Vol No. XIII Issue No. 09 Dt. 06.03.2011 Sunday TKP Chaltlang Unit

TKP THUTIAM
Khawtlâng thatna leh inunauna
tinghet tûrin ka thawk anga,
Krista hnênah midangte hruai
ka tum tlat ang.
Ka chakna Isua krista chu ring tlatin
Nitin Pathian ka pâwl anga,
Kan Kohhran Pathian biakna leh
hnathawhnaah ka tel zêl ang.
Ziaka Rawngbawlna
Thalai Kristian Pawl Chaltlang Unit
Vol No. XIII
Issue No. 09
Dt. 06.03.2011
Beraw Tlanga Thusawi - II.
- Rev. TC. Vanlalmalsawma
22/04/2010(7:00 Am): (Rome 3:10-18 & 23) Mahni sual nih in
hriat lohna piangtharna a nghet lo a. Kan thiltih lai hi sual a ni tih hre
reng chungin Pathian ram chhungah kan awm thei lo. Setana ram
chhunga awm zawng zawngte danglamna bik kan nei lo a
ni. Pathian ngaihah chuan A ropuina chang thei lo vek kan ni.
Thihna chuan setana ram chhung ami zawng zawngte hi a
ram chawpin a fan tawh a ni. Setana ram chhunga awm chung chuan
Pathian ropuina kan chang ve thei lo. Setana pawl zawng zawng
chu kan fel deuh emaw kan sual viau emaw pawh a ni thei, danglam
kan awm chuang lo. Inkhawm taima tak te, leng ngai lo te, ruih
theih thil ti zeuh zeuh te setana ramchhunga kan awm chhung chuan
Pathian mit hmuhah chuan A ropuina ram chang lo turte vek kan ni.
Kan intluk tlang vek. Tirhkoh Paula khan setana ram chhunga awmte
a sawi a ( Rome 3: 10-18). Setana thuneihna hnuaia awmte hi a
ramchhunga awmte an ni.
Setana hian pianthar tum ve theih lohna rilru kan thinlungah
a dah a. Setana hi kan thinlungah hian kan dah lal thei lutuk thin a. A
duh hun hunah nulat tlangval sualah te min tlukluh tir a, a chang leh
ruihthei thil bawihah te min hnuk lut a. Chapona sualah te min hruai
lut thin. Kan nunah hian kan champion tir thin em a, a chhan chu a
ram mi/a ram khua leh tui a ram chhunga awm kan nih tlat avang a
ni. Kan ram CM Pu Hawla thusawi chu kan pawmin kan zah tur a
ni a, kan ram hruaitu a nih miau a vangin.
Setana hian kan thinlungah hian hna hi a lo thawk nasa tawh
lutuk a, min beih dan hi a thiam em em mai bawk si a. Kan nunah a
lo awm rei tawh lutuk avangin kan duh zawng leh kan panna lai tak
hmangin min thlem a, min phihawh a tum reng thin a ni.
Naupang deuhte pawh dawihna te,zahna te, timna te hmangin a
awm tawk te te in a thlem thin. Setana ramchhunga kan awm chuan
kan hawilam pawh amah setana lam hlir a ni a. A hrehawmzia hre
mah ila tal chhuah dan kan hre tlat thin lo. Min dawi a vek thin. Kan
hlim thei lo a, kan mangang em em thin a ni. Lalpa ramchunga kal
dan kan thiam lo in kan ngam tlat tawh lo. Kan kawng zawh lai hi
nuam kan ti tak tak thin bawk hek lo. Setana lalram a awm hi a va
lo hrehawm em! A tawpna pawh hrehawm lutuk, chatuan Hremhmun
a la ni zui. Maenga, Muallianpui Bialtu Pastor chuan “Hremhmun
rapthlak zia leh dik zia Bible in a sawi hi a dik a, sawi belh
leh chhawn tur pawh ka hre lo” tiin Pathianin hremhmun a
hmuh tirna atangin a sawi hial nghe nghe a ni.
I kawng zawh lai kha ngun takin ngaihtuah la, i thla a muang
tak tak em? Chhut ngun teh. Bible in a sawi chuan inthiam
chawp i tum lo ang u. Bible in a ni lo lam min kawhhmuh ngai lo.
Setana ram chhunga awmte chu fel ve deuh mahse ‘mitlaktlailo’ a ti
tawp mai a ni. Engmaha tlaktlailo kan ni a, Lalpa hma-ah chuan
induh thei pawh kan ni lo. Mi nep tak kan ni. Lalpa hma-ah chuan
in la ngeng thei tumah kan awm lo.
TK P
Chaltlang
Sunday
TKP Chaltlang Unit
KOHHRAN PROGRAMME
Tukin
Zanin
: Upa F. Thasiama
: Upa Lalzirmawia
Dt. 27/02/11 Zing Thawhlawm : Rs 2,067/Zan Thawhlawm : Rs 690/TKP Programme
Vawiin Fehchhuah
A hmun
: Kohhran Hall
Hruaitu
: Pu Donny Lalawmpuia
Thawhlawm
Lilamtu :
Tv Larry Lalremsiama.
Thawhtan zan inkhawm
Chairman
: Nl. Rebeca VL. Hruaii
Tantu
: Pu Ian Laldinliana
Thawhlawm khawm : Tv. B. Lalthlirliana
Hlantu
: Tv. Lalsangliana
Colney
Bible chang chhiar tur
: Tv. F. Ngurthansanga
Solo
: Nl. J. Lalrempuii
Pu Dennis Lalrinmawia
Thuchah
: Pu B. Ruatfamkima
(Zaihona a tam thei ang ber neih a ni ang)
BKHP Programme
(Vawiin Fehchhuah)
A hmun : Kohhran Hall
A hun
: 1: 30 Pm
Hruaitu : Pi Lalhmingliani
Tawngtai rualna
Lilamtu : Pi Lalkhawngaihi
Pangpâr khawitu
: Pi Lalbiaktluangi
Pi Khawlkungi
Pathianni leh : Dr TC Hmingthangi
Pi Lalkrosvuli
Vawiin
Tu leh fa pual Tawngtai
Dt 11.03.2011
Unit,
: Pi Lalbiaktluangi
“ T K P AW ”
PHEK 2-NA THALAI KRISTIAN PAWL CHALTLANG UNIT CHANCHINBU Dt.06.03.2011
Editor
J.C Lalnunsanga
- Ph: 9612163263
Asst. Editors
R. Vanlalvena
F. Vanlalpekhlua
- Ph: 8575307339
- Ph: 9863156679
C. Lalhmangaihi
F. Vanlalliani
Cir.Managers
Vanlalruata Pautu
PC. Lalnunpuia
Web Master
KL Lalhriatchhungi
J.Lalvohbika
- Ph: 9612320337
- Ph: 9862130973
News Editors
- Ph: 8794741252
- Ph: 9436195565
- Ph: 9436157594
- Ph: 9436154139
Editorial....
MISSIONARY THLEN CHAMPHA
March 8, 2011 (Thawhlehni) hi kan Zosap
Missionary pachal pahnih, Sap Upa leh Pu Buanga
te Chhim lam (Tlabung)a an lo luhna champha a ni
a. BCM Ni pawimawh tak a ni. Kohhrana thawktute
chawlh a ni a;kuminah hian he Ni hi Pathianni a nih
loh avangin programme lian tak siam a ni lo va.
Tualchhung Kohhran, he programme hmang theite
chuan ‘Thil tha Chanchin lawmawm thlentute ke chu
ava mawi em’ tih thupui hmangin inkhawmna an nei
ang.
Mizorama Missionary hnathawk hmasa ber
Sap Upa (Rev FW. Savidge) leh Pu Buanga (Rev
JH.Lorrain) te kha Mizoram hmar lama kum 4 zet an
thawh hnua, hmun dang Abor hnam, tuna Arunachal
Adi ho zinga an thawh leh hnu khan Baptist
Missionary Society (BMS) tirhin Mizoram chhim
lamah an lo chhuak leh a. Kum 1903 March ni 8-ah
Tlabung an lo thleng a, hemi ni hi kan Kohhran
Asssembly chuan ni pawimawh ah a lo puang ta ani.
Mizorama Chanchin Tha rawn thlentu, Kan
Missionary 2, Sap Upa leh Pu Buanga-te, January
11, 1894-a Mizoram leilung rap a Sairang a lut chho
ta te khan Aizawl a kum 4 chhung rawng an bawl
khan Zofate tan zirna Lungphum min phumsak a,
A,AW,B, min siamsak a. Heng Pioneer Missionary
pahnih te hi 8th March, 1903 khan Tlabung ah lo
thlengin Mizoram chhim lamah rawngbawlna an lo
tan ve leh ta a ni. Lunglei (Serkawn) ah inbengbelin
Mizoram Baptist Kohhran phuntute an lo ni ta ani.
Kan Missionary hmasa te avangin lawmthu sawi ila,
Baptist Kohhran hi Missionary Kohhran kan nih zel
theih nan chhungkaw tin leh member tin ten tan i la
thar zel ang
TK P
Chaltlang
Unit,
LAWRKHAWM
KOHHRAN
V KL Chhana (Pu Donny Lalawmpuia Patea) Saitual chu
thisen sang avangin nilaini khan Aizawl Civil Hospital-ah a
boral a, a ruang hi zanah saitualah phurh chhoh nghal a ni.
Pu Donny-a pawh in a ruang hi zui chho vein, nimin lam
khan tluang takin alo let leh a ni.
V Pu K Lalrothanga (Parteii, Pu Jonathan K.
Thangmawizuala nupui pa) chu Greenwood Hospital-ah a
awm mek a, tawngtainaah i hria ang u.
V Tv. JH. Vanlalliana chu a Bike a chesualin thawhlehni
khan Civil Hospital-ah zai a ni a, thatlam a pan zel e.
V Dt. 03/03/2011 zan khan Biak In a chanvo nei thinte,
khuangpu, hla hriltu, sound & mike in-charge leh musician
te inhmuhkhawmna neih a ni a, sawiho pawimawh tak tak
an nei a, a pawimawh zualte :1. Biak In Inkhawm Chairman hian thunawi nei duah tawh
lo se, a bikin sunday zingah.
2. Sunday zingah hian hla lar pangngai, naupang chena kan
thiam tlan tur thlan thin ni se.
3. Chanvo neite kal hma thin ni se; a bik takin hla hriltute an
tlai thei hle niin kan hria.
4. Chanvo engpawh kan neihin kan theih dawn lohvin kan
kawppuite / kan thiante hrilhhriat ngei ni se.
5. Chairman leh thusawitu hian an hla thlan tur khuangpu te
hrilhsa thin se.
6. Sound hi kan buaina a nih fo avangin Choir Mike kan
mamawh zia sawi lan a ni.
V Dt. 04/03/2011 (zirtawpni) khan kan bial chhunga
Kohhran Upa leh Rawngbawltute nupui chuan kan Biak Inah
inpawlhona hlimawm tak an hmang. Upa leh Rawngbawltu
nupuite an kal tha hle. He hunah hian Pastor Rev. JC
Vanlalluaia leh Pro. Pastor Lalrohlua Pachuau te’n hun an
hmanpui.
V BCM rorelna sang ber Assembly 2011 chu date
9.3.2011 to 13.3.2011 ah BCM Rahsi Veng , Lunglei ah
neih a ni dawn.
V Kum 2011 chhunga BSI (Bible Society Of India) a kan
Kohhran target tur chu Rs 14,000/- a ni.
TKP
V TKP Chaltlang Unit Crystal Jubilee chu hlim takin kan
hmangliam leh ta reng mai. Jubilee nikhan hnatlang member
40 chuang kan thawhchhuak a, Senior Adviser Upa F.
Rohmingthanga’n hnatlang hi min thawhpui a ni. Chaltlang
leh Laipuitlang khawlai, tuihawk luankawr leh zunin te thenfai
a nih bakah chawhnu lamah Biak In leh a vel tihfai a ni bawk.
Chhunah hnatlang te’n chawhmeh tui tak kan ei ho.
Zanah Jubilee pual inkhawmna kan nei a, nu leh pa,
Kohhran hruaitu te’n min tawiawm tha hle. Hruaitu hluite rin
angin an lokal tha lova, Pu F. Vanlalliana (hmundanga awm
tawh) te nupa chiahin he hun hi min rawn hmanpui a ni. A ni
hi TKP AW (an hunlai a BAPTIST TIMES) Editor hmasa
ber a ni.
V Tukin zing khan TKP members te chuan Pu
Lalramnunmawia Fanchun (L) te inah tawngtaina hun an
hmang a, member thahnem tak in an chhungkaw tana
tawngtaina-ah hian an kal.
V Tv Vanlalruata Pautu chuan kan Kohhran Missionary
Nl J.Lalrempuii chu Aizawl a training chhungin part time a
keyboard zirna tur a tum sak a. Admission pawh an ti fel
“ T K P AW ”
Website: www.chaltlangtkp.org.in
PHEK 3-NA THALAI KRISTIAN PAWL CHALTLANG UNIT CHANCHINBU Dt.06.03.2011
Piangthar tak tak si lo fel ve ringawt chuan midang
kan hmusit mai a ni. Misualte hmusit tawk lekin kan awm a.
Kohhranah pawh in hmang thin mah ila a strict tawk leh sual
ngai thei lo tawk chauhin kan awm thin. Kohhran ti nguitu
leh tithangtheilotu kan ni. Mahni lungawi chinah chiah
rawngbawl kan tum a, Lalpa ramri kan pawh ngam thin lo.
Setana ramchhunga kan la awm miau avangin thununtu kan
nei tha em a tin ni. Dawt pawh hi sawi awm reng kan lo ni.
Setana ramchhung hlauhawm zia hre lo chuan
Pathian ramchhungah han lut ve thin mahse setana
ramchungah an let leh hreh thin lo. Khuang rik a reh rualin
an awmna ngai setana ramchhungah an lut ve leh mai thin.
Chuvangin setana ramchhung hlauhawmzia hi kan hriata kan
chhut ngun a ngai em em a ni. Miin sual thu a chian tak
tak chuan sualah a kir leh ngam tawh lo zawk thin.
Khawngaihna hun hi a tawp thei. Pathian tawngkam ngei
pawh hi a la danglam dawn. “Ka fa lo haw rawh” titu khan
“Tunge i nih ka hre lo a che” a la ti dawn. I awmna kha a
him em , in ngaihtuah chian a hun a ni. Khawngaihna hun a
tawp hma ngei hian.
vek tawh a ni. Tin, Tv TC Lalzarzova te unau in an inlamah
te lo practise pui leh thinin an lo zirtir ve thin bawk. Hetiang
a Lalpa ram tana an sum leh thiamna te ui lova petu te hi kan
chhuang tak zet a ni.
V
Tv JC Lalnunsanga u Tv P.Lalchamliana chu Zonet in
“Mizoram Pachak ber zawna-ah” a pakhatna a la ni chho zel
a, TKP T-shirt ngei mai ha chunga rit a chawi kha chu a tan
awm hle a ni. Tin, Tv. JC-a pawh Mizoram Student Evangelical
Union (MSEU) ah Asst. General Secretary ni lai chu Jorhatah missionary a kal avangin a aiawh turin an la thar a. “Campus
Life” Editor hna a chelh kawp bawk ang.
CHHANCHHUAKTU ROPUI
Ni khat chu chhungkaw hausa tak hian an huanah
an thiante nen hun hlimawm tan an hmang ho a. An fate
CAMPING CHUNGCHANG
Kohhran Committee chu 1.03.2011 khan an
thukhawm a, kan kohhran in Camping kan neioh tura
an thurel pawimawh thenkhatte chu;
May thla chawhnu lam pangah camping neih tur a
ni a. A hmun atan Art & Cultur Mltipurpose Centre,
Berawtlang a ni. Camping hmasa berah Upa leh
rawngbawltu pual a ni ang. Sum tuak nan camping
puala bawm hun te, date 8.5.2011 a camping puala
fehchhuahna neih te, Upa Bial tina khawnna te neih
ni se .Tin, FOD te an theih ang ang thawh tura ngen
ni se tihte an rel.
Camping vawi hnihna chu Mipui pual a ni ang
a,chhawng hnih neih nise tih a ni. Camp Director-ah
Upa B.Sanghluna, Asst Director-ah Upa F Thasiama
, Manager-ah Upa Thanchungunga leh Asst Managerah Rbt F Sangtluanga te ruat an ni.
Camping pualin Pathianni tlai dar 6:00 apiangin
Tawngtaina neih nise tih a nia, hruaitu tur chu Secretary-in a lo ruat thin ang. Inkhawm apiangin Camping
puala tawngtai rualna a theih chuan neih thin ni se tih
a ni bawk.
C RISTAL J UBILEE L AWMNA P ROGRAMME
Two wheeler
three wheeler...??
Jubilee Hnatlang
pawh hlim takin an infiam a. Mahse an swimming pool-ah
chuan naupang pakhat a tlasual palh a, tihngaihna hre lova a
thiante a au vak vak chu huan enkawltu chuan a lo hria a,
naupang chu a va chhanchhuak ta a.
tihsak a duh ber an zawt a. Huan enkawltu chuan, “Fapa ka
nei a, Doctor a nih theih nan a college kalna min la tum dawn
nia” a ti a. Churchill-a chhungte chuan, “Aw le, kan tumsak
dawn che nia” an ti a.
Jubilee Choir
Kum tam tak a ral hnuah, Winston Churchill
(Naupang tui tla kha) chu England Prime Minister a rawn ni
Jubilee Ruai
Naupang tuia tla chu Winston Churchill-a a ni a. A
chhungte lawm lutuk chuan huan enkawltu hnenah eng nge
ta a. Thih hlauhawm khawpin Pneumonia natna a vei a. Prime
Minister Churchill-a chuan doctor thiam ber min koh rawh u,
a ti a. Tichuan doctor thiam tak Sir Alexander Fleming-a chu
hmana huan enkawltu Churchill-a chhanchhuaktu fapa kha a
lo ni reng mai a ni. Winston Churchill-a chuan, “Mi pakhat
nunna vawihnih chhanchhuaktu hi an vang khawp ang” a lo
Unau / Pafa rual ..??
Couples of the Jubilee
Ist Editor
Jubilee Thuchah
ti nghe nghe a ni.
Galatia 6:9 ah chuan, “Tichuan thil tha tih i ning suh
ang u; kan inthlahdah loh zawngin a hun takah chuan kan
seng dawn si a”
TK P
Chaltlang
Unit,
“ T K P AW ”
Website: www.chaltlangtkp.org.in
PHEK 4-NA THALAI KRISTIAN PAWL CHALTLANG UNIT CHANCHINBU Dt.06.03.2011
Sande Sikul (27.02.2011)
Hming ziak zat
Kal zat
Thawhlawm
Kal dan percent
Puitling lam Naupang lam
215
121
152
99
Rs. 1,049/Rs. 346/70.07%
81.08%
Sunday school i ngai pawimawh
hram
hram ang u.
ZING TAWNGTAI INKHAWM HRUAITU TURTE
Dt.07.03.11 (Mon) - Upa F. Rochhunga
Dt.08.03.11 (Tue) - Pi Helen Lalmuanpuii
Dt.09.03.11 (Wed) - Pi Rongeni
Dt.10.03.11 (Thu) - Rbt. K. Lalthanzauva
Dt.11.03.11 (Fri)
- Pi Lalthlamuani
Dt.12.03.11 (Sat)
- Pi Lalhmunmawii
Dt.13.03.11 (Sun) - Upa S. Hminghanga
NAUPANG PUAL
Hriat Ngailoh Puitu
Juda nu Suzy Ware chuan chau zetin a pasal
Kenneth-a chu panin ei tur leina a dil a, mahse a
pasal chuan engmah pek tur a lo nei lo. A hnu rei
vak lovah chuan Kenneth chuan a nupui tawngtai
lai chu a va hmu a, thian inkawm ang maiin Pathian
a lo dawr a. “Lalpa, alu, apple, parbawr, carrot
leh dal vawiin chawhmeh atan kan mamawh a, naktuk
atan bawngsa. Tin, chhangphut ka duh chi pawh i
hriat kha,” a lo ti a.
Chu Inrinni zing, 1943 chu ni dang ang
bawkin silai leh laipui ri hriat tur a awm reng a.
France ram chu Nazi-hovin an awp a, Juda-ho chu
Poland leh Germany-ah tihhlum turin tam tak an
thawn liam reng a.
Kenneth-a te chhung chuan Juda tam tak an
tanpui a, an sahimna tur an ngaihtuah a,
Switzerland leh Spain-ah te an tlan bo tir hlawm
a. Chuti taka mi dang an puih nasat avang chuan
neih an nei lo hle mai a, chumi zing pawh chuan ei
tur leina an nei tawh lo a ni.
Mi pakhat hian an kawngka a rawn kik
ringawt mai a, Kenneth Ware te chhungkaw chenna
a rawn zawng hi a lo ni a. “Ka pi, heta hi i thil
chahho kha,” a rawn ti ngawt mai a. Suzy chuan,
“Ka pu, engmah ka chah lo,” a ti a, mahse chu pa
chuan, “Suzy i ni lo’m ni, thil i chah kha,” a ti tlat
a. Kenneth pawh chu a rawn dak a, “Ka pu, i
hriatsual a ni ang, engmah kan chah lo,” a rawn ti
ve bawk a.
A kal sawn dawn chuang lo a, a thil khai chu
a’n ruak a, Suzy hnenah chuan, “Pi Ware, i thil
chah kha ka rawn keng e” a ti a. A thil rawn ken an
han hmuh chiah chuan Suzy leh Kenneth chuan mak
an ti em em a, a chhan chu a thil rawn ken chu
Suzy-in tawngtainaa a thlen ang chiah chiah, hmaih
awm miah lovin a rawn keng a ni.
Thil rawn kengtu chuan kal leh mai a tum a,
Suzy chuan kawngka thleng a thlah a, Kenneth chu
02/03/2011
-
03/03/2011
-
03/03/2011
-
Pi Nancy Lalchhanhimi
8974134173
Tv. C. Lalruatfela
9774150252
Tv. Richard Zosiamliana
9862311273
rang takin in chungah a lawn a, chu pa kalna lam
chu enzui a tum a, mahse a hmu miah lo!
Suzy chuan a hnuah, “Amah kha hmu leh ta
ila ka hre chiang ngawt ang. Kum 30 atanga 35
inkar, 6ft. aia sang hret, sam buang leh mitmeng
pawl ram mai, hrisel leh chak hmel tak a ni. A
hnathawh kawr chungah apron pawl a ha a, a tawng
pawh nem leh dam tak a ni,” a ti a, mahse an hmu
leh ta lo.
ENGE AN SAWI
J Kan TKP Vice President chu Sailova a dah NIL
chiang hle mai.
-- Pu Madinmawia
J TKP ka chhuahsan chakna chhan ber chu Solfa
hi a ni.
-- Pu Zaute-a
J Zamte, Jubilee hnatlan kha a nuam ti raw
!!!!!....
-- Nl.F.Ruati
J Rineng, tlaivar zan khan i ril a va tam bik em
em ve ...
- Tv Peka
J Khami zan zet kha chu POLO hmangin nula
pahnih kan hip kha...
--Tv VL Renthley
J Maruat , Chhungkua kan chhangchhiat zual lai
a nia, i la chhang chhiat ve hma chu chanchibu
sem hi lo hma vek mai teh a ....-Pu Manuna
J Ka solo zarah kan Unita talent nei ho an in lar
chhuak dawn mek e, Soloist kan lo nei nual mai
-- Pu Zomuana
J Ka intiam angin Jubilee hnatlang kha ka rawn
hman thei leh ta si lova , min lo hrethiam teh un..
-- Pu BT-a
J VL Renthley meizial nghei tum va ang awm ve..
-- Tv. JCNuna
J Ka nikhat hlawh tur ai chuan Jubilee hnatlan
hi ka thlang fe zawk, chunglam lawmman thlir
chungin.
-- Pu Donny
TKP Quiz No. - III
Q.
Tu nge zang ber.. ??
1. Pu Donny-a
2. Pu Vohte-a
3. Tv. Sente-a
Published and Edited by JC. Lalnunsanga on behalf of TKP Chaltlang Unit, Aizawl Copies - 130