docAmput dî dahwi, dî sahwi yaknin tunan muihni wark yamnin yaka
download 
Report Transcription
Amput dî dahwi, dî sahwi yaknin tunan muihni wark yamnin yaka
Nº 05 - OCTUBRE 2009 Amput dî dahwi, dî sahwi yaknin tunan muihni wark yamnin yaka Edición en Mayangna No. 3 • Agosto de 2010 • Tiraje: 500 ejemplares Amput dî dahwi, dî sahwi yaknin tunan muihni wark yamnin yaka Adika “Amput dî dahwi, dî sahwi yaknin tunan muihni wark yamnin yaka” wauhnitaya as ki pâ binina yak dî dahyang balna yak sumalna yamnin yulni dawak kaput laih dî dahyang balna kidi dî dahnin lainni yak baisa parasnina duduwarang, lalah lainni yak dawak yalahwa lainni yak bik yamni karang, nitni balna kidi bik minit bayakwarang adika sumalna kidi munah. Adika sumalna tani adika sahyakna bu kau ki. Aswa kidi yak dî dahwi, dî sahwi yaknin tunan dûyang tannika, ais yamnin dûwa kidi, amput atnin dawak ais sat warkni yamwa atnin kidi yulwi. Buwa yak laih yulwi tunan dûyang as kulnin aslah lâni kat sangnika laihwi talwi, sumalna yamwi, minittang talnin dawak kurih ul yak minit talnin, kaput bik kal uduhna balna isning pakna amput dawi dî yus yamwa balna kidi laihwi yamnin, kaput bik tunan dûyang ais warkni balna yamna kidi rawaswi danin. Adika laih rawaswi yakna ki Kulnin aslah kalahna dawak aslah lâni duwa Kabanmit adika INTA Instituto Nicaragüense de Tecnología Agropecuaria ânipis munah. Nº 05 - OCTUBRE 2009 eriales técnicos en las artamentales del INTA aria Delegación Departamental de Tecnología Agropecuaria Chontales aria Delegación Departamental de Tecnología Agropecuaria aria lí 2 uaria aragua. Amput dî dahwi, dî sahwi yaknin tunan muihni wark yamnin yaka Angkaupak yulni balna yakna: Tecnologías INTA Wayani balna: INTA De Profamila 1 c. al Oeste Juigalpa,Chontales Teléfono: 2512-2149 • 2512-1935 • 2512-0754 RAAN Adika waunitaya adika © INTA dini palni ki Delegación Municipal de Tecnología Agropecuaria Waspán Teléfono: 8832-2999 Delegación Municipal de Tecnología Agropecuaria Siuna Frente al Movimiento Paula Mendoza Vega, Bo. Sol de Libertad Teléfono:2794-2245 • 8412-0829 Rawaswi yakna aswa Delegación Departamental de Tecnología Agropecuaria RAAS Delegación Municipal de Tecnología Agropecuaria Bluefields Planta baja de INPESCA,contiguo al Muelle del Yate Delegación Municipal de Tecnología Agropecuaria La Cruz de Río Grande Edificio INTA Teléfono: 8403-0351 w.inta.gob.ni Wauhnitaya adika 500 yakna Edición No. 5 • Agosto de 2010 • Tiraje: 500 ejemplares 1 Managua - Nicaragua - 2010 Amput dî dahwi, dî sahwi yaknin tunan muihni wark yamnin yaka YUL TUNAN BALNA 2 Dî sahnin, dî dahnin tunan duyang balna nining kâwi 3 Dî dahnin, dî sahnin tunan duyang tannika 4 Dî dahnin, dî sahnin warkni tunan dûyang amput atnin kidi 5 Dî dahnin, dî sahnin yaknin warkni tunan dûyang yamnin balna 6 Dî dahnin, dî dahnin yaknin warkni balna yulni sumalna warkni yamnin 9 Amput sumalnin warkni yamnin kidi 11 Dî dahnin, dî sahnin tunan duyang wark yamwa balna minit talnin kidi 15 Isning pakna as as 22 Dî dahnin, dî sahnin tunan duyang warkni yamnin dûwa balna 23 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA Parastanauh yulwi talyang balna, yang ayangki laih Silma López, yang pâki yak panpas yak di dahnin awaskat di sahnin warkni tuna duyang yang. Ampat manh! yang laih ayangki Omar Guerrero dawak yang bik pâki yak panpas yak di dahnin awaskat di sahnin warkni tuna duyang yang. mayang waradika awarni kaupak yulbaudi taldarang ki nining yamdi mahaiwa kapat panpas yak dî dahnin, sahnin warkni minit talwi kaiwa kaput. Amput dî dahwi, dî sahwi yaknin tunan muihni wark yamnin yaka 3 Dî dahnin, dî sahnin tunan duyang tannika Silma, sumalwi minit talnin kidi sumalna as ki, kidi munah yamwi lan kalahwi dawak yamyang balna kidi laih mayang tecnico mai niking lauwa munah. 4 Muihbarak Omar kasak ramhma dûtaman mâ pâki yak sumalwi minit talwa kidi pâ muihni balna di dahwi, di sahwi yaknin lainni yak baisa yamni atnin dawak bik ais yamnin balna sip kidi bik yamnin kaput laih lalah lainni yak bik baisa yamni atnin yulni nining launa yamdi. Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA Dî dahnin, dî sahnin tunan duyang as amput atnin kidi Tunan duyang yayal dawi tunan duyang ahal mayang kuduh dî dahyang ahal dawi yayal balna yak yamak yak amput dî yamnin balna kidi amangladi niningna launin ki. Pamili uk balna yak nining kanin sip dawak bik kulnin wilin atnin ki, mâ pâki kidi barakna yamnin yulni. Muihbarak Omar, kaput bik tunan muihni yal awaskat al atnin mayang, barakna lani yamnin sip muihni atnin, wauhtaya rawaswi dawak yulwi bik talwi lan atnin, rispik muihni atnin, pasyak kawi wark yamyang atnin, muih ûk balna yak sumalnin sip atnin, nining lauyang atnin, silp sauni dûwa atnin dawak bik silp dî yamnin sâtni balna amang lada kidi dûwi yus yamnin. Amput dî dahwi, dî sahwi yaknin tunan muihni wark yamnin yaka 5 Dî dahnin, dî sahnin tunan dûyang yamnin balna Dî dahnin, dî sahnin tunan duyang as kidi yamnin dûwi dî dahyang ahal, yayal balna yamak yak amput dî ânin balna yus yamnin kidi nininglaunin yak. 6 Silma, nu mawangh mayang mâ warkki palni ki mâ itanghki sau kidi apakdi tanit dakdi nining launin kidi. Mayang mâ warkki tuna bahdi mâ pâki bin yak dî dahyang balna yaninamak balna sangnika laihwi talna as yamdi ais dîni balna duda kidi ulwi yaknin, kaput laih amang ladarang ais nitni dûwa kidi dawak ais yamnin kidi. Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA Aslah kal uduhna bitik karak kalpakdi adika sangnika laihwi talna yamna yak ais yamnin nitni kulda balna kidi yamdi, Amput sumalnin warkni dawak amput dî yus yamnin kulwa kidi bik. Sumalna sâtni balna amang lanamayang kal uduhna muihni ûk balna yak sumalnin sumalna tunan ni, kaluduhna as, dî dahyang dawak amput tâ walnin tannika. Amput dî dahwi, dî sahwi yaknin tunan muihni wark yamnin yaka 7 Kaput bik kuldi…. m Mâ yakimak balna kidi nining kadi amput yamni dî dahnin warkni as yamni kalahwa kidi, dî yamna balna niningh balna yus yamdi. m Dî minik balna apaknin pâni yamnin kulnin dunin dawak pâ pasyak dî minik yakwi apakyang atnin. m Kaput laih mâ wahaiki balna dî dahwi yakyang balna trabil dudûwarang taimni nining launin isi karang. m Yamak balna yak dî dahdak kalahwa balna, lalah lainni dawak mâ muihki lainni yak barakwi kiwa yak kulna kalanin. m Dî dahnin balna yak dî sat yus yamda balna kidi yamni lani kat yamwi nining launin. Wahai, adika laih dî mahni ki, wark parasni malahwinin. A’ah, kat mâ itanghki sau dawak muih balna bik trabil kau ki, kidi bangh wark tanit daknin mayang. 8 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA Dî sahnin, dî dahnin warkni balna yulni sumalna warkni yamnin Muihbarak Omar ising pacta, adika sangnika laihwi talna yamdarang yak yamak, Ampat kidi, pâni, ampus yayakwa kidi, angku yayakwa kidi, dî bangh kidi dawak dî ûk ûk baisa. Silma sangnika walwi talna adika yamdarang usnit yak, wark amang layang (técnico) kidi warkni adika laihwi talwi mâ niking lauwarang, kidi usnit yak amput sumalnin warkni yamnin kidi yamdarang muih balna amanglanin want kidi, kidi kaupak parasni kalanin yulni kal uduhna yak nining kadarang. Dî dahwi yakwa warkni sangnika laihwi talna wauhnitaya yak talah….. Amput dî dahwi, dî sahwi yaknin tunan muihni wark yamnin yaka 9 DÎ DAHWI YAKWA WARKNI SANGNIKA LAIHWI TALNA Dî dahna: Minik yakwa taimni: Pâni: Dî dahwi yakwa muihni ayangni: Sangnika walwi talna yamna yak Mâni: Trabil balna walwi yakna balna Siknis sâtni balna Was buhlakwa sâtni balna (ais wainiku balna yak?) Sau apakwa lâni Sâtni balna (yus yamwa balna) Ûk ûk DÎ SAHWA BALNA SANGNIKA WALWI TALNIN WAUHNITAYA Pâni: Dî sahyang ayangni: Mâni: Siknis sâtni baisa kalahwa balna anawi yakna Trabil balna walwi yakna balna Turuh sâtni : Âras sâtni: Sahyakna ûk binina : Dî lawan dûyang balna : Kuts : Kusih: Ûk ûk : 10 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA Amput sumalnin warkni yamnin kidi Adik sumalnin warkni yamnin kidi tuna bahwi muih balna yak sumalnin amput mâ sauki pâni bin duda kidi yaksihni dî dahwi yaknin yulni, amput yamnin, angkat wark yamnin pâni dawak ais sâtni kal uduhna yamnin kidika. Amput wark yamnin mai sumalna mani kidi kaupak uba nai atnin awaski dî dahwi yakyang ahal dawi yayal balna yak sumaldarang kidi. Ais yulni? kat dî lan kalda balna kidi laihdi yamdas kat mâ dikit kahwi. Mâ dikit kahnin awaski dî dahyang balna yak sumalnin warkni yamna balna parasni kalana kidi kau, ais warkni yamnin balna kidi yamdarang ki. Amput dî dahwi, dî sahwi yaknin tunan muihni wark yamnin yaka 11 Kal uduhna balna aslah kalalahwa kidika. Sumalnin warkni yamnin kidika tuna bahdarang kal uduhna balna aslah kalalahwa munah. Silma damat kahnin awaski mai yuyulna kidi baisa sandi as tanit yak muih balna yak isning paknin wauhtaya ulna kau awaskat înina bani yak kiwi diyulnin. Yamni nu atnin ki ais yulni kat kal uduhna balna aslah kalalahwa kidi aslah yamda kidi kaput laih wark yamnin yulda balna kidi ramh kat laihdi yamnin yulni. Baisa tuna bahwas kau ais dîni satni nitni balna kidi bitik kau dunin INTA tanituna karak yulbauwi talwi baisa muih kal uduning yuldas tanit yak. Ahhhhhh... Dawak mâ dikit kahnin awaski muih balna ayangnina ânin kidika baisa kal uduhna wark yamdas tanit yak, kaput laih amangla darang wais balna kal uduhna pasyak bang dai kidi. 12 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA SUMALNA YAMNA YAK KAL MUIH UINA BALNA AYANGNINA Kal uduhna kidi ayangni: Pâ yak tunan dûyang al (yal): Tecnico ayangni (a): Sauni sah yakna: No Pâni: AYANGNI DAWI AYANGNI SUTNI Mâni : CEDULA NUMNIBA AL YAL RAWASNA 1 2 3 4 5 6 7 8 9 10 11 12 13 14 15 16 17 18 Pâ yak warkni yamwi ninig lauwa kidi rawasna Tuna dûwa muihni rawasna Amput dî dahwi, dî sahwi yaknin tunan muihni wark yamnin yaka 13 Kal uduhna balna aslah kalalahwa kidika aslah kalahnin kat yamnin ki: Kal uduhnin pâni as yaksihni kat wal yaknin, wark yamin mâni, dawi aslah kalahnin awarni bik. Kal uduhna pâni yak baisa tanit yak kiunin kaput laih kalawak wark yamnin dini balna kidi bitik bang atnin dawak barangni atnin. Ais awarni kat wark yamnin yulna kidi kat kalawak yamnin ki, dawak ais palni yulni kal uduhwa kidi ning kanin. Kal uduhna balna kidika binina kat tuyulni awaih yalahnin niningh kal ududuhwa kapat. Kal uduhna warkni yamna kidka laih talninki ais yamnin yulni kal uduhwa kidi karak. Kalawak wark yamni barakwa muihni balna kidi, pâ yak warkni yamwi nining lauwa balna yak Ning lauwarang kal uduhana balna yayamwa balna yak, mampat nitni talwa kat. 14 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA Dî dahnin, dî sahnin tunan duyang wark yamwa balna minit talnin kidi Dî dahyang muihni balna kal uduhna balna yak yul du kiunin kat, adika sâtni dini balna yamnin ki: 1. Wark yamwa pâni balna yak kivi talnin Pâ yak warkni yamwi ninig lauwa tuna duwa muihni kidi wark yayamwa pâni balna yak watwi talwarang kidi munah kakani balna dûwa kat barangnwi ninig launin muih balna yak angdik muihni balna laihwi barangnin sip balna yak, sip yamnin dîni awaskat tuna dûwa muihni kidi ninig launa karangki kalatninki. Amput yamdaranhg pâ balna yak watwi talnin warkni yamnin kidika? Watwi talnin warkni yamnin kat dî dahwi yakyang balna karak kal pakwi yamnin dawak bik parasni kalawarang. wark yamwa pâni balna yak kiwi talwarang kat yamni karang pa yak wark yamwi Ning lauwa muihni tuna dûwa kidi ka bik kiwi talwarang, dawak kal uduhna ûk balna kaupak bik kiu talnin kat kaput munah baisa pa yak wark yayamwa balna kidika parasni kalanin. Isman ai awah dî dahwi yakwa muihni balna ayangnina kidi anin, pâ yak wark yayamwa balna karak wark yamwa balna kidika yulni. Dî dahyang balna ayangnina balna ana pa talnin awaskat pa yak wark yayamwa balna kayak wark yamwa balna kidika wauhnitaya uk yak… Amput dî dahwi, dî sahwi yaknin tunan muihni wark yamnin yaka 15 16 Amput dî dahwi, dî sahwi yaknin tunan muihni wark yamnin yaka 15 14 13 12 11 10 9 8 7 6 5 4 3 2 1 No Mâni: KÛL AIS KAT KANA KIDI Pâni: AL YAL Tuna dûwa muihni rawasna CEDULA NUMNIBA Tecnico ayangni (a): Sauni sahyakna: Pâ yak warkni yamwi ninig lauwa kidi rawasna AYANGNI DAWI AYANGNI SUTNI Sauni sah yakna: Pâ yak tunan dûyang al (yal): KAL UDUHNA YAK ASLAH KALALAHNA BALNA AYANGNINA ANA. RAWASNA INTA INSTITUTO NICARAGÜENSE DE TECNOLOGÍA AGROPECUARIA Wark pâni balna yak lakwi talna balna kidika pâ balna yak isning pakwi diyulninki wadak bik ma uk wark yamnin yulni wauhtaya yamwarang kat pasyak aninki. Mayang wark yayamwa pâni balna yak mawa kat amang lanin ki, tuna kidi muih yak parasnin, usnit yak dî dahwi yakwa muihni karak yul baunin, ais warkni yamnin yulna balna kidi yamna pa laihwi talnin. Usnit yak laih talninki warkni pani kidi dawi ais patni duwa balna kidika, witni yak ulta datah laih palni yul parahni kau ais dini balna satni yamnin watwi talna wauhniya yak, kaput laih di dahyang kidi yamni amanglana atnin yulni kat, damak kahnin awaski ais sat (masing- tuls) balna kau duwi wark yamwa balna duwa kidika. Pâ yak warkni yamwi ninig lauwa balna kidi ais sip yakat yamwi uininki yulna mani kidi kat yamnin yulni. Pâ yak warkni yamwi ninig lauwa balna watwi talna wauhnitaya kidi talnin dawak ais misin ni balna yus yamwa kidi wauhnitaya basni uk yak anin. .. Amput dî dahwi, dî sahwi yaknin tunan muihni wark yamnin yaka 17 18 Amput dî dahwi, dî sahwi yaknin tunan muihni wark yamnin yaka Pâ yak wark yamwa nining lauwa kidi ayangni dawi rawasna Watwi talna mâni: Isning pakna balna: Trabil balna walwi yakna balna Sauni sah yakna: Dî dahwi yakwa muihni ayangni: Dî dahwi yakyang kidi ayangni dawi rawasna di dahyang kidi Dî dahnin, dî sahnin tunan duyang wark yamna balna Pâni: Di dahwi yakyang balna minit talwa kidi ayangni dawi rawasna Isning pakna as as Mâni: PA YAK WARKNI YAMWI NINIG LAUWA BALNA WATWI TALNA WAUHNITAYA INTA INSTITUTO NICARAGÜENSE DE TECNOLOGÍA AGROPECUARIA AIS TULS NI SATNI DUWA KIDI BALNA AYANGNI Dîni sât Sahyakna yulni nuh Pisni/Pâni Dî dahwi yakyang numniba yamwa kidi Isning pakna balna Amput dî dahwi, dî sahwi yaknin tunan muihni wark yamnin yaka 19 2. Kal uduhna balna aslah kalalahwa kidika Kal uduhna balna aslah kalalahwa adika satni balna yak yayamwi: a) Súmanla satín balna yak. Sipki dî dahyang balna 10 awaskat 15 kidi kal uduhna pasyak kaninna, dî wisamni balna sumalwarang kidika amang lanin yulni kat dawak bik amput da wark yamnin dîni wisam balna kidi yus yamnin yulni kat awaskat pasyak kawi talwi kiwi amang lanin kat. b) Yul bauwi talnin yulni kal uduhna balna. Muih bu awaskat minit kau balna kal uduhwi amput wark yamnin yulni kat yulwi talnin yulni dî dahyang balna kidi ais sâtni patni balna pânina yak dudûwa kidi walwi talwi dawi amput da barangnin yulni kat awaskat biri biri wark yamda balna kidi lakdi tanin ma yalahna balna kayak libitdi talna munah. 20 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA c) Biriri warknina yamwa kidika lakwi tanin yulni watwi talna Kulnin lani kidika laih ma pakiyak pâ yak warkni yamwi nining lauwa kidi dî dahyang balna wark yayamna munah lakwi libitwi talnin pa uk balna karak ampat wark yamwi kiwa balna, kaput laih wark yamnin dîni wisamwi kiwa kidiika balna yamni amanglanin wark yamwa pani balna yak uiwi wark yamnin yulni kat. d) Yamwi Nining kâwa balna Dî dahyang balna kidika 10 awaskat 15 kal uduhnin ki wark yamnin satín wisamni balna lan kalnin yulni kat “Yamwi lan kalnin ” (talwi dawi laihwi yamnin ). Yul darankat Talnin, dakanin, dawi laihwi yamnin amput dawak dahwi yak muihni balna kidika warknina kidika kalawak baraknin yulni kat. e) Pan Pas yak lam kalnin pani balna Adika súmalwi ninigkana adik pasyak kaki lan kalna aski dawak sumalwi amput salaini duwa atnin yulnikat, kidi yak dî dahwi yakna kidika dûwi nining kawi amput yamwi dawak amang lanin sumalwi – yamwi lan kalwi ninigkana isi as kayak. Amput dî dahwi, dî sahwi yaknin tunan muihni wark yamnin yaka 21 ISNING PAKNA AS AS Adika kal uduhna yamnin kat kul talnin adika kulnin lani balna: • Wauhtaya unnuhni kidika dawi wauhtaya bis dakna balna yakat ulna atnin wayani unhni kau dawak yul parahni kau, di waia yamnin nit karangkat. • Dî dahyang balna ki suhwa kat, apis laih watwi dawak kal uduhna yak yakisdana sat yamwi talini. • Nit palniki yul bauda balna kidika laih palni atnin, yulni parahni kau, kalawak muih balna bitik kau yul babauna atnin dawak muih yul bauwa balna kidi risnipik kalanin. • Mâ ising aidanh INTA yak wark yamwa balna karak wark yamwa yulni balna kidika dunin dawi ma warkki kidika baisa parasni kalanin. • Dî dahwi yakwa pani kidika Ning kana pani baisa di unhni kulna ti ninig kawi lan kalnin di dahyang balna kal uduhna balna; kaunah ninig lauwa kat dawak bin pa yak warkni yamwi ninig lauwa kidi bik yamin kulwa kat. • Pa yak warkni yamwi ninig lauwa balna wark yamwa balna yak sik karan pa as walwi yakna atnin pan mak balna duwa atnin, Dahwi yakwa pani(PDT), wark yamwa dini balna duwa kat (UDT) dawak ma as as laihwi talwa pani as atnin dawakat parasni kalawa kat. 22 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA Dî dahnin, dî sahnin tunan dûyang wark yamnin dûwa balna Kurih las kat ma aslah kalahna yak aslah uduhna karang wauhtaya kau ulwi isningnpakwi, kidi kal uduhna yak ais balna yamwi kiuna balna kidika laihwi talna karang ramh laihwi yamna lakwi talnin yulni ma paki balna yak. Sumalwi ninigkana munah ais yamwi kiuna kidika, aslah kalahna, dahwi yakna dawak salaini dunin; ma paiki bin yak laihwi yamna atninki dawak bik wat Tanityak warkni yamnin balna yak ilph kalana karang watwi wark yamwarang yak. Amput dî dahwi, dî sahwi yaknin tunan muihni wark yamnin yaka 23 Adika sumalnin wauhnita adika ninig launa nuhni karang kuldi. Mâ yuldi man bik pasyak awanan yulni dawak kaput laih mâ pâki barakna lâni kidika yamnin. Matakit yak mawangh wahai dawak amis balna mâ sauki unhni adik kalawak barakning yulni wark yamdananhg, ma sauki dawak muih balna sangninaka yaksihni dunin yulni kat. Kaput palni ki ! INTA warkni balna sumalwi ma nikinkana kidika pâ muihni balna karak kalpakwi yulwi amang lanin ki. 24 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA MÂ YAIHKIT KAU DÎ BALNA KIDI APAKNIN YAMNIN KI DAWAK BIK PANABAS WASNI BALNA KIDI BIK LÂ KAT YUS YAMNIN Panabas kidika adar dis yus yamdaski (wat laihwi talna) Resolución Ministerial 019-2008 NOMBRES GENÉRICOS NOMBRES COMERCIALES INTERVALOS DE SEGURIDAD (DÍAS) Aldicarb Temik 15 gr 90 Carbofuran Furadan 5 gr, Furadan 10 gr, Rimafuran10 gr, Cufuran 5 gr, Cofuran 35 SL 60 Rimpirifos 5 gr Clorpirifos Rimpirifos 48 EC, Clorpirifos 48 EC, Lorsnext 48 EC, Lorsban 48 EC, Clorfos, Agromil Endosulfan Thiodan, Thionex 35 EC, Endosulfan 35 EC, Barredor 35 WP Mocap 10 gr Etoprofos 7 - 21 1-7 60 Mocap 15 gr Fosfuro de Aluminio Synfume 56 FT, Detia Gas Ext-t, Celphos 56 FT, Detia Plates 56 FT, Fumitox 56 FT, Gastion 57 FT Monocrotofos Azodrin 60 SL, Monocron 60 SL, Monocrotofos 60 SL, Nuvacron 60 SL 7 - 30 Metomil Nudrin 90 SP, Lannate 90 SP, Methonex 90 SP, Kuik 90 SP, Metomil 90 SP 3 - 14 Terbufos Agrofos 12 gr, Counter 10 gr, Foratex 10 gr, Terbugran 10 gr, Agroment Terbufos, Disefos 60 Paraquat Rimaxone, Radex – D, Casaquat, Boa, Herbaxone, Gramoxone, Angloxone, Pilarxone, Bioquat, Preglone ---- 5 ¿Cómo calcular la dósis letal 50 (DL50) de un producto formulado? La fórmula es la siguiente: DL50 producto formulado = DL50 producto técnico mg/kg x 100% % del ingrediente activo en el producto formulado Ejemplo: calcular la DL50 del producto formulado Clorpirifos 48% (EC). El resultado es: DL50 = 135 mg/kg x 100% = 13,500 48% 48 DL50 = 281 mg/kg. Moderadamente peligroso INTA YULWASKI ADIKA DINI BALNA YUS YAMNIN. CENTROAMERICA DAWI PANAMA SAUNI PASYAK ASLAH KALANNIN KI SAU DAUKALYANG BALNA NINING KAUH. Amput dî dahwi, dî sahwi yaknin tunan muihni wark yamnin yaka 25 MÂ YAIHKIT KAU DÎ BALNA KIDI APAKNIN YAMNIN KI DAWAK BIK PANABAS WASNI BALNA KIDI BIK LÂ KAT YUS YAMNIN PANABAS WASNI BALNA 19 DUTNI KULNA KI ADIKA ULWI YAKNA NUMBA. 23-2001 ResoluciÓn ministerial 019-2008 NOMBRES GENÉRICOS NOMBRES COMERCIALES 2,4,5 –T Acido Triclorofenoxiacético Aldrin Aldrin, Aldrex, Aldrite Clordano Clordano, Octachlor Clordimeform Clordimeform DDT Diclorodifeniltricloetano, DDT Dibromocloropropano Dibromocloropropano, DBCP, Nemagon, Fumazone Dieldrin Dieldrin, Octalox Dinoseb y sales Dinoseb, Premerge, Aretit, Fuosit Dodecacloro Declorano,Percloropentaciclodecano, Mirex Endrin Endrin Etilen-bromuro Dibromuro de Etileno, Etilen Bromuro, EDB Etil Paration Paration Etílico Hexaclorobenceno Hexaclorobenceno, HCB Heptacloro Heptacloro Lindano Hexaclorociclohexano, BHC, Lindano, Gamma-Col, Lintox Pentaclorofenol Pentaclorofenol Metil Paration Folidol 45 CS, Penncap-M, Metil Paration 48 EC, Metil Paration 80 EC Metamidofos Tamaron 60 SL, Turbo 60 SL, MTD 60 SL, Monitor 60 SL Toxafeno Toxafeno ARMONIZACIÓN DE BANDAS TOXICOLÓGICAS A NIVEL DE CENTROAMERICA Y PANAMÁ 26 Amput dî dahwi, dî sahwi yaknin tunan muihni wark yamnin yaka INTA INSTITUTO NICARAGÜENSE DE TECNOLOGÍA AGROPECUARIA ¡Panpas yak dî dahwi, dî sahwi yakwa tunan duyang ahal dawi yayal ! Adika ninigkana wauhnitaya akat amput wark yamnin kidi yulni yulwi kidi kau sipman pa muihni balna karak yulta amang lanam. ¡ INTA warkni yamwa yak yultah wâtwi matalwanhg kal tih ! Amput dî dahwi, dî sahwi yaknin tunan muihni wark yamnin yaka 27 INTA INSTITUTO NICARAGÜENSE DE TECNOLOGÍA AGROPECUARIA INTA warkni yamwi niningkana Amput dî dahwi, dî sahwi yaknin tunan muihni wark yamnin yaka 28 Adquiera sus materiales técnicos en las delegaciones departamentales del INTA Delegación Departamental de Tecnología Agropecuaria Masaya Contiguo a la cancha, Masatepe, Masaya • 2523-2577 Delegación Departamental de Tecnología Agropecuaria Chontales De Profamila 1 c. al Oeste Juigalpa,Chontales • 2512-0754 Teléfono: 2512-2149 • Delegación Departamental de Tecnología Agropecuaria Chinandega Del empalme de Posoltega 2 km hacia Posoltega, Chinandega Teléfono: 2311-5446 • 2311-5446 Delegación Departamental de Tecnología Agropecuaria Delegación Departamental de Tecnología Agropecuaria Estelí Delegación Municipal de Tecnología Agropecuaria Siuna RAAN Delegación Municipal de Tecnología Agropecuaria Waspán Teléfono: 8832-2999 Frente al Movimiento Paula Mendoza Vega, Bo. Sol de Libertad Teléfono: 2713-2047 • 2713 - 6003 • Fax: 2713-6002 Teléfono:2794-2245 • 8412-0829 Delegación de Departamental de Tecnología Agropecuaria Matagalpa Del Citibank 2 C. al Este Delegación Departamental de Tecnología Agropecuaria RAAS Delegación Municipal de Tecnología Agropecuaria Teléfono: 2772-6575 • Fax: 2772-2255 INTA CENTRAL Planta baja de INPESCA,contiguo al Muelle del Yate Delegación Municipal de Tecnología Agropecuaria La Cruz de Río Grande Contiguo a la Estación 5 Policía Nacional Managua Nicaragua. Apartado Postal A-1247 Teléfono: 2278-0471 • 2278-0373 www.inta.gob.ni Teléfono: 8403-0351
Similar documents
03-MAYAGNA MATUMBACK.indd
wargni balna duwi yus munwi kiunin kidi yulni , didahyang balna , amanklana atnin amput asangpas as kau wargnibalna amanglanin kauput laih baisa tingta balna wisasam
karak amanglanin dawi asangpas ...
Warkni tunan bahna balna kidika Dawakat sangnika satuk
Talna atnin karang ki sau kidika yamni palni yah awas kat durni
yah pan dahtas man Tania yak walta talah sau kidika satni balna
kau talah Bakau dahnin pani balna kidika, yakat laih takat sipki
dahn...
![[89085] Supplemento n. 1 al Bollettino n. 12 del 08/03/1977](http://s1.doczz.net/store/data/000809720_1-a43e41088809042bac5e840015fc2e12-70x70.png "[89085] Supplemento n. 1 al Bollettino n. 12 del 08/03/1977")
