"Charte u Kompass", u das im Ziitalter, wo me

Tourenberichte
Aktive
"Charte u Kompass", u das im Ziitalter, wo me
ufem Mars scho fasch cha ga spaziere
Ausbildungskurs Schritt für Schritt, Orientierung I: Karte und Kompass vom 19. und 21.
Mai 2016.
Es het aber tatsächlech 10 SAC'ler wo
sech i das Mysterium wei la iiweihe. Mi
inklusive, hani doch im Toureleiterkurs
theoretisch scho alles mal ghört, gseh u
gmacht, aber leider isch das nid
nachhaltig gnue gsi.
Am Donschtig Abe träffe mir üs mit em
Urs Lüthi und em Heinz Gmünder im
Clublokal. Dert häre hei alli no locker
der Wäg gfunde.
Pünktlich
geits
los,
der
Hellruumprojektor zeigt Folie um Folie
wo vom Urs kompetänt erklärt wärde.
Und es zeigt sech, es si zwar schöni
Bildli, aber d Theorie derhinder isch
komplex.
360 Grad, 4 Himmelsrichtige, wo isch
obe, respektive Norde, d' Sunne geit im
Oschte uf. U us weler Himmelsrichtig
schiint de d'Sunne, we eim sälber es
Liecht ufgeit? Das ha mi nid gwagt z
frage, aber es wär mal e Punkt zum
gnauer aluege!
Die beide Kursleiter si geduldig u
erkläre, warum dases äbe so isch, wie
dases isch mit dene Koordinate und was
das es Rundumelii in "blau" oder
"grüen" uf dr Charte darstellt. Oder
dasme o e Hochspannigsleitig findet,
das me gseht, obs uf e oder abe geit
entsprächend de Höhekurve. Wörter
wie"Äquidistanz" wärde erklärt und
warum die Äquidischtanze nid uf allne
Charte glich si. Wo's de drum geit, a
Hand vo Koordinate dr entsprächend
Punkt uf dr Charte genau z finde, gits so
liechtli di erschte rouchende Chöpf.
Zum beschriibe, was dä Punkt darstellt,
ob e Friidhof, e Beiz oder so öppis,
verteilt
dr
Urs
e
praktischi
Faltproschpäkt, wo mr chöi ga spicke.
Wiiter geits mit em Uftrag, e Wanderig
sölle i nes Profil übere zeichnet wärde u
es jedes söll de säge, wie läng und wie
viil Höchi, u weli Strecki die eifacheri
sig. Da wirds ganz ganz still u alli si am
zeichne, rächne, studiere u chli zum
Nachbar schiile. Was het ächt dä
usegfunde?
Dr Urs chunnt am Schluss mit dr Lösig
verbii u alli chöi ihri Resultat mit sire wo är ufem PC mit emne moderne
Programm ufzeichnet het - abgliiche. D
Resultat si zfriidestellend, zum Glück.
Es mieche alli in ungefähr e Wanderig
mit sehr ähnliche Ziite u Höchine. Hei
mir itz guet ufpasst, grächnet oder
eifach super abgschriibe? Es wird sech
zeige im praktische Kurs, meint dr Urs.
Dert chöme de ganz viil so Ufgabe.
Es bliibt no chli Ziit, fangs eis dä vo de
Azimut genauer azluege u mit dere
letschte Theorie verabschide üs die
zwhe u gä no churz Kunzine wägem
Samschtig.
Mir Teilnähmer - emel sicher ig - gibe
mir Müeh, ja nüt z vergässe vo däm
Spannende,
neu
Glehrte
oder
Ufgfrüschte a Theorie u o kes Gnusch z
mache i mim Hirni.
Am Samschtig bi perfektem Wätter isch
dr Träffpunkt o wider vo allne fählerfrei
gfunde worde.
Krauchthal Post, ab da geits los. U
waseli was passiert? Es Lavere hie u da,
mit disem u jenem wo me scho lang
nüm gseh het. Urs u Heinz loufe eifach
mit.
E halb Stund später, uf emne chline
Strässli fragt dr Urs, wo mr de
eigentlich
sige
u
verteilt
Charteusschnitte. Es finde nid grad alli
sofort üse Standort. Jä, hätti doch chli
meh nach "links" u "rächts" sölle luege
statt nume z'schuehne u lavere?
Gmeinsam finde mr de üse Standort,
mache die erschte Üebige zu
Schrittlängi, Azimut, Sunnestand, wo
rudimentär dr Süde zeigt, wem e de no
es Ührli het mit normale Zeiger.
Vo hie gits itz ei Uftrag nachem andere:
Koordinate, de dr Punkt sueche uf dr
Charte. Azimut istelle u sech überlege,
wie me dert häre chunnt. Entweder nach
Charte
u
gäbigem Wäg
oder
"diretissima". Wo si mr, wo wei mr
häre, wo häre aber sicher nid"? Die Frag
stellt üs dr Urs und Heinz immer öppe
wider, u mir üs sälber o. Dankbarerwiis,
we mir da so i chline Grüppli
underwägs si u e Punkt wei aloufe,
chunnt dr eint oder dr ander vo dene
"Retter" hinderhär, so das es kompletts
"dernäbehoue" rächtziitig erchennt
würd. Vor allem denn, wo's drum geit,
fiktiv im dicke Näbel, Sicht "null" nach
Kompass z loufe. Wär ja easy, we da
nid so Gschtrüpp, Dorne u es paar
Zäcke würde warte. Dr Urs u dr Heinz
si aber genau so voll bi dr Sach u loufe
"pickelhert" mit üs dür das Underholz, a
Tanne verbii iz nächschte Gschtrüppli,
bis mr die Uffanglinie erreicht hei, wo
nes de schlussändlich zur SAC-Hütte
würd füehre. Mir si alli sehr zfriide, das
so guet gmeischteret z ha. Will dä mit
em Schritte zelle, i däm unwägsame
Gländ, de no ufpasse, nid z stogle u vor
allem die mal churze u de wiider länge
Schritte, chli chrumm u schreg ufe u
abe, das isch eine für sich!
Dr Urs erklärt aber o immer wider, wie
me de mit dene Hilfsmittel, dene
"Technike" i dr Realität umgeit, was me
sicher nie söll, was no drinnligi u
vermittlet so sehr vil Sicherheit und
Zuetroue.
So wie die Theorie itz richtig het
"Fleisch a Chnoche" übercho, logisch u
sinnvoll worde isch, füllt sech dr
Wüssensrucksack bi jedem uf sini Art.
Parallel derzue fahts itz aber langsam a
"gnüegele", dr Motivationspegel sinkt u
dr Durschtpegel stiigt langsam aber
stetig.
So tüe mir de nach ere letschte
praktische Sequänz vom "rückwärts
iischnide" - wo üs seit wo mir si,
nämlich wiit wäg vonere Beiz - dr Wäg
zum Bahnhof under d'Füess näh.
Ig für mi ha us däm Kurs ganz viil
chönne mitnäh, nid nume die 2 oder 3
Zäcke, woni deheime abgläse ha,
sondern es paar ganz gueti Tipps u
Kniffe, näbscht dr ufgfrüschte Theorie u
Praxis.
Mini Herre, härzliche Dank für eue
Iisatz, i gloube, dass o die andere
Teilnähmer mitem Kurs sehr zfriide gsi
si.
U zu gueter Letscht wüsse mir itz alli,
wases mit dere Ussag: "übere Duume
peilet" uf sech het!
Tourenleiter: Urs Lüthi, Heinz Gmünder
Teilnehmer: Costalunga Efrem, Furer
Marcel, Jost Beat, Marmet Simon,
Rigamonti Veronique, Rogge Carolin,
Schiro Patricia, Stebler Beatrice, Stöckli
Claudia, von Gunten Franziska
Bericht: Beatrice Stebler
Foto: Teilnehmer