NAUNG JONOK DO AJAL NI PORTIBI ON?

Transcription

1 M E I 201 5
34567
NAUNG JONOK DO AJAL NI
PORTIBI ON?
34567
Vol. 136, No. 9
MAY 1, 2015
Dicetak Hirahira:
52,946,000 buku ganup bulan di bagasan 231 HATA 1 MEI 2015
Sasabulan
BATAK TOBA
MAJALAH Joujou Paboahon on,
pasangaphon Debata Jahowa
panggomgomi saluhutna. Majalah
on mangalehon panghirimon tu
sude jolma marhite barita na uli
taringot Harajaon ni Debata na
laho pasohothon hajahaton jala
mambahen tano on gabe Paradeiso.
Majalah on patoguhon haporseaon
tu Jesus Kristus naung mate
humongkop hita asa mandapot
hangoluon salelenglelengna jala
naung mamarenta gabe raja sian
Harajaon ni Debata. Majalah on
nunga dipabinsar mulai sian
taon 1879 jala ndang parsidohot
tu politik. Majalah on marojahan
tu Bibel.
NA LAHO SIPARSIAJARAN
29 JUNI –5 JULI ALAMAN 9 ENDE: 54, 43
˙
Dungo ma Hamu!—Ai Maotaot do Sibolis
Laho Mambondut Hamu
6-12 JULI ALAMAN 14 ENDE: 60, 100
˙
Boi do Hita Monang Mangalo—Sibolis!
Dipatudos Bibel do Sibolis songon babiat na marauang na maotaot
mangalului sibondutonna. Marhagogoan do ibana, ndang marasi roha,
jala sipangotootoi. Dua parsiajaran on mangurupi hita asa boi
mangantusi boasa ingkon togu taalo musu na jahat on. Jala dipatudu
ma songon dia hita boi paluahon diri sian angka jorat ni Sibolis
sipangotootoi.
˙
Nasida ”Manatap” Angka na Dibagabagahon
Olo do hamu mandapot
gumodangan hatorangan
manang marsiajar Bibel
ndang manggarar di
jabu?
Ida ma www.jw.org /bbc
manang tongoshon
pangidoanmu tu alamat
na di toru on.
Di AMERIKA SERIKAT:
Jehovah’s Witnesses
25 Columbia Heights
Brooklyn, NY 11201-2483
Di HONGKONG:
Jehovah’s Witnesses
4 Kent Road, Kowloon Tong
Kowloon
Taringot daftar alamat negara na asing,
ida www.jw.org/id/hubungi-kami.
˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙˙
Buku on ndang martuhor, alai dibahen sian
parsiajaan Bibel di liat portibi on na tupa sian
silehonlehon. Molo ndang dipaboa goar ni Bibel
na asing sude ayat na adong di buku on dibuat
sian Bibel.
The Watchtower (ISSN 0043-1087) is published
semimonthly by Watchtower Bible and Tract
Society of New York, Inc.; L. Weaver, Jr.,
President; G. F. Simonis, Secretary-Treasurer;
25 Columbia Heights, Brooklyn, NY 11201-2483,
and in Indonesia by Saksi-Saksi Yehuwa
Indonesia, PO Box 2105, Jakarta 10001.
5 2015 Watch Tower Bible and Tract Society
of Pennsylvania. Hak cipta dilindungi.
Printed in Japan.
˙
Tatiru ma Debata na Mambagabagahon
Hangoluan na Manongtong
Boi do marbisuk hita mamangke haboionta laho mangarimangrimangi
na so hea taida jala na so hea tahilala. Di parsiajaran on, laho taulas
ma pigapiga parange ni angka halak na hea disurathon di Bibel.
Taparsiajari ma songon dia haboionta on boi mangurupi asa lam togu
haporseaonta jala boi mangurupi hita maniru holong, pardenggan
basa, dohot bisuk ni Jahowa, jala marlas ni roha.
NA ADONG MUSE DI BUKU ON
“Ajal ni Portibi On”—Aha do Lapatanna? 3
Naung Jonok do Ajal ni Portibi On? 6
Godang na Laho Malua sian Ajal ni Portibi On
—Hamu pe Boi Malua 8
Diboto Hamu Do? 29
Marsiajar do Ahu Molo Jahowa Burju Jala
Panesa Dosa 30
Sungkunsungkun na Dialusi Bibel 32
SIULASON NI MAJALAH ON
”AJAL NI
PORTIBI ON”
AHA DO
LAPATANNA?
Tingki dibege hamu hata, ”ajal ni portibi on” aha ma na
tubu di bagasan rohamu? Na pintor dipingkiri hamu do
madabu meteor sian langit tu tano on na pamatehon
angka jolma? Manang masa ma porang dunia na patoluhon? Molo on do na adong di pingkiran ni angka halak,
boi mambahen mabiar, ganggu roha nasida, jala geok
dihilala.
Bibel mandok: ”ro ma ujung ni portibi on.” (Mateus 24:
14 Bibel Siganup Ari) Manang digoari ma i, ”ari na bolon i, ari ni Debata” manang ”Armagedon.” (Pangungkapon 16:14, 16) Pigapiga ajaran ni ugamo taringot ajal ni
portibi on ndang boi diantusi angka halak. Alai tangkas
do dipaboa Bibel aha na laho masa dohot na so masa di
ari i. Jala Bibel pe mangurupi hita asa tangkas mangantusi naung jonok do ari i manang na ndang dope. Alai na
rumingkot, Bibel paboahon tu hita songon dia do asa boi
malua. Na parjolo, taulas ma jo pigapiga pandapot na
sintong dohot na so sintong taringot ajal ni portibi on.
Songon dia do hatorangan ni Bibel taringot ajal ni
portibi on?
1 MEI 2015
3
NA SO MASA DI ARI I
1. NDANG NA LAHO MATUTUNG
JALA SIAP TANO ON.
Bibel mandok: ”Nunga dipaojak [Debata] tano
on tu angka ojahanna i, asa unang lalolalo salelenglelengna.” (Psalmen 104:5) Ayat on dohot
godang ayat na asing di Bibel paposhon rohanta na so jadi siaphonon ni Debata tano on jala
ndang pasombuonNa tano on disegai.—Parjamita 1:4; Jesaya 45:18.
2. NDANG NA SO DITONTUHON TINGKINA.
Bibel mandok nunga ditontuhon Debata tingki
na pas tu ajal ni portibi on. Didok: ”Alai anggo arina dohot sadiharina, ndang adong na umbotosa, nang surusuruan na di banua ginjang,
nang Anak i pe; nda holan Ama i. Tagam ma
hamu; dungo ma hamu, ai ndang diboto hamu,
manang sadihari tingkina i!” (Markus 13:32, 33)
Tangkas ma, Debata (”Ama i”) nunga manontuhon ”sadihari tingkina” laho mamungka ajal ni
portibi on.
3. NDANG NA BINAHEN NI JOLMA MANANG
ALANI METEOR NA MADABU SIAN LANGIT.
Molo songon i, ala ni aha? Pangungkapon
19:11 mandok: ”Dung i huida ma mungkap banua ginjang, tarida ma disi sada hoda sihapaspili; ia na hundul di ginjangna margoar Haposan jala Parsintong.” Diuduti Ayat 19: ”Jadi
huida ma binatang i dohot angka raja ni tano on
ro di angka parangan nasida, nunga marluhut
laho marmusu dompak na hundul di atas hoda
i nang dompak angka paranganna.” (Pangungkapon 19:11-21) Nang pe songon sada gombaran na disurat di ayat on, alai boi do taantusi
angka surusuruan do na laho pangkeon ni Jahowa laho mangaripashon angka musuNa.
NA LAHO MASA DI ARI I
1. LAHO MANGALENGSEHON
PAMARENTAON NI JOLMA.
Bibel mandok: ”Padirion ni Debata, na di surgo
i, sada harajaon na so tarpapatu ro di salelenglelengna, gomgomanna pe ndang pasahatonna tu
Barita sian Bibel taringot ajal ni portibi on
ndang na barita na roa alai barita na palashon roha do
4
bangso na asing; ropuhanna do tahe sogot saluhut angka harajaon i, jala pansingkononna, alai
hot do anggo na sasada i ro di saleleng ni lelengna.” (Daniel 2:44) Songon na disurat di nomor 3
sian ”na so masa di ari i,” na laho ripashononna
do ”angka raja ni tano on ro di angka parangan
nasida” naung ”marluhut laho marmusu dompak na hundul di atas hoda i nang dompak angka paranganna.”—Pangungkapon 19:19.
2. LAHO PASOHOTHON PORANG, PARBADAAN,
DOHOT HAGEDUHON.
”[Debata] do pasohothon hamusuon ro di ujung
ni tano on.” (Psalmen 46:10) ”Ai halak partigor i
mangingani tano on sogot, jala halak na daulat roha tading disi. Alai anggo halak parjahat
siap sian tano on, jala halak pangoseose pidom
sian i.” (Poda 2:21, 22) ”Ida ma, saluhutna do
hupaimbaru!”—Pangungkapon 21:4, 5.
3. LAHO MANGARIPASHON UGAMO NA SO
MANJUJUI PARALEALEON TU DEBATA.
Bibel mandok, ”Angka panurirang mangkatahon gabus dohot angka malim mangajarhon lomolomona sambing. . . . Alai aha ma na naeng
bahenon nasida molo marujung i sude?” (Jeremia 5:31, Bibel Siganup Ari) Didok Jesus muse,
”Ai torop do sogot di ari parpudi na mandok tu
ahu: Ale Tuhan! Ale Tuhan! Nda manurirangi
hami nahinan mangasahon Goarmu? Nda hupabali hami najolo angka Sibolis mangasahon
Goarmu? Nda lan angka ulaon na balga huula
hami mangasahon Goarmu? Dung i dohonon-
ku ma tu nasida: ’Ndang dung hutanda hamu;
laho ma hamu sian lambungkon, hamu angka
na mambaen na so jadi!’ ”—Mateus 7:21-23.
4. LAHO MANGARIPASHON ANGKA HALAK NA
SIPARDOHOT TU ULAON NI PORTIBI NA JAHAT.
Jesus mandok: ”Alai on ma uhum i: Nunga ro na
tiur i tu portibi on, jadi holongan do roha ni
angka jolma di holom i asa di na tiur i, ai na jahat do parulaon nasida.” (Johannes 3:19) Dipatudos Bibel do ajal ni portibi on songon tingki
masa ni si Noak. ”Mago uju i tano on dilantaphon aek i. Jala marhite sian hata i do diramoti
Ibana langit dohot tano i nuaeng; dipeop do, asa
tu api di ari paruhuman jala hamagoan ni jolma
angka na jahat.”—2 Petrus 3:5-7.
Surirang taringot haroro ni ”ajal ni portibi
on” dipatudos tu ajal ni ”portibi” di masa ni
si Noak. Na laho siap do tano on? Sai na hot
do anggo tano on; angka ”halak parjahat”—i ma
musu ni Debata—do na laho ”siap.” Saleleng
masa ”ajal ni portibi on” angka halak na mamillit gabe musu ni Debata, ripashononNa ma. Alai
paluaonNa do angka alealeNa songon si Noak
dohot keluargana.—Mateus 24:37-42.
Hilala ma dame ni portibi on dung diripashon Debata angka parjahat sian tano on! Tangkas ma barita sian Bibel taringot ajal ni portibi
on ndang na barita na roa alai barita na palashon roha do. Sungkunsungkun do ra rohamu:
’Dipaboa Bibel do andigan ajal ni portibi on?
Tutu do naung jonok ari i? Songon dia do asa
boi ahu malua sian i?’
DUNG SALPU AJAL NI PORTIBI ON Aha do na laho masa? Hasonangan! Godang ayat di
Bibel mandok, on ma tingki na pasonanghon roha. Songon: ”Jadi apusan ni Debata ma
nasa iluilu nasida sian mata nasida: Ndang adong be hamatean nang arsak ni roha; nang
angguhangguk, nang na hansit, ndang disi be; ai nunga salpu na parjolo i!” (Pangungkapon
21:4, 5) Ajal ni portibi on ndang na mangartihon ujung ni ngolunta. Na laho paluaon ni
Debata do hita jala dipaboa dalan haluaon i.
NAUNG JONOK
DO AJAL NI PORTIBI ON?
Pasombuon ni Debata do jolma tongtong mangarajai jolma na asing, jala manegai parngoluon nasida tu ari na naeng ro? Daong. Songon
naung dipaboa, na laho salpuhononNa do sude
nasa sitaonon dohot parungkilon. Panompa langit dohot tano on paboahon tu hita, ndang sadia leleng nai laho salpuhononNa ma i sude.
Songon dia Ibana paboahon na ringkot do i
botoonta?
Taparrohahon ma tudosan on: Molo naeng
laho hita mardalani tu sada inganan mamangke motor, parjolo sahali taida ma peta laos tasurat ma angka aha na laho sibolusonta. Dung
tabolus angka na tasurat dohot na adong di
peta i, porsea ma hita na laho sahat ma hita tu
inganan i. Suang songon i ma angka tudutudu
na disurat di Bibel. Dung taida aha na masa
mangihuthon hata ni Bibel, porsea ma hita nunga jonok be ajal ni portibi on.
Dipatorang Bibel do nunga mansai jonok ajal
ni portibi on. Di ujung ni ajal ni portibi on,
masa ma sude sitaonon na so hea masa saleleng on di parngoluon ni jolma. Dungi i, ro ma
ajal ni portibi on. Parrohahon ma pigapiga tanda na dipatorang Bibel.
1. PORTIBI ON NUNGA SURSAR Surirang na disurat di Mateus 24 paboahon angka aha na laho
masa di portibi on. Angka na masa on patuduhon nunga jonok be ”ajal ni hasiangan on” sahat tu na ”ro ujungna.” (Ayat 3, 14) Masa ma
angka porang na balga, haleon, lalo marluatluat,
rarat na so uhum, lam ngali ma holong, jala torop ma panurirang pargapgap na paliluhon angka jolma. (Ayat 6-26) Tontu, nunga masa be pigapiga sian tanda on na saleleng on. Alai, di
ujung ni ajal ni portibi on, rap masa ma angka
6
JOUJOU PABOAHON
tanda i di pigapiga inganan. Adong dope tolu
nai tanda na asing sian angka tanda i.
2. PARANGE NI ANGKA JOLMA Bibel mandok
”di tingki parpudi”—i ma ujung ni ajal ni portibi on—tarida ma angka parange ni jolma na
roa. Molo tajaha: ”Ai mangkaholongi dirina ma
jolma disi, impolan di perak, parhata manggang, parroha haginjangon, angka panginsahi,
na so mangoloi natorasna, na so marningot
lagu, angka na tois; angka na so marroha holong, pangoseose, panihasnihasi, na so umboto
mangorom, parmurukmuruk, na so marholong
ni roha di na denggan; angka parjehe, parroha
na neang, sipaburnang diri, holongan di hisap
ni daging asa di Debata.” (2 Timoteus 3:1-4)
Toho do nian nunga adong hian parange sisongon i. Alai, lam patar ma tarida angka parange i ”di tingki parpudi”, na patuduhon molo
hita nunga mangolu ”di ari hasusaan.” Diparrohahon hamu do nunga somal be angka parange sisongon i saonari?
3. NUNGA SEGA BE TANO ON Bibel mandok
Debata laho ”mangago angka na mangago tano
i.” (Pangungkapon 11:18) Songon dia do angka
jolma manegai tano on? Dipatudos do songon
tingki ni si Noak: ”Alai nunga marjea ianggo
tano i maradophon Debata, jala nunga gok hajahaton tano i. Dung i ditingkir Debata ma tano
i, jala ida ma, nunga marjea.” Alani i didok Debata ma: ”Ripashononku ma nasida rap dohot
tano on.” (1 Musa 6:11-13) Diparrohahon hamu
do portibi on saonari nunga gok hajahaton?
Dung i muse, saonari hita mangolu di tingki
masa na susa. Disegai nasida tano on suang songon i sude pangisina, songon: manegai udara,
harangan, manang mamburu binatang.
Barita taringot Harajaon ni Debata
nunga dibaritahon di liat portibi on
di bagasan marratus hata
Tasungkun ma dirinta, ’Hea do taboto jolma manegai tano on saratus taon naung salpu?’
Alai saonari dibahen jala dipapungu jolma angka ugasan na boi manegai tano on. Nang pe
adong dibahen nasida teknologi laho mangorui
panghorhonna, alai sasintongna ndang na boi
jolma padengganhon tano naung sega on. Andorang so sega hian dope tano on dibahen jolma, na laho ripashonon ni Debata do halak na
manegai portibi on. On ma janji ni Debata.
4. ULAON MARBARITA DI LIAT PORTIBI ON
Tanda na asing na patuduhon naung jonok ajal
ni portibi on, i ma ulaon marbarita; ”Laos baritahononhon do barita na uli on na taringot tu
harajaon i di liat portibi on, laho manghatindanghonsa tu saluhutna bangso; dung pe i, asa
ro ujungna.” (Mateus 24:14) Ulaon parbaritaon
on tung marimbar do sian ulaon ni angka ugamo na asing na diulahon nasida saleleng on.
Saleleng di tingki parpudi, ulaon marbarita na
diulahon on, paboahon, ”barita na uli on na taringot tu harajaon i.” Adong do diboto hamu
ugamo na paboahon barita sisongon i? Nang
pe adong na mangulahon sisongon i, holan na
adong di luat i do manang adong do nasida
di liat portibi on marbarita ”tu saluhutna
bangso”?
Situs web www.jw.org paboahon ”barita na
uli on na taringot tu harajaon.” Situs on paradehon sijahaon lobi sian 700 hata. Adong do
diboto hamu ugamo na asing na mangulahon
parbaritaon sisongon on? Andorang so adong
dope Internet, holan Sitindangi Ni Jahowa dope
na diboto halak na marsitutu paboahon barita
na uli taringot Harajaon ni Debata. Mulai taon
1939, nunga disurathon di alaman parjolo majalah Joujou Paboahon ”Barita Harajaon Ni Jahowa.” Taringot ulaon on, sada buku partondion
sian ugamo na asing mandok ”Ndang adong
dope na songon ulaon parbaritaon na diulahon Sitindangi Ni Jahowa, denggan jala sahat
tu ujung ni portibi on.” Ulaon on paboahon na
laho ”ro ujungna” marhite Harajaon ni Debata.
TINGKI NA RUMINGKOT DI
PARNGOLUON NI JOLMA
Diparohahon hamu do nunga masa be opat
tanda naung diulas di parsiajaran on? Lobi
sian saratus taon, majalah on nunga paboahon
NAUNG DISURIRANGHON DO ARI NI AJAL NI PORTIBI ON? Sitindangi Ni Jahowa ndang
manuriranghon taringot ari ni ajal ni portibi on. Barita na denggan do dipaboa nasida saleleng saratus taon taringot ari na naeng ro na dumenggan. Songon, jamita di Parpunguan
Bolon nasida di taon 1958 na marjudul, ”Harajaon ni Debata Mamarenta—Naung Jonok do
Ajal ni Portibi on?” patoranghon taringot haroro ni ”Harajaon ni Debata ndang na laho mangaripashon tano on, alai laho mangaripashon portibi na dirajai Sibolis. Haroro ni Harajaon
ni Debata ndang na laho manutung tano on, alai laho pasauthon sangkap ni Debata di tano
on songon na di surgo. Alani i, na laho adong do tongtong tano on bahenon ni Debata.”
angka na masa na ringkot na mangurupi angka
panjaha mamboto naung jonok do ajal ni portibi on. Tutu, adong do jolma na so—mangalehon rohana—jala mandok ndang boi dihaporseai barita na adong di majalah on, alai nasida
mandok, gabe lam susa do portibi on ala nunga hatop saonari angka barita didapot sian liat
portibi on. Godang do jolma na manghaporseai
molo angka na masa on patuduhon hita nunga
mangolu di tingki na rumingkot di parngoluon
ni jolma.
Sude angka na masa on patuduhon nunga jonok be ajal ni portibi on. Songon, di
taon 2014, angka ilmuwan pasingothon dewan
keamanan PBB, molo hamajuon teknologi na
adong saonari on molo tongtong dipartahanhon boi mambahen jolma marsahit jala mate.
Ndang ganggu roha ni na pabinsarhon majalah
on dohot na manjaha, molo on ma ari parpudi
jala nunga jonok be ujungna. Unang pola mabiar hita, alai marlas ni roha ma. Boasa? Alana
boi do hita malua sian ajal ni portibi on.
GODANG NA
LAHO MALUA SIAN
AJAL NI PORTIBI ON
HAMU PE BOI MALUA
Bibel paboahon taringot ajal ni portibi on: ”Sian
mula ni hasiangan on rasirasa nuaeng ndang
adong dope masa na songon i . . . Aut unang diorui angka ari i, ndang tagamon malua agia sada
jolma.” (Mateus 24:21, 22) Alai dijanjihon Debata do torop na laho malua: ”Jala na laho salpu do
portibi on . . . , alai na mian ro di salelenglelengna do na mangulahon lomo ni roha ni Debata.”
—1 Johannes 2:17.
Molo naeng malua hita jala ’mian ro di salelenglelengna,’ aha na ingkon taulahon? Na ingkon papunguonta do arta asa malua? Daong.
Tangkas do dipaboa Bibel ndang arta na dihaporluhon. Molo tajaha: ”Antong, anggo masarsar do hape saluhutna on, nda lam sumurung
ma parange na badia dohot hadaulaton ni angka
na paimaimahon jala mangkasiholi haroro ni ari
8
JOUJOU PABOAHON
ni Debata.” (2 Petrus 3:10-12) ”Saluhutna on” na
dipaboa di ayat on dohot ma i pamarenta dohot rayatna—pamarentaon na jahat dohot sude
na satolop tu pamarentaon i, ndang tu Debata.
Tangkas ma molo arta na tapapungu ndang boi
paluahon hita sian ari i.
Sasintongna, molo hita maraleale jala patuduhon angka parange na palashon roha ni Jahowa, boi ma malua hita. (Sepania 2:3) Unang
ma taihuthon pingkiran ni torop jolma saonari
jala unang ma leas hita tu angka tanda na patuduhon molo hita mangolu di ari parpudi. Alai
tongtong ma hita ”paimaimahon jala mangkasiholi haroro ni ari ni Debata.” Sitindangi Ni Jahowa boi paboahon hatorangan sian Bibel tu
hamu songon dia asa malua sian haroro ni ari ni
Debata. ˇ
Dungo ma Hamu!
Ai Maotaot do Sibolis Laho Mambondut Hamu
”Dungo ma hamu; na maotaot do alo muna, sibolis i, songon babiat
na marauang, mangalului sibondutonna.”—1 PETRUS 5:8.
MULANA, surusuruan na maraleale do ibana dohot Jahowa.
Alai di pudian ni ari dihalomohon rohana asa disomba jolma
ibana. Ndang na ditundalhon ibana giotgiot na sala i. Alai dipasombu ibana giotgiot ni rohana i gabe tubu ma dosa. (Jakobus 1:14, 15) Sasintongna ndang taboto ise goarna. Alai na
taboto, digoari do ibana Setan. ”Ndang tindang ibana di hasintongan.” Dialo ibana Jahowa jala ujungna gabe ”ama ni gapgap” ibana.—Johannes 8:44.
2 Dung mangalo Sibolis, gabe alo ni Jahowa dohot alo ni jolma ma ibana. Boi ma taboto jorbut ni hajahaton ni Sibolis on
sian aha na digombarhon di bagasan Bibel taringot ibana. Setan lapatanna ”Pangalo,” na patuduhon molo surusuruan na
jahat on manghasogohon pamerantaon ni Debata jala marsitutu laho mangalo sian nasa gogona. Lomo roha ni Sibolis asa
mansohot pamarentaon ni Jahowa.
3 Di Pangungkapon 12:9, Setan didok do muse Sibolis, lapatanna ”Pargapgap.” Ndang dipasangap Sibolis Debata, tarida
sian hatana na mandok pargabus do Jahowa. Hata ”ulok na
SONGON DIA DO SIBOLIS
PATUDUHON MOLO
IBANA . . .
marhagogoon?
ndang marasi roha?
sipangotootoi?
1. Patorang ma songon dia sada surusuruan gabe Sibolis.
2, 3. Songon dia do panjouon ”Setan,” ”Sibolis,” ”ulok,” dohot ”naga”
patuduhon molo ibana musu ni Debata na umjahat?
9
robi” paingothon hita tu isara ni Sibolis mamangke ulok laho mangotootoi si
Hawa. ”Naga na balga i” pe panjouon na
pas tu Sibolis. Alana jorbut, ndang marasi roha, jala na sai jahat do sangkap ni rohana. Martahi do Sibolis laho pasohon
sangkap ni roha ni Debata na sintong jala
mangaripashon sude naposo ni Debata.
4 Toho ma, Sibolis on ma musu na umbalga na boi manegai haporseaonta tu
Debata. I do alana boasa Bibel pasingothon hita: ”Torang ma roha muna, dungo
ma hamu!; Na maotaot do alo muna, Sibolis i, songon babiat na marauang, mangalului sibondutonna.” (1 Petrus 5:8)
Alani i, parsiajaran on laho mangulas
tolu pangalaho ni Sibolis. Jala mangulas boasa porlu hita mangondingi dirinta
sian musu ni Jahowa dohot musu ni
naposoNa i.
MARHAGOGOON DO SIBOLIS I
Angka surusuruan i ma ”Ulubalang
na gogo.” (Psalmen 103:20) Ummalo jala
umgogo do nasida sian nasa jolma. Alai,
angka surusuruan na sai marsihohot mamangke haboion ni nasida tu angka na
denggan. Umpamana, sada surusuruan
ni Jahowa mambunu 185.000 parangan ni
Assur. Ndang na boi on ulahonon ni jolma, parangan naung tarlatik pe maol mangulahon i. (2 Rajaraja 19:35) Di tingki na
asing sada surusuruan mamangke gogona laho paluahon apostel ni Jesus sian hurungan. Nang pe mansai jonok ndang diida angka sijaga pintu naung dibungka
surusuruan pintu ni hurungan jala dipalua ma apostel i. Dung i ditutup ma muse
pintu ni hurungan i!—Ulaon 5:18-23.
6 Angka surusuruan ni Debata, ma5
mangke gogo nasida laho mangulahon
angka na denggan. Alai Sibolis mamangke gogona laho mangulahon hajahaton.
Margogo situtu do Sibolis jala sai mangelaela. Dipatudos Bibel do ibana songon
”raja ni portibi on” jala ”debata ni portibi
on.” (Johannes 12:31; 2 Korint 4:4) Didok
do ibana muse ”marhuaso mambahen
mate.” (Heber 2:14) Ndang na pintor dipamate ibana jolma. Jadi aha do lapatan
ni i? Parjolo, portibi on gok hosom dohot
hajahaton na marharoroan sian Sibolis.
Paduahon, ala si Hawa porsea tu Sibolis
jala si Adam ndang mangoloi Debata,
ujungna sude jolma gabe mardosa jala
mate. Didok Jesus do Sibolis ”sibunu jolma.” (Johannes 8:44) Sasintongna ibana
ma musu na marhagogoon.
7 Molo taalo Sibolis, hita pe mangalo angka na mangihuthon ibana jala na
mangalo pamarentaon ni Debata. Dohot
ma i tu angka surusuruan na mangalo tu
Debata na digoari angka begu. (Pangungkapon 12:3, 4) Saleleng on patar ma molo
nasida umgogo sian angka jolma jala nasida parohon parungkilon tu sude jolma.
(Mateus 8:28-32; Markus 5:1-5) Unang
lupa hita marhagogoon do angka begu
jala adong na manguluhon nasida. (Mateus 9:34) Molo ndang alani pangurupion
ni Jahowa, ndang na tolap hita laho mangalo Sibolis i.
NDANG MARASI ROHA SIBOLIS I
Dipatudos si Petrus do Sibolis on songon ”babiat na marauang.” Sada buku
na asing patoranghon molo hata Junani
”marauang” lapatanna ”auang ni babiat
na mansai male.” Suman ma i manggom8
7. Songon dia do angka begu patuduhon molo
na margogo do nasida?
10
4. Aha do na laho taulas di parsiajaran on?
8. (a) Aha na tinuju ni Sibolis? (Ida gombar di
5, 6. (a) Bahen ma tudosan na patuduhon
molo Sibolis i ”ulubalang na gogo.”(b) Boasa didok Sibolis i ”sibunu jolma”?
mula ni parsiajaran.) (b) Songon na taida saonari on, songon dia do portibi on manggombarhon Sibolis na so marasi roha?
JOUJOU PABOAHON
Marlas ni roha situtu do Sibolis tingki adong sada sian
naposo ni Debata na mangulahon dosa
(Ida paragraf 10)
barhon Sibolis na so marasi roha dohot
pangalahona na mansai jahat! Nunga dirajai ibana nasa portibi on, alai ndang sae
dope i di ibana. Songon babiat na mansai
male do Sibolis na sai hurangan sibondutonna. (1 Johannes 5:19) Sibonduton ni
Sibolis na sasintongna i ma angka halak
na nimiahan ni tondi na adong dope di
tano on, na diurupi ”birubiru na asing.”
(Johannes 10:16; Pangungkapon 12:17)
Na tinuju ni Sibolis i ma laho mangaripashon sude angka naposo ni Jahowa.
Pangarupaon na dibahen Sibolis tu halak
Kristen abad parjolo sahat tu nuaeng patuduhon molo ibana ndang marasi roha.
9 Dipatudu Sibolis na so marasi roha
ibana sian isara na asing. Sada babiat na
male ndang asi rohana mangida na laho
sibondutonna. Ndang adong otik pe asi
ni rohana andorang so mambondut jala
ndang manolsoli ibana di pambahenan9, 10. (a) Songon dia do Sibolis mangaroro halak Israel? (Bahen tudosan.) (b) Aha do siala na
rumingkot umbahen diroro Sibolis halak Israel?
(c) Ninna roha muna, songon dia do panghilalaan ni Sibolis molo adong sahalak naposo ni
Debata mangulahon dosa na balga saonari on?
na i. Suang songon i ma Sibolis, laos so
adong otik pe asi ni rohana tu jolma na
dirorona. Pingkiri ma, songon dia panghilalaan ni Sibolis mangida tingki bangso
Israel mangulahon dosa songon parmainanon dohot pangahution? Boi do tarimangi songon dia balga ni roha ni Sibolis
tingki mangida panghorhon ni parmainanon na diulahon si Simri dohot pangahution na diulahon si Gehasi?—4 Musa
25:6-8, 14, 15; 2 Rajaraja 5:20-27.
10 Adong do siala na rumingkot na
mambahen Sibolis mangaroro halak Israel najolo. Taingot ma Mesias marharoroan sian bangso i, jala holan ibana do na
boi mangaripashon Sibolis jala na boi patuduhon holan Jahowa do na marhak
mamarenta. (1 Musa 3:15) Ndang lomo
roha ni Sibolis asa dihalomohon Debata
halak Israel. Marragam isara do diulahon
Sibolis laho manegai halak Israel asa mangulahon dosa. Ndang manolsoli Sibolis
tingki dibahen ibana mangalangkup si
Daud. Ndang asi roha ni Sibolis tingki ndang saut bongot si Musa tu tano
parjanjian. Gariada marlas ni roha situtu do Sibolis tingki adong sada sian
1 MEI 2015
11
naposo ni Debata na mangulahon dosa
na balga. Sasintongna tingki marhasil
ibana mangotootoi, dibahen ibana ma
i gabe dalanna laho mamburai Jahowa.
—Poda 27:11.
11 Sogo do roha ni Sibolis tu keluarga haroroan ni Mesias. Umpamana, rimangi ma tingki didok Jahowa molo si
Abraham laho gabe ”bangso na bolon.”
(1 Musa 12:1-3) Tingki si Abraham dohot
si Sara laho tu Misir, lomo roha ni si Firaun tu si Sara jala diboan tu jabuna asa
gabe tunggani boruna. Alai, ondingan ni
Jahowa do si Sara sian situasi na borat
on. (Jaha 1 Musa 12:14-20.) Masa do
muse sisongon i di huta Gerar andorang
so tubu dope si Isak. (1 Musa 20:1-7) Sibolis do na mambahen angka na masa
on? Taingot ma jo si Sara nunga manadinghon hutana di Ur jala tading di undungundung. Hirim do roha ni Sibolis
asa tarelaela si Sara alani hamoraon di
harajaon ni si Firaun dohot si Abimelek?
Na tubu do di pingkiran ni Sibolis tadinghonon ni si Sara tunggani dolina dohot Jahowa gabe mardongan saripe tu
sada sian angka raja on? Ndang dipatorang Bibel taringot i. Alai, balga situtu
roha ni Sibolis molo sundat ro Mesias
sian pinompar ni si Sara. Ndang na manolsoli Sibolis molo parsaripeon, parange dohot paralealeon ni si Sara tu Jahowa gabe sega. Tutu ma Sibolis on ndang
marasi roha!
12 Dung marratus taon sian si Abraham tubu ma Jesus. Ndang adong otik pe
asi ni rohana mamereng bagak ni posoposo na baru tubu i. Diboto Sibolis posoposo on na laho gabe Mesias. Jesus ma
11. Boasa diroro Sibolis si Sara?
12, 13. (a) Songon dia do Sibolis patuduhon
na so marasi roha ibana dung tubu Jesus?
(b) Ninna roha muna songon dia do panghilalaan ni Sibolis molo adong naposo na mangoloi
Jahowa jala na mangulahon lomo ni rohaNa?
12
JOUJOU PABOAHON
pinompar ni si Abraham na rumingkot,
na laho ”manegai angka ulaon ni Sibolis.” (1 Johannes 3:8) Na so asi do roha ni
Sibolis molo dipamate ibana sada posoposo? Daong. Ndang ringkot di rohana
tu na sintong manang na so sintong. Pintor marsitutu do ibana laho mambunu Jesus tingki posoposo dope. Songon dia
dalanna?
13 Tingki diboto Raja Herodes sian
angka sijujur ari naung tubu do sada raja
di halak Jahudi, marrimas situtu ibana
naeng mambunu posoposo i. (Mateus 2:
1-3, 13) Diparentahon ibana ma asa dibunu nasa posoposo di Betlehem na marumur dua taon tu toru. (Jaha Mateus 2:1318.) Malua do Jesus sian pambunuon i.
Alai aha do na boi taparsiajari sian on taringot musunta Sibolis? Ndang arga di
Sibolis hangoluan ni jolma. Ndang asi rohana tu posoposo. Tutu ma Sibolis i ”babiat na marauang.” Sai ingot ma ndang
adong asi ni roha di Sibolis!
SIPANGOTOOTOI DO SIBOLIS
Sada dalan ni Sibolis mangotootoi
jolma asa mangalo tu Debata Jahowa
na tahaholongi, i ma marhitehite gabus.
(1 Johannes 4:8) Diotootoi Sibolis do jolma asa ndang mauas male di partondion.
Ndang diantusi nasida ringkot ni paralealeon tu Debata. (Mateus 5:3) ”Dipapitung debata ni portibi on (Sibolis) do
pingkiran ni angka na so porsea” asa
ndang ditanda nasida hasintongan taringot Jahowa.—2 Korint 4:4.
15 Sada dalan ni Sibolis laho papitunghon angka jolma, i ma marhite ugamo na
so sintong. Diboto Sibolis do molo Jahowa ndang olo ”patudoson dohot na
asing.” (2 Musa 20:5, Bibel Siganup Ari)
Pingkiri ma las ni roha ni Sibolis tingki
14
14, 15. Songon dia Sibolis mangotootoi angka
na so porsea?
diida ibana angka jolma manomba tondi
ni ompungna, bona ni hau, ganaganaan
manang jolma manang na aha pe na
adong di portibi on asing ni Jahowa.
Asi roha mangida nasida, dirimpu nasida
panombaon nasida i dijangkon Debata,
hape haporseaon dohot ulaon na marisuang do i. Halak Israel di tingki ni si
Jesaya hea mangulahon sisongon i. Disungkun Jahowa tu nasida: ”Boasa tung
tuhorhonon muna hepeng tu na so sipanganon? Boasa dipasuda hamu gaji muna
hape tong do hamu male? Tangihon ma
hatangku jala ulahon ma na hudok, gabe
dapot hamu ma angka sipanganon na
tabo.”—Jesaya 55:2, Bibel Siganup Ari
16 Sibolis pe boi mangotootoi naposo
ni Debata na girgir mangulahon lomo ni
rohaNa. Sada sian i, taingot ma jo tingki
Jesus paboahon tu angka siseanna na
laho dipamate na ma ibana. Si Petrus na
manghaholongi Jesus mandok: ”Asi ma
roha ni Debata di ho Tuhan; unang ma i
songgop i tu ho.” Jesus mangalusi si Petrus: ”Laho ma ne ho, Sibolis!” (Mateus
16:22, 23) Boasa Jesus manjou si Petrus
”Sibolis”? Ala sasintongna diboto Jesus
do aha na laho masa. Ndang sadia leleng nai mate na ma Jesus gabe tobusan,
jala patuduhon Sibolis i pangotootoi. On
ma tingki na rumingkot tu sude jolma,
ndang tingkina be di Jesus asa ”marasi ni
roha” tu dirina sandiri. Las situtu roha ni
Sibolis molo ndang jaga Jesus.
17 Nunga jonok be ajal ni portibi on.
Alani i, saonari hita nunga mangolu di ari
parpudi na gok hasusaan. Lomo roha ni
Sibolis molo hita ”marasi roha” tu dirinta
sandiri jala mangalului hasangapon di
portibi on. Ibana pe lomo do rohana asa
ndang taingot na mangolu di ari parpudi
16, 17. (a) Boasa didok Jesus tu si Petrus:
”Laho ma ne ho, Sibolis”? (b) Songon dia do Sibolis mangotootoi hita asa unang dungo hita?
jala ndang jaga be hita. Unang ma paloas
on masa tu hita, balik sian i ”dungo ma
hamu.” (Mateus 24:42) Unang ma tarimpu dao dope ajal ni portibi on jala ndang
na pintor laho ro ari i.
18 Marusaha do Sibolis laho mangotootoi hita sian dalan na asing. Lomo rohana molo tahilala na so tama do hita
dihaholongi Debata jala ndang tarhalupahonon ni Debata angka dosanta. Alai
gabus ni Sibolis do i. Pingkirhon ma, ise
do sasintongna na so tama dihaholongi Jahowa? I ma Sibolis. Dosa ni ise do na so
boi sesaon ni Debata? I ma Sibolis. Bibel
paposhon rohanta: ”Ai ndang na geduk
Debata, tung halupahononna ma na niula muna dohot holong ni roha na pinatuduhon muna tu goarna.” (Heber 6:10)
Arga do di Jahowa nasa na taulahon na
pasonanghon rohaNa, jala ulaon marbarita na taulahon ndang na laho marisuang. (Jaha 1 Korint 15:58.) Alani i
unang olo hita diotooti Sibolis.
19 Songon naung taparsiajari, Sibolis i
marhagogoon, ndang marasi ni roha jala
pangotootoi. Songon dia hita boi monang
mangalo musunta on? Jahowa mangalehon pangurupion tu hita. Diurupi Bibel
do hita asa mangantusi angka tahi ni Sibolis ”Ai ndang na so taboto angka tinahina i.” (2 Korint 2:11) Molo nunga taboto
ragam ni tahi ni Sibolis laho mangotootoi
hita, on mangurupi asa sai tongtong dungo hita. Alai ndang sae holan mamboto angka tahi ni Sibolis. Bibel mandok:
”Alo hamu ma Sibolis i, dung i maporus
ma ibana sian hamu.” (Jakobus 4:7) Di
parsiajaran na mangihut, laho taulas ma
tolu situasi na boi monang hita mangalo
Sibolis.
18, 19. (a) Songon dia Sibolis mangotootoi
hita jala mambahen hita marpingkir na so tama
hita mandapot holong ni Jahowa? (b) Songon
dia Jahowa mangurupi asa sai tongtong dungo
hita?
1 MEI 2015
13
Boi do Hita Monang Mangalo
Sibolis!
”Gomos ma hamu mangalo ibana [Sibolis],
marhitehite haporseaon.”—1 PETRUS 5:9.
SONGON DIA BOI HITA
MALUA SIAN ANGKA
JORAT NI SIBOLIS,
SONGON . . .
Hasangapon?
Holongan di hepeng?
Parmainanon?
SAONARI marsitutu do Sibolis laho mangaripashon halak
Kristen na nimiahan ni tondi dohot ”birubiru na asing.” (Johannes 10:16) Ala otik na ma tingkina, marsitutu do ibana asa sega
haporseaon ni godang angka naposo ni Jahowa. (Jaha Pangungkapon 12:9, 12.) Alai boi do hita monang. Bibel mandok:
”Alo hamu ma Sibolis i dung i maporus ma ibana sian hamu.”
—Jakobus 4:7.
2 Godang halak ndang porsea molo didok na tutu adong Sibolis. Di nasida Sibolis dohot angka begu holan parange na roa
na adong di bagasan roha, di film, dohot di buku. Didok nasida molo naung singkola na timbo sasahalak, ndang be porsea
molo na tutu do adong angka begu. Susa do Sibolis molo angka jolma ndang porsea na adong Sibolis dohot angka begu?
Daong. Gariada las rohana alana gabe ummura di ibana laho
mangotootoi jolma. (2 Korint 4:4) Sasintongna Sibolis do na
mambahen asa adong pingkiran sisongon i laho mangaliluhon
angka jolma.
1. (a) Boasa ringkot taalo Sibolis tarlumobi saonari on? (b) Sian dia taboto na boi do hita monang mangalo Sibolis?
2, 3. (a) Boasa lomo roha ni Sibolis molo dirimpu halak na so adong ibana? (b) Sian dia do taboto na tutu adong Sibolis?
14
3 Ndang boi diotootoi angka naposo ni
Jahowa. Taboto adong do Sibolis. Sian dia
taboto? Bibel paboahon tu hita molo Sibolis hea manghatai tu si Hawa marhite
ulok. (1 Musa 3:1-5) Ibana manghatai
tu Jahowa jala disangsihon ibana haporseaon ni si Job. (Job 1:9-12) Marsitutu ibana laho mangunjuni Jesus. (Mateus 4:
1-10) Dung gabe raja Jesus di taon 1914,
dipungka ibana ma paraloan tu angka
halak Kristen na nimiahan ni tondi na
adong dope di tano on. (Pangungkapon
12:17) Dibahen ibana do paraloan i sahat tu saonari on, huhut marsitutu ibana
laho manegai haporseaon ni halak Kristen na nimiahan ni tondi dohot birubiru
na asing. Asa boi monang hita di paraloan
i ingkon taalo ma Sibolis jala tajaga ma
asa sai togu haporseaonta. Parsiajaran on
mangulas tolu dalan na boi tabahen asa
monang.
UNANG PASANGAPHON DIRI
Lomo hian roha ni Sibolis pasangap
dirina. Jala barani do ibana mangalo hak
ni Debata mamarenta, marusaha do ibana mangelaela angka jolma asa manomba
ibana ndang na manomba Jahowa. Ibana
ma na apala pas patuduhon roha na teal
dohot ginjang ni roha. Alani i asa boi taalo Sibolis porlu tabolonghon parange na
pasangaphon diri sandiri jala patuduhon
serep ni roha. (Jaha 1 Petrus 5:5.) Alai aha
do parange na pasangaphon diri sandiri i? Sai na roa do lapatanna?
5 Sada kamus mandok pasangaphon
diri sandiri lapatanna: porsea tu diri sandiri jala taargai dirinta. On pe marlapatan
4
4. Songon dia do Sibolis apala pas patuduhon
parange na pasangaphon diri sandiri?
5, 6. (a) Sai na sala do na pasangaphon diri
sandiri? Patorang ma. (b) Angka hasangapon na
dia do na parohon jea, jala angka ise ma na disurat di Bibel na hea patuduhon parange sisongon on?
manghasabamhon aha na adong di hita
manang sisolhotnta ala naung mangulahon na denggan jala ala adong na denggan di hita. Ndang na sala molo adong
panghilalaan sisongon i di hita. Apostel
Paulus mandok tu huria di Tessalonik:
”Pola hubaritahon hami hamu di angka
huria ni Debata, mamuji habengeton dohot haporseaon muna, di na masa tu
hamu ragam ni pangaleleon dohot haporsuhon, angka na pinataontaon muna.”
(2 Tessalonik 1:4) Alani ni i, panghilalaan
sonang ala adong parkarejoanta dohot
na asing marlapatan do on tu hita. Boi
mambahen hita mangargai dirinta sandiri. Ndang maila hita tu keluarganta, marganta, manang huta hatubuanta.—Ulaon
21:39.
6 Alai boi do sangap tu diri sandiri manegai paralealeonta, tarlumobi paralealeonta tu Jahowa. Ala pasangaphon diri,
boi do hansit rohanta molo adong na mamodai. Jala ndang serep be rohanta manjalo pinsangpinsang i. (Psalmen 141:5)
Panghilalaan on boi tubu ala pasangaphu
hita tu dirinta sandiri ”manang roha haginjangon ala tarimpu umdenggan hita
sian angka dongan na asing.” Sogo do
roha ni Jahowa tu jolma na pasangaphu
tu dirina sandiri. (Hesekiel 33:28; Amos
6:8) Las do roha ni Sibolis molo tapaginjang rohanta jala marhata manggang taringot dirinta sandiri. Pingkirhon ma las ni
roha ni Sibolis tingki si Nimrod, si Firaun,
dohot si Absalom marhata manggang taringot diri nasida sandiri! (1 Musa 10:8, 9;
2 Musa 5:1, 2; 2 Samuel 15:4-6) Ala pasangaphu do si Kain tu dirina sandiri umbahen ndang maraleale ibana tu Debata. Dipinsang Debata Jahowa do si Kain, alai
ginjang do rohana ndang olo manangihon. Sijogal ateate do si Kain ndang lomo
rohana manangihon poda ni Jahowa, jala
ndang adong biar ni rohana mangulahon
dosa tu Jahowa.—1 Musa 4:6-8.
1 MEI 2015
15
7 Saonari on, godang do jolma ala
patuduhon hasangapon diri gabe parohon
jea tu na asing. Holong tu diri sandiri dipatudos tu parange na holongan tu na samarga (Rasisme). Sada kamus mandok,
rasisme i ma panghilalaan na so porsea
tu angka halak sian marga na asing, on
muse marlapatan ”paimbarimbarhon haboion ni sasahalak, jala ninna rohana umtimbo do marga na sada sian na asing.”
Rasisme boi mambahen tubu parbadaan,
parporangan dohot angka na mambunu.
8 Tontu ma, ndang masa angka parange
sisongon on di huria. Alai, olo do sipata ndang saroha angka donganta di huria, alana adong na pasangaphu tu dirina
sandiri jala ndang boi diorom panghilalaan i. On ma na masa tu halak Kristen
di abad na parjolo. Disungkun si Jakobus ma: ”Sian dia do angka parbadaon
dohot parmusuon na di hamu?” (Jakobus 4:1) Molo jut rohanta tu donganta
na asing jala tarimpu dumenggan hita
sian angka donganta, boi do on mambahen hita mandok manang mangulahon
angka na pahansithon roha ni donganta.
(Poda 12:18) Tangkas ma molo pasangaphu hita tu dirinta sandiri boi do on manegai hadameon di huria.
9 Molo sai tarimpu dirinta na dumenggan sian angka donganta taingot ma ”Marbiasbias do roha ni Jahowa mida sude jolma na ginjang marroha.” (Poda 16:5) Porlu
tapareso rohanta jala mambahen sungkunsungkun on tu dirinta sandiri: ’Na
umdenggan do ahu huhilala sian angka dongan na asing margana, bangsona,
dohot hatana?’ Molo adong panghilalaan
7, 8. (a) Aha do lapatan ni rasisme, jala songon
dia do on martalian tu pasangaphu tu diri sandiri? (b) Patorang ma songon dia pasangaphu tu
diri sandiri boi manegai hadameon di huria.
9. Songon dia do Bibel mangurupi hita asa boi
mambolonghon rasisme dohot parange pasangaphu tu diri sandiri? (Ida ma gombar di mula
ni parsiajaran.)
16
JOUJOU PABOAHON
sisongon i, na tahalupahon do molo ”sian
sada jolma do dipatupa Ibana (Debata) saluhut bangso.” (Ulaon 17:26) Sasintongna,
samarga do sude hita alana sada do ompungta i ma si Adam. Ndang tutu Debata
mambahen sadasada marga umtimbo sian
marga na asing. Molo tapasombu adong
pingkiran sisongon i di rohanta na paloas
Sibolis do hita manegai holong dohot parsadaan di huria. (Johannes 13:35) Asa
boi monang mangalo Sibolis ingkon tabolonghon ma sude panghilalaan na pasangaphon diri sandiri.—Poda 16:18.
PADAO MA HOLONGAN DI HEPENG
DOHOT DI PORTIBI ON
Didok do Sibolis ”raja ni portibi on.”
(Johannes 12:31; 1 Johannes 5:19) Godang
do angka na adong di portibi on maralo tu
poda ni Bibel. Nang pe ndang sude sala
angka na adong di portibi on, ingkon porsea do hita na boi do i pangkeon ni Sibolis laho patubutubu sangkap na sala jala
boi mambahen hita mardosa. Manang bahenonna ma hita asa manghaholongi portibi on jala ndang be mangharingkothon
paralealeon tu Jahowa.—Jaha 1 Johannes
2:15, 16.
11 Pigapiga halak Kristen di abad parjolo manghaholongi portibi on. Songon na
disurat si Paulus: ”Ai ditadinghon si Demas i do ahu, ala naung holong rohana di
portibi on.” (2 Timoteus 4:10) Ndang dipaboa Bibel sasintongna dia na dihaholongi
si Demas sian portibi on, na mambahen
ibana maninggalhon si Paulus. Olo do ra
holongan ibana di arta sian paralealeonna
tu Jahowa. Molo i do na mambahen, mago
ma hak na sumurung na mansai arga di
ibana, i ma gabe pangurupi ni si Paulus.
Dos do na ditadinghon ibana i dohot na
niaduna? Ndang dos. Ndang boi portibi
10
10, 11. (a) Boasa boi hita gabe olo manghaholongi portibi on? (b) Boha do ujung ni hangoluan
si Demas ala dihaholongi ibana portibi on?
on mangalehon lobi sian na nilehon ni Jahowa!—Poda 10:22.
12 Boi do masa angka sisongon i tu hita
saonari. Toho do nian ndang sala molo tasarihon dirinta dohot keluarganta. (1 Timoteus 5:8) Taboto do Jahowa pe manghalomohon asa hita marlas ni roha di
ngolunta, dilehon Ibana do tu si Adam dohot si Hawa Paradeiso na uli gabe inganan
nasida. (1 Musa 2:9) Alai, boi do dipaotooto Sibolis hita mamangke sangkap ni rohanta asa masihol di ”hamoraon.” (Mateus 13:22) Dirimpu godangan halak, boi
las roha nasida alani hepeng dohot arta.
Molo dos do pingkiranta dohot nasida taringot hepeng, boi do sega paralealeonta
na arga tu Jahowa. Dipasingot Jesus do
hita: ”Ndang haoloan sada halak dua induk, sai hosomanna do na sada holonganna do na sadanari; Hombaranna do na
sada toisanna do na sadanari. Ndang haoloan hamu Debata rap dohot Mammon”
(Mateus 6:24) Molo arta do na tahaholongi, ndang tahaholongi be Jahowa. On
ma na sasintongna dihalomohon Sibolis.
Anggiat ma ndang tatinggalhon paralealeonta tu Jahowa alani hepeng manang
arta. Asa boi hita monang mangalo Sibolis
unang ma hita holongan di hepeng.—Jaha
1 Timoteus 6:6-10.
TUNDALHON MA PARMAINANON
Jorat ni Sibolis na asing i ma parmainanon. Ninna godangan halak, hatinggalan jaman do molo marsihohot hita tu
sada tunggani doli manang sada tunggani
boru. Jala songon na di hurungan ma dihilala nasida molo marhasohotan nasida. Songon na didok sada artis borua:
”Ndang tarbahen marsihohot tu sasahalak,” didokhon ibana muse: ”Ndang hea
13
12. Songon dia do Sibolis mangotootoi hita
marhite angka sangkap ni rohanta asa masihol
di ”hamoraon”?
13. Songon dia portibi on mangelaela asa pilit
pangantusionta taringot parsaripeon?
huida halak na marsihohot tu dongan saripena.” Sada artis baoa mandok: ”Ndang
tarbahen ahu, hupasuda ariari ni ngolungku holan rap dohot sahalak borua.” Las
roha ni Sibolis molo songon i pingkiranta
maradophon silehonlehon ni Debata i ma
parsaripeon. Ndang lomo roha ni Sibolis
adong parsaripeon na togu, jala ndang
lomo rohana martua angka parsaripeon.
Alani i, asa boi hita monang mangalo Sibolis ingkon songon Debata ma hita mangida parsaripeon.
14 Naung marsaripe pe hita manang na
ndang, ingkon marsitutu do hita manundalhon sude ragam ni parmainanon. Mura
do i? Daong! Songon: Molo sahalak na
poso do hamu, hea do ra dibege hamu dongan sasingkola muna mangulahon parmainanon. Manang olo do ra nasida manongos hata dohot gombar na so hasea
marhite handphone. Sasintongna sarupa
do i tu pornografi. (1 Korint 6:18) Olo do
gabe marsahit alani mangulahon parmainanon. Susa ma hita alani sahit on jala boi
mate. Angka na poso na mangulahon parmainanon mandok, manolsoli do nasida
di parulaonna i. Angka film na adong
di TV jotjot mangelaela hita asa porsea
ndang manghorhon na roa molo taalo patik ni Debata. Molo tahaporseai gabus on,
gabe diotootoi dosa ma hita.—Heber 3:13.
15 Molo tarelaela hita laho mangulahon
parmainanon, aha do na boi taulahon?
Martangiang ma tu Jahowa laho mangido
gogo. (Pilippi 4:6, 7, 13) Boto ma didia
hagaleonta. (Rom 7:22, 23) Pasiding ma
inganan manang situasi na boi mangelaela hita asa mangulahon parmainanon.
(Poda 22:3) Jala, molo tompu ro elaela i,
tundalhon ma!—1 Musa 39:12.
16 Dilehon Jesus do sitiruon na boi
14, 15. Aha do na boi taulahon molo dielaela
hita asa mangulahon parmainanon?
16. Aha do didok Jesus tu Sibolis tingki dielaela
ibana, jala aha ma na boi taparsiajari sian i?
1 MEI 2015
17
taihuthon. Ndang olo ibana porsea tu
gabus ni Sibolis. Jala ndang hea dipingkirpingkiri ibana elaela ni Sibolis. Pintor didok ibana tu Sibolis: ”Ai didok surat i do.”
(Jaha Mateus 4:4-10.) Tangkas do diantusi
Jesus hata ni Debata, on mangurupi Jesus
asa pintor boi mangingot hata ni Debata
tingki dielaela Sibolis ibana. Asa boi hita
monang mangalo Sibolis, unang ma tapaloas dirinta dielaela asa mangulahon parmainanon.—1 Korint 6:9, 10.
HITA BOI MONANG MOLO MARTAHAN
17 Holan tolu dope na taulas sian angka
jorat ni Sibolis, i ma pasangaphon diri, holongan di hepeng, dohot parmainanon.
Alai godang dope angka joratna. Songon,
olo do adong donganta na manaon paralaon sian keluargana manang sian pamarenta. Manang adong donganta na direhei
dongan sasingkolana. Sude do hita ingkon manaon paraloan dohot parungkilon.
Jesus pe paingothon hita: ”Hosoman ni saluhut jolma do hamu ala ni Goarhu; alai
17, 18. (a) Angka aha ma muse jorat ni Sibolis
jala boasa ndang pola songgot rohanta mangadopi i? (b) Aha ma na laho masa tu Sibolis, jala
aha ma labana tu hita ala mamboto i?
Diripashon ma Sibolis i saleleng ni lelengna
(Ida paragraf 18)
nasa na manahan ro di ujungna, i do paluaonna!”—Mateus 10:22.
18 Songon dia do asa boi hita monang
mangalo Sibolis? Jesus mandok: ”Marhitehite benget ni roha do malua hosa muna.”
(Lukas 21:19) Ndang sahalak pe na boi
manegai haporseaonta. Ndang adong agia
aha pe na boi manegai paralealeonta tu
Debata molo ndang hita sandiri na manegai. (Rom 8:38, 39) Nang pe ingkon
mate ujungna halak na mangoloi Jahowa,
ndang na monang Sibolis disi. Paheheon
ni Jahowa do nasida. (Johannes 5:28, 29)
Alai molo tu Sibolis, ndang adong panghirimon tu ibana. Dung diripashon halak
parjahat sian portibi on, na laho dihurung
do ibana saleleng saribu taon. (Pangungkapon 20:1-3) Di ujung ni Pamarentaon
Saribu Taon i, ”malua ma Sibolis i sian
hurunganna” laho sahali nai mangunjuni angka jolma na tipak. Dung i diripashon ma Sibolis i saleleng ni lelengna. (Pangungkapon 20:7-10) Molo Sibolis
ndang marpanghirimon, hita marpanghirimon do! Sai tongtong ma alo Sibolis, jala
sai jaga ma asa sai togu haporseaonta. Sai
na boi do monang hita mangalo Sibolis!
Nasida ”Manatap”
Angka na Dibagabagahon
”Ndang sanga dijalo nasida bagabaga i; sian na dao
nama ditatap jala dihalashon.”—HEBER 11:13.
DILEHON Jahowa do tu hita silehonlehon na sumurung.
I ma haboionta laho manatap aha na so taida. On boi mangurupi hita laho mangida angka na denggan tu ari na naeng ro.
Jala boi mangurupi tingki adong sangkapsangkapnta jala asa
boi mandao sian mara. Jahowa na mamboto taringot ari na
naeng ro, laos dipabotohon do tu hita pigapiga situasi na
naeng ro jala boi hita mamingkirhon i. Nang pe ndang pintor
taida angka bagabagaNa i, alai boi do tarimangi i jala pos rohanta na laho saut do i.—2 Korint 4:18.
2 Ndang sude angananganta boi saut. Umpamana, sahalak
dakdanak maranganangan habang diboan lampulampu. Alai
tung na so boi do i. Asing muse do si Hana inong ni si Samuel. Marsintasinta do ibana, molo adong ianakhonna bahenonna karejo di tabernakel mangurupi malim. Ndang holan
anganangan sambing i. Boi do saut i. Ala dirimangrimangi
ibana sintasintana i, ndang dilupahon janjina tu Jahowa.
(1 Samuel 1:22) Molo sai tarimangi do bagabaga ni Jahowa na
1. Boasa denggan mangarimangi angka na so hea dope taida? (Ida gombar di mula ni parsiajaran.)
2, 3. (a) Aha do laba ni na mangarimangrimangi di hita? (b) Aha na
laho siulasonta di parsiajaran on?
SONGON DIA DO
ALUS MUNA?
Silehonlehon aha do na
dilehon Debata asa boi mangurupi hita marhaporseaon?
Sian dia taboto angka halak
na disurat di Bibel marhaporseaon jala boi manatap
bagabaga ni Jahowa tu
nasida?
Boasa denggan molo tahatahon panghirimonta taringot
bagabaga ni Jahowa tu ari na
naeng ro?
19
laho saut, sasintongna saut ma i.—2 Petrus 1:19-21.
3 Di Bibel torop do disurat taringot naposo ni Jahowa na mangarimangi bagabaga ni Debata. Boasa denggan na diulahon nasida i? Boasa denggan muse molo
hita mangarimangi parngoluonta tingki
saut bagabaga ni Debata?
LAM TOGU HAPORSEAON NASIDA
TINGKI MANATAP ARI NA NAENG RO
Si Abel do jolma na parjolo na porsea tu bagabaga ni Jahowa. Diboto ibana
do aha na nidok ni Jahowa tu ulok dung
mardosa si Adam dohot si Hawa: ”Jala
bahenonku ma parbadaanmu dohot boruboru i, ro di pinomparmu tu Pinomparna. Ibana mangalisathon ulum, gabe
pargutonmu tambihulna.” (1 Musa 3:14,
15) Ndang diboto si Abel songon dia do
bahenon ni Jahowa pasauthon surirang
on. Alai porsea do ibana tu na nidok ni
Debata. Ra, jotjot do dirimangrimangi si
Abel, ’Ise do na laho mangalisathon ulok
jala paluahon jolma asa boi tipak muse
hangoluanna?’ Porsea do si Abel na laho
saut aha na nidok ni Jahowa, dilehon
ibana ma pelean jala las ma roha ni Jahowa mangida i.—Jaha 1 Musa 4:3-5;
Heber 11:4.
5 Si Henok sada sian jolma na porsea
situtu tu Debata. Ibana mangolu di humaliang ni angka jolma na manghatahon ”hata nasida na tois” mangalo tu
Debata. Alai barani do si Henok mambaritahon barita sian Debata. Dipaboa ibana tu angka halak na laho ripashonon ni
Jahowa do angka parjahat. (Judas 14, 15)
Aha na mangurupi ibana asa boi mangu4
20
lahon on? Dirimangrimangi si Henok do
songon dia dame ni portibi on molo
sude halak manomba Jahowa.—Jaha Heber 11:5, 6.
6 Togu do haporseaon ni si Noak tu Jahowa, alani i ma ndang diripashon ibana
di aek na sumar. (Heber 11:7) Ala porsea
ibana tu Debata dilehon si Noak ma pelean situtungon tu Jahowa. (1 Musa 8:20)
Dung salpu aek na sumar i, mulak jahat
do muse pangisi ni portibi on. Mangarajai ma si Nimrod jala dielaela ibana
angka jolma asa mangalo tu Jahowa.
(1 Musa 10:8-12) Alai sai tongtong do
togu haporseaon ni si Noak. Songon si
Abel, pos do rohana na laho salpuhonon
ni Debata ma dosa dohot hamatean.
Dirimangrimangi si Noak ma dame ni
portibi on molo ndang adong be halak
na mangulahon hajahaton. Hita pe boi
do mangarimangrimangi na laho ndang
adong be angka parjahat. Jala taboto nunga jonok be tingkina!—Rom 6:23.
NASIDA MANATAP HANGOLUAN
NAUNG DIBAGABAGAHON
Si Abraham, si Isak, dohot si Jakkob boi manatap ari na dumenggan na
naeng ro. Nunga dibagabagahon Jahowa
tu nasida molo angka jolma di tano
on mandapot pasupasu marhitehite ”pinompar” nasida. (1 Musa 22:18; 26:4;
28:14) Debata pe nunga marjanji molo
angka pinompar nasida laho gabe bangso na bolon na mian di tano parjanjian
na uli. (1 Musa 15:5-7) Ala pos do roha ni
si Abraham, si Isak, dohot si Jakkob tu
bagabaga ni Jahowa, boi do ditatap nasida sude keluarga nasida mian di tano i.
7
4. Aha do na mambahen si Abel mangari-
6. Dung salpu aek na sumar, aha ma na sai di-
mangi taringot ari na dumenggan tu ari na
naeng ro?
5. Boasa marlaba di si Henok mangarimangrimangi ari na naeng ro?
rimangrimangi si Noak?
7. Hangoluan na songon dia do na ditatap si
Abraham, si Isak dohot si Jakkob tu ari na
naeng ro?
JOUJOU PABOAHON
Sasintongna, dung mardosa si Adam dohot si Hawa, diurupi Jahowa do sude
angka naposoNa asa boi mangantusi na
laho tipak jala mangolu salelenglelengna
do muse nasa jolma di tano on.
8 Ala togu do haporseaon ni si Abraham, boi ma diulahon ibana sude parenta ni Jahowa nang pe sipata maol diulahon. Si Abraham dohot angka naposo ni
Jahowa na asing pe, boi manatap bagabaga ni Jahowa nang pe ndang sanga dijalo bagabaga i di ngolu nasida. Bibel
mandok: ”sian na dao na ma ditatap jala
dihalashon.” (Jaha Heber 11:8-13.) Tangkas do diboto si Abraham sai na saut do
bagabaga ni Jahowa di tingki naung salpu, alani i ma pos rohana na laho saut do
bagabaga ni Jahowa di ari na naeng ro.
9 Ala pos roha ni si Abraham tu bagabaga ni Jahowa, boi diulahon ibana aha
na pinangido ni Jahowa songon, ditadinghon ibana do jabuna di huta Ur,
dung i marpindapinda ma ibana ndang
hea hot di sada huta. Diboto ibana
ndang na laho martahan angka huta na
dibolusna i ala ndang mangoloi Jahowa
nasida. (Josua 24:2) Si Abraham songon
i nang si Abel, si Henok, si Noak, dohot na asing porsea tu haheheon, jala
boi ditatap nasida pamarentaon ni Jahowa na laho mangarajai tano on. Pamarentaon i ”huta na marojahan na hot,
na pinandean jala na pinauli ni Debata.” (Heber 11:10) Ganup diingot nasida
hangoluan salelenglelngna di tano on
lam togu ma haporseaon nasida.—Jaha
Heber 11:15, 16.
10 Togu do haporseaon ni si Sara, ripe
8. Aha do na boi mangurupi si Abraham asa
togu haporseaonna jala sai mangoloi?
9. Aha do labana di si Abraham ala marhaporseaon na togu tu bagabaga ni Debata?
10. Boasa marlaba di si Sara ala manatap ari na
naeng ro?
ni si Abraham tu bagabaga ni Jahowa.
Nang pe ndang adong dope ianakhonna
dung marumur 90 taon alai dihirim do
na laho marianakhon ibana. Boi ditatap
si Sara na laho gabe bangso na bolon ianakhonna. (Heber 11:11, 12) Boasa boi
pos rohana? Ala nunga dipaboa Jahowa
tu tunggani dolina: ”Ai pasupasuonku
ibana, jala lehononku ma di ho anak
sada nang sian ibana, jala pasupasuonku ibana gabe angka bangso; gari raja ni
angka bangso marroan sian ibana sogot.” (1 Musa 17:16) Songon naung dijanjihon Jahowa, tubuan anak ma si Sara
i ma, si Isak. Tanda halongangan na binahen ni Jahowa on, paposhon rohana
na laho saut do sude bagabaga ni Jahowa na asing. Hita pe boi lam togu haporseaonta molo tatatap angka janji ni
Jahowa tu hita.
SAI DITATAP IBANA DO UPA I
Si Musa pe porsea do tu bagabaga
ni Jahowa. Boi do ibana gabe sada sian
halak na marpangkat di tano Misir. Alai
humolongan do ibana tu Jahowa sian
arta manang huaso. Nunga diparsiajari
ibana taringot Jahowa sian natuatua na
manubuhon ibana. Diboto ibana na laho
paluaon ni Jahowa do halak Israel sian
parhatobanon jala mian di tano parjanjian. (1 Musa 13:14, 15; 2 Musa 2:5-10)
Lam jotjot dirimangrimangi si Musa janji ni Debata lam holong ma ibana tu
Jahowa.
12 Dipaboa Bibel tu hita: ”Hinorhon ni
haporseaon do manjua si Musa, dung
magodang, goaron ibana anak ni boru ni
Firaun. Tagonan do dipilit rohana: Rap
tumaon na porsuk ibana dohot bangso ni Debata, sian na maruntung satongkin, bahenon ni dosa. Haleaon ni
11
11, 12. Aha do na boi mangurupi si Musa asa
lam manghaholongi Jahowa?
1 MEI 2015
21
Kristus i do dijujur ibana hamoraon na
ummangat asa angka arta na di tano Misir; ai pamaloson i do dibereng.”—Heber
11:24-26.
13 Bagas dirimangrimangi si Musa
janji ni Jahowa na laho paluaonNa halak Israel sian parhatobanon. Diantusi si
Musa do holong ni roha ni Jahowa tu ganup jolma jala diantusi si Musa do na
laho paheheon ni Debata angka jolma
sian hamatean. (Job 14:14, 15; Heber
11:17-19) Alani i lam togu jala lam holong rohana tu Jahowa. On boi mangurupi ibana mangulahon lomo ni roha ni
Jahowa di ngoluna. (5 Musa 6:4, 5) Nang
pe diondam si Firaun laho bunuonna
ibana, alai ndang mabiar ibana. Pos do
rohana na lehonon ni Jahowa upa tu
ibana.—2 Musa 10:28, 29.
SAI TATAP MA ANGKA NA LAHO
PASAUTON NI HARAJAON NI DEBATA
Torop do halak saonari on manghirim angka na so boi masa. Umpamana,
pigapiga halak na pogos manghirim asa
gabe mamora jala ndang holsoan be di
ngolu nasida. Alai Bibel mandok molo
parngoluonta saonari on gok ”hangaluton dohot halojaon.” (Psalmen 90:10)
Manang pigapiga halak manghirim tu
pamarenta asa pasohon parungkilon di
portibi on. Alai Bibel mandok holan Harajaon ni Debata do na boi mangulahon i. (Daniel 2:44) Jala dirimpu torop
halak, songonon na ma portibi on. Alai
Bibel mandok na laho ripashonon ni Debata do angka parjahat sian tano on. (Sepania 1:18; 1 Johannes 2:15-17) Aha pe
na dihirim nasida na maralo tu hata ni
Debata ndang na laho saut.
14
13. Aha do labana di si Musa ala dirimangri-
mangi ibana janji ni Jahowa?
14. Aha do na hinirim ni pigapiga halak tu ari
na naeng ro?
22
JOUJOU PABOAHON
Dibagabagahon Jahowa do tu hita
ari na dumenggan tu ari na naeng ro.
Molo tatatap ari na denggan i, las ma rohanta jala boi ma hita mandapot habaranion laho mangoloi Ibana. Boi do ditatap
hamu na laho ulahononmu angka na dibagabagahon Jahowa, di surgo manang
di tano on? Molo ditatap hamu hangoluan na manongtong di tano on, hilala
ma! Rap karejo hamu dohot dongan
muna paulihon portibi on. Disarihon na
manguluhon ulaon i do hamu, alani i sonang ma dihilala hamu. Jala sude halak
na disi manghaholongi Jahowa songon
hamu. Sehat pamatang muna, gogo, jala
ndang adong be holso ni roha. Las roha
muna ala boi dipangke hamu gogo dohot talenta muna laho mangurupi halak
dohot pasangaphon Jahowa. Ra parsidohot do hamu mangurupi angka halak
naung dipahehe asa mananda Jahowa.
(Johannes 17:3; Ulaon 24:15) Molo on dirimangrimangi hamu, na laho saut do i.
Ala Bibel do mandok.—Jesaya 11:9; 25:8;
33:24; 35:5-7; 65:22.
15
HATAHON MA PANGHIRIMONTA
Tingki manghatahatai hita dohot
angka donganta taringot siulahononta
di tano na imbaru, taurupi ma angka dongan asa lam tangkas ditatap nasida ari
na naeng ro. Nang pe ndang tangkas taboto aha na laho siulahononta, alai molo
tapaboa tu nasida aha na tahirim patuduhon na porsea do hita tu janji ni
Jahowa. Molo taulahon on, na mangarupi angka dongan do hita asa sai tongtong mangoloi Jahowa nang pe adong
16
15. (a) Aha do laba na di hita molo tarimang-
rimangi bagabaga ni Jahowa? (b) Aha sada
na dihirim hamu laho ulahononmu di ari na
naeng ro?
16, 17. Aha do labana molo tahatahon bagabaga ni Jahowa taringot ari na naeng ro?
parungkilon nasida, songon na dibahen
Apostel Paulus dohot halak Kristen di
Rom.—Rom 1:11, 12.
17 Molo tarimangrimangi janji ni Jahowa taringot ari na naeng ro, ndang holan
parungkilonta be na tapingkirhon. Di
sada tingki, holsoan ma si Petrus mandok tu Jesus: ”Ia hami, saluhut do hutadingkon hami mangihuthon Ho. Aha
ma balos ni i tu hami?” Lomo do roha ni
Jesus molo si Petrus dohot angka siseanna na asing manatap angka na denggan
na laho siulahonon ni nasida di ari na
naeng ro. Didok ibana tu nasida: ”Na
tutu do na hudok on tu hamuna: Di ari
sogot, di haimbaruon i, di na hundul
Anak ni jolma i di habangsa hasangaponna i, dohot ma hamu juguk disi di
sampuludua habangsa, manguhumi halak Israel na sampuludua marga i. Jala
ganup na manadingkon hahaanggina,
ibotona, amana, inana, anakkonna, haumana manang jabuna pe ala ni Goarhu,
manjalo ma i marlompitlompit, angkup
Boi do ditatap hamu na
laho ulahononmu angka na
dibagabagahon Jahowa?
(Ida paragraf 15)
ni i teanonna hangoluan na saleleng ni
lelengna i.” (Mateus 19:27-29) Alani i
gabe boi ma si Petrus dohot angka sisean na asing manatap molo rap mamarenta dohot Jesus di surgo jala mangurupi halak na marsihohot dohot tano on
asa tipak muse.
18 Nunga taparsiajari aha na mambahen togu haporseaon ni angka naposo ni
Jahowa. Ditatap si Abel do ari na naeng
ro na dumenggan na dibagabagahon Jahowa. Ala dihaporseai ibana do bagabaga i boi ma diulahon ibana lomo ni roha
ni Jahowa. Ditatap si Abraham do tingki
saut bagabaga ni Jahowa marhite ”pinomparna”, alani i dioloi ibana ma Jahowa nang pe sipata maol diulahon.
(1 Musa 3:15) Ditatap si Musa do upa na
dijanjihon Jahowa tu ibana, jala on mangurupi ibana lam porsea jala lam manghaholongi Jahowa. (Heber 11:26) Molo
tatatap hangoluan na dibagabagahon Jahowa, lam togu jala lam balga ma holongta tu Jahowa. Di parsiajaran na mangihut, taparsiajari ma isara na asing
mamangke pingkiranta.
18. Aha do labana di hita molo tatatap hangoluan na dibagabagahon Jahowa?
1 MEI 2015
23
Tatiru ma Debata
na Mambagabagahon
Hangoluan na Manongtong
”Sitiru Debata ma hamu, songon angka anak hinaholongan.”
—EPESUS 5:1.
SONGON DIA DO
ALUS MUNA?
Songon dia do Jesus patuduhon na ditiru ibana do
parange ni Jahowa?
Songon dia do hita boi maniru parange ni Jahowa, dohot
holong na pinatuduNa?
Boasa porlu manat manjaga
pingkiranta?
24
DITOMPA Jahowa hita mardongan haboion mangantusi songon
dia panghilalaan ni angka dongan na asing, nang pe ndang tataon na dihilala nasida. (Jaha Epesus 5:1, 2.) Songon dia haboion
on mangurupi hita boi maniru Jahowa? Jala boasa porlu manat
hita mamangke haboionta on?
2 Nunga dibagabagahon Jahowa tu hita hangoluan na sun
denggan na so adong be sitaonon. Angka na nimiahan ni tondi
dohot ”birubiru na asing” boi manatap hangoluan salelengna, di
surgo manang di tano on. (Johannes 10:16; 17:3; 1 Korint 15:53)
Alai diantusi Jahowa do holso ni rohanta tingki manaon na bernit hita saonari on. Hansit do roha ni Jahowa tingki masa hasusaon tu angka naposo ni Jahowa najolo di tano Misir. ”Dohot ibana (Debata) targogot.” (Jesaya 63:9) Jala, tingki bangso Israel
pajongjonghon bagas joro jala nasida mabiar tu angka musu,
diantusi Jahowa do panghilalaan nasida i. Dipapos Ibana nasida:
1. Haboion aha do na adong di hita na boi mangurupi hita maniru Jahowa?
2. Songon dia panghilalaan ni Jahowa tingki susa hita?
”Ai manang ise na manjama hamu, anak ni
matana (Debata) jinamana disi.” (Sakaria
2:12) Dos songon sada ina na manghaholongi ianakhonna, dihaholongi Jahowa angka naposoNa jala lomo rohaNa mangurupi
nasida. (Jesaya 49:15) Maniru holong ni Jahowa ma hita tingki taantusi panghilalaan
nasida jala boi bahenonta songon di situasi nasida.—Psalmen 103:13, 14.
JESUS MANIRU JAHOWA JALA
MANGHAHOLONGI HITA
3 Diantusi Jesus do panghilalaan ni angka jolma tingki susa nasida nang pe ndang
hea dihilala hasusaan nasida i. Umpamana, diantusi ibana do hasusaan ni jolma.
Digabusi angka sintua ni malim jolma di
tingki i, jala dibahen angka parenta na borat na so sian Debata. Mabiar do jolma
tu angka sintua ni malim on. (Mateus
23:4; Markus 7:1-5; Johannes 7:13) Nang pe
ndang mabiar jala ndang porsea Jesus tu
gabus ni angka sintua ni malim i, alai boi
do diantusi ibana panghilalan ni jolma na
disi. Tingki diida Jesus roa ni pambahenan nasida, malengleng ateatena. Ndang
adong na mangurupi nasida, ”songon birubiru na so marparmahan” (Mateus 9:36)
Sian Debata do Jesus marsiajar laho manghaholongi jolma huhut ”marasi roha jala
pardengganbasa.”—Psalmen 103:8.
4 Tingki diida Jesus hasusaan ni jolma,
diurupi ma nasida alani holongna. Dos songon Amana do ibana. Umpamana, tingki
dao sisean ni Jesus marbarita na uli mansai
loja dihilala nasida jala porlu maradi di
inganan na so ribur. Alai diida Jesus godang halak na paimahon ibana. Diantusi
do molo nasida manghaporluhon pangurupion sian ibana. Alani i, ”gabe godang
ma dipodahon tu nasida,” nang pe loja Jesus.—Markus 6:30, 31, 34.
3. Boha do panghilalaan ni Jesus tu hasusaan ni
jolma?
4. Tingki diida Jesus hasusaan ni jolma, aha do
na diulahon ibana?
PATUDU MA HOLONG SONGON JAHOWA
5 Asa adong holong di hita songon holong ni Jahowa, aha do na porlu taulahon?
Pingkirhon ma pengalaman ni donganta
on. Adong sada donganta baoa na poso,
goarna si Alan. Dipingkirhon si Alan do
hata ni Jesus na mandok: ”Ia i na pinangido muna, naeng bahenon ni halak tu
hamu, i ma bahen hamu tu nasida.” (Lukas
6:31) Disungkun ibana ma dirina, ’Aha do
na huhirim asa bahenon ni jolma tu ahu?’
Jala ninna ma, ’lomo rohangku asa marbola nasida rap dohot ahu!’ Alai ndang boi be
marlojong angka donganta na matua on
tarlumobi laho marbola. Jadi, na ingkon
sungkunon ni si Alan tu dirina i ma, ’aut
sugari matua ahu songon nasida, aha do na
huhirim bahenon ni jolma tu ahu?’
6 Nang pe poso dope si Alan, marsitutu
do ibana laho mangarimangrimangi boha
do panghilalaanna molo nunga matua ibana. Dilehon ibana do roha dohot tingkina
laho manghatai dohot manangihon angka donganta naung matua on. Dung i, diboto ibana ma molo nasida maol manjaha
Bibel jala maol marbarita na uli sian jabu
tu jabu. Diparrohahon si Alan ma na boi
do ibana mangurupi nasida jala naeng mangurupi nasida sian nasa gogona. Tingki
taantusi panghilalaan ni donganta jala tapatudu holong tu nasida, na maniru Debata Jahowa ma hita disi.—1 Korint 12:26.
7 Ndang sai mura laho mangantusi hasusaan ni angka halak, tarlumobi molo
ndang hea tahilala. Umpamana, godang
angka donganta susa alani sahit manang adong pangarupaon manang ala nunga lam matua nasida. Na asing manaon sitaonon na umborat alani godang
sipingkironna na so marnasae manang
alani lungun ni roha na malobihu. Deba
5, 6. Molo naeng maniru holong ni Jahowa
hita, aha do na ingkon taulahon? Bahen tudosan. (Ida ma gombar di mula ni parsiajaran.)
7. Songon dia hita boi mangantusi hasusaan ni
angka donganta?
1 MEI 2015
25
alani dosa na diulahon di tingki naung salpu. Deba nai alani sahalakna pagodanggodanghon ianakhonna manang ala paraloan
na ro sian keluarga na so sahaporseaon.
Ganup hita marsadasada sai adong do sitaononta be. Alai hasusaan na umborat i
ma molo ndang sai sapingkiran hita. Alai
nang pe ndang sapingkiran hita, tubu do
di roha laho patudu holong jala naeng mangurupi nasida. Jadi, aha do na ingkon taulahon? Ganup hita marsadasada manghaporluhon pangurupion na marasingasing.
Molo denggan tatangihon nasida jala marsitutu laho mangantusi panghilalaan nasida, taboto ma songon dia laho mangurupi
nasida. Boi ma tapaingot nasida taringot
panghilalaan ni Jahowa tu hasusaan nasida
manang talehon pangurupion tu nasida.
Molo taulahon on, na maniru Jahowa ma
hita disi.—Jaha Rom 12:15; 1 Petrus 3:8.
PARDENGGAN BASA MA
SONGON JAHOWA
8 Pardenggan basa do Jahowa tu saluhut
jolma. (Lukas 6:35) Songon Amana i do Jesus pardenggan basa. Aha do na mangurupi Jesus gabe pardenggan basa tingki di
tano on? Boi dirimangrimangi ibana songon dia panghilalaan ni halak tu panghataion dohot parniulaonna. Umpamana,
sada borua na mangulahon na rorang ro
manjonok tu ibana. Tumatangis ibana manetekhon iluilu di pat ni Jesus. Boi do diparrohahon Jesus na mangangku sala jala
manolsoli do borua i di angka saluhut dosana. Aut sugari ndang dijangkon Jesus,
boi mambahen mandele borua i. Jadi dipuji Jesus do borua i taringot usaha dohot
angka na denggan na diulahon ibana. Jadi
disalpuhon Jesus ma saluhut angka dosana. Suang songon i, dipatudu Jesus do lambok ni roha tingki manghatai ibana dohot
halak Parise na so manghalomohon na diulahon Jesus tu borua i.—Lukas 7:36-48.
8. Aha do na mambahen Jesus gabe sahalak na
pardenggan basa?
26
JOUJOU PABOAHON
9 Songon dia hita boi maniru Jahowa
gabe pardenggan basa? Tapingkiri ma jo
andorang so tahatahon manang so taulahon sada ulaon asa boi hita lambok tu dongan jala ndang mambahen hansit roha
nasida. Na digoari halak Kristen didok si
Paulus ”Na so patut parbadabada anggo naposo ni Tuhan i, alai tama basar
maradophon saluhut.” (2 Timoteus 2:24)
Umpamana, pingkirhon ma songon dia
hita boi mardenggan basa di situasi on:
Molo toketa ndang mangulahon ulaonna
dohot denggan, aha do na ingkon taulahon? Molo adong donganta ndang ro marpungu pigapiga bulan, aha do na laho dohononta tu ibana? Tingki marbarita na uli
jala didok parjabu ndang adong tingkina
laho manghatai, boha do hita patuduhon
molo sahalak na pardenggan basa do hita?
Molo disungkun tunggani boru muna taringot aha na laho ulahononmu, songon dia
do hita patuduhon denggan ni basa tingki
manghatai tu ibana? Jadi porlu tarimangi
songon dia do panghilalaan ni halak. Rimangi ma songon dia panghorhon ni panghataionta tu nasida. Dung i taboto ma
aha na laho taulahon jala tahatahon asa
boi gabe pardenggan basa songon Jahowa.
—Jaha Poda 15:28.
MARBISUK MA SONGON JAHOWA
Marbisuk do Jahowa, jala boi do diida
Ibana aha na laho masa tu ari na naeng ro.
Nang pe ndang taboto aha na laho masa tu
ari na naeng ro, alai boi do hita marbisuk.
Songon dia? Andorang so mambahen sada
haputusan, porlu tapingkirhon manghorhon aha do on tu hita dohot tu halak?
Unang ma hita songon halak Israel. Ndang
dipingkirhon aha pangkorhonna tu nasida
molo ndang dioloi Debata Jahowa. Ndang
10
9. Aha do na boi mangurupi hita asa gabe pardenggan basa songon Jahowa? Bahen tudosan.
10, 11. Songon dia do hita boi marsiajar sian Ja-
howa gabe sahalak na marbisuk? Bahen tudosan.
arga di nasida paralealeonna tu Jahowa dohot sude naung pinatupa ni Jahowa tu
nasida. Ala diantusi si Musa do on jala
diantusi ibana molo halak Israel laho mangulahon angka na geduk, didok ibana:
”Ai bangso parroha mago do nasida, jala
ndang adong roha panimbangon di bagasan roha nasida. Oe aut marbisuk ma nasida nian marateatehon hata i, asa diantusi
roha nasida nian na masa tu nasida sogot!”
—5 Musa 31:29, 30; 32:28, 29.
11 Umpamana, tingki mardalani hamu
rap dohot hallet muna, ingot ma somalna
tingki lomo roha tu sasahalak, maol do mangarajai panghilalaan dohot giotgiot ni daging na sala. Dibahen i, unang ma ulahon hamu na boi manegai paralealeon
muna na arga tu Jahowa. Alai marbisuk ma
hamu, padao hamu ma angka na boi mangelaela tu ulaon na sala. Tangihon ma sipasingot na marbisuk sian Jahowa: ”Molo
dibereng na bisuk ro parmaraan, dipasiding do i; alai ianggo na loahon, ditorushon do dalanna gabe marmara ma ibana.”
—Poda 22:3, Bibel Siganup Ari.
Pardenggan basa ma songon Jahowa
(Ida paragraf 7)
Sahalak na marbisuk boi mangarajai
pingkiranna. Pingkiranta boi mangurupi
manang boi parohon jea tu hita. Songon
api boi do mangurupi alai boi do mambahen jea. Tingki tu na denggan tapangke
api, boi mangalompa sipanganon na tabo.
Alai molo so manat tapangke boi do manutung jabunta manang boi pamate hita.
Suang songon i ma, denggan do molo talehon pingkiranta laho mamingkirhon angka na boi taparsiajari sian Jahowa. Alai
molo angka na rorang do tapingkirhon songon pangalangkupon, lam leleng gabe
tubu ma roha laho mangulahon i. Sega ma
paralealeonta tu Jahowa.—Jaha Jakobus 1:
14, 15.
13 Boi do hita marsiajar sian borua na
parjolo i ma si Hawa. Nunga dipatikhon Jahowa na so jadi panganon ni Si Adam dohot si Hawa parbue ni hau sian ”hau parbinotoan ni na denggan dohot na roa.”
(1 Musa 2:16, 17) Alai balik do dipaboa Sibolis tu si Hawa: ”Ndang na tutu hamu
mate. Ai diboto Debata do sadari dipangan
hamu sian i, tonggor ma mata muna, gabe
doshon Debata hamu umboto na denggan
dohot na roa.” Maranganangan do si Hawa
lam denggan parngoluonna molo boi mamutushon sandiri aha na dumenggan. Jala
sai i ma dipingkirpingkiri ibana: ”dung i,
sai dipanotnoti boruboru i ma parbue i,
jala pia matana marnida.” Dung i aha ma
na masa? ”Jadi diputikhon sian parbuena i
jala dipangan, dilehon ma dohot tu sinondukna sian i, gabe dipangan.” (1 Musa
3:1-6) Hinorhon ni i, ”bongot dosa i tu
12. Songon dia do pingkiranta boi parohon jea
tu hita?
13. Aha do na sai dipingkiri si Hawa taringot
parngoluonna?
RAJAI MA PINGKIRAN MUNA
12
1 MEI 2015
27
portibi on marhite sian sada halak jala
marhite dosa i ro hamatean.” (Rom 5:12)
Sasintongna, ndang porlu pingkirhonon ni
si Hawa angka na sala!
14 Ndang na parmainanon na diulahon
si Hawa. Alai Bibel mandok unang ma tapingkirpingkirhon taringot parmainanon.
Didok Jesus: ”Manang ise na mamereng
boruboru huhut marsangkap na roa, nunga saut dilangkupi i di bagasan rohana.”
(Mateus 5:28) Si Paulus pe pasingothon:
”Unang ma sarihon hamu daging muna
laho manungguli hisaphisap.”—Rom 13:14.
15 Bibel pe mandok ingkon talehon do
roha dohot pingkiranta laho pasonanghon
roha ni Jahowa ndang laho mamingkirhon
hamoraon. Nata pe mamora sasahalak,
ndang boi hamoraon i paluahon ibana.
(Poda 18:11) Didok Jesus na dipaotooto do
sasahalak molo dipapungu arta di portibi
on, ndang na patujolohon lomo ni roha ni
Jahowa. Alai ndang ”mamora ibana di Debata.” (Lukas 12:16-21) Alai molo tapapungupungu ”arta di banua ginjang” jala mangulahon na dihalomohon rohaNa, las ma
rohaNa jala hita pe marlas ni roha. (Mateus
6:20; Poda 27:11) Paralealeon tu Jahowa
dao umarga sian manang aha pe.
UNANG MA SAI HOLSOAN
Molo adong do giot ni rohanta naeng
mamora di portibi on, boi do i mambahen
hita lam holsoan. (Mateus 6:19) Didok Jesus, maol do halak na sai holsoan laho
patujolohon Harajaon ni Debata di parngoluon nasida. (Mateus 13:18, 19, 22) Pigapiga halak holsoan tu angka mara na
boi tipa tu nasida. Alai molo maholsohu
hita, boi do on mambahen sahit manang
gabe humurang ma haporseaonta tu Jaho16
14. Aha do sipasingot na nidok ni Bibel tari-
ngot parmainanon?
28
wa. Sasintongna, ingkon pos do rohanta tu Jahowa na boi mangurupi hita. Bibel mandok ”holsoholso di bagasan roha
ni baoa patungki ibana, alai anggo hata
na denggan pahinsahon rohana muse.”
(Poda 12:25) Jadi, molo holsoan hita, patolhas ma i tu dongan sahaporseaon na tangkas mananda hamu. Boi do pangidoonmu
pangurupion sian natuatua, dongan saripe, aleale muna asa manjujui hamu marpos ni roha tu Jahowa jala asa unang maholsohu hita.
17 Umantusan do Jahowa sian ise pe taringot panghilalaanta jala boi mangurupi
tingki holsoan hita. Si Paulus manurathon: ”Unang holsohon hamu agia aha;
alai sandok pabotohon hamu ma tu Debata pangidoan muna marhitehite tangiang
dohot elehelek mardongan mauliate! Jala
dame ni Debata na sumurung sian saluhut roha, i ma mangaramoti angka ateate
dohot pingkiran muna di bagasan Jesus
Kristus!” (Pilippi 4:6, 7) Jadi tingki holsoan hamu, pingkirhon ma pangurupion
na boi dilehon Jahowa marhitehite angka
donganta, sintua, naposo haposan, surusuruan, dohot Jesus asa sai togu paralealeon muna tu Ibana.
18 Songon naung taparsiajari, na maniru Jahowa ma hita molo tapangke haboionta laho mangantusi panghilalaan ni
dongan na asing. (1 Timoteus 1:11; 1 Johannes 4:8) Marlas ni roha ma hita molo
tapatudu holong dohot denggan ni basa tu
halak na asing. Molo tapingkiri panghorhon ni parniulaonta jala molo tapasiding
roha na maholsohu. Tarimangi ma songon
dia parngoluonta di pamarentaon ni Harajaon ni Debata jala taulahon ma na dumenggan na boi taulahon laho maniru Jahowa.—Rom 12:12.
17. Songon dia do Jahowa boi mangurupi ting-
15. Arta dia ma na umarga di hita, jala boasa?
ki holsoan hita?
16. Aha do na boi mangurupi hita tingki hol-
18. Songon dia do haboionta laho mangari-
soan?
mangrimangi boi mangurupi hita?
JOUJOU PABOAHON
DIBOTO HAMU DO?
Ditolopi arkeologi do na disurat ni Bibel?
Sada artikel sian Biblical Archaeology Review, paboahon molo
na ni dapot ni arkeologi patuduhon na hea do mangolu ”hirahira 50” halak na disurat di angka buku Heber. Adong ma i
14 raja sian Israel dohot Jehuda, dohot ma i si Daud jala si Hizkia, suang songon i na hurang ditanda songon si Menahem dohot si Pekah. Adong muse ma 5 Firaun dohot 19 raja sian Assur,
Babilonia, Moab, Persia, dohot Siria. Alai ndang holan angka raja
na adong di Bibel dipaboa arkeologi. Dohot do muse angka halak na hurang ditanda songon sintua ni malim, panurat, dohot
angka na marpangkat.
Artikel on paboahon, godang do ”halak na pistar” satolop na
hea do mangolu jolma na nidokna i. Na ni dapot ni arkeologi patuduhon na hea do mangolu angka halak na disurat di buku Junani. Songon si Herodes, si Pontius Latus, si Tiberius, si Kayapas, dohot si Sergius Paulus. ˇ
RAJA ASSUR SARGON II NA
DISURAT DI JESAYA 20:1
Photograph taken by courtesy
of the British Museum
Nandigan do ndang adong be babiat
sian angka luat na disurat di Bibel?
GOMBAR NI BABIAT MARLAPIS SERE
DI DINDING NI BABILON NAJOLO
Courtesy of Archaeological Museum of Istanbul
Saonari ndang adong be babiat di Israel dohot luat na humaliang.
Alai, adong do hirahira 150 ayat di Bibel na paboahon taringot babiat. On patuduhon molo na ditanda angka panurat ni Bibel do binatang on. Sipata ndang babiat sitoho na dipaboa angka ayat i,
alai adong do ayat ni Bibel na paboahon na hea do halak pajumpang dohot babiat sitoho. Songon si Simson, si Daud, dohot si Benaia hea do dipaboa nasida pamatehon babiat. (Panguhum 14:
5, 6; 1 Samuel 17:34, 35; 2 Samuel 23:20) Adong muse na dibunu babiat.—1 Rajaraja 13:24; 2 Rajaraja 17:25.
Di tingki naung salpu, Babiat Asia (Panthera leo persica) boi do
dijumpangi di Asia Kecil dohot Junani sahat tu Palestina, Siria,
Mesopotamia, dohot India barat laut. Ala dihabiari jala dihasangapi do babiat, jotjot do dipangke angka gombarna di luat Timur
Dekat najolo. Songon, adong do gombaran ni babiat di dinding ni
dalan tu kuil di Babilon.
Sada hatorangan paboahon, di ujung ni abad 12 D.M angka na
marporang na digoari Porang Salib, mamburu angka babiat di Palestina. Ndang adong be haidaan angka babiat di luat on hirahira
taon 1300. Alai, sada hatorangan patuduhon adong dope angka babiat i di abad 19 i ma di Mesopotamia dohot Siria. Adong
dope babiat di Irak dohot di Iran sahat tu abad 20. ˇ
1 MEI 2015
29
BIBEL MAMBAHEN DENGGAN HANGOLUAN
Marsiajar do ahu molo
Jahowa burju jala
panesa dosa
NGOLUNGKU UJU I: Di luat Montreal di huta na pogos
DISARITOHON SI
NORMAND PELLETIER
TUBU
1954
HAROROAN NI BANGSO
KANADA
JUJUR NI NGOLU
PANGOTOOTOI,
PARJUJI
do ahu tubu. Tingki marumur onom taon marujung
ngolu ma bapakku. Dunghon i holan omakku ma
mangurus keluarga nami. Ahu ma siampudan sian ualu
na marhahamaranggi.
Dung lam magodang ahu, marnarkoba, marjuji, martumbuk, dohot mangulahon angka hajahaton. Dung marumur sampulu taon ahu, huurupi ma angka boruboru na
so hasea, dohot angka na paanakhon hepeng. Jotjot hian
do ahu margabus jala mansai las do rohangku molo boi
huotootoi halak. Ndang boi hupaso na mangotootoi i.
Tingki marumur 14 taon ahu, lam malo ma ahu mangotootoi. Umpamana, hutuhor ma godang jom, golang dohot
tintin na marlampis sere (mas). Dunghon i, hugorga ma
disi hata 14 karat. Hugadis ma i, di topi dalan manang di
inganan parparkiran di mol. Las hian rohanghu ala muramura do ahu mandapot hepeng. Hea do di bagasan sadari
dapotan pangomoan 10.000 dolar AS!
Dung marumur 15 taon ahu, dipakaluar ma ahu sian
singkola ni dakdanak na jugul. Ndang adong jabungku,
alani i, modom di dalan ma ahu, di taman, manang di jabu
ni dongan.
Jotjot do ahu ditangkup polisi ala mangotooti. Alai
ndang dipamasuk tu bagasan hurungan ahu, alana ndang
barang na hutangko na hugadis i. Nang pe songon i, didando do ahu ala manipu, mangotootoi, jala ndang marsurat tigatigangku. Huhut do ahu gabe sipartagi utang alana
ndang mabiar ahu tu manang ise pe. Jea do on, alani i ma
sipata huboan senjata. Ahu pe hea do pigapiga hali karejo
dohot punguan ni parjahat.
SONGON DIA BIBEL PAUBAHON NGOLUNGKU: Parjolo sahali
ahu manjaha Bibel tingki marumur 17 taon. Tingki i,
sajabu ahu dohot hallethu na marsiajar dohot Sitindangi
Ni Jahowa. Alai, ndang lomo rohangku tu aturan ni
30
JOUJOU PABOAHON
Bibel. Alani i, hutinggalhon ma ibana. Dung i, rap
tinggal ma ahu dohot hallethu na asing.
Muba ma ngolungku tingki hallethu na sada
on mulai marsiajar Bibel dohot Sitindangi Ni Jahowa! Lam holong ma rohangku tu ibana alana lam lambok jala marlambas ni roha ibana. Ro
ma ahu tu inganan parpunguan Sitindangi Ni Jahowa. Burjuburju do nasida jala dijanghon do harorongku. Tung marimbar do nasida sian angka
halak na hutanda saleleleng on! Saleleng on, dibolonghon keluargaku do ahu; ndang hea huhilala holong dohot halambohon sian na metmet.
Alani i, holong na dipatudu Sitindangi Ni Jahowa
on boi hona tu rohangku. Tingki ditogihon nasida asa marsiajar Bibel ahu, pintor hujanghon.
Aha na huparsiajari sian Bibel paluahon ngolungku. Marsangkap hian do ahu laho mangarampok rap dohot dua donganku. Molo marhasil
boi hugarar utangku na lobi sian 50.000 dolar AS.
Tuani ma ndang dohot ahu! Donganku na dua i
laho do mangarampok. Ujungna, sada sian nasida tartangkup jala sada nai dibunu.
Ala torus ahu marsiajar Bibel, godang ma hamubaon na hubaen di ngolungku. Umpamana di
1 Korint 6:10 (Bibel Siganup Ari), didok Bibel, ”Panangko manang na hisap manang parmabuk manang paroaroahon manang panipu,” ndang manean Harajaon ni Debata. Tumatangis ma ahu
tingki hujaha i, tarsunggul ma ahu nunga sala
hape ahu saleleng on. (Rom 12:2) Saleleng ngolungku holan na roa do kaluar sian pamanganhu
jala parmurukmuruk do ahu, saleleng ngolungku
holan gabus do huulahon.
Huparsiajari do muse molo na burju do Jahowa jala olo manesa dosa. (Jesaya 1:18) Sai martangiang ma ahu tu Jahowa mangido pangurupion
asa boi muba ahu. Pangurupion na hujalo sian Jahowa boi manguba ngolungku. Alani i na parjolo
huulahon, huoli ma hallethi, jala hupasurathon
ma parsaripeon nami.
Nunga mangoli jala tolu gelengku tingki marumur 24 taon ahu. Saonari, ingkon hulului ma
parkarejoan. Alai ndang adong singkolangku jala
ndang adong na hutanda na boi mangurupi ahu
Mangolu dope ahu sahat tu sadari on
ala mangulahon na didok ni Bibel
mangalului parkarejoan. Marsitutu ma ahu martangiang tu Jahowa. Dung i hulului ma karejongku. Tingki diwawancarai ahu, hupaboa ma na
giot do rohangku muba jala na olo do ahu burju karejo. Sipata, hupaboa ma na marsiajar Bibel
do ahu jala lomo rohangku gabe sahalak na burju. Tung pe songon i godang do na so manjalo
ahu. Ujungna di sada wawancara husaritohon ma
ngolungku na uju i tu na laho gabe tokeku. Didok ibana, ”Ndang huboto alani aha, alai huhilala ingkon hujalo do ho.” Porsea do ahu alus ni
tangianghu do on. Ujungna ahu dohot tunggani
borungku tardidi gabe Sitindangi Ni Jahowa.
LABA NA HUDAPOT: Mangolu do pe ahu sahat tu
sadari on ala mangulahon na didok ni Bibel. Jala i
ma na gabe dalan ni ngolungku. Keluargangku pe
gabe martua ma. Jala ias panggora ni rohangku
ala pos do rohangku nunga disesa Jahowa angka
dosangku.
Nunga 14 taon ahu gabe perintis laho mangurupi halak marsiajar Bibel. Ndang sadia leleng
dope, dohot do tunggani borungku gabe perintis. Saleleng 30 taon na parpudi on, nunga adong
22 halak dongan sakarejongku na huurupi asa
manomba Debata Jahowa. Saonari, lao dope ahu
tu mol, alai ndang na laho mangotootoi halak.
Na laho patuduhon panghirimon taringot tano na
imbaru na so adong be angka pangotootoi.
—Psalmen 37:10, 11. ˇ
1 MEI 2015
31
SUNGKUNSUNGKUN NA DIALUSI BIBEL
Aha do Ari Panguhuman i?
Dipangke Debata najolo angka panguhum laho mangaramoti bangsoNa sian ulaon hageduhon. (Panguhum 2:18) Alai, di tingki na naeng ro, Bibel mandok
laho bahenon ni Jahowa ari panguhuman asa paluahon sude jolma na adong di liat portibi on sian hageduhon, alani i boi dohonon ari panguhuman i ari na palashon roha.—Jaha Psalmen 96:12, 13; Jesaya 26:9.
Pasauthon ni Debata ma hatigoran tu angka halak na mangolu dohot na mate marhite Jesus. (Ulaon
10:42; 17:31) Alana godang do halak naung mate alai
ndang mananda Debata dope. Saleleng ari panguhuman, paheheon ni Jesus ma angka halak sian hamatean. Lehononna ma tingki tu nasida asa boi mananda jala manghaholongi Debata na sintong.—Jaha
Ulaon 24:15.
BOASA ARI PANGUHUMAN I
ARI NA PALASHON ROHA?
Laho mandapot
gumodangan
hatorangan i da
ma alaman 213
sian buku on,
na dipabinsar
ni Sitindangi
Ni Jahowa
APA YANG
Sebenarnya
ALKITAB AJARKAN?
Boasa Ari Panguhuman i Ingkon
Saribu Taon Lelengna?
Saleleng saribu taon i, paheheonna ma angka halak
naung mate. (Pangungkapon 20:4, 12) Dung i, parsiajaran ni nasida ma angka patik ni Debata jala marsiajar mangoloi Ibana. Ndang songon na didok ni
godangan halak, Bibel mandok laho uhumanna ma
jolma hombar tu parniulaonna dunghon dipahehe nasida.—Jaha Rom 6:7.
Bibel mandok tompu do haroro ni ari panguhuman
i andorang so masa dope na saribu taon i. Didok Bibel
do ari i ajal ni portibi on, songon na diulas di alaman
parjolo sian majalah on. Disi ripashonon ni Debata ma
sude angka halak parjahat. (2 Petrus 3:7) Alani i, ingkon marsitutu ma hita saonari laho patuduhon holongta tu Debata.—Jaha 2 Petrus 3:9, 13.
Rade do di
www.jw.org/id
Kirim jo buku
Apa yang Sebenarnya Alkitab Ajarkan?
HATA
GOAR INGANAN s
n
o
Ndang margarar
mandownload
majalah on
p
Rade do Bibel
online di
bagasan lobi
sian 100 hata
Ida ma
www.jw.org/bbc
manang
patongon tu
tanda
wp15 05/01-BT
150203
LULUI MA GUMODANGAN ALUS
NI SUNGKUNSUNGKUN TARINGOT
BIBEL DI ONLINE
Laho manongos, ida ma alaman 2

NAUNG JONOK DO AJAL NI PORTIBI ON?

Transcription

Similar documents

Woh Shabe Meraaj Raaj Woh Safe Mehshar Ka Taaj - Noori

il Giornale dell`Accademia

BALAI HIDROLOGI DAN TATA AIR

Drs. I Gede Nurjaya, M.Pd - undiksha