Samichlaus 2012

Liebi
Fründe und Samichlaus Fän
ich bin sicher, ihr händ au dä Schutzli gärn.
Au ich danke ihm, dass er mir treu isch blibe,
so han ich dä ganzi Tag min verdiente Friede.
Dänn er chrampf und schufftet und macht no viel meh
und ich alte Samichlaus gnüsse dänn de Tannenodle Tee.
1
Es groses Debakel i däm Johr hätts geh, säg ich eu ihr Manne
dänn alli Schwizer Beobachter Vögel für eu, die sind vo danne
Sie beobachtet, han ich ghört, lieber jungi Girls und Fraue,
do gits weniger Nachtschicht und mer channe ne meh traue.
und für dä Schoggi Job mer chas jo begrife
tuet halt eine immer tüüfer id Kasse griffe.
Mit eurem Kassier, do lot sichs halt nüd rede,
er tuet sini Kasse mit Hände und Füesse hebe.
Doch en Samichlaus ohni Vögel, isch ganz eilei,
drum han ich dänkt i däm Johr bliib ich dehei.
Bim gmüetliche sitze uf em Ruehebänkli und Tee
han ich plötzlich e sau gueti Idee.
Ich lütte uf Sempach id Vogelwarte a
und säge ich mues es günstigs Angebot ha.
Ich bruche Vögel wo starch sind für die Manne,
so chlini Spatze wot ich keini, die händ immer nu e Panne.
Dank dä Vogelfreizügigkeit und dä Vogelbillaterale,
chönnds mir hunderti Vögel offeriere, ich tuene nöd prahle.
Us em Oste und Weste und usem grosse Kanton,
chan ich uslese, da sind eusi gfiderete grad en Hohn.
Ich bschtelle vierzig und no es paar meh,
dä Ueli wär froh, er chönnti au so frei entscheide, i sinere Armee.
Noch me Briefing, Ortskund und Kurs für spezielli Situatione,
flüügets loos und ich tuen sie dänn scho guet belohne.
Ei wie sind die fliisig und flüged au di ganzi Nacht
die händ mir scho schnell ganz spezielli Brichtli bracht.
Dä us Kroatie, es bsunders Exemplar, dämm isch es glunge,
eu z beobachte, wien ihr am früehne morge in Russike händ gsunge.
Dä mit grosse Spannwiiti, wien en Pilatus Porter, us Griecheland
hät au viel brichtet, aber losed selber, es isch fascht kei Schand.
MTV Chlaus 2012
2
CD
Er isch en Planer vo dä erschtä Schtund
und schriebt sich mängisch fascht dFinger wund.
Was chann ich am Mittwoch zum beschte geh,
mit wellne Üebige tünd dänne Manne d´Muskle weh.
Aber, ich törf sie nöd no d Wänd ufetriebe
mues e gueti Mischig haa, dänn sind alli zfriede.
En Vogel us Dütschland, nöd dä vo dä Kavallerie,
tuet in nach em turne begleite, aber mit dä Freud isch es gli verbii.
Er brichtet mit unglübiger Stimm, «Es ist für mich en Graus,
bei uns geht man nach dem turnen sofort nach Haus
doch die fahren noch aufs Land, direkt zum Heller,
saufen da Bier und flaschenweise Appenzeller!
Dann, nein sowas, was zieht dann der Mann aus der Hose,
das ist doch wohl nicht eine Schnupftabakdose.
und jeder haut sich eine kräftige Ladung rein
und die soll ich begleiten bis sie sind daheim»?
Doch später da lacht er und er ist sehr gut drauf,
wenn er dä CD chüüche und puschte gseh am Griffeseelauf.
***
Drum CD los das Plane doch sii und heb din stolz
dänn die Turner machsch nöd fertig, die sind us bsunderem Holz.
Andreas Oehninger
Dä stolzi Bussard usem schöne Südtirol,
däm isch es eigentlich gar nöd so wohl.
Er hät en Maa, und das isch verdammt,
dä isch fascht keinem meh bekannt.
Au im Turne hät mer ihn scho lang nüme gseh,
au sini Frau hät mir nur es uralts Föteli chönne übergeh.
Er isch so beschäftigt, mehr channs chum verstoh,
chunnt z Obig schpot hei und muess am morge früeh wieder goh.
Drum Anreas Oehniger, nimm dirs z Herze
tues mit dä Gsundheit nöd verschärze.
****
Los Andreas, im zweituusig und drizeh,
wönd mer dich wieder meh i dä Halle gseh.
MTV Chlaus 2012
Willi Koch
Söttigi Manne, die sind immer gsuecht
dänn die sind ganz us bsundrigem Tuech.
I diverse Vereine amtiert er als Präsident,
isch er immer do, wenns e mole brennt.
Er organisiert und planed fascht rund um dUhr,
wo nimmt dä Herr die vieli Ziet her nur.
Noch ere Versammlig, er isch no fescht am studiere
dänkt er, numme schnell hei und alles go notiere.
Er kämpft sich am Bahnhof durch Menschemänge
Dä Vogel us Serbie flügt mit durchs Gedränge.
En Zug fahrt i, er isch ganz in Gedanke versunke
Nei, wo schtiegt dä jetzt i, hät er öppe no trunke?
Er sitzt im Zug und fahrt zfriede durch dNacht,
hät echt mis Fraueli dä Znacht scho gmacht?
Jä aber, uf Illnau bin ich no nie so lang gfahre,
er luegt zum Fenschter us und chrazt sich i dä Haare.
Nei au, das isch doch scho no z´viel
jetz fahrt dä Zug i, im Bahnhof Wädeschwil.
Gäll Willi, mir sind hüt sehr froh, dass du als Präsident
am hütige Obig unter eus bisch präsent.
***
Drum Willi, jetzt flüg ich dir viel lieber noh
well sid dämm Vorfall du mit em Velo tuesch goh.
Andreas Loser
Dä Schtorch us Afrika freut sich mächtig uf dä Maa
won er i Zuekunft genau beobachte chaa.
Dä tuet sich nämmlich scho möchtig engaschiere
und s Läbe nach sinre Pensionierig organiesiere.
Mit Wohnmobil will er quer durch Europa reise
So 2, 3 Johr loht er sis Huus in Wislig verweise.
Los Andreas Loser mir wünsched dir hüt scho viel Glück
und hoffentlich chunnsch puschper und gsund wieder zrück.
*****
Aber Andi mer weisses nöd, weder ich no du
wenn zlang wägblibsch, sind mir villicht scho i dä EU.
MTV Chlaus 2012
3
Hans Knöpfel
Dä Adler us Öestrich, isch nöd z´beniede
er muess uf sine Beobachtige zimlich viel liide.
Er seit zu mir, nimm s´nöschte mohl doch ä Drohne,
dänn dä turner tuet jo gar nöd in Wislig wohne.
Ich muess überal am ne Opel no flüge,
zu jedem Ichaufscenter tuet dä abbüge.
Aber eigentlich isch das doch en liebe Maa,
dass er mit sim Fraueli immer go poschte tuet gah.
Doch i dä Gedanke vo däre liebe Frau,
chann ich lese, «Lieber wärs mir aber au,
wenn min Hans meh go turne uf Wislig täti goh,
dänn hät ich au mol en ruige Obig, es isch halt e so.
****
Drum Hans, jede Mittwoch gits für dich nu ein Wäg
go turne mit dä Alte Garde, dänn bisch immer zwäg.
Herman Jucker
Ach wie sind die Penionierte doch z beniede,
müend am Morge nöd ufschtoh, chönd liegebliebe.
Doch es gits au die andere, dene lots e kei Rueh
wenns nöd chön zum Hus us, öppis goh tue.
En Kranich us Schwede tuet ihn bewache.
Er suecht immer chli Arbet won er no chann mache.
Häsch en Rasemeier wo nüme tuet laufe,
chasch en ihm bringe, musch kein neue chaufe.
Au uf dä Turnfahrt tuet er für d Kasse sorge,
reist durch die ganzi Schwiiz, zum Tagescharte bsorge.
Aber Hermi, säg mir ehrlich, ich han no e Frag:
Son en seich machsch du doch würklich nöd Alltag,
warum verchaufsch du din Subaru mit Allradantrieb
und poschtisch en Audi, wo im Schnee steckebliebt.
****
Los Hermi, wennt wotsch sicher hei choo,
hätsch der lieber en Schneepflueg gnoh.
MTV Chlaus 2012
4
Max Lüscher
Vorusluege und plane, was chunnt dänn als nöchschti
isch halt nöd für jede Maa s gröschti.
Drum verfolgt dä Russischi Griffvogel stolz,
eine wo gern goht in Wald und schaffe is Holz.
Aber so allei, das isch doch recht gföhrlich, tuet dä Maa siniere,
do chann doch au mohl öppis ganz tumms passiere.
Ich han doch zwei Söhn, und denn noch recht chräftigi
die frog ich, öpps morn mit mir im Holz wönd si.
Nei Papi, so churz chasch du eus doch nöd frage
mir sind usbuechet und dass scho sit 14 Tage.
Doch dä liebi Max tuets halt immer vergässe,
dass er sini Söhn früener fraget, i sim eigne Interresse.
*****
Drum Max, wenn du dim Hobby, s Modellflügerle wotsch fröhne
so tue doch s Holze früehzitig plane mit dine Söhne.
Erhard Diener
Au er isch en Maa, wo niene darf fähle,
er tuet zwor sini Aemtli immer guet uswähle.
Öb i dä Führwehr oder als Behörde Mitglied,
er isch immer präsent, au i sim Betrieb.
Dä Grüenspecht us Finnland tuet ganz uf dich schwöre.
Tuesch immer chrampfe, au wennt scho lang chöntisch höre.
Au wenn du bim choche fascht nümme chasch schtoh,
machsch mit, jommerisch nöd und laufsch nöd dervoh.
Aber am Specht tüend d´Flügel nume bim hiluege scho weh,
wenn er dä Erhart chrum und hinkend tuet laufe gseh.
***
Drum Erhard, melde dich a zum operiere
ich tuen dir au im Spital s´Bier organisiere.
MTV Chlaus 2012
5
6
Werner Burri
En Auerhahn flügt gmüetlich übers herbschtlichi Wislig.
Betrachte die schöne Gärte und die grüeni Wisli.
Doch uf einmol es verschloht ihm fascht dä Schnuuf,
riesst öpper d Balkontüre, mit grossem Schwung uuf.
«Chüüche» und «hueschte» ghörsch, es rennet use es paar Chind
alli mit me ganz schwarz verruesete Grind.
Hinde no d Muetter au sie kämpft mit em Schnuuf
und rüeft huestend zrugg, «mach doch entlich dä Abzug uuf».
Es tuet mich dänn scho no richtig intressiere,
wär i däm neue Hüsli da tuet logiere.
Ich flüge zum Briefchaschte, nei das isch kein Witz
do schtoht, Werner Burri, Heizigsspezialist
***
Los Werni, tue doch bi dä Elco es Versuechslabor irichte
So tuesch dänn nöd no die ganzi Familie vernichte.
Peter Keller
Er isch im Bruef a dö vorderscht Front
und tuet entscheide, richtig und prombt.
Er weiss genau i jeder Situation wie d Manne sich müend verhalte,
so chann er i sim Amt mit gutem Gwüsse schalte und walte.
Ein vo eusne Beobachtervögel, isch e chli verwirrt.
Hann ich richtig ghört oder mich öppe girrt?
Dänn usem Huus ghört er die entscheigsfruedigi Stimm,
«passt die Gravatte oder findest ihr s schlimm»
welles Hemp passt zu däne Hose,
chümed liebi Töchtere tüent jetzt zu lose
«und das Liebli oder Hemd söll ichs dinne oder dusse trage»
ghörsch er de Peter Cheller verzwieflet sini Töchtere frage.
***
Jo Peter, e gueti Frog vom Chlaus ganz e lei
Gits für Privatkleider keini Vorschrifte vo dä Polizei.
MTV Chlaus 2012
Peter Sommer
En ruhig bsunne Maa isch under eus.
Dä sorgt für kei ufregig, bi eus Chläus.
Au d‘Chraie us em Frankrichland
brichtet eus nöd so allerhand.
Aber ich muess säge, doch dä machts recht guet,
wien er gmütlich im Gmüesgarte schaffe tuet.
Au goht er viel und au mit andere,
fascht jedi Woche emol go Wandere.
Mer gseht ihn oft au im fine Sand.
nei nöd am Meer, oder am Sonne Strand.
Seeleruhig schüsst er sini Chugle, mol churz mol lang,
gäll Peter Sommer, däm seit mer doch Petang.
****
Dä Schmuzli meint, dä bliebt nöd nur hocke,
drum tuend ihm au sini Glenk nöd blocke.
Roman Kruschwitz
Was für en Maa und e ganz treui Seel,
do leuged euse Vogel us Italie ganz scheel.
Dä Turner putz und chochet,
er wöscht und poschtet.
Au i dä Behörde isch er voll derbie,
goht ad Versammlige nachher sofort hei, un dänn no glii.
Sini Frau ghörsch mängmol zu sich selber rede,
hoffentlich blibt dä Gsund und tuet no lang Läbe.
Drum wie söll ichs mache mit dämm liebe Maa,
für dGsundheit muess er doch wieder go turne gah.
Los Roman nimm dir fürs neui Johr en guete Vorsatz
i dä Turnhalle häts au für dich no gnüegend Platz.
***
Dä Schmutzli meint dänn no dezu
muesch noch her jo nöd i dLinde, chasch hei id Rueh.
MTV Chlaus 2012
7
Thomas Denzler
Was ich als Ühle scho han müese erlebe,
so i dänne lange Nächt, isch nöd immer en Säge.
Früeh gäg dä Morge, tuet mich eine wecke.
Er stolpered über Stei, es isch zum verrecke.
Mol stürchlet er noch links und dä stolpperet er noch rechts,
er redet mit sich selber, «ich glaube mir isch es schlecht».
So kämpft er dä Berg uf und görpset au no dä zue
dä tolli Obig loht em Thomas Denzler eifach kei Rueh.
****
Für die schöni Wiehnachtsbelüchtig dihei, so nimm ich aa,
häsch aber dä Chopf würklich ganz bi dä Sach gha!
8
Toni Hermann
So schlau wien en Fuchs, das glaubt mer nöd,
nei nei, dö Maa isch dänn gar nöd blöd.
Er seit sim Sohn, los bisch doch bitte so schlau,
luegsch, dass dini Zuekünftig dä glich Vorname hät, wie mini Frau.
Weisch, so muess ich nöd immer lang schtudiere
und chann mich uf s Wesentliche konzentriere.
Für sin Golfsport, do tuet er alles in Chauf neh.
Dä Tube us Russland häts fascht öppis geh.
Rast dä am Morge am Sächsi zum Trainig für es Tournier,
er schücht gar nüt, do isch er wien en Stier.
Mit Vollgas rast er dur Ottike, zum Golfplatz wot er goh,
doch dänn hät ihn Polizei sofort vom Gaspedal gnog.
Gaääl Toni du weisch, z Ottikä seit mer gar nöd so lisilig
jetzt chunnt scho wieder dä Raser us Wislig!
****
Drum Toni fahr doch langsam, du meusch das halt lärne
und flügsch über Wislig, stell dä Motor ab, dänn gits au kei Lärme.
MTV Chlaus 2012
9
Peter Grieb
Hät dä Maa in Sankt Galle es Studium gmacht,
das er noch em schaffe i d Wirtschaft goht, statt zum Znacht.
Dä Wanderfalk us Rumänie isch zwor scho e chli alt,
aber er muess heimlich lache, «däm wird dä Znach wieder chalt».
Aber, das mues mer gestoh und es isch e Freud,
wien er im Calancatal d Bäum und Strücher umleit.
Do chann mer nur stuune, wie dä chrampfe chaa,
und i dämm Dorf isch mer sehr froh, um dä fliessige Maa.
Dänn s Oel zum Füüre händs döt hine no nöd erfunde,
drum verteilts dä Peter Grieb sis Holz, er hät gnueg Chunde
*****
Doch Peter im Name vom Falk, säg ich dir unverholle,
schön, dass du am Obig spoot dis Fraueli z Effi tuesch abhole.
Werner Huber sen.
Mit dämm Maa, do muess ich no unter vier Auge rede,
dänn dä wot eusne liebe Rehli und Böckli as Läbe.
Dä Mäusebussard tuet ihn jede Tag im Wald kibize
und gseht wien er schaffet, dä tuet nöd umesitze.
Er pflegt sini Bäumli, streichlets ganz zart
nei, dä Maa isch scho vo bsundere Art.
Doch eis, das bringt ihn uf Tanne, er tuet fascht verplatze
wenn er gseht, dass es Rotwild amne Bäumli tuet chratze.
Er rüeft umgehend em Wildhüter aa,
«Du los, ich muess sofort dini Flinte haa»
Dem cheibe Bock schüss ich zwüsched Bei
und schnied em ab, sis frefelndi Gweih.
Mer glaubts kumm, wenn mer dä Werni Hueber kennt,
wien er susch friedlich und fröhlich im Wald umerennt
******
Los Werner tue doch nöd so verzagt,
machsch einfach um die Bäumli en Gartehag
MTV Chlaus 2012
10
Marcel Burri
Dä Pelikan us em warme Süde, häts au zu eus tribe
und er findet i dä Schwitz, do heigi er dä Friede.
Gmütlich sitz er im Dorf uf me rote Bänkli.
Do ghört er en Sprochfetze, «jetzt spar doch mol entli».
Im Büro montiert dä Energielampe, «do spard mer viel Geld»,
au wänd lag muesch warte bis sich dä Rum entlich erhellt.
Doch eines Tages, ich channs nöd verchlemme, i mues es verzelle
Sini Tochter isch mol go Tusche, usgiebig und so lang sie hät welle.
Doch einmal en luute Schrei, «Warum ischs Wasser plötzlich chalt».
Do rüeft dä liebi Maa, «mir tüent jetz Energiespare, so isch es jetzt
halt».
Los Marcel, bi eu Burris liets glaubi im Bluet,
dass jede e chli diheime experimentiere tuet.
****
Doch für eis bin ich froh, dass dä Chuelschrank losch laufe,
sunscht müessti din Frau, wenn sie spot heichunnt, no es Sandwitsch
go chaufe!
Rolf Schmid
Do gits eine under eu, dä tuet gärn referiere
und vo sim grosse Orgnisationstalent plagiere.
Eusi Elschtere us Bulgari hets aber recht verschreckt,
wo sie mol da Grind i sis Büro hät gschteckt.
Nei, do muess ich zerscht nomol Frooge, das tuet sich lohne
isch das würklich dä Maa, wo do inne tuet wohne?
Luter Papierhüfe, Zitigsbündel, Büecher und so
wie chasch du do numme no ums Pult umegoh?
Mer ghört au sini Frau sit langem bettle und bitte
Rolf rum doch e mol uf, tuen doch dis Puff uf d site.
****
Mir chönts zwor fascht nöd verstoh, es isch zu hüle
bisch doch so lieb zur Frau, und tusch er e jede Wunsch erfülle.
MTV Chlaus 2012
11
Marcel Ritter
Er schtoh am Ufer und badet en Wurm
Am Fischreiher wirds scho ganz Sturm.
Wie lang hät dä Maa dänn no gedult und chunnt nöd us dä Rueh,
jetz lueg ich doch dämm scho sit über zwei Schtunde zue.
Ich hoffe, dass das kein Zmittag für d Familie söll geh,
susch muess dä halt di volli Wurmbüchs no hei neh.
Aber so guet wie dä chann choche, ich dörfs scho usplaudere
würdi dä mit dänne Würm sicher es füefstern Menü anezaubere.
Ich begleiten i d Ferie und muess scho schtune,
dä goht nur an Strand und do liet er vierzeh Tag ume.
Jetz weiss ich au, warum dini Hut so schön isch und nöd schlaff
Marcel Ritter, ich hans gseh, du machsch jede obig dä Fernsehschlaf.
****
Aber ich weiss, du häsch e psunderi Begabig und Mode
au du losisch nume zue, wenn dich dini Frau tuet lobe.
Markus Fanti
Was suecht dä Maa i dä Aviatik Ziitig,
er blättered wie wild und wird ganz zickig.
«Gopferdeckel und Sternesiech, sisch nöd Wohr»
er rauft sich wild, i sine spärliche Hoor.
Sini Frau isch ganz besorgt, «was häsch für es Problem,
wenn du so lut redsch, isch das nöd agnehm».
«Ich weiss zwor nöd, was du häsch verbroche,
aber dir isch öppis über d Lebere kroche»!
Ich mach mir Sorge, wenn du tuesch so flueche.
«Ich tuen i däm Heftli e Kursusschriebig sueche,
ich mues en Flugzüg-Schleuderkurs bueche».
Dä Habicht meint, blieb doch besser am Bode,
Markus Fanti, nimm lieber en Schnupf, mit em Spruch vo dä Hode.
****
Nei Markus alli wüssed, das goht dir zfescht ad Niere,
tuen lieber choche, werche, und Chinderflomi organisiere,
MTV Chlaus 2012
Kurt Meili
D Möve vo Finland schüttled nu dä Chopf,
was isch das au für en grosse, arme Tropf.
Was lauft dä wäg jedem Schrubezier, Zange und Hammer
immer separat in Cheller, s isch en Jammer.
Wenn dä e Werkzügchischt würschdi chaufe
dänn müest er nur no einmal Stäge abe laufe.
Aber isch muess dich au fescht Lobe und nöd nu Tadle,
wie du i däm lange Winter tuesch immer suber Pfade
Ganz versunke is Schneeschiebe, wie besesse,
chann dä Kurt Meili dä Stress im Büro vergässe.
*****
Wenn d tatsächli e Werkzügchischt duesch chaufe,
chasch dänn ruhig jede Mittwoch, i dHalle go laufe!
Werner Huber jun.
En Sperber us Mazedonie isch ganz baff.
Was dä Maa won er dörf beobachte, so alles macht.
Mit Staubsuger rennt er am Samschtig i dä Stube ume.
Am Sunntig tuet er s ganzi Huus suber ufrume.
Am Mäntig macht er d Wösch und hängt alles veruse.
Am Zischtig stricht er vo Hand no di reschtliche Falte use.
Am Mittwoch isch d Bettwösch dra zum glätte,
am Donnschtig gsehsch ihn im Garte am jäte.
Am Fritig noch em schaffe, freut er sich uf dä Obe,
dänn got er go Turne und noch her i d Linde go tobe.
Los Werner junior es isch nöd zum Spasse,
wer lueged dänn d ihei uf d Hushaltskasse.
****
Dä Sperber meint, er dörf das diheim nüd verzelle
Sini Frau heeti scho lang mit ihm id Schwiiz welle.
MTV Chlaus 2012
12
13
Keller Max
Für dä Maa muess ich en bsundere Vogel haa,
eine womer nöd mit Fleisch bestäche chaa.
En Veganer Vogel han ich gsuecht, aber nöd gfunde,
so han ich dä Holländer Ente eifach dä Schnabel zuebunde.
So verfolgt sie dä Maa, chann nöd schnattere, isch ganz still
und schriibt uf, «Chottverdamme, dä Maa chramfed aber viel».
Am Morge am sechsig isch er am richte im Lade,
dänn lat er i, alles i sin chline Lieferwage.
So chrampfed er dä ganzi Tag, isch immer uf dä Bei.
Aber am Obig, do geht er no lang nöd hei.
Zum Bierli findsch im Rössli oder Pöschtli,
er trinkt gern eis, zwei und seit jedesmol pröschtli.
Doch wänn er dänn heichunnt, do mags nüt meh liide,
Er schlüft us dä Chleider, rüehrts weg und losts eifach liege.
So gseht er am Morge sini Spure durch d Zimmer,
sini Heidi schüttlet dö Chopf, s wird immer schlimmer.
Doch eis muess mer am Mäxli aber loh,
er tuet jede Morge schön agleit sis Huus verloh.
*****
Sä Max, muesch di nöd schiniere,
Tuesch du dini Chleider dänn nummeriere.
Patrick Rufener
Dä Hüehnervogel us Slowenie gseht mer viel Kreise.
Leider chann er nöd mit, wenn sin Klient tuet vereise.
Doch isch er im Land, dihei im schöne Wislig,
dänn trainiert er die Chrabelgruppe, ganz fliessig.
Wenn er noch em Trainig heichunt, isch au er uf dä Felge ,
doch bi sinre Frau, do tuet er dänn trotzdem schwelge.
Hei, bim Iturne han ich die gschluchet, sie händ muesse liide,
Morn hät jede en Muskelkater und muess Dulix istriche.
Doch ihr Manne mit Scheiche wie Eiche,
lönd euch vom Patrick doch nöd erweiche.
****
Los Patrick en gute Rot, vo eus, usem Waldhüsli
dä Termin für Kinderspielhus, dä schmiltz dänn ganz grüüsli
MTV Chlaus 2012
Werner Rüd
E eifachi Sach, hätt dä Kibitz us Ütrich.
dä Turner isch würcklich ganz tüchtig.
Er schtoht jede Mittwoch pünktlich i dä Halle,
er lachte über s ganzi Gsicht, es tuet em guet gfalle.
Au noch em Fuschte, goht er nöd direkt hei,
er fired mit dä Kollege en Geburtstag, trinkt eis oder zwei.
Er isch au en grosse, liedeschaftliche Wandervogel
Er organisiert Toure, über d Berge und abe is Tobel.
Die zwei Hobby nähmed dä Werni Rüd voll in Beschlag,
drum plant er nüt me anders das gilt für jede Tag.
*****
Werni en schöne Gruess vo dinere Frau, wo au macht viel,
es gäbti uf däre Welt aber no anderi schöni Ziel.
Peter Forster
Es Vorbild vomne Turner, jo das gits au,
so brichtets mindeschtens dä Iranischi Pfau.
Mehr hätt in zwor scho lang numme i dä Halle gseh,
angeblich täged ihm immer no d Schultere weh.
Dä Maa goht pflichtbewusst sinere Arbet nah
und chunnt er hei, nimmt er sich sim Fraueli aa.
Er macht was sie wünscht, und tuet nöd wiederspreche,
so hebet die Ehe scho über driisg Johr, ohni z zerbreche.
Los Peter Forster wer soviel Glück i dä Liebi tuet haa,
dä törf scho mohl ein oder zwei Unfäll haa.
****
Dä Pfau hät gredet mit dinere liebe Frau
sie nähm doch no hüt, so wie jetzt bisch, ganz genau.
MTV Chlaus 2012
14
15
So, das wärs, ich han gnueg bricht, vo fröhliche und truurige Sache,
aber die wo nöd tra cho sin, die müend jetzt gar nöd lache,
So lang mir d Vogelfreizügigkeit händ und chönd usbaue,
han ich gnueg Vögel wo uf au die tüned schaue.
Doch eis mini Herre macht mich gar nöd froh,
dänn es sind nöd alli Vögel retour choo.
Ich weiss nöd, aber es wäri no sehr interesant,
z wüsse, ob sich dä eint oder anderi gmeldet hät, als Asylant.
Doch sind hellhörig, passed uf und das isch kei Posse
wenn euri Frau seit, «hüt gits falsches Poulet i Tomatesosse»
MTV Chlaus 2012