THALAI KRISTIAN PAWL : CHAWNGTE PASTOR BIAL `KRISTA

THALAI KRISTIAN PAWL : CHAWNGTE PASTOR BIAL
‘KRISTA LEH KOHHRAN TAN’
Vol – XIII . Issue No. 4.
July – August 2015 - Bi-Monthly Bulletin - Phek khatna
Sermon THUPUI – Pahnih hmun khat Pahnih ‘Phir’
Lalpa chuan a hnenah, i chhûlah chuan chi hnih an awm a, i pum chhûng aṭang ngei chuan hnam hnih an
inṭhen ang; hnam pakhat chu hnam pakhat ai chuan a chak zawk anga, Tin, a upa zawk chuan a naupang zawk
rawng a bâwl ang, (Gen 25:23) “Jakoba ka hmangaih a, Esauva erawh chu ka hua” (Rom 9:13)
Pakhat hmun hnih chu pahnih a ni a, a châng chuan pahnih hi pakhat anga sawi châng a awm, Phir Nupa
pumkhat tih ang tein. Chhûl ruak pakhatah mi pahnih an awm a, chi hnih hnam pahnih a chak zawk tûr leh a
chaklo zawk tûr an awm ang hian mi pakhat, tupawh maiah hian mi pahnih minung insual leh intai reng hi an
awmin ka hria a, an indo reng ṭhîn a, chu chu tisa leh thlarau keimahniah indo reng ṭhîn kan thlawp apiang a
ding chang anga hnehtu a ni ang.
Bible Genesis bu-ah hian phir hringtu mi pahnih
Rebeki leh Tamari te kan hmu a, a inhlat êm êm lo.
Pakhat zawk hi chu an nu pumchhûng aṭangin an
insual tawh ṭhîn a, pakhat zawk erawh hi chu chhûl
aṭanga chhuah dâwnah an inpawt ve deuh a ni, a mak
hlê mai.
Mihringte hi mahni ang taka fa/nau hring ṭhîn
chi, tumkhata pakhat hring/nei ṭhîn, bâwng, sial, sâi
te ang deuh kan ni a, miin nauphir a pai chuan a
hahpui êm êm mai a, an pian laiin an enkawl pawh a
hahthlak zawk a, an buai phah êm êm ṭhîn a, ṭhenkhat
phei chuan vanduai pawh an inti hlêin a rinawm.
Chuvângin miin phir a neih hian inlawmpuina
ṭawngkam hman pawh fimkhur a ngai viau dâwn a ni.
Phir in neia an va duhawm hlawm êm ! I hahpui hlê
dâwn nih kha ! tia in lawmpui chi a nih ka ring.
Ni e, Mihringte hian tunlai khawvêlah chuan
phir, pahnih aia tam, pathum, pali leh panga lai
ṭumkhata hring te pawh kan awm tawh ṭhîn a ni tih
chanchinbu lam te pawhin a chhuah fo ṭhîn a ni a, a
mak hlê a ni. Phir, pahnih sawina ṭawngkam hi
mizote’n kan nei a, phir, pahnih aia tam sawina
ṭawngkam hi kan nei chiahlo em ni âw ! te ka ti ve mai
mai ṭhîn a, phuah chhin dâwn ila – miin phir ṭum
khatah mi pathum lai nei/hring chhuak se, lungthu
zât a nih avângin ‘Fa lungthu’ ti ta ila. Pali a nih
chuan ‘Fa kawlkil’ panga lai te anih chuan ‘Fa
kuttum’ te ti ta ila. Pathum/pali/panga a nei tih ai
chuan benga a rik luh dân a zia-awm deuh ngei ang.
Nula leh Tlangval nupaa in siamte’n an damchhûngin
fa pakhat chauh an neih chuan, Bawm ho chuan ‘Fa
tum pa awk’ (Fa tumbu) anti a, pahnih chauh an
neihin ‘Fa chaicheh’ anti a, pathum chauh an neih
chuan ‘Fa lungthu’ anti ṭhîn. Hmanlai deuh fa tam an
duh lai hun kha a ni. Mi te hian fa phir neih hi an duh
vak lêm-in a rinawm lo. A lehlam taka ngaihin a
zahthlâk deuhna lai pawh a awm mai thei. Tin, a
enkawl pawh nausen ṭumkhata pahnih enkawl chu a
hahthlâk viau dâwn a, hmânlai phei chuan nu hnute
bâk engmah pêk tur an nei dawn si lo. Nuin hunawl
pawh a nei ngai lo va. Pasalte leh an chhûngte mitmei
veng rêng rênga mo te an awmlai hun angah te chuan
an hahin an rim a, chaw ṭha tak ngial duh ang tawkin
an eiin an in theihloh phei chuan tunlai anga in
ngaihsak leh chaw ṭha inngaihtuah sak a awmloh phei
chuan nute’n an tuarin an thih phah fo ṭhînin a
rinawm. Chuvângin hnam mawl leh â te phei chuan fa
phir neih hi an duh lo va, thianglo-ah an ngaia,
ramhuai fa tiin an naute hrin leh a nu chawpin an
tihlum fo ṭhîn anti a ni.
Tichuan, kan pi Rebeki pumah/chhûlah chuan
phir, hnam chi hnih – a chaklo zâwk tûr leh chak zâwk
tûr an awm thu puan chhuahin a awm ta tlat mai.
Chuvângin keimahah pawh hian ka thinlungah hian a
ṭha leh ṭhalo, indo insual reng ṭhîn hi a awm a,
thlahtute buma an awm ni aṭang khan a chhia leh a
ṭha hriatna a lo awm a. Ṭha leh ṭhalo, sual leh sual lo
chhûngril lamah an lo indo a, pawn lamah te pawh a
lo lang chhuak hial ṭhîn a ni. Chuvângin nang pawh
kha phir, mi pahnih kha i ni.
Mihring taksa bung hrang hrang inkawp vek
phir vek pawh hi ngaihtuah chian chuan a mak a ni.
Mit pahnih, kut pahnih, beng pahnih te intiat chiah lo,
in-ang chiah lo, in chak hleih, khawhmuh dân pawh in
ang lo mit tê leh ke veilam chauh chhawr thiam. Kut
dinglam chiah hmang thiam kan nih dân te hian ropui
zâwk leh ropui lo zâwk an awm tûr hi a lo entîr lâwk a
ang khawp mai.
Paula’n Adama hmasa leh Adama hnuhnung a
tih angin mihring hmasa bawhchhetu, sual
rawngbâwl reng fo. Sual lam âwn tlat mihring
helhmang Esaua anga ramchhuaka sapela a thah tûr
ringawt ngaihtuah ṭhîn, (Phek linaah chhunzawm a ni)
TKP, Chawngte Pastor Bial : July – August 2015 - Bi – Monthly Bulletin - Phek hnihna
Editorial Board
Editor
Vanlalduhawma
 9402176606
Jt. Editor
Omeg Lalramkinlova
 9402198123
Lalthanzuala  9862283234/9402190702
Cir. Manager
Rbt. S. Lalremruata
 9612663300
Ex-Officio
Rbt. PL. John Maryan  9436966238
Rbt. K. Lalramenga
 9436956490

Editorial ……
Zunin pakhatah hian zung tûrin ka lût
a, chuta an thil ziah mak dangdai zet mai
chuan mi tihrilhhai hle a, mak ti takin ka
thlêk reng a, Zunin a ni a, ‘E SUH’ tih inziak
tlat mai chu thudik a nih rual in, hriatchian
sa a ni bawk si. A lo mak lemlo a niang kha
zuninah khan EK a lo awm tak tak chu ni in,
ka thil tawn leh thuziak pawh chu inmil
hlein ka hria a, a ziaktu ṭhahnemngaihna ka
thlirpuiin a ropui ka ti rilru zawk ta mah a
ni.
TKP Member nih leh Vantlâng
Property venhim te, dimdawi taka enkawl hi
inhmeh tak a ni. Kan pi leh pute hun lai
pawh khan ṭhalaite hi khawtlâng
inthlamuanna te, khawtlâng tinuamtu te an
ni ṭhîn a, tun hunah erawh chuan khawtlâng
tiralkheltu, khawtlâng tihminghliautu kan
ni ta zawk a nih hi, Vêng emaw khua emaw
tinah hian Vantlâng property, chi hrang
hrang a tam êm êm a, Mimal emaw
chhungkaw bil emaw ta ni hauh lo,
khawtlâng in a mamawh êm êm a lo tam hle
a, amal te te a, sawisen pawh a nilo. Neitu
awmlo ang maiin alet remrum a, a
bawlhhlawhin a ten-awm êm êm bawk ṭhîn,
mahni mawhphurhna hreloin kan kal pel a,
kan thlir liam mai mai ṭhîn a nih hi.
Mahni In tukverh leh kawngkhar
kalhna ṭha tak kan neih lai in kan vêng
chhûnga Hall leh School kawngkhar kalh
theih loh a tam hlê a, kan In a
bawlhhlawhbawm a khat zung zung angin
khawlai a bawlhhlawhbawm erawh a khat
har hle thung, khawlai hmung engemaw a
kuva eina chinai tât hrât leh chilchhâk chîng
tak khan a ina thutthleng mawi takah chuan
a tât phal tlat lo.
Engpawh nise hetiang hian thu han
zial mum teh ang, Pathian leh a kohhran
tâna thahnem ngaih taka rawngbâwl ṭhîn
khawtlâng Bungrua dimdawi na châng hrelo
chu a rawngbâwlna hian engnge sâwtna a
neih ang le?
SECRETARY REPORT
Pathian hruaina kan chang a, Bial TKP-in hmalakna tûra a
ruahman; hmachhawp kan neih hrang hrangte chu tih
hlawhtlinin a awm chho mêk a, tun dinhmunah phei chuan kan
Planning-te tihhlawhtlin a ni deuh vek tawh a, hmabâk tlêm kan
la neih te Lalpa ropui nana tihlawhtling tûrin ṭhahnemngai takin
ṭan ila thar zel teh ang u.
Kan hmalâkna leh Unit te’n a kan thil tihhlawhtlin te report
tlangpui hetiang hian kan târlang leh ang e –
1) TKP Ramthim Ni Bial chhung Unit tin deuh thawin kan hmang
thei niin kan hria a; Chawngte (P) khawchhûng, Shalom
Kohhran ten chhiat an tawh avângin Shalom Unit leh Horeb
Unit ten an hmang thei lova, a pawi hle mai.
2) Baptist Youth World Day of Prayer denchhen a Thalai, Lal
Isua la neilote’n Lal Isua an neih theih nana Chawnghei
ṭawngṭai neih tur tih pawh a hun takah (14th June, 2015) kan
tihlawhtling thei a, a lawmawm hle. (Thalai, Lal Isua la neilote
tana chawnghei ṭawngṭai neih hi kan Bial Agenda kha a ni a,
tihhlawhtlina a awm hi a lawmawm takzet a ni)
3) Kan hriat angin, MTKP aṭanga hmalâk tûr min chhawpchhuah
sak; Ram leh khawtlâng nun chhe mêk siam ṭha tûra
hmalâkna pawh kalpui mêk zêl a ni. Hemi puala hmalâkna
pakhat atan Essay Writing Competition buatsaih a ni a,
lawmman ṭha tak siam a ni bawk. Ziak ṭheuh tûrin kan
insawm a, kan inngên leh bawk e.
4) Ram leh khawtlâng nun chhe mêk siam ṭha tûra hmalâkna
kawng khat atan ‘Talk Show’ buatsaih tumin hma kan la chho
mêk bawk a, hemi puala Pathian hnena ṭawngṭaina hlân ṭhîn
têr pawhin kan inngên bawk a ni.
5) Kum 2018 TKP Chawngte Pastor Bial, Golden Jubilee lawmna
tûr atan a inbuatsaihna pawh a theih ang angin hmalâk chhoh
mêk a ni. Sub-Comtt. pawhin hmalâkna tûrte ngaihtuahin
ruahmanna a siam chho mêk bawk a, heng ruahmanna te hi a
hun takah hlenchhuah a, tihhlawhtlin anih ngei theihnan
Pathian hnenah dilin i hlân ṭhîn ang u.
Heng te hi keimahni’n hmalâkna tûr kan chhawpchhuah mai
ni lovin, MTKP aṭanga hmalâkna tûr min hriattir te an ni hlawm a,
Lalpa ropui nana tihhlawhtlin anih ngei theihnan ṭawngṭainaah i
hlan mawlh mawlh ang u.
Tin, Headquarters-a kal tûr pawisa te leh Bial Target kan
neih te a ranglam zela Bialah chhûnglût tûr leh ngai pawimawh
tûrin kan inngen nawn leh bawk a, reiloteah Inkhawmpui kan
thleng leh mai dâwn a, hmalâkna tûr hun tlem te kan la neih
chhûng hian kan Plan te tihhlawhtlina a awm theih nan sum
chhûnluh i hman hmawh tlâng ang u.
Chawngte Pastor Bial, ṭhalai member zawng zawngte TKP
Day hlim taka hmang tûr leh Tisa leh Thlarau lama hlawkpui nana
in hman ngei theihnan ka duhsakna sâng ber ka hlân a che u.
Essay ziak turte tana hriattur pawimawh thenkhatte :
Kutziak emaw Khawlchhut emaw – mahni remchan dan angin thehluh theih a ni
ang a, kutziaka thehlut turte tan Gel Pen lam chi reng reng hman loh hram tur a ni.
 Essay ziah hun chhung bituk a rei avangin Essay ziaktu zawng zawngten
thehluh (Submit) hun tur bituk ral hma ngeiin thehluh vek tum tur a ni
TKP, Chawngte Pastor Bial : July – August 2015
- Bi – Monthly Bulletin - Phek thumna
HRIATZAUNA HUANG
Zirlaite tana hmakhaw-thlir (Career Guidance)
Ka hla duhzawng
ZAIIN KA HRIL DAWN
I HMNANGAIHNA HI
Nl. Baby Remruatpuii
Zaiin ka hril dawn I hmangaihna hi,
Ka tan hla mawi ber a ni si;
Misual dum ber min silfaina chu,
Ka damchhung zawngin ka puang zel ang.
He hla hi Kristian Hlabu a mi No.
525-na a ni a. Ka duh êm êm a, sak nuam
ka ti a. He hla ka sak apiang hian Lalpa’n
min hmangaihzia hi ka thinlungah a
chiang lehzual ṭhîn a ni.
He hla (Zaiin ka hril dawn i
hmangaihna hi) hmang hian Lalpa’n zai
rawngbâwlna bul min ṭan sak a, KNP ka
nih laiin a mi hmangaihna hi ka tan
hlamawi ber a nih thu ka lo auchhuahpui
tawh a. Chuvângin he hla hi hla dang
zawng aiin ka ngaina a ni.
Lalpa’n min hmangaihna hi
ringtute’n kan theihnghilh fo ṭhîn a, vawi
tam tak kan phatsan ṭhîn a nih hi. Mahse,
Lalpa Pathian chuan a mi hmangaihna kan
theihnghilh chung leh kan tlin loh leh
fellohnate pawh haiderin kan awm ang
angin min pawm duh a, kan phu vâng rêng
pawh ni lo va, a khawngaih rawngbâwl
hna min pêk te hi a va hlu tehlul em !
Hringnun damchhûng kum te hi a
reilo êm êm a, chu hun reilote pawh chu
Lalpa duhzawnga hman kan harsat hle
ṭhîn a, Lalpa hnena vân ina thlen hlân hi
ringtute hian nghakhlel tak tak ni ila chuan
Lalpa hmangaihna theihnghilh a, a duh loh
zawnga nun hman hi kan duhlo hle awm e.
Chuti a hnehin kan nun kan uluk lo tulh
tulh emaw ni, tih mai turin ringtu inti te
chu kan khawsa mêk zel chu a ni si a.
Amaha (Lalpaa) nun tak neitute chuan
Lalpa hmel hmuh hlan nghakhlel takin an
thlir a, Van in nuam taka chêng ve thei
tûrin Lalpa hmangaihna chu chhânglêtin
he khawvêlah Lalpa tan an nun leh hun
hlu tak chu an hlân ṭhîn a, an hlân mêk
bawk a, an la hlan zêl dawn bawk a ni.
Ka hla duhzawng tih min ziah saktu
Nl. Baby Remruatpuii hi TKP Horeb Unit,
Chawngte ‘P’ah Treasurer ni lai mek a ni a, a
chungah lawmthu kan sawi e. Ed…)
SSC : 10+2 PASSED CHIN TAN
‘Bial Aw’ chhuak hmasa lamah khan ITI lama Pawl riat passed
chin chunglam tana training theih hna chi hrang hrang kan
tarlang tawh a. Tun tumah ve thung hi chuan Chawngte Bial
ṭhalai rualte hian Staff Selection Commission (SSC) hmang
tangkai ila, Vairengte Check-gate tlan pelin, ‘Over to Delhi’ i ti ve
ang u hmiang kan ti thung a ni.
SSC in Central hnuaia Group ‘C’ Exam (Combined Preliminary
Examination for 10+2 Level Posts) a buatsaih zinga Pawl 12
passed chin tana hna tha zualte lo thlurbing ila. Heng hna chi
thum –Grade ‘C’ Stenographer, Grade ‘D’ Stenographer leh
Clerk’s Grade te la turin Exam thuhmun siam a ni ṭhîn a,
Preliminary Exam a passed te chu Main Exam phal sak an ni ṭhîn.
Main Exam-a tling te chu Typing/Steno test koh an ni ṭhîn a,
Minute khat chhûngin thumal 25-30 chhut hman tûr a ni a. Type
speed hi Mizoram aiin a hniam hret zawk awm e.
Heng Sevice leh an thawhna Office-te hi group ‘X’ leh group
‘Y’-ah ṭhen niin group ‘X’ a awm te chu Central sawrkar hnuaia
Department/Ministries hrang hrangah (a bik takin Delhi-ah) dah
an ni a, Group ‘Y’ a awm te chu Central sawrkar hnuaia
Department tê deuh zawkah leh State/Union Teritories hrang
hrangah an dah ṭhîn a ni.
Heng hna chi hrang hrangte hi kum tinin exam buatsaih a ni
ṭhîn a, Regional Director, Staff Selection Commission Guwahati
aṭangin Sub-Regional Employment Officer, Coaching-CumGuidance Centre for SC/ST, Aizawlah hriattirna a lo thleng ṭhîn a,
tichuan heng hna dilna form te hi a tam thei ang ber siamin, All
India Radio-ah te, Doordarshan Kendra-ah te, Local TV-ah te leh
Ni tin Chanchinbu-ah te puanzar tîr nghal a ni ṭhîn.
Hriattur pawimawh ṭhenkhat te –
 India khua leh tui dik tak tan chauh dil theih a ni. SC/ST
tan seat hauhbik a awm.
 Kum 18-27 inkâr tan dil theih a ni a, Steno Grade ‘C’ leh STte tan kum 32 thleng ngaihhnathiam theih an ni. Kum zat hi
Matric/Secondary Exam emaw a tlukpui Certificate-a inziak
chauh pawm tûr a ni.
 I Exam kum August ni 1-ah Matric emaw a tlukpui i passed
tawh tûr a ni.
 Scheduled tribe tan Fee pêk a ngai ve lo.
 Aizawl-ah Exam Centre a awm a, Aizawla exam tûr te
chuan dilna form chu a hnuaia târlan ang hian thehluh tûr a ni.
Regional Director (NER) Staff Selection Commission,
Rukmini Nagar, P.O. Assam Sachivaloya, Guwahati – 781003.
(Envelope kawma address ziah dân tûr a ni)
 Exam kalphung hi Test part-I leh part-II-ah ṭhen a ni a,
Part-I-ah hian General Intlligence niin Part-II-ah General
Awareness a ni a, Mark 100 ve ve niin darker 2 ve ve chhânna
hun pêk an ni ṭhîn.
TKP, Chawngte Pastor Bial
: July – August 2015 - Bi – Monthly Bulletin - phek li na
Saizawh ‘W’ Unit
Office Bearers :
President : Joseph K.Vanlalsawma
Vice Pre. : John V. Lalchansanga
Secretary : Samuel Rodinsanga
Asst. Secy. : V. Lalchansanga
Treasurer : V. Lalnunmawia
Fin. Secy. : Jonah V.Malthangpuia
Executive Comt. Member zat - 15.
TKP Chawngte Pastor Bial
Inkhawmpui 2015 kan hnaih leh ta
hle mai. He kan Inkhawmpui hi Bial
chhung Unit tin te’n Thlarau
malsawmna kan dawnna hun alo nih
theih nan Pathian hnenah dil ila.
A dawl tur Unit-te pawh an
inbuatsaih chho mek zel a,
inkhawmpui hlimawm tak kan hman
ngei theih nan a dawltu Unit tan
pawh i tawngtai sak ang u.
UNIT REPORT
Kamalanagar Unit
A. Office Bearers :
President : Pu J. Laldinfela
Vice Pre.
: Rbt. Lalrinthanga
Secretary : Pu A. Rualthanzauva
Asst. Secy. : Rbt. Lalenkima Renthlei
Treasurer : Nl. A. Zirthankungi
Fin. Secy. : Nl. Jenny Lalramengi
B. Executive Committee Member
zat – 7
C. Unit Member zat – 24
(Khawtuala awm leh khawpawna
awm) Mipa – 14 Hmeichhia – 10
D. Budget Estimate - ₹ 28,400/E. Programme Committee :
Hruaitu leh member telin mi 6
thlan leh ruat an ni.
Chairman
: Rbt. Lalrinthanga
Vice Chairman : Tv. Lalrinchhunga
Secretary
: Tv. A. Vanlalnghaka
Asst. Secy. : Tv. Malsawmtluanga
F. Thalai Entu :
Agent
: Pu A. Rualthanzauva
Lak zat (mimal) : 12 Copies
(A man bialah thehluh tawh a ni.)
Unit TKP Member dinhmun –
Hmeichhia – 49, Mipa – 75
Member zawng zawng – 124
Khawchhunga awm – 83
Khawpawna awm
– 41
Programme Committee Chairman
: John V.Lalchansanga
Vice Chairman : Zirsangzuala
Secretary
: Olivia Rodinngheti
Asst. Secy. : Joel V. Zarzoliana
Member
– 7
Thalai Entu lak zat – 45 Copies
Budget Estimate
Non-Plan
Plan
- ₹ 71,600/- ₹ 49,600/- ₹ 22,000/-
Planning :
1. Holy Bible chhiarchhuah.
2. Chaw nghei tawngtai v-1 neih.
3. ‘Thalai Aw’ chhuah chhunzawm.
4. Thiam thil thehkhâwm v-1 neih.
5. Computer lei (Running).
6. ₹ 1,000/-a Missionary Support.
7. Relief Fund dah.
8. 2015 Advent Christmas hman.
Unit TKP Anniversary : 15th Feb.
Unit TKP Diamond Jubilee – 2020
Tihhlawhtlin te –
1. TKP Ramthim ni.
2. MTKP Chawnghei tawngtai.
3. MTKP Rorel leh Bial TKP Rorel
bawhzui ngai te.
4. Unit Intlawhtawn(29thJune,2015)
committee-a tel peih lo. Mahni hna
leh sum hmuhna turah erawh
ṭhahnemngaia buai nilêng peih,
mahni tan chauh thawkrim a, mahni
tana sum khâwl a, Pathian tana
ngah si lo dinhmun tûr hi chu a râpawm mang e !
Kan Pi Rebeki fâte phir pahnih,
Esaua leh Jakoba hi an pianzia leh
an landân pawh hi an inanglo. A upa
zâwk Esaua chu mi hmul tak, a sena
sen tur mai. Ramvachal sapel mi a
nih laiin a nau zâwk Jakoba chu mi
mam tak, mi ti deuh chauh puanina
nu (kohhran) te bula chêng tlat mi a
ni thung. Mahse, a nu chhûla an
awmlai aṭangin an insual a, an
pianchhuah hnuah te, an puitlin
hnuah pawh an la insual
chhunzawm zel a. Isaka an pa
malsâwmna fa û zawk nih inchuhin
an indo chhunzawm zel a, a tawpah
fa û zawk malsâwmna chu Jakoba’n
a dawn khalh hnu pawhin an la
inhaw zui zêl reng a, phuba inlâksak
tumin an la in-um reng tho a ni.
Peniel hmunah Jakoba chuan Lalpa
zankhuain a buan a, a chak zâwk
avângin Lalpa’n a malpui ruh
chuktuah a khawih pelh sak a,
chuvâng chuan Jakoba chu hming
thar ‘Israela’ pêk a ni. Jakoba
(bumtu) ni tawh lovin ‘Israela’
Pathian fapa nihna pêk a ni a,
‘mihring leh Pathian i buma i hneh
ta.’ Chutah zet chuan Jakoba chu a
ke a lo bai ta a, chumi hnu chuan a û
Esaua nen an inrem a, ṭha takin an
inṭhen fel ta a ni.
Mihring hlui chu khenbeha
awmin mihring tharin Jakoba chu a
lo inthuam ta a, Bumtu misual kha
Lal fapaa vuah a lo ni ta a ni. A
naupang zâwk Jakoba, bumtu
misual kha Lalpa’n a hmangaih a ni.
Nangmaha mihring hlui zia ṭhalo
Kuminah hian Unit TKP chu Group
kha khêngbet la, Thlarau thara
pahnihah then niin Group target kum khat
rawngbâwl tûrin Lalpain a duh che
atan ₹ 10,000/- ve ve siam an ni.
a, pahnih (phir) ni tawh lovin Lalpa
tan chauh nung tawh ang che.
(Phek khatna chhunzawmna)
inchhungkhur
leh
kohhran AMEN
ngaihsak hman lo khawp a buai (Sermon zirtir nei tha tak mai min
inkhawm hman lo. Ṭawngṭai hman ziahsaktu Upa K. Rotlinga, Saizawh ‘W’
chungah lawmthu kan sawi e. Ed.)
lo, sande sikul kai hman lo,
Edited & Published by Vanlalduhawma on behalf of TKP Chawngte Pastor Bial, Printed @ RP Photo & Press, Salem Veng, Lunglei 350/c