Lz 6 June 2016.pmd - Vanramhluna Renthlei`s Mobile Blog

17:6 • June 2016 • ` 40
lengzem.info
Pu Editor... 3
Nula Senior
A dam chhung a rei,
A nulat hun a sei.
Hmanah duhtu a tawng,
Tunah duhtu a zawng.
A sakhmel a buar,
A vun pawh a chuar.
Hmanah vala'n a chhai,
Tunah vala'n a chhaih.
Nihliap dum a hawl,
Chhungkaw sum a kawl
Hmanah an rûn an bêl
Tunah an rûn an pel.
Kimtlang mawi a chuai
Nunkhua pawh a nguai
Hmanah a tawng fo sih det,
Tuna a mamawh fo sihdêt.
Hmanah a tawng hêltu,
Tuna a tawn chu sêltu....
- Ruatsanga Renthlei
News Nawi & Tawi... 5
An Ti... 10
Hriselna Huang... 11
Infiamna Khawvel... 12
Phùl lem a him em?... 14
Nui Ila... 16
Kher Lo... 17
Ang Em?... 17
Pan Lai Nun
- Laltea Vuite... 18
Sekrek ... 25
Eizawnna, Ruaitute hriat tur... 26
Merle Haggard leh Muskogee
Muansanga... 31
Lz Facebook atangin... 36
Khawchhak Zin Thu II
-Vanneihtluanga ... 38
Engkim a pawi zo ta
- Nawlchunga Chinjah... 45
Hringnun... 48
NAU NGAH
PRINCE
Pk 9
Pastor Thilpêk... 50
Ziaktute leh Sawitute tan... 55
Hre Ve Teh - 56
Dik leh Ril.. 60
Hre thei rawh le... 61
CROSSWORDS... 63+
2
•
Lengzem
.
June 2016
Lengzem
.
June 2016
•
3
SMS: 9862614679 (Hming ziah tel ngei ni se)
Editor
Vanneihtluanga
Puipate
P.L.Liandinga
(Dika Pa)
Lalhruaitluanga Ralte
(Zara Pa)
K.Sapdanga
(Mapuia Pa)
Puitute
Lalmuansanga
Hmingsanga
Darrokima
Distribution
Jimmy Zothanpuia
Lz lak, zawrh leh dâka lâk
chungchang chu
Lengzem office-ah zawh
fiah theih a ni. Dâka la
duh tan, thla 12 lâk man
Rs 450/- pek lawk a ngai.
Published, edited and
owned by
Vanneihtluanga
and printed by him at
Lv Art Press,
(Lengzem Office)
Ground Floor, Chanmari
YMA Hall, Chanmari 796007, Aizawl,
Mizoram.
Rualawhna avanga nun khawlohna hi mahni malsawm
dawn aia mi dangte dawn chhiarsak taihmâk zâwkna
a\angin a in\an a. Tuiêkin thir a ei chhia angin, awhna
hian muangchangin thinlung a ei chhe \hin. Awhna chu,
kan awhte chan \hatzia lantir tura invanduailuihtirna a
ni. Thîk leh awhte chan chhiat hun nghah ngat phei chu,
mahni túr in mi dangin an thihpui hun nghah ang a ni.
Thîkna hi mahni inhremna a ni a, thîkna thalfang hian
thîktu thinhnun a tin cháwk. Hmangaih vanga thîkna
chuan duhsakna a zakzeh a; mahni inlainat vanga
thîkna erawh chuan thawpikna a thlen a, pawi khawih
hial a nâp \hin.
Awhte vanneihnain mual a lìam thleng pawhin, awttu
awhna chu a tàwp ngai lo. Awhna tàwpna chu awh
lehzualna a ni fo. Tlang sáng apiangah thli a ná angin,
ngah apiangin awh an ngah \hin. Awh vanga thil neih
chuan a neitu a timualpho a, thawh vanga thil neih chuan
a neitu a tizahawm \hin.
Thawk thatchhia hi awt taima an ni fo. Awhna hian
ramhuai thahrui a kawl a, a tun din peih hauh loh turte
hi a sâwi chim peih.
Mi rilru kàwi chuan a mi ngaihsan a rél chawk. Thîkthu
leh rualawhna te hi mi rèl chingte awmhar hnemtu atana
khuarèl ruihhlo chi khat a ni. Elreltu che hian a hua cheah ngai suh, a tluklohzia che a lantirah ngai la, a
ngaihdan chu zahsak zawk ang che.
I chakna chuan a chaklohna a lantir tlat avangin, i hnawk
loh zawh poh leh a tan i lawk a. I dawhtheihna hi a
ngei! Nang aia hniama indah chungin, i awm mai mai
email:
[email protected] chu a buan che a, chung lam a\anga bawh beh che a
tum ngai lo, i chungnung fál tur chu hnuai lam a\anga
pawh thlâk che a tum a ni zawk.
Tel: 2347982 (O)
2340493 (R)
SMS No:
9862614679
Mak ti lem suh. Lung kan vawm pawhin a langsàr lai
zel hi vawm fuh tumin kan tin \hin a nia!
THUSAWI HUPHURH (May ’16)
A \ha full! A lehlin a \ha bawk. Kan
hnena Pathian awm avang hian kan
theih loh zawng berte pawh a lo theih
\hin hi a va lawmawm em! (LHC, Ccp)
EIZAWNNA DAM LO BUAIPUI
(May '16)
Kolkata dam lo buaipui i sawi ang kha..
Guwahati-ah vai Mizo \awng thiamin
a ti daih tawh. |awng thiam lo leh
hmelhriat nei lo tan chuan a \angkai
khawp mai. thawh sen loh hna a nei.
(Rsa, Farm Veng)
MAY RUAHTHIMPUI (May ’16)
A ziaktu hian a ziak ngaihnawm khawp
mai. Naupan laia ka tawn \hin a ni.
(TKa, Saiha) Panlai hunte min ngaihtir
a, lung te a léng hman \êp a, ram
ngaw kara tawllawt leh vahúi nupa
inchhàwn koh koh thawm leh
\henawmte cooker phit rite a rawn
chawhpawlh chho khan lunglen a ti\iau
leh vek a lawm le! Cooker phit rite chu
nimin maia kan hriat \an chauh a ni si
a. (Ruata Ralte, Republic Veng)
HRINGNUN: HRE VE MAI TAWH ANG
CHE (May ’16)
Full support ka pe. Ka ngaihdan kumhlun
a ni (Mambawihi, Chhinga Veng) He
lamah hian \hangtharte hi hawrawppui
mai ni lo, pen tui sena underline
hmanga khawih harh kan ngai takzet.
|halaiten inenfiah nan i hmang ang u.
(Albert, Saron) ...he thu hi keini
thingtlang lam khawpui nun copy
mekna khua chanchinbuah hian rûk ka
va chak tak! (Zet R Pachuau)
KHAWVEL UP LUM THU (May’16)
Global warming kha ngaihnawm hle
mai. Mizo tap nen khan a tehkhin mawi
hle bawk.... Chhiar a nuam thin
(|hakima Khiangte)
KA PU HNENA LEHKHATHAWN
(May ’16)
..a va \ha tak em! (Zuali Ralte |hasum)
Elaichi chin dan leh a chi neih dan
hriat theih se ka va ti ve (Thantei)
..Cardamom hi kan khua-ah kan úten hlawhtling takin an ching tawh.
A chintirtu sorkarin a leisak leh thei si
lo va, hralhna tur a awm ta lo va, a
buaithlak khawp mai. In hriat chian
duh chuan a chingtu pawh a la dam
e. (Keimah (Chàm)Ring Girl) A ziaktu
biak pawha cardamom chi lâk ka
duh e (Mahneha, Hnahlan) Kan ram
politician-ho hian eng tin tak ngai ve
ang maw? Nge an chhìar kân daih
zawk ang le? (Biaktea Fanai,
Darzopa)
FOOTBALLER LEHKHATHIAMTE
(May ’16)
He lamah hian Mizo infiammite kan
\hanharh a \ul hle. Lehkhathiam mai
bakah, kan CM sawi angin \awng
lamah hma kan sawn a \ul hle bawk.
(Albert Hlawndo, Srv)
KHAWCHHAK ZIN (May ’16)
TV-ah i chhuah tho si a, phêk a uiawm
mai mai (...) Burma lama kan unaute
lehkhabu chhiar tur kha pek ve ngei
ka duh a nia (Apauha Hrahsel) Zin min
chaktir. Neih thing lung khawnga tlem
pûk belha zin ve mai ka tum ta (Sawma
Fanai Chenhrang)
LEHKHA KAWNG BO (May ’16)
Lehkha kawng bo...R.Lalhmunsanga
ziah hi a va \ha em! Veng lu leh veng
mawng, khaw nei leh nei lo inenfiahna
tlak a ni...hepa thu leh hla hian
belhchian a dawl tlat....kei pawh kan
4
•
Lengzem
.
June 2016
khuaah ka haw daih lo ang tih ka sawi
thei ta hauh lo mai! (HP Ropuia)
LZ PHEK BELH
Lz-ah mi ngaihsanawmte chanchin belh
turin, rawn len chilh meuhin ka ngen
che a “Kan la ngaihtuah dawn nia” i
ti a. Eng nge chanchin ni ta le (..)
Kan ngaihtuah zo tawh e(!) Phek belh
lova a khát tawka telh zeuh zeuh kan
rel. - Ed
Lengzem
Internet a\angin
LENGZEM
Lengzem pdf copy Internet a\anga
lâk i duh chuan..
ah emaw
[email protected]
ah emaw i lo zawt fiah dawn nia.
LZ MAY PUNCTUATIONS ’16
A ngaihnawm tehlul nen punctuation
dik lo tam \um ber niin ka hria. (HP
Ropuia)
Dik! Ka mit fiah lo ka zai fiahtir hma
thla hnih khat dang min ‘tuarpui’ a la
ngai nghe nghe. - Ed
MERLE HAGGARD
May Lz-ah Merle Haggard kan lo beisei
a, a tel leh si lo va? (R Lalduhawma
Ld)
May kha June kan tihna a lo nia! - Ed
RATION CARD (May ’16)
Kan vengah NFSA secretary ka ni a.
Hna \hulh bakah, zan mu mumal lo
khawpa ngawrh leh ulukin, hlawh nei
lo chungin, kan vengten ration card
dik an neih theih nan theihtawp ka
chhuah a. Card a lo chhuak a, kan
thawh \hat zawng zawng kha, hlawh
nei zawkin eng mah lovah an rawn
MAY 16 CROSSWORD
& REMDIK LAWMMAN DAWNGTUTE
1. Van\huami, Edenthar
Ph : 9615749256
2. Adiki, Saron Veng
Ph : 9856255891
3. James, Peter’s Street, Khatla
Ph : 9862563083
chantir bakah, kan vengten a
tidiklotuah min puh lehnghal. An zelthel
rah hi retheiten an tuar tih lo hre teh
se. (873187437..)
|AWNG THAR CHHER (May ’16)
|awng thar chher kha \ha ka ti e. Lz
a\ang hian ti mai ila (897423643..) A
sap\awngin a fiah tih vanga kan \awng
kara sap \awng zeh hi a letlingin ti ve
ta ila: “Khawsikin min \ham er er tihte
hi, Mizo \awnga fiah, sap \awnga fiah
har tak a ni a. “Sickness \ham er er
me” ti ila, an fiah bik lo vang.
Chuvangin, chawhpawlh lova mahni
\awng ngei hman tluk a awm lo. (..)
MIZORAM RECORD: Delhi-a
think-tank pawl NCAER thuchhuahah
India ram nupa tûak thar 95% chu
mahni chi ami innei an nih laiin,
Mizoram chu chi (caste) inthliar lova
inneih pawlh tamna ber state (55%)
a ni. Hei hi Meghalaya (46%) Sikkim
(38%) leh J&K (35%) in a dawt. MPah chipui inneihna a sáng ber (98%).
SANGAI: Manipur forest wildlife
wing in an report danin 2013-ah Sangai
204 chu tunah 260-ah an pung.
T VAIPHEI: Justice Tinlianthang
Vaiphei May ni 17 khan Tripura High
Court Chief Justice atan lâk luh a ni.
NAGA ZIRNA: Hmarchhak biala a
hmasa ber atan, Apr ni 9-ah, Nagaland
school zirlaiah National Stock Exchange (NSE) kaltlangin financial
literacy course telh a ni.
NAGA AAP: May ni 18-ah Dimapurah Naga Aam Aadmi Party unit thar
din a ni.
MEI NGHEINA KOHIMA: May
thla a\angin, Kohima chu mei zuk
lohna khawpui, ‘smoke free city’ tiin
an inpuang a. Kristianna leh zial zuk
inkalh anga an ngaih avangin har lutuk
lo tura ngaih a ni.
.
June 2016
•
5
HIV+ BUAINA: Nausen kum 3 mi
thisen pêka HIV hrik hmuh avangin,
Gauhati Medical College & Hospital-chu mipuiin an ringhlel a. Assam
Human Rights Commission chuan
enfiah turin a hriattir
ZU HLAWKPUI: Bihar-a zu khap
avangin, a \henawm ramri Balia District (UP)-ah tunlai hian 112%-in zu
hralh a pung. Bharauli ah phei chuan,
312% a ni. Bihar CM-in Varanasiah zu khap campaign chu, UP-a zu
dawr 27,000 leh zu-a eizawng nuai
20-te chuan an helh hle.
LEHPELH THIHPUI: Gaya, (Bihar)
ah May ni 7-ah, JDU hruaitu
Manorama Devi fapa car tlàn pèltu
Swift car chu, amah vengtute chuan
an kâp zui a. Swift car-a chuang Aditya
Sachdeva (19) chu kah hlum a ni.
DAMDAWI FAKNA: May ni 5-ah,
Ayush damdawi leh Yoga fakna
uchuak hremna turin Drugs and Magic
Remedies Act ennawn a ni.
PHU LOH DÍ: Telengana CM
K.Chandrasekhar Rao-a fanu (adopt)
chuan nursing school-a a zirna
chawlhsana cycle repairman neih a
duh a. Andhra Pradesh High Court
chuan, CM fanu-ngaihzawng phèna
thil awm hriat tumin CID a chhuitir.
SCHOOL HLAWHCHHAM: 201516-ah, Telengana sorkar school zirlaite
chu chaw chhùn, zirbu leh uniform
tumsak an ni chungin, school 298
chuan zirlai an nei lo. A chhan zawng
6
•
Lengzem
.
June 2016
chhuak turin Supreme Court-in
Telengana sorkar a hriattir.
YOGA: University Grants Comission
chuan, AYUSH Ministry-in PM duh
dan a tarlan milin, India rama univ.
leh college-te chu Yoga PhD course
tichangtlung turin a hriattir.
CNG TAXI: Supreme Court
thuchhuak angin, May ni 1 a\angin,
N Delhi-ah taxi CNG (compressed
natural gas) hmang taxi chauh tlantir
phal a ni. Lirthei diesel engine 2000cc+
register theih a ni lo ta bawk.
SPICEJET CHAWITIR: 2012-ah
SpiceJet-in rual ban lo (cerebral palsy)
pakhat thlawhnaa chuan an phal loh
avangin Supreme Court chuan kumin
May ni 12-ah thutlûkna siamin SpiceJet
chu ` nuai 10 a chawitir.
CAR NEWS: Honda SUV thar mi 7
\hut theih, BR-V ` nuai 8.75 (petrol) leh ` nuai 9.90 (diesel) a chhuak.
Ford company EcoSport Black SUV
` nuai 8.58+ man leh, Maruti Alto
keyless entry ` nuai 2.49+ thar a
chhuak bawk.
NAU CHHAR MAN: National Sample Survey Organisation (NSSO) chhût
danin, thingtlang sorkar damdawi ina
nau chharna senso chawhrual chu `
1,587 a nih laiin, private damdawiinah
` 14,778 a ni. Khawpuiah ` 2,117 leh
` 20,328 a ni thung.
DOCTOR HREM: Naute piang hlim
mit enfiah tawk loh avanga mit del
ta nia puh avangin, National Consumer
Lengzem
Disputes Redressal Commission
chuan, Delhi-a Maharaja Agrasen
Hospl. leh a thawktu doctor 3-te chu
naute nu hnenah ` nuai 64 pe turin
an hriattir.
DELHI HAUSA: Delhi mi pakhat
sum lakluh chawhrual (per capita
income) chu 2014-15-ah kum khatah
` nuai 2.5 a ni a, 2015-16 hi ` nuai
2.8 ni tura ngaih a ni - tiin Delhi Dy
CM Manish Sisoda chuan a sawi.
FAKSUALNA HREMNA: Ngaih
kawih theih thila faksualna (misleading
advertisement)-a inhnamhnawih
milarte hremna chu ` nuai 50 chàwi
leh kum 5 tàn theihna ni turin Parliamentary panel chuan a rawt.
HNAM LEH SAKHAW THLÂK:
May ni 6-ah, Supreme Court chuan
miin, a sakhua a thlâk rualin a hnam
nihna a thlâk thei lovang tiin dan a
siam. Hei hian, chi hnuaihnung ami
Kristiana an inleh ruala chi
chungnunga inthlak tur anga tih\haihna
a tireh deuh thei ang.
UNIV. HNARUAK: Ram chhunga
central univ. hna awm 16,600 zinga
35% chu hnawh khah loh a ni a. Scheduled Tribe hnawh khah tur professor
hnaruak 112 awm zinga 31 chu Delhi
Univ-ah a ni tih HRD Ministry in an
tarlang.
MITHUN: MP-in azáwna Parliament
\hut vawi 60 an \hulh chuan, an hna
an tlàwmsan anga ngaih a ni tih dan
a awm laiin, hránghlui lemchan thiam
Trinamool Congress ami, Mithun
Chakraborty, MP (RS) chuan 2014
April a\angin vawi 3 chiah parliamenta a \hutna a luah a. Thu a la sawi lo
va, session chawlh a la dil zui.
THING PHUN: Court thupek a hnìal
avangin, Haryana-a Elementary School
Education Director RS Kharab-a chu
Haryana school compound hmun hrang
hrangah thing kung 5,000 phun tura
hremna thupek chhuah a ni.
KHAWPUI BORUAK: Khawpui
boruak bawlhhlawh ber ni \hin N Delhi
chu tunah 11-na a ni ta. Bawlhhlawh
nasa ber chu Zabol (Iran, 217), Dawttu
Gwalior (176) a ni.
LÁNG THEI PHONE: Prasanth Raj
Urs (Bengaluru) chuan Android phone,
tui laka hul leh tuia láng thei a siam
chhuak. ` 14,940 man a ni.
GOA CASINO & FENI: Goa chuan
an state-a pawisa khelhna chu hlawkpui
mah se, an mipuiten an chìn dawklak
an hlauh avangin, an mipuite chu
phalna nei lova casino-a luh khap an
tum. An tual chhuak zu, ‘Feni’ chu
Tequila leh Scotch te anga ‘Heritage
Spirit’ tiin tihlar zual an tum bawk.
CHINA BORDER TRADE: Minister
of State for Home Affairs Kiren Riju
chuan, Bangladesh ramri-ah insumdàwn tawnna hmun 4-ah siam a nih
tawh laiin, Arunachal Pradesh-ah
chuan, China remtihna tel lo chuan
ramria insumdàwn tawnna siam theih
a ni hrih lo tih a sawi.
.
June 2016
•
7
MYANMAR: 1990-a Myanmar ngaw
khuh chin 58% chu 2010-ah 47% laia
a tlâk hniam tak avangin, May thla
a\angin, an ram chhunga thing kih leh
hralh khap a ni. US chuan Myanmar
hrêkna (sanctions) a thlah dul ta bawk.
Myanmar chhima Muslimte chu
‘Rohingya Hnam’ tia sawi tawh lo
turin duh mah se, USA chuan
‘Rohingya’ tih thumal chu hman zel
an tum thu an puang.
THIL LEM THAWNCHHUAK:
Organisation for Economic Cooperation and Development (OECD) in
a tarlan danin, thil tak anpui dan kalha
siam (counterfeit) China-in a thawn
chhuak tam ber a. An thil thawnchhuah
63.2% chu a lem (fake) a ni. A dawttute
chu Turkey (3.3%), Singapore (1.9%)
Thailand (1.6%) leh India (1.2%) te
an ni.
ZANA ZENG: Pakistan-a unau (mipa)
pahnih, kum 9 leh 13 te chu zanah
\awng thei lo leh meng thei lovin an
awm thin. Tunah Islamabad
damdawiinah enkawl mek an ni a. An
thisen chu ram pawnah enfiah turin
thawn mek a ni.
RETHEI SAWN: China State Council chuan an rama rethei mtd 2+ te
chu chènna siamsakin eizawnna hmun
remchang zawkah sawn a tum.
LIFT CHAK: Shanghai Tower (M
632) ah chuan Mitsubishi-in inkhai
chhuk chhohna (lift) chak ber, (top
speed meter 20.8/second) dah an
8
•
Lengzem
.
June 2016
tum. Lei a\angin, chhawng 119na chu second 53-ah a thleng hman
a ni.
THILPHAL: China company lian
Tien’s Group hotupa Li Jinyuan-a
chuan, an company-a thawktu mi 2,500
ten ni 5 Madrid-a chawlh an hmanna,
hotel pindan 1,650 man leh an puala
thlawhna vawi 20 hire-nan $ mtd 8
a séng. Nikumah a mi rawih 6,500
te chu France-ah chawlh a hmanpui
tawh bawk.
CHINA DRONE: Zero Zero Robotics
(Beijing) chuan a neitu zui zel thei
drones, hman loh laia thleh theih,
thlalakna 2, 13 MP leh 3 MP nei an
siam.
VAWIH KHAP: Hawihhàwmna leh
mi hmuha chêt mawi kawnga hnam
nun zahawm chawisangtu Japan ram
chuan, Hokaido thliarkar tlawhtu
khualzinte tana thuziak an semah, faina
leh thianghlimna thu pangngai bakah,
vantlang hriata vawih, \awng rin lutuk
leh thil \hial chunga \awng an khap.
ELECTRIC CAR: Nissan companyin an chhuah danin, Japan ramah petrol
lâkna 35,000 vel a awm laiin, electric car tha lâkna 40,000+ a awm tawh.
KHALH LOH CAR BOMB: Tunlai
thiamna hmanga driver ngai lova khalh
theih car hi IS hovin car bomb kamna
atan hman an tum tih NATO security expert-ten an hmuchhuak.
KANGAROO SUAT: Kangaroo
inthlah pung chak lutukin an ram a
Lengzem
tihbuai avangin Australia chuan kangaroo 1,900+ thahna thupek a
chhuah.
THISEN ENNA: Cardiff Univ (UK)
researcher te chuan kutzung hmawr
chhun pawpa thisen lâk chhuah kher
ngai lova, vuna panban bela thisen
dinhmun hriat mai theihna tur an
hmuchhuak.
REAL MADRID: Forbes-in a
tehnaah, European champion vawi 10
lo ni tawh Real Madrid team chu, kum
4-na atan, azáwnin khawvela football
team hlu ber an ni leh ta. An team
hlutna hi $ tld 3.6 a ni.
MEITHA NGAH: German ramah mi
mal leh sorkarin ni-tha, thli-tha leh
tui tha an dehchhuah tam (87%) em
avangin, an intodelh hneh khawp a,
thil dehchhuahna atana man chawia
electric thahrui hmangtute chu (a tir
lamah) an hman vanga lawmman
pawisa an pe zawk.
DAWI SA CHHIAH: Malawi (Africa) rama mihàng zingah vun leh sam
var (albino) te taksa bung hrang chu
dawithiamten dawi sa chhiaha hman
atan an duh avangin an that \hin a.
Malawi-a albino mtd 16.5 awm \hin
chu tunah 10,000 vel chauh an ni tawh
tih UN report-ah tarlan a ni.
DELTA REMCHANG: Delta air
Lines chuan an thlawhnaa zinten an
bungraw awmna chin an hriat nghal
zel theih nan, bungraw chhinchhiahnaah chip bel tel vek an tum.
TLA VANNEI: Florida nu pakhat
kum 70 mi, kum 20 kaltâa car chesual
vanga zeng leh khaw hmu ta lo chu,
khum a\anga a tlâkna lamah a lu a
sawh a. Chuta \ang chuan a mit a lo
var leh daih!
PRINCE-A NAU-TE: Zaithiam
Prince-a chuan a hausakna $ mtd 300
hù lai a thihsan a. A ro khawmtu tur
dik zawngtu Morse Genealogical
Services chuan, Prince-a ro chuhtu,
a nau nia inchhál mi 700 zet an awm
thu an puang a. DNA test hmanga
finfiah tum a ni.
PATENT: Sony chuan, contact lensa thlalakna vuaha hman theih dan
tur an ngaihtuah chhuak a, a taka
an siam puitlin hmain a neitu nihna
hauh tumin an patent nghal. Samsung
pawhin vuna bel theih ‘sana’ a patent
bawk.
NAU DAHNA: Fa tihthlak leh enkawl
loha seiliante vèn nan, Indiana state
(US) chuan nausen paih tumte leh
enkawl thei lote tana dahna tur, drop
box an siam.
VUN LEM: US-a researcher pawl
pakhat, Ohio Labs te chuan, silicon
hmangin, mihring vuna bela vun chuar
thup theihna ‘räng’ pan tak an siam
chhuak.
LUM BER THLA: NASA mithiamte
chhût danin kumin Apr thla kha Apr
rau rauvah kum 130 chhunga a lum
ber thla a ni a, Jan-Mar pawh kha
chutiang bawk chu a ni.
.
June 2016
•
9
FB HIMNA SENSO: Facebook
neitupa Mark Zuckerberg-a vengtu
turin Facebook chuan 2013 a\ang khan,
US President lo vengtu agent te ruaiin,
2015-ah khan, an pu venhimna
sensovah $ mtd 4.26 an hmang tih
an puang.
CEMENT ËNG THEI: Mexico-a
university pakhat chuan, chhùna ni
tha khâwl hmanga zana darkar 12 lai
eng thei cement an siam chhuak a.
Kawngpuia eng chhit puitu \ha tak a
nih theih an ring.
HAUSAKNA |HAN DAN: New
World Wealth Report-in a tarlan danin
kum 2005-2015 inkarah khan China
Vietnam leh India mipuite hausakna
chawhrual chu 400%+-in a pung a.
Australia 100% leh Canada 50% a
nih laiin Europe mipui hausakna
chawhrual chu a hma aiin 5%-in a
tlahniam thung.
WHATSAPP DESKTOP: May ni 11
ah khan WhatsApp chuan Windows
(8+) leh Mac OS (10.9+) chin tan
desktop a\anga hman theihna
remchang a siam thar. Mobile-a
WhatsApp thil lo lang ang chiah kha
computer desktop lamah a lo lang thei.
Hei hi WhatsApp QR Code scan
hmangin inzawmtir theih a ni.
PLANET THAR: NASA chuan hriat
chian tawh galaxy a\angin tunhnaiah
planet thar 1,284 hmuhchhuah a nih
thu an puang. Heng zinga 9 ah hian
tui awm theia rin a ni 
10
•
Lengzem
.
June 2016
Lengzem
Dr. Para,
Mission Vengthlang
* AIZAWLAH mamawh aia tam taxi a awm chung pawha chùan man tláwm
chuang si lo hian Economics Law of Demand a kalh an ti.
* BAWLHHLAWH báwm an sem hi vawk chaw khawl nana hmang an tam an ti.
* BAGHA paho ár zuar chu, “Mijo Ár, Mijo Ár!” tiin an áu an ti.
* BEDC hi BPL Zú an ti.
* HNA thawh laia ruah súr hi labour hovin ‘kan lam \ang’ an ti.
* INDONESIA-AH chuan bike-a proton bengchheng vuah khalhtu chu policein a beng bulah a rî an ngaihthlâktir \hin an ti.
* KHAWPUI mike tlangau hi social media tlangauvin a luahlan tam tial tial
a, tlangau hlawh hi phone service operator hnenah kan la pe dawn an ti.
* KUMIN hi khawpui rîk nasat ang hù-a ruah a sùr tam si loh kum a ni an ti.
* MIZORAMAH Aizawl aia Manchester City hmangaih kan tam tawh an ti.
* ‘MOTOR chána’ kan tih hi ‘matar chána’ tih tur an ti.
* PAVALAI Pawla inhmang tak tak chin hi chuan Bible pawh an chhiar
hman meuh lo an ti!
* RUAH a sùra lei min hlaute hi a sùr loha tui nghei hlaute kan ni ziah an ti!
* SAP tourist ngaihthlâk tura sâp hla lo sak-khum hi a màwl thlâk an ti.
* TLEIRAWL zingah ngaihzawng hming thup tum aiin pùan châk an tam
tawh zawk an ti.
* THIL sual titu chhui chhuah aiin police vuak chhuah a tam zawk an ti.
* TUNLAI nula incheina tight hi nula pian nalh lo tan pasal hmuh loh phahna
tham a ni an ti.
* UI ngaina leh duat deuh deuh zingah ui sa ei hreh lo an awm an ti.
* VAWK hrileng hi NLUP vawk vulhte tan chhuanlam remchang a ni an ti.
* WHATSAPP group, min telhtute zah vanga chhuahsan lova ning ru deuh
chunga telna nei deuh vek kan ni tawh an ti.
* ZU Check-tu Excise force-te kha Zu Véngtu an ni tawh zawk an ti.
* ZU zawrh hnu hian ‘Koinonia’ hralh a kal sawt an ti.
I
FA NEIH HARSATNA
(Infertility)
nfertility hi ram changkang chho
zelah a hluar chho ta zel a, chutih
rualin medical science thiamna sang
zelah tunhma aiin a enkawlna pawh
a awm chho ve ta zel bawk a. He
thil hi nupa tam tak nun
tihrehawmtu leh in\henna hial pawh
thlentu a ni fo va, chuvang chuan
eng nge a nih tak hi hriat a
pawimawh ta hle a ni.
An hrilhfiahnaah chuan infertility
chu invènna tel lova nupa nun regular pangngai taka thla 12 chhung
hman hnu pawha nau pai theih loh
hi a ni.
Mihring hrisel pangngaiah chuan
inneih atanga thla 3-ah 50%, thla
6-ah 72%, thla 12-ah 85% te hi rái
anga chhût a ni \hin. Hetah hian
hmeichhe period khat chhunga rài
theihna (fecundability) an chhût tel.
Hemi rài theihna hi kum a lo tam
(a bikin 35 hnuah) a tlahniam zel
a, hei hi inneih hun kum a lo tam
tak zel avang hian infertility tisangtu
pakhat a ni thei ang.
Khawi hnamah pawh infertility hi
hmeichhia vanga puh thawr a ni
.
June 2016
•
11
deuh vek a. Mahse a takah chuan
mipa vang 25%, hmeichhia 58%, a
chhan hriat loh 17% a ni tlat. Hemi
chhungah hian mipa leh hmeichhe
dik loh ve ve vang pawh tam tham
tak a awm tel thei ang.
Medical cause (chhan) tam tak a
awm thei a, sawi vek sen a ni
lovang. Chung zinga langsar zual
deuh leh risk factor (awm tir thei)
te chu zu in nasat, zial zuk, thàu
luattuk, thyroid leh chibawm
(ovary) leh pituitary gland function
\ha lote leh mipa chi tlem/hût te
hi a ni.
Sawi tawh angin inneih hnu, nupa
nun regular-a hmang chung pawhin
thla 12/13 thleng chu ngaih \hat
lohna tur a awm hran lo va. Chumi
hnuah erawh chuan fa neih kan
tuma, kan duha kan rái thei si lo a
nih chuan doctor ràwn tur a ni. Hriat
tel tur chu infertility treatment hi
nupa a zira her rem (tailor) ngai a
nih avangin fa nei thei lo nupa
dangte entawn chi a ni lo.
Tunlaia lar chho tak assisted reproductive technology (ART) an tih mai
IVF ang chite hi a thiam bik awmna
centre-ah chauh tih tur a ni. Hemi
hma hian taksa dik lohna, natna ang
chi awm theite hmuh chhuah phawt
a ngaih avangin mithiamte rawn vat
a him ber.
Hriat tel tur chu infertility treatment
hi medical insurance-in a huam lo
tlangpui 
12
•
Lengzem
.
June 2016
Hmingsanga
Footballer Lehkhathiamte - II
Thla hmasa khan football khawvela lehkhathiamte chanchin kan chhuah
a. Khata kan chhuah kim loh dangte kan han tarlang leh ang e.
Edwin van der Sar: Edwin van der Sar hi Dutch
goalkeeper ropui a ni a. Netherland tana khèl
hnem ber record chelh mek a ni. Club lamah
chuan Noordwijk a\anga bul a \an hnua Ajax,
Juventus, Fulham leh Manchester United ah te
lo khèl tawh a ni a. Inkhelh a chawlhsan hnuah
a lo khelh tawhna \hin Ajax ah marketing director hna a thawk mek a. Marketing lam a enkawl
chhan hi football a thiam ai mahin amah hian
Marketing lamah Master degreee a neih vang a
ni.
Seyi Olofinjana: Kum 2002 - 2010 thleng khan
Nigeria tan vawi 44 a
khèl ve hman a. Club football lamah chuan
Wolverhampton Wanderers, Stoke City leh Hull
City-ah te a lo khèl tawh \hin a, khèlmual pawn
lam a zirna kawngah Seyi Olofinjana hian Ladoke
Akintola University of Technology a\angin B.Sc
– Chemical Engineering a zo tawh a. Chemical
engineering-ah vek hian
a hnu rei vak loah M.Sc a zo ve leh ta a ni.
Jean-Alain Boumsong: University of Le Havre atangin B.Sc – Mathematics a zo a. Newcastle United leh Juventus a khèl tawh a ni a,
a hming a chher ang reng fú a. An ram France
tan vawi 27 lai a khèl ve tawh nghe nghe a ni.
Lengzem
Juan Mata: A hming pum Juan Manuel Mata
García hi football team pahnih Manchester Uniteda midfielder leh Spain national team tana khèl
khawp thei a ni a. Madrid univ. a\angin degree
pahnih, Marketing-ah leh Sports Science-ah a
nei bawk. Chu bakah, kum khat chhung lekin
bahlah lovin English a zir thiam hman a ni.
Barry Horne: Ani hian EPL-ah Everton tan a
khel a, a hlawhtling thawhkhat hle. A awmna
Welsh national tan pawh a khel a. Everton-a a
khelh lai hian, inkhèl chawlhsan lovin a zir zel
a, Chemistry-ah degree course first class-ah a zo
thei a ni. Tichuan, Kings School-ah Chemistry
professor niin, football director a ni nghal a ni.
Iain Dowie: 1983-2000 inkara English top flight
teama khèl phak a ni a, hria an tam tawh lo
maithei. Iain Dowie hi University of Hertfordshire a\anga Aeronautical engineering degree nei
a ni a. Football a chawlhsan hnuah British Aerospace a zawm a ni. Kan Mizo footballer te pawhin,
football an khelh zawhah eng nge an tih ang tih
hi an ngaihtuah a \ul hle reng a ni.
Steve Palmer: 1989-2006 inkarah khan, top
flight-a vawi 505 lai a inlan phâk khawpin English club hrang hrangah a khel a. Cambridge
University a\anga software engineering degree
zir chhuak ngat a ni. Tottenham leh Watford
academy-ah te Performance Manager-in a thawk
zui a. Premier League-a Elite Player Performance Plan setup puitu a ni.
Frank Lampard: Thiam san loh pawhin,
lehkhathiam tluk zetin chhawr thiam a hlu. Frank
Lampard-a hian Brentwood School a\angin keinin
Class 12 kan tih ang tlukpui vel, GCSE \ha takin
a zo va, Latin subject-ah “A” a hmu nghe nghe a.
Hei hian confidence a pe ve hle \hin niin a sawi 
.
June 2016
•
13
14
•
Lengzem
.
June 2016
Lengzem
PHÙL LEM A HIM EM?
1
991 Women’s (football) World
Cup-a champion US national
team goal vengtu lo ni tawh
leh, Washington University-a
hmeichhe football team associate
head coach, Amy Griffin-i chuan,
2014-ah khan, phùl lem phaha football khelh ùarte zingah cancer vei
an tam thu a puang a. 2014-ah
chuan, football khelmi 38 in cancer
an vei thu a hria a. A hnuah, USAa infiammi cancer vei chhinchhiah
220 zinga 166 lai football khelmi
an ni ta. Football khelmi 166 zinga
102 te chu goal veng \hin an ni.
Engtizia nge ni ta ang le?
Griffin-i hian 2009 a\angin a
\hian goal veng \hin pahnihin lymphoma an vei thu a hriat a\angin a
ngaihven \an a. (Pakhat chu 2012ah a thi) Science thiamna hmangin
a finfiah lo va. Phùllema infiam \hin,
cancer vei zingah football goal
vengtu an tam bîk tih a lantir mai
a ni. Darkar tam tak phùl lem phaha
‘vaivut dum nawi tereuh te te léng
vel’ kára an infiam \hinna chuan
nghawng a neih a ring a. Tichuan,
ram puma \halai cancer veite, kum
zat, an game khelh, phùl lema ni
khata an khelh rei zawng leh
inkhelhnaa an position te thlengin
a chhui ta zel a, a hmuhchhuah
chu kan chhiar tâk kha a ni ta a.
Finfiah la ni lo mah se, ni theia
an ngaih chu hei hi a ni: Phùl lem
\helret tamzawk hi motor ke hlui
chhuantuia hman nawn (recycled
tyres) a ni a. Phùl lem chunga
infiammi an han \an vak hian, an
ke pera \helret lo \ìl a\angin vaivut
dum nawi ang deuh (crumb rubber) a lo insiam a. Infiam mite taksa
pemah te, mit leh ká leh hnarah te
lutin cancer in\anna a siam thei a
ni mai ang em? tiin an ngai a ni.
A nih chuan, football khelte
hi goal hma zawnah an \an avangin
phùl pawh a kawlh chak bîk a. Goal
vengtu chu ball man tuma bawkin
a intipilh zing bîk bawk a, mi dangte
aiin \helret chhe vaivut leng vel a
kai tam bîk nia ngaih a ni.
Research hmanga an zirna-ah,
motor ke hlui recycle-a thil siam
(phùl lem ni bik chuang lovin)
a\anga \helret vaivut nawi lo
chhuakah chuan, mihring tana \ha
lo hlo awm thei zingah cancer thlen
thei carcinogens a awm tih finfiah a
ni a. Phùl lem \helret siamtute erawh
chuan mihring tana cancer vei
theihna khawpa nasa a nih loh thu
an sawi ve thung.
Hlauhthawnawm lo ti mah se,
vantlangin an hlauh tak avangin,
infiammite chuan phùl lem phaha infiam chu an hreh \an a. US
‘central’ sorkar chuan, zir chiang
turin mithiamte a ruat ta a ni.
Football khelmi cancer vei a
chhinchhiahte hi 1985-90 inkar vela
piangte an ni a. Hei hi US-a phùl
lem phah an chìn \an hun a ni a,
lymphoma vei an tam ber a. Centre
for Disease Control and Preventiona thil inhal leh túr lam mithiam
(toxicologist) David Brown-a chuan,
“America rama cancer tam berte chu
lymphoma leh leukemia a ni a. |halai
cancer vei zingah leukemia a tam
\hin a. Lymphoma a lo tam a nih
chuan a awmtirtu thil a awm ngei
tur a ni.” a ti.
Phùl lem phahah hian phùl
pangngai aiin tleng leh tlûk a awl
a, intih pilh a awl a, phùl tak aiin
a lum a, inkhelten tui in an mamawh
tam phah bawk. Hengte avanga
sawiselna lo pung zelah USA phùl
lem khelmual tamtak thlâk a ni mek
a. Vancouver Park Board chuan
\helret leh plastic inpawlh, ‘thermoplastic elastomer’ hmangin an
khelmual phahna an thlâk a ni.
Hetih lai hian phùl lem siamtu
inzawmkhawm pawl chuan, research
hmangin, mihring tana pawi tham a
nih lohzia an sawi uar hle. Phùl lemah
hian, sawi tak thil \ha lote kha ‘an
.
June 2016
•
15
awm lo’ tiin an sawi lo va, ‘mihring
hriselna tichhe thei khawpa tam a ni
lo’ an ti a ni. “Thilsiam dang tamtak,
ei tur leh a tuamnaah te pawh heng
thilte hi an awm tho va, cancer a
siam a nih pawhin, phùl lem aia kài
awlsamna dang tamtak a awm a ni,”
tiin an \ang ve thung a ni.
Engpawh ni se, US sorkar
laipui (federal) chuan tun kum tawp
lamah hian an zirchianna report an
tlangzarh ang a, chumi milin
thutlûkna siam a la ni dawn a ni 
LV Art a\angin
VÙL LAI CHUL HNU
Vùl lai chul hnu kan dáwn kir a,
Chutin hringnun kan vúi liam \hin a tia lawm, Dárrokiman!
Lehkhabu ngaihnawm, hlimawm, Zo
raih, vawi khat kèu tawh chuan khup
leh har tak - Vul Lai Chul hnu chu- lo
ngaihven rawh le. A man Rs 150 .
HRINGNUN
DICTIONARY
C.H.Thangkhuma lehkhabu ziah,
ziakmite leh thuhriltute leh mi tinte
tana lehkhabu \angkai tak, Hringnun
Dictionary chu hralh zawh a nih
hnuah chhut nawn a ni leh ta. LV Art,
Chanmari-ah leh lehkhabu dawr
hrang hrangah lei tur a awm e. A man
Rs 150 a ni e.
16
•
Lengzem
.
June 2016
SMS:
9862614679
BIANGNOTE
Biangnote tih hla kha Bawngnote tiin
tui takin a lo sa ve char char!
THAWNTHU
A thawnthubu, vairama copy 2,000
a chhuttir chu a lo thleng a. A han
keu va, a changtunu Maruati hming
chu Maruti ti vekin an lo auto-correct-sak a!
GROUP
WhatsApp-ah Thlahráng Hlau
Group an siam a, amah admin
chuan a hawng ngam lo vel!
SUNDAY SCHOOL
“Isua pa hming kha...?”
Ngawi \hap
“A bul Jo... a tawp ...fa..”
“Lalhmachhuana Zofa!
WHISTLE
Veng chhung inkhelh thupuan:
“Tunah fair takin football kan khel
\an tawh ang. Referee bak player
tu mahin mahni whistle lo ham
rîk tawh loh tur!” - Puipuii Pi
VANRAM SERMON
Vanramah chuan naupang leh tar
Lengzem
te, mipa leh hmeichhia te, nupui
leh pasalte pawh kan awm hrang
tawh lo vang a, kan inang vek tawh
ang.. A! Tuai ang deuh vek kan ni
dawn a nih chu!” - an tiah!
OPEN LETTER TO ZÎKA
Dear Zîka, ‘kan ngai a che’ kan ti
lawm lawm a. Nang erawh chuan,
kan rama sava nih ai chuan, South
America rama virus nih i thlang
zawk a...!
HMING LEH HMINGPUM
Kohna a\ang ringawt hi chuan mi
hming pum hi rin dik har tak a ni!
Kohna
Hming pum
Bâta
: Robert-a
Dara
: Calendara
Dingi
: Weldingi
Feli
: Ophel-i
Háwla : Wholesale Thanga
Hmuna : Oilpalmhmunsiama
John-a : Pazáwna
Kháia
: Chemokháia
Khama : VanlalwelCome-a
Lala
: Pandit Jawahar Lala
Lena
: Millennium-a
Liani
: Dekchiliani
Mana
: Jana Gana Mana
Master-a : Muster Roll-a
Remliana : Thingremliana
Rimawia : Istirimawia
Ringi
: Wedding Ring-i
Robert-a : Lalrobâta
Siami
: Pardasiami
Síni
: Swing Machine-i
Sîl-i
: Shillongthangi
Sony
: Pensionthang-i
.
June 2016
•
17
 C HAW kan eikhawmpui theih nazawngin hmelhriat zui nih an duh kher lo.
 N AUTE zai chhuah nazawng hrin theih loh vang a ni kher lo.
 A CCIDENT thlalak râpthlâk nazawng chhuah tur a ni kher lo.
 R IMTU nei lo nazawngin pasal an hmuh loh phah kher lo.
 | HÀA kan inhriatna thlalâk nazawngah \ha min ti kher lo.
 R ÛKRU mantu nazawngin an thil rûk an phawrh kher lo.
 H MANLAI hla sa thiam nazawng an ‘hmanlai’ kher lo.
 KAWNGPUI \ha nazawngin thil man a titláwm kher lo.
 S ANA dik nei nazawngin hun an vawng dik kher lo.
 R ANGKACHAK ngah nazawng an thawveng kher lo.
 S OLFA type thiam nazawngin an hrethiam kher lo.
 MZ truck driver nazawng Mizo an ni kher lo.
 K EZUNGPUI lian nazawngin an chhawr kher lo.
 G ODOWN nazawngah buhfai a awm kher lo.
 R IM TUI nazawngin chaw ei a titui kher lo.
 F A ngah nazawng an chhangchhe kher lo.
 P ASS nazawngin zir zawm an tum kher lo.
 H LAMZUIH nazawng kan la thutak kher lo.
 P IAN nalh lo nazawng an sexy lo kher lo.
 B ARAKHAIH nazawngah kan phu kher lo.
 F AWH nazawng chengkawl a ni kher lo.
 | HINGTHI nazawng an \awng\ai kher lo.
 C HAW heh nazawng dul a kiar kher lo.
 A JINOMOTO telh nazawng a tui kher lo.
 F AIFUK nazawng a ri thei kher lo.
* AIZAWL ang hian London-ah gas a thlen
apiangin an áu ve ang em?
* ZU zawrh phur deuh zingah inchhir ru leh deuh
an awm leh tawh ang em?
* ISUA hun lai khan êk-in an nei ang em?
18
•
Lengzem
.
June 2016
Lengzem
- Laltea Vuite,
Hualtu
K
an hun tawna kan ngaih ber
lai leh kan sawi chhawn
hnem ber laite hi, hun nuam
leh hlimawm aiin, hrehawm leh
harsatna kan tawh hun lai te,
naupang lungmawl kan nih lai te a
ni fo. Kei pawh ka bang bik lo,
mite angin thil ropui tak tawng bik
lo mah ila kan pan lai hun, nu leh
pa te thlazàr hnuaia enghelh leh
lungkham nei lova nuam tih zawng
apiang tia hun kan hman laite kha
\henkhat tan thil ho ni mah se, han
ziah chhuah ve ka chak tlat mai. A
hun laia kan lawm dante kha tun
lai mite tan chuan awih sen chi
pawh a ni tawh lo hial ang. Tin,
kan hun hman dan a\ang hian kan
boruak tawn leh kan khawvel la
zimzia te kan thil lawm a hoh
\hinzia te pawh in hrethiam mai
awm e.
Hman lai chuan....
Zan thla eng mawlh kha.. electric te kha la awm hek lo, a eng
bik em em mai a. Kan kawt zawl
‘Vengzáwl’ kan tihah kan pawnto
\hin a. Ka \hiante chu, famta A U
Dawnga leh a nau Hriata te,
Khumtunga pém ta Dengchhunga
te unau leh Vanlalsawma te kha kan
ni ber a. Tu dang ngai lovin kan
pawnto \hin. Dawnga kha kan hotuber a ni a. Kan infiamna ber chu
inbiruksiak te, insalari leh,
intirameikai te a ni.
Kan pawntó chu veng dang
naupangin min rawn tihbuai
changa, chhantu kan nei a.
Vanlalsawma’n, “Ka pa Chhuan, mi
veng naupangin min rawn tihbuai
an tum!” tia a zualko tawh chuan,
a pa Chhuana chuan tiang kengin
Vaitheihmu-kawr thleng rawk hian
a’n um ta mai \hin a!
Kan inbiruksiak chang chuan
mi in hnuai chêp tak leh kil tak
takah te biru-in kan tawm a, a chang
leh vaivut zingah te kan bawk phêk
thlar bawk a, kan pawnto zawhah
insil fai chuang lovin kan mu leh
mai a, kan lo bàl \hin awm mang
e ka ti.
In tih \haih...
Zan khat chu inkhawm báng
tih\haih kan tum a. Damdawi búr
rûak hi lazái dumin kan hlíng a,
kawng láiah kan dah a, mi in
hnuai remchang laia biru chungin
ke i n i c h u a n l a z á i h m a w r
lehlamah kan vuan a. Inkhawm
bang an lo kal veleh kan búr kha
kan pawt tawlh ta \hin a. An
hlau thei hle.
A hnuhnung lamah hian pa
pakhat, kohhran upa emawni hi a
lo kal thauh thauh a, tih\haih nan
búr chu kan lo pawt tawlh leh ngei
a. Mi dangte kha chu an phu zawk
a, an tlanchhe mai a. Ani chuan,
sazu ni ngeiah ngaiin a en vang vang
a, a veh ta thân thân mai le! Kan
han pawt tawlh chak deuh a,
inkhawm bang a ni tih theihnghilh
\hakin a ûm ta! Kan awmna lamah
kan pawt hnai zel lo thei lo si a.
Kan hma zawn lawkah chuan, man
tumin a hup \helh thuak thuak a, a
ri khut khut a, a tawpah, bawkkhup
titih hian a’n hup chut mai a!
A han en chiang a, bur ruak a
lo ni si. A thlunna lazái a hmuh
rualin, keini nuih za lutuk insum
zo lo chu kan nui chhuak ta si. A
thinrim lutuk chuan kan búr ruak
thlunna lazai chu a pawt chhum
hmawk a, a thlawh bo daih a, keini
lam chu a lo hawi a, min han hau
tak tak mai chu...
“Engati nge? Kristian naupang
in ni lo’m ni? Sazu.... in lawm
lutuk...!”
...chhan ngaihna a vang khawp
mai!
Thang kam....
Ni khat chu Hriata nen kan
veng mawngah Thangthlèng kan
kam a lawm maw le. Sava awh hlan
.
June 2016
•
19
kan nghakhlel lutuk a ni ber ang
chu kan han en zing khawp a,
thangkam kan haw chauh a, kan
en leh nghal zel mai a. Minit sawm
dan vel lek leka en leh zel chuan
sava kha a âwk hman ngang lo a
ni! A âwk tur kha kan veng zawk
ni berin ka hria. Vawi khat kan en
leh \umin thanga sava kè chauh lo
âwk kan hmu ta mai a. Mak hi kan
han ti khawp a, ke bung vek
khawpin a tal a, a tal chhuak ta a
nih kan ring a. A bul velah te chuan,
sava ke bung kan zawng a!
A hnua mi sawi kan hriat leh
danin, kan \hian zinga pakhatin a
pa sava perh thlak sa, a ke chauh
keng chhuakin a awhtir tih kan
hre leh si a. Kan thin a rim thar
leh, Hriata phei chuan, kan thanga
sava ke lo awhtirtu chu zawn
chhuaha velh ngei a duh a. Mahse
zawn hmuh ngaihna a awm lo. Sava
ke awhtirtu kha amah Hriata kha
a lo nia!
Thang kam chu a âwk duh
lo em mai, sairawkherh nen veh
mai ang, kan ti a. Kan pate
sawirawkherh kengin sava veh tur
in ramhnuai kan pan a. Kan
sairawkherh ken chu a khauh si,
kan pawt fán zo mang lo a, sava
chu kan perh thla lo chiang
khawp mai.
Mahse, tih dan kan thiam a.
Kan ipte-ah chuan sava hmul kan
20
•
Lengzem
.
June 2016
dah \euh a. Kan sava veh haw
min lo hmuten, “In perh thla
em?” min lo tia, “Perh thla e!”
tih pahin sava hmul chu kan han
chhém léng vel a. Kan ipte en
an rawn tum a, kan phal si lo.
Dawt kan sawi tih hria se chuan
min ngei ngawt ang.
Tawlailir siam leh chuan...
Tawlailir siamin kan chuang
nasa thei hle. Kekawr mawng pawp
lo kan awm lo. Tawlailir kè atan
chuan Far\uah, Vang leh Hnúm
thing kan hmang ber a. Thing pum
zai bunna tur thingzaina kan la
nei lo tlangpui a, chempuiin kan
tuk thla \hin a, a hautak thei hle.
Tawlailir nei zo lo \henkhatte chu
kan handyman ah an \ang \hin. Kan
handyman te kha chho-ah tawlailir
kan hnuh chhohtir a, a hnungah
kan phur thla leh \hin a, kan
khalhtir ve phal ngai meuh lo. A
chang
chuan
tawlailirin
thinglukham tur kan phur a, kan
handyman te kha tum khat te kan
pe ve \hin.
Ni khat chu Chhingchhîp
kawngah thing kan phur a, Hriata
te tawlailir, bang leh brake nei lo
chauh kan keng a. A brake chu a
khalhtu in a ke artuia lei a hrùt
vak kha a ni mai.
Pheiah chuan Dawnga’n a
khalh a, kan nawr mai a. Khaw
dái a\angin kawng chu chhuk hlir
Lengzem
a ni tawh a. Chhukah chuan kan
vaiin kan chuang a. Dawnga’n a
khalh zel a, a neitu Hriata’n a
dawt a, a dawtah kei ka \hu ve
leh a. Hriata hnunga ka \hut
chhan chu an kawtah kan in a
awm vang a nia. A hnung berah
Déngchhunga a \hutung a. A
hnung bera a \hut chhan chu an
in a hlat ber vang a nia!
Tichuan a khalhtu Dawnga
hnungah chuan kan \hutung far
mai a. Kan tlan chak tual tual a,
brake a awm si lo. Thui pawh kan
chuan hmain kan chesual ta. Kan
let thawk thawk a, tawlailirin min
delh zui a.
Kan han tho leh chu, mi dang
chu an na vak lo, keiin ka bán ka
bawh ulh a. Haw ta nge pawh ti
lo chuan inphurh leh kan tum a.
Ka chuan ve an phal ta lo. Engati
nge?
“Nang chu, i bán i bawh ulh
zel a...!”
Inhliam lo ho zawng chu
tawlailirah an chuang a. A inhliam
ber chuan, ban na chung chungin
kè-in ka ûm a. Tuikhawhthla bulah
an lo awm a. Kan thing phurh tur
chu tawlailirah kan \áwn bet a, hàw
kan tum ta. Ka inhliam avang chuan
eng mah ka ti thei lo va, mahse
min kawm duh lovang tih ka hlau
si a, inthlahrung em emin ka lo
awm a.
A hma zâ-ah hrui kan thlung
a, tawlailir chu hnuh kal kan tum
a. Kawng chho nen a hma lam chu
a kang zel si, ka ban ulh lah chu a
vúng ùl tawh mai bawk si.
A bán na ber chu, “...khalh
mai rawh” min ti a, ka khalhin an
hnûk zo si lo.
“Inti-zäng rawh!”
Bán ulh, vúng luah tawh chung
chuan intihzàn ka tum a, ka han ïp
ngat ngat \hin a..!
Ramhuai...
Ni khat chu school chawhnu
kan chàwl a. Tawlailira thing phurh
kan tum a. Zó lamah phur takin
kan inzui chho diah diah a. Khua
kan pèl fel âwrh tihin kawng kawi
lehlamah chuan Pawih sumdawng
khualzin rualkhat hi kawng sirah
an chàwl ni ngei tur a nia. Anmahni
kan hmuh hmain ri mur mur thawm
hi kan hria a. An \awng ri chu hre
mah ila Pawih \awnga an thu sawi
awmzia chu kan hre si lo. Kan va
en ngam si lo.
|i dek chungin kan ngaithla
vang vang a. A hmasa bera kal
chuan, “E! Ramhuai ho \awng\ai
ri a ni chiang!” tih leh tlanchhiat a
rual thut a. Vawilehkhatah bak
léngin kan tlanchhe haw ta dawr
dawr mai a. Khatiang reng renga
ka hlauh kha ka la hre ngai lo. Tun
hnu hian, kan dam chhunga ka thil
hlauh berte hi thil hlauhawm lo
.
June 2016
•
21
ber a lo ni thei dawn tih ka
ngaihtuah phah \hin.
Inngam thar...
Khatih hun lai khan insual mai
mai kan hrât khawp mai a, kan
insualna chhan ber chu INNGAM
THAR kan awm \hin vang a ni.
|hian ho in veng dangah kan leng
a, \hianten, “..saw sawn a ngam
thar che!” an han ti thut mai a.
“Min ngam thar a mi?” tih
pahin hnek kan han tum nghal
ngawt a.
|hianten min lo dang a, min
han chotuah te te a. Hmawlhin lei
an han rín a, “...a rap hma sa sa..
huai” an han ti a, rang lutukin kan
rap chat a, kut kan la inthlâk lo,
kan inmelh rum tawh hle.
Chutah, “... chala chil inhnawm
hma sa sa.. huai!” an han ti leh a.
Chala chil inhnawm-sak chu tu zawk
mahin kan duh loh avangin, insual
loh chuan chinfel ngaihna a awm lo.
Kan úte Insual Rules siam chu
mawl tak a ni: 1. Duh dan dana
insual tur. 2. |ap lo zawk huai
zawk. 3. |ap zawk awm hma chu
insual tur.
|ap kan awm hun hunah min
rawn \helh a, kan inngam thar leh
hma chu kan insual leh tawh ngai lo.
Kan veng piah deuhah ka ngam
vak loh, mi velh châk deuh mai hi
a awm a, mahni chauha an kawt
22
•
Lengzem
.
June 2016
kal tlang ka huphurh thei hle. Mahse
ka \hianpa Dawnga chuan a ngam
zân.... Dawnga nena an kawt kan
kal tlang chang chuan min tibuai
ngai lo.
Vawi khat chu kan venga kan
\hianho hotu ber leh veng danga
an \hianho hotu berte chuan insual
an tum tlat mai a. Tuman kan
chotuah ngam lo va, kan \helh ngam
hek lo. Kan en tawp tawh mai a
ni. Kut an inhum ruh khum nasa
tawh mai a, khawih em chu an la
inkhawih lo.
Kan hotuin, “Dè!” a va ti a.
Veng dang hotuin, “Dè!” a lo
ti ve leh a.
Chutiang ringawt chuan an
inchhang char char mai a, a tawpah
an insual ngei dawn niin kan hria
a. An insual vaih chuan veng pahnih
naupangte chu kan inphek sual ngei
hi a rinawm a. Mahse, insual lovin
an in\ha \hen thei ta hlauh a.
Hnek ba/velh ba...
Kha tih hun laia buaithlak leh
deuh mai chu mi velh bat leh mi
hnek bat kha a ni. Kan ngam lohte
khan, eng emaw hlekah “Kan hnek
i ba!” min han ti thlazen a. Mi
hnek bat chu a la zia-awm. Vawikhat
chauh min hnek phei chuan kan
bat kan inrùl zo der. “Ka velh i
ba!” min tih hian a huphurhawm
a ni - \ah a ngai! Min sawisa nek
pawh ni se kan \ah hma chuan min
Lengzem
la vel lo. An tih tur an la ti zo lo
tihna. Tin, an velh turte tan hian,
\ah chhuak lo chunga \ah thut theih
hi a ni vek bik si lo. Chuvang chuan
ba zawng zawngah mi velh bat kha
ka duh loh ber a ni.
|um khat chu, ka ngam vak
loh pakhat hian, “Ka velh i ba!
Naktukah schoolah ka vèl dawn
che!” min han ti thut mai a. “Ka
ba lo!” ka tih chuan ka ngam tihna
a ni a. Ka ngam si loh chuan, eng
nge a pawi ka sawi hre miah lo
chungin, a velh chu ‘ka ba’ a ni
nghal tawp mai a ni.
Velh hmabaka a tuk school kal
chu, school ka kal tawh zawng
zawngah ka huphurh ber \um a ni.
Min vèl dawn tih chu ka chiang a,
ka pawm thlap mai a. Eng tikah
nge min velh ang.. tih lai tak chu
a huphurhawm lai a ni. School ka
thlen veleh min lo chang ang a,
sawi set set lovin min lo vèl nghal
mai dawn nge chawlhlawk a nghak
dawn? Nge chawhma ban.. nge
chawhnu ban? |ah hun tur hre lova
\ap tura inpeih ngawt mai chu a
manganthlak a nia!
Tin, ka \ah hmá chuan ‘min
vèl’ a ni thei dawn si lo va, ka \ap
nghal mai ang nge ka \ap lawk lo
vang? Ka \ah nghal chuan ‘|ahbelh’
ka ni reng tawh ang. Mipa naupang
tan exam fail aiin ‘\ahbelh’ nih a
zahthlak daih zawk bawk si. Ka
\ah har chuan na ka tuar rei a ni
dawn bawk si. Zanah pawh ka
muhil hlei thei lo va, ka huphurh
lutuk avangin ka pa ka hrilh ta
ringawt mai a.
Ka pa pawh chu chutiang
khawvela seilian ve tho a ni a. Min
velh tumtu nu leh pate hnena sawi
loh vek leh, “Lo vel reng reng suh!”
tih mai awm tak a ni a. Chutia ti
ta lo chuan, min velh tumtu mipa
naupang hnenah chuan ngaihdam
a va dil thlap a. Min lo ngaidam a,
ka va lawm tak em!
Motor khalh....
Chártin bung hi Jeep ang thei
ber turin kan tuk a, in hnuai
remchang laiah motor kawng sialin
kan nawr nasa thei hle. A khalhtu
(nawrtu) kha kan vu mai a, mahse
vu ring bik an awmin buaina tenau
a chhuak fo. Traffic a jam ve fo
bawk. Motor inpel thei mah se a
khalhtu/nawrtute kan inpel thei lo
fo. Tin, traffic a jam changin horn
a ri nasa thei \hin khawp mai bawk.
A khalhtu kha kan pit mai a. |um
khat chu traffic jam vangin
Dengchhunga’n Dawnga ke ná-ah
a rahsak mai a leh.. kan phêk buai
teuh hle.
“A na! ti nge ka ke ná i rah?"
Chhanna a awm lo.
“I tih palh nge i tih luih?”
“Ka tih....”
.
June 2016
•
23
“..tih palh’ ti rawh! Ka hnek..”
Zawi të-in, “Ka tih.. palh!”
“Um, ka ngaidam ang che!”
Tiang vel kha a ni!
Karawl....
Krismas carol hi kan hre ve a,
eitur khawnna lam thil emaw kan
ti a. Zan khat chu kan veng
chhungah kan karawl a, kan hla sak
chu:
Karawl e, karawl e,
Vaimim emaw bal emaw
Min pe ru, min pe ru!
Kho kenga in sawm vela kan
karawl hnu chuan bal/bané kho
khat thár mai kan dawng a, a tukah
dai ah bané chhum tumin Dawnga
te bel kan keng thla a, bel chhuan
na atan hmawlhte pathum kan
kheng bur a, bel chhuangin bal
chu kan chhum ta a. A hmin vel
chiah tihah kan hmawlh khen bùr
pakhat chu a kàng bung a, kan
bel chhuan chu a awn riai riai a,
a tla a, a lìr ta! A lirh pahin bel
a\ang chuan kan ba chhum chu a
tla thla zeuh zeuh a, insem theih
ni tawh hek lo, a sa ngam ngam
khan an chang tam a ni mai! Keini
sa ngam ve lo chuan chan a lawi
pawh kan nei ve lo.
Ât sona dangte
|hian pakhat hian an
sumhmuna a nu di tél dah chu hal
a chak em em mai a. Hàlpui-ah
keini \hianho chu min sawm \hin
24
•
Lengzem
.
June 2016
a. Tih chî-ah kan ngai si lo. Ni
khat chu an sumhmun chu a khu
ta luai mai a. Tui leih leh vuak mih
tum an phu suau suau mai a. A
hàltu awm chu kan hre mai a, kan
sawi ngam tawh der si lo va.
|um khat chu Dawnga te in
hnuaiah bûk sak kan tum a.
Thingtuai kan nei si lova. Kan
\hiante pahnih chuan Lalnuveng
ami, mi tel khawm, an kawt a an
tun chu an rawn zawn thla ringawt
mai a, “Khawia mi nge?” kan tih
leh, “...kan lei!” an ti mai a, tun
thleng hian khawia pawisa in nge
an lei ang tih ka hre lo.
In ban leh ban inkarah eng
tin tin emaw kan dawh kang a,
buk chu kan sa ve ta mai a.
Khuang atan bucket ruak béngin
tui takin kan buk sakah chuan kan
zai \hap \hap a, tui takin kan
insawi dial dial a, kan buk sak
chu a chim ta mai! A tira zai kha
a tawpah chuan kan \e chel chul
ta mai a. Hliam tuar leh na tak
kan awm lo hlauh.
Hriata nena kan ram kal \umin,
Nawngsawhnawh insawi\haih
chawpin, hlau leh thlabara \ap
chungin kan tlanchhe haw chiam
tawh.
Kan khuaa motor (jeep) lût
hmuhnawm kan tihzia leh a khalhtu
kan ngaihsanziate kha aw! Kan
leikàn deuh hnuah kan khuaah elec-
Lengzem
tric a lo eng ve a. Bulb eng pakhat
chu, “A thim lai tak ka hmu châk!”
tiin kan en nileng \hak tawh!
Ngaihawm khumkhua tur
Khatih laia kan \hiante kha
tunah chuan chhangchhe pa an ni
tawh a, \henkhatin chatuan ram min
pansan tawh a, kei ngei pawhin,
eizawnna avangin kan khua ka
chhuahsan ta bawk. Khatih laia kan
hlimna leh lawmnate kha ho hle
mah se engmah hian a lei zo chuang
lo va, chartin bung hmanga motor
lem \ha tak kan nei te, mi handyman-a \an ngai lova mahnia tawlailir
kan nei thei te kha tunlaia mobile
handset \ha tak neite ai hian kan
lawmna a hniam chuang lo.
Tunlai thiamna sáng zelah tih
theih loha kan ngaih tam tak kan
tih theih a ni tawh chung pawhin,
kan nunhluite kha kan kò kïr thei
tawh si lo. Kïr leh tawh lo turin
hunin a liampui tawh si. A
ngaihawm em mai khawnge kan
naupan lai ang khan inkawm leh
teh ang, tiin \hian hluite sawm leh
ringawt ila tumah sawm chhuah
theih kan nei tawh kher lovang a,
\hianpa Déngchhunga pawh chártin
bung motor lem nawr pahin a vu
duh tawh lo vang a, \hianpa Hriata
pawhin thangkamah sava ke chauh
chu a awhtir duh tawh kher lo
vang.. A lo va ngaihawm tak em!
- kan pan lai nunte kha 
.
June 2016
•
25
Thing nget: Thing ngêt tihreh dan sekrekah hian min
hrilh thei ula ka lawm ngawt ang (801400974..)
THING
NGÊT
PLASTIC
BUCKET
SAHDAH
THUPNA
KAWNGKHAR
RI
THUPNA
THINGPUI
HÁNG
MUSIC
LEH
MIZIA
Plastic bucket: Pawnah, ni leh ruah laka him tur siin,
tui pump khawl leh khawl tenau dah i duh chuan, sum
tamtak senga a khuhna \ha deuh siam a ngai vak lo.
Plastic bucket hlui emaw, leh plastic chawhtawlh emaw
hi khaikhup hnan la, boruak lût/chhuak thei turin kam/
do kang deuh la, rei deuh i hmang ang. A chhiat meuh
chuan plastic bucket hlui dang i nei leh hman tawh ang!
(Dailova Lal Hnam)
Sahdah hmúam tan: A rûka sahdah hmùam ching i ni
ve tho va (...i ni ve hrim hrim ang!) Mi inah kan leng a,
eitur leh in turte an rawn sem a. Sahdah paihna a vang
si a. Ashtray-a paihin a tenawm si a, a zahthlak bawk
si a. Tih dan \ha deuh chu, tissue paper hi ak/pai ila,
hmai hup ang taka lang hian phawrh zeuh mai tur. Kan
sahdah hmuam hnu chu ka fun a, ka ak mai a.
(Hmingthupi!)
Kawngkhar ri thupna: Kawngkhàr khàr zawnga invaw
ri bur bur hi i ning ve em? Tunlai cushion leh matress
atana an hman, foam ting ul ul thei hi, a them tlemte
pan deuhin zai thla la, kawngkharah ni lovin, kawngkhar
frame (chaukat) lamah, kawngkhar nena a intauhna bulah
banton hmangin bel la, a ri a soft zaih mai ang! (Kawltea
Hnamte)
Thingpui háng: thingpui thlum in lo kan tam ta. Mahse
a siamtute hian an la hrethiam thei lo. Thingpui thlum tur
chu a thingpuife a tak deuh a ngai. Thingpui háng (a sen
háng leh a paw háng pawh) thingpui thluma siam tur,
chini telh loha i sem chuan a tak lutuk mah mah ang.
Thingpui han sem hian, a thlum duh leh a háng duh an
awm deuh ziah a. a ruala i siamin thingpui háng tur chu
thingpui fe tam vak lovin siam hmasa la, a hranin a bél
lian a\angin thli chhuak phawt la, chumi hnu-ah a bél
lianah chuan, thingpui thlum mil tawk turin thingpui fe
telh belh la, a dik zaih mai ang. (Sawmi Tea Stall)
Mize hriat dan thar: Mi hi maw, an music duhzawng
a\angin eng ang mizia nge an neih tih hriat a awl. Biakinah pawh, YouTube-ah pawh, an music style leh an
playlist hi en ila.. sawi thiam chiah lo. A hriat mai!
(Christina)
26
•
Lengzem
.
June 2016
Lengzem
RUAITU LEH RAWIHTE INKAR
RUAITUTE
HRIAT TUR
I darthlalang: “Awmpui tih tlâk
an awm lo, an thatchhe lutuk, ka
puan an rù, bawnghnute in rûk a
ching, hnathawk peih si lo, inchei
ùar lutuk..” tiin i phun reng a. I
awmpui nula rawih i thlâk sek a, i
bàn apiang i rél zui a... inngaihtuah
chiang teh. I bàn tâk nula 5-te khan
eng nge an sawi ve ang le? Mi vin
ching, phunchiar si, rawihte \hatna
fak aia an \hatlohna lantira, dâwt
hmanga tihmualpho ching, hlawh
bat ching leh hlawh phú tawk aia
nasáa rawihte chhawr chíng angin
an rèl rawn mék che tih i hria em?
Awmpuite kawl rei thei miah lo
khawpa hrawn hrehawm i lo ni reng
maithei a sin. Hausak leh changkàn
avanga awmpui duh duh thing thei
i nih avang ringawt hian ‘mi
zahawm’ i ni thei lo. I rawihte hi
i nun darthlalang an ni tih hre reng
ang che.
Thluak Indona: Mi mawl lak
a\anga hna \ha tamtak i beisei dawn
chuan, a ruaitu i fin a ngai a, rawih
dan i thiam a ngai. (Hei hi hriain
Henry Ford-a ten kan pian hma
1913-ah factory-ah aseembly line
an lo hmang daih tawh) Lei laihna
khawl lian, excavator loader leh earth
movers chhawr hlâwk dan an sawi
kha i hria em? Operator hnathawk
vil tur leh thingpui sem turin nula
hmel\ha tak ruai la. A khát tawkin
fuih reng sela, operator thluak tháwl
deuh chuan, nula ni khat hlawh kha
darkar khatah an thawh chhuah
belhsak mai ang che! “He mihring
hna thiam lohzia tak hi chu aw! A
va han mawl tak em!” i ti vak vak
maw? Tlemte hlawha rawih theih
chu a mawl ang chu! Mawl lo se i
ruai phâk kher nang! Mawl lo se i
hnuaiah a thawk duh kher nang!
“Hemi hi ka ruai duh ang em?” tia
i inngaihtuah ang tho khan, mi
fing chuan “Hemi hnuaiah hian ka
thawk duh ang em?” tiin a
inngaihtuah ve tho. “Ka rawih awm
tawk!” i tih hian, “Ka thawhna awm
tawk” a ti ve tho che! Aizawl taxi
driver rawih tamzawk hi a ruaitu
aiin an fing/hlâwk tlangpui!
Hlawh leh thiamna: Mi tlangpui
inhlawh chhan 90% hi hlawh a ni.
Tlemte hlawha hna \ha tam deuh
thawk chhuak reng turin beisei suh.
Chutiang mi \ha chu a hlawh i
punsak vat loh chuan, hna \ha zawk
thawkin an chhuak vat mai ang. I
mi duhzawng chu an hlawh punin
kaisantir vat la, i duh loh zawng
chu hau vak lovin an hlawh pun lo
mai rawh.
Hna thawh tur inhrilh: A fing
zawk pawhin chinfel ngaihna kan
hriat bîk loh chingfel turin, mahni
aia mawl zawk kan ruai a. “Fel tak
leh taima takin thawk rawh” tiin
kan han lèn bo san daih mai a!
Eng tin chiah nge fel tak leh taima
takin a thawh ang? ‘Fel leh taima’
i tehna leh a tehna a inang lo. Chu
ai chuan, darkar/ni/kar/thla khata
thawh tur àwm tawk hrilh rawh.
A tawpah i sawi angin a thawk em
tih en leh mai rawh. Pawisa neih
ngawt a ni lo, hlawhfa kan rawih
dawn chuan a ruaituin thluak kan
sèn ve a ngai.
Sawi tur leh sawi loh tur: “Helai
bang hi vawiinah lo ping rawh,” ti
ringawt suh. Pin dan tur leh
hmanraw hman tur leh thawk zo
tura i beisei chin hrilh rawh. Mahse,
“Heta \ang hian \henawmte zung
lai a hmuh theih a, an chawhmeh
rim a na thei si, kan chaw ei min
rawn hmu thei lehnghal.
.
June 2016
•
27
Chuvangin....!” ti kual duah suh! I
rawihte hnenah thu chuangtlai i
hrilh hriat a \ul lo. 1:3:6-a cement
an chawhpawlh laiin, “Hei chu
sorkar contract a nia. Ministerin
min \hàm \hensak nasa si a, ti vel
mai mai rawh u!” ti kual duah suh.
“1:4:8-in chawk rawh u,” ti mai
rawh. Officer zingah zin kawnga
mahni driver te sorkar hna sawipui
chiam \hin an awm. Hetiang officer hian driver rilru an tipiangsual
fo. A tlangpuiin, \awng tlem a \ha.
Hlawh: I rawihte hlawh ba suh.
Hlawh bat ching chu Assembly
house leh Pulpitah pawh ding se,
an dinna a sàn zawh poh leh a
rawihten an hmusitna a nasa mai a
ni. Kut an thlâk hmain hlawh i pek
tum zat leh i pêk hun tur hrilh la,
an thawh tawh hnuah dawn suh.
Thawktuin hna thawh tawh hnua
hlawh pun dil hi thil pangngai a
ni. Ruaituin hna thawhtir tawh hnua
hlawh tihtlem tum hi chu thil mawi
lo tak a nih bakah, i chhawr zui
zel dawn a nih chuan i hna-in a
tuar ang.
Phùrna: Phùrnain a tum ber chu,
ruaituin ‘Thawk rawh,’ a tih vang
ni lovin, thawktuin \ha, \ul, nuam
leh hlu a tih vanga thawk nia
inhriatna siamsak a ni. Chu hna a
thawh avang chuan a dinhmun sang
leh nghet sawtin hria sela, thawh
loh hlau sela, zahpui lovin chhuang
28
•
Lengzem
.
June 2016
rawh se. Chutiang nihtir tur chuan,
thawktute tih-phùr, fuih leh
thawveng taka awmtir te,
hnathawhna boruak (environment)
\ha siamsak te hi ruaituin tih a tum
ngei tur a ni. Mahse lutuk a awm.
Thla tin vawi khat picnic-pui la an
ning ngawt ang. Kum khatah vawi
khat picnic-pui thut la, an lawm
ngawt ang. Hlawh pêk belh pawha
bàn tlai duh lo hi a ngaihzawng
nena thawk duna an bàn tlai theihna
remchang siamsak la, hlawh pêk belh
lo pawhin a duh maithei. Thawktute
chu i hna thawk turin tir suh,
hnathawhpuiah sawm zawk la, i thu
zawm a nuam ang. Hlawh bak bonus i pek dawnin, “In fel ka ti em
em a..” tih vang vel mai maiin pe
suh. I pek chhan leh an hna chu a
inzawm tur a ni. Hun tiam hmaa
hna thawh zawh te, chawlh la lova
hlen chhuah te, an lawmman dawn
te hi bonus pek chhan tling a ni.
Tlawn suh: Fuih la, tiphur la,
tizalèn la, hnathawhna hmanraw \ha
pe rawh. Mahse i mi chhawrte tlawn
suh. I tlawn vaih chuan anmahni
aia hniamah i indah ang a, i thunun
thei lo thuai ang.
Hunbi: |an hun leh bàn hun fel
tak i bithliah milin thawhtir la.
Nangma hun bithliah chu nangmah
ngei pawhin zàwm ang che.
Vil rùn suh!: Officer pakhat chuan
a hnuaia thawkte chu amah chibai
Lengzem
zat zat turin a phût a. “Sir” a pung
a, thawhchhuah a pung chuang lo.
Boss zah tura rawih ni lovin hna
thawk tura rawih an ni. Inzahna
chu a chhawm ve chauh zawk a ni.
An rél dawn che!: I rawihte star
i ni! Nangmah bakah i nupui
kuhva hehzia te thlengin an sawi
dawn. Mi dangte aia in chhungkaw
chanchin hre thei bik nih an tum
vek ang. Khapin hau duh suh. I
invèn nasat zawh poh leh i tiphur
sauh ang! Pawm tawp rawh.
Pathianin hlawhfa ruaitu ni theiin,
mite chungah a dah che a, an titi
ni phâka i awm avangin lawm
zawk rawh.
Hun leh Hmun: A tirah thutak
deuhin, hna chungchang sawi tur.
Hna chungchang sawi laiin,
khawtlang leh kohhran thilte leh
fiamthu te nena pawlh loh tur. Hna
sem laiin hnathawktute hi an hming
leh nihna dik taka koh a \ha.
Hnathawhna huang pawnah chuan
i rawihte chu \hian angin kawm
la. Mahse, an tana hnawk khawp
leh an thawvenna dîp khawpin an
khawvelah inrawlh suh.
Tu thiam loh nge?: Thil titu aiin
tihtirtu hi mawhphurtu an ni. I
dawhkana file dik lo rawn dahtu
peon i hauh hmain tu nge file dik
lo rawn dahtir tih hre hmasa rawh.
Dan kalha file chelektu clerk i hauh
hmain tu nge chutia tihtirtu chu
hre hmasa rawh. Head mistiri hnena
tihtur i sawi an tih loh hian, a
tirhkah hau lovin, mistiri chu hau
zawk rawh.
Dan tum suh: Mawl tur chu zirtir
chiam pawhin an mawl tlat!
Kaisang tur chu dan tum pawhin
an kaisang tho. An inhlawh a ni
satliah lo va, inhlawh chungin
thawh thiamna an zir chhuak lo
thei lo. Hma a sawn ang zelin a
thiamna phu tawk hna \ha zawk a
zawng ngei tur a ni. Dan tum lovin
remchang siamsak zawk la, i lakah
a rinawm sauh ang.
I rawihte zah rawh: Nangin ‘labour’ i tihte hi ‘mihring’ ve bawk
an ni. Nang ang bawka \hatna leh
\hatlohna lai nei vek an ni.
Chhungkaw harsa, ngawlvei dam
leh, nupa in\hen rilru na takte pawh
an ni thei. Hria la, i hria a ni tih
hriattir kher suh, nun duhawm zawk
nei turin fuih la, a timualpho
zawngin tarlang suh. I rawih an
nih avangin politics leh kohhrana
lam\anga siam tum suh.
I bàn dawnin: A fel-lohna avanga
hnathawktu i bàn dawnin i
thinrimna a reh hun nghâk la,
awmze neiin bàn rawh. Inbàn dan
chi thumte: 1. Thawktu dangte ko
khawma, an hriat lai ngeia bàn
(Amah anga fel lote warning pek i
duh tihna) 2. Amah chu koh fàl a,
thawktu dang hriat loha bàn. I bàn
.
June 2016
•
29
thu leh i bàn chhan chu mi dangin
i ká a\anga hre lovin, mi dang ká
a\angin hre rawh se. (I thil sawi i
ti mai mai ngai lova, zahawm takin
i hlenchhuak thin tih hriattir i duh
tihna) 3. Bàn lovin, ama thua báng
anga lantir. (Mi bantu nih i duh loh
bakah, hna \ha tak hmu zui leh se i
duhsak tihna)
Duhsakna: Thawktu 20 zinga
pakhat hnenah “Vawiin a\angin i
hlawh ka pun e!” i tih rual chiah
hian thawktu 19 dangte i tivui nghal
tih hre rawh. “Ngawl vei a nia, a
kal tlai \hin a, ani hi chu hrethiam
teh u,” tih ngawtte hi a fing miah
lo. Tlai ngai lo dang a tivui vek
ang. “Mathaia hi a senior tawh a,
a hlawh ka pun e,” i tih chuan,
kum tharah Mathaia nau Marka, a
kumlehah Marka nau leh Luka-te
hlawh i pun chhoh ve zel a ngai
dawn tih hre rawh. Hlawh pun loh
tur tihna a ni lo. Thawktu pakhat
i duhsak dawnin thawktu dangte
nen an innghawng kual chho zel
tih hre lawk la, a sawhkhawk tur
leh a chinfel dan tur ngaihtuah lawk
vek chungin, i thil tih tum chu ti
ang che.
Tihtir tam lutuk: Hmun phiat tura
i lâk hi dawr nghah i zirtir dawnin
fimkhur rawh. Hmun phiah
zelthelin dawr nghah a taima vak
mai ang. Huanpu tura i lak hi driver
hna i zirtir chuan, i car a fai hlarh
30
•
Lengzem
.
June 2016
ang a, i huan a hnim viau ang!
Sawisel suh. Mihring ze pangngai
a ni. Sweeper, Peon-a an chhawrna
office a bàl ziah! Chuvangin, hna
chi hnih i thawh kawptir dawnin
pakhat a nghawng buai dawn em
tih en hmasa ang che.
Zei thlèmna: Zei deuh, chhuanlam
leh thiamthu sawi tur hre deuh hi
hna thawk tam chuang lo chunga
thawhpuite inkar tichhetu an ni thei.
Chut deuh, an fiam rawn luai luai
hi i tana rinawm ber leh thawk
chhuak tam pawl a ni thei. Thawktu
chu a landanah leh a insawi fel
thiamna lamah aiin a thawh chhuah
tam lamah teh zel rawh.
Mi rinawm: Hna thiam lo pawh,
mi rinawm an nih chuan an hlu.
Hna chu zirtir chawp theih a ni.
Rinawmna erawh chu inzirtir chawp
har tak a ni. Mi depde fiahna awlsam
tak chu, thil man rate i hriatsa leitir
\hin la, a man tovin a rawn lei vat
mai ang.
Hna lak: Chowkidar, cook,
huanpu.. tih vel hna i lâk dawnin,
an certificate te enin interview chiam
duh suh. Interview hmachhawn zei
apiang hi ringhlel la a dik zawk!
|hian \hate zingah i mi duh
zawnpui turin sawm la, i hriat loh
\hat hmel deuh ai chuan, i hriat
chian \ha vak lo hi an \ha zawk
tlangpui ang. A \hatna leh \hatlohna
i hriat chian deuh hnathawktu chu,
Lengzem
\hatna leh \hatlohna i la hriat miah
loh mi-thar ai chuan, a \hatlohna
lai siam\hain a \hatna faksak la, ruai
zui la i tifuh maithei.
Thinrimna
leh
lawmna:
Hnathawktute thununna atan, i
thinrimna/lawmna hmang thiam
ang che. Thinrimna/lawmna hi
lantir nghal a \hat zawk chang a
awm laiin, insùma nghah hrih a
\ha zawk thei. Hei hi ram/pawl/
company hruaitu fingte hmanraw
\ha a ni. A mamawh dan milin,
thinrim ru tak chungin an nui var
var thei a, lawm ru em em chungin
thinrim àwm takin thu an sawi thei.
Hemi atana pawimawh tak chu, thu
hnu dàwn thiamna (‘second
thought’ neih thiamna) hi a ni.
Hlimpui rawh: Hnathawktu rawih
hi thil ninawm, hrehawm leh
hahthlak tak anga ngai mi i nih
chuan i inenfiah a ngai. I rawihte
chu i lama \ang ni lova nangmah
bum tuma inthurual \hup angah
ngai suh. I rawih ni lovin, i
thawhpui leh i thurualpui angah
ngai la, sum hmangin lam\ang leh
\hian \ha i siam angah inngai la,
huphurha enghelh chiam lovin a
nawmna lai zawng rawh. Mi dangte
hnena eizawnna petu nia, rawih ni
lova ruaitu i ni thei chu lawm la,
i vanneihna hria la, huphurh
chungin ruai lo la, lawm chungin
thawhpui ang che 
.
June 2016
•
31
-Muansanga,
Nunsangpa
K
a mitthla suangtuahnaah
chuan, engtikah emaw
chuan America ramah hian
ka la zin ve ang a, Merle Haggard
hi hmaichhanah ngei hmùin chibai
ka la bûk ve ngei ang ka ti rilru
\hin. Mahse chu suangtuahna chu
romei angin a zám ral ta.
America, ram ropui hi a ropui
leh mawinate vanga tlawh tham
ni mah se keimahah chuan, ka
tlawh châkna ber chu country music
vang a ni. Ka kal châk chhan ber
pakhat ka pu Merle Haggard
chuan min nghâk zo ta lo a ni.
Kum tam tak a hla lo ngaithla a,
a chanchin lo ngaihven vetu lo
nih chuan amah hi mi mal takin
ka hria hian ka inhria a, a thi pawh
hian mi khawih hle mai. Kum 79
a pumhlùm ni chiah, a pianchamphaphâkah a her liam. A thih
hma kar khat liam taah khan a
fapa naupang ber Ben Haggard
hnenah, “Ka piancham-phaphâkah
ka thi dawn,” a ti a, a sawi angin
a thleng dik ta a ni.
Kan hnathawk haw zan dar 11
pelha in ka thlen chuan ka han
facebook a. Country star Gene
Watson chuan Merle Haggard thih
thu tihian a lo post a:
“Friends, it’s with a heavy heart
that I tell you that Merle Haggard one of THE greatest legends in Country Music has passed away. This is
confirmed so please send your thoughts
and prayers to his family and to the
entire world of Country Music. Merle
was one of my greatest influences. His
lyrics and his phrasing were my schooling in music. There are just no words
to express my sorrow at his passing.”
Chutah kei chuan Gene
Watson-a facebook post chu ka
comment ve nghal vat a:
“Just so sad. I was praying I could
someday see him. Mr Haggard, sir,
rest in eternal peace,” tiin.
Gene Watson thu post chuan
min tiphu zawk nghe nghe a.
Country Music Lovers Whatsapp
group-a ka \hiante ka hrilh nghal
vat a. Internet lamah a thih thu ka
32
•
Lengzem
.
June 2016
zawng nghal a, mahse news pawhin
an lo la ziak hman lo a, dâwt emaw
ka ti hman a. Gene Watson meuh
chuan dawt a sawi ka ring lo bawk
si a. A hnu minute 20 velah chuan
Merle thih thu hi Google-ah pawh
ka hmu ta thuai a, a thih kha ka
hre hma hle a lo ni.
Ka comment chu ka duh tawk
mai lo a, “I have always loved his
music, his songs the way they are
written, his songs and his life. I enjoy
listening to him sing, and I enjoy
singing his songs. You know, I don't
really listen to the new country singers. I love legends like Hank Williams
Sr, George Jones, Webb Pierce, Merle
Haggard etc. They are what true
country artists are made of, and in
today's world they are few and far
between. My heroes keep leaving me
one by one without saying goodbye,”
tiin ka va belh leh a, ka \ah a chhuak
hial mai.
Keini ang rual chhuanah kha
chuan Sâp hla kan ngaihthlak tam
tak kha kan nu leh pate play \hin
country music kha a ni deuh ber a.
Chung zinga kan hriat hmasak pawl
chu Lonesome Fugitive hi a ni.
Mizotena kan hriat dan hmasa
zawkah phei chuan ‘..highway is my
home’ ti kha a ni a, a chhan pawh
a hla thuah ...I'm on the run the
highway is my home... tih a awm
vang a ni.
Lengzem
Kum 1991/1992 vel khan ka
pa-in khawchhak sumdawng zawrh
Burma deck thar a lei a. Kan tape
recorder neih hmasakte ai chuan a
lian zawk a. Ka Pu Mama (ka nu
nu\a) hian country music a ngainain
a sa thiam ngang mai a, ka pa chuan
ka pu Mama country cassette
\henkhat a hawh zinga ka ngaithlak
pakhat chu Merle Haggard zai a
ni. Chu cassette pawh chu original
ni lo, LP a\anga record chhawn
chawp ni awm tak a ni. Silver Wings,
Mama Tried, Okie from Muskogee,
Every fool has a rainbow, The fightin'
side of me, Today I started loving you
again etc awmna ngei mai kha a
ni. Naupang të niin a hla thute
hrethiam seng vek lo mah ila a zai
chu ngaihnawm ka ti hle mai.
A hnu deuhah country music
video collection kan nei leh a.
Chutah chuan Are the good times
really over kha a awm tel a, kan
naupan laia kan en \hin a ni a, ka
rilrua innemkai nghet tlat hla thu
tlar khat chu ‘It was back before Nixon
lied to us all on TV’ tih kha a ni. A
awmzia pawh ka man kim chuang
lo a, American president pakhat
hming a lam tel tih leh dawt a sawi
tih chu ka hre ve tih vel a ni.
Kum tam a lo vei a, internet
kan han hmelhriat a, a chanchin
leh a zaite ka ngaihthlak belh zel
a, YouTube-ah chuan a zai lai video
chi hrang hrang ka en ve thei ta
hial a, vannei ka inti hle a ni.
Merle Haggard hi zai thiam a
ni satliah mai lo a, poet a ni tel a,
a hla thute hi lungkuai leh nun
kawng lo rap pelh tawhte pawhina
an hriatthiam theih tur hla tam tak,
ama nun ngeiin a tawn tawhte an
ni a, a hlate hian lairil a fan tak
meuh a ni.
Rest in eternal peace, Okie from
Muskogee!
---OKIE FROM MUSKOGEE
H
ippie a\angin sawi \an ang aw!
1960 chhova USA leh UK-a
nun thlahdahna hmanga mahni
inthununna ‘zalensan’ \halaite
sawina a ni a. Hei hian khawthlang
ram bakah India thlengin a rawn
nghawng a. An nun hmangin,
chhungkua leh sorkar leh khawtlang
institution an elsèn a. Thunun loh
an ni tih entir nan sam leh hmul
an zuah a, zalen entir nan kaihkhirh
pheikhawk an bun a, ruihhlo chi
khat LSD (Lysergic Acid Diethylamide) chu ‘inlàrna hmuhna’ atan
an hmang a. Ruihhlo rui chungin,
San Francisco kawtthlerah te chuan
zombies ang mai hian an inzui duah
duah a. Ramin sipaia \ang tura a
kohluihna an do a. Hnam puanzar
vaia ram hmangaihna a tlahniam
a, anmahni túal chhuak American
.
June 2016
•
33
boot leh an zute thlengin an hmusit
a, Marijuana leh Hindu culture an
luhchilh a. College campus a buai
a, zirtirtu zahna a tlahniam a. Society dona thu leh hla tamtak a lo
piang a. Chu chuan khawthlang
popular culture-ah ziarang thûk tak
a nei zui a. Vawiin thlenga
Mizorama sap hla hlui lar tamtakte
hi hetih hun laia piang a ni.
1969 October thla-ah he hla
hmang hian, kum 32-mi Merle
Haggard-a chuan a bei lêt ve ta a
ni. Chu thil duhawm lo tak mai
chu hla phuahtu hian a vei hle tih
a lang.
Merle Hagard-a pa hian
Muskogee khaw chhuak angin a
fapa hriatah a insawi \hin a. Kum
9 mi a nihin a pa-in a thihsan a. A
pa thi tawh chu lo tho lehin American \halaite nunphung uchuak tak
mai chu rawn hmu ve ta sela,
(\hangthar nun ning |hasiama ngei
kha, lo tho hian han hawi vel se..) engtin tak ti ang maw? tia ngaihtuah
chungin he hla hi a puah a ni.
I lo luhchilh dawn teh ang.
Thingtlang pa mawl
Keini chu thingtlang pa mawl,
‘Okies’ in tih hi kan nia. Kan khua
chu Muskogee (Mas-kaw-gi) a ni
a. A awmna pawh in hre lo vang.
In tan chuan hmusitawm tak kan
ni. Mahse nangni khawpuimi angin
ruihhlo hi kan âtchilh ve ngai lo.
34
•
Lengzem
.
June 2016
Kan ram leh hnamin min kohna
thupêk duhlohna avangin kawtthler
lùn laiah pungkhawmin draft card
kan hal ve ngai lo. Hetia dan zawma
zalèn taka hringnun hman mai hi
kan lungkham ber a ni.
Chuvangin,
thingtlang
chengker khuaa thingtlangpa nih
hi zahpui lovin kan chhuang zawk.
Kan khuaah chuan, tlangval chhawih
deuhte (squares) pawh hi hmusit
hauh lovin làmna hmunah zahawm
takin kan nulaten an lampui dâwrh
dâwrh thei a. Pachhia leh chanhaite
endawng lovin kan khái ding zawk
\hin. Kan khaw lal inah chuan kan
hnam puanzar (Old Glory) chu
chhuang takin kan la zár a. Hlimna
vàwrtàwp kan duh pawhin, kan túal
thlawr zu man tláwm, white lightning ngei mai han khìat khalh hi
kan duhtawk em em a, Intih
changkanna atana ‘a sen chi’
ngaihsan kherte hi \ul kan ti ve lo.
Kan Tunlai Incheina
Nula leh tlangval han inchhaih
leh kan inlèm velte hi chu kan ti
ve lo pawh a ni bîk lo. Kan
inngaihzawn chuan chàwnbana
inkaiin kawtthlerah kan kal dun rial
rial a, kan lawm hi a kim ve em
em a. Nangni anga, inngaihzawn
tak avanga, zàna haw lo leh zawn
ngai khawpa party tâk chiam
chiamte hi kan khuaah chuan \ul
kan ti ve lo. San Francisco khuaa
Lengzem
hippie ho ang maia, sam bàl leh
pheng tak tak thlah hniang hnuanga,
mahni inthununna pawh nei lova
‘zalèn’ tih velte phei hi chu kan
ten zawng tak a ni.
Retheih vang ni miah lova,
intih maksak duh vanga kaihkhirh
vawthlep han bun kual vel leh,
patling puiina \hi awrh tâk iar uar
te hi pà kan ti ve lo. Kan khuaah
chuan lo zin mah la, chutiang chu
i hmu lo vang. Kan pi leh pute
hun lai a\anga tun thlengin, savun
pheikhawk pangngai hi kan incheina
a la ni reng a. Kan Stetson lukhum
parh leh kan sakawr chungchuanna
pheikhawk rawng sáng ngei mai
hi kan tan chuan tunlai incheina a
ni kumkhua ang.
Kan ‘inter-college sport’-ah te
chuan, thinrimna tel miah lova
tlangval kei ka ni inti chin,
hnathawh taihmak vanga sek phiar
fat mai, (American) football hmanga
tha tàwpa an han intauh nghing
lawih lawih maite tluka game nuam
leh hlimawm hi kan la hre chuang
lo. Nangni khawpuia zirlaiten
zirtirtute zah lo taka in elsèn vak
vak ang hi kan ti ve ngai bawk lo.
A phût chhuah vang ni lovin, a
hlawh chhuah avang zawkin kan
khuaa college Dean chuan zah a la
hlawh a sin.
Ni e, kan thingtlang khaw te
tak te, USA rama Oklahoma state-
a Muskogee-ah chuan, kan khaw
lal tualah zah takin kan Hnam
Puanzar kan la zár a sin.
Okies: 1930 chhova America rama khaw
khéngin Great Depression a nghawng
chhuah vanglai khan, Oklahoma leh
Texas farmer te chu an leilet zau pui pui
rauhsanin, sum an hmuh theihna
remchang apiang thawka inhlawh turin an
vâkvai a. Lo lam hna bak thawh thiam an
neih meuh loh avangin an zei lo em em
a, mite chuan, chutiang mi mawl leh chut,
rethei bawk sia vâkvai, 'Oklahama khaw
chhuak mi mawlho' te chu 'Oakies' tiin an
ko zui ta a ni.
Muskogee: Oklahoma state-a ‘thingtlang’
khua, km 122 bial vela lian, mihring sing
4+ awmna, ‘the gee’ tia an lamtawi \hin a
ni. He hla avang hian khualzin tlawh a
hlawh ta hle. Tlang chàwi vel park nuam
tak a awm. Mahse, a hnuah he khua hian
ruihhlovah hriat a hlawh ta thung.
Draft Card: Vietnam-a rál do tura USA-in
an \halaite tirhluihna thupek a chhuahna
lehkha. Tirhluihna duh lovin 1967 April ni
15-ah, New York Central Park-ah \halai
tamtakin an draft card an hal a ni.
.
June 2016
•
35
We don’t smoke marijuana in
Muskogee;
We don’t take no trips on LSD
We don’t burn no draft cards down
on Main Street;
We like livin’ right, and bein’ free.
I’m proud to be an Okie from
Muskogee,
A place where even squares can have
a ball
We still wave Old Glory down at
the courthouse,
And white lightnin’s still the biggest
thrill of all
We don’t make a party out of lovin’;
We like holdin’ hands and pitchin’
woo;
We don’t let our hair grow long and
shaggy,
Like the hippies out in San
Francisco do.
Leather boots are still in style for
manly footwear;
Beads and Roman sandals
won’t be seen.
Football’s still the roughest thing
on campus,
And the kids here still respect the
college dean.
Courthouse: (US) thingtlang khaw sorkar
(county government) office, dan (judicial) We still wave Old Glory down at
hmanga rorelna in.
the courthouse,
In Muskogee, Oklahoma, USA.
36
•
Lengzem
.
June 2016
Lengzem
Lengzem Facebook a\angin..
TUI BILL CHHÛT DAN
I tui meter-a thla hmasaa vir
chhuak Litre 42,700 ni ta se, tun
thla-a vir chhuak Lit 56,070 ni ta
se, I tui lâk zât chu Lit 13,370
(56,070-42700) a ni. Lit 13,370
chu hlawm 3-ah \hen hran a ngai.
A hmasa (Lit 1-5,000) =
` 200 (flat).
A dawt leh (Lit 5,001-10,000)
rate chu ` 0.045 a nih avangin Lit
5,000 × ` 0.045 = ` 225.
A dawt leh (Lit 10,001 20,000) rate chu ` 0.075 a nih
avangin, a la bang Lit 3,370 ×
` 0.075 = ` 252.75.
Lit 13,370 lak man belhkhawm
(200+225+252.75) chu ` 677.75
- Awm Har Champion
Litre
Rate
1-5,000 200 (Flat)
Unit
Amount
5,000
200.00
225.00
5,001-10,000
0.045
5,000
10,001-20,000
0.075
3,370
252.75
13,370
677.75
Total
DAMDAWI DOCTOR
US, UK leh Europe-ah chuan
Clinical Pharmacist an nei a. Doctor (Physician) in dam lo damdawi
a chawh zawh hnuah Clinical Pharmacist te chuan an lo monitor \hin
a. Heng..
1. Damdawi inhal a awm em?
2. Damdawi ei sual theih a awm
em?
3. Damdawi ei dan tur dik a chawh
leh pek a ni em?
4. Damdawi in hna a thawk em?
tihte an enzui a, damdawi
chungchanga
hriat
tur
pawimawhte chu uluk takin an
hrilh \hin bawk.
India chuan 2008 a\ang khan
PharmD (Doctor of Pharmacy)
course chu a \an ve a. A zir chhuakte
chu heng hospital lian Fortis,
ColumbiaAsia, JSS, Aster CMI,
Apollo te chuan a pawimawhna
hria-in an ruai nghal a. A effective
viau a ni awm e. Mizoramah pawh
Greenwood Hospital-in an ruai ve
\an a. Mizoram dinhmun thlirin,
Health & FW Department hian ram
changkang zawk angin Hospital
ward/speciality tinah dah ve thei
se \ul kan ti em le?
- Malsawmtluanga
DÂWT SAWI TITAMTU
Pipute chìn lem loh, tun hnua
kan uar tâk em em, dâwt sawi titam
thlawntu chu, hming bula Pi/Pu/
Nl/Tv dah kan ching hi a ni.
Kohhran / |halai huangah meuh
pawh Nuthlawi tih chiang reng Nl
tia dah an tam, Pathlawi lah Tv tia
dah an tam tho bawk. Nula tih
chiang ngawih ngawih kum upat
tâk avanga ‘Pi’ tia dah tak lah bo
lo. Hming bula heti ang kan dah
avanga kan ropui tâk sawt thu awm
suh. Kan nihna tak tak tichiang tura
dah kan ngam lo zui nen, dah tawh
loh mai hi a tha lo maw!?
- Chhuan Thanga
GAS
Tun lai Aizawl ho tak hi chu
aw! Gas sem tur thupuan an hriat
rualin gas bur ruak an rawn pu
chhuak a. “Ka kâwng, ka bán, ka
hnungzáng a kham..” an ti a, gas
bur ruak rihzia an sawi sup sup a.
A tak awm an han la chiah chu, a
hmáa gas bur rûak rit ti em emte
khan rit ti hauh lovin an han cháwi
chhin vel a, “Ummm! Hei chu va
zäng ve, a khat lo a ni maw?” te hi
an han ti leh sup sup a!
- Luma Lana
.
June 2016
•
37
KAN HRUAITUTE LEH
TOURISM
Thenzáwlah Golf Course an
ti a, Hmuifang Tlang leh
Lallianvunga hmun an chei dan kan
hmu bawk. Hìp kan tumte hian
hengte hi chu an nei vek. Tourist
hìp tum tak tak lo hian an rama an
neih kan awh zawng ni si, mahse
an rama kan kal phâk si lohte thil
ang hi, anmahni hìp tum anga
insawiin, mahni nuam tàwl nan kan
siam mai mai a ni lo maw?
-Vivian Vandingliana
COMA AWMNA
Inneih thu chhama, “..ka nei
ta che tih, ka hriattir e,” tih aiah
hian, “..ka nei ta che, tih ka hriattir
e,” tih zawk àwm - tih hi inneih
inkhawma ka tel apiangin ka
ngaihtuah \hin. (kaihhruaina bu chu
ka hmu pha hauh lo va)
- RC Lalrengpuii
I CHHIAR DIK THEI THO EM?
Hei hi i chhair dik tehi tho em? A tarih hrasa ti mah la, chhair zel la,
hrasa i ti lo tail tail mai ang. I chhair dik zel tehih chaun, mi pangangi
chnug lam i ni tinha. I va vennai em! Hwarwap dik lo tam tak awm
mhsae, i thaulk chaun dik anign a huthmir mek che a, thamul bul
leh twap chuah hamngin a ‘rnig’ dik znug znug ta mai le! A bul
anga\in rnag tikan han chhair nwan leh teh. A hma aiin chhair i
alwasm tail tail mai ang. He thu i chhair raul hain, I thaulk saimtu
Pathain ropiuzia ngiahtauh la, lwamhtu swai ang che.
38
•
Lengzem
.
June 2016
Lengzem
Khawchhak Zin Thu - II
-Vanneihtluanga
...Ka mumangah chuan, Salai Lianluaia tapchhak lungthu pathum
chungah Pu Hawla hian Zo bai bel chhuangin, Lusei chingal leh Hualngo
sa-um a lo chawk phúl bulh bulh mai a. A phúl liam dawna ka hriat
avangin, “Nghapih telh rawh ka pu!” ka lo ti a....
M
umang neitu nazawngin
an hrilhfiah thiam kher
lo. Hrilhfiah thei tur Chin
leh Mizoram CM ka sawm ngam
hek lo. Kei, Kelkang làmtual chíl
lovin ka chhaih ve ngam tawk
Wikipedia ami, ...nga-pee or gnapee,
is a generic term for pungent pastes
made of either fish or shrimp in
Burmese cuisine... tih thu hi ka’n
changthlan ang e.
Nghapih Sermon!
Mizoramah ei siam dan kan
hre tlem a. Khawchhak eisiam dan,
kan zir theihte video siam tumin
ka nau Mapuia nen ni tla vànvúaiin, Tahana eisiam thiam, Pi
Engi leh Sayama Ringi te meuh
kovin kan siamtir a. A sirah, phàn
no dawmin ka lo ui-pui-tui-lianthlìr ve a. Chutia, Tahan B Group
venga Pi Zuali ina tho thlâwk thlíra
ka \hut lai chuan ngai teh! “Saw
nghapih saw va hnaih la, va en
rawh!” tiin âw ka hria a. Dawhkana
nghapih chi hrang hrangte chu ka
va en ta a.
Hmel chhe karah \ha thawkhat
leh \ha lehzual leh \ha ber an awm
chho thluah ang hian, nghapih
naran karah, nghapih \ha deuh leh
\ha lehzual leh a tui ber chite a lo
awm chho thluah tih ka va hmu
ta. Tah zet chuan, “Kan sakruang
Mizoram tan...” lo ti \hin kha,
“Nghapih ropuina zawng zawng hmu
turin ka mit min tihmensak ang che,”
tiin nghapih maicham tláwm takah
koh-hranin ka awm ta nghal a.
Keini, Lalpa zawn chhuah
rama Sâp nghâka \hute hi, kan dìl
loh zawk nghapihin min zawng
chhuak a. Mizoramin he kum 40
chhunga nghapih kan hriat tam
zawk chu a quality sang lo lam
zel a lo ni. Chuvangin,
“Khawchhak a\anga chhuak zingah
chuan Nî bâk \ha dang a awm lo,”
ti awm reng kan ni. Symbol uih
party chu hnawtchhuak àwm reng
pawh kan ni. Kan nghapih
hmelhriat aia changkang kan
kawmchhakah a lo tam a ni tih,
kum 40 hnua khawchhak khaw
várah, hmuchhuak lo thei lova mit
tihmen kan ni mek.
Kum 40 chhung hian, nghapih
changkang hmelhriat hmaa nghapih
narana inhnangfâka, kan thawh peih
loh thawhtirtu, Nghapih Addict
Family kan lo va tam hman em!
‘Artui hlawh hlawh ding lé lé’ tia
Delhi-in min fuih laia ding lova
artui bantute hian, nghapih thahrui
nen lo chuan artui kan hlawh zo
lo. Zo bai bél viltupa NLUP meuh
pawh nghapih lamtluang a\anga
vawkte supply nen lo chuan kan
áwi nung zo lo. Nghapiha kan râwp
vanglaiin Aung San Suu Kyi
(ASSK)-i’n nghapih ‘Home Coming Crusade’ a lo bei hlawhtling
lehnghal. Nghapih \ha-mi kan tawn
hmain kan ramah ‘nghapih \àm’ a
tla hman.
Nghapih fùnna-a khawchhak
\awnga thu inziak chu ka chhiar
thiam lo. Nghapih \ha-mi leh a
siam dan leh a pawlh zat leh
MRP leh a shelf life... ka hre tlat
lo. Nghapih hi kan hre lo tih ka
hre ta!
Mizoram hian, nghapih hi a
inziakah ni lovin a rimah kan hria
a. Mit hmanna tura hnár
hmangtute thutlûkna siam hi a
\helh palh thei. Ziak leh chhiara
India khawvela sáng hnam hi,
nghapih khawvelah ‘illiterate’ kan
lo ni. Chhìar thiam loh thil
.
June 2016
•
39
ngainatu chu bum kan awl. Kan
chhìar thiam lohna changchawia
min bumtute zel hi kan zinga
tlangnélte an ni lo maw?
Chutih rual chuan, “Nghapih
ka ti leh tawh lovang che u, ‘unaute’
ka ti tawh zawk ang che u,” ti dawn
mah ila, in thawm langsarte hi
ruihhlo leh silai leh rangkachak tawlh
rûk tih lampang a nih fo si chuan,
in sual vek lo tih hretute hlei hlei
hi in unau nih ngam har tite kan ni
zel ang. Salai Lianluaia democracy
thar leh Pu Hawla rule of law hian,
fel awmkhawm kára sual biru a
\ingmit thei lo a nih chuan, unau
indemin tàwp ní a nei lo vang.
Zawlbuka e-táng ve ve unau inkarah
hian, demand a awm chhung chuan
supply an awm reng bawk ang.
Zo bai béla Hualngo leh Lusei
Chhinlung chhuak thlang tla
hlawm lian ber chu |iau thlang,
tuna Mizoramah hian kan awm hlen
a. Lusei lansarhna a nih avangin
min awptu Sâpho khan Lushai Hills
min ti a. 1947-ah Lushai Hills
District Council, 1972 UT a\angin
Mizoram tih niin, ‘Mizo’ tia hriat
ngheh kan lo ni ta a.
Chhinlung chhuak dang, |iau
lui kân lo va, Káwlphai leh |iau
inkara chám hlen tate chènna chu,
chhim lam Matu bial nena kawpa
‘Chin Hills’ tih niin, Burma indan
hnuah Chin State an ni ta a.
40
•
Lengzem
.
June 2016
Mizoram angin Chin state-ah
chuan \awng tlanglawn ber an nei
lo va. Chi péng hnam \awng hmang
zinga pakhat Hualngo (Mizoramah
Chhakchhuak) chuan pipu a\angin
Duhlian \awng an la hmang a. Anni
bakah, sipai \an, sorkar hna,
Mizoram buai, leilet zùan leh
sumdawnna avanga, Chin state páwn
Sagaing region-a, Kalay-Kabaw,
(Kalaymio (Tahan), Khampat)
phaizawla inbéngbel chhunzawm ta
zinga Duhlian \awng hmangte chu
a hlawmin ‘Lusei’ tih an ni.
Kan scheduled tribe list ang
deuha Myanmara hnam tenau listah ‘Mizo’ a awm loh avangin ‘inti
Mizo’ pawh ni se, Hmat Pung Tin
(ID Card) ah ‘Mizo’ tia ziah theih
a ni lo. Official-in Mizo a nih theih
loh, ‘Chin’ nih a ngai. ‘Burma Mizo’
kan tihte chu, Chin hnuaia Hualngo
thlah an NIH loh vek chuan Chin
hnuaia Luseia an TEL a ngai.
Heng unau pahnihte hi democracy khelmual tharin ‘Zó identity crisis
a paltlangtir mek a. Chin chhunga
Zò ngamna hi huaisenna âtthlak nge
dawihzepna finthlak tih bùkin a awm
mek. Inhampùar vanglai hi invihthêp awlsam vanglai a ni. Hetiang
hun, mi fingin ngawih an chuh hun
hi mi mawl kan \awng hun a ni.
Lo ngawi ula ka’n \awng ang e!
Zò theihlohna hmuna Zò tum
\âlh hi a khawlh. Zó hming thlâk
Lengzem
tum pawh Pathian hming thlâk tum
ang zeta khawlh a ni tho. Kum 60
zet ‘Zó kohhran upa min’ lo ni tawh
tan, ‘Chin kohhrana pém upa’ va
nih chu a khawharthlâk deuh ang
le. Mahse a la \ul maithei.
Kan \hatna tur hi an \hatna
tur a ni lo fo. Kawmthlangte
damdawi ngeih ang apiang ei ve
ngawt chi a ni lo va, Chapchar Kut
na chhâwkna hmanga dam hlen tum
chi a ni hek lo. Damdawi kha tak,
a hun taka a dan dika rei tak ei
ngai, ei kawpa inhal, \awng\aina
nena ei chi, side-effect nei vek, heng
pathum zinga pakhat hi - i dàwt
ngam leh dáwt rawh - tiin ka
chhawp chhuak e: (1) MNZ:
Mizova Ngheh Zualna damdawi (2)
MLN: Mizò Loh Ngamna damdawi
leh (3) NAN: Ngai Awh Ngamna
damdawi.
Dam lo inenkawl hun lai hi
hriléng laka fimkhur \ùl hun a ni
tih pawh, isolation ward tlawhtuten
hriat tur. Politician, Evangelist,
MZP leh YMA te pawhin, “Helaiah
Mizo tamtak in lo awm a. Lo Mizo
zual zel rawh u,” han tih fo hi a
hun lo. Kan han tih-Mizo zawh poh
leh an ramah kan ti-mikhual. Zo
zinga Zo bîk nih tumna hian Zoram
Khawvel a tizím. Zauh kan duh
chuan media leh literature-ah i \ang
ang u. |hangthar Chanchin |ha
Dak chu visual media a ni.
Hakha Kawng
Tahan veng a\angin zing dar
8-ah Káwlpui (Kalaymio) kan
chhuahsan a. Aizawl a\anga Lunglei
pan ang hian, chhim lam panin
Sangàu zawn vela Hakha khawpui
kan pan a. Kan Toyota Hi-Ace minibus chu nuam teh mah se, tlar hmaa
\hu tanakha inhnawihin “Tukvelh
hawn loh chuan ka lùi dawn!” a
tih tlat chuan AC bus-ah paw thúrin
i chuang ve tho vang!
Varung khuaah tûk\huan kan
ei a. Kan chuanpui, kut báwr lian
tak takte chuan thirkut leh thirfian
an hmang ta vek mai. Keini chauhin
chaw kan han bár tehreng a!
Hakha khua
Falam tlan pèlin tlai dar 3
velah, mihring sing 5 túal lènna,
Chin state khawpui, kum 600 zeta
upa Hakha kan thleng a. Pipu
a\anga ‘Halkha’ kan tih kha, Káwl
hawrawpin Hakha an ti ta niin a
lang. Phawngpui (fit 7,118) aia
sang, Rung tlang (fit 7,543) chàwi
vêl fit 6,120-a ruam rai laia khaw
din, km 32 bial vela lian a ni a.
Chhinlung chhuak khua ka hmuh
tawhah a remin a mawi ka ti ber.
Mizo \awng an hre sup nain,
Zo \awng hmang chhungkua chu
10 pawh an tling lo. Chu mite zinga
Pu Thangchuanga te inah iptepui
kan báng a. An nupa chuan CM
kan hmuhna turin rem min ruatsak
.
June 2016
•
41
nghal a, Chin CM Pu (Salai)
Lìanlùai (61) chu sorkar guest
house-ah kan kàwm ta a.
Salai Lianluai
Pu Luaia chu, Presbyterian
kohhran mi, pa sáng leh inkhaithli,
hmai tlûak rúau mai, Law graduate a ni a. |awng let turin, chin
Media Network-a thawk CL Thanga
ka kalpui na-a, ‘Hualngo \awng’ a
lo thiam a. Chin official \awng atan
Hakha (Lai) \awng chu pawm tlan
theih a nih loh chuan Káwl \awng
emaw, ‘Hualngo \awng’ emaw
\awmpui mai chungchang kan sawi.
Ka damdawi chawh: “Buddhism i
duh chuan Káwl \awng thlang la,
Kristian i duh chuan Hualngo
\awng thlang rawh,”... Zo tàwnah
Luaia thlùnglu a hai mek.
Chin state leh a chhehvela
tuilian leh leimin tuarte Mizoramin
kan \anpuina avanga lawmthu a sawi
bakah, YMA a hmu \ha hle mai
chuan min tilawm hle.
Ruihhlo, Silai leh Rangkachak
Kan ration card min
\awmpuituten ruihhlo leh ralthuam
an rawn tawlh fo erawh hi chu kei
chu ka lawm hauh lo. Hetiang dova
YMA chêt dante pawh a lo hria a.
“Keini pawh kan thiam chuang lo,
Mizoramah kan miten dan kalh thil
an ti \hin tih ka lo hria a, a pawi
ka ti takzet a ni,” a ti. Engtia chin
fel nge a tum tih hriat a \ul.
42
•
Lengzem
.
June 2016
Heroin hi Shân leh Kachîn
state-ah te an ching nasa si a. Sipai
sorkar hnuaiah kha chuan Chief
Minister meuh pawhin thuneihna
tak tak an nei lo va, tunah chuan
hna \ha thawk thei turin democracy chakna an nei tawh tih min
hrilh a. “Engtia chin fel nge a tum?”
NLD policy siam fel hmaa media
hmachhawna sorkar thil tum sawi
chu ASSK-i’n a khap avangin - min
chhang... a nih pawhin - ka puansak
thiang lo.
Thil \ha lo an rawn thlen
avanga kan huat thu, mahni
tapchhak zawla phun liampui
ringawt hi a dik lo. Chin CM hi a
tireh theitu tur a ni. Reh lam a
pan lo a nih chuan Chin CM hnenah
ngei hian i zualko zel ang u.
Kawngpui |ha
Vice President Pu Henry
Van\hiauva’n “Chin mamawh hmasa
chu kawngpui \ha a ni,” a tih chu
Chin CM ngaihdan pawh a ni.
Falàma thlawhna \um hmun thar
an siam mekah, “Champhai-Falam
helicopter thlawh-zawmtir turin kan
ngèn a. Chikha leh Paletwa inkar
highway leh, Bangladesh chhun tur
kawng ruahman a sawite pawh
Mizoram nunphung nghawng tur
thil vek a ni.
|iau a\anga Tiddim leh,
Täingèn a\anga Falàm leh Hakha
inkar kawngpuite laih zauh mek a
Lengzem
ni a. Lei laihna khawl zingah
Mizoram khawl, excavator loader
kan hmu nual a. Chin state-ah hna
a tamin a hlâwk a. Mizoramah
khawl a tamin hna a vang thung a.
Dan kalh ni mah se, unau
inhriatthiamna hmanga inhlawhtir
an nih thu min hrilh. Mizoram
a\anga lo kal te, official-a thla 3
Chin state-a hna an thawh theihna
turin (Myanmar) foreign ministryah a dilsak thu leh, Myanmar Immigration Department chuan, ‘Vai
sorkar’-in rem an tih loh thu a sawi.
Border trade chungchang bakah,
mahni lirtheia ramri pèla
intlawhtawn theihna thu pawh,
mahni sorkar laipui ve vea
thuneitute nawra, hmalakna
inhriattir tawn \hin a duh a. “Ka
lo hrilh ang e!” ka’n ti ve ngial a.
Heti hian ka hrilh ni mai teh se.
Nghapih Zángkhua a bungbu
Hmun kilkhawra hnam tlem
leh mawl leh sakhaw tenau bia an
nih avangin Chin state hi zalènna
nèkchêp nasatna a ni a. Chuvangin,
Chin mi nuai 2+ an ráltlan mek a.
Hakha khuaa chhungkaw 10 zinga
chhungkaw 8 (80%) chuan, an
chhungkaw \halai member pakhat
tal, India bakah ASEAN ram leh
khawthlang rama inhlawh mek an
nei vek ang a ni. Pawisa inhlut hleih
avangin, Western Union money
transfer hmanga an chhungte hnena
US dollar 100 an thawn hian, Kyat
nuai+ an lo dawng thei. Ram
pawna inhlawh a hlâwk zâwk
avangin an state-ah hna tam mah
se, an koh hàw phal loh bakah an
la chhuah belh zel zawk. |halai
hnathawktu indaih lo khawpin an
chhuak nasa a, a vengva chinte chu,
Mizorama inhlawh tur leh nau awm
tura lo beisei chi an ni lo \an.
Mizoramin, \halai thawh tur hre
lo kan zir chhuahtirte hian, Chin
state-ah inhlawhna an la zawng
zawk maithei. English medium
school din a fuh tih ka hre nghal.
Nghapih Zángkhua a bungbú e.
Kan lu latute
Hmanlai Hakha lal in hlui an
din thar leh kan tlawh a. An vanglaia
Sahlàma mi lú an khàite chu vawiina
Mizo thlahtute lú ngei a ni ang a.
Chhak Pawi rál lianin |íau leh Rún
leh Lèntlang chhaka sala min
\ingmit chhoh duah duah \hin lai
te, Pawi rál hlauva nunau an bihrûk
chawn chawn \hin laite mi
ngaihtuah chhuahtir a. Lal muala
mi lu an làm dan te, an thangchhuah
leh mitthi räwp lam danah te inang
viau mah ila, lal in \hatzia han en
chuan, kan tluk lo, kan lu la awm
reng an lo ni.
He mite hi duh duh huna
“Unaute u in damtlang a lawm
maw?” tia rinawmna chibai bûka,
duh duh huna “In inti Mizo lo
.
June 2016
•
43
em mai!” tih liam puat puat chi
an ni lo. Mizovin India sorkara
Minister pakhat pawh kan neih
hleih theih loh laia Myanmar
sorkara Vice President ni thei Chin
hnam hian ‘intih Mizo’ an mamawh
lo. “Mizo hi Chin in ni,” min ti
tawh zawk.
1966 Mizoram buai hlima,
Mizo Hnam Sipaiten China thahrui
an lâkna kawng tur leh an bihrûkna
tur leh Mizo nunau raltlanna tur
Chin state-a treasury-te an han bei
kha a lo va màwl thlâk em!
“Ngaidam la theihnghilh rawh!”
tih ngawt chi a ni lo. Kum 150
hma lama kan lu min lâksak pawh
kan la sawi a nih chuan, kum 50
kaltaa an treasury kan rawk kha
an la sawi ve tho tih hi MNF hian
hre tak maw. Heng hi hmanlai
Hakha lal inah chuan ka ngaihtuah
chhuak.
Foreign policy
CM chu zinah kan sawm a,
Mizoram tlawha zin ngei a tum thu
min hrilh. Inpawh \ulna thu kan
sawi chu zawm nghal ang maiin, a
tuk lawkah Rih kamah Hualngo
hovin, hruaitu tharte chawimawina
vantlang inkhawm an buatsaih a.
Champhai lam media te pawhin an
chhim nghe nghe.
Ka ziah lai hian, Donald
Trump-a’n a foreign policy a puang
mek a. Keini pawh, kan ration chaw
44
•
Lengzem
.
June 2016
bel min zenpuituten kan EVM
khawl min zenpui tih ka hrilh ngai
lova hretu chuan, Chapchar Kût a
han hmanpui chat mai! ‘Kan
innghawng tawn dan’ hi a thûk zel
dawn. Chin CM pawhin hei hi a
chiang. Hre lo se passport nei lova
zawhna déngkháwng pui pui zâwttu
foreigner hi min man tur a ni!
Mizoram pawnah chuan Lai
\awng hi Hakha bakah, Falàm,
Matupi leh Thàntlángah te an
hmang a. Lai Jerusalem hi Lawngtlai
ni lovin Hakha a la ni thei tih hi
- \hianpa Ngúnlianchunga rawn lem
lovin - ka puang e!
Carson-a leh Chin Kristian
1899 March ni 15-ah Hakhaah American Baptist missionary
Arthur E.Carson te nupa an lût a.
1908-ah Carson-a’n Hakha-ah lú a
phúm a. Mi-hráng thlan chuan a
thih hnua, vawiina Chin state mipui
4,79,000 zette hnenah thu a la sawi
dawn chauh a ni.
Chin CM chuan Chin state
sorkar tharah mipui an thawveng
a, an state rorel khawla MLA 24
zinga 18 Kristian an nih chu a
chhuang hle. Kohhran rawngbawlna-a ram pahnih inpawh \hat a duh
a. Mizoram Baptist kohhran chuan
Hakha thlenga bus khalh lûtin an
tlawh tawh nghe nghe. Fakhla satu
kan zaithiam lar \henkhatte pawhin
Hakha hi an tlawh tawh.
Lengzem
Thingyan: Káwl Yoga
Hetih lai hian Káwl \awng leh
culture chu Chin state-ah a \hang chak
hle. Titi dang a\angin, Chhinlung
unaute zingah, retheih vanga buh leh
sum hlawh duha, an fate sam ziah
kawlhtira ‘Buddhist baptisma’ chantir
an awm thu kan hria.
Kan tlawh ni, April ni 12 chu,
Myanmar-ah Kum Thar Tui Theh
Kût (Burmese new year water festival, Thingyan) a ni a. Kan Yoga
ang hian, Thingyan chu sorkar
laipuiin Buddhism nena inzawm lo
anga sawiin a lawmna làm intihsiak
a buatsaih a. Sorkar vety doctor,
min lo hmuaktu Dr Hmingthanzira pawh a Káwl official thuam
nen a vei zak zak mai. Naupang
hâwkdâk an tel ve loh nan kohhrante
chuan biak inah naupang pual programme an siam thung.
Káwl thùam inbela Chin
Kristian nula lám sïau sïaute hnungah
chuan, Salai Lìanlùaia leh a
khawnbawlte chuan thing hnah zîk
huhin sual tlenfaina tui an thlawr
diat diat a. |iau chhak leh thlanga
Chhinlung unaute, Thingyan leh Yoga
hmanga Naypyidaw leh New Delhiin min \hen hran an tum dan chu
ka ngaihtuah laiin, dawhsana Salai
Lìanlùaia chuan min hmuh rualin
bán a rawn vai a. Ka vai lêt rual
chuan, eng tak ngaihtuah ve che maw
le.. ka ti rilru vang vang a 
.
June 2016
•
45
-Nawlchunga Chinjah, Saiha
A
pum chu a han dawm a, a
biangah chuan mittui a luang
thla ngiai ngiai a, a bialpa thupek
ang chuan a titla dawn nge ama
thuin a pai tlang dawn a hre lo. A
bialpa thu ang chuan a pum
chhunga eng mah pawisawina nei
lo naute chu han titla se tualthat a
ni ang a, a dam chhung zawngin a
inthiam thei tawh ngai dawn si lo.
Han pai tlang dawn pawh ni teh
reng se a chhungten eng tin nge
an tih ang a, eng tiang takin nge
an hmuhsit ang tih a hrethiam pha
hek lo.
A pa chu zu leh sa birh mi a
ni a, a nu lah kohhrana inhmang
mi a ni hek lo. Nu kawlh ve tak
leh nu rapthlak ve tak a ni bawk
si. A unau neih chhun, a nau mipa
lah ruihhlo bawia tang mek leh sual
tak a ni bawk si.
Chu bakah a pai tlang a nih
ngat chuan, a \hiante mai bakah
mite hmuhsit leh elsèn hlawh chu
sawi loh, mualpho leh zah a
hmachhawn bawk ang.
C h u m a i c h u a n i l o,
kohhrana naupang zirtirtu a nihna
a\anga bàn a ni ang a, kohhran
dan hmanga thunun a tawk bawk
ang. Khawtlang chuan kohhran
angin thunun kher lo mah se,
tlawmngai pawla inhman a ngam
tawh dawn lo.
Tin, amah lo ngaisangtute khan
an ngaisang tawh lo ang a, tun hmaa
‘nula fel leh chhuanawm..’ lo ti
\hintute khan engah mah an ngai
tawh hek lo ang. Kohhran thununna
an hlihsak hnuah pawh a lo
hmingchhiatna leh mualpho tawhna
chuan kum tam tak a la umzui ang
a, vawi khat a lo chetsualna chuan,
tun hmaa a lo hming\hatna \hin
kha a nawt reh kumkhua tawh dawn
a ni.
‘Sawn pai’ ni lovin, pasal \hen
vanga nuthlawi satliah ni zawk sela
chuan thil thleng ve pangngai a ni
ang a, khawtlang leh kohhran tana
hnualsuatna awm lovin nun
pangngaiin a nung leh thei ang a,
fak te pawh a hlawh lêt leh thei
hial mahna.
Mahse, mi tumahin kan hma
lam hun kan hriat lawk lohna
khawvela awm kan ni miau si a
lawm le.
46
•
Lengzem
.
June 2016
Hmanah chuan maw
Khawvel eng a lo hmuh tirh
a\angin a danglam nghal a. Naute
puak rual a lo nih hnuah, \ahbelh
lo leh lawm nuam tak mai a ni a,
nèl loh a neih ngai loh avangin,
\henawm hnaivaia naupangte leh
nula tlangvalten awm an inchuh \hin
a. A pawmtu apiangin pawm nawn
leh an chak \hin.
Naupang thu awi thei leh
nungchang mawi tak niin a lo
\hanglian zel a. A tleirawl hma
a\angin, ‘\hiante zinga hmel \ha ber’
ti zawnga fak hlawh ngai lo mah
se, a nungchang zawkin mite fak a
hlawh \hin a nih kha.
Hmangaihna hi chu aw!
Pawl sawm a zir kumah, kum
15-a upa a nihin, mipa zingah hmel\ha
bik an awm tih a hrethiam \an a. A
nu leh pate hriatpui lohin, a rukin
ngaihzawng a lo nei ve \an ta a.
Nu leh pa fing leh fate
humhalh thiam tak a nei a. Amah
duhsaka a mualphona tur vènsak
duhtu a nei bawk a. An thurawn
chu, thianghlim taka ngaihzawng
neiha, pasal neih hma chuan sex hi
hman loh tur a ni tih a ni a.
Hmeichhe zahawmna hlu ber chu a
thianghlimna hi a ni a. Hmeichhia
chuan pasal a neih hma chuan a
vawng him tlat tur a ni tia duhsakna
aw chu hre reng mah se, a bialpa
a hmangaih avang leh a bialpa duh
Lengzem
dan anga inphalna chu a bialpa a
hmangaihna a lantirna nia ngaiin,
a bialpa hnenah chuan, a
thianghlimna chu kha zan, zan
lunngngaih thlak, a bialpa in a duh
loh chunga a nawr luih zanah khan
a hlan ta mai a nih kha! Tu nge
dem thei bik ang le?
|hangtharte hian hmangaihna
lantirna hi duhberte laka mahni
taksa inpekna leh hlanna hi emaw
kan ti \hin. Taksa aia thinlung
inhlanna thuk zawkzia hi kan hre
lo a ni. Chumi hre thiam lotu
Maruati pawhin a dai sual mek a
nih hi. A bialpa a duhna chu
Maruati chuan hmangaihna emaw
a ti a. A bialpa lah chuan, taksa
inhlanna hmanga amah a
hmangaihna lantir turin a lo tur
bawk si.
Hmangaihna tak awmzia leh
nihphung hriatthiam tawk loh avang
hian kan ngaihzawngte kan duhna
sosang tak hi hmangaihna emaw
kan ti fo \hin. Hei hian inchhirna
namen lo a thlen fo \hin. Maruati
pawh hian a duhna chu hmangaihna
emaw a tih avangin \ahna ruam a
zawh mek a. Hmangaihna nihna
dik hre sual palhtu chuan hlimna
aia manganna, lawmna aia
lungngaihna, beiseina aia beidawnna
bakah, zahna leh mualphona te,
hmuhsitna leh mite nuihsawhna te
a hmachhawn ta reng a ni.
Kha zanah khan.
Hmangaihna awmze dik hre
fiah turin, kha zan inchhirawm
taka thil thleng kha i lo zir chiang
leh teh ang. Maruati chu a
thianghlimna hlan tura a bialpain
a nawr luih lai khan, Maruati khan
a duh chuan a hnar thei. Mahse a
bialpa khan, a tana a inphalna chu
amah a hmangaihzia lantirna angin
a thlem tlat a, a inhlan loh chuan
a hmangaih lo angin a lang dawn
tlat a. A inphal loh chuan a bialpa
chuan banah a vau si a, a bialpa
a duhna chu a nasa em em si a,
Chu bakah, a bialpa nena in\hen
chu a hlauh ber a ni bawk si a, a
\ang lui phal ta lo a ni. Maruati
hian hmangaihna hi taksa
inhmanna ngawt ni lovin thinlung
inhlantawnna a ni zawk tih hria
sela chuan humsual a dai lo vang.
Mipa zawnga pa lo ber maw?
Maruati khan rai palh a hlau
ve tho a. Mahse a bialpa khan,
"I rai chuan ka nei ang che, chan
che ka duh lova chuvang chuan
tiang hian i thianghlimna hi min
hlan turin ka dil che a, min hlan
thei lo a nih chuan min neih i
duh loh avang leh, min kalsan i
duh avangah ka ngai ang a, kan
inkar i tihtawp duh vangah ka
ngai ang," a ti a. A bialpa chu
neih ngei a duh bakah, inneihna
kawng nia ngaiin Maruati chuan
.
June 2016
•
47
a ring ngam a, a thianghlimna a
hlan ta a ni.
Maruatin thla khat hnua a rai
thu a hriat ruala a han hrilh meuh
erawh chuan, a thlem laia neih
intiamtu ngei khan nupui neia
chhungkaw din a lo huam leh si
lo. Maruati chu phatsanin engkim
a tawp thu a lo hrilh a, naute chu
titla mai turin thu a rawn leh a,
phone a off hmak a, biak zui tur
a awm ta lo. Mipa dangte aia thlan
chakawm khawpa intipa em em
kha, mahni fa ngei pawh humhalh
ngam lo khawpa dawihzep a lo ni
si. Hmeichhe hlauvin mipa dang
aia intipa zawk chu a tlanchhe ta
a nih chu!
A danglam tawh dawn si lo.
Chithlahtu ngeiin, chhùla a
awm laia thah a duh nausen chu
a lo piang a. Maruati chuan a
naute pawm chu a en a. Ama
nausen lai ang maia duhawm a
ni lehnghal a. Mahse, a neitupain
a tlanchhiatsan, ‘sáwn’ a nih tlat
avangin a lawm turin \henawm
khawveng an lo pungkhawm tawh
lo. Kha zana thil thleng kha
na u s e n
nu n n a
hmanga
chhinchhiah a ni ta tlat a. Inchhir
a sawt lo va, thinrimin a ching
fel thei tawh lo va, thianghlimna
tihbawlhhlawh tawh chu mittui
hmanga hrukfai chi a ni lo.
Engkim a pawi zo ta 
48
•
Lengzem
.
June 2016
Lengzem
“It’s NOT My Life!”
N
angmah hi nangmah i ni
tak tak em? Keimah i tih
hi Nangmah a ni meuh
maw? “Zawhna âtthlâk tak a ni.
Mi dang ka ni thei hlei nem!
‘Keimah’ ka tih hi mi dang ni lovin
keimah liau liau hi a ni” tiin min
chhang ngei ang.
Mahse, inngaihtuah chiang teh:
Tu lem emaw i chang a ni lek lo
maw? I sam leh thawmhnaw style
te, i inlantir dan leh i ngainat
zawngte kha i ngaihtuah chhuah
ni lovin i mi ngaihsante ‘nih’ dan
a ni lek lo maw? Trend setter te
solfa vai milin i hringnun hi a zai
a ni lek lo maw?
I mi-ngaihsan sam zuah dan i
entawn hian, nangmah ni lovin
amah chu an i tum a ni. A sam
style thlak se i thlak ve mai lo’ng
maw? Chuti a nih chuan i sam
chunga thuneitu chu nangmah ni
lovin tu emaw a ni! Mahni sam
chungah takngial pawh thu nei
ngam lo khawpa mi dawihzep hian
Its my Life i ti ang maw?
Mi narante hian kan ngaihsan
leh kan tluk loh tu emaw lema
changin, kan dam chhung hun
tamtak kan herliampui \hin. Chu
miten dik leh mawi leh changkang
an tih apiang chu kan ti ve tawp
mai a, keimahni nihna ni lovin kan
mi-ngaihsan nihna zawk chu kan
nihna emaw kan ti \hin.
A chang chuan, a huhova
vantlang tih dan hi zuiin, ‘mahnina’ nei miah lovin hun kan hmang
liam bawk. Pathian pàwl châkna leh
\ul tihna nei lovin, “Mi an inkhawm
si a,” tih vang ringawtin i inkhawm
\hin em? “Its My Life” titu tam
zawkte inkhawm loh chhan pawh,
“Ka \hiante an inkhawm hlei nem!”
tih a ni. “It’s My Friend’s Life” ti
zawk awm an ni.
Tleirawl rilru nò lai chuan,
ngaihsante nun entawn chu puitlin
zirna kawng a ni. Kum a upat ang
zelin mi entawnna nun chu mahni
inhmuhchhuahna chuan a luahlàn
tam chho tial tial tur a ni. Mi
nunphung entawn ngawt lovin,
ngaihdan hran leh lanchhuah dan
hran nei thei turin, Siamtu hian
nun hran min pe a. Chu nun hran
chakna leh hlutna chu, kan upat
ang zelin kan hmuchhuak a, a
hmuchhuak hmasa apiang an
‘puitling’ hma a ni. Kum 40 i nih
dawn tawhah pawh, ‘Mi’-ah i la
buai viau chuan, i kum aiin i rilru
a naupang a, i derthawng a, i
ngaihtuahna chuan a nih tur ang a
ni phak lo tihna a ni.
Chutih rual chuan, a huhova
khawsa mihringte hian mahni
ngaihdan chauh kan nunpui thei
lo. Kan ngaihdan mil chauhin nung
ta ila, khawsakpui hleih theih loh
kan ni ang. Kan ngaihdan leh
vantlang ngaihdan inbuktawka
lanchhuahtir thiam hi a \ul. Zu khap
loh duh mah ila, a nawlpuiin khap
an duh chuan, an ngaihdan zah a
\ha. Puan bih \ha tiin bih ngat ngat
mah la, hmeichhe nawlpuiin kekawr
an hak chuan, an zalenna a ni a,
sawisel kher a \ul lo.
Zu leh puan bih lam ni lo,
nun chhungrila mi mal thuthlung
fel tak neia, dikna, rinawmna, takna
leh dikna huaisen taka nunchhuahpui ngam kan tlem. Chu chu
kohhran leh pawlah a lang chhuak.
Mahni kohhran thurin leh mahni
party manifesto hre lova phur tak
tak kan tam.
Thlarau
lama
h a rh n a ,
tihdamna, hlimna, makna leh
hrilhlawkna mak apiang kan
pawngpaw ûm huk hukna chhan
chu kan nunah ‘tak’ a awm loh
vang a ni fo. Political party hrang
hrang kan thleng tlawr zuan fona
.
June 2016
•
49
chhan pakhat chu, kan mi mal
nunah, ram hmangaihna nun
thuthlung vawn ngheh kan neih
loh vang a ni.
Hnam thuthlung nghet kan
neih loh chuan Mizova pianga
Mizoram mi kan nihnaah hian kan
confident lo. Kan sualzia sawia hnam
dang aia nasaa kan infuih vak vakna
chhan pakhat chu mahni hnama
rinna kan nghah ngam loh vang
leh hnam dang tel lova fel zo lo
hnam nia kan inhriat vang a ni.
Tichuan, culture dang hmanga
kan nihna khuh mawi ngai nia hre
chungin kan seilian a. Nun
thuthlung nghet nei lovin kawppui
kan zawng a, chhungkaw kalphung
duan lawk fel sa nei lovin,
chhungkua kan din a, chutiang
chhungkaw derthawng a\anga
chhuak kalkhawm chuan political
party leh kohhran pawl kan siam
a. Kan ram hi Mahni Inrinhlelh
Zirna School-ah kan chantir mek.
Hei tak hi politician \henkhatin
hriaa remchanga hmangin, kan
chaklohna tak hi an chak phah. Tum
nei lo mipuite chuan lal bak tum
nei lo politician lalah kan thlang
nge nge.
He thu ril tak chingfel tur hian
mi dang nghâk suh. I ram leh hnam
leh i sakhua i hmangaih chuan, mi
entawn ngawt lovin, nangman nun
thuthlung \ha nei ang che 
50
•
Lengzem
.
June 2016
Lengzem
Thuziakmi Rick Hamlin-a thuziak \henkhat he chanchinbuah hian kan chhuah tawh. Tunhnaia
a lehkhabu lar tak pakhat chu 10 Prayers You Can’t Live Without tih a ni. - Ed.
Rick Hamlin
K
a e-mail dawn chu kum
sanghnih liamta-a Tirhkoh
Paula lehkhathawn ang
maia \awngkam mawi hmanga ziah
a ni a: “Ka unaupa Hamlin, Lalpa
chu fakin awm sela, kan Lalpa Isua
Krista khawngaihna leh Pathian
hmangaihna leh Thlarau Thianghlim
awmpuina chu in za-a chungah awm
rawh se. Kei zawng, kan inhmuh
theihna tura Engkimtitheia fak hi
ka tih tur a ni. Dam la, Lalpan
malsawm che rawh se,” tih a ni.
Mahse he thu hi hmanlai mite
kutchhuak ni lovin, Kenya-a
Maivasha-a tunlai kohhran hruaitu,
Pastor Cornelius-a hnen a\anga ka
dawn a ni. |hian \hate hnen a\anga
lehkhathawn kan dawn dang ang
bawkin he lehkhathawnah hian
thlalak a tel nghe nghe a. Thlalak
chungchang chu kan la sawiah khek
ila, Pastor Cornelius-a nena kan
intawn dan kan sawi hmasa ang e.
Nikum January thla khan ka
nupui Carol-i leh kan \hian Richard-a leh Gretchen-i te nen Kenyaah kan kal a. Tunhma lama Richard-a’n Preace Corps-a hna a lo
thawh tawhna hmun, an ram rova
tuichhunchhuah an laihna hna chu
enpui turin min duh a.
An
kohhranah
chuan
tuichhunchhuah siamna turin sum
an tuak a. Keini thawh ve chu tlemte
ni mah se, vawi khat dam chhunga
kan tlawh zen zen loh tur hmun
chu kan \hian pahnihte nen chuan,
a hmuna hmuhpui ngei turin min
beisei tlat mai a.
Keini nupa chu Africa-ah kan la
kal ngai lo va, tlemin kan ïp deuh a.
Dik tak chuan retheihna hmel hmuh
chu kan huphurh ru deuh a ni.
Kenya chu khawvela ram rethei
ber chu a ni hauh lo va. Mahse
mihring lo pung zel leh an mamawh
dehchhuah tlem tial tial avangin mi
pakhat lâk luh tlèm lama 10-na
lamah a tla thla tawh a. Chutiang
khawpa neih nei tlemte zinga ‘holiday’ hman chu eng tin nge a
hahdamthlak theih tehlul ang?
Safari
Kan zinna \antir lam chu safari
nuam tak a ni a. Phùlah, arsi eng
hnuaiah zan ruk ngawt kan riak a.
Nungcha hrang hrang phusa
vel en kual chu nuam kan ti hle a.
Ram sial te, zebra te, samak te,
sabuala hippo phusa lai vel te, sakhi
ram tlá te, sazuk leh ram bawng
te, hyenas ü thawm te, zawng leh
giraffe leh sai rual te pawh kan hmu
a. Nuam tak a ni.
Kilimanjaro tláng chhîpa vúr
vár vö mai chu en nin theih loh
khawpa ropui hi a ni a, van
.
June 2016
•
51
dumpawl chhana chhum var en
ang maia sáng hi a ni. Sava chi
hrang ka hmuh apiang ka
chhinchhiah zel a. Ka chhinchhiah
chin zawng pawh 89 lai a ni.
Tlaiberh leh chawngzawng pawh
thliar hrang hlei thei lo khawpui
tlangval meuh pawhin heti zat hi
ka chhinchhiah thei a nia!
Inrinni tlaiah chuan ramsate
khawvel a\angin mihringte khawvel
lamah kan lêt leh a. Richard-a leh
Gretchen-i ten an \anpuina hmanga
an laih tuichhunchhuah awmna
khuaa kan kal hmain, Naivasha Dil
en theihna lai a\angin lodge-ah kan
riak leh a.
Chu lodge chu, Kenya British
awp ram an nih laia an sak a ni a.
England ram thlalak te an tar a.
Sap hmeichhe zahawm tak tak,
chumi tual zawla an thingpui in
lai thlate an tar a, pindan tinah rose
pangpar an lo dah bawk a. Chu lai
hmunah chuan inkhawmna biak in
a awm leh awm loh kan zawt a. A
awm tih min hrilh a.
Chawlhni Inkhawm
Chawlhni zing dar 9-ah Jeepin, thingtlang kawng chhe takah
thingtlang khuate tlan tlangin kan
kal zel a. Naupangte chuan bán vaiin
chithlum mum te min lo dil a. Biakin chu cement-a in sak chinai
hnawih var, a chung rangva, a
chhuat lei a ni a. A hming erawh
52
•
Lengzem
.
June 2016
chu ropui tak a ni: Living Water
Gospel Church World Wide tih a
nia.
Keini American parukte \hutna
turin a hma lamah plastic chair
paruk an húng a. Inkhawm dang
zawngte chu ‘YMA \hutthleng sei’
ah an \hu thung a. Bible, keu nasat
tawh vanga zawr hniang tawh chu
an zir ta a.
Chung lam ka han hawi chho
a, in chung rangva chu a pawp nasa
em em mai a. Ruah súr ta se a hul
lai a vang viau zawk awm mang e
tih te ka ngaihtuah a.
Aw t i h r i n n a l e h c h e i n a
hmanrua a awm lo va, biak in
t u k v e rh
leh
kawngkhar
darthlalang cheimawi a awm lo
va, in chung lam a\anga eng mawi
hmanga chhun kual vel a awm
lo va, chuti chung chuan
maichama thuziak an tar: Tu pawh
mi ring chu Pathian Lehkha sawi
angin tui nung luite a pumah a
luang chhuak ang,” (Johana 7:38)
tih chu langsar tak a ni.
Amazing Grace
Kan zai \an ta a. |halai rualte
chuan zai an hruai a. Khuang vawtu
pakhat bakah, naupang pakhatin
motor wheel rim a vuak ri kauh
kauh chu kan rimawi chu a ni mai
a. Kan zai ve a, ban vai leh insawiin,
Swahili nunphung mil thei ang
berin kan bei ve a.
Lengzem
Chutia kan zaiho lai chuan
Carol-i chuan, “Hawh u, an tán
hian hla i sa ve reng reng teh ang
u!” a ti a. Kan ding a, ‘Amazing
Grace’ hla kan sa a. An pastor
bengvar tak mai chuan Swahili
\awngin mipui a sakpui chhunzawm
a. A nuam kan ti hle mai.
Ni e. Lei lam thil neih kan
sawi dawn chuan, chu kohhran
chuan kan ram United States-a
mipuite neih ang engmah an nei
phâk lo a ni ber a. Mahse thlarau
lamah neih an ngah thung a. Pastor Cornelius-a chuan Swahili
\awngin thu a hril a, a ‘pro’ pastor chuan keini tan Sap \awngin
min lehlinsak bawk a. An kohhran
hmingah khawvel huap (worldwide) an phuah nen pawh a
inhmeh viau e.
Anni inkhawm chu an rei \hin
a. Keini kan tel ve avang chuan,
hum hmangtu Pastor chuan a sana
chu a en deuh sek a. (American
ho chuan inkhawm rei an ngaithei
lo tiin tuten emaw an hrilh a ni
ngei ang)
Mipui lam chu ka han hawi
kual a. An thawmhnawte chu a
fai nek a. Kawng a khu nasa si
a, puansûkna tur hmun leh tui
an nei bawk si lo va, engtin nge
an invawn fai theih aw.. ka ti zawk
a. Naivasha dil chu an ring a ni
ber ang.
‘A tlem lutuk!’
Richard-a chu mipui hmaa thu
sawi turin an sawm a. Lawmthu
sawi pahin, he ram mawi tak en
tur ringawta kal kan nih loh thu
leh, Kenya ram hmun dangah ‘anni
anga tui nung leh dil mawi tak nei
ve lote tan’ tuichhunchhuah laihna
tur sum an tuak thu a sawi a.
Thawhlawm an rawn khawn
ta a. Nu pakhat hian ip lian tak hi
a rawn dawh kual a. Dollar 20 ka
phawrh a. Carol-i chuan, “A tlem
lutuk!” tiin min rawn bekbawr sap
a. Ka han indap a, phêk dang ka
zuk dap fuh a, ka thawh belh leh
a. An mamawhzia ngaihtuah chuan,
thawhlawm thawh rau rauvah,
mamawhtu tak tana thawhah kan
inngai a ni.
Pastor Cornelius-a chuan a sana
a en nawn leh a, a \awng\ai a, Hla
pakhat kan sa leh a, inkhawm kan
bang a. Inkhawm banah, keinin
thingpui leh a hmeh in paha dinga
kan titiho ang deuh hian, ei leh in
tel lovin, kan ding khawm a.
Vawi tam tak “Kan lawm e.
Kan lawm e!” kan ti a. Kan
cellphone-in thla kan la \euh a. email
address tam tak kan inpe kual bawk
a. Kan jeep vaivut kai paw thúrah
chuan kan lût leh ta a.
Nunna Tui Malsawmna
Kan tlanchhuahsan \an tihah,
Pastor Cornelius-a chuan biak-in
.
June 2016
•
53
a\angin tihtakzet hian min rawn
ûm a. Kan ding leh a. Lehkha ip
hi a rawn lek chhuak a. Sap \awng
uluk tak hian, “Thilpek angin hei
hi dawng turin kan duh a che u,”
tiin lehkha ip chu Richard-a a pe
ta mai a. “Kenya ram hmun
\henkhata keini anga nunna tui
malsawmna dawng ve lote tana
tuichhunchhuah in laihsakte tan
kan thawh ve ang e,” an ti a ni.
Lawmthu hrilh mawlh mawlh
pahin kan in\hen a. Kawng lakah
chawchhun eia kan chawlhna
hmunah Richard-a chuan lehkha
ip chu a hawng a. Pawisa note
chhah tawk tak hi a lo awm a.
Biak-ina dollar note-a kan
thawhlawm thawh te kha, a ngai
ngaiin, a kim thlapin lehkha ipah
chuan an thun a, chumi bakah,
anmahni Shillings note eng emaw
zat a awm bawk a.
“Inkhawm thawhlawm zawng
zawng kha... kan thawh bakah an
thawh zawng zawng nen min pe
vek a nih hi!” kan ti a, mak kan ti
em em mai a.
Bible-a hmeithai thawhlawm
thawh thu kha kan ramah chuan
tehkhinthu angin kan sawi \hin
a. Hetah, tunah tak hian, a taka
hmutu chu keini hi kan lo ni ta.
Retheihna hmachhawn hi thil
nuam a ni lo. Chuvangin Kenya
kal hi kan hreh rù a nih kha.
54
•
Lengzem
.
June 2016
Mahse, retheihna hmel hmu tura
inngaite khan, a hringhrana rinna
inpuanchhuahna lang chiang tak
leh duhawm tak mai hmel kan
hmu ta zawk a. Kristian hmasate
neih
in\awmna
nunphung
nunpuitute nun kan hmu a. A taka
han hmuh meuh chuan, tirhkoh
Paula \awngkamte kan ngaihtuah
chhuak uai uai ta mai a ni.
Kan haw hnuah pawh, Pastor Cornelius-a nen chuan e-mail
hmangin kan inbe tawn reng a.
A lehkhathawn chu Bible-a
tirhkoh Paula lehkhathawn ang
maia thlarauva induhsakna
\awngkam mawi leh zahawm tak
hi a ni ziah a. Chumi \uma
Naivasha-a kohhran thil phal tak
mai, Living Water Gospel Church
tlawhtu \hianzaho chuan, an
kohhran tan thil eng emaw tihsak
\hain kan hre ta a ni.
Library
Inkhawma kan hmuh ang
khan an Bible kente kha a hluiin
a chhe em em tawh a. A thar
pêk theih kan inring ta a. Pastor
Cornelious-a hnenah chuan,
“Kristaa ka unaupa...” tiin, ama
thu rawn thawn dan ang chiahin
thu ka va thawn ve a. “In kohhran
tan library dinsak cheu kan rilruk
a. Eng lehkhabu nge kan rawn
thawn ang? Duh deuh bikte in
nei ang em?” tiin ka zawt a.
Lengzem
Lehkhabu list tawite a rawn
thawn a, lehkhabu dahna chhuar
siamna man ka zawt leh a, min rawn
hrilh a.
Pawisa inthawn tawnna Western Union kaltlangin pawisa ka
thawn a, lehkhabu chu ka chahsak
bawk a. Amazon-in Naivasha-ah thil
an thawn thlen theih loh avangin
mahnia daka thawn a ngai a. Daka
thawn man senso chu a tam duh
hle mai.
Rei tak chhung chu ka nghâk a.
Ka thil thawn chu a thleng zo ta lo
a nih ka ring hman hial a. Thla tamtak
a liam hnuah, Pastor Cornelius-a chuan
atira kan sawi tak Bible \awngkam
ang maia \awngkam mawi khan mail
a rawn thawn a. Lehkhabu dahna
chhuar leh lehkhabu thlalakte nen a
rawn thawn ka lo dawng ta a. A
lawmawm dan a ril hle mai.
Pastor Cornelious-a’n an
kohhran hminga ‘khawvel huap’
(World Wide) tih a belh ni khan,
tuirinfiat ràl a\anga zawmpui peng
a nei tak tak ang tih a ring phak
ang em tih ka hre lo. Tirhkoh Paula
\awngkauchheh ang chiah hmanga
lehkhathawn ziak \hin Kenyan Pastor nen e-mail hmangin kan inbe
\hin ang tih pawh ka ring phak
bik lo. Mahse rinna tlemte leh
beiseina leh \awng\aina tamtak nen
chuan, thil ropui tak hi a thleng
thei a lo ni 
.
June 2016
•
55
THU UARNA LEH
MAK TIHNA
K
an rin aia nasa/danglam thleng
thut tawn ruala mak kan tihzia
kan lantirna \awngkam hman bîk kan
nei. Khaw hrang hrangah hman dan
hrang a awm thei. A tlangláwn deuhte
chu: É khài! E hêu! Khai à! Chhe hêu!
Chhei! leh Chhéiraw khah! tihte a ni.
Pak chheih khah! tih a awm bawk.
chawt a. “Khai a! A tih chi dawn em
ni? Ka lo inring lâwk hlei nem!” a lo
ti ang deuh hi a ni.
E hêu!: Rin loh anga thil thleng phut,
mak tihna sawi nan a inhmeh. E hêu!
min hnek ka ti! Min cho ve khanglang
e lo?” tih te, “E hêu! A va râpthlâk
ve!” tihte. E hêu anga hman, Chhe
É khài!: (‘hello’ ang deuhin) Rin loh hêu pawh a awm a, \awng hlui a ni.
deuha han inhmuh thut te hian hman Chhei!: Chhei! Chhei le! Chhei chhei
theih a ni. “É khài! In dam maw?” chhei! tihte hi a hmanna a inang deuh
tihte leh, inauhna bul \anna “É Khài, vek. A tlangpuiin, hmabaka thil
lo kal khawm tawh rawh u le!” tih ang hmuhnawm leh phùrawm tak thleng
chi pawhin a hman theih. Khapna sawi nan a inhmeh: “Chhei le, bawng
\awngkam hawihháwm a ni thei pachal an insì e! Khawi zawk tak chak
bawk: “É khài, vïn lovin \awngkam ang maw!” tih ang chi hi.
mawi i hmang ang aw!” tih ang chi.
Chhei raw khah!: Infuih phùrna
É khài (thlûk hniam/sei) leh É khai \awngkam a ni. “Chhei raw khah!
(thlûk hniam/tawi) hi a hmanna a Kan thiampuipa khèlmualah a lo lût
dang daih. ‘É khai’ chu ‘Aih!’ tihna ta e!” tih te, mo lawi tur, “Chheih raw
a ni. “É khai! A tih chi loh. Zu in tur khah a lawi dawn e!” tih ang hi a ni.
chuan min tilui suh,” tih ang chi hi.
Pak chheih khah! |awng hlui, infuih
Khai à!: Thil hriat thut ruala phùrna \awngkam a ni. Thil put/phurh
duhlohna, hnarna leh hnialna tur han thawhpui dawn te hian, “Pak
\awngkam ném ‘Aih’ tih aia nèlawm chheih khah!” an ti \hin. “Khai aw! I
zawk ang deuh a ni. Vantlang hmaa han bei tak tak teh ang” tihna ang
thusawi turin tu emaw i va sáwm deuh a ni. 
56
•
Lengzem
.
June 2016
Y
ouTube maw? Ninawm!
Tunlai \halaite âtchilh, mu
sic video dahkhawmna, film
leh chêt chhiatna leh pherh ho video
clip dah-khawmna, thil ho báwm a
ni mai lo’m ni? Insawihmuh chi
loh... i ti em?
Eng nge awm?
A ni ngawt lo a sin, I zawn
peih chuan heng hi a awm vek nia!
In-kiss dan, tui hleuh,
chhungkuaa tùai leh patil enkawl
chhoh dan, fate thawnthu hrilh
dan, naupang pawntona leh
party-na game, naupang zan \ah
leh zuncheh, zu nghei dan, naute
diaper thlâk, tui heh lova puan
sûk leh phona awlsam, intihchèr,
mut tui dan, dangâwk leh hnar
(snoring).
Sari kaih leh necktie suih,
hmeichhe hmul ziah fai, inhmeh
zawng cosmetics thlan leh hman,
nail polish & lipstick siam, ke uih
rehna, zei taka high heel pheikhawk
bun dan, arngeng deh, zak kha leh
ke khi enkawl.
Lengzem
Damdawi lam maw? MRI,
damdawi ei huat, ruh tlîak enkawl,
mitthi ruang sawngbàwl dan.
Music, movies leh sports ngawt
a ni lo: Watercolour lemziah, tv
presentation, pangpar lem siam.
Ui leh zawhte vulh mai a ni
lo, Utawk leh satel leh tangkáwng
vulh dan thlengin a awm.
Choka lamah: Ar puah, alu
vel dan, rice cake, sangha ruh leh
kawchhung paih, tofu leh kimchi,
chopstick leh chukchu inkar a
awm vek.
Tui thlit fìm, hollow block
siam, thlanlung ker, kalchhet siam,
silk screening, thiam-hnáng deh,
la phiar leh puan tah, camera lens
thlâk, lehkhabu káwm tuam, nitha leh tui tha lak, graphene,
rawng hnawih, velcro, cellphone
hlui hman \angkai, condom
hmanna dang, electric wiring,
guitar pick-up siam, tawlailir siam,
drones, verhkhawl, chem leh
tuthlawh chher, lehkhathap hman,
thosi hlo awlsam, bike enkawl,
solid state disk, MS office, silai,
sairawkherh, driverless car, tui
pipe zawm, RCC chawhpawlh
tawk, winch tha chhawr, motor
tyre leh tubes hlui hman
\angkaina, cellphone signal tihchak
dan, alluminium welding, sazu
thang siam... Mi pangngai ka ni
chu i ti ve si a, pakhatah mah hian
i tui lo maw?
A nih leh: mi ropui leh thu sawi
thiamte
lecture,
interview
hmachhawn, body language, teaching aid/sermon/lecture buatsaih
dan, Power point presentation,
budget siam, ...khawpuia pèm tumte
hriat tur, khawvel tàwp leh allien,
lirnghin laia himna, belh leh paih
chak dan, project siam dan, social
media âtchilhna damdawi, theorem,
formula, theory leh theology
hrilhfiahna te, chanchin thar leh
hmabak thlirlawkna video clip
dahkhawmna a ni tih i hria em?
Farming lamah i tui em?
Kaikuang farm, in chung zawl
chuktuah huan, palm oil leh \helret
kung chin dan leh \helret sàwr dan,
elaichi (cardamom) chin dan,
thingrái kah rài dan, pa (mushroom)
ei chi leh ei loh chi, sawhthing leh
fú hmanga beer siam, tung hriak
hmanga varnish siam, thlai (plants)
photosynthesis tha hmanga phone
charge.. awm lo a awm lo!
Hetiang thil \angkai, eizawnna
leh puitlinna kawnga hringnun
kaihruaia tihmasawn thei, a ziak ni
mai lova a lem nena entirna video
clip maktaduai tel a awm lai hian,
Mizo \halaite hian, music video leh
.
June 2016
•
57
hlimhlawp thil chauh kan ngaihven
a nih chuan, hnam ral tur kan ni
tih a chiang ngawt ang le!
A tirah
Chutiang thil dahkhawmna,
‘YouTube’ an tih chu internet
thahrui leh computer khawl
kaltlanga khawvel puma video
inpektawnna website a ni a. He lama
tui mi, PayPal-a thawk \hin pathum,
Chad Harley, Steve Chen leh Jawed
Karim-a ten, 2005 Feb thla bul lama
an \an a ni.
Kum 2005 kum tir lamah khan
San Francisco-a Steve Chen-a ina
\hianho zanriah kilho paha party
video, cellphone-a an lâk chu an
han in\heh (share) dawn a, an in\heh
hlei thei ta tlat lo mai a. Cellphone
leh hmanraw dang hmanga video
clip tamtakte inpek tawn hleih theih
a nih si loh chuan a hlutna a
tlahniam a ni. Chuvangin, eng tin
nge format hrang hrangte hi awlsam
taka kan inhlanchhawn theih ang
tiin Chen-a chuan a ngaihtuah ta a.
Tichuan, 2005 a\angin YouTube
‘idea’ chu a lo piang ta a ni.
YouTube tih hi eng nge a
awmzia? TV chhuak hmasa kha
Cathode Ray Tube (CRT) hmang a
nih avang a ni thei a, TV hi American hovin Boob Tube an tih vangin
internet-a video en theihna chu ‘tube’
angin an phuah a ni thei bawk. ‘You’
nena kawpin ‘Your TV’ tihna ang
deuh a nih chu. Vantlang hmuha TV
programme tichhuak turin hausak te,
58
•
Lengzem
.
June 2016
thiamna bik neih leh hmanraw \ha
te leh lar te a ngai a. Tunah chuan,
YouTube kaltlangin, nangmah i
inpuang chhuak thei ta tih lantirna
hming ni awm tak a ni.
Kum 2004 Super Bowl show-a
Janet Jackson-i zai kha a hnute hmùr
a lang palh zauh a. 2004-ah tho khan
India Ocean vaukamah Tsunami
rapthlak tak a thleng bawk a.
Chutiang thil pahnih inang lo tak
video clip-te chu nasa takin Karima chuan a zawng a, a duh ang a
hmu mai thei lo va, video clip in\heh
tawn dan awlsam, \uan rang leh
remchang awm se tiin a ngaihtuah
phah a. Internet a\anga inkawp
duhte inzawnna ‘online dating service’-ah video clip inthawn duhte
hman tur siamsak rilrûk deuh an
ni zawk a.
Tichuan,2005 Feb thlaah an
pathum chuan www.youtube.com
chu an nei \an a. YouTube video
hmasa ber, Jawed Karim-a San Diego sahuana a lanna video chu 2005
April ni 23-a tihchhuah a nih hnuah,
Sequoia Capital (USA) ah inkhuarin
2005 November a\angin bul an \an
ta tak tak a ni.
YouTube |han chhoh dan
Mi maktaduai telin YouTube
video an en hmasak ber chu 2005
Sep thlaa Ronaldinho inlanna Nike
fakna a ni. Ngaihven a hlawhzia
an hriatin 2005 Dec ah tlang hriatin
an
intarlang
\an
a.
An
inpuanchhuah ni a\angin ni khatah
Lengzem
mi mtd 8 velin YouTube hi an
tlawh nghal a ni.
An \hang chak hle a, 2006 Julyah chawhrualin ni tin video thar
65,000 vel dah belh ziah ang vel a
ni a. Ni tina entu mi mtd 100 velin
an pung chho nghal bawk a.
Google chuan, YouTube chu
leia an thuhnuaia dah mai loh chuan
anmahni elpui lian tak a ni chho
dawna an hriat avangin 2006 July
ah khan, $ tld 1.65-in a lei ta a ni.
YouTube ringawt hian 2014-ah khan
Google tan $ tld 4 a thawk chhuak
a. Chuti chung chuan, a sum a
zawng chuan Google hian hlawkpui
an inti vak lo.
May 2010-ah khan, YouTube
chuan ni khatah tlawhtu tld 2+ an
nei tih an puang a. Chu chu US tv
network lian 3 belhkhawm entu ai
pawhin a tam tawh zawk. 2011 May
ah phei chuan, ni khatah tlawhtu
tld 3+ an lo ni ta. 2012 Jan-ah ni
khatah tlawhtu tld 4-ah an pung
chho tih an sawi bawk.
2014 ah minute tina an video
dawn belhkhawm chu darkar 300
daih a ni \hin tih an puang a. 2015
Feb a\ang khan, YouTube hian
naupang tan YouTube Kids site hran
an siam ta bawk.
2016 January-ah YouTube
chuan San Bruno-ah an hmunpui
an zauh a, $ mtd 214-in office park
nuam tak an siam a, thawktu 2,800
leng thei turin an invalh a ni.
Làrna hlawk lo!
YouTube \hatna tak hi a
\hatlohna a ni ve. Darh lo tura kan
duh a darh vak a, hralh tur kan
inthei-sem a, mi mal kutchhuak \ha
a riral zel a ni. Mizo zaithiamin
music video a siam a. Thlalak leh
edit-ah cheng sing 2, thawmhnaw,
veivahna leh hmawmsawmah sing
1 a sen bakah a hun kár 3 a khawhral
a. Man chawia chhuah hnua hralh
a tum laiin mi pakhatin YouTubeah a lo hlansak a. Khawvel puma
Mizoten lo enin, “I va han zaithiam
em em!” tih pahin kan chibai vak
a... Chu zawng chu!
He entirna a\ang hian,
YouTube chu a neitu hlawkpui chu
sawi loh, a hriatpui loh leh remtihna
mumal awm lova kutchhuak
inthehdarhsakna hmunpui a ni thei
tih YouTube chuan an hriat avangin,
fimkhur hle mah se, ni tina video
clip maktaduai tel a luh avangin
an fimkhur seng mawlh lo a ni.
Chutih lai vek chuan,
YouTube chu awm lo se khawvelin
tu nge leh eng nge a nih an hriat
loh turte hi YouTube avangin zan
khat thil thu-ah hriat hlawh tak
an lo ni thei ta.
Dah dan leh en dan
YouTube hian video hi
Quicktime (.mov), Windows Media
Video (.wmv), Audio Visual Interleave (.avi) leh Moving Pictures
Expert Group (.mgp) format-in a
dawng thei a. A file dawn chu Flash
.
June 2016
•
59
Video (.flv) ah a lo let (convert) leh
\hin a ni.
YouTube-a
video
file
maktaduai tel awmte chu fel taka
thliar hran vek a ni a. ‘Mizo’ tih
awm i en chuan, file hminga 'Mizo'
tih awmna dangte chu, i en duh
takin, a sirah a rawn inchhawp
chhuak nghal mai ang. A hming
bakah, i sulhnu a\angin i duh zawng
tur awm deuh a chhawpsak thei
bawk che. Entir nan: fashion, rock
music, LED lights, wild animal,
movies, bathroom designs... machine hand tools, rice cultivation,
tablet... tih zinga eng ber emaw hi
i zawn fo chuan, a rawn chhawp
chhuahsak tam zel mai ang che.
Tuna an tih danah chuan,
YouTube hmangtute chu, YouTubea video dah, thawn darh, fak (rate)
leh a chungchang tarlanna
remchang siamsak an phalsak a ni.
Thil dang ang bawkin YouTube
sum hnár chu fakna a ni. Video kan
en dawnin, reilote fakna kan en
hmasak a ngai \hin. Member kan
nih chuan, kan video en
chungchanga kan ngaihdan te kan
tarlang (comment) thei a, \ha kan
tih leh tih loh kan lantir thei bawk.
Mizoramah internet speed a
chak loh avangin a hlutna angin
YouTube hi kan ka chhawr thei lo
va, a video clip sei zawng aiin en
theih tura a inpeih chhung a rei
zawk deuh ngei ngei a ni. Internet
speed chungchangah chuan mi fate
60
•
Lengzem
.
June 2016
bullet train-a an zin laia tractor-a
zin ang vel kan ni. Internet speed
chakna ramah chuan YouTube-a thil
hi anmahni khawl lamah suan lut
tawh lovin, YouTube-ah chuan an
duh thlangin playlist an siam mai
a. Chuta \ang chuan an duh chu an
en in an ‘share’ mai a ni.
YouTube hmabak
YouTube entu an tam zel
avangin, Television company lian,
CBS, NBC leh BBC te chenin,
YouTube nen an lo inthlunzawm
ta a. Oprah Winfrey leh Paris Hiltoni te pawhin remchangah an hmang
ve ta zel a. En an lo hlawh zawk lo
thei lo si a. Vantlang thil aia an
kutchhuak langsar zawka chantir a
nih theih nan, a phenah eng thil
nge an tih hriat a ni tawh si lo va,
a tirah mi naran inpuanchhuahna
tura siam kha corporate khawvelin
an luah leh \an ta.
Lengzem
A tirah video inpek tawnna mai
atana siam kha tunah chuan, TV
aiawha YouTube hmangtu an tam tial
tial a, “TV chuan an duh hunah an
duh content min entir a, YouTube-ah
chuan kan duh hunah kan duh content kan en,” an ti tawh zawk a ni.
News rau rauvah, a chhuahtute ngaih
pawimawh ni lovin a entuin a ngaih
pawimawh kha a thlang khawm mai
a ni. Google chief business officer,
Omid Kordestani sawi danin, kum 1849 inkar zingah, US cable network mal
aiin YouTube hi a lian tawh zawk a
ni. Chuvangin, TV chhuak thar tamtak
hi internet leh YouTube en theiha siam
a lo ni ta a. Mizoramah, kum 20 hnuai
lam zinga tamtakin land-line telephone
an hmu tawh meuh lo ang hian, tun
ang zela YouTube a \han chak chuan,
tuna nausente hi an lo \hanlen hunah,
TV kan tih leh YouTube hi an hre
hrang tawh lo vang 
MS WORD VIEW>SPLIT
MS Word-a View>Split hi i hmang ngai em? |awng dang a\anga thu let
\hinte tan a remchang khawp mai. Kan thu lehlinte hi lehkhabu (hard copy)
a ni kher tawh lo va. Film script pawh, a film-a thu bet (embed) phawrh luih
(ripped) a ni deuh zel a. (Lz chhiartute zingah film let \hin in awm nual tih
kan hria!) Ms Word View>Split hmangin computer screen chu kan duhna
laiah (a chanve-ah) kan phel a. Entir nan, chung lamah English film script
chu kan dah a, chumi en pahin hnuai lamah Mizo \awnga a lehlinna kan
ziak mai a. A ruala en kawp theih a nih avangin hna a sâwt. Lehlin hna
bakah, thuziak eng emaw chhiar paha summary, compare, synopsys, comment ziah nan a remchang hle. Screen chanve chung lama original text
chhiar pahin a hnuai lamah kan comment... vel chu kan ziak mai a. A hranin
a tawlh thei ve ve si a. |ha deuh a ni. Lo ti chhin ve teh.
.
June 2016
•
A awmze hnaih ber zawng chhuak la, a dik hnaivai ber..
HRE THEI RAWH LE
1. |eh: (A) Darh hak (B) Nasa
(C) Sava kei sei tak (D) Mizo
taka pawp (C) Mizo \awngah a
hnam hming.
awm lo (D) Buh phona tura
8. Vakiría: (A) Vaki chi khat
hnang tah.
mawi tak (B) Mizo puan de2. |hàl: (A) Ngháwng leh áwm
sign (C) Vaki changa
inkar (B) Banpuam chhung lam
cheimawi ‘lukhim’ (D) Vaki
(C) Malpui chhung lam
ang deuh sava tereuhte.
D) Taksa chhunga organ.
9. Vàn-kài chaw: (A) Mitthi
3. |íau: (A) Thil tenawm (B) Lui/
thlai chhiah (B) In\hen dawna
vàu kama lung nawi awm
chaw ei khawm (C) Dam lo
khawm (C) Vàu kam (beach)
thih dawna chaw ei hnuhnung
(D) Hmanlai silai chi khat.
(D) Thlarau lam chaw.
4. |umthei: (A) Pangpar hming 10.Vohbîk: (A) Lian/\ha bik
(B) Mizo \awngah a awm lo
(B) Remchang siamsak
(C) Pheichham sawina hming
(C) Kal hmasaktir (D)
dang (D) Theirah ei theih loh
Duhsak bik.
sawt duh tak.
5. Úai: (A) Hnuai lama chhuk
(B) Zawi vek (C) Thi teuh
(D) Hring \ha tawh lo, vúai \an.
6. Ulâwng: (A) Luia rannung,
(B)
Dáwngthlek
note
(C) Amaha awm sawina
(D) Hnim chi khat, vawkchawa
hman theih.
7. Vahái (A) Sava hmui lian tak
(B) Savate, hmui sei tak
TEHNA: 1 dik = point 1
Point 8 chin chung:
Mizo \awng thiam
pangngai tak i ni.
Point 3-7 inkár: I
inzir chuan beisei–
awm tak i ni.
Point 2 chin
hnuai: Zir
tur i ngah
khawp
mai.
61
62
•
Lengzem
.
June 2016
Lengzem
Hre thei rawh le
CHHÀNNA
CrossWord
1. |eh: (A) Darh hak. Lìr nghìn 6. Ulâwng: (A) Luia awm chi
rualin inkhawm kan \eh hak mai.
rannung: Ulâwng sa an ei \hin.
2. |hàl: (C) Malpui chhung lam: Ka 7. Vahái: (A) Sava hmui lian tak:
\hàl a na.
Vahai hi hornbill an ti.
3. |íau: (B) Lui/Vau kama lung nawi 8. Vakiria: (C) Vaki changa cheimawi
awmkhawm: |íau vaivut hi tulaiin
‘lukhim’. Kawrchei ha chunga
Balu kan ti
Vakiria khim hi a inhmeh.
4. |umthei: (B) Mizo \awngah a 9. Vàn-kài chaw: (A) Dam lo thih
awm lo.
dawna chaw ei hnuhnung: A thih
dawnah chaw a ei \euh a, a vàn-kài
5. Úai: (D) Hnah (etc.) Hring \ha
chaw tur a lo nia.
tawh lo, vuai \an: An\am hnah úai
vek tawh tlak chu a tui lo
10.Vohbîk: (D) Duhsak bik. Chibai,
Vohbîk, Lalpa i hnenah a awm..
CW May Chhanna
KHUALZIN pakhat, thil chîk-mi hi theihai bukin a zàr hlim lungdawha \hu-in a
hahchàwl a. A hma zawn huanah chuan, mái leh hmazil leh dawnfawh rah lian
pui pui mai a va hmu a. A rah chu a len hlawm tehreng nen, a kung chu
kutzung\ang tiat lek lek a ni a. Khualzin fing inti tak chuan, “Heng thlai
siamtu Pathian hi a va mawl ve aw! Hetianga rah lian khái thei tur thingkung
lian pui pui a siamah hian mai te maipawl te leh dawnfawhte hi rahtir zawk
sela, a inhmeh zawk bakah Pathian fing tak a ni mai tur a nia...” a tih lai mekin
thlifim a lo tleh a, chung lam a\anga theihai rah lo tlà chuan khualzinpa chu
a lu-ah a déng ta fawk mai a. Chu veleh, “Heng thil siamtu hi Pathian fing a
va ni em! Mái leh dawnfawh leh hmazil lian pui puite saw theihai kungah hian
rahtir ta zawk sela chuan, kei hi luhaiin helaiah hian ka tlu reng tawh awm si
a!” a ti leh ta zawk a.
|ha zawka kan rin dan hi kan \hatna lo tur zawk a ni fo.
Lawmman lak i duh chuan i chhanna hi i thehluh
a ngai. Crossword I Phek 63 & 64 hi tidik vek la,
Lz Office-ah rawn thehlut la, lawmman \ha tak i
dawng thei tih kha hre reng ang che. Thehluh theih
hun chhung leh lawmman chungchang chu phek
lehlamah hian tarlan a ni e.
.
June 2016
•
63
A phei
1. Mau chhung lam, a na ni lo lai;
a chhung hnip lam.
5. Mumanga thil hmu ang deuh leh
harh deuh bawk sia awm.
6. Khawvel ram pakhat hming
lamtawi.
7. A bul chu Lalpa \ih a ni.
8. |awng awmze nei hran lo, a
kawppui a zirin 'nasa / zual bik'
tih te a kawk ber.
10. Dodal ru deuh reng; sawisel
chana chang reng.
12. Damlo/mitthi te zawnna
hmanrua.
14. Vau hrul hnim te, kawng hrul
hnim te sawina.
15. Natna kai theih vei avangtea
hlau rilru; innel lo.
18. Thil upa; thil hlui tawh tak
sawina.
19. Mi tluk tum emaw, khum
emaw tuma bei.
21. Damlohna; hrisel lohna.
22. Mizo pi leh puten kan \henawm
ram Lal pakhat an sawi dan.
23. Thil rit; zang lo.
A chhuk
2. Mi awmna luah; a awm hmasa
nek chhuak.
3. Mi aia hniam bik lo nih tum.
4. Thil tih tur rang taka ti zo; ni
khat thil thu-ah emaw.
5. Lian tak, thil/mi engpawh tam
tak len theihna.
7. Thlai/ran \hang thei lo; tê.
9. Nep lo tak; hleihluak; tam tak.
11. Ramsa/ransa in a ki-a sik tuma
nawr vak.
13. Tui a\anga lo chhuak, a puiin
a awp lum \hin.
14. Bapui peng te te, a ei ve theih.
16. Awmna/dinhmun midangin
luahsak fo sawina.
17. Thil hlawh chhuah; hlawh
chhuak tura thawk.
18. A nih dan dik tak aia nasaa
sawi/tilang.
20. Mi an luha an chhuah noh
nohna; an insul zut zut na.
64
•
Lengzem
.
June 2016
Lengzem

L
T
S
K
R
S
THLA HMASA REMDIK
CHHANNA
A I Z A WN
H E R E N G
U M F A N G
A L S I A M
I N D U A P
E N S I A R
K
D
K
V
B
D
H
A
A
A
U
A
U
I
M
U
H
I
M
D
K
K
B
K
F
E
E
A
A
A
A
P
U
M
L
L
Chhànna hi lehkhathawnin emaw sms
(9862614679)-in emaw thawn theih a
ni. Tun thla ni 20 thleng chhanna kan
dawng thei. Chháng dik vek mi 3
hnenah an vanneih dan indawta
lawmman hi pek a ni ang.
LAWMMAN : 1. Rs.100. 2 & 3 Rs. 50. leh
Hnehna Hlado Bu 5-na
Lawmman dawngtu chuan Lz Officeah thla thar ni 20 hmain lâk tur a ni.
May 2016
Lz Crossword & Remdik
lawmman dawngtu chu...
phek 4-na en rawh
.
June 2016
•
65