inge mutemwe wenuwafwa

34567
Na. 3 2016
INGE MUTEMWE
WENU WAFWA
34567
Vol. 137, Na. 7
˙
Unembwa pa Kimye Kimo:
58,987,000 mu MILAKA 254
Na. 3 2016
KIKAONDE
MWALANGULUKAPO’MBA KA?
UNO MAGAZINI wa Kyamba kya Usopa
utumbijika Yehoba Lesa, Kalama wa bilengwa byonse. Kitekenesha bantu na mambo awama a kuba’mba Bufumu bwa
Lesa bwa mwiulu katatakatu bukafumyepo bubi bonse ne kwalula ino ntanda ke
paladisa. Kitundaika bantu kwikala na
lwitabilo mwi Yesu Kilishitu, awo witufwijile kuba’mba tukekale na bumi bwa myaka ne myaka, kabiji luno ye Mfumu wa
Bufumu bwa Lesa. Kutendeka mu mwaka
wa 1879, uno magazini unembwa kimye
kyonse na Bakamonyi ba kwa Yehoba kabiji kechi wamba pa bya bumulwila ntanda ne. Ushimuna biji mu Baibolo.
Nanchi bino byambo bikafika nyi?
‘Lesa ukashimuna mipolo yonse ku
meso abo, ne lufu kechi lukekalako
jibiji ne.’—Lumwekesho 21:3, 4.
Kino Kyamba kya Usopa kyalumbulula
Lesa byo akafikizha uno mulaye ne byo
mwakonsha kumwenamo.
Inge Mutemwe Wenu Wafwa
Uno magazini kechi wa kupotesha ne.
Ke wa kwingijisha mu mwingilo wa kufunjisha bantu Baibolo mwaya ntanda
yonse utundaikwa na bupe.
Inge mukeba kupanako bupe, yai pa
www.jw.org/kqn.
Nanchi Kyatama Kumvwa Bulanda Nyi? 4
Bya Kuba Umvwe Muji na Bulanda 5
Kutekenesha Baji na Bulanda 6
Bafu Bakekala na Bumi Jibiji 8
_________________________________________________________________________________________________________________________
Baibolo ye twaingijisha ke Baibolo wa Binembelo
bya Ntanda Ipya.
Nanchi mukeba kuyukilapo bikwabo nangwa kufunda Baibolo
kyatutu nyi?
Yai pa www.jw.org/kqn nangwa
tuminai ku keyala uji panshipo.
For SOUTH AFRICA:
Jehovah’s Witnesses
Private Bag X2067
Krugersdorp
1740
MITWE IKWABO IJIMO
Baibolo Upimpula Bwikalo bwa Bantu
Nafunjile Kunemeka Banabakazhi
ne Kwinemeka Amiwa Mwine 9
Kintu Kyanema Kyaubiwe!
Kulupula Baibolo wa Binembelo
bya Ntanda Ipya mu Kikaonde 11
Baibolo Waambapo’mba Ka? 16
Wa ZAMBIA:
Jehovah’s Witnesses
P.O. Box 33459
10101 Lusaka
Umvwe mubena kukeba makeyala a
byalo byavula mwaya ntanda, monai
www.jw.org/kqn/isambai.
The Watchtower (ISSN 0043-1087) Issue 7
May 2016 is published monthly with an additional
issue published in January, March, May, July,
September, and November by Watchtower Bible
and Tract Society of New York, Inc.; L. Weaver, Jr.,
President; G. F. Simonis, Secretary-Treasurer;
1000 Red Mills Road, Wallkill, NY 12589-3299,
and printed by Watch Tower Bible and Tract Society
of South Africa NPC, 1 Robert Broom Drive East,
Rangeview, Krugersdorp, 1739. 5 2016 Watch Tower
Bible and Tract Society of Pennsylvania. Printed in
South Africa.
s
TANGAI NE BIKWABO PA INTANETI
MEPUZHO AKWABO A MU BAIBOLO
AKUMBULWA
Mambo ka Bantu o Bafwila?
r
(Chintai panembwa’mba BIFUNJISHA
BAIBOLO ˛ MEPUZHO A MU BAIBOLO
AKUMBULWA)
MUTWE WA PA NKUPIKO
Inge Mutemwe Wenu Wafwa
“Lesa mwine ye wayuka.
. . . Kujila . . . ne.”
Abino byambo bebinongotwejile mu
matwi a mwanamukazhi wa jizhina
ja Bebe. Wajijilenga bashanji
bafwile mu mapuso a pa
mukwakwa na motoka.
Bebe watemenwe bingi bashanji. Mulunda nanji ye waambile bino byambo, pano bino, byamukozhezhe bingi ku muchima Bebe, kechi byamutekeneshe ne. Bebe
waambilenga’mba, “Lufu lwa batata kechi lwawama
ne.” Byo papichile myaka, kufuma kimye kyo bafwile,
byambo byanembele Bebe mu buku wanji byamwesheshetu patoka kuba’mba wakijinga na bulanda.
Byonkatu byo kyajinga kwi Bebe, pakonsha kupita kimye kyabaya pakuba’mba bulanda bukepeko, kikatakata inge kya kuba muntu uji na bulanda watemenwe bingi
yewo wafwa. Mu Baibolo, lufu belulumbulula bulongo
amba “mulwanyi wapelako.” (1 Kolinda 15:26) Lufu lwitufikila kabiji kafwako kyakonsha kwilukanya ne, lwitu˜
vulananya
bingi kikatakata inge lwitusendela bantu bo
twatemwa bingi kwa kubula kuketekela. Kafwako muntu ubula kwikala na bulanda inge lufu lwamufikila ne.
Onkao mambo, kechi twafwainwa kukumya inge kya
kuba twaumvwa bulanda na mambo a lufu ne bifumamo inge muntu wafwa ne.
Kampe mwakiipuzhapo amba: ‘Papita kimye kyabaya
byepi pa kuba’mba bulanda bupwe? Muntu wakonsha
kuba byepi inge uji na bulanda? Nakonsha kutekenesha
byepi boba baji na bulanda? Nanchi kujipo luketekelo
lwa batemwe betu bafwa nyi?’
Na. 3 2016
3
Nanchi Kyatama Kumvwa Bulanda Nyi?
Nanchi mwakyumvwapo kala bulanda pa kimye kicheche na mambo a kukolwa nyi? Kampe kechi papichile ne
moba avula ne, mwabukilwe kabiji mwalubamo ne byo
mwaumvwinenga. Abino kechi byo biji bulanda bukatampe ne. Mu buku wanji wa kuba’mba Healing a Spouse’s
Grieving Heart shayuka wa bya kutekenesha bantu aye
Alan Wolfelt wanembele’mba: “Bulanda kechi bupwa
ne.” Bino wanungilepo kuba’mba: “Inge papita kimye
ne bukwasho bwa bakwabo, muntu wakonsha kukepeshako bulanda.”
Akilangulukai byaubile Abalahama kimye kyafwile
mukazhanji. Baibolo waamba’mba “Abalahama wamujijile bingi Sala.” Kyambo kya kuba’mba “wamujijile bingi” kimwesha’mba papichile kimye kyabaya bingi pa
kuba’mba bulanda bukepeko na mambo a kufwisha mukazhanji.1 Mukwabo wajinga na bulanda bukatampe ke
Yakoba ye babepele kuba’mba mwananji wamulume,
Yosefwa bamwipaya ku nyama wa mungye. Wamujijile
“moba avula,” kabiji kisemi kyanji kyakankelwe kumutekenesha. Nangwa kya kuba papichile myaka yavula,
lufu lwa kwa Yosefwa lwamwikajile bingi ku muchima.
—Ntendekelo 23:2; 37:34, 35; 42:36; 45:28.
1 Mwana wa kwa Abalahama aye Izaka naye waikele na bulanda kimye kyabaya bingi. Byonka byaamba kibaba kya kuba’mba “Londelainga Lwitabilo Lwabo” kiji mu kino Kyamba kya Usopa, Izaka wajijile inanji aye Sala myaka isatu panyuma ya lufu lwanji.—Ntendekelo
24:67.
Abalahama
waikele na bulunda
bukatampe na
mambo a lufu lwa
kwa Sala
Ne lelo jino bantu bavula bekala na bulanda pa kimye
kyabaya inge muntu ye batemwa wafwa. Akilangulukai
pa bano bantu balondelapo.
“Bamwatawami ba Robert bafwile pa 9 July, 2008.
Kechi twaketekejilenga’mba pa jije juba pasakumweka
bintu byatama ne. Panyuma ya kuja kajo ka kwiaula byonka byo twaubanga moba onse saka bakyangye
kuya ku nkito, twifyompele ne kwipakachilamo, twiambila ne byambo bya kuba’mba ‘Nemutemwa bingi.’
Nangwa kya kuba papita myaka itanu na umo, bulanda
kechi bwapwa ne. Namona kechi nkalubamo lufu lwa ba
Robert ne.”—Ba Gail, baji na myaka 60.
“Nangwa kya kuba naikala myaka kukila pa 18 kwa
kubula bakazhi bami, ne kino kimye nkibavuluka bingi
kabiji nkiji na bulanda. Kimye kyonse inge namona kintu kibena kumweka bulongo, mvuluka bingi bakazhi
bami, kabiji ndanguluka pa byo bakonsheshe kumvwa
bulongo kumona bintu byo mbena kumona.”—Ba Etienne, baji na myaka 84.
Kya kine, ino milanguluko ne bulanda kechi byatama
ne. Bantu bamwesha bulanda mu mashinda apusana
pusana, kabiji kyakonsha kutama kuzhachisha mukwenu pa jishinda jo amwesheshamo bulanda umvwe waponenwa na bya malwa. Kabiji kechi twafwainwa kwizhachisha atweba bene inge kya kuba twamona’mba
bulanda bwakilamo ne. Twakonsha kuba byepi inge tuji
na bulanda?
Bya Kuba Umvwe
Muji na Bulanda
Bantu bamba bintu byapusana pusana pa uno mutwe. Pano bino, kechi byonse byamba bantu bi˜
kwashanana
ne. Mwakonsha kutaana kuba’mba
bamo bakonsha kwimubuula’mba kechi mwafwainwa kujila ne, nangwa’mba kechi mwafwainwa kumwesha’mba muji na bulanda ne. Bakwabo bakonsha kwimutundaika kumwesha bulanda. Baibolo
waamba pa byo mwafwainwa kuba inge muji na bulanda byakwatankana na byataana bakebakeba bishinka lelo jino.
Mu bisho bimo balanguluka kuba’mba mwanamulume kechi wafwainwa kujila ne. Nanchi twafwainwa kumvwa bumvu kujila inge paji bantu bavula nyi? Bashayuka bamba kuba’mba kujila ke
jishinda ja kumwesheshamo kuba’mba muntu uji
na bulanda. Kabiji kujila kwakonsha kwimukwashako kutwajijila na bwikalo bwenu nangwa kya
kuba mwafwisha mutemwe wenu. Kubula kujila
kwakonsha kwimulengela kwikala na makatazho.
Baibolo kechi uswisha mulanguluko wa kuba’mba
kujila kwatama ne, nangwa’mba mwanamulume
kechi wafwainwa kujila ne. Akilangulukai byaubile
Yesu. Nangwa kya kuba wajinga na bulume bwa kusangula bafwa, bino wajijile pa mvula bantu na mambo a lufu lwa mulunda nanji Lazalasa.—Yoano
11:33-35.
Bukaji javula nabo bulengela kumvwa bulanda,
kikatakata inge muntu wafwa lufu lwa kubazhimukilatu. Kuji bintu byavula byakonsha kulengela muntu wafwisha kumvwa kutama ku muchima
nabiji inge muntu ye anemeka bingi wamwambila
byambo byabula kufwainwa. Mike wikala ku South
Africa waambile’mba: “Batata bafwile kimye kyo
najinga na myaka ya kusemwa 14. Pa kijilo, musapwishi wa ku Chechi wa Anglican waambile’mba
Lesa ubena kukeba bantu bawama kabiji wibasenda bukiji bukiji.1 Kino kyanzhingijishe bingi na
mambo a kuba’mba twakebelenga bingi kwikala na
batata. Ne kino kimye kinkola bingi ku muchima
nangwa papita myaka 63.”
1 Abino kechi byo bifunjisha Baibolo ne. Baibolo walumbulula bintu
bisatu bilengela lufu.—Musapwishi 9:11; Yoano 8:44; Loma 5:12.
Pano mwakonsha kuba byepi inge mwizhachisha
pa bintu byamweka? Kimye kyo pamweka lufu lwa
kubazhimukilatu, muntu uji na bulanda wakonsha
kutwajijila na kulanguluka’mba, ‘kampe inge kechi kyaubiwe ne inge naubilepo bintu bimo.’ Na˜
ngwa kampe kimye kyapeleleko kumonanana
na
yewo wafwa mwatobokele nanji. Abino byakonsha
kwimulengela kwizhachisha bingi.
Inge kya kuba’mba mwaikala na milanguluko
imulengela kwizhachisha ne kuzhingila, mwafwainwa kwiifumyamo. Mwakonsha kubuulako mulunda nenu wakonsha kuteleka ne kwimutundaika kuba’mba ndangulukilo ya uno mutundu yo
ikala na bantu bekala mu bulanda. Baibolo waamba’mba: “Mulunda wa kine umwesha butemwe
kimye kyonse, kabiji ye mulongo ye wakonsha kuketekela mu kimye kya bya malwa.”—Byambo bya
Maana 17:17.
Mulenga wetu, aye Yehoba Lesa, ye mulunda
wawama wafwainwa kwikala na muntu uji na bulanda. Mubuulainga biji ku muchima wenu mambo
“wimuta muchima.” (1 Petelo 5:7) Kabiji walaya ne
kuba’mba bonse boba bino “mutende wa Lesa wakila milanguluko ya bantu” ukalama milanguluko
BINEMBELO BYAKONSHA
KWIMUTEKENESHA
˙ Lesa wimumvwina lusa inge ke
mumaname.—Salamo 55:22; 1 Petelo
5:7.
˙ Lesa umvwa milombelo ya bakalume
banji.—Salamo 86:5; 1 Tesalonika
5:17.
˙ Lesa utonga bingi bantu bafwa.
—Yoba 14:13-15.
˙ Lesa walaya kusangula bafwa.
—Isaya 26:19; Yoano 5:28, 29.
Na. 3 2016
5
yabo. (Filipai 4:6, 7) Mwakonsha ne kuswisha Lesa
kwimutekenesha kwingijisha Mambo anji, Baibolo. Nembai binembelo byakonsha kwimutekenesha. (Monai kakitenguluzha kaji mu kino kibaaba.)
Mwakonsha ne kulabijilapo binembelo bimo. Kwikala na ino milanguluko kwakonsha kwimukwasha kimye kya bufuku inge mwakankalwa kulaala.
—Isaya 57:15.
Mwanamulume wa myaka ya kusemwa 40 wa jizhina ja Jack wafwishishe mukazhanji na mambo a
kansa. Jack waambile’mba kimye kimo umvwatu
nobe ujitu bunke, bino lulombelo lumukwasha bingi. Waambile’mba: “Inge nalomba kwi Yehoba,
˜
numvwa
nobe kuji wa kunkwasha. Javula inge nalabamo bufuku nkankalwa kulala jibiji. Bino inge
natanga Binembelo ne kulanguluka langulukapo
ne kulomba, ngikala na mutende wa mu milanguluko kabiji kino kindengela kulaala.”
Mwanamukazhi wa jizhina ja Vanessa bainanji bafwile. Ne aye walumbulwile’mba lulombelo lwamukwashishe bingi. Waambile’mba: “Mu kimye kyami kya kumanama, naitanga pa jizhina ja
Lesa kabiji najilanga. Yehoba waumvwine lulombelo lwami kabiji wampele bulume bo nakebelenga.”
˜
Bafunda nana
pa kukepeshako bulanda bamba’mba bantu baji na bulanda bafwainwa kwingilangako mingilo ya kukwasha bantu bakwabo. Kuba bino kwakonsha kwibaletela lusekelo
ne kukepeshako bulanda. (Byubilo 20:35) Bena
Kilishitu bavula bafwisha batemwe babo bataana
kuba’mba kukwasha bantu kwibatekenesha bingi.
—2 Kolinda 1:3, 4.
Kutekenesha Baji na Bulanda
Nanchi mwakankalwapo kala kutekenesha mulunda nenu wafwishishepo mutemwa wanji nyi? Kimye kimo kechi twakonsha kuyuka bya kwamba ne
bya kuba ne. Bino kuji bintu bimo byo twakonsha
kuba.
Javula kikebewatu ke kuyako ne kwamba byambo nabiji bya kuba’mba “Kyatama bingi.” Mu bisho byavula, kukumbachilamo muntu nangwa kumukwata pa kuboko kumwesha’mba mwamuta bingi
muchima. Inge muntu uji na bulanda ubena kukeba kwamba, mwafwainwa kutelekesha. Kintu kikwabo kyanema ke kubilapo bimo kisemi kiji na bulanda. Mwakonsha ne kwibakwashako mingilo yo
bakonsha kukankalwa kwingila, kampe kwibatekelako kajo, kwibakwashako kulama baana nangwa kwibakwashako kunengezha bya kijilo. Kwibakwashako
mu jino jishinda kwanema bingi kukila kwambatu
byambo.
Mu kuya kwa kimye, mwakonsha ne kutendeka
kwamba pa byubilo byawama byajinga na yewo muntu wafwa. Misambo ya uno mutundu yakonsha kulengela kisemi kyaponenwa na bya malwa kwikalako
na lusekelo. Ba Pam bafwishishe bamwata wabo ba
Ian, papita ne myaka itanu na umo. Baambile’mba:
“Bantu bambuula bintu byawama byaubanga ba Ian
byo nabujile ne kuyuka, kabiji kino kindengela kwikala bingi na lusekelo.”
6
KYAMBA KYA USOPA
Bashayuka bamba’mba nangwa kya kuba bantu
baji na bulanda batambula bukwasho bwavula bingi
kimye kitanshi, bino balunda nabo kechi batwajijila
na kwibakwasha ne, mambo a kuba’mba batendeka
kwingila mingilo yabo ya pa juba pa juba. Onkao mambo, mwafwainwa kwisambanga na mulunda nenu
wafwisha mutemwe wanji kimye kyonse.1 Bantu bavula baponenwa na bya malwa baamba’mba kwibafwakesha pa kimye pa kimye kyakonsha kwibakwashako kukepeshako bulanda.
Akilangulukai pe Kaori nsongwakazhi mwina Ja˜
pan wafwishishe bainanji kabiji pa kupitapo banondo 15 bakolojanji babakazhi nabo bafwile. Kyawamineko ke kya kuba’mba balunda nanji ba kishinka
bamukwashanga kimye kyonse. Mulunda umo wakomako pe aye ke ba Ritsuko bepaine kwikala mulunda nanji wa kumukwasha kimye kyonse. Kaori
waambile’mba: “Kwambatu kine, kechi naumvwine
bulongo pa byo baubilenga ne. Kechi nakebelenga
muntu nangwa umo kwikala nobe bamaama ne, kabiji kechi nalangulukilenga’mba kuji muntu wakonsha kuba bino ne. Bino, nebatemenwe bingi ba Ritsuko na mambo a byo bankwashanga. Twayilanga
pamo mu busapwishi pa mulungu pa mulungu ne ku
kupwila kwa bwina Kilishitu. Bangitanga ku nzubo
yabo na kutomena pamo makabe ne kumpotela bya
kuja, kabiji bimye byavula bantuminanga makalata
ne tubikachi. Byaubanga ba Ritsuko byandengejile
kulubako ku bintu byo napichilemo.”
Papita ne myaka 12 kufuma pafwijile bainanji
Kaori, kabiji pa kino kimye aye ne bamwatawanji baji mu mwingilo wa kimye kyonse. Kaori waambile’mba: “Ba Ritsuko batwajijila kunta muchima.
Inge nabwela ku mpunzha ko ngikala, nebafwakesha
kimye kyonse kabiji neyowa misambo yabo ya lutundaiko.”
Bakwabo bamwenejilemo mu bukwasho ke ba
Poli, Bakamonyi ba kwa Yehoba bekala ku Cyprus.
Ba Poli bajinga na bamwata wabo ba Sozos bawamine bingi muchima. Bano bamwata wabo bamweshanga byubilo byawama byo bajinga kafunga wa bwina
Kilishitu kupichila mu kwita baana ba kishale ne bantu bafwilwa ku nzubo yabo na kwisamba ne na kujila pamo bya kuja. (Yakoba 1:27) Kyatamineko ke
kya kuba’mba saka baji na myaka 53, ba Sozos bafwi1 Bantu bamo banemba juba jafwijilepo muntu pa kalenda pa kuba’mba jikebavululengamo kutekenesha bobo bantu bafwishishe
yewo muntu pa juba jonka jo afwijilepo nangwa inge jino juba ke jifwenye pepi.
Monaingapo mashinda a kutekenesheshamo baji
na bulanda
le na kansa ya ku bongo. Ba Poli baambile’mba: “Nafwishishe bamwatawami ba kishinka bo naikele nabo
myaka 33 mu masongola.”
Panyuma ya kijilo, ba Poli bayile na kwikala ku
Canada na mwanabo wamulume Daniel wajinga na
myaka 15. Byo bayile kokwa, batendekele kupwila na
Bakamonyi ba kwa Yehoba. Ba Poli baambile’mba:
“Balongo ne banyenga mu kino kipwilo kechi bayukile byo napichilemo ne, bino betukwashanga bingi ne kwitutekenesha na byambo byabo byawama.
Buno bukwasho bwaishile pa kimye kyawama bingi
mambo kyo kimye mwanami kyo akebelenga bingi
bashanji. Bakulumpe mu kipwilo bamwesheshe kuba’mba bata bingi muchima Daniel. Umo pa bano
˜
waitangako Daniel kimye kyo bapwananananga
na
balunda nabo nangwatu kimye kyo bayanga na kupama mpila.” Pa kino kimye ba Poli ne mwanabo babena kuba bingi bulongo.
Kwambatu kine, kuji mashinda avula bingi mo
twakonsha kukwashisha ne kutundaika bantu baji na
bulanda. Baibolo naye witutundaika na luketekelo
lwawama luji kulutwe.
Na. 3 2016
7
Bafu Bakekala na Bumi Jibiji
Mwakonsha kuvuluka kuba’mba ba Gail bo twaambapo ku ntendekelo mu ino mitwe yalondankana bazhinauka inge kya kuba bakalubako ku lufu
lwa ba mwatawabo ba Robert. Bino babena kutonga kimye kyo bakebamona mu ntanda ipya yalaya
Lesa. Baambile’mba: “Kinembelo kyo natemwa bingi ke Lumwekesho 21:3, 4.” Kyaamba’mba: “Lesa
mwine ukekala nabo. Kabiji ukashimuna mipolo
yonse ku meso abo, ne lufu, mabingo, kujila ne misongo kechi bikekalako jibiji ne. Bintu bya kala
byapichijila.”
Ba Gail
baambile’mba: “Uno mulaye wawama bi˜
ngi. Numvwina bingi lusa bantu babula kuyuka
uno mulaye bafwisha batemwe babo.” Ba Gail byo
Yoba waketekejile kuba’mba bakamusangula
8
KYAMBA KYA USOPA
baji mu mwingilo wa kimye kyonse bekela monka
mwayila byo baitabilamo kupichila mu kubuulako
bantu bo bekala nabo kinkalankulo mulaye wa kuba’mba ‘lufu kechi lukekalako jibiji ne.’
˜
Mwakonsha kwamba’mba, ‘Ano ke manambilatu.’ Bino langulukai pa byapichilemo Yoba. Uno
mwanamulume wajinga na bipute mubiji yense.
(Yoba 2:7) Nangwa kya kuba Yoba wakebelenga kufwa, bino wajinga na lwitabilo mu bulume bwa Lesa bwa kumusangula. Waambile na luketekelo amba: “Nanchi inge mwamfya mu Kilende
. . . Anweba mukangita, ne amiwa nketaba. Mwingilo wa maboko enu mukamukebeshanga bingi.”
(Yoba 14:13, 15) Yoba wajinga na luketekelo lwa
kuba’mba Lesa wanji ukamutonganga bingi kabiji
ukakebesha bingi kumusangula.
Katatakatu Lesa akobe bino kwi Yoba ne bantu bakwabo bavula kimye ino ntanda kyo ikekala
ke paladisa. (Luka 23:42, 43) Baibolo pa Byubilo
24:15 waamba’mba: “Kukekala lusanguko.” Yesu
witulaya kuba’mba: “Kange mukumye kino ne, mambo kimye kibena kwiya aba bonse baji mu bilende kyo bakomvwa jiwi janji ne kufumamo.” (Yoano 5:28, 29) Yoba ukamona uno mulaye kimye
kyo ukafika. Ukekala na luketekelo lwa kutwajijila
kwikala na “bulume bwa ku bwanyike bwanji” ne
mubiji wanji kwikala “wawama kukila byo ajinga
mwanyike.” (Yoba 33:24, 25) Bino byo bikekala ne
bonse baitabila mu lunengezho lwa Lesa lwa kusangula bantu ne kwikala na bumi pano pa ntanda.
Inge mwafwishapo mutemwe wenu, byambo byo
twaambapo mu uno mutwe byakonsha kwimukwasha kukepeshako bulanda. Inge ke mulanguluke languluke pa milaye ya Lesa iji mu Baibolo, mukekala na luketekelo lwakosa ne kutwajijila kwikala
na lusekelo.—1 Tesalonika 4:13.
Nanchi mukeba kuyukilapo byavula pa bya kuba
na bulanda nyi? Nangwa mujipo na mepuzho nabiji a kuba’mba “Mambo ka Lesa o aswishisha bubi
ne buyanji?” Twimutundaika kuya pa keyala wetu
wa jw.org/kqn pa kuba’mba mutaane mikumbu ya
˜
mu Baibolo itekeneshanana.
ˇ
BAIBOLO UPIMPULA BWIKALO BWA BANTU
Nafunjile kunemeka
banabakazhi ne
kwinemeka amiwa mwine
BYASHIMIKIZHA BA
JOSEPH EHRENBOGEN
MWAKA YE BASEMEKELWE
1960
KYALO
FRANCE
MWAPITA BWIKALO BWABO
BATEMENWE BINGI KULWA, KWINGIJISHA
BIZHIMA NE KUBULA KUNEMEKA
BANABAKAZHI
BWIKALO BWA KALA: Nasemekejilwe mu muzhi wa Mulhouse ku buyeke musela wa kyalo kya France kwajinga bantu bavula baingilanga
makito kabiji kwajinga bingi bumbanzhi. Bintu byo mvuluka saka nji
mwanyike ke bya kuba’mba bisemi byavula ku ino mpunzha byatobokanga bingi ne kulwa. Mu kisemi kyetu, banabakazhi bebalengululanga
bingi kabiji banabalume kechi bebepuzha pa kuba bintu ne. Nafunjile
kuba’mba mwingilo wa banabakazhi ke wa kutekela kajo banabalume
ne baana.
Bwikalo bwami bwa ku bwanyike kechi bwawamine ne. Byo nafikizhe
myaka ya kusemwa 10, batata bafwile na mambo a kukizhamo kutoma
maalwa. Byo papichile myaka itanu, kolojami wamulume naye wikujikile. Mu yenka uno mwaka, balongo bami bavula beipayile bene na mambo a kupusenamo, kabiji kino kyanshinkile bulaka. Balongo bami bamfunjishe bya kwingijisha mipenyi ne mata kimye kyonse inge kwaikala
bulwi. Na mambo a bino bintu byo napichilemo, natendekele kwinemba nnembo pa mubiji ne kutoma malwa.
Byo nafikizhe myaka 16, natomanga mabotolo a maalwa 10 nangwa 15 pa juba pa juba kabiji natendekele ne kwingijisha bizhima. Pa
kupota bino bizhima, napoteshanga byela bya kala kabiji kimo kimye
naibangatu. Saka nkyangye kufikizha myaka 17, bankashilepo mu kaleya. Bankashile mu kaleya bimye 18 mambo a kwiba ne kulwa na mipenyi.
Kimye kyo najinga na myaka ya mu ma 20, byubilo byami byatamijileko. Napeepanga tushiki twa jamba 20 juba jimo ne bizhimatu bikwabo byapusana pusana. Pa bimye byavula kwashalangatu pacheche
kufwa na mambo a kwingijisha bizhima byavula bingi. Natendekele kupotesha bizhima, onkao mambo, naendanga na mipenyi ne mata. Juba
jimo nakebelenga kuloza mwanamulume umo, bino kyawaminekotu ke
kya kuba’mba lusaase watontokele pa kyela kyajinga ku mushipi wanji.
Byo nafikizhe myaka 24, bamama bafwile kabiji kino kyalengejile ne
bukaji bwami bwabayilako. Bantu baendanga panshi inge bammona
saka mbena kwiya bachinanga bingi. Na mambo a kuba’mba natemenwe bingi kulwa, javula natanwangatu pa ofweshi wa bakapokola ku
mpelo ya mulungu nangwa mu Kipatela na kubukwa pa bilonda.
Bya nafikizhe myaka 28, nasongwele. Bino kechi nanemekanga bakazhi bami ne, kabiji nebatukanga ne kwibapuma bingi. Kechi twaingijilanga pamo na mukazhami ne. Nalangulukanga kuba’mba kumupa bintu nabiji makosa, malungo, tumbalaminwe ne mashikiyo bya kwiba
naubangatu bulongo. Bino, kwamwekele kintu kyo nabujile kuketekela
ne. Bakazhi bami batendekele kufunda Baibolo na Bakamonyi ba kwa
Yehoba. Panyuma ya kufundatu juba jimo, balekele kupeepa fwanka,
Na. 3 2016
9
ne bintu byonse bya kwiba byo nebapele bya kwikobaika
kobaika. Nazhingijile bingi. Nebakainye kufunda Baibolo kabiji nebafululwilanga ne bwishi bwa fwanka mu kilungi. Naambanga ne bintu byatama pe abo ku bantu bajinga mu kimasamasa kyetu.
Juba jimo bufuku na mambo a kupendwa nasokele nzubo yetu. Bakazhi bami bo betupulwishe amiwa
ne mwanetu wa myaka itanu. Byo napendulukile, naumvwine bingi bumvu pa bintu byamwekele. Mu muchima wami nalangulukilenga’mba Lesa kechi ukandekelako mambo ne. Navulukile byaambile pulishiti juba jimo
kuba’mba bangubabibi bakaya ku helo. Dokotala wami
wa bakonye naye wambuujile’mba: “Obewa kyapwa kechi ukapuluka ne.”
BAIBOLO BYO APIMPWILE BWIKALO BWAMI: Nzubo yetu byo yapile, twavilukijile ku bansemi ba mukazhami. Kimye Bakamonyi kyo baishile na kufwakesha
mukazhami, nebepwizhe’mba, “Nanchi Lesa wakonsha
kundekelako mambo nyi?” Bammwesheshe kinembelo
kya 1 Kolinda 6:9-11 mu Baibolo. Byambo bijipo byaamba pa byubilo bifichisha Lesa ku muchima. Kabiji kyanungapo’mba: “Bamo mwajinga byonka bino.” Abino
byambo byankwashishe kuyuka’mba nakonsha kupimpula byubilo byami. Kepo Bakamonyi bankwashishe kuyu-
˜
Numvwa bingi bulongo kukwasha bantu kuyuka
ene mambo o baikelako
10
KYAMBA KYA USOPA
ka’mba Lesa wantemwa kupichila mu kummwesha kinembelo kya 1 Yoano 4:8. Natundaikilwe bingi kabiji
nalombele kuba’mba beyenga na kumfunjisha Baibolo jibiji mu mulungu, kabiji natendekele kutaanwa ku kupwila kwa bwina Kilishitu ne kulomba kwi Yehoba kimye
kyonse.
˜
Nondo saka akyangye kupwa kufuma kimye kyo natendekele kufunda Baibolo, nafuukwilepo kuleka kwingijisha bizhima ne kutoma maalwa. Natendekele kumvwa
kuba’mba mu mubiji wami mwajinga lukatazho lukatampe. Naikalanga bingi na biloto bufuku, mutwe kukola, mishipeshipe kwivunga, ne makatazhotu akwabo aishileko na mambo a kuleka kwingijisha bizhima. Pano
bino, namwene kuba’mba Yehoba wankwashishenga
ne kunkosesha. Naumvwinengatu byonka byaumvwine
mutumwa Paulo. Byo aambilenga pa byamukwashishe
Lesa, Paulo wanembele’mba: “Mambo bintu byonse nji
na ngovu ya kwibyuba na mambo a yewa umpa bulume.” (Filipai 4:13) Mu kuya kwa kimye nalekele kupeepa fwanka.—2 Kolinda 7:1.
Kununga pa kunkwasha kwikala bwikalo bwawama,
Baibolo wakwasha ne kisemi kyami kwikala bulongo. Napimpwile jishinda jo nalaminangamo benakwami. Natendekele kwibanemeka ne kwingijisha byambo nabiji bya
kuba’mba “mwane” ne “nasanta bingi.” Kabiji naikele
nsemi wawama bingi ku mwanetu wamukazhi. Panyuma
ya kufunda Baibolo pa mwaka umo, nepaine kwi Yehoba
kabiji nabatizhiwe, kulondela byaubile bakazhi bami.
BYO NAMWENAMO: Naketekela kuba’mba mafunde a
mu Baibolo o apulusha bumi bwami. Nangwatu balongo
bami babula Bakamonyi nabo bamona kuba’mba inge
nafwile na mambo a kwingijisha bizhima nangwa inge
bantu bangipayile na mambo a kulwa.
Kisemi kyami kyaikala bulongo na mambo a mafunjisho a mu Baibolo ankwashishe kuyuka mwingilo wami
byo nji mwanamulume wasongola kabiji nsemi. (Efisesa 5:25; 6:4) Twatendekele kubila bintu pamo. Luno
ntundaika bakazhi bami mu mwingilo wabo wa kimye kyonse, kechi nebambila’mba betunengezhezhengatu kajo ne. Kabiji bakazhi bami bomvwa bingi bulongo
kuntundaika mu mwingilo wami wa bukulumpe mu kipwilo.
Butemwe ne lusa lwa Yehoba Lesa byamfikile bingi pa
muchima. Nkebesha bingi kwamba pa byubilo byanji ku
bantu bo bamona’mba kechi bakonsha kupimpula byubilo byabo ne, mambo ne amiwa bantu byo byo bammonanga. Nayuka kuba’mba Baibolo uji na bulume bwa kukwasha muntu yense kwikala bwikalo bwawama. Baibolo
wamfunjisha kwikala na butemwe ne kunemeka bantu
bonse, banabalume ne banabakazhi, ne kwinemeka amiwa mwine. ˇ
KINTU KYANEMA KYAUBIWE!
Kulupula Baibolo wa Binembelo
bya Ntanda Ipya mu Kikaonde
PA 22 August, 2014, kwaubiwe kintu kyanema bingi:
Balupwile Baibolo wa Binembelo bya Ntanda Ipya mu
Kikaonde.
Baibolo wa Binembelo bya Ntanda Ipya wanungwa pa
ma Baibolo aingijisha bantu bakamwa Lesa mu Zambia pa myaka yavula. Pano mambo ka o batuntu˜
lwila Baibolo mukwabo? Bananyi batuntulwile uno
Baibolo? Kabiji mwakonsha kushiinwa byepi amba
Baibolo wa Binembelo bya Ntanda Ipya bamutuntulula
bulongo?
Mambo ka o Kwaikela ma
Baibolo Apusana Pusana?
Mu ino myaka, kuji ma Baibolo avula apusana pusana bantu o batuntulula. Mu milaka imo, kyo kimye
kitanshi kyo batuntululapo Mambo a Lesa. Pakuba
mu milaka ikwabo, nangwa kya kuba ma Baibolo mo
aji kala, bino batuntulwilapo ne akwabo. Mambo ka?
Buku wa kuba’mba, So Many Versions?, wanembele
ba Sakae Kubo ne ba Walter Specht, waamba’mba:
“Kafwako wafwainwa kwamba’mba Baibolo byo twamutuntululatu kyapwa kechi tukamuwamishapo jibiji ne. Ntuntulwilo yafwainwa kwendela pamo na
bintu bya katataka byataana bashayuka ba Baibolo
kabiji yafwainwa kwaluka monka mubena kwalukila
milaka.”
Mu ino myaka, bantu bayukilapo byavula bingi pa
mulaka wa Kihebelu, Kialamaiki ne Kingiliki, milaka
itanshi mo banembejile Baibolo. Kabiji luno bataana
mamanyusikilipiti a Baibolo a kala alumbulula bintu
bulongo kukila oa aingijishe bantuntuluzhi ba Baibolo pa myaka yavula. Onkao mambo, Baibolo luno bakonsha kumutuntulula bingi bulongo kukila kala!
Shayuka wa bya busulu, aye Declan Hayes wanembele’mba: “Pa mwaka pa mwaka, Baibolo ye buku
bantu bavula ye bapota bingi kukila mabuku onse.”
Onkao mambo, bantuntuluzhi bamo pa kutuntulula
Baibolo kechi bata maana pa bishinka ne, bino batatu
Na. 3 2016
11
maana pa kukeba kupotesha ma Baibolo avula. Mu
Baibolo umo, bantuntuluzhi bafumishemo byambo
byo balangulukile’mba “bilenga mukose pa kwibitanga.” Mu Baibolo mukwabo bapimpulamo byambo
nangwa milanguluko yakonsha kuzhingijisha bantu
batanga. Kya kumwenako, pa kukeba kutokesha banabakazhi ku muchima, uno Baibolo utela Lesa amba
“Tata kabiji Mama.”
Kufya Jizhina ja Lesa
Kintu kimo kyatama bingi ke kyokya kyo bauba na
jizhina ja Lesa, ja kuba’mba Yehoba. (Bashayuka
bamo batela jizhina ja Lesa amba, “Yahweh.”) Mu ma
Baibolo amo a kala, jizhina ja Lesa bejinembele mu
bisopelo bina bya Kihebelu, byakonsha kutuntululwa’mba YHWH nangwa JHVH. Mu kipungu kite˜
lwa’mba Lulayanano lwa Kala, jino jizhina janema
jitanwamo bimye nobe 7,000. (Kulupuka 3:15; Salamo 83:18) Kyamweshatu patoka’mba Mulenga wetu
wakebelenga’mba bapopweshi banji bayuke jizhina
janji ne kwijingijisha!
Nangwa byonkabyo, myaka ya kala, Bayudea balekele kwingijisha jizhina ja Lesa na mambo a kuchina
bingelekezha. Kulutwe na lwendo, bena Kilishitu
nabo balondejile ino ndangulukilo. (Byubilo 20:29,
30; 1 Timoti 4:1) Kino kyalengejile bantuntuluzhi ba
Baibolo kufumyamo jizhina ja Lesa ne kunembamo’mba “Nkambo.” Lelo jino, mu ma Baibolo avula bafumyamo jizhina ja Lesa monse mo jitanwa. Mu
ma Baibolo amo a Kizungu bafumyamo ne kyambo
kya kuba’mba “jizhina” kiji pa Yoano 17:6, Yesu
po aambile’mba: “Nejisolola jizhina jenu.” Baibolo
wa Good News Translation watuntulula kino kyepelo
amba: “Nemuyukisha.”
Mambo ka bantu o bashikilwa jizhina ja Lesa bibye? Akimonai byaambile pepala wa byambo utelwa’mba Practical Papers for the Bible Translator. Uno
pepala bamunemba ku kipamo kya United Bible Societies (UBS) kitala pa kutuntululwa kwa ma Baibolo
apusana pusana mwaya ntanda. Kibaba kimo kyaambile’mba: “Byo kiji kuba’mba YHWH jo jizhina jine,
kwijituntululatu byonka byo jiji, yo ntuntulwilo yawama.” Pano bino, uno pepala waambile’mba: “Kuji
bishinka bimo byo twafwainwa kulangulukapo bulongo.”
˜
Nanyi “bishinka” byonkabyo? Kwesakana na byambo biji mu uno pepala, bashayuka bamo balangulu-
12
KYAMBA KYA USOPA
ka’mba: “Umvwe kya kuba twatendeka kwingijisha
jizhina ja Yahweh, apo kampe twakonsha kuya mungi
. . . , ne kulengela bantu kulanguluka’mba Yahweh ke
Lesa ungi nangwa amba Lesa wapusanako na Lesa ye
bayukila jimo.” Pano bino, Baibolo waamba’mba Yehoba Lesa kine wapusanako na balesa bapopwela bantu babula bena Kilishitu.—Isaya 43:10-12; 44:8, 9.
Bashayuka bamo bamba’mba balondelatu kisho
pa kufumyapo jizhina ja Lesa ne kupingizhapo “Nkambo.” Bino Yesu wakainye bantu kulondela bino
bisho bibula kunemeka Lesa. (Mateo 15:6) Kabiji nangwatu mu Binembelo bine, kafwapo po tutaana
kuba’mba bafumyapo jizhina ja muntu ne kupingizhapo kyambo kya mushingi ne. Yesu Kilishitu bamutela na byambo bya mushingi byavula nabiji bya
kuba’mba, “Mambo a Lesa” ne “Mfumu wa bamfumu.” (Lumwekesho 19:11-16) Nanchi pa jizhina ja
kwa Yesu twafwainwa kupingizhapo bino byambo
bya mushingi nyi?
Kibaaba kikwabo mu pepala ye twaambapo peulupo kyaamba’mba: “Twafwainwa kuchinuzhuka kutelanga jino jizhina amba ‘Yehoba.’ ” Mambo ka?
“Mambo Bashayuka bamba’mba ntelelo yaesakanako na byo batelanga jino jizhina kala ke ya kuba’mba
‘Yahweh.’ ” Nangwa byonkabyo, mazhina a mu Baibolo ayukanyikwa nabiji Yelemiya, Isaya ne Yesu, nao
apusana byo twiatela luno na byo beatelanga kala mu
Kihebelu (amba Yir·meyah, Yesha·yahu, ne Yehohshua). Ntelelo ya kuba’mba “Yehoba” yo ntelelo yafwainwa ya jizhina ja Lesa kabiji yayukanyikwa ku
bantu bavula bingi pa myaka yavula. Onkao mambo,
kafwako kyafwainwa kwitukanya kwiingijisha ne.
Kwambatu kine, kukana kwingijisha jizhina ja Lesa
kwaimenatu pa milanguluko ya bantu ne misalululo,
kechi na mambo a kuba’mba bataana bishinka ne.
Uno mwisambo kechi waimenatu pa kwesakanya
bishinka ne milanguluko ya bashayuka ne. Kyanema
kuyuka jizhina ja Lesa. Muntu wayuka byavula pa kipamo kya UBS mu India wanembele pa bintu byafumamo na mambo a kufumyamo jizhina ja Lesa mu
Baibolo. Wanembele’mba: “Bahindu kechi bata maana pa kyambo kya mushingi kya kuba’mba Lesa ne;
pakuba abo bakebesha bingi kuyuka jizhina jine ja
Lesa, kabiji kechi bakeba kwibatela’mba bapopweshi
ba Lesa ye babula kuyuka jizhina ne.” Abino byo byafwainwa kwikala bonse bakeba kuyuka Lesa. Inge
twayuka jizhina ja Lesa, po po twakonsha kuyuka bu-
5
longo byo aji ne kuyuka byubilo byanji byawama, ne
kwikala balunda nanji. (Kulupuka 34:6, 7) Onkao
mambo, Baibolo waamba’mba: “Yense wita pa jizhina ja Yehoba ukapuluka.” (Loma 10:13) Bonse bapopwela Lesa bafwainwa kwingijisha jizhina janji!
6
7
Baibolo Mutanwa Jizhina ja Lesa
Onkao mambo, mu mwaka wa 1950, baubile kintu
kyanema bingi. Balupwile Baibolo mutanshi wa Binembelo bya Ntanda Ipya bya Kingiliki bya Bwina Kilishitu
mu Kizungu. Mu myaka yalondejilepo, balupwilenga
mabuku a mu Binembelo bya Kihebelu, nangwa’mba
˜
Lulayanano lwa Kala mu bipungu. Kepo balupwile
Baibolo mutuntulu wa Kizungu mu 1961. Mu Baibolo
wa Binembelo bya Ntanda Ipya, jizhina ja “Yehoba” bejingijisha bimye nobe 7,000, ko kuba’mba ponse po
˜
jafwainwa kutaanwa mu Lulayanano lwa Kala. Kabiji mu Binembelo bya Kingiliki bya Bwina Kilishitu,
˜
nangwa’mba “Lulayanano Lupya,” jizhina ja Lesa bejibwezhamo bimye 237.
Kubwezhamo jizhina ja Lesa mu binembelo monse
mo jafwainwa kwikala kumwesha’mba twamunemeka, kabiji kwitukwasha ne kumvwisha binembelo
bimo. Kya kumwenako, mu ma Baibolo avula, kinembelo kya Mateo 22:44 bekituntulula’mba: “Nkambo
waambila Nkambo yami.” Pano twakonsha kuyuka
byepi ubena kwambila mukwabo? Mu Baibolo wa
Binembelo bya Ntanda Ipya, kinembelo kya Mateo
22:44 bekituntulula’mba: “Yehoba waambijile Nkambo yami,” byonkatu byaamba Salamo 110:1. Onkao
mambo, batanga bakonsha kumona lupusano luji pe
Yehoba Lesa ne Mwananji.
˜
Ba nanyi Batuntulwile uno Baibolo?
Baibolo wa Binembelo bya Ntanda Ipya bamutuntulwile ku ba Watchtower Bible and Tract Society, kipamo
kyo banembesha ku kafulumende kimenako Bakamonyi ba kwa Yehoba. Pa myaka 100 yapitapo, Bakamonyi ba kwa Yehoba bapulinta ne kusampanya
ma Baibolo ntanda yonse. Kavoto ka Bantuntuluzhi
ba Baibolo wa Ntanda Ipya ko katuntulwile Baibolo
wa Binembelo bya Ntanda Ipya wingijisha Bakamonyi
ba kwa Yehoba. Bajinga mu kano kavoto kechi bakebelenga kutumbalala ne, bino baambile’mba mazhina abo akabule kuyukanyikwa, nangwatu byo
bakafwa.—1 Kolinda 10:31.
Pano mambo ka uno Baibolo o bamutelela’mba Binembelo bya Ntanda Ipya? Byambo bitanshi mu Bai-
8
9
zhe kisaka kyonse,e
Pa kuba’mba jizhina ja Isalela jikabule kuvulukwapo
jibiji.”
˜
Baumvwanana kuba kintu
kimo;1
Bakwatankana2 kuba’mba
balwe ne anwebaf—
Ba mu matente a Edomu,
bena Ishimela, bena Moabu g ne bena Haguli, h
Bena Gebala, bena Amonyi,i
bena Amaleki,
Ne bena Filishitiyaj bakwatankana pamo na bangikazhi
ba mu Tila.k
Kabiji bena Asilyal nabo benunga kwi abo;
Babena kukwasha1 baana ba
kwa Lota.m (Selah)
Mwibobe byonka byo mwaubile bena Mijanyi,n
k Am 1:9
l 2Mf 17:5
m Nt 19:36-38
Mpi 2:9
n Mit 8:10, 12
Lubaji 2
a Mit 4:2, 7, 15
b Yos 17:11
c Mit 7:25
d Mit 8:21
e Is 17:13
f Sl 144:5
Nah 1:6
g Is 30:30
h Sl 11:6
3:1 1 Nangwa’mba “kubula kwamba.” i
3:2 1 Nangwa’mba “benuna mitwe
abo.” 83:3 1 Mu Kihebelu, “bantu bo
afya.” 83:5 1 Mu Kihebelu, “Besamba
a michima yabo.” 2 Nangwa’mba “lu- j
˜
yanano.” 83:8 1 Mu Kihebelu, “baikamukoko ku.”
Lup 6:3
Sl 68:4
Is 42:8
Is 54:5
Sl 59:13
Sl 92:8
Da 4:17
14 Byonkatu biji mujilo uso
jisaka,
Ne lubebe lusoka mitum
15 Byonkabyo ne anweba
mwibapange na kipuup
kyenug
Kabiji mwibalengeshe m
na kinkunkwila kyenu
katampe.h
16 Balengeshai1 bumvu bal
nyi,
Pa kuba’mba bantu bane
kenga jizhina jenu anw
Yehoba.
17 Mwibalengeshe bumvu k
bekale na moyo myaka
myaka;
Kibalenge bumvu ne konaika;
18 Bantu bayuke’mba
anweba, yenka wa jizh
ja Yehoba,i
Yenu bunketu Mwine Wa
pano pa ntanda ponse.
83:9 1 Nangwa’mba “kimpach
83:11 1 Nangwa’mba “banta
83:16 1 Mu Kihebelu, “Kuyuzha.”
Mu Baibolo wa Binembelo bya Ntanda Ipya
muji jizhina ja Lesa, ja kuba’mba Yehoba
bolo wa mu 1950 byalumbulula’mba, jino jizhina
jimwesha byo twashiinwa’mba bantu “bajitu pepi kutwela mu ntanda ipya” yatongolwa mu 2 Petelo 3:13.
Kwesakana na byanembele kano kavoto, byo twafika
pa “kimye kya kuba’mba ino ntanda ya kala ipwe, kabiji ntanda ipya ifike,” kyanema bingi kuba’mba ma
Baibolo alengele “bukine bwa mu Mambo a Lesa” kusama.
Bamutuntulula Bingi Bulongo
Bateleko bingi muchima pa kumutuntulula. Baibolo wa Kizungu bamutuntulwile kufuma mu Kihebelu,
Kialamaiki ne Kingiliki kwingijisha mamanyusikilipiti awama ajipo.1 Bateleko bingi muchima kutuntulula byambo byonkatu byo byanembelwe mu
mamanyusikilipiti a kala, ne kwibinemba mu mulaka wakonsha kumvwa bantu lelo jino.
1 Pa kutuntulula binembelo bya Kingiliki mu Baibolo mutanshi wa Kizungu, baingijishe Baibolo wa The New Testament in
the Original Greek wanembele ba Westcott ne ba Hort. Pa kutuntulula Binembelo bya Kihebelu, baingijishe Baibolo wa Biblia
Hebraica wanembele ba R. Kittel. Kunungapo, mu Baibolo wa Kizungu ye bapitulukilemo bulongo wa mu 2013, baingijishe mivungilo yalengwa na mambanga yo bamba bashayuka amba yanembelwe mu 100 C.E. ne mu 200 C.E. Baingijishe ne byambo
bitanshi byo bapesapesa ku bashayuka ba ano moba, nabiji byanembele Nestle ne Aland ne ba United Bible Societies.
Biji mu Baibolo wa Binembelo bya Ntanda Ipya
Wapela Kumutanga ne Kumvwa
45
Byepelo Bebinemba mu Mafuka: Mu kifulo kya kunemba kyepelo kimo bunke ne kikwabo bunke, byepelo
bebitanchika mu mafuka. Kino kikwasha ubena kutanga kulondela bulongo mulanguluko wa banembi ba
Baibolo
NTEND
panshi byonse byenda pa nta- KITA. 1
nda.” a 27 Kabiji Lesa walenge- a Nt 9:2
le muntu mu kipasha kyanji, mu
kipasha kyanji mwine mo mo b Sl 139:14
amulengejile; walengele mwa- Mat 19:4
10:6
namulume ne mwanamukazhi. b Mak
1Ko 11:7, 9
28 Kabiji Lesa wibapesheshe
ne kwibambila’mba: “Semainga c Nt 9:1
ne kusemununa, muyuzhe ntanda c ne kwiijima d kabiji mwid Nt 2:15
kale na bunkamboe pa masabi a
mu kalunga ka mema ne pa bilengwa bipita mwiulu ne pa bile- e Sl 8:4, 6
ngwa byumi byonse byenda pa
f Nt 9:3
ntanda.”
Sl 104:14
29 Kabiji Lesa waambi- By 14:17
le’mba: “Nemupa bijimwa byonse biji na nkunwa
N T E biji
N DpaE ntaK E LO
g Sl 147:9
nda ponse ne bichi byonse bipa- Mat 6:26
T A N Cnkunwa.
H I WA BIJ I MO
nga bipangwa bijiM Una
f
h bwato
Mpi 32:4
Bikale
ke kajo
kenu.
1 Kulengwa
kwa jiulu ne
ntanda ( ) 30 Kabi7 Kutwela mu
Sl 104:24
Moba atanu na jimo a kulenga ntanda
yonse
ji banyama
bonse ba mungyeMuyulo
ne wa ntanda
(3-31)
1Ti 4:4
8 Mema a muyulo
auma
Juba
jitanshi:
kyeya;
mute
ne
bufuku
bilengwa
byonse bipita mwiulu
Batuma nkunda
( )
Binembelo byo Bamwesha mu Lubaji 1 ne Lubaji 2:
Bibena kwimubuula byepelo bikwabo bya mu Baibolo
paji byambo biji na mulanguluko wipasha
Mutanchi wa Bijimo: Bamubika ponse patendekela
buku wa mu Baibolo. Uno mutanchi ukwasha kuyuka
biji mu yewo buku kabiji kyapela bingi kutana mashimikila a mu Baibolo
1, 2
(1-10)
Juba ja bubiji: mpunzha (6-8)
Juba ja busatu: mushiji wauma ne
bijimwa (9-13)
Nteeta ya Byambo
bya mu Baibolo
A4
Monai ngipipishilo ya mazhina a mabuku a mu Baibolo pa jipa 40
(11-24)
(1-14)
(8-12)
3-5
nga ne ku byo
le kulenga.
4 Jino jo ji
ngwa kwa jiu
kimye kyo beb
Yehoba1 Lesa
nda ne jiulu. a
5 Pa ntand
kichi nangwa k
chi pajinga ns
mwa ne, mam
kechi wanokes
pa ntanda ne
jinga muntu w
ji ne. 6 Bino
mukilenga pan
mushiji yense
7 Kabiji Ye
ngele muntu
panshi ne kup
bumi c mu myo
ntu waikele k
8 Kabiji Yeho
b ji i
Kufuma mu bwato (15-19)
Mulaye wa Lesa ku ntanda (20-22)
9 Mikambizho ya bantu bonse (1-7)
Jizhina ja Lesa mu
Binembelo bya Kihebelu
A
ABALAHAMA, Nt 21:12 Lesa waambijile Abalahama
2Mo 20:7 Abalahama mulunda nenu
Mat 22:32 Lesa wa Abalahama, Lesa wa bomi
Lo 4:3 Abalahama waitabijile
ABANA, 1Ko 7:10 mwanamukazhi kwabana ne
1Ko 7:15 wafuukulapo kwabana
ABANYA, Mat 10:35 Naishile kwabanya
Mat 25:32 ukebabanya muntu umo ku
Lo 8:39 kwitwabanya na butemwe bwa Lesa
ABAUKA, Yob 6:3 O ene mambo o mbena kwabaukila
ABBA, Lo 8:15 twamba’mba: Abba, Tata!
ABELA, Nt 4:8 Kaina wavundumukijile Abela
Mat 23:35 kufumatu ku mashi a Abela
ABIGAILA, 1Sa 25:3 Abigaila walambile bingi
ABWELE, 1Ko 7:11 abwele jibiji ku mwatawanji
ADAMA, Nt 5:5 Adama waikele myaka 930, wafwile
1Ko 15:22 bafwa na mambo a kwa Adama
1Ko 15:45 Adama wapelako waalukile
1Ti 2:14 Adama kechi wajimbaikilweko
AJE, 2Te 3:10 kange mumuleke aje
AKALEKELWE, Mat 26:28 mambo akalekelwe
AKAMWA, Sl 19:9 Kwakamwa Yehoba kwawama
Sl 111:10 Kwakamwa Yehoba yo ntendekelo
Man 8:13 Kwakamwa Yehoba, ke kushikwa
Is 41:10 Kange wakamwe ne, yami Lesa wobe
Mat 10:19 kange mukakamwe byo mukamba
Mat 16:22 Kwakamwa ne, Nkambo
Lum 2:10 wakamwe bintu byo waya umaname
AKANA, Yos 7:1 Akana wasendelepo bintu
AKOMVWA,˜ Da 11:44 byo akomvwa bikamufichisha
˜
AKWASHANANA, Mus 7:12 maana akwashanana
AKWILA, By 18:2 wataaineko Muyudea Akwila
ALALATA, Nt 8:4 pa mitumba ya Alalata
ALEFWA, Lum 1:8 Alefwa ne Omeka
ALEOPAGUSA, By 17:22 waimene pakachi ka Aleopagusa
ALUKILE, Mat 17:2 waalukile ku meso abo
ALULUKENGA L 12 2
l l k
il
l k
APIME, Nga 6:4 Muntu yense apime byubilo byanji
APOLOSA, By 18:24 Apolosa, wayukile bingi kwamba
ASA, Zek 12:10 kabiji bakatala ku yewa ye baashile
ATEMESA, By 19:34 babijikile’mba Atemesa mukatampe!
AZAZELA, Le 16:8 Alona akate bubale bwa kwa Azazela
B
BAANA, Nt 6:2 baana ba bantu ba bakazhi
Mpi 31:12 Mukakonkanye bantu pamo, baana
1Sa 8:3 baana kechi baendanga mu mashinda
Yob 38:7 baana ba Lesa byo babijikilenga
Sl 8:2 Mu tunwa twa baana ba bacheche
Sl 68:5 Ye shabo baana babula bashabo
Is 40:11 Ukapwizha pamo baana ba mikooko
Is 54:13 baana bakebafunjisha kwi Yehoba
Is 65:23 baana bo bapesha kwi Yehoba
Is 66:8 Ziona, wasemene baana
Yoe 2:28 baana benu baana ba bakazhi
Mat 11:16 baana ba bacheche pa kisankanyi
Mat 18:3 kwikala nobe baana ba bacheche
Mat 19:14 Balekai baana ba bacheche
Mat 28:19 kwikala baana ba bwanga
Luk 10:21 kwibisolola ku baana ba bacheche
Yoa 8:31 mwi baana bami ba bwanga
Yoa 13:35 mwi baana bami ba bwanga
By 21:9 baana ba bakazhi bana baaulanga
Lo 8:14 batangijilwa ku mupashi, baana ba Lesa
Lo 8:21 bwana bwa bene bwa baana
1Ko 7:14 baana bakonsha kwikala
1Ko 14:20 kwikala nobe baana ba bacheche
2Ko 6:18 baana ba balume ne ba bakazhi
2Ko 12:14 baana kechi batujila bansemi
Nga 3:29 baana ba kwa Abalahama
Ef 6:1 baana, kookelainga bansemi
Ya 1:27 kulama baana ba kishale
1Yo 3:2 pano twi baana ba Lesa
BABATIZHIWE, By 2:41 babatizhiwe bajinga nobe 3,000
BABEJI, Lup 11:5 babeji bonse ba mu kyalo kya Ijipita
BABELA, Nt 11:9 o bamutumbijile’mba Babela
BABI Sl 37:9 bantu babi bakebonauna
Byambo Byanembwa mo
Byalondankena: Kwipi na ku
mpelo ya Baibolo kuji kipungu kya kuba’mba, “Nteeta
ya Byambo bya mu Baibolo.”
Byambo bimo bya mu Baibolo ne po byatanwa bebitanchika, na byambo bicheche
biji mu kyokyo kinembelo
Jizhina ja Lesa janembwa mu bisopelo bina bya Kihebelu 565
, jitanwamo bimye nobe 7,000 mu Binembelo bya Kihebelu. Mu uno
Baibolo batuntulula bino bisopelo bina bitelwa’mba Tetragrammaton kuba’mba, “Yehoba.” Jino jizhina jitanwa bimye byavula bingi mu Baibolo kukila mazhina akwabo. Na
ngwa kya kuba banembi batangijilwenga na
mupashi baingijishenga byambo bya mushingi nabiji “Wa Bulume Bonse,” “Mwine Wakila,” ne “Nkambo,” bisopelo bya TetragrammaJizhina ja Lesa mu
ton byo byonkatu bisolola jizhina ja Lesa ja
bisopelo bya Kihebelu
kyanji kyanji.
kya kala byo
Yehoba Lesa ye watangijile banembi ba Baibaingijishanga saka
bolo kwingijisha jizhina janji. Watangijibakyangye kuya mu
le ngauzhi Yoela na mupashi kunemba’mba:
“Yense wita pa jizhina ja Yehoba ukapuluka.”
buzha ku Babilona
(Yoela 2:32) Kabiji Lesa watangijile nyimbi wa
masalamo umo kunemba’mba: “Bantu bayuke’mba anweba, yenka wa jizhina ja Yehoba, yenu bunketu Mwine Wakila pano pa ntaJizhina ja Lesa mu
nda ponse.” (Salamo 83:18) Jizhina ja Lesa
bisopelo bya Kihebelu
jitanwamo bimye 700 mu buku wa Masalamo
byo baingijishanga byo
bunke, ko kuba’mba, buku mwanembwa nsabafumine mu buzha
nsawilo yo baimbanga ne kutangila bantu ba
Lesa. Pano mambo ka jizhina ja Lesa o jabumu Babilona
jila mu ma Baibolo avula? Mambo ka uno Bai
bolo o aingijisha jizhina ja “Yehoba”? Kabiji jizhina ja Lesa ja kuba’mba Yehoba, jilumbulula ka?
Mambo ka ji hina ja Lesa o jab jila m ma Baibolo a
la? Bi t
Bya Kulumbulula: Kuji mitwe
ipi yaamba pa mafunjisho a
mu Baibolo ne bintutu bikwabo
Mamapu akonsha kukwasha
ubena kutanga kuyuka mapunzha atongolwa mu Baibolo
O ene mambo bashayuka bamo o batakaikila Baibolo wa Binembelo bya Ntanda Ipya na mambo a bukishinka ne byo bamunemba bulongo. Mu 1989,
shayuka aye Professor Benjamin Kedar, Muhebelu
wikala mu kyalo kya Isalela waambile’mba: “Mu kukebakeba kwami kwa kuyuka mulaka wa Kihebelu
˜
pa mambo a Baibolo ne bantuntuluzhi, javula ningijisha Baibolo wa Kizungu wa Binembelo bya Ntanda
Ipya. Kuba bino kwandengela kushiinwa’mba batuntulwilenga uno Baibolo bamutuntulwile bingi bulongo kuba’mba bantu bomvwishe mwatala binembelo.”
Babena Kumutuntulula mu Milaka Ikwabo
Onkao mambo, Bakamonyi ba kwa Yehoba batuntulula Baibolo wa Binembelo bya Ntanda Ipya mu milaka ikwabo, kechi mu Kizungu monkatu ne. Lelo
jino, uno Baibolo bamutuntulula yense nangwa lubaji lumo mu milaka kukila pa 120. Pa kutuntulula
uno Baibolo, balengele jishinda ja kutuntulwilamo
Baibolo jikwatankanya byambo bya mu Baibolo
na Kompyuta. Kabiji balengele dipatimenti utelwa’mba Translation Services wa kukwasha bantuntuluzhi. Jibumba Jitangijila ja Bakamonyi ba kwa
Yehoba jo jitala pa mwingilo wa kutuntulula Baibolo kwingijisha Kavoto ka Kunemba. Pano nga uno
mwingilo bamwingila byepi?
Kintu kitanshi kyo boba ke kusala jibumba ja
bena Kilishitu bepana kwingila mwingilo wa kutuntulula. Kyataanwa kuba’mba, bantuntuluzhi batuntulula bulongo inge bakwatankana pa kwingila
uno mwingilo kukila kwingila bunke. (Byambo bya
Maana 11:14) Javula uno mwingilo bamupana ku
baingila mwingilo wa kutuntulula mabuku a Bakamonyi ba kwa Yehoba pa myaka yavula. Jino jibumba bejifunjisha bulongo bya kutuntulula Baibolo
ne bya kwingijisha mitanchi iji pa kompyuta.
Bantuntuluzhi bebakambizha kutuntulula Baibolo bulongo kabiji wapela kutanga ne kumvwa
bantu bonse. Inge kyakonsheka, bafwainwa kutuntulula kyambo pa kyambo, kikulutu kechi batwala mulanguluko mwine mungi ne. Boba byepi kino? Akitwayai twisambe pa Baibolo wetu
wa katataka. Bantuntuluzhi batendekejilepo ku-
sala byambo bya Kikaonde bilumbulula byambo
bikatampe bya mu Baibolo wa Kizungu wa Binembelo bya Ntanda Ipya. Mutanchi wa pa kompyuta utelwa’mba Watchtower Translation System
wamwesheshenga byambo bya mu Baibolo ne byambo bikwabo bipashako. Kabiji wamwesheshenga
ne byambo bine bya Kingiliki nangwa bya Kihebelu ko bafumishe byambo bya Kizungu pa kuba’mba ntuntuluzhi ayuke byambo bya Kingiliki
nangwa bya Kihebelu byo bebituntulwile mu mapunzha akwabo mo bitanwa. Kibakwashishe ke
kusala byambo bya Kikaonde bibena kulumbulula
byambo bya Kizungu. Byo baitabizhe bino byambo, bantuntuluzhi batendekele kutuntulula Baibolo, kwingijisha uno mutanchi wa pa kompyuta wamwesheshenga byambo bya mu Kikaonde
byaesakana na bya mu Kizungu biji mu kyokyo
kyepelo.
Nangwa byonkabyo, kutuntulula kwavwangamo byavula, kechi kupingizhatu byambo pa byambo bikwabo ne. Baingijile bingi na ngovu pa
kuba’mba byambo bya Kikaonde byo basajile bilumbulule bulongo mulanguluko uji mu Kinembelo.
Kabiji bateleko bingi muchima kuba’mba mulakazhilo ne nembelo ya byambo ikale yawama monka
mwambila bantu. Mwimwena anweba bene byafumamo mu byo bebikileko pa kwingila uno mwingilo. Byambo bya Lesa biji mu Baibolo wa Kikaonde wa Binembelo bya Ntanda Ipya bebituntulula
mu jishinda japela kutanga, kumvwanyika ne kukwatakanya ne kulondela byonka byajinga binembelo bitanshi.1
Twimutundaika kumutanga bulongo uno Baibolo
wa Binembelo bya Ntanda Ipya. Mwakonsha kulomba
uno Baibolo ku banemba uno magazine nangwa ku
kipwilo kya Bakamonyi ba kwa Yehoba kiji konkako kwenu. Mwakonsha kumutanga saka mwashiinwa’mba walumbulula bulongo byambo bya Lesa
mu mulaka wenu. Kwambatu kine, musakuswa kuba’mba kulupulwa kwa uno Baibolo ke kintu kyanema kyaubiwa! ˇ
1 Pa kuba’mba muyukilepo byavula pa mafunde o balondela
pa kutuntulula Baibolo ne bintu biji mu Baibolo wa Kikaonde,
monai bya kulumbulula A1 ne A2 mu Baibolo wa Binembelo bya
Ntanda Ipya.
Na. 3 2016
15
BAIBOLO WAAMBAPO’MBA KA?
Jizhina ja Lesa (jo bamwesha) byo jimweka mu manyusikilipiti a Baibolo a kala
BANTU BAMO BAMBA’MBA kechi uji na jizhina ne,
bakwabo bamba’mba Lesa nangwa’mba Nkambo,
kabiji bakwabo nabo bamba’mba uji na mazhina avula
bingi. Nga anweba mulangulukapo’mba ka?
Shrine of the Book, Photo 5 The Israel Museum, Jerusalem
Nanchi kyatama kutela
jizhina ja Lesa nyi?
Nanchi Lesa uji na jizhina nyi?
MWAKONSHA KUKUMBULA’MBA KA?
˙ Ee nyi?
˙ Ine nyi?
˙ Inyi amba kyaimenatu
pa bintu byo biji?
BYAMBA BAIBOLO
“Anweba, yenka wa jizhina ja Yehoba, yenu bunketu
Mwine Wakila pano pa ntanda ponse.”—Salamo 83:18.
BYAMBA BAIBOLO
“Kechi mwafwainwa kwingijisha jizhina ja Yehoba Lesa
wenu mu jishinda jabula kufwainwa ne.” (Kulupuka
20:7) Kyatamakotu ke kwingijisha jizhina ja Lesa mu
jishinda jibula kumwesha mushingi.—Yelemiya 29:9.
˜
NANYI BINTU BIKWABO BYO TWAKONSHA
KUFUNDA MU BAIBOLO?
˙ Nangwa kya kuba Lesa uji na mazhina a
mushingi avula, aye mwine witumbile jizhina jimo.
—Kulupuka 3:15.
˙ Lesa kechi wakatazha kumuyuka ne; ukeba’mba
tumuyuke.—Byubilo 17:27.
˙ Kuyuka jizhina ja Lesa kyo kintu kitanshi kyo
twafwainwa kuba pa kuba’mba twikale balunda
nanji.—Yakoba 4:8.
NANCHI
BAIBOLO Kine
UFUNJISHA’MBA KA?
˜
NANYI BINTU BIKWABO BYO TWAKONSHA
KUFUNDA MU BAIBOLO?
˙ Yesu wayukile jizhina ja Lesa kabiji
wijingijishanga.—Yoano 17:25, 26.
˙ Lesa ukeba’mba tumutelenga pa jizhina
janji.—Salamo 105:1.
˙ Balwanyi ba Lesa bakeba’mba bantu babule
kuyuka jizhina janji.—Yelemiya 23:27.
Ntuminai buku wa Nanchi Baibolo
Kine Ufunjisha’mba Ka?
MULAKA Umvwe mukeba kuyukilapo
byavula, monai kitango 1 kya uno
buku wanemba Bakamonyi ba kwa
Yehoba
KEYALA JIZHINA Uji ne pa www.jw.org/kqn
s
n
o
Kopololai kyatutu
uno magazini ne
akwabotu a
kunyuma
p
Pa intaneti
Baibolo uji mu
milaka 130
Ingijishai keyala wa
www.jw.org/kqn,
nangwa scan code
wp16.3-KD
160128
Keyala wa kutuminapo, monai jipa 2