3-5 Hmong - Minnesota Department of Education

TXHUA TXHUA HNUB
PUAV LEEJ YOG HNUB
ZOO RAU KOJ TUS ME
NYUAM KAWM PAUB
3-5
Xyoos
Tej yam yooj yooj yim uas koj tuaj yeem
ua tau los mus pab ua kom koj tus me
nyuam loj hlob, paub tab thiab kawm paub.
Ib qho kev qhia rau Yam Qhia txog Kev
Txawj Ua Nce Ib Qib Zuj Zus ntawm Me
Nyuam Yau hauv Minnesota (Minnesota
Early Childhood Indicators of Progress).
COV KEV KAWM:
Ntsig Txog Tsoom Neeg thiab Lub Siab Xav.................................................................... nplooj 3
Txhua Txoj Kev Uas Koj Tus Me Nyuam Kawm Tau......................................................... nplooj 4
Yam Lus thiab Kev Sib Txuas Lus..................................................................................... nplooj 5
Laj Lim Tswv Yim thiab Txuj............................................................................................. nplooj 6
Kev Ua Lej, Kev Tshawb Fawb, thiab Kev Xav.................................................................. nplooj 7
Hais Ntsig Txog Lub Cev Kev Loj Hlob............................................................................. nplooj 8
1500 Highway 36 West
Roseville, MN 55113-4266
Phau ntawv cob qhia no yog tsim los ntawm American Recovery and Reinvestment Act of 2009 (ARRA) (P.L.111-5),
uas ua rau muab nyiaj rau Minnesota los mus txhim kho kev tuav haujlwm thiab kev koom tes txog ntawm kev
kawm rau me nyuam yau thiab cov kev pab thiab kev pab cuam fab kev saib xyuas thiab kev pab.
education.state.mn.us
2
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
Hais txog ntawm
Yam Qhia txog Kev Txawj uas
Nce Ib Qib Zuj Zus ntawm Me
Nyuam Yau hauv Minnesota:
Yam Qhia txog Kev Txawj uas Nce Ib Qib Zuj Zus ntawm Me Nyuam Yau hauv Minnesota (ECIPs) qhia
rau koj txog cov hom phiaj kev kawm ntawm cov me nyuam mos, cov me nyuam yau thiab cov me
nyuam uas tseem tsis tau mus kawm ntawv. Cov kev pab me nyuam yau uas zoo heev siv ECIPs nyob
rau hauv lawv cov chav kawm rau cov me nyuam yau. Cov ECIPs yog ib qho kev ntsuas cov me nyuam
yau ntawm txoj kev txawj nyob rau ntawm ib lub hnub nyoog twg. Cov ECIPs ua mus raws tus qauv kev
kawm K-12 ntawm Minnesota. Tam li ib leej niam lossis txiv, koj ua ib txoj haujlwm tseem ceeb thiab koj
tuaj yeem siv txoj kev pab no los mus pab rau koj tus me nyuam kawm kom txawj thiab ncav sij hawm,
npaj txhij rau kev mus kawm ntawv. Xav paub txog txoj kev pab ntau ntxiv, mus saib qhov vas sab nyob
rau nram kawg ntawm phau ntawv cob qhia.
*Tag nrho cov ECIPs muaj nyob rau ntawm lub vas sab: http://education.state.mn.us
Phau ntawv cob qhia no yuav pab koj:
• Kawm kom pab ntau txog me nyuam txoj kev pib yuav mus
kawm ntawv (preschool) thiab kev kawm.
• Ua tej yam uas yooj yooj yim los mus txhawb rau koj tus me
nyuam txoj kev kawm thiab loj hlob.
• Qhia thiab tham txog koj tus me nyuam qhov kev kawm
thiab kev loj hlob rau nws tus xib fwb uas qhia cov me
nyuam yaus, xib fwb qhia ntawv me nyuam me lossis lwm
tus neeg hauv tsev neeg.
Cov kev tshawb fawb qhia tau hais tias:
• Tsev neeg yog tus me nyuam thawj tus neeg zov me nyuam
thiab thawj tus xib fwb thiab tseem ceeb tshaj plaws.
• Kev loj hlob pab txhawb qhov kev kawm. Nco ntsoov coj koj
tus me nyuam mus ntsib kws kuaj mob, txhuam hniav thiab
txhaj tshuaj raws li sijhawm. Yog hais tias koj cev xeeb tub,
xav txog txoj kev pub niam mis rau me nyuam noj; yog hais
tias koj twb pub niam mis lawm, ua txuas ntxiv mus kom
ntev npaum li qhov koj yuav ua tau. Nco ntsoov coj koj tus
me nyuam mus kuaj pob ntseg thiab qhov muag hauv tsev
kawmntawv lossis koj tus menyuam tus kws kho mob.
• Cov tsev neeg, cov kev cai dab qhuas, cov zej zos thiab
lwm yam uas cuam tshuam txog koj tus me nyuam txoj kev
kawm thiab kev loj hlob.
• Kev sib hlub, kev saib xyuas pab tsim kev ntseeg siab.
3-5
Xyoos
• Koj tus me nyuam loj hlob thiab hloov mus sai heev —
nws yog ib qib uas tseem ceeb thiab muaj siab heev nyob
rau kev loj hlob thaum uas cov me nyuam kawm paub
thiab xyaum ntau yam kev txawj.
• Muaj ntau ntau yam loj hlob paub tab uas koj tus me nyuam
yuav pib rau tib lub sij hawm.
• Koj tus me nyuam me ntawm yuav ua tau ntau yam.
• Tus qauv ntawm kev loj hlob ntawm cov me nyuam nws zoo
sib luag thiab nws tus kheej tsab peev xwm.
• Cov me nyuam uas nyob rau tib phaum hnub nyoog mas
nyias muaj nyias qhov kev peev xwm. Kev paub txog ntawm
tus me nyuam txoj kev loj hlob, kev paub tab thiab kev
kawm tseem ceeb rau nws cov hom phiaj tom ntej.
• Koj tus me nyuam yau kawm paub los ntawm kev ua si
ib leeg, nrog lwm tus thiab los ntawm kev tshawb nrhiav
ntawm nws ib ncig, nws ib leeg, nrog koj thiab nrog lwm tus.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob
3
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
COV KEV KAWM:
NTSIG TXOG
TSOOM NEEG
LUB SIAB XAV
Pab koj tus me nyuam kom siv kev paub txog kev noj qab haus huv ntawm nws tus kheej lub peev
xwm, xeeb ceem, qhov nyiam thiab tsis nyiam thiab qhia rau nws txog kev sib fim nrog lwm leej
lwm tus. Koj tus me nyuam yuav kawm paub txog kev tsim phooj ywg, kev daws teeb meem tsis
sib haum xeeb thiab kev ua si thiab ua haujlwm ua pab ua pawg.
* Kev Ruaj Ntseg ntawm Kev Ntseeg Siab
thiab Lub Siab Xav
* Kev Tswj Tus Kheej
* Kev Sib Raug Zoo
* Kev Paub Txog Tus Kheej
Koj yuav pab tau li cas:
• Faj seeb kom koj tus me nyuam muaj txoj kev sov siab,
txoj kev hlub.
• Tsim ib qho chaw uas nyab xeeb rau koj tus me
nyuam tham nrog koj txog ntawm tej kev xav thiab kev
cov nyom yam tsis muaj tej yam tsis zoo tshwm sim
tom qab rau ntawm qhov kev ua txhaum.
3-5
Xyoos
• Qhia koj tus me nyuam txog ntawm nws li kab lis kev
cai thiab kab lis kev cai ntawm lwm tus thiab txhawb
koj tus me nyuam qhov kev nkag siab txog ntawm cov
kev sib txawv.
• Xav txog yam uas koj tus me nyiam ua thiab qhia tej
dej num los mus txhawb rau nws.
• Nrog koj tus me nyuam tham hais txog qhov nws xav
li cas thiab lwm leej lwm tus yuav xav li cas. Qhia koj
tus me nyuam kom nthuav qhia nws tej kev xav yam
tsim nyog.
• Sim tej yam tshiab tshiab nrog koj tus me nyuam los
ntawm kev sib qhia thiab kawm paub ua ke.
• Ua ib tug zoo qauv rau koj tus me nyuam thaum uas
fim nrog lwm tus.
• Pab koj tus me nyuam xyaum mloog thiab tham
lus nrog lwm tus nyob rau tej chaw uas muaj neeg
nyob coob.
• Teeb ciaj ciam rau koj tus me nyuam thiab cob qhia
nws kom nws thiaj li paub ua neeg nyob rau hauv cov
ciaj ciam ntawd.
• Teb rau cov lus tawm tswv yim lossis cov lus nug los
ntawm koj tus me nyuam hais txog kev sib txawv
ntawm tej neeg uas hais raws qhov muaj tseeb,
qhov zoo.
• Cia koj tus me nyuam xaiv yuav tej yam uas muaj paus
muaj ntsis kom nws thiaj tuaj yeem kawm los mus
teeb tsa ciaj ciam rau nws tus kheej.
• Pab koj tus me nyuam daws teeb meem thaum uas
nws ntsib tej yam uas muaj kev cov nyom. Txhawb
kom koj tus me nyuam pab lwm leej lwm tus.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob
4
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
COV KEV KAWM:
TXHUA TXOJ KEV
UAS KOJ TUS ME
NYUAM KAWM PAUB
Teeb tim rau cov cwj pwm, xeeb ceem thiab kev kawm uas koj tus me nyuam siv. Nws tsis
yog hais tias tsuas hais txog qhov koj tus me nyuam kawm paub li cas, tab sis kuj tseem
hais txog qhov yuav txhawb kom muaj cov zoo cwj pwm.
* Kev Xav Paub Xav Pom
* Ua Li Muaj - Muaj Li Ua
* Kev Muaj Peev Xwm Pheej Moo
* Kev Xav thiab Kev Tshab Txhais
* Kev Xav Raws Kev Npau Suav Cia thiab
Kev Tsim Muaj
Koj yuav pab tau li cas:
• Muab txhawb siab rau koj tus me nyuam thaum nws
ua txhaum thiab qhia koj tus me nyuam kom nws
kawm tau qhov yuam kev.
• Muab cov khoom siv hauv tsev thiab khoom ua si
txhua hnub kom txhob phom sij uas muab siv tau rau
ntau tshaj ib txoj kev, xws li tej khob thiab tej tais uas
luj tau.
• Tswj koj tus menyuam kom tsuas saib cov li nram qab
no 2 teev twg xwb: TV/yeeb yaj kiab, kev ua si yeeb yaj
kiab, computer thiab xov tooj ntawm tes.
• Muab los yog nrhiav qhov chaw rau koj tus me nyuam
ua si tau los yog ua haujlwm yam tsis muaj kev
cuam tshuam.
3-5
Xyoos
• Muab cov khoom thiab dej num ua si uas tsim nyom
rau lub hnub nyoog.
• Yog hais tias koj tus me nyuam xav tau kev pab, ces
cia li pab nws. Tab sis txhob ua tag nrho txhua yam
rau nws.
• Txhawb kom koj tus me nyuam rub tau siab ntev thiab
teem tim tau rau thaum ua tej hauj lwm nyuaj nyuaj.
• Nug koj tus me nyuam, “Dab tsi yuav tshwm sim yog
hais tias…”
• Txhawb koj tus me nyuam xyaum ua yam tshiab thiab
siv nws tsab peev xwm los daws teeb meem.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob
5
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
COV KEV KAWM:
YAM LUS
KEV TXUAS LUS
Kev nyeem ntawv, kev hais lus thiab kev sib txuas lus tseem ceeb heev rau koj tus me nyuam
qhov kev zoo siab thiab kev ua tiav.
* Thawj Kauj Ruam Rau Kev Nyeem Ntawv
* Kev Mloog Lus
* Thawj Kauj Ruam Rau Kev Sau Ntawv
* Kev Tham Lus
Koj yuav pab tau li cas:
• Siv tej khoom cov npe hais qhia rau koj tus me nyuam
kom pab nws kawm tau cov lus tshiab.
• Hais kom koj tus me nyuam tham txog thiab ntxiv lus
rau cov zaj lus.
• Sib tham nrog koj tus me nyuam thaum caij noj mov,
caij mus pw, da dej thiab caij ua si.
• Hais kom koj tus me nyuam tham nrog thiab fim nrog
lwm cov me nyuam yaus thiab neeg laus.
• Siv cov lus sib dhos thiab hu nkauj nrog koj tus me
nyuam kom qhib nws lub siab tos txais tej suab thiab
lus uas nws hnov.
• Nyeem ntawv rau koj tus me nyuam mloog.
• Cia koj tus me nyuam ua tej yam yooj yooj yim los
yog lub sij hawm thaum yuav siv tej lus thiab cwjpwm
thaum yuav tsum siv.
• Muab tej khoom sau ntawv xws li ntawv, mem, mem
kob thiab mem cim.
• Nrog koj tus me nyuam sib txuas lus thaum nws siv
nws lub yeej yam los qhia rau koj nrog rau tej lus nws
yuav hais. Pab koj tus me nyuam tsim los lus uas nws
yuav hais.
• Siv koj cov lus los yog lus Askiv nrog koj tus me nyuam
tham thaum sib txuas lus thiab txhawb kom nws siv
koj hom lus.
3-5
Xyoos
• Muab cov khoom xws li ntawv, cwj qhuav, mem kob loj
(crayon) thiab mem xim (marker).
• Pab koj tus me nyuam kom nco tau nws tus kheej lub
npe thiab xyaum sau ntawv.
• Mus tom tsev qiv ntawv nrog koj tus me nyuam thiab
nqa cov ntawv uas nyob rau cov cheeb tsam uas koj
tus me nyuam txaus siab rau los tsev.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob
6
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
COV KEV KAWM:
LAJ LIM TSWV YIM
TXUJ CI
Txuj ci tsis yog rau koj tus me nyuam lom zem xwb, tiamsis tseem qhia rau nws txog ntawm
kev xav uas muaj tswv yim thiab muaj kev xav ywj pheej.
* Kev muaj laj lim tswv yim
* Kev Ntsuas
* Kev Teb
Koj yuav pab tau li cas:
• Muab ntau hom khoom sib txawv thiab ua si nrog koj
tus me nyuam. Txhawb koj tus me nyuam kom muaj
tswv yim, tsis yog hais tias yuav kaij los ntawm lwm
tus nkaus xwb.
• Txhawb koj tus me nyuam qhov kev hu nkauj thiab kev
seev cev.
• Muab koj tus me nyuam tej duab nws kos tau dai rau
hauv tsev.
3-5
Xyoos
• Muab kev txaus siab rau koj tus me nyuam txoj kev
muaj tswv yim thiab ua tau zoo thiab lwm tus.
• Tshawb nrhiav tej txuj uas tsim nyog rau koj haiv neeg
thiab lwm haiv xws li hais dab neeg, koom kev koob
tsheej, koom kev kos thiab muag duab, kev ua si, kev
mus tom chaw ceev qub txeej qub teg nrog rau cov
neeg qhab lub koob tsheej (powwow) thiab lwm yam.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob
7
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
COV KEV KAWM:
KEV UA LEJ, KEV
TSHAWB FAWB
KEV XAV
Txhawb koj tus me nyuam qhov kev xav paub xav pom hais txog lub ntuj uas yog siv lej thiab qab
hau, kev tshawb fawb thiab kev daws teeb meem.
* Kev Siv Lej thiab Qab Hau
* Kev Nkag Siab Txog Kev Sib Haum
* Kev Daws Teeb Meem Uas Siv Kev
Tshawb Fawb
Koj yuav pab tau li cas:
• Siv cov khoom hauv tsev uas cia rau koj tus me nyuam
suav, ntsuas thiab nrhiav cov khoom xws li rau mov
lossis kev xaiv khaub ncaws coj mus ntxhua.
• Hais kom koj tus me nyuam tso cov khoom hauv tsev
lossis tej khoom xeeb txawm raws hom kob, qhov loj
me thiab lwm hom.
• Taw qhia cov khoom loj thiab me tej duab thiab chaw
ntawm cov khoom yuav muab cia ntawm txhua hnub.
• Nyeem me nyuam cov ntawv rau lawd uas hais txog
lej, suav lej thiab duab.
3-5
Xyoos
• Pab koj tus me nyuam kom txawj txog lub ntiaj teb
ntawm nws ib cheeb tsam.
• Txhawb koj tus me nyuam xyaum ua si nrog xuab zeb
thiab dej.
• Nug koj tus me nyuam hais tias yog vim li cas nws
thiaj xav hais tias muaj qee yam tshwm sim thiab sib
tham nrog nws.
• Muab cov khoom uas ua ib thooj ib thooj thiab lwm
yam khoom uas txhawb kom txawj muab sib teeb.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob
8
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
COV KEV KAWM:
KEV LOJ HLOB
NTAWM LUB CEV
Koj tus me nyuam qhov kev loj hlob ntawm lub cev tseem ceeb heev rau lub neej uas muaj kev
zoo siab thiab muaj kev noj qab nyob zoo.
* Kev Siv Cov Leeg Loj (Large Muscles)
* Kev Siv Cov Leeg Me (Small Muscles)
* Kev Noj Qab Haus Huv thiab Noj Qab
Nyob Ntawm Lub Cev
Koj yuav pab tau li cas:
• Thaum koj tus me nyuam muaj hnub nyoog 3 xyoos,
hu mus cuv npe koj tus me nyuam thiab coj mus
ntsuas nws txoj kev txawj (Ealy childhood Screening)
rau hauv koj lub cheeb tsam tsev kawm ntawv.
• Muab tej khoom sib dhos, cov khoom ua ib thooj
thiab ib thooj, hlaws thiab lwm yam khoom me me
rau koj tus me nyuam uas nws ua si tau nrog rau
nws cov ntiv tes.
• Txhawb koj tus me nyuam kom mus ua si rau sab
nraum zoov thiab hauv tsev.
• Kos duab thiab sau ntawv ua ke nrog koj tus
me nyuam.
• Siv sij hawm nrog koj tus me nyuam ua si nraum zoov
xws li khiav, dhia paj paws los yog ua viav vias.
• Khij rau ib daim me nyuam kab das, sau cov khoom
noj uas yuav mus yuav tom khw rau hauv daim ntawv,
lossis kos ib co duab rau tus yus nyiam.
• Tsim kom muaj kev tuam phov rau ntawm txhua hnub
xws li mus taug kev, mus khiav, mus dhia paj paws,
nce toj, thiab lwm yam.
3-5
Xyoos
• Tsim kom muaj lub caij nyoog rau koj tus me nyuam
kev noj qab haus huv, so thiab kev mus pw.
• Siv sij hawm nyob rau hauv tsev nrog koj tus me
nyuam seev cev, taug kev lossis muab thom khwm
kauv ua lub pob pov rau hauv pob tawb.
• Txhawb koj tus me nyuam kom nws txawj tu nws
tus kheej (hnav khaub ncaws, ntxuav tes thiab
txhuam hniav).
• Cia koj tus me nyuam siv cov khoom me me lossis
cuab yeej, xws li mem kob, swb ris/tsho, khawm
tsho lossis lwm yam khoom. Qhov nov yuav pab nws
xyaum nws tej leeg.
• Tsim kom muaj lub vaj tsev uas tsis muaj kev phom
sij thiab ua si tau.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob
9
TXHUA TXHUA HNUB PUAV LEEJ YOG HNUB ZOO RAU KOJ TUS ME NYUAM KAWM PAUB
Tsis yog koj ib leeg xwb!
Ntawm no yog lwm cov kev pab ntxiv
rau koj thiab koj tus me nyuam.
Minnesota Parents Know (Niam Txiv Txoj Kev Paub Nyob Rau Hauv Xeev Minnesota)
Minnesota Parents Know yog ib lub vas sab siv yooj yim uas qhia txog cov me nyuam txoj kev loj hlob thaum yug mus txog rau
5 lub xyoo. Lub vas sab no yuav muab cov lus tseeb tau rau koj hais txog me nyuam kev lob hlob, kev noj qab haus huv, kev
kawm, kev tiv thaiv kev phom sij thiab niam txiv kev kawm tu me nyuam. Tshawb nrhiav kom koj thiaj paub hais tias yuav pab
tau koj tus me nyuam thiab kev loj hlob thaum koj xav tau.
parentsknow.state.mn.us
• Nco ntsoov tshawb kom koj thiaj paub txog niam txiv txoj kev tus
me nyuam.
• Saib yeeb yaj kiab thiab mloog kev tshaj tawm txog cov ncauj
lus hais txog kev ua kom me nyuam loj hlob thiab kev tu me
nyuam.
• Nyeem cov ntawv xov xwm hais txog ncauj lus txog ntawm niam
txiv kev tu me nyuam, los ntawm kev nyeem ntawv rau koj tus
me nyuam mus rau kev nyab xeem ntawm lub rooj zaum hauv
tsheb rau kev xaiv yam khoom ua si uas zoo tshaj rau koj tus
me nyuam.
• Kawm txog kev Pab Kuv Loj Hlob (Help Me Grow) thiab nrhiav
kev pab rau cov me nyuam uas tseem me uas muaj kev xav tau
kev pab.
• Tham nrog lwm cov niam txiv uas siv Minnesota Parents Know
hauv kev sib ntsib nyob rau hauv Internet.
• Nrhiav cov kev txuas mus rau lwm cov kev pab uas koj tuaj
yeem ntseeg tau.
• Nrhiav Kev Kawm ntawm Tsev Neeg rau Me Nyuam Me
(ECFE), Pib Kawm Ua Ntej (Head Start), Kev Npaj Txhij Rau
Tsev Kawm, thiab cov kev Ntsuas Saib Ua Ntej Me Nyuam
Yuav Mus Kawm Ntawv (Early Childhood Screening).
Help Me Grow (Pab Kuv Loj Hlob)
Qee cov me nyuam muaj kev qeeb sij hawm fab kev ua kom loj hlob thiab xav tau kev pab ntxiv los mus loj hlob thiab kawm
paub. Yog koj xav hais tias koj tus me nyuam, yuav muaj laj lim qeeb nyob rau qhov uas lawv qhov kev kawm lossis kev loj hlob
yog li cas, qhia lawv rau Pab Kuv Loj Hlob (Help Me Grow)—ib qhov kev pab cuam pub dawb rau cov me nyuam txij thaum yug
mus txog rau thaum mus rau tsev kawm me nyuam yaus uas pab kom lawv tau txais kev pab lossis lus qhia tshwj xeeb rau
lawv cov kev xav tau fab kev ua kom loj hlob.
• Txhawm rau qhia ib tug me nyuam rau Help Me Grow, tham
nrog koj tus me nyuam tus kws kho mob, siv daim ntawv khij
nyob hauv internet, lossis hu rau 1-866-693-GROW.
Parent Aware and Child Care Resource and Referral (Niam Txiv Txoj Kev Paub thiab
Kev Pab Rau Kev Zov Me Nyuam thiab Xa Mus Nrhiav Kev Pab)
Tshawb nrhiav kev saib xyuas rau me nyuam thiab cov kev pab rau kev kawm rau cov me nyuam me, xam nrog cov uas siv cov
ECIP. Cov kev pab uas siv cov ECIP txhawb kev txuam nrog ntawm tsev neeg, siv cov kev kawm txhawb qhia tswv yim thiab kev
kawm kom txawj txog me nyuam txoj kev phom sij.
www.parentawareratings.org www.mnchildcare.org/families
• Cov vas sab no yuav ua kom yooj yim los mus nrhiav kev
saib xyuas me nyuam thiab cov kev pab rau me nyuam me
nyob rau hauv koj cheeb tsam.
3-5
Xyoos
• Kawm kom paub ntxiv txog tias cov kev pab no muab nsuas
tau zoo licas.
COV KEV KAWM:
Ntsig Txog Tsoom Neeg thiab Lub Siab Xav
Yam Lus thiab Kev Sib Txuas Lus
Kev Ua Lej, Kev Tshawb Fawb, thiab Kev Xav
Txhua Txoj Kev Uas Koj Tus Me Nyuam
Kawm Tau
Laj Lim Tswv Yim thiab Txuj
Haiv Ntsig Txog Lub Cev Kev Loj Hlob