25. Baiphox duinl hot sonx ngvqi

25.
Baiphox duinl hot
sonx ngvqi
85
Lut Bainx zex ngvjionp
hox mal svlbol. Cuainpsuf
zex atbenl, Lut Bainx pia
Jinpcuinl,
Jinpcuinl
mot
nox
hanlde
bai’xiainp
hox mal yin’xiai gop nox
dient yinlgud, kut lul lap lil
ye atlul. Yainx ngvddeipbol
gol mel hhaix nox hox zil
hhaf zul lil gopde xiot
yin’xiai, mot cux juifdienb
wei bai’xiainp hox cv mel
nox qi juix.
86
87
Lut Bainx cux biakex jiai
zul, zoyil zijit mel yan’fan
nox zulqi sv’lv nox Lut Bainx
atbai yind, ga sv’lv nox
lethox kailguanl lapzil cux
ngaid xia guanl hox.
88
89
Letxiai yenxdent zaidgai,
Lut Bainx mel vxyind el mel
yvnxyind ngvl sonx mel dix
hhex yenxdent. Yainxxil, mel
yvnxyind sua mel mox ngvl
sua: “Ngel dix nalgaind, sainx
ngot sen alna yind?” Mel mox
sua : “Bifzix neid hhaix cv qi
metyind cuxzex nel dix.”
90
91
Mel yvnxyind cux zoyil
mel mox sua nox anxde mel
dix.
Lut
Bainx
mixsua
yvnxyind hox lil ketyit hanlqi
ngel bentsi, ngot yonx zaib
sainx ngvddeipbol binl nox
guanl hox hhaf seinx nil. Cux
gafbex yonp sv’lv veip yap kol
guipcel.
92
93
Melhhex, Baiphox cvt hot
zaidgai, gainl Lut Bainx faf
pipqib zil hot gainl cvt qionl
duap, laf cux gvp duinl hot
dedxiai beinxgainp zil yonx
sonx ngvqi. Pia zaidgai lil
Jinpcuinl hox cux tet liapsex
zul.
94
Guthua: Yanp Jibmiep
Tuphuab: Lup Senbyenx
95
96