir gheit Tili uf de Chopf – Tili Tilli uf de Chopf
Vögu zu dr Wiehnacht - Vögu zum Geburtstag
Lyrics: S. Peter, D. Jud / Music: D. Jud

Lyrics Vögu zum Geburtstag

Transcription

Similar documents

Herbst 2010 - Pfadi Windegg

Textprobe

wIrIng products, Inc.

Unterrichtseinheit bei Scââza

Samichlaus 2012

Otto - Theaterverlag Kaliolabusto